Book List

<h2 style="text-align: center;">Chapter 5441</h2> <h2 style="text-align: center;">*</h2> <p> </p> <p> </p> <p>"အဲ့ဒါက ယန်မိသားစုရဲ့ မဟာအကြီးအကဲတစ်ယောက်လေ... သူက ဒီလိုမျိုး အသတ်ခံလိုက်ရတာလား..."</p> <p> </p> <p>လူများအားလုံး ထိတ်လန့်သွားကြပြီး သူတို့၏ရှေ့ရှိ မြင်ကွင်းကို ကြည့်ကာ စကားပင် မပြောနိုင်လောက်အောင် အံ့အားသင့်သွားကြ၏။</p> <p> </p> <p>"ဒီနေရာကိုရောက်လာတဲ့ ယန်မိသားစုက လူတွေနဲ့ ပတ်သက်ရင်... သူတို့ထဲက တစ်ယောက်မှ အသက်ရှင်ဖို့ မလိုဘူးလို့ ငါထင်တယ်..."</p> <p> </p> <p>လုယွီ၏နတ်ဘုရားစိတ်အာရုံသည် ပြိုင်ဘက်ကင်းလှ၏။ သူ၏မျက်လုံးများမှ ရွှေဖြင့်သွန်းလုပ်ထားသကဲ့သို့ တောက်ပသော ရွှေရောင်အလင်းတန်းများကို ထုတ်လွှတ်နေပြီး ကျယ်ပြန့်သော မြေများနှင့် မြစ်များကို ဖြတ်သန်းကာ ကောင်းကင်ယံသို့ တန်းတန်းမတ်မတ် ထွင်းဖောက်သွားသည်။</p> <p> </p> <p>ထို့နောက် လုယွီသည် လေဟာနယ်သို့ ခြေလှမ်းလှမ်းကာ လက်ဝါးတစ်ချက်ဖြင့် ဖြည်းညှင်းစွာ ဖိနှိပ်လိုက်၏။ ကောင်းကင်နှင့်မြေပြင်၏ ဥပဒေသများသည် သူ၏ ထိန်းချုပ်မှုအောက်တွင် လုံးလုံးလျားလျားရှိနေပြီး ကြောက်မက်ဖွယ်ကောင်းသော စွမ်းအားတစ်ရပ်သည် မိုင်ထောင်နှင့်ချီ အကွာအဝေးမှနေ၍ ဖြည်းညှင်းစွာ ချဉ်းကပ်လာသည်။</p> <p> </p> <p>ကျားယင်ခံတပ်...</p> <p> </p> <p>ဤသည်မှာ စတုတ္ထနယ်မြေရှိ အရေးကြီးသော ခံစစ်စခန်းတစ်ခုပင်။</p> <p> </p> <p>ယခုအချိန်တွင် ကျားယင်ခံတပ်၏ မြို့ရိုးများပေါ်တွင် ယန်မိသားစု၏အလံသည် လေထဲတွင် လူးလွန့်နေပေ၏။ ဤနယ်စပ်ခံတပ်သည် လက်ပြောင်းသွားပြီဖြစ်ကြောင်း သိသာထင်ရှားသည်။</p> <p> </p> <p>ကြီးကျယ်ခမ်းနားသောသော ယင်လော့ဧကရာဇ် နတ်ဘုရားကျောင်းကို အလွန်အရေးတကြီး တည်ဆောက်နေကြပြီး ယခင်က စတုတ္ထနယ်မြေ၏ ကာကွယ်သူများအားလုံး ကျွန်များ ဖြစ်လာကြသည်။ သူတို့သည် လေးလံသော ကျောက်တုံးများကို သယ်ဆောင်ပြီး ပင်ပန်းခက်ခဲသော အလုပ်များကို လုပ်ဆောင်နေကြရသည်။</p> <p> </p> <p>"ဝှစ်... ဝှစ်..."