Book List

<h2 style="text-align: center;">အခန်း (၆၂၇)</h2> <h2 style="text-align: center;">နတ်ဘုရားအသွင်ပြောင်းအဆင့်သို့ တက်လှမ်းခြင်း၊</h2> <h2 style="text-align: center;">နတ်ဘုရားမိုးကြိုးကပ်ဘေးနှင့် ကံကြမ္မာကောင်း</h2> <h2 style="text-align: center;">ဖန်ဆင်းခြင်းမိုးရွာသွန်းမှု(၅)။</h2> <h2 style="text-align: center;">*</h2> <p> </p> <p> </p> <p>အဝေးတစ်နေရာ၌…။</p> <p> </p> <p>ချန်ဇီယွင်၊ ယဲ့ဖေးရို၊ လန်ယွဲ့ရှီနှင့် ရှရွှေယန်တို့သည်လည်း ထိုမြင်ကွင်းကို မြင်တွေ့လိုက်ရပြီး သူတို့၏ လှပသောမျက်လုံးများတွင် အံ့သြချီးကျူးရိပ်များ လွှမ်းမိုးသွားကာ အဝေးရှိ ကိုယ်ဗလာကျင်းနေသော ကျိုးစွေ့ကို ငေးကြည့်နေကြ၏။</p> <p> </p> <p>"နောက်ဆုံးတော့ ဒီရှန်ရှောင်မိုးကြိုးကပ်ဘေးကို ဖြတ်ကျော်နိုင်ခဲ့ပြီပဲ...”</p> <p> </p> <p>"ယောက်ျားလို့ ခေါ်ရကျိုးနပ်ပါပေတယ်… ဒဏ္ဍာရီထဲက ကောင်းကင်ပြစ်ဒဏ်မိုးကြိုးကိုတောင် ဖြတ်ကျော်နိုင်တယ်ဆိုတော့ တကယ်ကို အစွမ်းထက်လွန်းလှတယ်...”</p> <p> </p> <p>ယဲ့ဖေးရိုမှာ အလွန်တရာ ဝမ်းသာပီတိဖြစ်နေ၏။</p> <p> </p> <p>သူမ၏ယောက်ျား ရှန်ရှောင်မိုးကြိုးကပ်ဘေးကို ဖြတ်ကျော်သွားသည်ကို မြင်လိုက်ရပြီးနောက် သူမသည်လည်း သက်ပြင်းတစ်ချက်ချလိုက်မိ၏။</p> <p> </p> <p>မည်သို့ပင်ဖြစ်စေ ထိုသို့သော ကောင်းကင်ပြစ်ဒဏ်မိုးကြိုးမျိုးကို မည်သည့်ကျင့်ကြံသူကမျှ မကြောက်ရွံ့ဘဲ မနေနိုင်ပေ။ မထင်မှတ်ထားသောအန္တရာယ် တစ်ခုခုဖြစ်ပေါ်လာနိုင်ခြေက အမြဲတမ်းရှိနေတတ်၏။</p> <p> </p> <p>သူမသည် ကျိုးစွေ့အပေါ် အလွန်ကြီးမားသော ယုံကြည်မှုရှိထားသော်လည်း မမျှော်လင့်ထားသော ကိစ္စရပ်များဖြစ်လာမည်ကိုတော့ စိုးရိမ်နေမိဆဲပင်။</p> <p> </p> <p>ယခုမူ မိုးကြိုးကပ်ဘေးမှာ အဆုံးသတ်သွားခဲ့လေပြီ။</p> <p> </p> <p>ဤသည်မှာ မည်သည့်မမျှော်လင့်ထားသောကိစ္စမှ ဖြစ်မလာတော့ကြောင်း