Book List

<h2 style="text-align: center;">Chapter 5440</h2> <h2 style="text-align: center;">*</h2> <p> </p> <p>"သွေးအဆိပ် ဘုရင်ကို ဘယ်သူ သတ်တာလဲ... ထွက်လာပြီး မင်းရဲ့ သေဆုံးခြင်းကို ရင်ဆိုင်လိုက်စမ်း....."</p> <p> </p> <p>မှိုင်းညို့နေသော တိမ်တိုက်များကြားတွင် မိုးကြိုးပစ်ခတ်သကဲ့သို့ အော်ဟစ်သံကြီးက ကောင်းကင်နှင့်မြေပြင်တခွင်လုံး၌ ပဲ့တင်ထပ်သွားသည်။</p> <p> </p> <p>ယန်မိသားစု၏မဟာအကြီးအကဲ ရောက်ရှိလာလေပြီ။ ကြောက်စရာကောင်းသော မှော်စွမ်းအားများ ရောယှက်နေသည့် သူ၏အသံသည်  ပတ်ဝန်းကျင်ရှိလေဟာနယ်ကို ပြင်းထန်စွာ တုန်ခါသွားစေခဲ့ပေ၏။</p> <p> </p> <p>"အဲ့ဒါက ယန်မိသားစုရဲ့မဟာအကြီးအကဲတစ်ယောက်ဖြစ်တဲ့ တပ်မှူးပဲ... သူက ယန်ယွမ်ဘုရင် ရဲ့လက်အောက်မှာ နံပါတ်တစ် ကျွမ်းကျင်သူပဲ....."</p> <p> </p> <p>"သူ ရောက်နေပြီဆိုတော့ ခံတပ်ကာကွယ်ရေးတွေ ချိုးဖျက်ခံလိုက်ရပြီဆိုတဲ့ အဓိပ္ပာယ် မဟုတ်ဘူးလား....."</p> <p> </p> <p>လူများအားလုံး ထိတ်လန့်သွားကြပြီး သူတို့၏ တိုက်ခိုက်လိုစိတ်များ  ပျောက်ကွယ်သွားသည်မှာ အချိန်အတော်ကြာမြင့်နေလေပြီ။</p> <p> </p> <p>သွေးအဆိပ်ဘုရင်တစ်ပါးတည်းကပင် သူတို့ကို ကြောက်ရွံ့စေရန် လုံလောက်နေပြီဖြစ်ရာ သူ့ထက်ပို၍ အစွမ်းထက်သော ကျွမ်းကျင်သူတစ်ယောက်ဆိုလျှင် ထည့်ပြောနေရန်ပင် မလိုအပ်တော့ချေ။</p> <p> </p> <p>လုယွီက ရှေ့သို့ ပျံသန်းသွားပြီး အေးစက်တင်းမာစွာ ပြောဆိုသည်။</p> <p> </p> <p>"သူ့ကို ငါသတ်ခဲ့တာပဲ....."</p> <p> </p> <p>ကြောက်စရာကောင်းသော နတ်ဘုရားစွမ်းအားများသည် မိုးကောင်းကင်သို့ ပျံ့လွင့်သွားပေ၏။ မြေအောက်လောက နတ်ဘုရားကျောင်းသည် ပြင်းထန်စွာ မြည်ဟီးသွားပြီး ပေတစ်သောင်းမြင့်မားသော နတ်ဘုရားအလင်းတန်းများ ရောယှက်ကာ တောက်ပနေသည်။ လုယွီ၏ ခေါင်းနောက်တွင် ဧရာမအလင်းစက်ဝန်းကြီးတစ်ခု လှည့်ပတ်နေပြီး သူ့ကို သေမျိုးလောကသို့ ဆင်းသက်လာသော နတ်ဘုရားတစ်ပါးအလား ဖြစ်နေစေသည်။</p> <p> </p> <p>"နတ်ဘုရား တစ်ပါးလား... မဟုတ်ဘူး... မင်းက ငါတို့ငရဲနယ်မြေရဲ့  နတ်ဘုရား မဟုတ်ဘူး... မင်းက  ဘယ်သူလဲ....."</p> <p> </p> <p>မိုးခြိမ်းသံကဲ့သို့ ကျယ်လောင်စွာ မြည်ဟီးနေသော လူအိုကြီးတစ်ယောက်၏အသံ ထွက်ပေါ်လာသည်။</p> <p> </p> <p>ယှဉ်ပြိုင်၍မရနိုင်လောက်အောင် အစွမ်းထက်သော မှော်စွမ်းအားများသည် တစ်ဖက်လူ၏ မိုးကြိုးပစ်ခတ်သကဲ့သို့ အသံလှိုင်းကို ခံစားရပြီးနောက် ချက်ချင်းဆိုသလိုပင် ပျောက်ကွယ်သွားခဲ့သည်။</p> <p> </p> <p>ယန်တီမင်သည် အံ့အားသင့်သွားပေ၏။ သူ၏မှော်စွမ်းအားများသည် အပြန်အလှန် တိုက်ခိုက်မှု တစ်ကြိမ်တည်းဖြင့် တစ်ဖက်လူ၏ ဖျက်ဆီးခြင်းကို ခံလိုက်ရသည်။</p> <p> </p> <p>"မင်းက ဘယ်သူလဲ....."</p> <p> </p> <p>ယန်တီမင်က အော်ဟစ်လိုက်သည်။</p> <p> </p> <p>သူ အရေးနိမ့်သွားခြင်းက သူ့ကို နာကျင်စေသော်လည်း သူ့ကို ပို၍အံ့အားသင့်စေသည်မှာ လုယွီ ပြသခဲ့သော စွမ်းအားပင်။ ထိုကြောက်မက်ဖွယ်ကောင်းသော စွမ်းအားသည် ကောင်းကင်ကိုးထပ်အထက်ရှိ မရေမတွက်နိုင်သော နတ်ဘုရားများနှင့် ဗုဒ္ဓများထက် သာလွန်နေပြီး သူပင်လျှင် ပြန်လည်ခုခံတိုက်ခိုက်ရန် သတ္တိမရှိတော့ချေ။</p> <p> </p> <p>အစပထမတွင် အထင်သေးနေသော်လည်း ယန်တီမင်သည် ချက်ချင်းထိတ်လန့်သွားပေ၏။ သွေးအဆိပ်ဘုရင် သေဆုံးခြင်းမှာ မည်သို့မျှ မတော်တဆမှုတစ်ခု မဟုတ်နိုင်ချေ။ တစ်ဖက်လူသည် မယုံနိုင်လောက်အောင် အစွမ်းထက်သောစွမ်းအားကို ပိုင်ဆိုင်ထားသည်။</p> <p> </p> <p>ဤအချိန်အခိုက်အတန့်၌ ယန်တီမင်သည် ဆက်မနေရဲတော့ဘဲ ထွက်ပြေးရန်အတွက် နောက်သို့လှည့်လိုက်၏။</p> <p> </p> <p>သူသည် ချက်ချင်းထွက်ပြေးရန် ရည်ရွယ်ကာ အနက်ရောင်မြူခိုးများအဖြစ် ပြောင်းလဲသွားသော်လည်း လုယွီ၏အမြန်နှုန်းမှာ ပို၍မြန်ဆန်ပေသည်။ လက်သီးတစ်ချက်တည်းဖြင့် ယန်တီမင်၏ရုပ်ခန္ဓာကိုယ် ကြေမွှပျက်စီးသွားသည်။</p> <p> </p> <p>ပတ်ဝန်းကျင်မှ ကြည့်ရှုနေသူများအားလုံး သက်ပြင်းချလိုက်ကြသည်။ သူသည် လက်သီးတစ်ချက်တည်းဖြင့် အစွမ်းထက်သော