Book List

<h2 style="text-align: center;">Chapter 5439</h2> <h2 style="text-align: center;">*</h2> <p> </p> <p> </p> <p>ကောင်းကင်ကြီးသည် မှိုင်းညို့နေပြီး သွေးမြူခိုးများက လေထုထဲတွင် ပြည့်နှက်နေသည်။</p> <p> </p> <p>လူနှစ်သိန်းသည် မျက်တောင်တစ်ခတ်အတွင်း သေဆုံးသွားကြသည်။ သူတို့သည် ဤနေရာတွင် မည်သည့်အချိန်ကမျှ ရှိမနေခဲ့ဖူးသည့်အလားပင်။ လေထုထဲတွင် ကျန်ရစ်နေသော သွေးညှီနံ့ကသာ သူတို့တည်ခဲ့ရှိမှု၏ တစ်ခုတည်းသောသဲလွန်စ ဖြစ်ပေမည်။</p> <p> </p> <p>နတ်ဘုရားကျောင်းအတွင်း၌ အသက်ရှင်ကျန်ရစ်သူများသည် ဤမြင်ကွင်းကြောင့် အလွန်အမင်း အံ့အားသင့်သွားကြ၏။ သူတို့ တစ်ဦးစီတိုင်းသည် အိပ်မက်မက်နေသကဲ့သို့ ခံစားနေရကာ မိုးကောင်းကင်အောက်ရှိ ထိုပြိုင်ဘက်ကင်းသော ပုံရိပ်ကို တွေဝေမိန်းမောစွာ စူးစိုက်၍ ကြည့်နေကြသည်။</p> <p> </p> <p>လုယွီသည် အလွန်အမင်း အစွမ်းထက်လှ၏။ သူ ထွက်ပေါ်လာချိန်မှစ၍ သူ၏လွှမ်းမိုးချုပ်ကိုင်နိုင်သော တိုက်ခိုက်မှုများကြောင့် သူသွားလေရာတိုင်းတွင် တားဆီး၍ မရနိုင်သလောက်နီးပါးပင်။</p> <p> </p> <p>ယန်မိသားစု၏ တိုက်ခိုက်ရေးတပ်မကြီးသည် ဤတစ်ကြိမ်တွင် လက်ရွေးစင်များဖြင့်  ဖွဲ့စည်းထားသော်လည်း လုယွီ၏ရှေ့တွင် မည်သူတစ်ဦးတစ်ယောက်မျှ ချောမွေ့စွာ မလွတ်မြောက်နိုင်ခဲ့ချေ။</p> <p> </p> <p>"သူက တကယ်ပဲ မြေအောက်လောက နတ်ဘုရား ဖြစ်နိုင်မလား....."</p> <p> </p> <p>လူအများသည် သူတို့၏စိတ်များအတွင်းတွင် အံ့အားသင့်သွားကြသော်လည်း မည်သူကမျှ မမေးဝံ့ကြပေ။</p> <p> </p> <p>"ဖူး... ဖူး... ဖူး..."</p> <p> </p> <p>သွေးအန်သော အသံများ ဆက်တိုက်ထွက်ပေါ်လာသည်။ ဖန်းယင်း၏မျက်နှာ ဖြူရော်နေပြီး သူမသည် မြေပြင်ပေါ်တွင် ဒူးထောက်ရက်သား လဲကျသွားပေ၏။</p> <p> </p> <p>သူမသည် ရိုးတွင်းခြင်ဆီအထိလှိုက်အောင် အဆိပ်သင့်နေလေပြီ။ သူမသည် မူလက သွေးအဆိပ်ဘုရင်၏ထိန်းချုပ်မှုအောက်တွင် ရှိသော်လည်း ယခုချိန်၌ သွေးအဆိပ်ဘုရင် သေဆုံးသွားသဖြင့် အဆိပ်ကို ဆက်လက်ဖိနှိပ်ထား၍ မရနိုင်တော့ချေ။</p> <p> </p> <p>ဤသည်မှာ သွေးအဆိပ်ဘုရင်၏ ရက်စက်ကြမ်းကြုတ်မှုပင်။ သူ၏သွေးကျွန်များကို ထိန်းချုပ်ရန်အတွက် သူသည် သူတို့၏ ခန္ဓာကိုယ်များပေါ်တွင် ကျိန်စာနည်းစနစ်တစ်ခုကို အသုံးပြုခဲ့သည်။ အကယ်၍သွေးအဆိပ် ဘုရင်သာ မတော်တဆ သေဆုံးသွားပါက ထိုသွေးကျွန်များအနက်မှ မည်သူမျှ လွတ်မြောက်နိုင်မည် မဟုတ်ချေ။</p> <p> </p> <p>သခင် သေဆုံးချိန်၌ အစေခံများလည်း သေကြေပျက်စီးရပေမည်။ ထိုအစေခံများသည် သွေးအဆိပ်ဘုရင်၏ သတ်ဖြတ်ခြင်းကို