Book List

<h2 style="text-align: center;">Chapter 5445</h2> <h2 style="text-align: center;">*</h2> <p> </p> <p> </p> <p>စတုတ္ထနယ်မြေ... ဝက်ဝံခံတပ်...</p> <p> </p> <p>ထိုခံတပ်သည် အမည်နှင့်လိုက်ဖက်စွာပင် ခံတပ်ကို စောင့်ကြပ်နေသော ဝက်ဝံတစ်ကောင်နှင့် အမှန်တကယ် တူညီပြီး စတုတ္ထနယ်မြေ၏ နယ်စပ်ကို ဖြတ်သန်း၍ နေရာနှစ်ခုကို ပိုင်းခြားထားပြီး ကြီးကျယ်ခမ်းနားကာ မြင့်မားလှ၏။</p> <p> </p> <p>ဝက်ဝံခံတပ်၏နံဘေးပတ်လည်တွင် မရေမတွက်နိုင်သော သဘာဝအန္တရာယ်များနှင့် နက်ရှိုင်းသော ချောက်ကမ်းပါးများရှိသည်။ ငရဲနယ်မြေအတွင်းရှိ နေရာအမြောက်အများသည် ဖွံ့ဖြိုးခြင်း မရှိသေးချေ။ ခွင့်ပြုချက်မရှိဘဲ ထိုနေရာသို့ ကျူးကျော်ဝင်ရောက်ခြင်းက လူတစ်ယောက်၏စိတ်ဝိညာဉ်ကို လွယ်လင့်တကူ ကြေမွှပျက်စီးသွားစေနိုင်သည်။</p> <p> </p> <p>ထို့ကြောင့် ဝက်ဝံခံတပ်သည် စတုတ္ထနယ်မြေတွင် ကာကွယ်ရေးအတွက် ထိပ်တန်းဦးစားပေးနေရာ ဖြစ်လာခဲ့ပေ၏။ အာရုံငါးပါးဘုရင်သည် ဤနေရာကို စောင့်ကြပ်ရန် တပ်ဖွဲ့ကြီးများကို စေလွှတ်ခဲ့ပြီး ယန်မိသားစုစစ်တပ်ကို ခုခံရန် သဘာဝအတားအဆီးများကို အသုံးပြုခဲ့သည်။</p> <p> </p> <p>လုယွီသည် ဘုရင်အမိန့်ပေး ရွှေတံဆိပ်ပြားကို ပြသလိုက်ရာ သူ မျှော်လင့်ထားသည့်အတိုင်း မည်သည့်တားဆီးမေးမြန်းမှုမျိုးမျှ မရှိတော့ချေ။</p> <p> </p> <p>အာရုံငါးပါးဘုရင်၏နံဘေးရှိ အစေခံအရှင်တစ်ဦးသည် သရဲတစ္ဆေဘုရင်ကျန်းကို မျက်နှာသာပင် မပေးဘဲ  ကျန်းမိသားစုမှ လူတစ်ဦးကို သတ်ဖြတ်ခဲ့ကြောင်း လူအမြောက်အများက ကြားသိခဲ့ကြသည်။ လုယွီသည် ဝက်ဝံခံတပ်သို့ ပထမဆုံးအကြိမ် လာရောက်ခြင်း ဖြစ်သော်လည်း သူသည် အာရုံစိုက်မှုများစွာ၏ ဗဟိုချက် ဖြစ်နေလေပြီ။</p> <p> </p> <p>လုယွီသည် မတုန်မလှုပ် ရှိနေဆဲပင်။ သူသည် ဤနေရာသို့ ရည်ရွယ်ချက် နှစ်ခုဖြင့် လာခဲ့ခြင်း ဖြစ်ပေ၏။</p> <p> </p> <p>ပထမတစ်ခုမှာ ယန်ယွမ်ဘုရင်ကို ဖယ်ရှားရန်ပင်။ ယန်ယွမ်ဘုရင်သည် စတုတ္ထနယ်မြေရှိ ယန်မိသားစု၏စစ်တပ်တွင် အသန်မာဆုံးလူ ဖြစ်သည်။ လုယွီသည် ယခင်က အာရုံငါးပါးဘုရင်အား ယန်မိသားစုကို ကိုင်တွယ်ဖြေရှင်းရာတွင် ကူညီပေးမည်ဟု ကတိပေးခဲ့သဖြင့် ယခုအချိန်၌ ထိုကတိကို ဖြည့်ဆည်းရန် ဤနေရာသို့ ရောက်ရှိနေခြင်းဖြစ်ပေ၏။</p> <p> </p> <p>ဒုတိယတစ်ခုမှာ သူ၏စွမ်းအားကို တိုးတက်စေရန်ပင်။ ယန်မိသားစုတွင် ပုန်းကွယ်နေသော ကျွမ်းကျင်သူများရှိသည်။ လုယွီသည် ကြောက်ရွံ့ခြင်းမရှိသော်လည်း သူ၏စွမ်းအားကို တိုးမြှင့်ရန် ရည်ရွယ်ထားဆဲပင်။ သန့်စင်ယန်မျှော်စင်အတွင်းရှိ နေရာတစ်ခုကို ယန်ယွမ်ဘုရင်အတွက် သူ ချန်ထားလိုက်သည်။ ဤသရဲဘုရင်ကို ဖမ်းဆီးခြင်းဖြင့် လုယွီ၏စွမ်းအားသည် အဆင့်သစ်တစ်ခုသို့ မြင့်တက်လာပေမည်။</p> <p> </p> <p>"အစေခံအရှင်... ဒါက ပင်မခန်းမကြီးပါ... ဒါပေမဲ့ သခင်မလေးက အခုချိန်မှာ အစည်းအဝေး လုပ်နေတယ်..."</p> <p> </p> <p>လုယွီကို ဤနေရာသို့ ခေါ်လာသော ကျင့်ကြံသူ သည် အနည်းငယ် တွေဝေတုံ့ဆိုင်းသွားပေ၏။</p> <p> </p> <p>ပင်မခန်းမကြီးအတွင်း၌ ဆွေးနွေးနေသည့်အရာအားလုံးမှာ အရေးကြီးသော စစ်ရေးကိစ္စများပင်။</p> <p> </p> <p>သို့ရာတွင် လုယွီ၏အသွင်အပြင်ကို ကြည့်ရလျှင် သူသည် မိသားစုမှ ထွက်လာခါစ လူငယ်သခင်လေးတစ်ဦးဖြစ်သည်မှာ သိသာထင်ရှားပြီး အစေခံအရှင်တစ်ဦး၏ နက်နဲသိမ်မွေ့ပြီး နားလည်ရခက်သော အမူအယာ အနည်းငယ်မျှပင် မရှိချေ။</p> <p> </p> <p>"ငါနားလည်တယ်... မင်း ပြန်သွားလို့ရပြီ..."</p> <p> </p> <p>လုယွီက ပေါ့ပေါ့ပါးပါး ပြန်ဖြေလိုက်ပြီး ခြေလှမ်းလှမ်းကာ ခန်းမအတွင်းသို့ ဝင်ရောက်သွားသည်။</p> <p> </p> <p>အစောင့်သည် တားဆီးချင်သော်လည်း လုယွီက ပြတ်ပြတ်သားသား ဝင်သွားသည်ကို မြင်တွေ့ချိန်၌ သူ အံ့အားသင့်သွားမိသည်။</p> <p> </p> <p>ပင်မခန်းမကြီးအတွင်း၌ မူလက ဆူညံနေသော ဆွေးနွေးမှုများသည် ရုတ်တရက် ရပ်တန့်သွားပေ၏။</p> <p> </p> <p>ပင်မခန်းမကြီးအတွင်းတွင် လူနှစ်ဆယ်ကျော် ထိုင်နေကြပြီး သူတို့အားလုံးသည် ရုတ်တရက် ကျူးကျော်ဝင်ရောက်လာသော လုယွီကို အနည်းငယ် အံ့အားသင့်စွာဖြင့် ကြည့်နေကြသည်။ လူစိမ်းတစ်ဦးက ဤကဲ့သို့ အရေးကြီးသော အချိန်မျိုးတွင် မည်သည်ကြောင့် ရုတ်တရက် ဝင်လာသည်ကို နားမလည်နိုင်ကြချေ။</p> <p> </p> <p>ပင်မခန်းမကြီး၏ အလယ်ဗဟိုတွင် ထိုင်နေသော လုကျိရန်သည် လုယွီ ထွက်ပေါ်လာသည်ကို မြင်တွေ့ချိန်၌ ချက်ချင်းမတ်တတ်ထရပ်လိုက်သည်။ သူမ၏အောက်နှုတ်ခမ်းကို သူမ၏သွားများဖြင့် တင်းတင်းကိုက်ကာ ဒေါသတကြီး အော်ဟစ်လိုက်၏။</p> <p> </p> <p>"နင်က ဒီနေရာကို လာရဲသေးတာလား..."</p> <p> </p> <p>"သခင်မလေး... ဒီလူက ဘယ်သူလဲ... သူက မင်းရဲ့ရန်သူ လား..."