</p> <p> </p> <p>ကြီးကြပ်မှုအတွက် တာဝန်ရှိသော ယန်မိသားစု ကျင့်ကြံသူများသည် သူတို့၏ လက်ထဲတွင် ကြာပွတ်ရှည်များကို ကိုင်ဆောင်ကာ ဝှေ့ယမ်းပြီး ကျယ်လောင်သောအသံဖြင့် အော်ဟစ်နေကြ၏။</p> <p> </p> <p>ဤသည်မှာ ယန်မိသားစု၏ နည်းဗျူဟာပင်။ သူတို့သည် မြို့တစ်မြို့ကို သိမ်းပိုက်လိုက်တိုင်း ထိုနေရာကို သူတို့ သိမ်းပိုက်လိုက်ကြောင်း ပြသရန်အတွက် ယင်လော့ ဧကရာဇ် နတ်ဘုရား ဘုရားကျောင်းတစ်ခုကို သေချာပေါက် တည်ဆောက်ကြပေမည်။</p> <p> </p> <p>နတ်ဘုရားကျောင်း တစ်ခုနှင့်အတူ အမွှေးနံ့သာ ပူဇော်မှုများ ရှိလာမည်ဖြစ်ပြီး အချိန်ကြာလာသည်နှင့်အမျှ ဤမြေနေရာသည် ယန်မိသားစု၏ပိုင်ဆိုင်မှု သဘာဝကျကျ ဖြစ်လာပေမည်။</p> <p> </p> <p>ဝုန်း...</p> <p> </p> <p>ထိုအချိန်မှာပင် ကျားယင်ခံတပ်၏အထက်ရှိ မှောင်မည်းနေသော မိုးကောင်းကင်ယံတွင် လျှပ်စီးများလက်ကာ မိုးကြိုးများ မြည်ဟီးနေပြီး လေပြင်းများ တိုက်ခတ်လာသည်။</p> <p> </p> <p>ဧရာမ ရွှေရောင်လက်ဝါးပုံရိပ်ယောင်ကြီးတစ်ခုသည် တိမ်များနှင့် မြူခိုးလွှာများကို ဖြတ်သန်းကာ ကျဆင်းလာသည်။ ထိုအရာ၏ ရက်စက်ကြမ်းတမ်းသော ဖိအားအရှိန်အဝါသည်  ထိုက်တောင်ကြီးတစ်လုံး ကျဆင်းလာသည့်အလား အောက်ဘက်ရှိ သက်ရှိများအားလုံးကို ထိတ်လန့်တုန်လှုပ်သွားစေသည်။</p> <p> </p> <p>"အဲ့ဒါက ဘာလဲ..."</p> <p> </p> <p>ယန်မိသားစုကျင့်ကြံသူ အမြောက်အများသည် မိုးကောင်းကင်ယံသို့ အံ့အားသင့်စွာဖြင့် မော့ကြည့်လိုက်ကြ၏။</p> <p> </p> <p>ရုတ်တရက် ခေါင်းလောင်းသံများသည် မိုးကြိုးသံများကဲ့သို့ မြည်ဟည်းလာပြီး အရေးတကြီး အချက်ပေးသံများက မိုးကောင်းကင်ယံတွင် ပဲ့တင်ထပ်သွားသည်။ ဤသည်မှာ ယန်မိသားစု၏အစွမ်းထက် ကျင့်ကြံသူများမှ သတိပေးချက်တစ်ခုကို ထုတ်ပြန်လိုက်ခြင်းပင်။</p> <p> </p> <p>"ငါတို့ ယန်မိသားစုစစ်စခန်းကို ဘယ်သူက တိုက်ခိုက်ရဲတာလဲ..."