Book List

<h2 style="text-align: center;">အခန်း (၃၄၃) လက်သမား မငှားနိုင်ဘူး</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">လမ်းမပေါ်တွင် လုချန်က လက်နှစ်ဖက်ကို အဆက်မပြတ် လွှဲကာ ရှေ့မှ လျှောက်သွားနေသည်။</p> <p style="text-align:justify"> </p> <p style="text-align:justify">‘ချီးတဲ့မှပဲ... လေ့ကျင့်ခန်း နည်းနည်းလုပ်လိုက်တာနဲ့ ကြွက်သားတွေအကုန် နာကျင်နေပြီ။ ငါ တကယ် အသက်ကြီးနေပြီ ထင်တယ်’</p> <p style="text-align:justify"> </p> <p style="text-align:justify">“စတုတ္ထဆရာဦးလေး... ကျေးဇူးတင်ပါတယ်”</p> <p style="text-align:justify">ဟွာစစ်ဝေ့က မျက်ရည်များ ဝဲနေသော သူမ၏ မျက်လုံးဝိုင်းကြီးများကို ပုတ်ခတ်ပုတ်ခတ် လုပ်ရင်း ပြောလိုက်သည်။</p> <p style="text-align:justify"> </p> <p style="text-align:justify">“ရပါတယ်ကွာ”</p> <p style="text-align:justify">လုချန်က ဂရုမစိုက်ဟန်ဖြင့် လက်ဝှေ့ယမ်းပြလိုက်ပြီးနောက် အခြားစီနီယာအစ်မများ ဘယ်ရောက်သွားသလဲဟု နောက်သို့ လှည့်ကြည့်ကာ မေးလိုက်သည်။</p> <p style="text-align:justify"> </p> <p style="text-align:justify">“သူတို့ အရင်ပြန်သွားကြပြီ”</p> <p style="text-align:justify"> </p> <p style="text-align:justify">“ကောင်းပြီလေ။ မင်းတို့နှစ်ယောက် ဒီည ဒီမှာပဲ နားလိုက်ပြီး မနက်ဖြန် စောစောပြန်ကြ။ နောက်ရက်အနည်းငယ်နေရင် ငါ့ကို လာအားပေးကြဖို့ သတင်းပါးလိုက်ဦး”</p> <p style="text-align:justify"> </p> <p style="text-align:justify">“လာအားပေးဖို့လား”</p> <p style="text-align:justify"> </p> <p style="text-align:justify">“အေးလေ။ ငါ တည်းခိုခန်းဖွင့်မယ်လို့ ပြောထားတယ် မဟုတ်လား။ မင်းတို့တွေ အများကြီး လာလေလေ၊ နေရာက ပိုစည်ကားလေလေ၊ စီးပွားရေးလုပ်ရတာ ပိုလွယ်လေလေပဲပေါ့”</p> <p style="text-align:justify"> </p> <p style="text-align:justify">“ဆရာဦးလေး... ဆရာဦးလေးရဲ့ တည်းခိုခန်းမှာ အရသာရှိတဲ့ အစားအသောက်တွေ ရမှာလား”</p> <p style="text-align:justify">ဟွာစစ်ဝေ့၏ မျက်လုံးဝိုင်းကြီးများက တောက်ပသွားပြီး သူမ၏ ဝမ်းနည်းမှုများမှာလည်း ပျောက်ကွယ်သွားပြီ ဖြစ်သည်။</p> <p style="text-align:justify"> </p> <p style="text-align:justify">“သေချာပေါက် ရမှာပေါ့။ မင်းတို့ကို ငါ ဒကာခံမယ်”</p> <p style="text-align:justify"> </p> <p style="text-align:justify">“ရေး...”