Book List

<h2 style="text-align: center;">အခန်း(၁၂၁)</h2> <h2 style="text-align: center;">*</h2> <p> </p> <p>အလင်းတန်း(၂၈)ခု၊ စုစုပေါင်း ဓားချီအလင်းတန်း(၂၈)ခုက ကောင်းကင်ပေါ်သို့ မြှောက်တတ်သွားကြသည်။</p> <p>ဓားချီအလင်းတန်းများသည် မိုးမြေ၏ အန္တရာယ်အရှိန်အဝါမှ ဖွဲ့စည်းသွားဟန် ရ၏။ ပမာဏအလွန်များပြားသော အန္တရာယ်အရှိန်အဝါသည် သတ်ဖြတ်ပွဲများ ဖြစ်ပေါ်နေသော တိုက်ပွဲမြေပြင်ထံမှ ထွက်ပေါ်လာနေသည်။ ယင်းက အနက်ရောင်အခိုးအငွေ့(၂၈)မျှင်အဖြစ် ခွဲထွက်သွားကြပြီး ဓားချီအလင်းတန်းများထဲသို့ ရူးသွပ်စွာ စီးဆင်းသွားကြသည်။ အန္တရာယ်အရှိန်အဝါက ဓားချီနှင့် အတူတကွ ပေါင်းစပ်သွားသည်။</p> <p>မျက်စိတစ်မှိတ်အတွင်းမှာ ဓားချီအလင်းတန်း(၂၈)ခုက ကောင်းကင်ကို ထောက်ပံ့ထားသော ဧရာမတိုင်လုံးများသဖွယ် ပြောင်းလဲသွားကြသည်။</p> <p>ဓားချီအလင်းတိုင်လုံးတစ်ခုစီက တောင်ထိပ်တစ်ခုနှင့် ဆင်တူပြီး အနိမ့်ဆုံး မီတာသုံးဆယ်မြင့်မားသည်။ လျှို့ဝှက်ဆန်းကြယ်သော မှော်သင်္ကေတများက အနက်ရောင်ဓားချီတိုင်လုံးများ၏ မျက်နှာပြင်ပေါ်မှာ ထွက်ပေါ်လာကြသည်။</p> <p>ဓားချီအလင်းတိုင်လုံး(၂၈)ခုက မြေကြီးပေါ်မှာ တန်းမတ်စွာ ထောင်မတ်နေကြစဉ် ယင်းတို့ကြားမှာ လျှို့ဝှက်ဆန်းကြယ်သော ဆက်သွယ်မှုတစ်ခု ရှိနေဟန် ရ၏။ ယင်းတို့က အလွန်ကျယ်ပြောသော ဧရိယာကို ဝိုင်းရံထားကြသည်။ ဤသည်မှာ ဧရိယာက အကျဉ်းချခံလိုက်ရသည့်အလားပင်။</p> <p>“ ဗုန်း ဗုန်း ဗုန်း ”</p> <p>ဘေးပတ်ဝန်းကျင်မှ မိုးမြေဝိညာဉ်စွမ်းအားက ပရမ်းပတာ လှုပ်ခတ်သွားပြီး အရပ်ရှစ်မျက်နှာထံမှ မြန်ဆန်စွာ စုဝေးရောက်ရှိလာသည်။ မကြာမီ မိုးထိတောင်၏ ကောင်းကင်ယံတွင် အရွယ်အစားကြီးမားသော ဝိညာဉ်စွမ်းအားဝဲကတော့တစ်ခု ဖွဲ့စည်းသွားသည်။ ပမာဏများပြားသော ဝိညာဉ်စွမ်းအားက အပျက်အစီးဓားများထဲသို့ မြန်ဆန်စွာ စီးဆင်းသွားသည်။ ယင်းက အပျက်အစီးဓားများကို ပိုပြီးဒြပ်ထည်ရှိလာစေသည်။ ဤသည်မှာ ယင်းတို့က စစ်မှန်သော တိုက်ပွဲဓားများ ဖြစ်လာသည့်အလားပင်။</p> <p>မရေမတွက်နိုင်သော ဓားချီအလင်းတန်းများက အပျက်အစီးဓားများကို ဝန်းရံထားပြီး အရပ်မျက်နှာပေါင်းစုံသို့ ပျံ့နှံ့သွားသည်။ ဓားချီအလင်းတန်းများက အရာအားလုံးကို ထိမှန်သွားကြပြီး ဖျက်ဆီးပစ်လိုက်ကြသည်။</p> <p>ရှေးဟောင်းသစ်ပင်ကြီးများက ဓားချီအလင်းတန်းရာထောင်ချီ၏ တိုက်ခိုက်မှုအောက်မှာ ချက်ချင်း ဖုန်မှုန့်ဖြစ်သွားကြသည်။ ထိုသို့စွမ်းအားက အလွန်အားကောင်းပြီး ကြောက်မက်ဖွယ်ကောင်းသည်။</p> <p>“ ဟား ဟား ဟား… အားလုံး မြန်မြန် ကြည့်ကြစမ်း… လီမိသားစု စလှုပ်ရှားပြီ… ပထမတန်းစား ကျင့်ကြံခြင်းမိသားစုလို့ မျှော်လင့်ထားသလိုပါလား… သူတို့ရဲ့ တိုက်ခိုက်မှုက တကယ်အံ့ဖွယ်ပဲ ”</p> <p>“ အရှိန်အဝါကို ကြည့်ရတာတော့ အဲ့ဒါက အစွမ်းထက်ဝင်္ကပါတစ်ခု ဖြစ်ရမယ်… အဲ့ဒါက မိစ္ဆာသားရဲတွေကို အပိုင်းပိုင်း ခုတ်ပိုင်းပစ်နိုင်မလား ကြည့်ရအောင်… မိစ္ဆာသားရဲတွေက ဘယ်လိုလုပ် ငါတို့ကျင့်ကြံသူတွေကို အနိုင်ယူနိုင်မှာလဲ ”</p> <p>“ သတ်… သူတို့အားလုံးကို သတ်ပစ်… မိစ္ဆာသားရဲရဲ့ ခန္ဓာကိုယ်က ရတနာတွေချည်းပဲ ”</p> <p>အသက်ရှင်ကျန်ရစ်ကြသော ကျင့်ကြံသူများက ဤအခိုက်အတန့်မှာ စိတ်လှုပ်ရှားသွားကြသည်။ သူတို့တစ်ယောက်စီက ကောင်းကင်ပေါ်သို့ ပျံတတ်သွားနေသော အပျက်အစီးဓားများကို စိတ်လှုပ်ရှားစွာ ကြည့်လိုက်ကြသည်။ သူတို့အားလုံး၏ မျက်လုံးက ဝင်းလက်တောက်ပနေသည်။ သူတို့က နှလုံးသားထဲမှာ ဝမ်းသာစွာ အော်ဟစ်လိုက်ကြသည်။ ဤတစ်ကြိမ်တွင် သူတို့အသက်ရှင်နိုင်ပြီ။ အသက်ကပ်ဘေးမှ လွတ်မြောက်သွားသော ခံစားမှုက အလွန်ဝမ်းမြောက်စရာကောင်း၏။</p> <p>“ ဓားတစ်သောင်းမိစ္ဆာနှိမ်နင်းဝင်္ကပါ… မကောင်းတော့ဘူး… အဲ့ဒါ ဝင်္ကပါ… ဒီကျင့်ကြံသူတွေက ဝင်္ကပါကို အစကတည်းက ကြိုခင်းကျင်းထားတာပဲ… သူတို့က ဒီနေရာမှာ ဝင်္ကပါခင်းကျင်းပြီး တောင်ပိုင်းမြေရိုင်းဒေသထဲက မိစ္ဆာသားရဲအားလုံးကို တစ်ချက်တည်း အပြတ်ရှင်းပစ်ချင်နေတာပဲ ”</p> <p>အပျက်အစီးဓားများထဲမှာ လျှို့ဝှက်ဆန်းကြယ်သော