ကိုယ်စားပြုနေ၏။</p> <p> </p> <p>သူမ၏ယောက်ျားမှာလည်း နတ်ဘုရားအသွင်ပြောင်းအဆင့် မိုးကြိုးကပ်ဘေးကို အောင်မြင်စွာ ဖြတ်ကျော်နိုင်ခဲ့ပြီး စစ်မှန်သော နတ်ဘုရားအသွင်ပြောင်းအဆင့် ကျင့်ကြံသူတစ်ဦး ဖြစ်လာခဲ့ချေပြီ။</p> <p> </p> <p>"ကျွတ်ကျွတ်... ယောက်ျားရဲ့ခန္ဓာကိုယ်က ဒီလောက်တောင် ပြီးပြည့်စုံနေလိမ့်မယ်လို့ ထင်မထားမိဘူး...”</p> <p> </p> <p>"တကယ့်ကို သေသေချာချာ ထုဆစ်ထားတဲ့ ကျောက်မျက်ရတနာတစ်ပါးလိုပါပဲလား...”</p> <p> </p> <p>"တခြားအမျိုးသမီးကျင့်ကြံသူတွေသာ မြင်သွားမယ်ဆိုရင် ပျားတွေ လိပ်ပြာတွေ ဘယ်လောက်တောင် စွဲဆောင်ခံရမယ်ဆိုတာ မသိနိုင်တော့ဘူး...”</p> <p> </p> <p>ရှရွှေယန်က တကျွတ်ကျွတ်စုပ်သပ်ကာ ချီးကျူးလိုက်သည်။</p> <p> </p> <p>သူမသည် ယခုအချိန်တွင် ရမ္မက်စိတ်များ နိုးကြားလာသလို ခံစားလိုက်ရပြီး ကျိုးစွေ့၏ ပြီးပြည့်စုံသောခန္ဓာကိုယ်ကို မြင်သောအခါ သူမ၏နှလုံးသားမှာ ထိန်းမနိုင်သိမ်းမရ ခုန်ပေါက်လာကာ လှပသောမျက်နှာလေးမှာလည်း ရဲတက်သွားလေ၏။</p> <p> </p> <p>ဤအမျိုးသား၏ ပြီးပြည့်စုံသောခန္ဓာကိုယ်ကို မရေမတွက်နိုင်အောင် မြင်ဖူးခဲ့သော်လည်း တစ်ဖန်ပြန်လည်မြင်တွေ့ရချိန်တိုင်း မျက်နှာပူထူကာ ရှက်သွေးဖြာစေဆဲပင် ဖြစ်၏။ ဤသည်မှာ ကောင်းကင်ဘုံက ပုံဖော်ထားသော ပြီးပြည့်စုံသည့် လက်ရာတစ်ရပ်ဟုပင် ဆိုနိုင်ပေ၏။</p> <p> </p> <p>"ဖွီ... တကယ့်ကို မျက်နှာပြောင်တိုက်လွန်းတယ်...”</p> <p> </p> <p>"ခန္ဓာကိုယ်ကို ဒီလောက်ပြီးပြည့်စုံအောင် သန့်စင်ထားတာ… အမျိုးသမီးကျင့်ကြံသူ ဘယ်နှယောက်ကိုများ မြှူဆွယ်ချင်နေတာလဲ မသိဘူး...”</p> <p> </p> <p>"ယောက်ျားကို ဝလာအောင် ကျွေးမွေးဖို့ နည်းလမ်းများမရှိဘူးလား… သူ့ကို မိန်းမတွေဆီသွားပြီး မမြှူဆွယ်စေချင်တော့ဘူး...”