</p> <p> </p> <p>ယန်မိသားစု အကြီးအကဲတချို့သည် အော်ငေါက်သံများနှင့်အတူ ပျံသန်း၍ ထွက်လာကြသည်။</p> <p> </p> <p>သို့သော် လုယွီသည် အပိုစကားများ မပြောချေ။ သူသည် အစွမ်းထက်သော လက်ဝါးပုံရိပ်ယောင်ကြီးကို ပို၍ကျဆင်းသွားစေရန် တွန်းအားပေးလိုက်၏။ လေဟာနယ်သည် ရွှေရောင်လက်ဝါးပုံရိပ်ယောင်ကြီး၏ရှေ့တွင် တစ်လက်မစီ ပြိုကျသွားပြီး လေပြင်းတစ်ချက်က ရှေ့သို့တိုက်ခတ်သွားပေသည်။</p> <p> </p> <p>ဘုန်း...</p> <p> </p> <p>ကောင်းကင်အရှင်သခင်တစ်ယောက်၏ လက်ဝါးရိုက်ချက်က ကောင်းကင်နှင့်မြေပြင်ကို ဖျက်ဆီးလိုက်သည်။ လုယွီ၏ ယခုလက်ရှိစွမ်းအားသည် အတိတ်နှင့် မတူညီတော့ချေ။  ယခုချိန်၌ သူ ထိန်းချုပ်ထားသော စွမ်းအားသည် အကန့်အသတ်မရှိ ကြီးမားနေလေပြီ။</p> <p> </p> <p>ပြင်းထန်သော မြည်ဟီးသံကြီးတစ်သံနှင့်အတူ ပျံသန်း၍ ထွက်လာသော ယန်မိသားစု အကြီးအကဲတချို့သည် ခုခံရန်အတွက် စွမ်းအားအနည်းငယ်မျှပင် မရှိဘဲ အမှုန်အမွှားများအဖြစ်သို့ ခြေမွဖျက်ဆီးခြင်းခံလိုက်ရပေ၏။</p> <p> </p> <p>ရုတ်ချည်းဆိုသလိုပင် ရွှေရောင်လက်ဝါးပုံရိပ်ယောင်သည် တားဆီး၍ မရနိုင်လောက်အောင် တိုးဝင်လာပြီး ယန်မိသားစု၏ ကာကွယ်ရေး မဟာဝင်္ကပါကြီးကို ခြောက်သွေ့နေသော ပေါင်းပင်များနှင့် ဆွေးမြည့်နေသော သစ်သားများကဲ့သို့ ဖျက်ဆီးပစ်လိုက်သည်။ ထို့ပြင် ထိုအရာသည် မပြီးစီးသေးသော ယင်လော့ဧကရာဇ် နတ်ဘုရားကျောင်းပေါ်သို့ ပြင်းထန်စွာ ကျဆင်းလာခဲ့သည်။</p> <p> </p> <p>ယင်လော့ဧကရာဇ် နတ်ဘုရားကျောင်းသည် ချက်ချင်းပြိုကျသွားပြီး ကျိုးပဲ့နေသော နတ်ဘုရားရုပ်ထုနှင့်အတူ အပျက်အစီးအစအနများသည် နေရာအနှံ့ ဖြာကျသွားပေ၏။</p> <p> </p> <p>ယန်မိသားစုစခန်း၏ အချက်အချာကျသောနေရာ ဖျက်ဆီးခြင်း ခံလိုက်ရသည်။</p> <p> </p> <p>"ဘယ်လောက်တောင် အတင့်ရဲလိုက်လဲ... ငါတို့ ယန်မိသားစုဧကရာဇ်ရဲ့ နတ်ဘုရားရုပ်ထုကို ဖျက်ဆီးရဲတာက ခွင့်မလွှတ်နိုင်တဲ့ အပြစ်ကြီးတစ်ခုကို ကျူးလွန်တာပဲ... သူ့ကို ဖမ်းပြီးတော့ အရှင်လတ်လတ် အရေခွံခွာပြီး သူ့ရဲ့အရွတ်တွေကို ဆွဲထုတ်လိုက်စမ်း..."