Book List

<h2 style="text-align: center;">အခန်း(၁၂၂)</h2> <h2 style="text-align: center;">*</h2> <p> </p> <p>နတ်ဆိုးဓားချီအများအပြားက အနက်ရောင်နတ်ဆိုးနဂါးတစ်ကောင်အဖြစ် ဖွဲ့စည်းသွားကြောင်း သီရှီထျန်မြင်သောအခါ အခြေအနေကို သူနားလည်သွားသည်။ နတ်ဆိုးနဂါးသည် မရေမတွက်နိုင်သော နတ်ဆိုးဓားများမှ ဖွဲ့စည်းသွားခြင်းဖြစ်ပြီး အလွန်ထက်ရှသော ဓားချီများ၏ ဝိုင်းရံခံထားရသည်။</p> <p>တစ်စုံတစ်ယောက်သည် နတ်ဆိုးနဂါးကို တိုက်ခိုက်ရန်မဆိုထားနှင့် လက်ဖြင့် ထိလိုက်မည်ဆိုလျှင်ပင် သူ့ခန္ဓာကိုယ်က ထောင်သောင်းချီသော ဓားချီများဖြင့် အပိုင်းပိုင်း ဖြတ်တောက်ခံရလိမ့်မည်။</p> <p>နတ်ဆိုးဓားများ၏ ဆင်းသက်လာမှုကြောင့် ကျင့်ကြံသူအများအပြားက အော်ဟစ်ညည်းတွားလိုက်ကြသည်။ ယင်းက လီမိသားစု၏ လက်ချက်ဖြစ်ကြောင်း သီရှီထျန် သိလိုက်သည်။ ထိုဓားဝင်္ကပါသည် သူ့ကို ပစ်မှတ်ထားရန် လီမိသားစု ကြိုတင်ပြင်ဆင်ထားသော အရာဖြစ်သည်။</p> <p>သူက ဝေလငါး ရေစုပ်သကဲ့သို့ လေကို အရူးအမူး ရှူသွင်းလိုက်သည်။ ဓားဝင်္ကပါ၏ စွမ်းအားက အကန့်အသတ်မဲ့သည်။ ဓားဝင်္ကပါမှ ဖွဲ့စည်းသွားသော နတ်ဆိုးနဂါးက ကြောက်မက်ဖွယ်ကောင်းသော သတ်ဖြတ်ခြင်းစွမ်းအားကို ပိုင်ဆိုင်ထားသည်။ နတ်ဆိုးဓားတစ်လက်သည် ချီသန့်စင်ခြင်းနယ်ပယ် ကျင့်ကြံသူတစ်ယောက်ကို သတ်ဖြတ်နိုင်သည်။ ယခု နတ်ဆိုးဓားထောင်သောင်းချီက နဂါးတစ်ကောင်အဖြစ် ဖွဲ့စည်းသွားလေရာ ၎င်း၏ တိုက်ပွဲစွမ်းအားက အမြူတေဖွဲ့စည်းခြင်းနယ်ပယ် ကျင့်ကြံသူတစ်ယောက်သည်ပင် ခုခံတားဆီးနိုင်သောအရာ မဟုတ်ပေ။ သို့ဖြစ်လေရာ မကြာသေးခင်ကမှ အဆင့်တတ်လှမ်းခဲ့သော မိစ္ဆာသားရဲတစ်ကောင်ကိုတော့ ပြောနေစရာမလိုပေ။</p> <p>‘ အဲ့နတ်ဆိုးနဂါးကို ငါ့အနား ရောက်လာစေလို့ မဖြစ်ဘူး… မဟုတ်ရင် ငါသေချာပေါက် သေဆုံးသွားလိမ့်မယ် ’</p> <p>သီရှီထျန်သည် “ ကျားဟိန်းသံကျင့်စဉ် ”ကို အစွမ်းကုန်သုံး၍ လှည့်ပတ်လိုက်သည်။ သူ၏ မိစ္ဆာစံအိမ်ထဲမှ မိစ္ဆာသန့်စင်ခြင်းမီးဖိုက မယုံကြည်နိုင်သော အလျင်ဖြင့် စတင်လှည့်ပတ်သွားသည်။ လှည့်ပတ်မှုက အလွန်မြန်ဆန်လေရာ မိစ္ဆာသန့်စင်ခြင်းမီးဖိုကိုပင် ရှင်းလင်းစွာ မမြင်နိုင်တော့ပေ။ ကျောက်စိမ်းဆေးမီးဖိုထဲမှ အနက်ရောင်အရည်က မိစ္ဆာစံအိမ်အပြင်သို့ မြန်ဆန်စွာ လွင့်မျောသွားပြီး သူ၏ မရီဒျန်များထဲမှာ ဒလဟော စီးဆင်းသွားသည်။ ထို့နောက် မိစ္ဆာချီသည် သူ၏ လည်ချောင်းဝသို့ ချက်ချင်း ဆန်တတ်လာသည်။</p> <p>မိစ္ဆာသန့်စင်ခြင်းမီးဖိုက မြန်ဆန်စွာ လှည့်ပတ်သွားသည်နှင့် မီးဖိုထဲမှာ စုပ်ယူခံထားရသော အလောင်းများက မြန်ဆန်စွာ ကျုံ့သွားကြပြီး မိစ္ဆာချီအဖြစ် သန့်စင်ခံလိုက်ကြရသည်။ တစ်ချိန်တည်းမှာ ပမာဏများပြားသော မိစ္ဆာချီက သူ၏ လည်ချောင်းဝသို့ ဆန်တတ်သွားသည်။</p> <p>သူ၏ မရီဒျန်များက အကန့်အသတ်သို့ ရောက်ရှိသွားသည်။ မိစ္ဆာချီသည် မင်ရည်သဖွယ် စီးဆင်းနေသည်။</p> <p>“ ဝေါင်း ”</p> <p>ထိုအရာအားလုံးကို ဖော်ပြရန် အချိန်အတော်ကြာသော်လည်း အမှန်မှာ ယင်းတို့က မျက်စိတစ်မှိတ်အတွင်း ဖြစ်ပျက်သွားခဲ့ခြင်း ဖြစ်သည်။ သီရှီထျန်သည် နတ်ဆိုးနဂါးကို စူးစိုက်ကြည့်လိုက်သည်။ မောက်မာထောင်လွှားမှုနှင့် ရူးသွပ်မှုက သူ၏ အကြည့်ထဲမှာ ထွက်ပေါ်လာသည်။ သူက ပါးစပ်ဟကာ ခန္ဓာကိုယ်ထဲမှ မိစ္ဆာချီကို ကိုးကြိမ်တိုင်တိုင် လှည့်ပတ်၍ ကျယ်လောင်စွာ ဟိန်းဟောက်လိုက်သည်။</p> <p>“ ဝေါင်း”</p> <p>ကမ္ဘာမြေတုန်ဟီးသွားစေမည့် ကျားဟိန်းသံက တဖန် ထွက်ပေါ်လာသည်။ စက်ကရာကို ဗဟိုပြု၍ မြေကြီးက ပြင်းထန်စွာ တုန်ယင်သွားသည်။ ကျယ်လောင်သော ပေါက်ကွဲသံများ တရစပ် ထွက်ပေါ်လာသည်။</p> <p>နက်ရှိုင်းသော အက်ကွဲကြောင်းများက မြေကြီးပေါ်မှာ အရူးအမူး ထွက်ပေါ်လာနေစဉ် မြေကြီးက ကျယ်လောင်သော မြည်သံနှင့်အတူ အောက်ဘက်သို့ ကျွံကျသွားသည်။</p> <p>ဤသည်မှာ အလွန်ပြင်းထန်သော ငလျင်က