</p> <p> </p> <p>သခင်မမက်မွန်ပွင့်၏ မျက်နှာလေးမှာလည်း နီရဲသွားကာ လက်နှစ်ဖက်ဖြင့် မျက်နှာကို ဖုံးအုပ်ထားလိုက်သော်လည်း လက်ချောင်းလေးများကို ဖြဲထားကာ နေရောင်အောက်တွင် ရေချိုးသန့်စင်ထားသကဲ့သို့ ရှိနေပြီး အလွန်တရာ မြင့်မြတ်သန့်စင်နေသည့် အမျိုးသားကို စိုက်ကြည့်နေဆဲဖြစ်လေ၏။</p> <p> </p> <p>သူမသည်လည်း နှလုံးသားများ တဒုတ်ဒုတ်ခုန်ပေါက်နေသည်ကို ခံစားနေရ၏။</p> <p> </p> <p>ဤအမျိုးသားသည် မည်သည့်အချိန်တွင် ကြည့်လိုက်သည်ဖြစ်စေ ဤမျှလောက် ဆွဲဆောင်မှုအပြည့်ရှိနေကာ တံတွေးမျိုချချင်စရာ ကောင်းလှပေသည်။</p> <p> </p> <p>"ဒါကတော့ မဖြစ်နိုင်ဘူးလေ… ယောက်ျားက နတ်ဘုရားအသွင်ပြောင်းအဆင့် ရုပ်ခန္ဓာကျင့်ကြံသူဖြစ်နေတော့ သူ့ကိုယ်ပေါ်မှာ အဆီပိုဆိုတာ တစ်စက်လေးမှ ရှိမှာမဟုတ်ဘူး...”</p> <p> </p> <p>"ဒါပေမဲ့လည်း ဒီလိုယောက်ျားမျိုးကမှ ငါနဲ့ထိုက်တန်တာပေါ့...”</p> <p> </p> <p>"ဖြစ်နိုင်မယ်ဆိုရင်တော့ ကလေးဆယ်ယောက်လောက် မွေးပစ်ချင်တယ်...”</p> <p> </p> <p>ချန်ဇီယွင်က တခစ်ခစ်ရယ်မောလိုက်လေ၏။</p> <p> </p> <p>သူမမှာ အလွန်တရာ ကျေနပ်နေမိသည်။</p> <p> </p> <p>ဤသို့သော အမျိုးသားမျိုးမဟုတ်လျှင် သူမကဲ့သို့ ကောင်းကင်မိစ္ဆာဂိုဏ်းမှ စုန်းမတစ်ဦးကို မည်ကဲ့သို့ သိမ်းပိုက်နိုင်ပါမည်နည်း။</p> <p> </p> <p>"မိုးရွာနေသလိုပဲ...”</p> <p> </p> <p>ထိုအချိန်တွင် လန်ယွဲ့ရှီ၏ စိတ်ထဲ၌ လှုပ်ရှားသွားကာ ကောင်းကင်သို့ မော့ကြည့်လိုက်မိ၏။</p> <p> </p> <p>ယခုအချိန်၌ ကောင်းကင်ကြီးမှာ ရောင်စုံတိမ်တိုက်များဖြင့် ဖုံးလွှမ်းနေပြီး နေရောင်ခြည်များ ဖြာကျနေသည်ကို မြင်တွေ့လိုက်ရသည်။</p> <p> </p> <p>ကောင်းကင်ထက်မှ မိုးဖွဲဖွဲလေးများ ရွာကျလာကာ လီထောင်ပေါင်းများစွာ ကျယ်ဝန်းသောဧရိယာကို ဖုံးလွှမ်းသွားလေ၏။</p> <p> </p> <p>"မဟုတ်ဘူး... ဒါက သာမန်မိုးရေမဟုတ်ဘူး...”</p> <p> </p> <p>"ဒါက ဖန်ဆင်းခြင်းချီတွေ စုစည်းပြီး ဖြစ်တည်လာတဲ့ မိုးရေစက်တွေပဲ...”</p> <p> </p> <p>ယဲ့ဖေးရို၏ မျက်နှာပေါ်တွင် မယုံနိုင်လောက်အောင် အံ့သြဝမ်းသာနေသည့် အမူအရာများ ပေါ်လွင်လာလေ၏။</p> <p> </p> <p>"မဖြစ်နိုင်တာ... ဖန်ဆင်းခြင်းချီကနေ ဖြစ်လာတဲ့ မိုးရေစက်တွေက ဘယ်လိုလုပ်ပြီး ဒီလောက်တောင် များပြားနေရတာလဲ..."</p> <p> </p> <p>လန်ယွဲ့ရှီနှင့် အခြားသူများမှာ မျက်လုံးများ ပြူးကျယ်သွားကာ ပါးစပ်အဟောင်းသား ဖြစ်သွားကြလေသည်။</p> <p> </p> <p>သူမတို့သည် ဖန်ဆင်းခြင်းချီ၏ အရေးပါမှုကို သဘာဝကျကျပင် သိရှိထားကြ၏။ ဤသည်မှာ ကပ်ဘေးဖြတ်ကျော်ချိန်တွင်သာ ဖြစ်ပေါ်လာနိုင်သော အထူးစွမ်းအင်တစ်ခုဖြစ်ပြီး ကျင့်ကြံသူများအတွက် အလွန်ကြီးမားသော အကျိုးကျေးဇူးများ ရှိပေ၏။</p> <p> </p> <p>အမှန်အတိုင်းဆိုရလျှင် ယခင်က သူမတို့သည်လည်း ဖန်ဆင်းခြင်းချီအနည်းငယ်ကို ဝါးမျိုနိုင်ခဲ့ကြပြီး မနည်းလှသော အကျိုးအမြတ်များကို ရရှိခဲ့ကြပေသည်။</p> <p> </p> <p>သို့သော် ဤကဲ့သို့သော မြင်ကွင်းမျိုးကို မည်သည့်နေရာတွင် မြင်ဖူးခဲ့ပါသနည်း။</p> <p> </p> <p>ဖန်ဆင်းခြင်းချီများမှာ အရည်အဖြစ်သို့ စုစည်းသွားလောက်သည့်အထိ များပြားလှပြီး ဖန်ဆင်းခြင်းမိုးရေအဖြစ် ပြောင်းလဲသွားခဲ့လေပြီ။</p> <p> </p> <p>အပြင်တွင် သွားပြောပြပါက ယုံကြည်မည့်သူ အနည်းငယ်သာ ရှိပေလိမ့်မည်။</p> <p> </p> <p>"ယောက်ျား ဖြတ်ကျော်ခဲ့တဲ့ မိုးကြိုးကပ်ဘေးက အရမ်းကို အံ့မခန်းဖြစ်လွန်းလို့ နေမှာ… ရှေးခေတ်ကာလကတည်းက အခုလိုမျိုး တစ်ခါမှ မရှိခဲ့ဖူးဘူး...”</p> <p> </p> <p>"ဒါကြောင့်မို့လို့ အခုကျဆင်းလာတဲ့ ဖန်ဆင်းခြင်းချီတွေကလည်း အံ့သြစရာကောင်းလောက်အောင် များပြားပြီး ဖန်ဆင်းခြင်းမိုးရေ ဖြစ်သွားတာပေါ့...”</p> <p> </p> <p>"ကြီးမားတဲ့ ကံကောင်းမှုကြီးပဲ... ဒီတစ်ခေါက်တော့ တကယ့်ကို ကြီးမားတဲ့ ကံကောင်းမှုကြီးပါလား..."</p> <p> </p> <p>ရှရွှေယန်မှာ အလွန်တရာ အံ့သြဝမ်းသာနေကာ အတိုင်းမသိ စိတ်လှုပ်ရှားနေလေ၏။</p> <p> </p> <p>သူမသည် ဖန်ဆင်းခြင်းမိုးရေစက်အချို့ကိုသာ စုပ်ယူလိုက်ပါက သူမ၏ကျင့်ကြံခြင်းအဆင့်မှာ အရှိန်အဟုန်ဖြင့် တိုးတက်လာနိုင်သည်ဟု