Book List

<h2 style="text-align: center;">အခန်း (၆၂၅)</h2> <h2 style="text-align: center;">နတ်ဘုရားအသွင်ပြောင်းအဆင့်သို့ တက်လှမ်းခြင်း၊</h2> <h2 style="text-align: center;">နတ်ဘုရားမိုးကြိုးကပ်ဘေးနှင့် ကံကြမ္မာကောင်း</h2> <h2 style="text-align: center;">ဖန်ဆင်းခြင်းမိုးရွာသွန်းမှု(၃)။</h2> <h2 style="text-align: center;">*</h2> <h2> </h2> <p>“တကယ်ကို ကောင်းကင်မိစ္ဆာကပ်ဘေးက ငါ့အတွက်တော့ လက်တစ်ဖက် လှန်လိုက်ရသလိုပဲ လွယ်ကူလွန်းတယ်...”</p> <p> </p> <p>ကျိုးစွေ့က မျက်လုံးများကို ဖွင့်လိုက်ပြီး သူ၏စိတ်နှလုံးမှာ အလွန် တည်ငြိမ်နေခဲ့သည်။</p> <p> </p> <p>နယ်ပယ်ပြင်ပ ကောင်းကင်မိစ္ဆာကပ်ဘေးသည် သာမန်ကျင့်ကြံသူများအတွက်မူ သဘာဝကျကျ ခုခံရန်ခက်ခဲသော ဘေးဒုက္ခတစ်ခု ဖြစ်သည်။</p> <p> </p> <p>အဘယ်ကြောင့်ဆိုသော် ၎င်းတို့သည် မူလဝိညာဉ်ကို ပုံဖော်ပြီးခါစမှာပင် နယ်ပယ်ပြင်ပ ကောင်းကင်မိစ္ဆာများနှင့် ရင်ဆိုင်ရမည်ဖြစ်၍ မည်သို့လျှင် ခုခံနိုင်ပါမည်နည်း။</p> <p> </p> <p>သို့သော် သူကမူ မတူညီ၊ သူသည် ‘အိပ်မက်ဝိညာဉ်ကူ’၏ စွမ်းအားကို ပိုင်ဆိုင်ထားသည်။</p> <p> </p> <p>ဤနယ်ပယ်ပြင်ပကောင်းကင်မိစ္ဆာများသည် အစားအစာများသာ ဖြစ်ပေသည်။</p> <p> </p> <p>ဤသည်မှာ တစ်စုံတစ်ခုကို အခြားတစ်ခုက နှိမ်နင်းနိုင်စွမ်းရှိသည်ဟု ဆိုနိုင်ပေသည်။</p> <p> </p> <p>သို့သော် အခက်ခဲဆုံးမှာ နတ်ဘုရားအသွင်ပြောင်းခြင်း၏ တတိယအဆင့်ဖြစ်သော နတ်ဘုရားအသွင်ပြောင်း မိုးကြိုးကပ်ဘေးပင် ဖြစ်လေသည်။</p> <p> </p> <p>ယခု ကြုံတွေ့ရမည့် မိုးကြိုးကပ်ဘေးသည် တွေးထင်ထားသည်ထက် ကျော်လွန်ကာ အလွန်အမင်း စွမ်းအားကြီးမားကြောင်းကို သူ ခံစားသိရှိနိုင်သည်။</p> <p> </p> <p>အဘယ်ကြောင့်ဆိုသော် ကောင်းကင်ထက်၌ ကပ်ဘေးတိမ်တိုက်များ ထူထပ်စွာ ပြည့်နှက်နေပြီး မိုင်တစ်သန်းပတ်လည်ရှိ နယ်မြေကို ကြီးမားကျယ်ပြန့်စွာ ဖုံးလွှမ်းထားသောကြောင့် ဖြစ်သည်။</p> <p> </p> <p>ကြီးမားလှသော