မိုးထိတောင်ပေါ်မှာ ဖြစ်ပေါ်လာသည့်အလားပင်။</p> <p>“ ဖူချီ ”</p> <p>အသက်ရှင်ကျန်ရစ်သော ကျင့်ကြံသူများက အပြင်းအထန် တုန်ယင်သွားကြပြီး သွေးအန်လိုက်ကြရသည်။ သူတို့၏ မျက်နှာက ဖြူဖျော့သွားသည်။ သူတို့က အာရုံခြောက်ပါးကို ပိတ်ဆို့ထားလျှင်ပင် ကျားဟိန်းသံ၏ အသံလှိုင်းရိုက်ခတ်မှုကို မကာကွယ်နိုင်သေးပေ။</p> <p>ဤအခိုက်အတန့်မှာ သီရှီထျန်၏ ကျားဟိန်းသံသည် ဓားတစ်သောင်းမိစ္ဆာနှိမ်နင်းဝင်္ကပါမှ ပေးသော ဖိအားအောက်မှာ လုံးဝ ပြောင်းလဲသွားသည်။</p> <p>ကျားဟိန်းသံသည် အားကောင်းသော တိုက်ခိုက်မှုကို ချက်ချင်း ထုတ်လွှတ်လိုက်သည်။ ကျင့်ကြံသူကိုးဆယ်ရာခိုင်နှုန်းခန့် အသတ်ခံလိုက်ကြရသည်။ အစွမ်းထက်ဓမ္မလက်နက်ရှိသော ကျင့်ကြံသူများနှင့် အခြေတည်နယ်ပယ် ကျင့်ကြံသူတချို့သာလျှင် အသက်ရှင်ကျန်ခဲ့ကြသည်။</p> <p>သို့တိုင် ဤအခိုက်အတန့်မှာ သူတို့၏ ခန္ဓာကိုယ်က အပြင်းအထန် တုန်ယင်နေပြီး သူတို့၏ အသားအရေက အလောင်းကောင်ပမာ ဖြူဖျော့နေသည်။ သူတို့၏ မျက်လုံးထဲမှာ ထိတ်လန့်ချောက်ချားမှုဖြင့် ပြည့်နှက်နေသည်။</p> <p>ယင်းက စက်ကရာ၏ ကျားဟိန်းသံ ဖြစ်သည်။ သူ၏ ထိန်းချုပ်မှုအောက်မှာ မဟူရာအသံလှိုင်းစက်ဝန်းများက နတ်ဆိုးနဂါးနှင့် ထိပ်တိုက် တွေ့ဆုံသွားသည်။ နတ်ဆိုးနဂါးကို ဓားတစ်သောင်းမိစ္ဆာနှိမ်နင်းဓားဝင်္ကပါ၏ စွမ်းအားထက်ဝက်ကျော်ဖြင့် ဖွဲ့စည်းထားခြင်း ဖြစ်သည်။ ၎င်းက အလွန်အားကောင်းသော အရှိန်အဟုန်နှင့်အတူ သီရှီထျန်ထံသို့ ခုန်အုပ်လာသော်လည်း မဟူရာအသံလှိုင်းစက်ဝန်းများနှင့် တွေ့ဆုံသွားသောအခါ ရုတ်တရက် ရပ်တန့်သွားသည်။ နတ်ဆိုးနဂါးက ပြင်းထန်စွာ တုန်ယင်သွားစဉ် ၎င်း၏ ခန္ဓာကိုယ်ပေါ်၌ ထက်ရှသော အနက်ရောင်ဓားများ ပြန်ပေါ်လာကြသည်။ ဤသည်မှာ ဓားများ၏ စုစည်းမှုက အချိန်မရွေး ပြိုကွဲသွားတော့မည့်အလားပင်။</p> <p>“ မင်းတို့တွေ ဓားဝင်္ကပါကို အစွမ်းကုန်သုံးပြီး အသက်သွင်းကြ… ဒီနေ့ အဲ့ဒီမိစ္ဆာကျားကို သေချာပေါက် သတ်ပစ်နိုင်ရမယ် ”</p> <p>လီဝမ်၏ မျက်နှာပေါ်မှာ ရက်စက်ကြမ်းကြုတ်သော အမူအရာ ထွက်ပေါ်လာသည်။ သူက ကျယ်လောင်စွာ အော်ပြောလိုက်သည်။</p> <p>“ ဝီး… ဝီး… ဝီး… ”</p> <p>ကျားဟိန်းသံအောက်မှာ ဓားချီအလင်းတိုင်လုံး(၂၈)ခုက ပြင်းထန်စွာ တုန်ယင်သွားကြသည်။ ဓားချီအလင်းတိုင်လုံးများက တုန်ယင်နေစဉ် အရေအတွက်များပြားသော ဓားချီက ယင်းတို့ထံမှ ဒလဟော ပေါ်လျှိုးလာသည်။ ယင်းတို့က လေထဲမှာ နတ်ဆိုးဓားများအဖြစ် ဖွဲ့စည်းသွားကြပြီး နတ်ဆိုးနဂါး၏ ခန္ဓာကိုယ်ထဲသို့ ပေါင်းစည်းသွားကြသည်။</p> <p>ကျားဟိန်းသံအောက်မှာ ပြိုကွဲသွားတော့မည့် နတ်ဆိုးနဂါးက စွမ်းအားအသစ်၏ အားဖြည့်ပေးမှုကြောင့် ပြန်လည်ဖွဲ့စည်းသွားသည်။ ၎င်းက မောက်မာထောင်လွှားစွာ မာန်ဖီလိုက်ပြီး သီရှီထျန်ဆီသို့ တန်းမတ်စွာ ပျံသန်းသွားသည်။ ၎င်းက နဂါးလက်သည်းများကို ဆန့်တန်းလိုက်လေရာ ထက်ရှသော ဓားချီက လေထုကို ဆုတ်ဖြဲသွားသည်။</p> <p>“ သေစမ်း မိစ္ဆာကျား ”</p> <p>နဂါးလက်သည်းက သူ၏ ဦးခေါင်းထက်မှာ ထွက်ပေါ်လာပြီး အောက်သို့ ကျဆင်းလာကြောင်း သီရှီထျန်မြင်သောအခါ သူ၏ ကျောရိုးတစ်လျှောက် ချမ်းစိမ့်သွားသည်။</p> <p>“ မဟုတ်ဘူး… ငါမသေရဘူး… ငါသေလို့မဖြစ်ဘူး… မိစ္ဆာကျင့်ကြံခြင်းလမ်းစဉ်ကို ငါလျှောက်ပြီးကတည်းက ငါ့ရဲ့ ကံကြမ္မာက ငါ့လက်ထဲမှာပဲ… ငါကလွဲလို့ ဒီလောကမှာ ဘယ်သူမှ ငါ့အသက်ကို မနုတ်ယူနိုင်ဘူး… အား… ”</p> <p>သူ၏ မျက်လုံးက အေးစက်သွားသည်။ သို့သော် သူက စိတ်ထဲမှာ ရူးသွပ်စွာ အော်ဟစ်လိုက်သည်။ သူ၏ ကံကြမ္မာကို သူကိုယ်တိုင်မှလွဲ၍ တခြားမည်သူမှ မထိန်းချုပ်နိုင်ကြောင်း၊ ကောင်းကင်ဘုံသည်ပင် မထိန်းချုပ်နိုင်ကြောင်း တွေးလိုက်သောအခါ သူ၏ အသိစိတ်က ကျယ်ပြန့်သွားသည်။ သူက ထိုအတွေးကို အသိစိတ်ထဲမှ မောင်းမထုတ်နိုင်တော့ပေ။ ထိုအတွေးက သူ၏ စိတ်ထဲမှာ တဝဲလည်လည် ရှိနေသည်။ ထိုအတွေး