Book List

<h2 style="text-align: center;">အခန်း (၆၂၂)</h2> <h2 style="text-align: center;">နတ်ဘုရားအသွင်ပြောင်းအဆင့် ကောင်းကင်ဖြစ်စဉ်</h2> <h2 style="text-align: center;">ဝိညာဉ်သန္ဓေသားကိုခွဲ၍ နတ်ဘုရားဝိညာဉ်ဖွဲ့စည်းခြင်း(၂)။</h2> <h2 style="text-align: center;">*</h2> <p> </p> <p> </p> <p>သို့သော် ကျိုးစွေ့အတွက်မူ ဤသည်မှာ ကလေးကစားစရာမျှသာ ဖြစ်ပေသည်။</p> <p> </p> <p>အဘယ်ကြောင့်ဆိုသော် သူသည် နတ်ဘုရားအသွင်ပြောင်းအဆင့် ရုပ်ခန္ဓာကျင့်ကြံသူတစ်ဦး ဖြစ်နေပြီဖြစ်ရာ၊ သူ၏ခန္ဓာကိုယ်ကြံ့ခိုင်မှုမှာ မယုံနိုင်လောက်အောင် အားကောင်းနေသောကြောင့်ပင်။</p> <p> </p> <p>ယခုကဲ့သို့ စွမ်းအင်များ အလုံးအရင်းဝင်ရောက်လာမှုသည် သူ၏မျက်နှာကို လေပြေလေညင်းလေးများ တိုက်ခတ်သွားသကဲ့သို့သာ ဖြစ်၏။</p> <p> </p> <p>လုံးဝကို အရေးမပါလှပေ။</p> <p> </p> <p>ခရက်... ခရက်...။</p> <p> </p> <p>မည်မျှကြာသွားသည်ကို မသိရသော်လည်း ဤမူလဝိညာဉ်မျိုးစေ့မှာ နောက်ဆုံးတွင် အမြစ်တွယ်ကာ အညှောင့်ထွက်လာခဲ့လေပြီ။</p> <p> </p> <p>တစ်ချိန်တည်းမှာပင် ခန္ဓာကိုယ်တွင်းရှိ ဝိညာဉ်သန္ဓေသားမှာလည်း ဖန်ခွက်တစ်ခုကဲ့သို့ ချက်ချင်းအက်ကွဲသွားတော့သည်။</p> <p> </p> <p>ဝိညာဉ်သန္ဓေသား အပိုင်းအစတစ်ခုစီသည် အလွန်တရာသန့်စင်သော စွမ်းအင်များပင်ဖြစ်ပြီး ထိုစွမ်းအင်များသည် မူလဝိညာဉ်မျိုးစေ့အတွင်းသို့ စီးဝင်သွားကြ၏။</p> <p> </p> <p>မူလဝိညာဉ်မျိုးစေ့ကလည်း ဤကြီးမားလှသော ဝိညာဉ်သန္ဓေသားစွမ်းအင်များကို လောဘတကြီး စုပ်ယူနေလေသည်။</p> <p> </p> <p>ထို့နောက် ၎င်းသည် အဆက်မပြတ် ကြီးထွားကာ အားကောင်းလာ၏။</p> <p> </p> <p>မျက်စိတစ်မှိတ်အတွင်း ထိုရွှေရောင်မျိုးစေ့သည် သူ၏ဝိညာဉ်အတွင်းသို့ ချက်ချင်းဆိုသလို ဝင်ရောက်သွားလေသည်။</p> <p> </p> <p>ထိုအခါ သူ၏ဝိညာဉ်မှာ အဆက်မပြတ် အသွင်ပြောင်းလဲလာပြီး ပုံသဏ္ဌာန်မဲ့ဝိညာဉ်မှသည် အစစ်အမှန်ဒြပ်ထုတစ်ခုအဖြစ် စုစည်းသွားကာ အကောင်အထည်ရှိသော ဝိညာဉ်အဖြစ်သို့ ဆင့်ကဲပြောင်းလဲသွား‌တော့သည်။</p> <p> </p> <p>“ဒါက မူလဝိညာဉ်လား…”</p> <p> </p> <p>ကျိုးစွေ့က လက်သီးကို ဆုပ်လိုက်၏။</p> <p> </p> <p>သူ၏ဝိညာဉ်မှာ ကောင်းကင်နှင့်မြေကြီး မှောက်ခုံလန်သွားသကဲ့သို့ ကြီးမားသော ပြောင်းလဲမှုကြီးဖြစ်ပေါ်သွားသည်ကို သူတွေ့လိုက်ရသည်။ ယခင်က ဝိညာဉ်သည် အလွန်တရာအားနည်းခဲ့ပြီး ခန္ဓာကိုယ်၏ ကာကွယ်ပေးမှုမှ လုံးဝခွဲထွက်နိုင်ခြင်း မရှိခဲ့ပေ။ အကယ်၍ ခန္ဓာကိုယ်မှ ခွဲထွက်လိုက်ပါက ပြင်ပစွမ်းအားများ၏ တိုက်စားမှုကိုခံရပြီး ဝိညာဉ်ပြန့်ကျဲကာ ပျက်စီးသွားမည်ဖြစ်သည်။</p> <p> </p> <p>သို့သော် ယခုမူ မတူတော့ချေ။</p> <p> </p> <p>ယခုအချိန်တွင် သူ၏ဝိညာဉ်သည် မူလဝိညာဉ်အဖြစ် ပြောင်းလဲသွားခဲ့ပြီး အစစ်အမှန်ခန္ဓာကိုယ်တစ်ခုကို ပိုင်ဆိုင်ထားသကဲ့သို့ ဒြပ်ထုအဖြစ် စုစည်းသွားခဲ့ပြီဖြစ်သည်။</p> <p> </p> <p>ဝုန်း...။</p> <p> </p> <p>ထိုစဉ် ကျိုးစွေ့သည် စိတ်ဆန္ဒတစ်ချက်ဖြင့် မူလဝိညာဉ်ကို ခန္ဓာကိုယ်မှ ထွက်ခွာစေလိုက်သည်။</p> <p> </p> <p>သူ၏မူလဝိညာဉ်သည် ဂူဗိမာန်ထဲမှ ချက်ချင်းထွက်ခွာသွားပြီး ကောင်းကင်ယံသို့ အဆက်မပြတ်ပျံသန်းသွားကာ အမြင့်ဆုံး ကောင်းကင်ဘုံအထက်သို့တိုင် ရောက်ရှိသွားလေသည်။</p> <p> </p> <p>ထိုအချိန်တွင် သူ၏အာရုံခံနိုင်စွမ်းမှာ ကီလိုမီတာ သိန်းနှင့်ချီသော ဧရိယာအထိ ကျယ်ပြန့်သွားကြောင်း သူတွေ့လိုက်ရ၏။</p> <p> </p> <p>ယခင်အချိန်နှင့် နှိုင်းယှဉ်ပါက သူ၏နတ်ဘုရားအာရုံ အာရုံခံနိုင်သည့် အကွာအဝေးမှာ မည်မျှအထိ ဆတိုးကျယ်ပြန့်သွားမှန်းကိုပင် မသိနိုင်တော့ပေ။</p> <p> </p> <p>သူ၏အာရုံခံနိုင်စွမ်းသည် ကောင်းကင်မျက်လုံးတစ်လုံးကဲ့သို့ ဤဧရိယာအတွင်းရှိ မည်သည့်နေရာကိုမဆို စောင့်ကြည့်နေနိုင်သည်ဟု သူခံစားလိုက်ရသည်။</p> <p> </p> <p>အစီအရင်တားမြစ်ချက်များပင်လျှင် သူ၏မူလဝိညာဉ် အာရုံခံနိုင်စွမ်းကို မတားဆီးနိုင်တော့ပေ။</p> <p> </p> <p>ပို၍အရေးကြီးသည်မှာ မူလဝိညာဉ်သန္ဓေတည်လာပြီးနောက် ကောင်းကင်နှင့် မြေကြီးကြားရှိ ပို၍သေးငယ်သိမ်မွေ့သော စွမ်းအားအဆင့်များကိုပါ သူအာရုံခံနိုင်လာခြင်းပင်ဖြစ်သည်။</p> <p> </p> <p>ကောင်းကင်နှင့် မြေကြီးကြားတွင် ဝိညာဉ်စွမ်းအင်များသာ ရှိနေခြင်းမဟုတ်ဘဲ အင်မော်တယ်မူလချီ၊ ရှေးဟောင်းနတ်ဆိုးချီ၊ ရှေးဟောင်းမိစ္ဆာသားရဲချီ၊ အစစ်အမှန်ယန်ချီ၊ အစစ်အမှန်ယင်ချီ၊ ဖန်ဆင်းခြင်းချီ စသည်တို့လည်း ရှိနေကြပေသည်။</p> <p> </p> <p>မရေမတွက်နိုင်သော ထူးခြားသည့်အငွေ့အသက်များ ပေါင်းစပ်သွားကာ ကျင့်ကြံခြင်းလောက၏ သီးသန့်စွမ်းအင်တစ်ခုအဖြစ် ဖြစ်ပေါ်လာခြင်းဖြစ်၏။</p> <p> </p> <p>သို့ရာတွင် သာမန်ကျင့်ကြံသူများသည် သာမန်ဝိညာဉ်စွမ်းအင် အမျှင်တန်းလေးများကိုသာ ဝင်လေထွက်လေအဖြစ် ရှူရှိုက်နိုင်ကြပေသည်။</p> <p> </p> <p>နတ်ဘုရားအသွင်ပြောင်းအဆင့် ကျင့်ကြံသူများသာလျှင် မူလဝိညာဉ်၏ စွမ်းအားမှတစ်ဆင့် ဖန်ဆင်းခြင်းချီ အမျှင်တန်းလေးများကို စုပ်ယူနိုင်ကြခြင်းဖြစ်သည်။</p> <p> </p> <p>“ကျင့်ကြံခြင်းလောကက နတ်ဘုရားအသွင်ပြောင်းအဆင့် ကျင့်ကြံသူတွေရဲ့ သက်တမ်းက နှစ်သုံးထောင်ပဲရှိတာ အံ့သြစရာတော့ မဟုတ်တော့ဘူး…”</p> <p> </p> <p>“ဒါပေမဲ့ ဝိညာဉ်လောကက နတ်ဘုရားအသွင်ပြောင်းအဆင့်တွေကကျတော့ နှစ်ခြောက်ထောင် သက်တမ်း ရှိကြတယ်… ဒါက ကျင့်ကြံခြင်းလောကမှာ ဖန်ဆင်းခြင်းချီတွေ အရမ်းကိုနည်းနေလို့ပဲ…”</p> <p> </p> <p>“ဝိညာဉ်လောကကို တက်လှမ်းသွားပြီး လုံလောက်တဲ့ ဖန်ဆင်းခြင်းချီတွေကို ဝါးမျိုနိုင်မှသာ နတ်ဘုရားအသွင်ပြောင်းအဆင့် ကျင့်ကြံသူတွေရဲ့ သက်တမ်းကို အမြင့်ဆုံးကန့်သတ်ချက်အထိ မြှင့်တင်နိုင်မှာပဲ…”</p> <p> </p> <p>ကျိုးစွေ့ ရုတ်တရက် သဘောပေါက်သွားလေသည်။</p> <p> </p> <p>ဝိညာဉ်လောကနှင့် ကျင့်ကြံခြင်းလောကတို့ကြား အဓိကကွာခြားချက်မှာ မည်သည့်အရာဖြစ်ကြောင်းကို သူနားလည်သွားခဲ့ချေပြီ။</p> <p> </p> <p>အဘယ်ကြောင့်ဆိုသော် ဝိညာဉ်လောကရှိ ချီသန့်စင်ခြင်း၊ အခြေတည်အဆင့်၊ ရွှေအမြုတေ၊ ဝိညာဉ်သန္ဓေသား စသည့်ကျင့်ကြံသူများ၏သက်တမ်းမှာ အမှန်တကယ်တွင် လူ့လောကနှင့် များစွာမကွာခြားဘဲ သက်တမ်း သိသိသာသာပြောင်းလဲသွားခြင်းမျိုး မရှိသောကြောင့်ပင်။</p> <p> </p> <p>နတ်ဘုရားအသွင်ပြောင်းအဆင့် ကျင့်ကြံသူများသာလျှင် သက်တမ်းမှာ ရုတ်တရက်ဆိုသလို နှစ်ဆတိုးလာခဲ့ခြင်း ဖြစ်သည်။</p> <p> </p> <p>အကြောင်းရင်းမှာ နတ်ဘုရားအသွင်ပြောင်းအဆင့်နှင့်အထက် ကျင့်ကြံသူများသာလျှင် ကောင်းကင်နှင့် မြေကြီးကြားရှိ ဖန်ဆင်းခြင်းချီကို ကိုယ်တိုင်ကိုယ်ကျ ဝါးမျိုနိုင်သောကြောင့်</p> <p>ဖြစ်ပေသည်။</p> <p> </p> <p>ထို့မှသာ ကျင့်ကြံသူများ၏သက်တမ်းကို ရှည်ကြာစေနိုင်မည် ဖြစ်၏။</p> <p> </p> <p>နတ်ဘုရားအသွင်ပြောင်းအဆင့်အောက်ရှိ ကျင့်ကြံသူများမှာမူ ကျင့်ကြံခြင်းအဆင့် မလုံလောက်သောကြောင့် ကောင်းကင်နှင့် မြေကြီးတွင် ယင်းအငွေ့အသက်များ ရှိနေလျှင်ပင် စုပ်ယူနိုင်စွမ်း မရှိကြပေ။</p> <p> </p> <p>ထို့ကြောင့် သဘာဝကျကျပင် သူတို့၏သက်တမ်းကို ဆွဲဆန့်နိုင်စွမ်း မရှိကြခြင်း ဖြစ်သည်။</p> <p> </p> <p>သို့ရာတွင် အချို့သော အထူးကျင့်စဉ်များမှာမူ မိမိတို့၏သက်တမ်းကို တူညီသောအဆင့်ရှိ အခြားကျင့်ကြံသူများထက် ပိုမိုရှည်ကြာအောင် ပြုလုပ်ပေးနိုင်စွမ်း ရှိကြပေသည်။</p> <p> </p> <p>ဝုန်း... ဝုန်း... ဝုန်း…။</p> <p> </p> <p>ထိုခဏတွင် ကျိုးစွေ့က ဝိညာဉ်သန္ဓေသားကို ဖြိုခွဲကာ မူလဝိညာဉ်အဖြစ် အောင်မြင်စွာ စုစည်းနိုင်လိုက်သည်နှင့်တစ်ပြိုင်နက်၊ မိုင်ပေါင်းသိန်းနှင့်ချီသော ဧရိယာအတွင်း ကောင်းကင်နှင့် မြေကြီး မှောက်ခုံလန်သွားသကဲ့သို့ ချက်ချင်းပြောင်းလဲသွားပြီး ကြောက်မက်ဖွယ်ကောင်းသော သဘာဝဖြစ်စဉ်များ ပေါက်ကွဲထွက်ပေါ်လာတော့သည်။</p> <p> </p> <p>မရေမတွက်နိုင်သော အလင်းစက်များမှာ တောင်တန်းများ၊ မြစ်ချောင်းများ၊ နေ၊ လ၊ ကြယ်တာရာများနှင့် မရေမတွက်နိုင်သော ကြယ်စင်ကမ္ဘာများထဲမှ ထွက်ပေါ်လာကြသည်။ ၎င်းတို့သည် လောကတစ်ခွင် ပြည့်နှက်နေပြီး အရောင်ငါးမျိုးဖြင့် ပေါ်ထွက်လာကာ ကောင်းကင်တစ်ခုလုံးကို လွှမ်းခြုံသွားပြီး အရောင်ငါးမျိုးရှိသော တိမ်တိုက်များအဖြစ် ဖြစ်ပေါ်လာကြ၏။</p> <p> </p> <p>ထိုအရာများအားလုံးမှာ သတ္တု၊ သစ်သား၊ ရေ၊ မီးနှင့် မြေ စသည့် အစစ်အမှန်အဖြစ် စုစည်းသွားသော ဒြပ်ကြီးငါးပါး ဝိညာဉ်စွမ်းအင်များပင် ဖြစ်ကြပြီး မူလက ၎င်းတို့ကို သာမန်မျက်စိဖြင့် မမြင်နိုင်ကြပေ။</p> <p> </p> <p>သို့သော် ကျိုးစွေ့၏မူလဝိညာဉ် လွှမ်းမိုးမှုကြောင့် ထိုစွမ်းအင်များသည် ရွှမ်ဟွမ်တောင်ထွတ်တွင် စုဝေးလာကြပြီး လှိမ့်ဝင်လာကာ ဝိညာဉ်စွမ်းအင်ပင်လယ်ကြီးတစ်ခုအဖြစ် ဖြစ်ပေါ်လာပြီး မိုင်ပေါင်းသိန်းနှင့်ချီသော ဧရိယာကို လွှမ်းခြုံသွားကာ အလွန်ပင် ခမ်းနားကြီးကျယ်လှ‌သည်။</p> <p> </p> <p>မိုင်ပေါင်းသိန်းနှင့်ချီသော ဧရိယာအတွင်းရှိ သဘာဝဝိညာဉ်စွမ်းအင်အားလုံးမှာ ခန်းခြောက်သွားတော့မည့်အလား စုပ်ယူခံလိုက်ရပြီး ဤနေရာသို့ အကုန်အစင် စုဝေးလာကြသည်ဟုပင် ဆိုနိုင်ပေသည်။</p> <p> </p> <p>…………</p> <p> </p> <p>ယခုအချိန်တွင် ရွှမ်ဟွမ်ကျွန်းတစ်ခုလုံး အပါအဝင် ရွှမ်ဟွမ်ကျွန်းအပြင်ဘက် ပင်လယ်ပြင်ရှိ မရေမတွက်နိုင်သော ကျင့်ကြံသူများသည် ဤကောင်းကင်နှင့် မြေကြီးဖြစ်စဉ်ကို ချက်ချင်းပင် သတိပြုမိသွားကြလေသည်။</p> <p> </p> <p>အဘယ်ကြောင့်ဆိုသော် ဤကဲ့သို့သော ကောင်းကင်နှင့် မြေကြီးဖြစ်စဉ်မှာ အလွန်တရာ ကြီးမားကျယ်ပြန့်လွန်းလှရာ လုံးဝဖုံးကွယ်ထားနိုင်ရန် မဖြစ်နိုင်သောကြောင့်ပင်။</p> <p> </p> <p>သူတို့အားလုံး ရွှမ်ဟွမ်ကျွန်း၏ ကောင်းကင်ယံကို ချက်ချင်းလှမ်းကြည့်လိုက်ကြသည်။ ကောင်းကင်ကို ဖုံးလွှမ်းနေသော အရောင်ငါးမျိုးတိမ်တိုက်များမှာ တိမ်ပင်လယ်ကြီးတစ်ခုကဲ့သို့ အလွန်တရာထူထပ်နေပြီး တောက်ပသော ငါးရောင်ခြယ်အလင်းတန်းများ ပေါက်ကွဲထွက်ပေါ်နေလေသည်။</p> <p> </p> <p>အဝေးမှ ကြည့်လိုက်မည်ဆိုလျှင် ထိုအရာသည် အရောင်ငါးမျိုးရှိသော ဝိညာဉ်စွမ်းအင် ပင်လယ်ကြီးတစ်ခုနှင့်ပင် တူနေပေသည်။</p> <p> </p> <p>သက်တံများက ကောင်းကင်ယံကို ဖြတ်သန်းသွားကာ အလွန်တရာလှပပြီး မျက်စိပသာဒ ဖြစ်လွန်းလှသည်။</p> <p> </p> <p>“မဖြစ်နိုင်တာ… ဘာတွေဖြစ်ကုန်တာလဲ…”</p> <p> </p> <p>ကုယုံတောင်ထွတ်မှ အကြီးဆုံးတပည့်ဖြစ်သူ ကျောက်ဟွမ်ကျန်းသည် ဤထူးခြားဖြစ်စဉ်ကို ချက်ချင်းသတိပြုမိသွားပြီး တံခါးပိတ်ကျင့်ကြံနေရာမှ နိုးထလာခဲ့တော့သည်။</p> <p> </p> <p>သူတစ်ယောက်တည်းသာမဟုတ် ကုယုံတောင်ထွတ်တစ်ခုလုံးရှိ တပည့်များအားလုံး တုန်လှုပ်သွားကြရသည်။</p> <p> </p> <p>မည်သို့ပင်ဖြစ်စေကာမူ ပတ်ဝန်းကျင်ရှိ သဘာဝဝိညာဉ်စွမ်းအင်များ စုပ်ယူခံလိုက်ရရာ ကျင့်ကြံချင်လျှင်ပင် မဖြစ်နိုင်တော့ပေ။</p> <p> </p> <p>“စိုးရိမ်စရာမလိုပါဘူး… ဂိုဏ်းချုပ်ကြီး နတ်ဘုရားအသွင်ပြောင်းအဆင့်ကို တက်လှမ်းနေတာ ဖြစ်ရမယ်….”