</p> <p style="text-align:justify">ဟွာစစ်ဝေ့က ဝမ်းသာအားရ အော်ဟစ်လိုက်သည်။</p> <p style="text-align:justify"> </p> <p style="text-align:justify">“အစားပုတ်မလေး”</p> <p style="text-align:justify">ယွီလီချင်းက သူမ၏ ခေါင်းလေးကို အချစ်ပိုစွာဖြင့် ပုတ်လိုက်သည်။ သူမ၏ ဂျူနီယာညီမလေးက တကယ့်ကို ကလေးစိတ် မကုန်သေးပေ။</p> <p style="text-align:justify"> </p> <p style="text-align:justify">သူတို့နှစ်ဦးကြားရှိ အသက်ကွာဟမှုအရဆိုလျှင် ယွီလီချင်းက သူမ၏ မိခင်အရွယ်နီးပါးပင် ရှိနေပြီဖြစ်သည်။</p> <p style="text-align:justify"> </p> <p style="text-align:justify">သူတို့သုံးယောက် ညအိပ်ရန် တည်းခိုခန်းတစ်ခုကို ရှာခဲ့သည်။ နောက်တစ်နေ့ အရုဏ်တက်ချိန်တွင် လုချန်က စကားတစ်ခွန်းမျှ မဆိုဘဲ တိတ်တဆိတ် ထွက်လာခဲ့ပြီး နေရာရှာဖွေမှုများကို ဆက်လက်လုပ်ဆောင်နေသည်။</p> <p style="text-align:justify"> </p> <p style="text-align:justify">နေရာရှာဖွေနေစဉ်အတွင်း မနေ့ညက ဆောင်ကြာမြိုင်အကြောင်း ပြောဆိုနေကြသည်ကို သူ ကြားလိုက်ရသည်။ သခင်လေးကျိက မြောင်ရွှမ်၏ ဂုဏ်ထူးဆောင် ဧည့်သည်ဖြစ်သွားခဲ့ပြီး ထိုနာမည်ကြီး အလှလေးကို အချိန်ကြာမြင့်စွာ တောင့်တနေခဲ့ကြသော မြို့ထဲရှိ အမျိုးသားတိုင်း၏ မနာလိုမှုကို ခံနေရကြောင်း သိလိုက်ရသည်။</p> <p style="text-align:justify"> </p> <p style="text-align:justify">ချင်းလွမ်တောင်မှ တပည့်များကို ဆောင်ကြာမြိုင်တွင် တွေ့လိုက်ရသည်ဆိုသော ကောလာဟလမှာလည်း အလျင်အမြန်ပင် ချေပခံလိုက်ရသည်။</p> <p style="text-align:justify"> </p> <p style="text-align:justify">မဟာစစ်သူကြီးရှေ့မှ တပ်ဦးစစ်သည်တစ်ဦးက ကြမ်းပြင်ထဲသို့ ခေါင်းစိုက်ဝင်သွားသည်အထိ ရိုက်နှက်ခံလိုက်ရသည်။</p> <p style="text-align:justify"> </p> <p style="text-align:justify">ထိုသတင်းကတော့ လုချန်အကြောင်းပင် ဖြစ်သည်။</p> <p style="text-align:justify"> </p> <p style="text-align:justify">တစ်ဆင့်စကား တစ်ဆင့်နားဖြင့် ပြောဆိုနေကြရာမှ လုချန်မှာ လူပုံစံပေါက်နေသော သားရဲကြီးတစ်ကောင်၊ ယုံကြည်နိုင်လောက်စရာ မရှိအောင် ရက်စက်ကြမ်းကြုတ်လွန်းသော ခန္ဓာကိုယ်ကြီးမားသည့် လူရိုင်းကြီးတစ်ဦးအဖြစ်သို့ ပြောင်းလဲသွားတော့သည်။</p> <p style="text-align:justify"> </p> <p style="text-align:justify">လုချန်က ကြားရုံသာ ကြားလိုက်ပြီး ရယ်မောလိုက်ရုံသာ ရှိသည်။</p> <p style="text-align:justify"> </p> <p style="text-align:justify">‘ကံကောင်းတဲ့ ယုန်ပေါက်လေး။ ငါ့ရဲ့ စက်သေနတ်ကြီးပြီးသွားရင်တော့ သူ့ကို ဒက်ဒက်ဒက်...ဆိုပြီး စက်သေနတ်ပစ်ခတ်မှုနဲ့ အံ့သြသွားအောင် လုပ်ပေးမယ်...’