ကပ်ဘေးမိုးကြိုးစွမ်းအင်များသည် တိမ်တိုက်များ၏ နက်ရှိုင်းသောနေရာတွင် စုစည်းသွားကာ ဧရာမကပ်ဘေးမျက်လုံးကြီးတစ်ခု ဖြစ်ပေါ်လာပြီး လူကို ကြောက်ရွံ့တုန်လှုပ်စေသည်။</p> <p> </p> <p>ဝှစ်…။</p> <p> </p> <p>ဤအခိုက်အတန့်တွင် ကျိုးစွေ့သည် ခန္ဓာကိုယ်တစ်ချက်လှုပ်ရှားလိုက်ပြီး ဂူဗိမာန်မှ ချက်ချင်းထွက်ခွာသွားကာ ရွှမ်ဟွမ်တောင်ထွတ်၏ ထိပ်သို့ ရောက်ရှိသွားသည်။</p> <p> </p> <p>ဤမိုးကြိုးကပ်ဘေးကို ကြိုဆိုရန်အတွက် ဖြစ်သည်။</p> <p> </p> <p>…………</p> <p> </p> <p>ယခုအခိုက်အတန့်တွင် ချန်ဇီယွင်နှင့် အခြားသူများသည်လည်း ဤမြင်ကွင်းကို အလွန်တရာ စိုးရိမ်ပူပန်စွာဖြင့် စောင့်ကြည့်နေကြသည်။</p> <p> </p> <p>အထူးသဖြင့် ပိုမိုထူထပ်လာသော ကပ်ဘေးတိမ်တိုက်များကို မြင်လိုက်ရချိန်တွင် အခြေအနေမကောင်းကြောင်းကို ၎င်းတို့၏ ပင်ကိုယ်အသိစိတ်က သတိပြုမိသွားကြ၏။</p> <p> </p> <p>ယင်းမှာ ယခင်က မရှိခဲ့ဖူးသော မိုးကြိုးကပ်ဘေးဖြစ်ပြီး စိတ်ကူးနှင့်ပင် မှန်းဆ၍မရနိုင်ပေ။</p> <p> </p> <p>၎င်းတို့သည် ကပ်ဘေးကို ရင်ဆိုင်ရမည့်သူများ မဟုတ်ဘဲ ဘေးမှနေ၍ ကြည့်ရှုနေရုံသာ ဖြစ်သော်လည်း ဖျက်ဆီးခြင်းအငွေ့အသက်များကို ခံစားရကာ တုန်လှုပ်နေကြဆဲ ဖြစ်သည်။</p> <p> </p> <p>ကျပန်းမိုးကြိုးကပ်ဘေးတစ်ခုသာ ကျဆင်းလာပါက မိမိတို့ကိုယ်တိုင် ပြာအဖြစ် ပြောင်းလဲသွားမည်ဟုပင် ထင်မှတ်ရသည်။</p> <p> </p> <p>“မကောင်းတော့ဘူး…. ဒါက ရှစ်ဆင့်မိုးကြိုးကပ်ဘေး၊ ကိုးဆင့်မိုးကြိုးကပ်ဘေးလောက် မရိုးရှင်းဘူး...”</p> <p> </p> <p>“ငါခန့်မှန်းတာ မမှားဘူးဆိုရင် ဒါက ကျင့်ကြံခြင်းလောကမှာ သမိုင်းတစ်လျှောက် ပေါ်ထွက်ခဲ့ဖူးသမျှထဲ အစွမ်းအထက်ဆုံး မိုးကြိုးကပ်ဘေးဖြစ်တဲ့ ရှန်ရှောင်မိုးကြိုးကပ်ဘေး ဖြစ်နိုင်တယ်...”</p> <p> </p> <p>ချန်ဇီယွင်၏မျက်နှာမှာ အလွန် တည်ကြည်လေးနက်သွားပြီး အထက်မှ ကပ်ဘေးတိမ်တိုက်များကို စိုးရိမ်တကြီး ကြည့်နေလေသည်။</p> <p> </p> <p>“ရှန်ရှောင်မိုးကြိုးကပ်ဘေး... ကိုးဆင့်မိုးကြိုးကပ်ဘေးက အစွမ်းအထက်ဆုံး မိုးကြိုးကပ်ဘေး မဟုတ်ဘူးလား...”