Book List

<h2 style="text-align: center;">အခန်း (၆၂၉)</h2> <h2 style="text-align: center;">အရာခပ်သိမ်းကို အရည်ကျိုနိုင်သော ပဉ္စမအဆင့် 'အရက်ကူ'၊</h2> <h2 style="text-align: center;">ဆဋ္ဌမအဆင့် 'ချစ်ခြင်းမေတ္တာကူ'နှင့် ကောင်းကင်အရက်မီးဖို(၂)။</h2> <h2 style="text-align: center;">*</h2> <p> </p> <p> </p> <p>တစ်လကြာပြီးနောက်…။</p> <p> </p> <p>ရွှမ်ဟွမ်ဂိုဏ်း၊ ရွှမ်ဟွမ်တောင်ထွတ်ရှိ လိုဏ်ဂူတစ်ခုအတွင်း၌…။</p> <p> </p> <p>ဝုန်း... ဝုန်း...။</p> <p> </p> <p>ကျိုးစွေ့သည် မြေပြင်ထက်၌ တင်ပျဉ်ခွေထိုင်နေပြီး ပတ်ဝန်းကျင်မှ ကြီးမားလှသော ကောင်းကင်နှင့်မြေကြီး၏ စွမ်းအင်များက ပြင်းထန်စွာ တိုးဝင်လာသည်။ ထို့နောက် သူ၏ ခန္ဓာကိုယ်အတွင်းသို့ စီးဝင်သွားပြီးနောက် နတ်ဘုရားအသွင်ပြောင်းအဆင့် မှော်စွမ်းအင်အဖြစ် ပြောင်းလဲသွားကာ သူ၏ ခန္ဓာကိုယ်တွင်းရှိ သွေးကြောများ၏ နေရာအနှံ့အပြားသို့ စီးဆင်းသွားလေသည်။</p> <p> </p> <p>သူ၏ ဒန်တျန်ချီပင်လယ် နက်ရှိုင်းသောနေရာရှိ မူလဝိညာဉ်သည်လည်း ကောင်းကင်နှင့်မြေကြီး၏ စွမ်းအင်များကို ရှူသွင်းရှူထုတ် လုပ်နေပုံရသည်။</p> <p> </p> <p>ထို့အပြင် သူ၏ခန္ဓာကိုယ်နှင့်လည်း ပဲ့တင်ထပ်သော တုန်ခါမှုများ ဖြစ်ပေါ်နေစေပြီး၊ ခန္ဓာကိုယ်ကို ဆက်တိုက်ဆိုသလို သန့်စင်နေလေသည်။</p> <p> </p> <p>ထိုမှတစ်ဆင့် သူ၏ ဝိညာဉ်၊ ခန္ဓာကိုယ်နှင့် မှော်စွမ်းအင်တို့ တစ်ပြိုင်နက်တည်း သန့်စင်တိုးတက်လာစေရန် ပြုလုပ်ပေးနေ၏။</p> <p> </p> <p>တစ်လတိတိ ကျင့်ကြံပြီးနောက်တွင် သူ၏ နတ်ဘုရားအသွင်ပြောင်းအစောပိုင်းအဆင့် ကျင့်ကြံခြင်းကိုလည်း အလုံးစုံ တည်ငြိမ်သွားစေခဲ့ပြီဖြစ်၏။</p> <p> </p> <p>သူ၏ကိုယ်ပေါ်ရှိ မူလဝိညာဉ်ကလည်း အားကောင်းလှသော ဝိညာဉ်လှိုင်းများကို အဆက်မပြတ် ထုတ်လွှတ်နေလေသည်။</p> <p> </p> <p>ဝုန်း...</p> <p> </p> <p>ဤအခိုက်အတန့်တွင် ကျိုးစွေ့သည် အတွေးတစ်ချက်ဖြင့် အချက်အလက်ပြမျက်နှာပြင်ကို ချက်ချင်း ဆင့်ခေါ်လိုက်၏။</p> <p> </p> <p>[ ပိုင်ရှင် - ကျိုးစွေ့၊ ကျင့်ကြံခြင်းအဆင့် - နတ်ဘုရားအသွင်ပြောင်းအဆင့် အစော၂ပိုင်း (တိုးတက်မှု ၂%)၊ သက်တမ်း - ၃၀၀ (၈၀၀၀၀ နှစ်) ]</p> <p> </p> <p>[ ပင်ကိုပါရမီ - ပထမအဆင့် စိတ်ဝိညာဉ်အမြစ် (၉၉%) ]</p> <p> </p> <p>[ ဓားသိုင်းပညာ - စတုတ္ထအဆင့် အထွတ်အထိပ် (၉၉%) ]</p> <p> </p> <p>[ အဆောင်ပညာ - စတုတ္ထအဆင့် အထွတ်အထိပ် (၉၉%) ]</p> <p> </p> <p>[ အစီအရင်ပညာ - ပဉ္စမအဆင့် အထွတ်အထိပ် (၉၉%) ]</p> <p> </p> <p>[ ဆေးဖော်စပ်ပညာ - စတုတ္ထအဆင့် အထွတ်အထိပ် (၉၉%) ]</p> <p> </p> <p>[ လက်နက်သွန်းလုပ်ခြင်း - စတုတ္ထအဆင့် အထွတ်အထိပ် (၉၉%) ]</p> <p> </p> <p>[ နတ်ဆိုးအသွင်ပြောင်းပညာရပ် - မဟာဆရာသခင်အဆင့် ]</p> <p> </p> <p>[ ဓာတ်ငါးပါး ဆေးဖော်စပ်ပညာရပ် - မဟာဆရာသခင်အဆင့် ]</p> <p> </p> <p>[ မိစ္ဆာနှလုံးသားဆင့်ခေါ်ခြင်းကျင့်စဉ် - မိစ္ဆာမျိုးစေ့၊ မိစ္ဆာဆင့်ခေါ်ခြင်း ]</p> <p> </p> <p>[ အလင်းမျက်လုံးခုနစ်လုံး လျှို့ဝှက်ပညာရပ် - နှလုံးသားမျက်လုံး အသိအမှတ်ပြုခြင်း၊ နှလုံးသားမျက်လုံး ထိုးထွင်းသိမြင်ခြင်း၊ နှလုံးသားမျက်လုံး ဘာသာစကား ]</p> <p> </p> <p>[ ကျူးရှန်းဓားသိုင်း - ပထမပုံစံ သဏ္ဌာန်မဲ့ဓားအလင်း၊ ဒုတိယပုံစံ သတ်ဖြတ်ခြင်းဓားအလင်း ]</p> <p> </p> <p>[ ဓာတ်ငါးပါး မိုးကြိုးပညာရပ် - ကျွမ်းကျင်အဆင့်၊ ကုယုံဆန်းကြယ်အလင်း - မဟာဆရာသခင်အဆင့်၊ ရှေးဟောင်းလိပ်ပညာရပ် - ဒုတိယအဆင့်၊ ဝိညာဉ်ဖြန့်ကျက်အဆိပ်ဆူး - မဟာဆရာသခင်အဆင့်၊ မီးလုံးပညာရပ် - မဟာဆရာသခင်အဆင့်၊ လေဓားသွားပညာရပ် - မဟာဆရာသခင်အဆင့်၊ ရွှေအလင်းပညာရပ် - မဟာဆရာသခင်အဆင့်၊ ရေခဲနှင်းပညာရပ် - မဟာဆရာသခင်အဆင့်၊ နွေလေမိုးပညာရပ် - မဟာဆရာသခင်အဆင့်၊ လျှပ်စီးဆင့်ခေါ်ခြင်းပညာရပ် - မဟာဆရာသခင်အဆင့်… ]</p> <p> </p> <p>[ 'ချစ်ခြင်းမေတ္တာကူ' - ဆဋ္ဌမအဆင့် အောက်ခြေအဆင့်၊ 'ကိုယ်ပွားကူ' - ပဉ္စမအဆင့် အောက်ခြေအဆင့်၊ 'အရက်ကူ' - ပဉ္စမအဆင့် အောက်ခြေအဆင့်၊ 'ရွှေစားကူ' - ပဉ္စမအဆင့် အောက်ခြေအဆင့်၊ 'စာအုပ်ကူ' - ပဉ္စမအဆင့် အလယ်အလတ်၊ 'အိပ်မက်ဝိညာဉ်ကူ' - ပဉ္စမအဆင့် အလယ်အလတ်၊ 'နဂါးဆင်ကူ' - ပဉ္စမအဆင့် အလယ်အလတ်၊ 'ရွှေအလင်းအဆိပ်တစ်ထောင်ကူ' - ပဉ္စမအဆင့် အောက်ခြေအဆင့်၊ 'တည်နေရာပြောင်းကူ' - ပဉ္စမအဆင့် အောက်ခြေအဆင့်၊ 'အစီအရင်နှလုံးသားကူ' - ပဉ္စမအဆင့် အထွတ်အထိပ်၊ 'ပစ္စည်းရှာဖွေကူ' - ပဉ္စမအဆင့် အောက်ခြေအဆင့်၊ 'မိုးကြိုးကပ်ဘေးကူ' - ပဉ္စမအဆင့် အလယ်အလတ်၊ 'ဆေးဝါးကူ' - ပဉ္စမအဆင့် အောက်ခြေအဆင့်၊ 'ကံကြမ္မာကူ' - ပဉ္စမအဆင့် အောက်ခြေအဆင့်။ ]</p> <p> </p> <p>“သက်တမ်းက နှစ်ရှစ်သောင်းဆိုတော့ တော်တော်လေး အံ့ဩစရာကောင်းတဲ့ သက်တမ်းတစ်ခုလို့ ဆိုရမှာပဲ...”