မခံရစေရန်အတွက် သူတို့၏ အမြင့်မားဆုံး သစ္စာရှိမှုကို မကြာခဏ ကျိန်ဆိုရလေ့ရှိသည်။</p> <p> </p> <p>"အရှင်... ဒီလက်အောက်ငယ်သားရဲ့ အရည်အချင်း မရှိမှုကို ခွင့်လွှတ်ပါ... တာဝန်ကို အောင်မြင်အောင် မထမ်းဆောင်နိုင်ခဲ့ဘူး... ပြီးတော့ ဒီလက်အောက်ငယ်သားနောက်ကို လိုက်လာတဲ့ ထောင်စုမှူးနှစ်ယောက်ကလည်း ကံမကောင်းစွာနဲ့ သေဆုံးသွားခဲ့ပြီ... အခုဆိုရင် ကောင်းကင်ကွန်ယက်ရဲ့ ကယ်ဆယ်ရေးအဖွဲ့မှာ လူနှစ်ယောက်ပဲ ကျန်တော့တယ်....."</p> <p> </p> <p>ဖန်းယင်း၏အသံသည် အလွန်အက်ရှရှဖြစ်နေပေ၏။ သူမ၏စိတ်သည် အနည်းငယ် လွင့်မျောနေပြီး လုယွီ ရာဇပလ္လင်ပေါ်သို့ တက်ကာ ဧကရာဇ်ဖြစ်လာခြင်းကိုပင် သူမ ကြာမြင့်စွာကတည်းက မေ့လျော့နေခဲ့သည်။ သူမသည် လုယွီကို အတိတ်က အရှေ့အောင်နိုင်ခြင်းကြယ်မြစ်၏ အုပ်ချုပ်သူအရှင်အဖြစ်သာ ဆက်ဆံနေဆဲပင်။</p> <p> </p> <p>"မင်း သေမှာမဟုတ်ဘူး....."</p> <p> </p> <p>လုယွီက သူ၏လက်ကိုမြှောက်ပြီး ရွေ့လျားလိုက်ရာ ရွှေရောင်အလင်းတန်းတစ်ခု ကျဆင်းလာပြီး ဖန်းယင်းအပေါ်သို့ ဖြာကျသွားသည်။</p> <p> </p> <p>ဖန်းရင်း၏ခန္ဓာကိုယ်အရေပြားမှ သွေးမြူခိုးအမျှင်တန်းများ ထွက်ပေါ်လာသော်လည်း သူမ၏ရောဂါလက္ခဏာများသည် အားနည်းသွားမည့် အရိပ်အယောင် မပြဘဲ ထိုအစား ပို၍ပင် ပြင်းထန်လာခဲ့သည်။</p> <p> </p> <p>"အလကားပဲ... သွေးအဆိပ်ဘုရင်ရဲ့ အဆိပ်သင့်ခံရပြီးမှတော့ ဒီလောကမှာ ဘယ်သူကမှ သူ့ကို ကယ်တင်နိုင်မှာ မဟုတ်ဘူး....."</p> <p> </p> <p>တစ်စုံတစ်ယောက် တည်ကြည်လေးနက်စွာ သက်ပြင်းချလိုက်၏။</p> <p> </p> <p>ထိုသွေးအဆိပ်ဘုရင်သည်အစွမ်းထက်သော အဆိပ်ဘုရင်တစ်ယောက် ဖြစ်နေသောကြောင့်ပင် နယ်မြေတစ်ခုကို လွှမ်းမိုးထားနိုင်ခဲ့ခြင်းပင်။ အကယ်၍ ထိုအဆိပ်ကို ဤမျှထိ လွယ်ကူစွာ ဖြေရှင်းနိုင်ပါက သူသည်  မည်သို့ နာမည်ကြီးလာနိုင်မည်နည်း။</p> <p> </p> <p>"ဒီလက်အောက်ငယ်သားမှာ ထောက်လှမ်းရေး အချက်အလက်တချို့ ရှိသေးတယ်... ဒါတွေအားလုံးကို သင်္ချိုင်းထဲ ယူသွားလို့ မရဘူး....."</p> <p> </p> <p>ဖန်းရင်းက ဖျော့တော့တော့လေသံဖြင့် ဆက်လက်၍ ပြောဆိုသည်။</p> <p> </p> <p>"မင်း သေမှာမဟုတ်ဘူးလို့ ငါပြောခဲ့တယ်လေ... ဒါကြောင့် မင်း မသေဘူး....."</p> <p> </p> <p>လုယွီ၏အသံသည် နတ်ဘုရားများထံမှ တီးတိုးစကားတစ်ခွန်းအလားပင်။</p> <p> </p> <p>သူ၏လက်တစ်ဖက်က ဖန်းယင်းဆီသို့ ဖြည်းညင်းစွာ ချဉ်းကပ်လာသည်။ သူ၏ လက်ဝါးအတွင်းတွင် ဥပဒေသစွမ်းအားတချို့က သူ၏ထိန်းချုပ်မှုအောက်တွင် ရှိနေသည့်အလား အလင်းတန်းများ တောက်ပနေသည်။</p> <p> </p> <p>ဥပဒေသများကို ထိန်းချုပ်ခြင်း...