</p> <p> </p> <p>“ဒါက ဂိုဏ်းချုပ်ကြီး ဖန်တီးလိုက်တဲ့ နတ်ဘုရားအသွင်ပြောင်းခြင်း ကောင်းကင်ဖြစ်စဉ်ပဲ…”</p> <p> </p> <p>ကုယုံတောင်ထွတ်သခင်ဖြစ်သူ ဝူဝေတာအိုအရှင်က ခပ်တိုးတိုးပြောလိုက်လေသည်။</p> <p> </p> <p>“မဖြစ်နိုင်တာ… တကယ်ပဲ နတ်ဘုရားအသွင်ပြောင်းခြင်း ကောင်းကင်ဖြစ်စဉ်လား…”</p> <p> </p> <p>“ဒါပေမဲ့ ပုံမှန်အားဖြင့်ဆိုရင် နတ်ဘုရားအသွင်ပြောင်းခြင်း ကောင်းကင်ဖြစ်စဉ်က အများဆုံး မိုင်ပေါင်းထောင်ချီ ဒါမှမဟုတ် သောင်းချီတဲ့ ဧရိယာအထိပဲ သက်ရောက်မှုရှိတာ မဟုတ်ဘူးလား…”</p> <p> </p> <p>“အခုက မိုင်ပေါင်းသိန်းနဲ့ချီပြီး သက်ရောက်နေတာလေ… ဒါက နည်းနည်းတော့ ချဲ့ကားလွန်းမနေဘူးလား…”</p> <p> </p> <p>“နေပါဦး၊ မဟုတ်သေးဘူး… ဂိုဏ်းချုပ်ကြီးက နတ်ဘုရားအသွင်ပြောင်းအဆင့်ကို တက်လှမ်းနေတာလား… ဂိုဏ်းချုပ်ကြီးက နတ်ဘုရားအသွင်ပြောင်းအဆင့် အရှင်သခင်ဖြစ်လာတော့မှာပေါ့…”</p> <p> </p> <p>ကျောက်ဟွမ်ကျန်းခမျာ မျက်လုံးပြူးသွားပြီး အံ့ဩလွန်း၍ ဆွံ့အသွားလေသည်။</p> <p> </p> <p>ဂိုဏ်းချုပ်ကြီး၏အသက်မှာ ယခုအချိန်အထိ သုံးရာမျှသာရှိသေးသည်ကို သူသိထားပေသည်။</p> <p> </p> <p>နတ်ဘုရားအသွင်ပြောင်းအဆင့်သို့ တက်လှမ်းတော့မည်ဟု သူ လုံးဝမထင်ထားခဲ့ပေ။</p> <p> </p> <p>အကယ်၍ အောင်မြင်သွားပါက အသက်သုံးရာအရွယ် နတ်ဘုရားအသွင်ပြောင်းအဆင့် ကျင့်ကြံသူတစ်ယောက် ဖြစ်လာမည်ဖြစ်ရာ ဤသည်မှာ အလွန်တရာ အံ့ဩဖွယ်ကောင်းလွန်းလှ‌သည်။</p> <p> </p> <p>“ဟုတ်တယ်… ဒီကောင်က တကယ့်ကို မကောင်းဆိုးရွားပဲ…”</p> <p> </p> <p>ဝူဝေတာအိုအရှင်မှာလည်း အလွန်တရာ စိတ်ဓာတ်ကျသွားလေသည်။</p> <p> </p> <p>သူသည် ယနေ့တိုင်အောင် အသက်ကိုးရာကျော် နေထိုင်ခဲ့ရသော်လည်း ဝိညာဉ်သန္ဓေသား နောက်ဆုံးအဆင့်တွင်သာ ရှိနေသေး၏။</p> <p> </p> <p>နတ်ဘုရားအသွင်ပြောင်းအဆင့်နှင့် မည်မျှ ကွာဝေးနေသေးသည်ကိုပင် မသိနိုင်တော့ပေ။</p> <p> </p> <p>သို့သော် ယခုမူ ဤအသက်သုံးရာအရွယ် ရွှမ်ဟွမ်ဂိုဏ်းချုပ်ကြီးမှာ နတ်ဘုရားအသွင်ပြောင်းအဆင့်သို့ တက်လှမ်းတော့မည် ဖြစ်သည်။</p> <p> </p> <p>ကောင်းကင်ဘုံသည် အမှန်တကယ်ပင် မမျှတချေ။</p> <p>လူအချင်းချင်း နှိုင်းယှဉ်ကြည့်ပါက တကယ်ကို ဒေါသထွက်လွန်း၍ လဲသေချင်စရာပင် ကောင်းလှသည်ဟုသာ ဆိုရပေတော့မည်။</p> <p> </p> <p style="text-align: center;">***</p> <p> </p>


Save