</p> <p> </p> <p>ကျိုးစွေ့က ပြုံးလိုက်ကာ များစွာ ကျေနပ်သွားလေသည်။</p> <p> </p> <p>သူ၏ကိုယ်တွင်းရှိ နဂါးဆင်သွေးဆက်ခံမှုမှာ တဖြည်းဖြည်း သိပ်သည်းလာသည်နှင့်အမျှ ခန္ဓာကိုယ်ထဲတွင် ကြီးမားသော သက်စောင့်စွမ်းအင်များ ကိန်းအောင်းနေသည်ကို သူ ခံစားလိုက်ရသည်။</p> <p> </p> <p>ဤသည်ကပင် သူ၏သက်တမ်းကို အဆက်မပြတ် ရှည်ကြာလာစေခြင်းဖြစ်၏။ အခြားသော လူသားကျင့်ကြံသူများနှင့် လုံးဝ နှိုင်းယှဉ်၍မရနိုင်ပေ။</p> <p> </p> <p>ဝိညာဉ်ကမ္ဘာတွင်ရှိသော လူသားနတ်ဘုရားအသွင်ပြောင်းအဆင့်များပင်လျှင် အလွန်ဆုံး နှစ်ခြောက်ထောင်ခန့်သာ အသက်ရှင်နိုင်ကြ၏။ သို့သော် သူကမူ နှစ်ရှစ်သောင်းအထိ ရှင်သန်နိုင်ပေသည်။</p> <p> </p> <p>သူ၏ သက်တမ်းမှာ မည်မျှအထိ အံ့မခန်းဖြစ်နေသည်ကို တွေးကြည့်ရုံဖြင့် သိနိုင်လေသည်။</p> <p> </p> <p>သက်တမ်းရှည်ကြာသော နတ်ဆိုးမျိုးနွယ်စုများပင်လျှင် သူနှင့် ယှဉ်ပြိုင်နိုင်စွမ်းမရှိချေ။</p> <p> </p> <p>ဤမျှရှည်လျားသော သက်တမ်းမျိုးကို လူသားတို့၏ သက်ရှိရုပ်ကြွင်းဟုပင် ခေါ်ဆိုနိုင်ပေသည်။</p> <p> </p> <p>“ကျင့်ကြံခြင်းပညာရပ် ရာပေါင်းများစွာနဲ့ တန်ခိုးစွမ်းရည်တွေက သိပ်ပြီး တိုးတက်မလာခဲ့ပေမဲ့...”</p> <p> </p> <p>“ခန္ဓာကိုယ်ပေါ်က ကူပိုးကောင်တွေကတော့ အသီးသီး အဆင့်တက်သွားကြပြီပဲ...”</p> <p> </p> <p>ကျိုးစွေ့ အလွန်တရာ စိတ်လှုပ်ရှားနေသည်။</p> <p> </p> <p>သူ၏ကျင့်ကြံခြင်းအဆင့်မှာ နတ်ဘုရားအသွင်ပြောင်းအဆင့်သို့ တက်လှမ်းသွားခဲ့သည် မှန်သော်လည်း ခန္ဓာကိုယ်ပေါ်ရှိ နည်းစနစ်အမျိုးမျိုးနှင့် ပညာရပ်များကိုမူ ကြိုးစားကျင့်ကြံမှသာ တိုးတက်နိုင်မည်ဖြစ်၏။ ပြီးခဲ့သည့် တစ်လတာကာလအတွင်း သူသည် ကျင့်ကြံခြင်းအဆင့်ကိုသာ ခိုင်မာအောင် ပြုလုပ်နေခဲ့ရသဖြင့် ဤပညာရပ်များ၏ အဆင့်ကို မြှင့်တင်ရန် အချိန်မရခဲ့ချေ။</p> <p> </p> <p>သို့သော် သူ၏အမြင်တွင် ဤသည်မှာ အသေးအဖွဲကိစ္စတစ်ခုမျှသာ ဖြစ်သည်။ သူ၏ခန္ဓာကိုယ်ပေါ်ရှိ ကူပိုးကောင်များသာလျှင် သူ၏ အရေးအကြီးဆုံးသော စွမ်းအားများဖြစ်ကြ၏။ ကူပိုးကောင်တိုင်းက အလွန်အရေးပါလေသည်။</p> <p> </p> <p>သူ၏ကျင့်ကြံခြင်းအဆင့်သည် နတ်ဘုရားအသွင်ပြောင်းအဆင့်သို့ ရောက်ရှိသွားသည်နှင့်အမျှ ကူပိုးကောင်အများအပြားမှာလည်း ပဉ္စမအဆင့်သို့ အသီးသီး တက်လှမ်းသွားကြပြီး စွမ်းရည်မှာ အရင်ကနှင့်ယှဉ်လျှင် အရည်အသွေးပိုင်းအရ သိသိသာသာကို တိုးတက်လာခဲ့ကာ ယခင်ကနှင့် လုံးဝ နှိုင်းယှဉ်၍မရနိုင်တော့ပေ။</p> <p> </p> <p>“'အရက်ကူ'ကလည်း ပဉ္စမအဆင့် အောက်ခြေအဆင့်ကို ရောက်သွားခဲ့ပြီပဲ...”</p> <p> </p> <p>“သူ့ခန္ဓာကိုယ်ထဲမှာ အရက်ကမ္ဘာတစ်ခု ဖြစ်ပေါ်လာပြီး မရေမတွက်နိုင်တဲ့ ဝိညာဉ်အရက်တွေကို သိုလှောင်ထားနိုင်တဲ့အပြင် အရက်နယ်ပယ်ကိုပါ ထုတ်လွှတ်နိုင်စွမ်း ရှိလာတယ်...”</p> <p> </p> <p>“အရေးအကြီးဆုံးကတော့ သူက တန်ခိုးစွမ်းရည်တစ်ခုဖြစ်တဲ့ ကောင်းကင်အရက်မီးဖိုကို ဖန်တီးနိုင်ခဲ့တာပဲ...”</p> <p> </p> <p>ကျိုးစွေ့၏ မျက်လုံးများအတွင်း၌ တောက်ပသောအလင်းများ ဖြတ်ပြေးသွား၏။</p> <p> </p> <p>ရွှီး…။</p> <p> </p> <p>အရောင်ငါးမျိုးရှိသော ပိုးကောင်လေးတစ်ကောင်သည် လေထဲတွင် ဝဲပျံနေပြီး ၎င်း၏ခန္ဓာကိုယ်ပေါ်၌ သိပ်သည်းရှုပ်ထွေးနေသော အရက်ရုန်းသင်္ကေတများ ပေါ်ထွက်နေလေ၏။ တစ်ချိန်တည်းမှာပင် လွန်စွာပြင်းရှသော ဝိညာဉ်အရက်ရနံ့များကလည်း နှာခေါင်းထဲသို့ မွှေးပျံ့စွာ ဝင်ရောက်လာ၏။</p> <p> </p> <p>၎င်း၏ခန္ဓာကိုယ်ထဲတွင် မရေမတွက်နိုင်သော ဝိညာဉ်အရက်များ ပါဝင်နေပုံရပေသည်။</p> <p> </p> <p>သာမန်လူများသာ ဤရနံ့ကို ရှူရှိုက်မိပါက မြေပြင်ပေါ်သို့ လဲကျသွားမည်ဖြစ်ပြီး ရက်အတော်ကြာသည်အထိ သတိရလာမည်မဟုတ်ချေ။</p> <p> </p> <p>အစပိုင်းက အထောက်အကူပေးရုံသာဟု သူ ထင်မှတ်ထားခဲ့သော 'အရက်ကူ'မှာ ယခုအခါ ကောင်းကင်နှင့်မြေကြီး မှောက်ခုံလန်သွားသကဲ့သို့ ကြီးမားလှသော အပြောင်းအလဲများ ဖြစ်ပေါ်လာကြောင်း သူ ချက်ချင်း သဘောပေါက်လိုက်သည်။</p> <p> </p> <p>ထင်ရှားစွာပင် ၎င်းသည် ဝိညာဉ်အရက် ချက်လုပ်ရန်အတွက်သာ အသုံးပြု၍ရသည်မဟုတ်ဘဲ အစွမ်းထက်သော တိုက်ခိုက်ရေးစွမ်းရည်ကိုပါ ပိုင်ဆိုင်ထားပေသည်။</p> <p> </p> <p>ပဉ္စမအဆင့်သို့ တက်လှမ်းသွားပြီးနောက်မှသာ ၎င်း၏ စစ်မှန်သောစွမ်းအားများကို စတင်ပြသလာခြင်းဖြစ်၏။</p> <p> </p> <p>တန်ခိုးစွမ်းရည် - ကောင်းကင်အရက်မီးဖို။</p> <p> </p> <p>'အရက်ကူ'မှ ဆင်းသက်လာသော ဤအဆင့်မြင့်တန်ခိုးစွမ်းရည်သည် မီးဖိုတစ်ခုအဖြစ် ပုံပေါ်သွားသည်နှင့်တစ်ပြိုင်နက် အရာအားလုံးကို အရည်ကျိုနိုင်ကာ အရာအားလုံးကို ဝါးမျိုနိုင်ပေသည်။</p> <p> </p> <p>၎င်းသည် သက်စောင့်အနှစ်သာရများ၊ ကောင်းကင်နှင့်မြေကြီး၏ ဝိညာဉ်စွမ်းအင်များသာမက နေနှင့်လ၏ အနှစ်သာရ၊ ကြယ်တာရာများ၏ စွမ်းအားများကိုပါ လုယူနိုင်စွမ်းရှိလေသည်။</p> <p> </p> <p>ထို့နောက် များပြားလှသော အနှစ်သာရများသည် ၎င်း၏ကိုယ်တွင်းရှိ မီးဖိုမှတစ်ဆင့် အရည်ကျိုခံရကာ ဝိညာဉ်အရက် အရည်စက်လေးများအဖြစ် ပြောင်းလဲသွား၏။</p> <p> </p> <p>ဝိညာဉ်အရက်တစ်စက်တိုင်းတွင် ကြီးမားလှသော စွမ်းအင်များ ပါဝင်နေပေသည်။</p> <p> </p> <p>ထို့ပြင် ၎င်းတို့ကို ပိုင်ရှင်ဖြစ်သူအား သောက်သုံးရန် ပေးစွမ်းနိုင်ပြီး မည်သည့် ဘေးထွက်ဆိုးကျိုးမျှ ရှိမည်မဟုတ်ချေ။</p> <p> </p> <p>“မဖြစ်နိုင်တာ… ဒီလိုဆိုမှတော့ 'အရက်ကူ'က မိစ္ဆာသားရဲတွေရဲ့အလောင်းတွေ၊ ဒါတင်မက နတ်ဆိုးတွေရဲ့အလောင်းတွေကိုပါ အရည်ကျိုပြီး ဝိညာဉ်အရက်စက်လေးတွေအဖြစ် ပြောင်းလဲပေးနိုင်တာပေါ့...”</p> <p> </p> <p>ကျိုးစွေ့မှာ အလွန်တရာ စိတ်လှုပ်ရှားနေလေသည်။</p> <p> </p> <p>ယခင်က 'အရက်ကူ'သည် ဝိညာဉ်အရက်၏ စွမ်းအားများကိုသာ သန့်စင်ပေးနိုင်ပြီး ဝိညာဉ်အရက်ကို အဆင့်တက်စေရုံမျှသာ ဖြစ်၏။</p> <p> </p> <p>သို့သော် ပဉ္စမအဆင့်သို့ ရောက်ရှိသွားပြီးနောက်တွင်မူ ပိုးအိမ်မှ လိပ်ပြာအဖြစ် ပြောင်းလဲသွားသကဲ့သို့ ဖြစ်သွားခဲ့လေပြီ။</p> <p> </p> <p>၎င်း၏ စွမ်းအားများမှာ ကောင်းကင်နှင့်မြေကြီး မှောက်ခုံလန်သွားသကဲ့သို့ ပြောင်းလဲသွားခဲ့ပြီး သမိုင်းတစ်လျှောက်တွင် အကြီးမားဆုံးသော တိုးတက်မှုကို ရရှိသွားခဲ့၏။</p> <p> </p> <p>ယခုအခါ ၎င်းသည် ဝိညာဉ်အရက်ကို သန့်စင်ပေးရုံသာမကဘဲ ကောင်းကင်နှင့်မြေကြီး၏ အနှစ်သာရများ၊ အခြားသော အရာဝတ္ထုအများအပြားကိုပါ တက်ကြွစွာ ဝါးမျိုနိုင်စွမ်းရှိလာပြီး ၎င်းတို့ကို အရည်ကျိုကာ အသန့်စင်ဆုံးသော စွမ်းအင်များပါဝင်သည့် ဝိညာဉ်အရက်စက်လေးများအဖြစ်သို့ ပြောင်းလဲပေးနိုင်သည်။</p> <p> </p> <p>သူ၏အမြင်တွင် ခေါင်းအကိုက်ရဆုံးကိစ္စမှာ နတ်ဆိုးများ၏ အလောင်းများပင် ဖြစ်၏။</p> <p> </p> <p>အဘယ်ကြောင့်ဆိုသော် နတ်ဆိုးအလောင်းများကို အခြေခံအားဖြင့် အသုံးပြု၍မရနိုင်ဘဲ ၎င်းတို့အတွင်း၌ ကြီးမားလှသော နတ်ဆိုးအငွေ့အသက်များ ပါဝင်နေသောကြောင့် ဖြစ်သည်။</p> <p> </p> <p>သာမန်လူသားများသာ ၎င်းတို့ကို ထိတွေ့မိပါက နတ်ဆိုးချီများ၏ ကျူးကျော်ခြင်းကို ခံရမည်ဖြစ်ပြီး မိစ္ဆာသတ္တဝါများအဖြစ်သို့ပင် ပြောင်းလဲသွားနိုင်ချေ ရှိပေသည်။</p> <p> </p> <p>သို့သော် ယခုမူကား အရင်လို မဟုတ်တော့ချေ။</p> <p> </p> <p>'အရက်ကူ'၏ စွမ်းအားကို အသုံးပြု၍ နတ်ဆိုးအလောင်းများကို မီးဖိုထဲတွင် အရည်ကျိုကာ အသုံးမဝင်သည့် အမှိုက်များမှ ဝိညာဉ်အရက်များအဖြစ်သို့ ပြောင်းလဲပစ်နိုင်ပြီဖြစ်၏။</p> <p> </p> <p>နတ်ဘုရားအသွင်ပြောင်းအဆင့်သို့ တက်လှမ်းပြီးနောက်တွင် ဤအဆင့်ရှိ ကျင့်ကြံသူများအတွက် သင့်လျော်သော ကျင့်ကြံခြင်းအရင်းအမြစ်များမှာ ပို၍ပို၍ နည်းပါးလာကြောင်း သိထားရပေမည်။</p> <p> </p> <p>အထူးသဖြင့် ပဉ္စမအဆင့် ရတနာဆေးလုံးများကို ဖော်စပ်ရန်မှာ ပို၍ပင် ခက်ခဲလှသည်။</p> <p> </p> <p>ထို့ကြောင့် လက်ရှိ ကျင့်ကြံခြင်းလောကရှိ နတ်ဘုရားအသွင်ပြောင်းအဆင့် ကျင့်ကြံသူများမှာ အခြေခံအားဖြင့် အစောပိုင်းအဆင့်တွင်သာ ရှိနေကြခြင်း ဖြစ်၏။</p> <p> </p> <p>အလယ်အလတ်အဆင့်သို့ တက်လှမ်းရန်မှာမူ အချိန်နှင့် အရင်းအမြစ်များစွာ လိုအပ်သောကြောင့် လုံးဝနီးပါးမဖြစ်နိုင်သော ကိစ္စတစ်ခု ဖြစ်ပေသည်။</p> <p> </p> <p>သို့သော် ပဉ္စမအဆင့် ဝိညာဉ်အရက်အဖြစ် ဖော်စပ်နိုင်မည်ဆိုပါက လုံးဝကွဲပြားခြားနားသွားမည် ဖြစ်သည်။</p> <p> </p> <p>ပဉ္စမအဆင့်ဝိညာဉ်အရက် တစ်စက်စီတိုင်းတွင် ကြီးမားပြင်းထန်ပြီး သန့်စင်သောစွမ်းအင်များ ပါဝင်နေသည့်အတွက် နတ်ဘုရားအသွင်ပြောင်းအဆင့် ကျင့်ကြံသူများ၏ ကျင့်ကြံခြင်းကို သေချာပေါက် လျင်မြန်စွာ တိုးတက်လာစေနိုင်ပေသည်။</p> <p> </p> <p style="text-align: center;">***</p> <p> </p>


Save