</p> <p style="text-align:justify"> </p> <p style="text-align:justify">တကယ်တမ်းတော့ ဤစွမ်းရည်များအပြင် လုချန်တွင် ပင်မမစ်ရှင်မှ ဆုလာဘ်အဖြစ် ရရှိထားသော ကျင့်စဉ်တစ်ခုလည်း ရှိသေးသည်။</p> <p style="text-align:justify"> </p> <p style="text-align:justify">[စနစ်တကျ သိုင်းပညာရပ် ကျမ်းစာအုပ်]</p> <p style="text-align:justify"> </p> <p style="text-align:justify">သို့သော်လည်း ၎င်းကို ရရှိပြီးသည်နှင့်တစ်ပြိုင်နက် ထိုကျွမ်းကျင်မှုကို အသုံးမပြုဘဲ မြှုပ်နှံထားရန် သူ ဆုံးဖြတ်လိုက်သည်။ အကြောင်းမှာ ၎င်းက အလွန်အမင်း အဓိပ္ပာယ်မရှိလွန်းသောကြောင့်ပင်။ ၎င်းကို အသုံးပြုလိုက်မည်ဆိုလျှင် [ကောင်ဆိုးလေးရဲ့ ခြေကလိမ်ထိုးခြင်း] ထက်ပင် သူ၏ ပုံရိပ်ကို ပိုမို ဆိုးရွားစွာ ပျက်စီးသွားစေမည် ဖြစ်သည်။</p> <p style="text-align:justify"> </p> <p style="text-align:justify">မွန်းလွဲပိုင်းတွင်တော့ နေရာတစ်ခုကို သူ အတည်ပြုလိုက်နိုင်ပြီ ဖြစ်သည်။ လူစည်ကားသော လမ်းမကြီးပေါ်တွင် တည်ရှိပြီး ကျယ်ဝန်းသော မျက်နှာစာနှင့် နှစ်ထပ်အဆောက်အအုံ ဖြစ်ကာ အရွယ်အစားလည်း ကွက်တိပင်။ အကောင်းဆုံးအချက်မှာ အရှေ့ဘက်တွင် ကျယ်ဝန်းသော ရင်ပြင်တစ်ခုရှိနေခြင်းဖြစ်ပြီး လူတန်းစီရန်အတွက် အလွန်သင့်တော်လှသည်။</p> <p style="text-align:justify"> </p> <p style="text-align:justify">ရွေးချယ်မှု ပြီးဆုံးသွားသောအခါ စိတ်ဝိညာဉ်ကျောက်တုံးများ အဆက်မပြတ် အသုံးပြုကာ စာရွက်စာတမ်း ကိစ္စများကို ချောမွေ့စွာ ဖြေရှင်းလိုက်သည်။ အမြဲတမ်း ပြတ်သားလေ့ရှိသော လုချန်က မြေဂရန်ကို အပြီးအပိုင် ဝယ်ယူလိုက်သည်။ သူက တတ်နိုင်သည်လေ။</p> <p style="text-align:justify"> </p> <p style="text-align:justify">တံခါးရှေ့တွင် ရပ်နေရင်း သူက သက်ပြင်းရှည်ကြီးတစ်ခုကို ဖြည်းညင်းစွာ ချလိုက်သည်။ ဤနေရာက သူ၏ အခြေစိုက်စခန်း ဖြစ်လာမည်ဖြစ်ပြီး ဤနေရာမှနေ၍ မဟာတောရိုင်းနယ်မြေ၏ အရာအားလုံး စတင်တော့မည် ဖြစ်သည်။</p> <p style="text-align:justify"> </p> <p style="text-align:justify">သူ အထဲသို့ ဝင်သွားလိုက်သည်။ ထင်ထားသလို ဖုန်တက်နေခြင်းမျိုး မရှိဘဲ နေရာက သပ်ရပ်နေသည်။ ဆိုင်ခန်းက မကြာသေးမီကမှ လက်ပြောင်းလက်လွှဲ လုပ်ထားခြင်းဖြစ်ပုံရသည်။</p> <p style="text-align:justify"> </p> <p style="text-align:justify">“သခင်လေး... ဆိုင်ခန်းဖွင့်မလို့လား။ အလှဆင်ဖို့ရော လိုသေးလား”</p> <p style="text-align:justify"> </p> <p style="text-align:justify">လုချန် ဝင်လာသည်နှင့်တစ်ပြိုင်နက် အမျိုးသားတစ်ဦးက သူ့ကို လာရောက် စကားပြောလေသည်။</p> <p style="text-align:justify"> </p> <p