စွမ်းအား ကိန်းအောင်းနေကြောင်း ခေါင်းသုံးလုံးရွှေခြင်္သေ့ မြင်သွားသောအခါ သူ၏ အမူအရာက ချက်ချင်း ပြောင်းလဲသွားသည်။ သူက အလန့်တကြား အော်ပြောလိုက်သည်။</p> <p>“ ဟွန့်… ရွှေခြင်္သေ့… မင်းက ဘာကို ကြောက်နေတာလဲ… ဝင်္ကပါဖြစ်တော့ရော ဘာဖြစ်လဲ… ငါကင်းကောင်က အဲ့ဒီဝင်္ကပါစုတ်ကို လက်တစ်ဖက်တည်းနဲ့ အပိုင်းပိုင်းအစစ ဆုတ်ဖြဲပစ်မယ် ”</p> <p>အနက်ရောင်မျောက်ဝံဘုရင်က ယခင်အတိုင်း စိတ်ဓာတ်တတ်ကြွနေဆဲပင်။ သူက ပါးစပ်ဟလိုက်ပြီး ကျယ်လောင်စွာ အော်လိုက်သည်။ သူက ဝင်္ကပါကို လုံးဝ အရေးမစိုက်ပေ။</p> <p>သို့သော်လည်း မဒူဆာသည် ဘေးပတ်ဝန်းကျင်မှ ဓားချီအလင်းတိုင်လုံးများကို မြင်သွားသောအခါ သူ၏ အမူအရာက တည်ကြည်လေးနက်သွားသည်။ သူက အေးစက်စက် အော်ပြောလိုက်သည်။</p> <p>“ မြန်မြန်… အဲ့ဒီဓားချီအလင်းတိုင်လုံးတွေကို ဖျက်ဆီးပစ်… ဝင်္ကပါတွေက မိုးမြေရဲ့ လျှို့ဝှက်ဆန်းကြယ်မှုတွေနဲ့ ဆက်စပ်နေပြီး အံ့ဖွယ်ကောင်းတဲ့ မှော်စွမ်းရည်တွေကို ပိုင်ဆိုင်ထားကြတယ်… ဒီဓားတစ်သောင်းမိစ္ဆာနှိမ်နင်းဝင်္ကပါက သတ်ဖြတ်ခြင်းဝင်္ကပါ… ဝင်္ကပါအသက်မဝင်ခင် အဲ့ဒါကို ငါတို့ချိုးဖြတ်ပစ်ရမယ်… မဟုတ်ရင် ငါတို့အားလုံးဆီ အန္တရာယ်ကျရောက်လာလိမ့်မယ် ”</p> <p>ဝင်္ကပါများသည် မိုးမြေစွမ်းအားနှင့် ချိတ်ဆက်နိုင်သော အံ့ဖွယ်နည်းလမ်းများ ဖြစ်ကြသည်။ မည်သည့်ဝင်္ကပါမဆို မိုးမြေနှင့် တိုက်ရိုက် ဆက်သွယ်နိုင်ပြီး အံ့ဖွယ်ကောင်းသော မှော်စွမ်းရည်များကို ထုတ်လွှတ်နိုင်ကြသည်။</p> <p>ဥပမာ မြူခိုးဝင်္ကပါဆိုလျှင် သက်ရှိများ၏ အမြင်အာရုံကို ဖုံးကွယ်နိုင်သော မြူခိုးကို ထုတ်လွှတ်ပေးနိုင်၏။ သာမန်လူများသည် မြူခိုးဝင်္ကပါထဲမှာ ပိတ်မိသွားလျှင် အလွယ်တကူ အပြင်ပြန်ထွက်နိုင်တော့မည် မဟုတ်ချေ။</p> <p>ထို့ကြောင့် ဝင်္ကပါများသည် မိုးမြေစွမ်းအားနှင့် ချိတ်ဆက်ပြီးနောက် မူလစွမ်းအားထက် ဆယ်ဆ သို့မဟုတ် အဆတစ်ရာ ပိုပြီးအားကောင်းသော စွမ်းအားကို ထုတ်လွှတ်ပေးနိုင်ကြသည်။ ဝင်္ကပါပညာရှင်တစ်ယောက်သည် စစ်သည်တော်ထောင်သောင်းချီအား ရပ်တန့်နိုင်သော ဝင်္ကပါတစ်ခုကို ဖန်တီးနိုင်ပြီး ကျင့်ကြံသူရာထောင်ချီကို သတ်ဖြတ်ခြင်းဝင်္ကပါတစ်ခုဖြင့် တစ်ခါတည်း အပြတ်ရှင်းပစ်နိုင်သည်။ သူတို့က ဝင်္ကပါစွမ်းအားပေါ် မူတည်၍ အံ့ဖွယ်ကောင်းသော မှော်စွမ်းရည်များကို ထုတ်လွှတ်နိုင်ကြသည်။</p> <p>ဝင်္ကပါအမျိုးမျိုးရှိသကဲ့သို့ ဝင်္ကပါများ၏ မှော်စွမ်းရည်များသည်လည်း အမျိုးမျိုးရှိကြသည်။ ယင်းတို့က မရေမတွက်နိုင်အောင် အလွန်များပြားလှသည်။</p> <p>“ ရှဲ… ရှဲ ”</p> <p>မဒူဆာသည် စကားဆုံးသည်နှင့် သူ၏ ဦးခေါင်းကို လွှဲယမ်းလိုက်သည်။ သူ၏ မြွေဆံပင်များက လှုပ်ယမ်းသွားသည်။ နောက်အခိုက်အတန့်မှာ ဧရာမမြွေတချို့က ဓားချီအလင်းတိုင်လုံးတစ်ခုဆီသို့ ပျံသန်းသွားကြသည်။ သူတို့က ထိုအလင်းတိုင်လုံးကို ဖျက်ဆီးပစ်ချင်ကြသည်။</p> <p>“ ဟွန့်… အရမ်းနောက်ကျသွားပြီ… လီမိသားစုရဲ့ တပည့်တွေ နားထောင်ကြ… ဓားဝင်္ကပါကို အသက်သွင်းပြီး အဲ့ဒီမိစ္ဆာကျားကို အမြန်သတ်ပစ်ကြ ”</p> <p>စတုတ္ထအကြီးအကဲက အော်ပြောလိုက်သည်။ ရက်စက်ကြမ်းကြုတ်သော အမူအရာက သူ၏ မျက်နှာပေါ်မှာ ထွက်ပေါ်လာသည်။</p> <p>“ ဝီး ဝီး ဝီး… ”</p> <p>ဓားချီအလင်းတိုင်လုံးအားလုံးက ကျယ်လောင်သော မြည်သံကို တစ်ပြိုင်နက် ထုတ်လွှတ်လိုက်ကြသည်။ အနက်ရောင်ဓားချီတစ်သောင်းက ဓားချီအလင်းတိုင်လုံးများထဲမှ အဆက်မပြတ် ပေါ်လျှိုးလာကြပြီး ကောင်းကင်ကို ဖုံးလွှမ်းသွားကြသည်။</p> <p>မျက်စိတစ်မှိတ်အတွင်းမှာ ဝင်္ကပါဧရိယာတစ်ခုလုံးကို ဓားချီများက ဖုံးလွှမ်းသွားသည်။ ဧရာမမြွေများသည် ဓားချီများ၏ တိုက်ခိုက်မှုအောက်မှာ အပိုင်းပိုင်းအစစ ဖြတ်တောက်ခံလိုက်ကြရသည်။</p> <p>“ ဓားတစ်သောင်းမိစ္ဆာနှိမ်နင်းဝင်္ကပါ ”</p> <p>ဓားချီသည် ချက်ချင်း မဆင်းသက်လာပေ။ ယင်းအစား ဓားချီများက ဝင်္ကပါ၏ အပေါ်မှ ကောင်းကင်ယံမှာ အချင်းချင်း ယှက်ထွေသွားကြသည်။ ထိုဓားချီများသည် အရင်းအမြစ်တစ်ခုတည်းမှ ဆင်းသက်လာကြခြင်း ဖြစ်သည်။ ထို့ကြောင့် ယင်းတို့က ဝင်္ကပါ၏ အံ့ဖွယ်မှော်စွမ်းရည်အောက်မှာ သုံးပေရှည်လျားသော နတ်ဆိုးဓားများအဖြစ် မြန်ဆန်စွာ ဖွဲ့စည်းသွားကြသည်။</p> <p>နတ်ဆိုးဓားများသည် မင်ရည်ကဲ့သို့ အလွန်နက်မှောင်ပြီး ဓားတစ်လက်စီက ကြောက်မက်ဖွယ်ကောင်းသော နတ်ဆိုးချီကို ထုတ်လွှတ်နေကြသည်။ ယင်းတို့၏ သတ်ဖြတ်ခြင်းအရှိန်အဝါက အလွန်ထူထဲသည်။ အကန့်အသတ်မဲ့သော နတ်ဆိုးချီက ဒီရေသဖွယ် ကောင်းကင်ပေါ်မှ တလိပ်လိပ် ကျဆင်းလာသည်။</p> <p>မျက်စိတစ်မှိတ်အတွင်းမှာ အရေအတွက်တစ်သောင်းခန့်ရှိသော နတ်ဆိုးဓားများက ဝင်္ကပါ၏ ကောင်းကင်ယံမှာ ဖွဲ့စည်းသွားကြသည်။ ဓားထိပ်ဖျားက မြေကြီးထံသို့ ချိန်ရွယ်ထားစဉ် ယင်းတို့က ထက်ရှသော ဓားချီကို ထုတ်လွှတ်လိုက်ကြသည်။ ယင်းတို့က လေထဲမှာ အဆက်မပြတ် တုန်ခါနေကြသည်။</p> <p>အရေအတွက်ထောင်သောင်းချီသော နတ်ဆိုးဓားများက မိုးထိတောင်၏ ကောင်းကင်တစ်လျှောက် ဖုံးလွှမ်းသွားသည်။</p> <p>“ သတ် ”</p> <p>“ ချလွင်… ချလွင်… ချလွင် ”</p> <p>အေးစက်သော နှာခေါင်းရှုံ့သံနှင့်အတူ အပျက်အစီးဓားချီမှ ဖွဲ့စည်းသွားသော နတ်ဆိုးဓားတစ်သောင်းက အံ့ဖွယ်အဖျက်စွမ်းအားကို ထုတ်လွှတ်လိုက်ကြသည်။ ဝင်္ကပါ၏ စွမ်းအားအောက်မှာ ယင်းတို့က မြေကြီးပေါ်မှ သက်ရှိအားလုံးထံသို့ ရူးသွပ်စွာ ကျဆင်းသွားကြသည်။</p> <p>ရက်စက်ကြမ်းကြုတ်သော နတ်ဆိုးဓားများသည် သီရှီထျန်၊ မဒူဆာနှင့် တခြားမိစ္ဆာသားရဲများကိုသာ လွှမ်းခြုံသွားခြင်းမဟုတ်ဘဲ အသက်ရှင်ကျန်ရစ်သော ကျင့်ကြံသူများကိုလည်း ဖုံးလွှမ်းသွားကြသည်။</p> <p>ဓားတစ်သောင်းမိစ္ဆာနှိမ်နင်းဝင်္ကပါ၏ စွမ်းအားက မြေပြင်ပေါ်မှ သက်ရှိအားလုံးထံသို့ ဆင်းသက်လာသည်။</p> <p>အကန့်အသတ်မဲ့သော နတ်ဆိုးချီကြောင့် ချောက်ချားဖွယ်ကောင်းသော အနက်ရောင်တိမ်တိုက်တစ်ခုက ဝင်္ကပါ၏ အပေါ်မှာ ဖွဲ့စည်းသွားသည်။ လေနှင့် တိမ်တိုက်များက ဖရိုဖရဲဖြစ်သွားစဉ် မိုးကောင်းကင်၏ အရောင်က ပြောင်းလဲသွားသည်။ ပမာဏများပြားသော မိုးမြေဝိညာဉ်စွမ်းအားက ဓားဝင်္ကပါထဲသို့ အဆက်မပြတ် စီးဆင်းသွားနေသည်။</p> <p>“ ဘာဖြစ်တာလဲ… ငါတို့က တစ်ဖက်တည်းလေ… ငါတို့ကို ဝင်္ကပါထဲကနေ ထုတ်ပေး… ဘာလို့ ငါတို့ကို တိုက်ခိုက်နေတာလဲ… ရပ်လိုက် ”</p> <p>“ အား… လီမိသားစုက အရမ်းရက်စက်တာပဲ… သူတို့က ငါတို့ကိုပါ အပြတ်ရှင်းပစ်ချင်နေတယ် ”</p> <p>“ ဘယ်လောက် ကြောက်စရာကောင်းလိုက်တဲ့ ဓားဝင်္ကပါလဲ… အားလုံးပဲ ဒီဓားဝင်္ကပါကို အတူတူ ချိုးဖြတ်ကြရအောင်… မဟုတ်ရင် ငါတို့အားလုံး ဝင်္ကပါထဲမှာ သေဆုံးသွားကြလိမ့်မယ် ”</p> <p>မရေမတွက်နိုင်သော နတ်ဆိုးဓားများက ကောင်းကင်ယံမှ ကျဆင်းလာကြသည်။ ဓားတစ်လက်စီမှ ထုတ်လွှတ်နေသော အဖျက်စွမ်းအားက အလွန်အားကောင်းသည်။ ကျင့်ကြံသူအများအပြားသည် ထိုသို့ဖြစ်လာမည်ဟု မထင်ထားသောကြောင့် ကြိုတင်မပြင်ဆင်နိုင်ခဲ့ပေ။ လီမိသားစုက သူတို့ကိုလည်း တိုက်ခိုက်လာသည်။</p> <p>မျက်စိတစ်မှိတ်အတွင်းမှာ နာကျင်ကြေကွဲသော အော်ဟစ်သံများက မိုးထိတောင်ပေါ်မှာ ပဲ့တင်ထပ်သွားသည်။ သူတို့၏ ခန္ဓာကိုယ်က ဓားချီများဖြင့် အပိုင်းပိုင်း ဖြတ်တောက်ခံလိုက်ကြရသည်။ သက်ရှိများက အသားတုံးများအဖြစ် ပြောင်းလဲသွားကြသည်။ ယင်းက ကြက်သီးထဖွယ်ကောင်းသော ချောက်ချားဖွယ်မြင်ကွင်းပင်တည်း။</p> <p>“ ဟား ဟား ဟား… မင်းတို့က ငါတို့လီမိသားစုပိုင်တဲ့ သံလိုက်အိမ်မြှောင်ကို မျက်စိကျရဲတယ်လား… မင်းတို့က သေဖို့ ထိုက်တန်တယ်… ဒီနေ့ လီမိသားစုက မိစ္ဆာသားရဲတွေတင်မကဘူး… မင်းတို့အားလုံးကိုလည်း ဒီနေရာမှာ မြေမြှုပ်ပစ်မယ် ”</p> <p>“ သေကြစမ်း ”</p> <p>စတုတ္ထအကြီးအကဲက ချောက်ချားဖွယ်ကောင်းစွာ ရယ်လိုက်သည်။ သူက ဓားဝင်္ကပါကို အမိန့်ပေးနေရင်း သီရှီထျန်ဆီသို့ ပျံသန်းသွားသည်။</p> <p>လေထဲတွင် အနက်ရောင်နတ်ဆိုးဓားချီများက ရုတ်တရက် အတူတကွ စုဝေးသွားကြပြီး ရက်စက်ကြမ်းကြုတ်သော အနက်ရောင်နတ်ဆိုးနဂါးတစ်ကောင်အဖြစ် ဖွဲ့စည်းသွားသည်။ နတ်ဆိုးနဂါးက ၎င်း၏ အမြှီးကို လွှဲယမ်းလိုက်လေရာ လေထုက ပြင်းထန်စွာ တုန်ယင်သွားပြီး ကျယ်လောင်သော ပေါက်ကွဲသံများ တရစပ် ထွက်ပေါ်လာသည်။ ထို့နောက် နတ်ဆိုးနဂါးက သီရှီထျန်ပေါ်သို့ ရက်စက်ကြမ်းကြုတ်စွာ ခုန်အုပ်လိုက်သည်။ အလွန်သိပ်သည်းသော နတ်ဆိုးချီက နဂါးထံမှ ထုတ်လွှတ်နေလေရာ ၎င်း၏ ဘေးပတ်ဝန်းကျင်မှ လေထုသည်ပင် အေးခဲသွားတော့မည့်ဟန် ရ၏။ ယင်းက အလွန်ကြောက်စရာကောင်းသည်။</p> <p>လီမိသားစု၏ အဓိကပစ်မှတ်သည် အစကတည်းက သီရှီထျန် ဖြစ်သည်။</p> <p>သီရှီထျန်ကို တစ်ချက်တည်းဖြင့် သတ်ပစ်ပြီး ဝိညာဉ်သံလိုက်အိမ်မြှောင်ကို ပြန်ရယူရန်သည် လီမိသားစု၏ အဓိကရည်ရွယ်ချက် ဖြစ်သည်။ ထိုလေလွင့်ကျင့်ကြံသူများသည်တော့ သူတို့က ဓားခုတ်ရာ လက်ဝင်လျှိုသကဲ့သို့ ဖြစ်သွားကြသည်။</p> <p>နတ်ဆိုးနဂါးသည် နတ်ဆိုးဓားချီများမှ ဖွဲ့စည်းသွားခြင်း ဖြစ်သည်။ ထို့ကြောင့် ၎င်း၏ သတ်ဖြတ်ခြင်းအရှိန်အဝါက အလွန်သိပ်သည်းသည်။ အထူးသဖြင့် ၎င်းက သီရှီထျန်တစ်ယောက်တည်းကို ပစ်မှတ်ထားလိုက်သည့်အခါ ဖြစ်သည်။ ရုတ်တရက်ဆိုသလို သီရှီထျန်၏ ခန္ဓာကိုယ်ပေါ်မှ အမွှေးအမျှင်အားလုံးက ထောင်မတ်သွားကြသည်။ ဤအခိုက်အတန့်မှာ သူက ဆူးကောင်သဖွယ် ဖြစ်လာသည်။</p> <p>သူက တုံ့ဆိုင်းမနေဘဲ အသက်ပြင်းပြင်းရှူသွင်းလိုက်သည်။ လေကို အရူးအမူး စုပ်သွင်းလိုက်သည်နှင့် သူ၏ ဧရာမခန္ဓာကိုယ်က စတင်အရွယ်အစားကြီးမားသွားသည်။ မျက်စိတစ်မှိတ်အတွင်းမှာ သူက ပေတစ်ရာနီးပါး ကြီးမားသွားသည်။ တစ်ချိန်တည်းမှာ သူက စိတ်ထဲ၌ အမြန်တွေးလိုက်သည်။</p> <p>“ လီမိသားစုရဲ့ ဘိုးဘေးရတနာ ဝိညာဉ်သံလိုက်အိမ်မြှောင်က ငါ့ဆီမှာဆိုတာ လီမိသားစု သိတယ်… ကျားရဲတောင်တန်းဒေသထဲမှာ ငါသတ်ခဲ့တဲ့ ကျင့်ကြံသူက လီမိသားစုကပဲ… လီမိသားစုနဲ့ ငါ့ကြားမှာ မဖြေရှင်းနိုင်တဲ့ ရန်ငြိုးရှိသွားပြီ… အခု ဓားဝင်္ကပါရဲ့ စွမ်းအားတစ်ဝက်ကျော်က ငါ့ဆီ ဦးတည်လာနေတယ်… ကြည့်ရတာ လီမိသားစုက ငါ့ကို သတ်ပြီး ဝိညာဉ်သံလိုက်အိမ်မြှောင်ကို ပြန်ရယူချင်နေတဲ့ပုံပဲ… ဒါပေမဲ့ ငါသီရှီထျန်က ဒီအတိုင်း ငြိမ်ခံနေမယ့်ကောင် မဟုတ်ဘူး ”</p> <p> </p> <p style="text-align: center;">***</p>


Save