</p> <p> </p> <p>အမှောင်ထုထဲမှနေ၍ အေးစက်စက်အသံတစ်သံ ထွက်ပေါ်လာသည်။</p> <p> </p> <p>လုယွီက အေးစက်စက် အော်ငေါက်လိုက်သည်။</p> <p> </p> <p>"မင်းတို့က ဘာကောင်တွေလဲ... ငါ့ကို အပြစ်ပေးဖို့အတွက် မင်းတို့က ထိုက်တန်လို့လား..."</p> <p> </p> <p>ရုတ်ချည်းဆိုသလိုပင် တုန်ခါသံတစ်သံ ထွက်ပေါ်လာပေ၏။ လုယွီက နောက်ထပ် လက်ဝါးတစ်ချက် ရိုက်ထုတ်လိုက်သည်။ အကန့်အသတ်မရှိသော ရွှေရောင်အလင်းတန်းသည် ရက်စက်ကြမ်းတမ်းသော စွမ်းအားများနှင့်အတူ  ရှေ့သို့တိုက်ခတ်သွားသည်။ သောင်းနှင့်ချီသော ယန်မိသားစု ကျင့်ကြံသူများသည် သွေးများအန်လိုက်ကြပြီး သူတို့အားလုံး ဒူးထောက်ရက်သားလဲကျကာ သေဆုံးသွားကြ၏။</p> <p> </p> <p>လုယွီ၏ပင်မခန္ဓာကိုယ်သည် သံမဏိချပ်ဝတ် ငရဲတွင် ရှိနေဆဲဖြစ်သော်လည်း သူ၏နတ်ဘုရားစိတ်အာရုံသည် မိုင်ထောင်နှင့်ချီ ဖြတ်သန်းလာကာ ကျားယင်ခံတပ်တွင် သရုပ်သကန်ထင်ဟပ်နေခြင်းပင်။</p> <p> </p> <p>သောင်းနှင့်ချီသော ယန်မိသားစု ကျင့်ကြံသူများလုယွီ၏လက်ချက်ဖြင့် သေဆုံးသွားကြသည်။ သွေးများနှင့်အတူ ပြတ်တောက်နေသော ခြေလက်များသည် နေရာအနှံ့အပြားသို့ ဖြာကျသွားပေ၏။</p> <p> </p> <p>ပတ်ဝန်းကျင်ရှိ ဖမ်းဆီးခံထားရသော စတုတ္ထနယ်မြေမှ ကျင့်ကြံသူများသည် မိုးကောင်းကင်ယံသို့ အံ့အားသင့်စွာဖြင့် စူးစိုက်၍ ကြည့်နေသည်။ သူတို့ကို အနိုင်ယူခဲ့သော ယန်မိသားစု ကျင့်ကြံသူများသည် ဤဓမ္မပုံရိပ်ယောင်ကြီး.ရှေ့တွင် လုံးဝယှဉ်ပြိုင်နိုင်ခြင်း မရှိဘဲ တစ်ယောက်ပြီးတစ်ယောက် လဲကျသွားကြသည်။</p> <p> </p> <p>သွေးနီရောင်သည် ကျားယင်ခံတပ်၏အထက်ရှိ  မိုးကောင်းကင်ယံကို ဆိုးဆေးခြယ်လိုက်သည့်အလားပင်။ ကြေကွဲဖွယ် ငိုကြွေးသံတစ်သံက  လေထုထဲတွင် ပဲ့တင်ထပ်သွားပေ၏။ သွေးများသည် မြစ်များအဖြစ် စုစည်းသွားပြီး ယန်မိသားစု၏တိုက်ပွဲအလံ စုတ်ပြဲသွားကာ ​မြေပြင်ပေါ်တွင် လဲကျနေသည်။</p> <p> </p> <p> </p> <p style="text-align: center;">***</p>


Save