ခံစားလိုက်ရသည်။</p> <p> </p> <p>ထိုအခါ အချိန်များများ ယူစရာမလိုဘဲ သူမကိုယ်တိုင်လည်း ဝိညာဉ်သန္ဓေသား အထွတ်အထိပ်အဆင့်သို့ တက်လှမ်းနိုင်ပေလိမ့်မည်။</p> <p> </p> <p>ထိုအချိန်ကျလျှင် နတ်ဘုရားအသွင်ပြောင်းအဆင့်သို့ တက်လှမ်းရန် ကြိုးပမ်းနိုင်ပေမည်။</p> <p> </p> <p>သူမသည် ညီအစ်မများထဲတွင် တတိယမြောက် နတ်ဘုရားအသွင်ပြောင်းအဆင့်သို့ ရောက်ရှိသူဖြစ်လာနိုင်ခြေ ရှိ၏။</p> <p> </p> <p>"မြန်မြန်လှုပ်ရှားပြီး ဒီဖန်ဆင်းခြင်းမိုးရေစက်တွေကို စုဆောင်းကြစို့..."</p> <p> </p> <p>"ဒီလိုအခွင့်အရေးမျိုးကို လက်လွတ်ခံလိုက်ရင် နောက်ထပ် ရနိုင်တော့မှာမဟုတ်ဘူး...”</p> <p> </p> <p>"ဒါက ယောက်ျား ငါတို့အတွက် ယူဆောင်လာပေးတဲ့ ကံကောင်းမှုကြီးပဲ..."</p> <p> </p> <p>ချန်ဇီယွင်က မစောင့်ဆိုင်းနိုင်တော့သည့်အလား ပြောလိုက်သည်။</p> <p> </p> <p>အကယ်၍ ဤဖန်ဆင်းခြင်းမိုးရေများ မြေပြင်ပေါ်သို့ ကျဆင်းသွားပါက ချက်ချင်းပင် အရည်ပျော်သွားပြီး တောင်တန်းများနှင့် မြစ်ချောင်းများအတွင်းသို့ စိမ့်ဝင်သွားမည်ဖြစ်၏။</p> <p> </p> <p>ထို့ကြောင့် ဤဖန်ဆင်းခြင်းအရည်များကို ရယူလိုပါက သူမတို့အနေဖြင့် လက်ဦးမှုရယူကာ အထူးပုလင်းများထဲသို့ ထည့်သွင်းစုဆောင်းရမည်ဖြစ်သည်။</p> <p> </p> <p>သို့မဟုတ်ပါက အလျင်အမြန် အငွေ့ပျံသွားပြီး ပျောက်ကွယ်သွားမည်မှာ သေချာလှပေသည်။</p> <p> </p> <p>…………</p> <p> </p> <p>သေချာပေါက်ပင် ချန်ဇီယွင်နှင့် အခြားသူများသာ ဤကဲ့သို့သော အခွင့်အရေးကို သတိထားမိခြင်းမဟုတ်ပေ။</p> <p> </p> <p>ရွှမ်ဟွမ်ဂိုဏ်းတစ်ခုလုံးရှိ ဝိညာဉ်သန္ဓေသားအဆင့် အကြီးအကဲများစွာလည်း သိရှိထားကြ၏။</p> <p> </p> <p>ဥပမာအားဖြင့် ဝူကျိတာအိုအရှင်၊ ဝူဝေတာအိုအရှင်၊ လျိုဖုန်းတာအိုအရှင်၊ ရွှီယွင်တာအိုအရှင်၊ ရွှမ်ချန်တာအိုအရှင် အစရှိသည့် ဝိညာဉ်သန္ဓေသားအဆင့် ဘိုးဘေးများပင် ဖြစ်လေ၏။</p> <p> </p> <p>သူတို့သည်လည်း အတွေ့အကြုံများပြားပြီး