</p> <p> </p> <p>“ဘယ်လိုလုပ်ပြီး ကိုးဆင့်မိုးကြိုးကပ်ဘေးထက် ပိုအစွမ်းထက်တဲ့ မိုးကြိုးကပ်ဘေး ရှိနေရတာလဲ...”</p> <p> </p> <p>သခင်မမက်မွန်ပွင့်နှင့် အခြားသူများမှာ မျက်လုံးများ ပြူးကျယ်သွားကြပြီး ချန်ဇီယွင်ကို မယုံကြည်နိုင်စွာ ကြည့်လိုက်ကြသည်။</p> <p> </p> <p>ရိုးရိုးသားသားဆိုရလျှင် ကိုးဆင့်မိုးကြိုးကပ်ဘေးသည်ပင် အလွန်ကြောက်မက်ဖွယ်ကောင်းနေပြီဟု ၎င်းတို့ ယူဆထားခဲ့ကြသည်။ ယင်းထက်ကျော်လွန်သော မိုးကြိုးကပ်ဘေး ရှိနေသေးမည်ဟု မထင်မှတ်ထားခဲ့သဖြင့် အမှန်တကယ် မယုံကြည်နိုင်ဖြစ်နေကြရသည်။</p> <p> </p> <p>“ကိုးဆင့်မိုးကြိုးကပ်ဘေးဆိုတာက သာမန်မိုးကြိုးတွေပဲ...”</p> <p> </p> <p>“သာမန် နတ်ဘုရားအသွင်ပြောင်းအဆင့် ကျင့်ကြံသူတွေအတွက်တော့ ဒါက အတော်လေး အစွမ်းထက်တဲ့ မိုးကြိုးကပ်ဘေး ဖြစ်ကောင်းဖြစ်နိုင်တယ်...”</p> <p> </p> <p>“ဒါပေမဲ့ ဝိညာဉ်ကမ္ဘာမှာဆိုရင်တော့ ဒီလိုမိုးကြိုးကပ်ဘေးမျိုးက ဘာမှမဟုတ်ဘူး...”</p> <p> </p> <p>“ရှန်ရှောင်မိုးကြိုးကပ်ဘေးကတော့ ဝိညာဉ်ကမ္ဘာမှာဆိုရင်တောင် အတော်လေး ကြောက်စရာကောင်းတဲ့ မိုးကြိုးကပ်ဘေးအဖြစ် သတ်မှတ်ခံရတယ်...”</p> <p> </p> <p>“ဒါက အပြစ်ကံကြီးမားတဲ့ လူတွေဆီမှာပဲ ပေါ်လာတတ်တယ်လို့ ကြားဖူးတယ်...”</p> <p> </p> <p>“မရေမတွက်နိုင်တဲ့ သက်ရှိတွေကို သတ်ဖြတ်ပြီး အကုသိုလ်ကံတွေ များပြားနေတဲ့ လူမျိုးဆိုရင်တော့ ကောင်းကင်တာအိုက ရှန်ရှောင်မိုးကြိုးကပ်ဘေးကို လွတ်ပေးပြီး အဲဒီလူကို သုတ်သင်ပစ်တတ်တယ်...”</p> <p> </p> <p>“ဒါက မိုးကြိုးကပ်ဘေး မဟုတ်တော့ဘူး… ကောင်းကင်ပြစ်ဒဏ် ဖြစ်သွားပြီ...”</p> <p> </p> <p>ယဲ့ဖေးရိုက တည်ကြည်လေးနက်သောအသံဖြင့် ပြောလိုက်သည်။</p> <p> </p> <p>“ဒါပေမဲ့ ယောက်ျားက အဲဒီလို အပြစ်ကံကြီးမားတဲ့လူမျိုးမှ မဟုတ်တာ… ဘယ်လိုလုပ်ပြီး ရှန်ရှောင်မိုးကြိုးကပ်ဘေးကို ဆွဲဆောင်နိုင်မှာလဲ...”