ယန်မိသားစု မဟာအကြီးအကဲကို သတ်ဖြတ်လိုက်၏။</p> <p> </p> <p>သူ၏ရုပ်ခန္ဓာကိုယ် ကြေမွှပျက်စီးသွားပြီးနောက် ယန်တီမင်၏စိတ်ဝိညာဉ် ထွက်ပေါ်လာကာ ထွက်ပြေးရင်း အော်ဟစ်လိုက်သည်။</p> <p> </p> <p>"လူတိုင်း တိုက်ခိုက်ကြ... သူ့ကို သတ်စမ်း....."</p> <p> </p> <p>ယန်တီမင်က အဆက်မပြတ် အော်ဟစ်နေပေသည်။ သူ၏နောက်တွင်ရှိနေသော ယန်မိသားစု ကျင့်ကြံသူငါးသိန်းသည် ရှေ့သို့ပြေးဝင်လာပြီး တိုက်ခိုက်လိုက်ကြ၏။</p> <p> </p> <p>ပျားအုံတစ်ခုကဲ့သို့ လွှမ်းမိုးနေသော လူအုပ်ကြီးသည် ထူထပ်သိပ်သည်းပြီး အနက်ရောင် အစုအဝေးတစ်ခုဖြစ်ကာ အကန့်အသတ်မရှိသော ဖိနှိပ်ချုပ်ကိုင်နိုင်မှု အရှိန်အဝါကို ထုတ်လွှတ်ထားသည်။</p> <p> </p> <p>လုယွီ၏ပုံရိပ်သည် ဤလူအုပ်ကြီးကြားတွင် မယုံနိုင်လောက်အောင် အထီးကျန်ဆန်နေပုံရပေ၏။</p> <p> </p> <p>လုယွီက အသက်ရှုသွင်းလိုက်ရာ နဂါးများကဲ့သို့ ရှည်လျားသော စိတ်ဝိညာဉ်စွမ်းအင်စီးကြောင်းနှစ်ခု ထွက်ပေါ်လာသည်။  လုယွီ၏ရင်ဘတ်မှ မိုးခြိမ်းသံကဲ့သို့သောအသံများ ထွက်ပေါ်လာပြီး  သူသည် လူအုပ်ကြီးကိုကြည့်ကာ ဒေါသတကြီး အော်ဟစ်လိုက်သည်။</p> <p> </p> <p>နတ်ဘုရားနဂါးဟိန်းသံ...</p> <p> </p> <p>လုယွီ၏နောက်တွင် ရွှေရောင်နဂါးပုံရိပ်ယောင်တစ်ခု ရစ်သိုင်းလွှမ်းခြုံနေသည်။</p> <p> </p> <p>ကောင်းကင်နှင့်မြေပြင်အကြားတွင် အစွမ်းထက်သော နဂါးဟိန်းသံများဖြင့် ပြည့်နှက်နေပေ၏။ ဤသည်မှာ ယခင်က အာရုံငါးပါးဘုရင် ပြသခဲ့သော စွမ်းအားမျိုး မဟုတ်ချေ။ လုယွီသည် ရွှမ်အင်မော်တယ် နှောင်းပိုင်းအဆင့် ကျင့်ကြံခြင်းဖြင့် ထိုကဲ့သို့ သိုင်းပညာနည်းစနစ်ကို ထုတ်ဖော်အသုံးပြုနိုင်ခြင်းမှာ လူအများကို လုံးလုံးလျားလျား လွှမ်းမိုးချုပ်ကိုင်နိုင်သော တည်ရှိမှုတစ်ခုပင်။</p> <p> </p> <p>ဝေါင်း...