ဗဟုသုတကြွယ်ဝသူများဖြစ်ကြရာ ဤမိုးသည်းထန်စွာရွာသွန်းမှုက ယူဆောင်လာပေးသော ကြီးမားလှသည့် အခွင့်အရေးကို မည်သို့လုပ်၍ သတိမထားမိဘဲ နေပါမည်နည်း။</p> <p> </p> <p>"ဟားဟား... ငါ့ရဲ့သမက်က နောက်ဆုံးတော့ နတ်ဘုရားအသွင်ပြောင်းအဆင့်ကို အောင်အောင်မြင်မြင် တက်လှမ်းသွားနိုင်ခဲ့ပြီပဲ..."</p> <p> </p> <p>ဝူကျိတာအိုအရှင်က တဟားဟားရယ်မောလိုက်ပြီး အလွန်တရာ ဝမ်းမြောက်နေ၏။</p> <p> </p> <p>သူသည်လည်း အဝေးရှိ ရှန်ရှောင်မိုးကြိုးကပ်ဘေး အဆုံးသတ်သွားသည်ကို အာရုံခံမိလိုက်ကာ ချက်ချင်းပင် ဝမ်းသာလုံးဆို့သွားလေသည်။</p> <p> </p> <p>ယခုမူ ကျိုးစွေ့မှာ နတ်ဘုရားအသွင်ပြောင်းအဆင့် ကျင့်ကြံသူတစ်ဦး ဖြစ်လာခဲ့ပြီဖြစ်၏။</p> <p> </p> <p>ဤသည်မှာ ရွှမ်ဟွမ်ဂိုဏ်းတွင် နတ်ဘုရားအသွင်ပြောင်းအဆင့် သုံးဦးအထိ ရှိလာသည်နှင့် ညီမျှနေပြီး ဤကဲ့သို့သော ကြီးကျယ်ခမ်းနားသည့် အခြေအနေမျိုးမှာ ယခင်က တစ်ခါမှ မရှိခဲ့ဖူးချေ။</p> <p> </p> <p>ရှေးခေတ်ကာလက နတ်ဘုရားအသွင်ပြောင်းအဆင့် ဂိုဏ်းများပင်လျှင် ဤကဲ့သို့အခြေအနေမျိုးအထိ ရောက်ရှိနိုင်သည့်ဂိုဏ်းမှာ လက်ချိုးရေတွက်၍ ရလောက်ပေ၏။</p> <p> </p> <p>အခြားဂိုဏ်းများတွင် နတ်ဘုရားအသွင်ပြောင်းအဆင့်အသစ်တစ်ဦး ပေါ်ထွက်လာလျှင်ပင် ရွှမ်ဟွမ်ဂိုဏ်းနှင့် ယှဉ်ပြိုင်နိုင်ရန် တွေးတောခြင်းမှာ အရူးတစ်ယောက်၏ နေ့ခင်းကြောင်တောင်အိပ်မက်သာ ဖြစ်ပေလိမ့်မည်။</p> <p> </p> <p>အခြားအရာများကို ထည့်မတွက်လျှင်ပင်၊ ရွှမ်ဟွမ်ဂိုဏ်းမှာ အနည်းဆုံး နှစ်ပေါင်းသုံးထောင်ခန့်အထိ စည်ပင်ဝပြောနေဦးမည်မှာ သေချာလှပေ၏။</p> <p> </p> <p>"ဝူကျိတစ္ဆေအိုကြီး..."</p> <p> </p> <p>"ဖန်ဆင်းခြင်းမိုးရေ... တကယ်ကြီး ဖန်ဆင်းခြင်းမိုးရေ ဖြစ်နေတာပဲ… တကယ့်ကို ယုံကြည်နိုင်စရာမရှိဘူး..."</p> <p> </p> <p>"ဖန်ဆင်းခြင်းချီတွေက မိုးရေစက်တွေအဖြစ် စုစည်းသွားလောက်တဲ့အထိ များပြားနေတာပါလား..."