</p> <p> </p> <p>ဤသည်မှာ တာအိုသခင် တစ်ပါးသာ ကျွမ်းကျင်နိုင်သော နည်းလမ်းတစ်ခုပင်။</p> <p> </p> <p>သို့ရာတွင် လုယွီသည် ရွှမ်အင်မော်တယ်နယ်ပယ် နှောင်းပိုင်းအဆင့်တွင် ရှိနေသော်လည်း နှောင်းပိုင်းမျိုးဆက်များ၏ အတုအယောင်အင်မော်တယ်များသည် အစစ်အမှန်အင်မော်တယ်များနှင့် မည်သို့ နှိုင်းယှဉ်နိုင်မည်နည်း။</p> <p> </p> <p>သွေးမြူခိုးအမျှင်တန်း အမြောက်အများသည် ဖန်းယင်း၏ခန္ဓာကိုယ်ထဲမှ ချက်ချင်းထွက်လာပြီး မရေမတွက်နိုင်သော ကြိုးမျှင်များသည် လုယွီ၏လက်ထဲတွင် ထိန်းချုပ်ထားသော ပင့်ကူအိမ်တစ်ခုအလားပင်။</p> <p> </p> <p>ထိုသွေးမြူခိုးများထဲမှ ကူကောင်တစ်ကောင် ရုတ်တရက် ပျံသန်းထွက်လာပြီး အဝေးသို့ ထွက်ပြေးရန် ဟန်ပြင်လိုက်၏။ လုယွီက သူ၏ လက်ချောင်းများကို တောက်လိုက်ပြီး ကူကောင်ကို ချက်ချင်းခြေမွှဖျက်ဆီးလိုက်သည်။</p> <p> </p> <p>ကူကောင် ပျောက်ကွယ်သွားသည်နှင့်အမျှ ဖန်းယင်၏လည်ပင်းပေါ်ရှိ ထိတ်လန့်ဖွယ်ကောင်းသော အနက်ရောင်သွေးကြောများသည် တဖြည်းဖြည်း နောက်ဆုတ်သွားပြီး နောက်ဆုံးတွင် လုံးဝပျောက်ကွယ်သွားပေ၏။</p> <p> </p> <p>"သူက သွေးအဆိပ်ကို တကယ်ပဲ ဖယ်ရှားလိုက်တာလား....."</p> <p> </p> <p>လူများအားလုံးသည် ယုံကြည်နိုင်စရာ မရှိသော မြင်ကွင်းတစ်ခုကို မြင်လိုက်ရသည့်အလား အံ့အားသင့်သွားကြသည်။</p> <p> </p> <p>လက်ချောင်းများကို တစ်ချက်တောက်လိုက်ရုံဖြင့် သွေးအဆိပ်များကို ဖယ်ရှားခြင်း....</p> <p> </p> <p>ဤသည်မှာ နတ်ဆိုးများနှင့်နတ်ဘုရားများ၏ နည်းလမ်းတစ်ခုပင်။</p> <p> </p> <p>"အဆင့်မြင့်နတ်ဘုရားကို အရိုအသေပြုပါတယ်....."</p> <p> </p> <p>ဘုန်းတော်ကြီးအို၏မျက်လုံးများတွင် ရူးသွပ်စွဲလန်းမှုများ ထင်ဟပ်နေပြီး သူက ပထမဆုံး ဒူးထောက်အရိုအသေပြုလိုက်သည်။</p> <p> </p> <p>ထိုနေရာရှိ တခြားကျင့်ကြံသူများသည် ဤသည်ကို မြင်တွေ့ချိန်၌ သူတို့၏စိတ်နှလုံးများထဲတွင် အလွန်အမင်း ကြောက်ရွံ့မှုများဖြင့် ပြည့်နှက်နေပြီး တစ်ယောက်ပြီး တစ်ယောက် ဒူးထောက်လိုက်ကြ၏။</p> <p> </p> <p>မြေအောက်လောက နတ်ဘုရားသည် သေဆုံးသွားပြီ မဟုတ်လော...</p> <p> </p> <p>သို့သော် ယခုချိန်၌ သူတို့၏ရှေ့တွင် မြင်တွေ့နေရသော မြင်ကွင်းသည် နတ်ဘုရားများသာ ပြသနိုင်သော နည်းလမ်းတစ်ခု ဖြစ်သည်မှာ သိသာထင်ရှားသည်။</p> <p> </p> <p>ဤအချိန်တွင်ပင် သံမဏိချပ်ဝတ်ငရဲ၏ အဝေးတစ်နေရာ၌ လေပြင်းမုန်တိုင်းများ ရုတ်တရက် တိုက်ခတ်လာပြီး မိုးခြိမ်းသံများ မြည်ဟည်းလာသည်။</p> <p> </p> <p style="text-align: center;">***</p>


Save