</p> <p> </p> <p>ကောင်းကင်နှင့်မြေပြင်ကြားတွင် ကြီးမားကျယ်ပြန့်သော နဂါးဟိန်းသံကြီးသာ အဆက်မပြတ် ပဲ့တင်ထပ်နေပေ၏။</p> <p> </p> <p>ပတ်ဝန်းကျင်ရှိ တောင်များသည် တစ်လုံးပြီးတစ်လုံး ပြိုလဲကျသွားပြီး ဤကြီးမားသော ဖိအားကို တောင့်မခံနိုင်သော ဧရာမကျောက်တုံးအမြောက်အများ အက်ကွဲသွားကြသည်။</p> <p> </p> <p>တိုက်ခိုက်ရန် သို့မဟုတ် ကာကွယ်ရန် အချိန်မရလိုက်သော ယန်မိသားစုကျင့်ကြံသူများသည် ပြင်းထန်သော အသံလှိုင်းများ၏ ရိုက်ခတ်ခြင်းကို ခံလိုက်ရပြီး အစိတ်စိတ်အမွှာမွှာ ပေါက်ကွဲသွားသည်။ သူတို့၏ ရုပ်ခန္ဓာကိုယ်များအပြင် သူတို့၏စိတ်ဝိညာဉ်များလည်း မလွတ်မြောက်နိုင်ကြဘဲ သူတို့အားလုံး အမြစ်ပြတ်ချေမှုန်းခြင်းခံလိုက်ရသည်။</p> <p> </p> <p>လူငါးသောင်းသည် ကြီးမားသော အရေအတွက်ဖြစ်သော်လည်း နတ်ဘုရားနဂါးဟိန်းသံ၏ ခွဲခြားမှုမရှိသော တိုက်ခိုက်မှုအောက်တွင် မိုးကောင်းကင်ကြီးပင် သွေးများဖြင့် စွန်းထင်းသွားသည်။</p> <p> </p> <p>ဤနဂါးဟိန်းသံသည် အမွှေးတိုင်တစ်တိုင် လောင်ကျွမ်းချိန်စာခန့် ကြာမြင့်ခဲ့သည်။</p> <p> </p> <p>နတ်ဘုရားနဂါးဟိန်းသံ ပျောက်ကွယ်သွားချိန်တွင် လုယွီ၏ရှေ့၌ မတ်တတ်ရပ်နေသော ယန်မိသားစုကျင့်ကြံသူဟူ၍ တစ်ဦးတစ်ယောက်မျှ မကျန်တော့ချေ။ သေဆုံးသွားသော လူများ၏ ခန္ဓာကိုယ်အစအနများသည် အမြင့်မှဖြာကျလာပြီး သွေးမိုးတစ်ခုကို ဖန်တီးလိုက်သည်။</p> <p> </p> <p>ရှည်လျားသော သွေးမြစ်တစ်စင်း စီးဆင်းလာပြီး တဝုန်းဝုန်း စီးဆင်းနေသော သွေးများမှ ပြင်းထန်သော သွေးညှီနံ့များ ထွက်ပေါ်လာသည်။</p> <p> </p> <p>မျက်တောင်တစ်ခတ်စာ အချိန်အတွင်း၌ ဤနေရာသည် ငရဲနယ်မြေတစ်ခု ဖြစ်လာခဲ့၏။ လူငါးသိန်းသည် ဤတိုက်ခိုက်မှုအတွင်းတွင် သေဆုံးသွားကြပြီး မိုးကောင်းကင်တစ်ခြမ်းသည် အနီရင့်ရောင် စွန်းထင်းသွားပေ၏။</p> <p> </p> <p>လုယွီသည် သတ်ဖြတ်ခြင်းနတ်ဘုရား တစ်ပါးနှင့် တူညီနေပြီး သူ အသက်တစ်ချက်ရှုထုတ်လိုက်ကာ  မရေမတွက်နိုင်သော အလောင်းများကို ကျော်ဖြတ်ပြီး ​ယန်တီမင်ထံသို့ ချဉ်းကပ်လာသည်။</p> <p> </p> <p>ယန်တီမင်သည် ရူးသွပ်သွားသည့်အလားခံစားနေရကာ ဤမြင်ကွင်းကို မြင်တွေ့ချိန်၌  သူ၏ စိတ်ကိုထိန်းချုပ်နိုင်စွမ်း လုံးလုံးလျားလျား ဆုံးရှုံးသွားသည်။</p> <p> </p> <p>ဒါက ဘယ်လို စွမ်းအားမျိုးလဲ...