</p> <p> </p> <p>လူတစ်ယောက်က မတ်တတ်ထရပ်လိုက်ပြီး သတ်ဖြတ်လိုခြင်း အရှိန်အဝါတစ်ရပ်ကို ထုတ်လွှတ်လိုက်သည်။</p> <p> </p> <p>ဤနေရာတွင် ထိုင်နိုင်သူများအားလုံးသည် သာမန်မဟုတ်သော ပုဂ္ဂိုလ်များ ဖြစ်ကြ၏။ မတ်တတ်ထရပ်လိုက်သော မည်သည့် အစွမ်းထက် ကျင့်ကြံသူမဆို ရွှမ်အင်မော်တယ် အထွတ်အထိပ်အဆင့်၏ ကျင့်ကြံခြင်းစွမ်းးကို အမှန်တကယ် ပိုင်ဆိုင်ထားသည်။</p> <p> </p> <p>လုကျိရန်သည် လုယွီကို စူးစိုက်ကြည့်နေပြီး တော်ဝင်အိမ်တော်၏ အနောက်ဘက်ခြံဝင်းတွင် ဖြစ်ပျက်ခဲ့သည့် အရာများကို သူမ၏ စိတ်ထဲတွင် အလိုအလျောက် ပြန်မြင်ယောင်မိသည်။ သူမသည် လုယွီကို ပြဿနာရှာရန်အတွက် ရန်လိုမှုများဖြင့် သွားရှာခဲ့သော်လည်း ရလဒ်မှာ သူမ သတိလစ်သွားခြင်းပင်။ သူမ နိုးထလာပြီးနောက်မှသာ သူမ၏နံဘေးရှိ အစေခံမလေး ရှောင်တျဲ့သည် အမှန်အားဖြင့် ရုပ်ဖျက်ထားသော မကောင်းဆိုးရွားကျင့်ကြံသူ တစ်ယောက် ဖြစ်နေကြောင်း သူမ နားလည်သဘောပေါက်သွားခဲ့သည်။ ထိုကိစ္စက သူမကို အချိန်အတော်ကြာသည်အထိ အိပ်မက်ဆိုးများ မက်စေခဲ့ပေ၏။</p> <p> </p> <p>"ငါက မင်းကို အများကြီးပြောမှာ မဟုတ်ဘူး...ဒါပေမဲ့ ငါတို့လွီမိသားစုမှာရှိတဲ့ လူတွေအားလုံးရဲ့ အသက်တွေကို သူက ပေးခဲ့တာလို့ပဲ မင်းကို ငါ ပြောရလိမ့်မယ်... နောက်တစ်ခါ သူ့ကိုတွေ့ရင် ရိုင်းရိုင်းစိုင်းစိုင်း မလုပ်နဲ့..."</p> <p> </p> <p>အာရုံငါးပါးဘုရင်၏ ညွှန်ကြားချက်များသည် သူမ၏နားထဲတွင် မသဲမကွဲ ပဲ့တင်ထပ်နေဆဲပင်။</p> <p> </p> <p>လုကျိရန်က ရုတ်တရက် အသက်ပြင်းပြင်းရှိုက်ပြီး အေးစက်စက် နှာမှုတ်လိုက်သည်။</p> <p> </p> <p>"မဟုတ်ဘူး... သူက ယန်မိသားစုကို ဖြေရှင်းဖို့ ငါ့ရဲ့အဖေ ဖိတ်ခေါ်ထားတဲ့ ကျွမ်းကျင်သူတစ်ယောက်ပဲ..."</p> <p> </p> <p>လုကျိရန်သည် နောက်ဆုံး စကားလုံးအနည်းငယ်ကို ပြင်းထန်စွာ အလေးပေးပြောဆိုလိုက်ပြီး လုယွီကိုကြည့်သော သူမ၏ မျက်လုံးများတွင် အထင်သေးမှု အရိပ်အယောင်တစ်ရပ် ဖြတ်ပြေးသွားသည်။</p> <p> </p> <p>လုယွီ၏အသွင်အပြင်ကို ကြည့်ရလျှင် သူသည် လွန်ခဲ့သော ရက်အနည်းငယ်က ထွက်ပေါ်မလာခဲ့ဘဲ သူ မည်သည့်နေရာသို့ သွားပြီး လှည့်စားနေခဲ့သည်ကို မည်သူ သိမည်နည်း။ ဤကဲ့သို့လူမျိုးက ယန်မိသားစုကို ဖြေရှင်းမည်ဟု ပြောရဲခြင်းမှာ လုံးလုံးလျားလျား ကြီးမားသော ဟာသတစ်ခုပင်။</p> <p> </p> <p>လုယွီ မည်သူမည်ဝါဖြစ်ကြောင်းကို ကြားချိန်၌  ရယ်မောသံများသည် ပတ်ဝန်းကျင်တွင် ပျံ့နှံ့သွားပေ၏။</p> <p> </p> <p style="text-align: center;">Thank For Reading.</p> <p style="text-align: center;">***</p>


Save