Book List

<h2 style="text-align: center;">အခန်း (၈၆၄)</h2> <h2 style="text-align: center;">ရန်သူချင်း လမ်းဆုံခြင်း</h2> <h2 style="text-align: center;">*</h2> <p> </p> <p style="text-align:justify">"ကျေးဇူးတင်ပါတယ်... ကျွန်တော့်အတွက် မလိုပါဘူး"</p> <p style="text-align:justify">ဂေါက်သီးရိုက်ဖို့အတွက် အဝတ်အစား သီးသန့်လဲဖို့ မလိုဘူးဟု ယဲ့ပုဖန် ယူဆထားသည်။ ယနေ့ သူဝတ်ထားသည်မှာ ပေါ့ပေါ့ပါးပါး ဝတ်စုံနှင့် အားကစားဖိနပ် ဖြစ်သဖြင့် အတော်အသင့်တော့ အဆင်ပြေလှပေသည်။</p> <p style="text-align:justify">သူက ငြင်းဆိုလိုက်သဖြင့် မန်နေဂျာမာလည်း ဘာမှ ထပ်မပြောတော့ပေ။</p> <p style="text-align:justify">ထိုစဉ် ဆူးရုယွဲသည် အဖြူရောင် အားကစားဝတ်စုံလေးကို လဲလှယ်ကာ အပြင်သို့ ထွက်လာသည်။ ဦးထုပ်အဝိုင်းလေးကို ဆောင်းထားသည့် သူမ၏ ပုံစံမှာ လန်းဆန်းတက်ကြွပြီး အလွန်ပင် ကြည့်ကောင်းလှသည်။</p> <p style="text-align:justify">ကလပ်ကြီးမှာ အလွန် ကျယ်ဝန်းသဖြင့် မန်နေဂျာမာက သူတို့ကို ဂေါက်ကွင်းသို့ ပို့ဆောင်ရန် လျှပ်စစ်ကားတစ်စီး စီစဉ်ပေးလိုက်သည်။</p> <p style="text-align:justify">ဂေါက်ကွင်း၏ အေဇုန်မှာ ဆူးမိသားစုဝင်များအတွက်သာ သီးသန့်သတ်မှတ်ထားသော နေရာဖြစ်ကာ နေကာထီးများ၊ အနားယူရန် ထိုင်ခုံများနှင့် အခြားသော ဝန်ဆောင်မှုများ အပြည့်အစုံ ရှိသည်။ အနား၌လည်း မျက်နှာပြင်ကျယ် တီဗွီတစ်လုံး ရှိနေပြီး မန်နေဂျာမာက အသီးအနှံဗန်းနှင့် ဝိုင်နီများကိုပါ အဆင်သင့် ပြင်ဆင်ပေးထားလေသည်။</p> <p style="text-align:justify">"ကောင်းပြီ... မန်နေဂျာမာလည်း သွားပြီး အလုပ်လုပ်တော့လေ"</p> <p style="text-align:justify">ဆူးရုယွဲက ဝန်ဆောင်မှုပေးရန် ဝန်ထမ်း တစ်ဦးကိုသာ ချန်ထားရစ်ပြီး မန်နေဂျာမာကို ပြန်လွှတ်လိုက်သည်။</p> <p style="text-align:justify">သူမ၏ ကိုယ်ရံတော်များကလည်း အဝေးမှနေ၍သာ စောင့်ကြည့်နေကြပြီး အနားသို့ လာ၍ အနှောင့်အယှက် မပေးကြပေ။ ဤသည်မှာ ဆူးမိသားစုပိုင် အဆင့်မြင့်ကလပ် ဖြစ်သဖြင့် လုံခြုံရေးအတွက် စိုးရိမ်စရာ မရှိပေ။ သူတို့ အဝေးမှ စောင့်ကြည့်နေရသည့် အကြောင်းရင်းမှာ ဆူးရုယွဲနှင့် ယဲ့ပုဖန်တို့ ဘာလုပ်နေကြသလဲဆိုသည်ကို သခင်မကြီးဆူးထံသို့ အချိန်နှင့်အမျှ အစီရင်ခံရန် ဖြစ်သည်။</p> <p style="text-align:justify">"ဆရာယဲ့... စမ်းပြီး ရိုက်ကြည့်မလားဟင်"</p> <p style="text-align:justify">ဆူးရုယွဲက ပြုံးလျက် မေးလိုက်သည်။</p> <p style="text-align:justify">"ကျွန်တော် တစ်ခါမှ မကစားဖူးဘူး... တစ်ခါလောက်တော့ စမ်းကြည့်ရမှာပေါ့"</p> <p style="text-align:justify">ယဲ့ပုဖန်က ဝန်ထမ်းပေးသော ဂေါက်တံကို ယူကာ အလိုအလျောက် ဘောလုံးချပေးသည့် စက်ရှိရာသို့ လျှောက်သွားလိုက်သည်။</p> <p style="text-align:justify">သူသည် ဂေါက်သီး တကယ် မရိုက်ဖူးခြင်း ဖြစ်သည်။ သူ၏ ရပ်နေပုံနှင့် ဂေါက်တံ ကိုင်ပုံတို့မှာ လုံးဝ မမှန်ကန်ဘဲ ပထမဆုံးအကြိမ် ဝှေ့ယမ်းလိုက်ရာ၌ ဘောလုံးကို လုံးဝ မထိဘဲ လွဲချော်သွားရသည်။</p> <p style="text-align:justify">ဆူးရုယွဲက ဘေးမှနေ၍ ခပ်ဖွဖွ ပြုံးလိုက်ရုံသာ ပြုံးနေပြီး ဘာမှ မပြောပေ။</p> <p style="text-align:justify">"နောက်တစ်ခါ ထပ်စမ်းကြည့်ဦးမယ်"</p> <p style="text-align:justify">ယဲ့ပုဖန်က ရယ်မောလျက် နောက်တစ်ကြိမ် ထပ်မံ ဝှေ့ယမ်းလိုက်ပြန်သည်။</p> <p style="text-align:justify">ဤတစ်ကြိမ်မှာ ယခင်အကြိမ်ထက် ပိုဆိုးသွားသည်။ ဘောလုံးကို ထိသွားသော်လည်း သူက အားပြင်းပြင်းဖြင့် ရိုက်လိုက်သဖြင့် ဂေါက်တံပါ လက်ထဲကနေ လွင့်ထွက်သွားလေတော့သည်။</p> <p style="text-align:justify">"အားနာပါတယ် မဆူး... ကျွန်တော်ကတော့ ရယ်စရာ ဖြစ်အောင် လုပ်နေသလို ဖြစ်သွားပြီ။ ကျွန်တော် နည်းနည်းလောက်တော့ လေ့လာဦးမှ ဖြစ်မယ်"</p> <p style="text-align:justify">ဆူးရုယွဲက ယဉ်ကျေးစွာ ပြုံးလိုက်ပြီး "ရပါတယ်... ပထမဆုံး ကစားဖူးတဲ့သူတိုင်း ဒီလိုပါပဲ။ ဆရာ့အတွက် ပရော်ဖက်ရှင်နယ် နည်းပြတစ်ယောက် ခေါ်ပေးရမလား"</p> <p style="text-align:justify">"မလိုပါဘူး... ကျွန်တော် ဗီဒီယိုလေးတွေ ကြည့်လိုက်ရင် ရပါပြီ"</p> <p style="text-align:justify">ကျင့်ကြံသူတစ်ဦး ဖြစ်သဖြင့် ယဲ့ပုဖန်၌ စိတ်ဝိညာဉ်အာရုံ ရှိသည်။ ထို့ကြောင့် မည်သည့်အရာကိုမဆို အံ့သြဖွယ် ကောင်းလောက်အောင် မြန်ဆန်သော အရှိန်ဖြင့် သင်ယူနိုင်သည်။ သူက ဝန်ထမ်းကို