</p> <p> </p> <p>သခင်မမက်မွန်ပွင့်မှာ အတော်လေး ဇဝေဇဝါဖြစ်သွားပြီး မည်သို့မျှ တွေး၍မရနိုင်တော့ချေ။</p> <p> </p> <p>မည်သို့ပင်ဖြစ်စေ သူမသည် မိမိ၏ခင်ပွန်းအကြောင်းကို အသိဆုံးဖြစ်ပြီး သက်ရှိအားလုံးကို သတ်ဖြတ်ရန် လုံးဝမဖြစ်နိုင်သကဲ့သို့ သူ၏ကိုယ်ပေါ်တွင်လည်း ပြောပလောက်သော အကုသိုလ်ကံများ မရှိပေ။</p> <p> </p> <p>“တကယ်တော့ အပြစ်ကံကြီးမားတာအပြင် ဒုတိယဖြစ်နိုင်ခြေ တစ်ခုရှိသေးတယ်...”</p> <p> </p> <p>“အဲဒါက ယောက်ျားရဲ့ စွမ်းအားက ကောင်းကင်ကို ဆန့်ကျင်လွန်းနေလို့ ကောင်းကင်နဲ့မြေကြီးက လက်မခံနိုင်တာပဲ...”</p> <p> </p> <p>“ဒါကြောင့် ရှန်ရှောင်မိုးကြိုးကပ်ဘေးကို စမ်းသပ်မှုတစ်ခုအနေနဲ့ ချပေးတာ ဖြစ်လိမ့်မယ်...”</p> <p> </p> <p>ချန်ဇီယွင်က သူမ၏ခန့်မှန်းချက်ကို ပြောပြလိုက်သည်။</p> <p> </p> <p>“စွမ်းအား အရမ်းကြီးတာကလည်း အမှားတစ်ခုလား...”</p> <p> </p> <p>များပြားလှသော တာအိုလက်တွဲဖော်များမှာ မယုံကြည်နိုင်ဖြစ်သွားကြပြီး မည်သို့ပြောရမှန်းပင် မသိတော့ချေ။ မိမိတို့၏ခင်ပွန်းသည် ထူးချွန်လွန်းနေကာ ကောင်းကင်နှင့်မြေကြီးကပင် လက်မခံနိုင်သောအဆင့်အထိ ရောက်ရှိနေပြီး ရှန်ရှောင်မိုးကြိုးကပ်ဘေးကိုပင် ကျဆင်းလာစေသည်ဟု တွေးမိသောကြောင့် ဖြစ်သည်။</p> <p> </p> <p>သို့သော် ယခုအခါတွင် ၎င်းတို့အနေဖြင့် မည်သည့်အရာကိုမျှ လုပ်ဆောင်နိုင်ခြင်း မရှိတော့ဘဲ ဤမိုးကြိုးကပ်ဘေး ကျဆင်းလာမှုကို တိတ်ဆိတ်ငြိမ်သက်စွာ စောင့်ကြည့်နေရန်သာ ရှိတော့၏။</p> <p> </p> <p>ခင်ပွန်းဖြစ်သူအနေဖြင့် ဤမိုးကြိုးကပ်ဘေးကို ဘေးကင်းစွာ ဖြတ်ကျော်နိုင်ပါစေဟုသာ မျှော်လင့်နေကြတော့၏။</p> <p> </p> <p>…………</p> <p> </p> <p>'ဒါက နတ်ဘုရားမိုးကြိုးကပ်ဘေး ဖြစ်နေတာလား...'</p> <p> </p> <p>'ဒီကောင်းကင်တာအိုက ကျုပ်ကို တကယ်အထင်ကြီးနေတာပဲ...'