ထွက်ပေါ်လာတိုင်း သူ၏ မျက်လုံးထဲမှ အလင်းရောင်က ပိုပြီးစူးရှတောက်ပလာသည်။ သူတစ်ယောက်တည်းသာ ပိုင်ဆိုင်သော အရှိန်အဝါက သူ၏ နှလုံးသားထဲမှာ ကြီးထွားလာသည်။</p> <p>ယခင်ဘဝတွင် ဆိုးဝါးသော သူ၏ သေဆုံးမှုအတွက် သူ့ကိုယ်သူမှလွဲ၍ တခြားမည်သူ့ကိုမှ သူအပြစ်မတင်ခဲ့ပေ။ ယခု သူပြန်မွေးဖွားလာသည့်အခါ သူ့အသက်အား တခြားတစ်စုံတစ်ယောက်က နုတ်ယူသွားမည်ကို နောက်တစ်ကြိမ် သူခွင့်ပြုလိမ့်မည် မဟုတ်ချေ။ ယခင်ဘဝတွင် ယင်းက သူ့နှလုံးသား၏ အနက်ရှိုင်းဆုံး တစ်နေရာမှာ နစ်မြုပ်နေသော အတွေးတစ်ခုထက် မပိုခဲ့ပေ။ ယင်းက အားနည်းသော မျိုးစေ့တစ်စေ့ ဖြစ်သည်။ မည်သည့်မတော်တဆမှုမှမရှိလျှင် ယင်းက အပင်ပေါက်လာရန် အချိန်အတော်ကြာလိမ့်မည်။</p> <p>သို့သော်လည်း ဤအခိုက်အတန့်မှာ သေခြင်းရှင်ခြင်းဖိအားဖြင့် ရင်ဆိုင်ရသောအခါ ထိုမျိုးစေ့က ရုတ်တရက် အပင်ပေါက်လာသည်။ မျက်စိတစ်မှိတ်အတွင်းမှာ ယင်းက အပင်ကြီးတစ်ပင်ဖြစ်လာသည်။</p> <p>“ ငါသာလျှင် ”ဟူသော မာန်မာနနှင့် “ ငါ့ကံကြမ္မာက ငါ့လက်ထဲမှာ ”ဟူသော အရှိန်အဝါက စက်ကရာ၏ ခန္ဓာကိုယ်ထဲမှ ရုတ်တရက် ပေါက်ကွဲထွက်လာသည်။ ဤအခိုက်အတန့်မှာ စက်ကရာ၏ ကျားရဲအရှိန်အဝါက ကောင်းကင်ပေါ်သို့ ပျံတတ်သွားသည်။ ထိုသို့အရှိန်အဝါအောက်မှာ သူက ဤလောက၏ တစ်ဦးတည်းသော အရှင်သခင်ဖြစ်လာဟန် ရ၏။</p> <p>“ ဝေါင်း ”</p> <p>ပိုပြီးလွှမ်းမိုးဗိုလ်ကျသော ကျားဟိန်းသံက သူ၏ ပါးစပ်ထဲမှ ထွက်ပေါ်လာသည်။ မဟူရာအသံလှိုင်းစက်ဝန်းများက ရုတ်တရက် အသွင်ပြောင်းလဲသွားသည်။ ယင်းတို့က လေထဲမှာ မဟူရာလခြမ်းကွေးအသံဓားများအဖြစ် ဆင့်ကဲပြောင်းလဲသွားကြသည်။ အသံဓားတစ်လက်စီသည် ပုံရိပ်ယောင်သဖွယ် တည်ရှိမှုဖြစ်သည်။ သို့တိုင် ယင်းတို့က အမှန်တကယ် ဒြပ်ထည်ရှိကြသည်။</p> <p>လျှပ်တစ်ပြက်အတွင်းမှာ မဟူရာလခြမ်းကွေးအသံဓားများက မယုံကြည်နိုင်သော အလျင်နှင့်အတူ နတ်ဆိုးနဂါး၏ ခန္ဓာကိုယ်ကို ချက်ချင်း