လှည့်မေးလိုက်သည်။ </p> <p style="text-align:justify">"ဒီမှာ သင်ကြားရေး ဗီဒီယိုတွေ ရှိလား"</p> <p style="text-align:justify">"ရှိပါတယ် ခင်ဗျာ"</p> <p style="text-align:justify">ဝန်ထမ်းက အနားရှိ တီဗွီကို ဖွင့်ကာ အဆင်သင့်ရှိသော သင်ကြားရေး ဗီဒီယိုကို ပြသပေးလိုက်သည်။ သို့သော် သူ၏ စိတ်ထဲ၌မူ ဤလူငယ်ကို အထင်သေးနေမိသည်။ </p> <p style="text-align:justify">ဂေါက်သီးရိုက်ခြင်းမှာ အတတ်ပညာ တစ်ခုပင် ဖြစ်သည်။ ဤကဲ့သို့ ဗီဒီယို ကြည့်ရုံမျှဖြင့် မည်သို့ ထိရောက်နိုင်ပါမည်နည်း။</p> <p style="text-align:justify">"သခင်မလေးဆူး... သခင်မလေးဆူး ဘာသာ အရင်ကစားနှင့်လေ။ ကျွန်တော် ခဏလောက် လေ့လာလိုက်ဦးမယ်"</p> <p style="text-align:justify">ယဲ့ပုဖန်က ပြောပြီးနောက် တီဗွီရှေ့ရှိ ထိုင်ခုံတွင် ထိုင်ကာ ဗီဒီယိုကို အာရုံစိုက် ကြည့်နေတော့သည်။</p> <p style="text-align:justify">ဆူးရုယွဲသည် ဘောလုံးချပေးသည့် စက်အနားသို့ လျှောက်သွားကာ ဂေါက်တံကို လက်နှစ်ဖက်ဖြင့် ဆုပ်ကိုင်၍ အနေအထားကို နှစ်ကြိမ်ခန့် ချိန်ညှိလိုက်ပြီးနောက် အားပါပါ ဝှေ့ယမ်းလိုက်သည်။</p> <p style="text-align:justify">'ဖြောင်း' ဟူသော ကျယ်လောင်ပြတ်သားသည့် အသံနှင့်အတူ ဖြူလွလွ ဂေါက်သီးလေးမှာ လေထဲသို့ ပျံတက်သွားကာ အဝေးသို့ ရောက်ရှိသွားတော့သည်။</p> <p style="text-align:justify">ဂေါက်ကွင်း၏ အခြားတစ်ဖက်တွင်မူ လူငယ်အချို့နှင့် အမျိုးသမီးအချို့သည် ရယ်မောလျက် လျှောက်လာကြသည်။ သူတို့ကို ဦးဆောင်လာသူမှာ အသက်နှစ်ဆယ်ကျော်အရွယ် အမျိုးသမီးတစ်ဦး ဖြစ်ပြီး သူမမှာ ရှီးမန်မိသားစုမှ သခင်မလေး ရှီးမန်ယွီကျောက်ပင် ဖြစ်သည်။ သူမ၏ ဘေးတွင်မူ ကျင်မိသားစု၏ သခင်လေး ကျင်ကျောက်က လိုက်ပါလာသည်။</p> <p style="text-align:justify">ကျင်ကျောက်သည် ရှီးမန်ယွီကျောက်ကို ပိုးပန်းနေသူ ဖြစ်ပြီး ယနေ့ သူတို့နှစ်ဦး ဤကလပ်၌ ဂေါက်သီးအတူ ရိုက်ရန် ချိန်းထားခြင်း ဖြစ်သည်။</p> <p style="text-align:justify">ကျင်ကျောက်သည် အေဇုန်ဘက်သို့ ရံဖန်ရံခါ လှမ်းကြည့်နေမိသည်။ တစ်ဖက်လူမှာ ကျောပေးထားသဖြင့် သူသည် ယဲ့ပုဖန်ကို မမှတ်မိပေ။ သို့သော် အလွန် လှပသော ဆူးရုယွဲကိုမူ ဘေးတိုက်မြင်ရရုံဖြင့် သူ မှတ်မိလိုက်သည်။</p> <p style="text-align:justify">"ယွီကျောက်... ဟိုမှာကြည့်စမ်း။ အဲဒါ ဆူးမိသားစုရဲ့ သခင်မလေး မဟုတ်လား။ မင်းရဲ့ အစ်ကိုက ဆူးရုယွဲကို ပိုးပန်းနေတယ်လို့ ငါ မှတ်မိနေတယ်။ ဒါပေမဲ့ သူမက ဘာလို့ တခြားယောက်ျား တစ်ယောက်နဲ့ ဂေါက်သီးအတူ ရိုက်နေတာလဲ"</p> <p style="text-align:justify">ရှီးမန်ယွီလျန်သည် ဆူးရုယွဲကို ပိုးပန်းနေသည်မှာ လူကုံထံလောကအတွင်း လျှို့ဝှက်ချက် တစ်ခု မဟုတ်သဖြင့် ကျင်ကျောက် သိနေသည်မှာ မဆန်းပေ။</p> <p style="text-align:justify">"ဟုတ်လို့လား..."</p> <p style="text-align:justify">ရှီးမန်ယွီကျောက်လည်း ထိုဘက်သို့ လှမ်းကြည့်လိုက်သည်။ ဆူးရုယွဲမှာ ဂုဏ်သတင်း အလွန်ကောင်းသူ ဖြစ်ပြီး သူမအနေဖြင့် မည်သည့် ယောက်ျားနှင့်မျှ သီးသန့် ဂေါက်သီးရိုက်သည်ကို တစ်ခါမျှ မတွေ့ဖူးပေ။ ရှီးမန်ယွီလျန်က မည်မျှပင် ဖိတ်ခေါ်ခဲ့ပါစေ သူမက အမြဲတမ်း ငြင်းဆိုခဲ့သည်သာ။</p> <p style="text-align:justify">"သူမ တကယ်ပဲ"</p> <p style="text-align:justify">သူတို့ စောင့်ကြည့်နေစဉ်မှာပင် ယဲ့ပုဖန်က ဘောလုံးကို နှစ်ကြိမ်ဆက်တိုက် လွဲချော်အောင် ရိုက်နေသည်ကို မြင်လိုက်ရသည်။</p> <p style="text-align:justify">ကျင်ကျောက်က နှာခေါင်းရှုံ့လျက် "ဆူးရုယွဲ ရူးသွားပြီလား။ ဒီလို လူညံ့တစ်ယောက်နဲ့ ဂေါက်သီးအတူ ရိုက်ရတယ်လို့။ ဒီလူက ဘယ်သူလဲတော့ မသိဘူး။ အခြေခံ အမူအရာတောင် မသိဘဲနဲ့ ဒီမှာလာပြီး လူပြက်လုပ်နေတာပဲ"</p> <p style="text-align:justify">ထိုစဉ် ယဲ့ပုဖန်က လှည့်လာကာ အနားယူရာ နေရာသို့ လျှောက်သွားသဖြင့် ရှီးမန်ယွီကျောက်က သူ့ကို ချက်ချင်း မှတ်မိသွားတော့သည်။</p> <p style="text-align:justify">"အဲ့ဒီ လူယုတ်မာပဲ... တောသားပဲ"</p> <p style="text-align:justify">ရှီးမန်ယွီကျောက်၏ မျက်ဝန်းတို့မှာ ဒေါသကြောင့် တောက်လောင်လာသည်။ သူမသည် အမြဲတမ်း စိတ်ကျဉ်းမြောင်းကာ ရန်ငြိုးထားတတ်သူ ဖြစ်သည်။ ရှီးမန်မိသားစု၏ သခင်မလေး ဖြစ်သော သူမကို မည်သူမျှ မစော်ကားဝံ့ခဲ့သော်လည်း ပြီးခဲ့သည့် အကြိမ်က ယဲ့ပုဖန်သည် သူမအား အကြီးအကျယ် အရှက်ကွဲအောင် လုပ်ခဲ့သည်။ သူမသည် ဤအကြွေးကို မှတ်ထားခဲ့ပြီး ယနေ့ ဤနေရာ၌ ဆုံတွေ့ရလိမ့်မည်ဟု ထင်မထားခဲ့ပေ။</p> <p style="text-align:justify">ကျင်ကျောက်လည်း ယဲ့ပုဖန်ကို မှတ်မိသွားကာ "ယွီကျောက်... မင်း ဒီလူကို သိတာလား" ဟု မေးလိုက်သည်။</p> <p style="text-align:justify">"သိတာပေါ့... သူ့ကို သတ်တောင် ပစ်ချင်နေတာ"</p> <p style="text-align:justify">ရှီးမန်ယွီကျောက်က အံကြိတ်လျက် ပြောလိုက်သည်။ "နင်သာ ဒီနေ့ ဒီလူကို ငါ့ရှေ့မှာ အရှက်ကွဲအောင် လုပ်နိုင်ရင်... ငါ နင့်ရဲ့ ရည်းစားအဖြစ် လုပ်ပေးမယ်”</p> <p style="text-align:justify">ဤစကားကို ကြားလိုက်ရသဖြင့် ကျင်ကျောက်၏ ရင်ထဲ၌ ဝမ်းသာအားရ ဖြစ်သွားသည်။ ကျင်မိသားစုမှာ တတိယတန်းစား မိသားစုသာ ဖြစ်သော်လည်း ရှီးမန်ယွီကျောက်မှာမူ ထိပ်သီးမိသားစုမှ သခင်မလေး ဖြစ်သည်။ </p> <p style="text-align:justify">အကယ်၍ အနှီ အမျိုးသမီးကိုသာ အရယူနိုင်ပါက သူ၏ မိသားစုအတွင်း အဆင့်အတန်းမှာ မြင့်တက်လာမည်မှာ သေချာလှသည်။ သို့သော် သူ စိတ်လှုပ်ရှားနေသော်လည်း အရူးတစ်ယောက်ကဲ့သို့ မလုပ်ဆောင်ပေ။ </p> <p style="text-align:justify">ယဲ့ပုဖန်မှာ ရိုးရှင်းသူ မဟုတ်ကြောင်း သူ သိထားသည်။ ပြီးခဲ့သည့် အကြိမ်က သူ၏ ရိုးလ်ရွိုက်စ် ကားအသစ်ကိုပင် ဆုံးရှုံးခဲ့ရသေးသည် မဟုတ်ပါလား…။</p> <p style="text-align:justify">သို့သော် ရှီးမန်ယွီကျောက်၏ ရှေ့၌ အရှက်ကွဲ၍ မဖြစ်ပေ။ သူက "ယွီကျောက်... အမှန်အတိုင်း ပြောရရင် ငါလည်း သူ့အပေါ် ရန်ငြိုးရှိတယ်။ ဒါပေမဲ့ ဒါက ဆူးမိသားစုရဲ့ ကလပ်လေ။ နောက်ပြီး ဆူးရုယွဲကလည်း ဟိုမှာ ရှိနေတာ။ တိုက်ရိုက် လက်နက်သုံးပြီး ဖြေရှင်းတာက သိပ်ပြီး အဆင်မပြေဘူး မဟုတ်လား" ဟု ဆိုသည်။</p> <p style="text-align:justify">"ဘယ်သူက လက်နက်သုံးမယ် ပြောလို့လဲ။ နင်က ဝက်လို ဉာဏ်တိမ်တာပဲလား။ တခြားနည်းလမ်း မစဉ်းစားတတ်ဘူးလား"</p> <p style="text-align:justify">ကျင်ကျောက်မှာ အခြားသူများရှေ့တွင် သခင်လေးကျင် ဖြစ်သော်လည်း ရှီးမန်ယွီကျောက်၏ ရှေ့တွင်မူ ဘာမှ မဟုတ်ပေ။ သူမက ဆက်လက်၍ "ဒါက ဂေါက်ကွင်းပဲလေ။ ငါတို့ ဟိုဘက်ကို သွားပြီး သူနဲ့အတူ ဆော့မယ်... ပြီးရင် သူ့ကို အကြီးအကျယ် အရှက်ခွဲပစ်မယ်"</p> <p style="text-align:justify">"ဒါကတော့ ပြဿနာ မရှိပါဘူး"</p> <p style="text-align:justify">ကျင်ကျောက်က "ယွီကျောက်... စိတ်မပူနဲ့။ ဒါကို ငါ တာဝန်ယူတယ်။ သူ့ကို လုံးဝ အရှက်ကွဲစေရမယ်" ဟု အာမခံလိုက်သည်။</p> <p style="text-align:justify">သူသည် အခြားကိစ္စများ၌ ထူးချွန်ခြင်း မရှိသော်လည်း ဂေါက်သီးရိုက်ရာ၌မူ အလွန် ကျွမ်းကျင်သူ ဖြစ်ကာ လူကုံထံ အသိုင်းအဝိုင်း၌ နာမည်ကျော်ကြားသည်။ ယနေ့ပင် သူက ရှီးမန်ယွီကျောက်၏ နည်းပြအဖြစ် လိုက်လာခြင်း ဖြစ်သည်။ </p> <p style="text-align:justify">ယခုအခါ ဂေါက်သီးရိုက်ရုံဖြင့် ကြီးမားသော အကျိုးကျေးဇူးကို ရရှိမည်ဖြစ်သလို ရန်ငြိုးကိုလည်း ဖြေရှင်းနိုင်မည် ဖြစ်သဖြင့် သူက ငြင်းဆိုစရာ အကြောင်းမရှိပေ။ သူတို့နှစ်ဦး တိုင်ပင်ပြီးနောက် လက်အောက်ခံ အချို့ကို ခေါ်ကာ အေဇုန်သို့ လျှောက်သွားကြတော့သည်။</p> <p style="text-align:justify">"သခင်မလေးဆူး... ဒီမှာ ဂေါက်သီးလာရိုက်နေတာလား"</p> <p style="text-align:justify">ကျင်ကျောက်က ဖားယားသော အမူအရာဖြင့် ဆူးရုယွဲကို နှုတ်ဆက်လိုက်သည်။ သူ၏ ပစ်မှတ်မှာ ယဲ့ပုဖန်သာ ဖြစ်ပြီး ဆူးမိသားစု၏ သခင်မလေးကိုမူ မဆော်ကားဝံ့ပေ။</p> <p style="text-align:justify">ဆူးရုယွဲသည် ဂေါက်တံကို ချကာ လှည့်ကြည့်လိုက်သည်။ ကျင်ကျောက်နှင့် ရှီးမန်ယွီကျောက်တို့ကို မြင်သောအခါ သူမက ယဉ်ကျေးစွာ ပြုံးပြလိုက်သည်။</p> <p style="text-align:justify">"ရှင်တို့လည်း ကစားဖို့ ရောက်လာတာလား"</p> <p style="text-align:justify">သူမ၏ အပြောအဆိုတိုင်းမှာ သိမ်မွေ့လှပေသည်။ ရှီးမန်ယွီကျောက်က "သခင်မလေးဆူး တစ်ယောက်တည်း ကစားနေတာလား" ဟု မေးလိုက်သည်။</p> <p style="text-align:justify">"မဟုတ်ပါဘူး... ကျွန်မရဲ့ မိတ်ဆွေ ပါလာပါတယ်"</p> <p style="text-align:justify">ဆူးရုယွဲက ယဲ့ပုဖန်ကို မိတ်ဆက်ပေးလိုက်သည်။ "ဒါက ဆရာယဲ့ပါ"</p> <p style="text-align:justify">ယဲ့ပုဖန်လည်း ထိုသူနှစ်ဦးကို လှည့်ကြည့်လိုက်ပြီးနောက် စိတ်ထဲမှ ရယ်မိသွားသည်။ ကမ္ဘာကြီးက တကယ့်ကို ကျဉ်းမြောင်းလှသည်။ </p> <p style="text-align:justify">ရန်သူတို့သည်ကား ထပ်မံ ဆုံတွေ့ရချေပြီ။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save