</p> <p> </p> <p>ကျိုးစွေ့သည် သဘာဝကျကျ ဤမိုးကြိုးကပ်ဘေး၏ ကြောက်မက်ဖွယ်ကောင်းမှုကို ပထမဆုံးအကြိမ် ခံစားသိရှိလိုက်သည်။ ဤသည်ကား အဆင့်ကိုးဆင့်မိုးကြိုးကပ်ဘေးထက် ကျော်လွန်သော နတ်ဘုရားမိုးကြိုးကပ်ဘေးပင်ဖြစ်ကာ ကောင်းကင်ဘုံ၏ အပြစ်ပေးခြင်းနှင့်တူညီသော အတိုင်းအဆမဲ့ ကြောက်မက်ဖွယ်စွမ်းအားတစ်ခု ပါဝင်နေလေသည်။</p> <p> </p> <p>နတ်ဘုရားမိုးကြိုးဆိုသည်မှာ အဘယ်နည်း။ ၎င်းသည် ကောင်းကင်ဘုံကိုးထပ်တွင် အမြင့်မြတ်ဆုံးဖြစ်ပြီး နတ်ဘုရားများပင်လျှင် ကိုယ်ရောင်ဖျောက်ကာ ထွက်ပြေးသွားစေနိုင်သည်ဟုလည်း ဆိုနိုင်သည်။</p> <p> </p> <p>ထို့ကြောင့် ၎င်းကို အပြင်းထန်ဆုံးသော မိုးကြိုးကပ်ဘေးများထဲမှ တစ်ခုအဖြစ် သတ်မှတ်ထားကြပြီး ကြောက်မက်ဖွယ်စွမ်းအင်များ ပါဝင်နေပေသည်။</p> <p> </p> <p>ပုံမှန်အားဖြင့်ဆိုရလျှင် ထိုကဲ့သို့သော မိုးကြိုးကပ်ဘေးသည် အင်မော်တယ်များကိုပင် သေဆုံးသည်အထိ ပစ်ခတ်နိုင်စွမ်းရှိသည်။</p> <p> </p> <p>သို့သော်လည်း ကျင့်ကြံခြင်းလောကတွင် ပေါ်ပေါက်လာခြင်းဖြစ်သောကြောင့် အင်အားနည်းပါးသော ပုံစံသာဖြစ်ပြီး ၎င်း၏ စွမ်းအင်အနည်းငယ်မျှသာ ပါဝင်လေသည်။</p> <p> </p> <p>ပုံတူကူးချထားသော မိုးကြိုးဟုလည်း ဆိုနိုင်သည်။ တစ်နည်းအားဖြင့် သေမျိုးလောက၏ နတ်ဘုရားမိုးကြိုးဟု ဆိုရပေမည်။</p> <p> </p> <p>မည်သို့ပင်ဖြစ်စေကာမူ မိုးကြိုးကပ်ဘေးက မည်မျှပင်အစွမ်းထက်သည်ဖြစ်စေ ကျင့်ကြံခြင်းလောကကိုယ်တိုင်၏ ကန့်သတ်ချက်ကိုကား ကျော်လွန်နိုင်မည်မဟုတ်ပေ။</p> <p> </p> <p>သို့တိုင်အောင် ယခုတစ်ကြိမ် ကျရောက်လာသော နတ်ဘုရားမိုးကြိုးကပ်ဘေးသည် အဆင့်ကိုးဆင့်မိုးကြိုးကပ်ဘေးထက် များစွာပိုမိုကြောက်မက်ဖွယ် ကောင်းနေချေသည်။ ဖျက်စီးစွမ်းအားမှာလည်း အဆပေါင်းများစွာ တိုးလာခဲ့သည်။</p> <p> </p> <p>ဝုန်း... အုန်း…။</p> <p> </p> <p>ဤအခိုက်အတန့်တွင် ကောင်းကင်ယံထက်၌ ကပ်ဘေးတိမ်တိုက်များ အုံ့ဆိုင်းလာပြီး ဧရာမအမည်းရောင် လေဆင်နှာမောင်းကြီးတစ်ခုအဖြစ် ပေါ်ပေါက်လာသည်။</p> <p> </p> <p>အဝေးမှ လှမ်းကြည့်လိုက်လျှင် ထိုဧရာမအမည်းရောင် လေဆင်နှာမောင်းကြီးသည် ကောင်းကင်ဘုံ၏ အပြစ်ပေးမျက်လုံးတစ်လုံးနှင့် တူညီနေပြီး