</p> <p> </p> <p>သူ့ရှေ့မှ လူငယ်သည် နတ်ဘုရားတစ်ပါး ဖြစ်လျှင်ပင် ဤမျှထိကြီးမားသော စွမ်းအားမျိုး ရှိနေခြင်းမှာ အလွန်ကြောက်မက်ဖွယ် ကောင်းပေ၏။</p> <p> </p> <p>အစောပိုင်းက ထွက်ပေါ်လာသော နတ်နဂါး ဟိန်းသံသည် သူ၏ ထွက်ပြေးနေသော စိတ်ဝိညာဉ်ကိုလည်း သက်ရောက်မှုရှိခဲ့ပြီး ဖရိုဖရဲ ဖြစ်စေခဲ့သည်။ ယခုအချိန်၌ သူ နောက်ဆုံးတွင်  သူ၏စိတ်ကို ထိန်းညှိပြီးသွားချိန်၌ သူသည် နောက်သို့ချာခနဲလှည့်ကာ ထွက်ပြေးသွားတော့သည်။</p> <p> </p> <p>"မင်းတို့ယန်မိသားစု ငါ့ကို သစ္စာဖောက်တုန်းက ဒီနေ့ ဒီလို အဆုံးသတ်မျိုးကို စဉ်းစားခဲ့ဖူးလား....."</p> <p> </p> <p>လုယွီ၏အသံသည် အရိုးကွဲလုမတက် အေးစက်တင်းမာနေသည်။</p> <p> </p> <p>ယန်တီမင်သည် ဤစကားကို ကြားချိန်တွင် ပို၍ပင် ထိတ်လန့်သွားပေ၏။ မျက်တောင်တစ်ခတ်စာ အချိန်အတွင်းမှာပင် မရေမတွက်နိုင်သော အတွေးများ သူ၏ စိတ်ထဲတွင် ပြေးလွှားသွားသည်။ နောက်ဆုံးတွင် ရင်းနှီးကျွမ်းဝင်သော ပုံရိပ်တစ်ခုက သူ၏စိတ်ထဲတွင် ထွက်ပေါ်လာသည်။</p> <p> </p> <p>ထိုတည်ရှိမှုသည်လည်း အဆုံးမရှိသော အလောင်းများနှင့်သွေးပင်လယ်ကို ကျော်ဖြတ်ကာ ​လျှောက်လှမ်းခဲ့သည်။ ထိုတည်ရှိမှု၏ ပြိုင်ဘက်ကင်းသော ဟန်ပန်သည် သူ၏ရှေ့မှ လူငယ်နှင့် ဖြည်းညှင်းစွာ ထပ်တူကျသွားပေ၏။</p> <p> </p> <p>"မြေအောက်လောက တာအိုသခင်....."</p> <p> </p> <p>ယန်တီမင်၏အသံ တုန်ရီနေသည်။</p> <p> </p> <p>သို့သော် အချိန်တခဏအကြာမှာပင် သူ၏ စိတ်ထဲတွင် ကျယ်လောင်သော တုန်ခါသံကြီးတစ်သံဖြင့် ပြည့်နှက်သွားပြီး ဓားချီတစ်လှိုင်း သူ၏ စိတ်ဝိညာဉ်ကို ပြင်းထန်စွာ ထိုးဖောက်သွားသည်။</p> <p> </p> <p>ထိုအစွမ်းထက်သော ဓားချီသည် သူ၏ စိတ်ဝိညာဉ်ကို ရက်စက်ကြမ်းတမ်းစွာ အစိတ်စိတ်အမွှာမွှာ ဆုတ်ဖြဲလိုက်၏။</p> <p> </p> <p style="text-align: center;">***</p>


Save