</p> <p> </p> <p>"တာအိုရောင်းရင်းကျိုး... မဟုတ်ဘူး... ဂိုဏ်းချုပ်ကြီးက နတ်ဘုရားအသွင်ပြောင်းအဆင့်ကို တက်လှမ်းတာတောင် ဒီလောက်ကြီးမားတဲ့ အခွင့်အရေးကြီးကို ယူဆောင်လာပေးနိုင်တယ်ဆိုတော့ ဘယ်လိုတောင် လုပ်လိုက်တာလဲ... တကယ့်ကို အံ့မခန်းပဲ..."</p> <p> </p> <p>လျိုဖုန်းတာအိုအရှင်မှာ ပါးစပ်အဟောင်းသားဖြစ်နေပြီး သူ၏စိတ်ထဲတွင်လည်း အလွန်တရာ တုန်လှုပ်သွား၏။</p> <p> </p> <p>သူသည် ရှေးဟောင်းကျမ်းစာများထဲတွင်သာ ဤကဲ့သို့သော မြင်ကွင်းမျိုးကို ဖတ်ဖူးခဲ့သည်။ သို့သော် လက်တွေ့ဘဝတွင် ဤကဲ့သို့ ဖြစ်ပေါ်လာလိမ့်မည်ဟု တစ်ခါမှ တွေးမထားခဲ့ဖူးချေ။</p> <p> </p> <p>ထိုမျှမက သူတို့ကိုယ်တိုင် ကြုံတွေ့လိုက်ရသည်ဆိုခြင်းမှာ အမှန်တကယ်ပင် အံ့မခန်းမယုံနိုင်စရာ ကောင်းလွန်းလှပေသည်။</p> <p> </p> <p>ဤခံစားချက်မှာ သူတို့ကိုယ်တိုင် ရှေးခေတ်ကာလသမိုင်းကြောင်းထဲတွင် အသက်ရှင်နေထိုင်နေရသကဲ့သို့ပင် ဖြစ်နေ၏။</p> <p> </p> <p>အံ့ဖွယ်ကိစ္စကြီးတစ်ခု တစ်ဖန်ပြန်လည်ပေါ်ပေါက်လာသည်နှင့် တူလှပေ၏။</p> <p> </p> <p>"ဒါက ပုံမှန်ပါပဲ... ဂိုဏ်းချုပ်ကြီးက ဒဏ္ဍာရီထဲက ရှန်ရှောင်မိုးကြိုးကပ်ဘေးကို ဖြတ်ကျော်ခဲ့တာလေ...”</p> <p> </p> <p>"ဒါက အဆင့်ကိုးဆင့် မိုးကြိုးကပ်ဘေးကိုတောင် ကျော်လွန်နေတဲ့ ကောင်းကင်ပြစ်ဒဏ်မိုးကြိုးပဲ... သူ ယူဆောင်လာပေးတဲ့ ဖန်ဆင်းခြင်းချီကလည်း သဘာဝကျကျ အံ့မခန်းဖြစ်နေမှာပေါ့...”</p> <p> </p> <p>"သံသယဖြစ်စရာမရှိဘူး... ဒါက ငါတို့အတွက်လည်း အရမ်းကြီးမားတဲ့ အခွင့်အရေးကြီးတစ်ခုပဲ..."</p> <p> </p> <p>"ဒီဖန်ဆင်းခြင်းအရည် နည်းနည်းလောက်ကို စုပ်ယူလိုက်ရုံနဲ့တင် ငါတို့ရဲ့ကျင့်ကြံခြင်းအဆင့်တွေ အရှိန်အဟုန်နဲ့ တိုးတက်လာနိုင်ပြီးတော့ ဆယ်စုနှစ် ဒါမှမဟုတ် နှစ်ရာချီကြာတဲ့ ခက်ခဲတဲ့ကျင့်ကြံမှုတွေကို သက်သာစေနိုင်တယ်...”