ကြောက်မက်ဖွယ်ဖျက်ဆီးခြင်း အရှိန်အဝါများ ပြည့်နှက်နေကာ ကျိုးစွေ့၏ ကိုယ်ပေါ်ရှိ အရှိန်အဝါကို ပထမဆုံးအကြိမ် ပစ်မှတ်သေဖမ်းယူလိုက်သည်။</p> <p> </p> <p>အုန်း…။</p> <p> </p> <p>မည်သည့်ကြိုတင်နိမိတ်မျှမရှိဘဲ ပုံသဏ္ဌာန်မဲ့ မိုးကြိုးကပ်ဘေးတစ်ချက်က ကောင်းကင်ယံမှ ကျဆင်းလာခဲ့၏။ လျှပ်စီးပုံသဏ္ဌာန် လေဟာနယ်ဂယက်တစ်ခု ပေါ်ထွက်လာပြီး ၎င်း၏အမြန်နှုန်းမှာ မယုံနိုင်လောက်အောင် မြန်ဆန်လွန်းသဖြင့် နတ်ဘုရားအာရုံဖြင့်ပင် ဖမ်းဆုပ်၍မရနိုင်လောက်အောင် ဖြစ်နေသည်။</p> <p> </p> <p>'ဘယ်လိုလုပ် ဒီလောက်မြန်နေရတာလဲ...'</p> <p> </p> <p>ကျိုးစွေ့မှာ ချက်ချင်းပင် ကြက်သေသေသွားခဲ့ရသည်။ သူသည် တုံ့ပြန်ရန်ပင် အခွင့်အရေးမရလိုက်။ နှလုံးသားမျက်လုံး၏ စွမ်းအားကို အသုံးပြု၍ ဤမိုးကြိုးကပ်ဘေးကို ခြေရာခံဖမ်းဆုပ်နိုင်ခဲ့သော်လည်း မြင်နိုင်ရုံသာရှိပြီး ရှောင်တိမ်းရန်ကား မဖြစ်နိုင်ပေ။</p> <p> </p> <p>ဝုန်း...။</p> <p> </p> <p>ဤပုံသဏ္ဌာန်မဲ့မိုးကြိုးသည် သူ၏ခန္ဓာကိုယ်ပေါ်သို့ ပြင်းထန်စွာ ကျရောက်လာပြီး ချက်ချင်းပင် သူ၏တစ်ကိုယ်လုံးကို လွင့်စင်သွားစေသည်။ အဝေးရှိမြေပြင်ပေါ်သို့ ပြင်းထန်စွာရိုက်ခတ်သွားရပြီး ဧရာမမြေကျင်းကြီးတစ်ခုကို အလိုလို ဖန်တီးလိုက်လေသည်။</p> <p> </p> <p>ချက်ချင်းပင် ကျိုးစွေ့တစ်ယောက် သူ၏သွေးကြောများအတွင်းမှ သွေးများ ဆန်တက်လာသည်ကို ခံစားလိုက်ရသည်။</p> <p> </p> <p>သို့သော်ငြား ကံကောင်းထောက်မစွာဖြင့် သူ၏ခန္ဓာကိုယ်ပေါ်ရှိ အရေပြားမှာ ဆင်နတ်ဘုရား၏ အရေပြားဖြစ်ပြီး နတ်ဘုရားဆင်အကာအကွယ် သုံးထပ်ပါဝင်နေလေသည်။ ထူထပ်လှသော နတ်ဘုရားဆင်သင်္ကေတများ ပေါ်ထွက်လာကာ ရွှေရောင်စွမ်းအင်အကာအကွယ်တစ်ခု ဖြာထွက်လာခဲ့သည်။</p> <p> </p> <p>ပုံမှန် အဆင့်မြင့်ဝိညာဉ်ရတနာများ၏ ကာကွယ်မှုထက်ပင် ပိုမိုအစွမ်းထက်နေသေး၏။</p> <p> </p> <p>မိုးကြိုးကပ်ဘေးစွမ်းအင်များစွာက သူ၏အရေပြားပေါ်သို့ ပြင်းထန်စွာကျရောက်လာသော်လည်း ချက်ချင်းပင် ပိတ်ဆို့ခံလိုက်ရသည်။</p> <p> </p> <p>သို့တိုင် သေးငယ်သော မိုးကြိုးများစွာသည် သူ၏ခန္ဓာကိုယ်ပေါ်တွင် လူးလာခေါက်တုံ့ သွားလာနေပြီး သူ၏တစ်ကိုယ်လုံးကို ထုံကျင်သွားစေခဲ့သည်။</p> <p> </p> <p>'ဒီလိုကိုး... ဒါက နတ်ဘုရားမိုးကြိုးဆိုတာလား...'