style="text-align:justify">“စိတ်မဝင်စားဘူး”</p> <p style="text-align:justify">လုချန်က သူ့ကို လက်ဝှေ့ယမ်းပြလိုက်သည်။</p> <p style="text-align:justify"> </p> <p style="text-align:justify">“သခင်လေး... ကျွန်တော်တို့ဆီမှာ မြို့ထဲက အကောင်းဆုံး လက်သမားတွေ ရှိတယ်။ ရလဒ်ကောင်းဖို့ အာမခံပါတယ်”</p> <p style="text-align:justify"> </p> <p style="text-align:justify">“တကယ် မလိုပါဘူး”</p> <p style="text-align:justify">သူက စနစ်၏ အလှဆင်မှုများကို အသုံးပြုရန် စီစဉ်ထားပြီးဖြစ်သည်။</p> <p style="text-align:justify"> </p> <p style="text-align:justify">“သခင်လေး... ဈေးနှုန်းတွေကို ညှိနှိုင်းလို့ရပါတယ်။ ဘယ်သူမှ ကျွန်တော်တို့လောက် ကျွမ်းကျင်မှု မရှိပါဘူး”</p> <p style="text-align:justify"> </p> <p style="text-align:justify">“ကျေးဇူးပါပဲ... ဒါပေမဲ့ တကယ် မလိုအပ်လို့ပါ”</p> <p style="text-align:justify"> </p> <p style="text-align:justify">ထိုအမျိုးသားက အဆက်မပြတ် အရောင်းမြှင့်တင်ရေး စကားများကို ပြောဆိုနေပြီး ဆယ်ကြိမ်ထက်မက ငြင်းပယ်ခံရပြီးနောက်မှသာ နောက်ဆုတ်သွားတော့သည်။</p> <p style="text-align:justify"> </p> <p style="text-align:justify">အပြင်ရောက်သွားသောအခါ သူ၏ ယဉ်ကျေးသော မျက်နှာဖုံးက ပျောက်ကွယ်သွားပြီး မြေပြင်ပေါ်သို့ တံတွေးထွေးချလိုက်သည်။</p> <p style="text-align:justify"> </p> <p style="text-align:justify">“ဒီမောက်မာပြီး ဆင်းရဲတဲ့ကောင်က သူ့ကိုယ်သူ ဘာကောင်မှတ်နေလဲ။ ဆေးသုတ်ဖို့တောင် ပိုက်ဆံမရှိတဲ့ကောင်က”</p> <p style="text-align:justify"> </p> <p style="text-align:justify">အမျိုးသားက လမ်းမတစ်လျှောက် လျှောက်သွားပြီး အိမ်တစ်လုံးထဲသို့ ဝင်သွားသည်။ လူလတ်ပိုင်းအရွယ် အမျိုးသမီးတစ်ဦးက သူ့ကို လာကြိုလေသည်။</p> <p style="text-align:justify"> </p> <p style="text-align:justify">“ငွေရှင်ကြေးရှင်ကြီးက ငါတို့ကို သဘောမကျဘူးတဲ့”</p> <p style="text-align:justify"> </p> <p style="text-align:justify">“သဘောမကျဘူး ဟုတ်လား”</p> <p style="text-align:justify">သူမက မဲ့ပြုံးပြုံးလိုက်သည်။</p> <p style="text-align:justify">“ရဲတင်းလှချည်လား... သူက ဘယ်လိုကောင်မို့လို့ ငါတို့ကို အထင်သေးရတာလဲ”</p> <p style="text-align:justify"> </p> <p style="text-align:justify">“ပိုက်ဆံမရှိတဲ့ ကောင်လေးတစ်ယောက်ပါ”</p> <p style="text-align:justify"> </p> <p style="text-align:justify">“လာခဲ့... ငါတို့ သူ့ကို ပညာပြပေးရမယ်...”</p> <p style="text-align:justify">သူမက ဒေါသတကြီးဖြင့် အင်္ကျီလက်ကို ခေါက်တင်လိုက်သည်။</p> <p style="text-align:justify"> </p> <p style="text-align:justify">သူ ရန်သူတွေ ဖန်တီးမိနေပြီဆိုသည်ကို မသိလိုက်သော လုချန်ကတော့ အလှဆင်ခြင်း မီနူးကို ဖွင့်လိုက်ရာ ယခင်က မီးခိုးရောင်ဖြစ်နေသော ရွေးချယ်စရာများက ယခုအခါ လင်းလက်နေပြီဖြစ်သည်ကို မြင်လိုက်ရသည်။ ၎င်းတို့မှာ ပြီးစီးခဲ့သော မစ်ရှင်များမှ ရရှိထားသည့် ဆုလာဘ်များ ဖြစ်သည်။</p> <p style="text-align:justify"> </p> <p style="text-align:justify">‘စားပွဲအသေး ရှစ်လုံး၊ အကြီး သုံးလုံး... ဒီထက်ပိုရင် ငါ မနိုင်တော့ဘူး။ ဟော့ပေါ့စားဖို့ စားပွဲအကြီးတွေကို နေရာချမယ်။ ငါ့အတွက် ပြတင်းပေါက်နားမှာ လက်ဖက်ရည်စားပွဲလေး တစ်လုံး... အထာဖမ်းဖို့ ကွက်တိပဲ။ အရင်ကြမ်းခင်းကြွေပြား ဒီဇိုင်းပဲ သုံးမယ်၊ စားပွဲတွေရဲ့ အရည်အသွေးကိုတော့ အဆင့်မြှင့်လိုက်မယ်။ ဟို လှေကားကတော့ အထာဖမ်းဖို့အတွက် အဖိုးတန်ရတနာလေးပဲ... သေချာပေါက် သုံးရမယ်။ ကာကွယ်ရေးစနစ်တွေကိုလည်း မြှင့်တင်ရမယ်...’</p> <p style="text-align:justify"> </p> <p style="text-align:justify">သူက သူ၏ စိတ်ထဲတွင် အပြင်အဆင်များကို စဉ်းစားနေစဉ် စူးရှသောအသံတစ်ခုက သူ၏ အာရုံစူးစိုက်မှုကို ဖျက်ဆီးပစ်လိုက်သည်။</p> <p style="text-align:justify"> </p> <p style="text-align:justify">“ငါတို့ကို အထင်သေးတဲ့ကောင်က ဘယ်ကောင်လဲ... အခု ထွက်ခဲ့စမ်း...”</p> <p style="text-align:justify"> </p> <p style="text-align:justify">စူးရှကျယ်လောင်သော အသံပိုင်ရှင် လူလတ်ပိုင်းအရွယ် အမျိုးသမီးတစ်ဦး အတင်းဝင်လာပြီး သူ၏ အတွေးများကို ဖရိုဖရဲ ဖြစ်သွားစေသည်။</p> <p style="text-align:justify"> </p> <p style="text-align:justify">“ခင်ဗျားက ဘယ်သူလဲ။ ခင်ဗျားကို ဘယ်သူက အထဲပေးဝင်တာလဲ”</p> <p style="text-align:justify"> </p> <p style="text-align:justify">“မင်းက ငါတို့ရဲ့ လက်သမားအလုပ်ကို အထင်သေးတဲ့ကောင်ပေါ့လေ”</p> <p style="text-align:justify">သူမက သူ့ကို အထက်အောက် အကဲခတ်ကြည့်လိုက်သည်။</p> <p style="text-align:justify">“တောသားတစ်ယောက်လို ဝတ်ထားပြီးတော့များ မောက်မောက်မာမာ လုပ်နေသေးတယ်။ သွားပြီး သေးပေါက်ပြီး ကိုယ့်ရုပ်ကိုယ် သေးခွက်ထဲ ပြန်ကြည့်လိုက်စမ်းပါ...”</p> <p style="text-align:justify"> </p> <p style="text-align:justify">“ခင်ဗျား ရူးနေလား။ ခင်ဗျားကို ကျုပ် မသိဘူး... ထွက်သွား”</p> <p style="text-align:justify"> </p> <p style="text-align:justify">“ဟက်... ငါ့ကို ထွက်သွားအောင် လုပ်ကြည့်လေ။ ဆင်းရဲတဲ့ ကောင်စုတ်လေး”</p> <p style="text-align:justify">သူမက ရင်ဘတ်ပေါ် လက်ပိုက်လိုက်ပြီး ဘယ်မှ မသွားတော့မည့်ဟန် ပြလိုက်သည်။</p> <p style="text-align:justify"> </p> <p style="text-align:justify">“ကျုပ်မှာ ပိုက်ဆံရှိတာ မရှိတာ ခင်ဗျားနဲ့ ဘာဆိုင်လို့လဲ။ ဒီနေရာက ကျုပ် ပိုင်တဲ့နေရာ... ထွက်သွား၊ မဟုတ်ရင် အစောင့်တွေကို ခေါ်လိုက်မယ်”</p> <p style="text-align:justify"> </p> <p style="text-align:justify">“ခေါ်လိုက်လေ... ငါ စိန်ခေါ်တယ်။ ဘယ်အစောင့်ကများ ငါ့ကို ထိရဲလဲ ကြည့်ရသေးတာပေါ့...”</p> <p style="text-align:justify"> </p> <p style="text-align:justify">ပွဲကြည့်ပရိသတ်တွေအတွက်တော့ သူမရဲ့ ရန်လိုနေတဲ့ အပြုအမူက လုချန်ကပဲ သူမကို ရန်စခဲ့သလို ထင်ရစေသည်။</p> <p style="text-align:justify"> </p> <p style="text-align:justify">“ခင်ဗျား ဘာပြဿနာရှိနေတာလဲ”</p> <p style="text-align:justify">သူက မျက်မှောင်ကြုတ်လိုက်ပြီး ကွန်ဘိုစွမ်းရည် သုံးလိုက်ရမလားဟု စဉ်းစားနေသည်။</p> <p style="text-align:justify"> </p> <p style="text-align:justify">“ငွေမရှိတဲ့ ကောင်စုတ်လေး... လက်သမားတောင် မငှားနိုင်ရင် ဆိုင်မဖွင့်နဲ့။ မြို့အပြင်ဘက် သွားပြီး လယ်သွားလုပ်”</p> <p style="text-align:justify"> </p> <p style="text-align:justify">“အရူးမ... ထွက်သွားစမ်း...”</p> <p style="text-align:justify">သူက သူမကို တံခါးခုံအပြင်ဘက်သို့ တွန်းထုတ်လိုက်ရာ သူမက ချက်ချင်းပင် စတင်အော်ဟစ်တော့သည်။</p> <p style="text-align:justify"> </p> <p style="text-align:justify">“လာကြည့်ကြပါဦးရှင်... ဆင်းရဲသားတစ်ယောက်က လက်သမားတောင် မငှားနိုင်ဘဲ ဆိုင်လာဖွင့်နေတယ်။ ဒီစုတ်ပြတ်သတ်နေတဲ့ နေရာကို သပိတ်မှောက်ကြ...”</p> <p style="text-align:justify"> </p> <p style="text-align:justify">သူမ၏ ကျယ်လောင်စွာ ဆဲဆိုအော်ဟစ်မှုကြောင့် လူအုပ်ကြီး ရောက်လာခဲ့သည်။</p> <p style="text-align:justify"> </p> <p style="text-align:justify">တစ်စုံတစ်ယောက်က ဘာဖြစ်တာလဲဟု မေးလိုက်သည်။</p> <p style="text-align:justify"> </p> <p style="text-align:justify">“ဒီကောင်လေးက သစ်သားအလုပ်တွေအတွက် ပိုက်ဆံမပေးနိုင်ဘူးလေ။ ဒီနေရာက အသုံးမကျတဲ့ နေရာဖြစ်သွားတော့မှာပဲ။ ဒီလို နေရာကောင်းကြီးက နှမြောစရာကြီးဟယ်”</p> <p style="text-align:justify"> </p> <p style="text-align:justify">*</p> <p style="text-align:justify"> </p>


Save