</p> <p> </p> <p>ရွှီယွင်တာအိုအရှင်က လေးနက်စွာဖြင့် ပြောလိုက်လေ၏။</p> <p> </p> <p>သူသည် ယခုအချိန်တွင် အလုံးစုံ ကျေနပ်လက်ခံသွားပြီဖြစ်ကာ ကျိုးစွေ့အပေါ် လှိုက်လှိုက်လှဲလှဲ အညံ့ခံသွားခဲ့ပြီဖြစ်၏။</p> <p> </p> <p>ယခင်က သူသည် ကျိုးစွေ့အား မျိုးဆက်သစ်လူငယ်တစ်ဦးအနေဖြင့်သာ မှတ်ယူထားခဲ့သည်။</p> <p> </p> <p>သို့သော် ယခုအချိန်တွင်မူ ကျိုးစွေ့မှာ နတ်ဘုရားအသွင်ပြောင်းအဆင့် အရှင်သခင်တစ်ပါး ဖြစ်လာခဲ့ပြီး ကျင့်ကြံခြင်းအဆင့်မှာလည်း သူ့ထက် အဝေးကြီးတိုင် ကျော်လွန်သွားခဲ့လေပြီ။</p> <p> </p> <p>ဤဘဝတွင် သူသည် ဤမကောင်းဆိုးဝါးကို မည်သည့်အခါမျှ မီနိုင်တော့မည်မဟုတ်ဟု ခန့်မှန်းမိ၏။</p> <p> </p> <p>ကံကောင်းစွာဖြင့် သူသည် ဝူကျိမဟာမိတ်အဖွဲ့ကို စွန့်ခွာကာ ရွှမ်ဟွမ်ဂိုဏ်းသို့ ပြတ်ပြတ်သားသား ဝင်ရောက်ခဲ့သည်။ သို့မဟုတ်ပါက ဤကဲ့သို့သော အကျိုးအမြတ်များကို မည်ကဲ့သို့ ခံစားနိုင်မည်နည်း။</p> <p> </p> <p>"ကျင့်ကြံခြင်းအဆင့် တိုးတက်တာလောက်တင် မကဘူး... ဒီဖန်ဆင်းခြင်းအရည်တွေက ငါတို့ရဲ့ သက်တမ်းကိုပါ တိုးစေနိုင်တဲ့ပုံပဲ...”</p> <p> </p> <p>"အရမ်းအများကြီး မဟုတ်ပေမဲ့ ဆယ်နှစ်ကျော်လောက်တော့ ဖြစ်လိမ့်မယ်...”</p> <p> </p> <p>"ဒါပေမဲ့ ဒီလောက်ဆိုရင်ကို အရမ်းအံ့သြဖို့ကောင်းနေပါပြီ...”</p> <p> </p> <p>ရွှမ်ချန်တာအိုအရှင်မှာ အလွန်တရာ အံ့သြဝမ်းသာနေမိသည်။</p> <p> </p> <p>သူသည် မူလကတည်းက အသက်အရွယ်ကြီးရင့်နေပြီဖြစ်ရာ ယခုကဲ့သို့ သက်တမ်းအနည်းငယ် တိုးလာခြင်းမှာ သူ၏ခန္ဓာကိုယ်အတွင်းရှိ သက်စောင့်စွမ်းအင်များကို တိုးပွားလာစေခြင်းနှင့် အတူတူပင် ဖြစ်ပေ၏။</p> <p> </p> <p>အနာဂတ်တွင် အခွင့်အရေးရရှိပါက နတ်ဘုရားအသွင်ပြောင်းအဆင့်ကိုပင် မျှော်မှန်းနိုင်ကောင်း မျှော်မှန်းနိုင်ပေလိမ့်မည်။</p> <p> </p> <p>ခဏအကြာတွင် ရွှမ်ဟွမ်ဂိုဏ်းရှိ ကျင့်ကြံသူများစွာမှာ ဝမ်းသာလုံးဆို့သွားကြပြီး ဤဖန်ဆင်းခြင်းအရည်များကို စုဆောင်းရန် အသီးသီး ထွက်ခွာသွားကြတော့သည်။</p> <p> </p> <p style="text-align: center;">***</p> <p> </p>


Save