</p> <p> </p> <p>'ဒါက သာမန်မျက်စိ၊ နတ်ဘုရားအာရုံကနေ သိမြင်နိုင်စွမ်းမရှိတဲ့ မိုးကြိုးကပ်ဘေးပဲ… ပုံသဏ္ဌာန်မဲ့မိုးကြိုး၊ လေဟာနယ်မိုးကြိုးအမျိုးအစားထဲမှာ ပါဝင်တယ်...'</p> <p> </p> <p>'သာမန်အားဖြင့် ပစ်ခတ်ခံရရင် ကပ်ဘေးကြုံတွေ့ရတဲ့သူက ဘာဖြစ်သွားမှန်းတောင် မသိလိုက်ဘဲ ချက်ချင်းအသတ်ခံရပြီး ပြာကျသွားမှာပဲ...'</p> <p> </p> <p>'အသံကိုသာကြားရပြီး ပုံသဏ္ဌာန်ကို မမြင်ရဘူး...'</p> <p> </p> <p>'ဒါက နတ်ဘုရားမိုးကြိုးပဲ...'</p> <p> </p> <p>ကျိုးစွေ့၏ မျက်လုံးများတွင် ကြောက်မက်ဖွယ်ကောင်းသော အလင်းရောင်တစ်ချက် ထွက်ပေါ်လာခဲ့၏။ ဤသည်ကား သူအရင်က တစ်ခါမှမကြုံဖူးသေးသော ကြောက်မက်ဖွယ်ကပ်ဘေးတစ်ခု ဖြစ်ကြောင်း ထင်ရှားနေပေသည်။</p> <p> </p> <p>ထိုကဲ့သို့သော ကောင်းကင်ဘုံ၏ အပြစ်ပေးမိုးကြိုးသည် နတ်ဘုရားအသွင်ပြောင်းအဆင့် နတ်ဆိုးတစ်ကောင်ကိုပင် သေဆုံးသည်အထိ ပစ်ခတ်နိုင်စွမ်းရှိလေသည်။</p> <p> </p> <p>သို့သော် ယခုမူ သူ့ကို ပစ်ခတ်ရန် အသုံးပြုနေခြင်းဖြစ်၏။</p> <p> </p> <p>ရိုးရိုးသားသားဆိုရလျှင် သူသာ နတ်ဘုရားဆင်၏ခန္ဓာကိုယ် မရှိခဲ့လျှင်၊ ခန္ဓာကိုယ်ထဲတွင် နတ်ဘုရားဆင်၏ သွေးကြောများ ပါဝင်မနေခဲ့လျှင်၊ ခန္ဓာကိုယ်က အံ့မခန်းကြံ့ခိုင်မနေခဲ့လျှင်မူ စောစောက ကျရောက်လာသော နတ်ဘုရားမိုးကြိုးတစ်ချက်တည်းဖြင့်ပင် သူ့ကို ပြင်းထန်စွာဒဏ်ရာရစေရန် လုံလောက်နေသည်။</p> <p> </p> <p>အခြားသော နတ်ဘုရားအသွင်ပြောင်းအဆင့် အစောပိုင်းကျင့်ကြံသူ မည်သူမဆို ဤကဲ့သို့သော မိုးကြိုးကပ်ဘေးနှင့် ကြုံတွေ့ရပါက သေချာပေါက်သေဆုံးရမည်မှာ သံသယဖြစ်ဖွယ်မရှိချေ။</p> <p> </p> <p style="text-align: center;">***</p> <p> </p>


Save