ထိမှန်သွားကြသည်။</p> <p>“ ခရက် ”</p> <p>နတ်ဆိုးနဂါး၏ ခန္ဓာကိုယ်ကို မရေမတွက်နိုင်သော နတ်ဆိုးဓားများဖြင့် ဖွဲ့စည်းထားခြင်း ဖြစ်သည်။ ၎င်း၏ ခန္ဓာကိုယ်က အလွန်မာကျောပြီး ၎င်း၏ တိုက်ခိုက်စွမ်းရည်က အံ့ဖွယ်ကောင်းသည်။ အကယ်၍ တစ်စုံတစ်ယောက်က ၎င်း၏ နဂါးလက်သည်းဖြင့် ဖမ်းဆုပ်ခံရလျှင် သူက မည်မျှသန်စွမ်းပါစေ ခန္ဓာကိုယ်က ဇကာပေါက်ဖြစ်သွားလိမ့်မည်။ သို့သော်လည်း အသံဓားများက နတ်ဆိုးဓားများထက် ပိုပြီးကြောက်စရာကောင်းသည်။ အသံဓားများက နတ်ဆိုးနဂါး၏ လက်သည်းကို ထိမှန်သွားသည့်အခါ နဂါးလက်သည်းများက ချက်ချင်း ဖြတ်တောက်ခံလိုက်ရသည်။</p> <p>ဖြတ်တောက်ခံလိုက်ရသော နဂါးလက်သည်းများက နတ်ဆိုးဓားများအဖြစ် ပြန်ပြောင်းလဲသွားသည်။ ထို့နောက် ယင်းတို့က လေထဲမှာ ဓားချီအဖြစ် ပြိုကွဲသွားကြပြီး မည်သည့်သဲလွန်စမှမကျန်ဘဲ ပျောက်ကွယ်သွားကြသည်။</p> <p>ထို့ပြင် ထိုအသံဓားများသည် ကျားဟိန်းသံ၏ အသံလှိုင်းစက်ဝန်းများမှ ဖွဲ့စည်းသွားခြင်း ဖြစ်သည်။ စက်ကရာ၏ ကျားဟိန်းသံက ပိုပြီးကြာရှည်လေ အသံဓားအရေအတွက်က ပိုပြီးများပြားလာလေ ဖြစ်သည်။ လေထဲတွင် အရေအတွက်အကန့်အသတ်မဲ့သော မဟူရာလခြမ်းကွေးအသံဓားများက နတ်ဆိုးနဂါးထံသို့ ဒီရေသဖွယ် ဦးတည်သွားကြသည်။</p> <p>မျက်စိတစ်မှိတ်အတွင်းမှာ အသံဓားများက မိုးမြေတစ်ခွင် ပြည့်နှက်သွားသည်။</p> <p>အသံဓားတစ်လက်စီက အလွန်ထက်ရှသည်။ အသံဓားများက နတ်ဆိုးနဂါးထံသို့ ဦးတည်သွားသည့်အခါ နတ်ဆိုးနဂါးသည် ပင်လယ်ထဲ၌ ရေမကူးတတ်သော လူတစ်ယောက်ပမာ ဖြစ်လာသည်။ ၎င်း၏ ဧရာမခန္ဓာကိုယ်က အဆုံးမဲ့သော အသံလှိုင်းလုံးများကြားထဲမှာ မြန်ဆန်စွာ နစ်မြုပ်သွားသည်။ ၎င်း၏ ခန္ဓာကိုယ်က ထောင်သောင်းချီသော အပိုင်းအစများအဖြစ် မြန်ဆန်စွာ ကွဲထွက်သွားပြီး ထိုအပိုင်းအစများက အရပ်မျက်နှာအသီးသီးဆီသို့ ပြန့်ကျဲသွားကြသည်။</p> <p>“ ဟမ်… အသံဓားတွေ… အဲ့ဒါ ဘယ်လိုလုပ်ဖြစ်နိုင်မှာလဲ ”</p> <p>ထိုအခိုက်အတန့်မှာ မိုးထိတောင်၏ အပြင်ဘက်တွင် သက်လတ်ပိုင်းအမျိုးသားတစ်ယောက်က မျက်လုံးပြူးထွက်လုနီးပါး အံ့ဩထိတ်လန့်သွားသည်။</p> <p>ထိုပုဂ္ဂိုလ်မှာ မြင့်မြတ်ထည်ဝါသော အရှိန်အဝါရှိပြီး သူက အစိမ်းရောင်ဝတ်စုံ ဝတ်ဆင်ထားသည်။ အစတွင် သူက ရှေးဟောင်းသစ်ပင်ကြီးတစ်ပင်ပေါ်မှာ တိတ်တဆိတ် မတ်တတ်ရပ်နေရင်း မိုးထိတောင်ပေါ်မှ တိုက်ပွဲကို အေးစက်စက် စိုက်ကြည့်နေသည်။ သို့သော်လည်း ရံဖန်ရံခါ သူ၏ အကြည့်က ချူယွမ်နှင့် ကျိုးယွမ်ဖေးထံသို့ ကျရောက်သွားလေ့ရှိသည်။ ရှင်းလင်းစွာပင် သူက ထိုနှစ်ယောက်ကို အထူးအာရုံစိုက်နေသည်။ ထို့ပြင် သူ၏ ညာလက်ထဲမှာ ကျောက်စိမ်းလက်တစ်ဖက်ကို ဆုပ်ကိုင်ထားသည်။</p> <p>ထိုကျောက်စိမ်းလက်သည် လွန်စွာ အနုစိတ်ပြီး သက်ဝင်လှုပ်ရှားသည်။ ဤသည်မှာ ယင်းက အစစ်အမှန် လက်တစ်ဖက်ဖြစ်သည့်အလားပင်။ ကျောက်စိမ်းလက်ဖဝါးပေါ်မှ လက္ခဏာမျဉ်းကြောင်းများကိုပင် ရှင်းလင်းစွာ မြင်နိုင်ပေသည်။ ယင်းက ပြစ်ချက်မဲ့သော လက်တစ်ဖက် ဖြစ်သည်။ လက်၏ အရောင်က ကျောက်စိမ်းဖြစ်နေသောကြောင့်မဟုတ်လျှင် ယင်းက လူသားလက်တစ်ဖက်ဖြစ်သည်ဟု အထင်မှားမိကြလိမ့်မည်။</p> <p>သီရှီထျန်၏ ကျားဟိန်းသံက မဟူရာလခြမ်းကွေးသဏ္ဍာန် အသံဓားများအဖြစ် ဖွဲ့စည်းသွားကြောင်း ထိုပုဂ္ဂိုလ်မြင်သောအခါ သူ၏ မျက်နှာက ရုတ်တရက် ရုပ်ဆိုးအကျည်းတန်သွားသည်။</p> <p>အသံလှိုင်းပညာရပ်သည် ဤလောက၏ လျှို့ဝှက်ဆန်းကြယ်သော စွမ်းရည်များအနက် တစ်ခုဖြစ်သည်။</p> <p>အဘယ့်ကြောင့်ဆိုသော် အသံသည် အခြေခံဒြပ်စင်ငါးမျိုးနှင့် ယင်ယန်နှင့် လုံးဝ မသက်ဆိုင်ဘဲ သီးခြားလွတ်လပ်စွာ တည်ရှိနေသောကြောင့်ပင်။ ထို့ကြောင့် ဤလောကတွင် အသံကို တိုက်ခိုက်မှုအဖြစ် အသုံးပြုနိုင်သော ပညာရပ်များက အလွန်ရှားပါးသည်။ ထို့နည်းတူပင် အသံလှိုင်းတိုက်ခိုက်မှုကို ခုခံတားဆီးနိုင်သော ဓမ္မလက်နက်များနှင့် လျှို့ဝှက်ပညာရပ်များက အလွန်ရှားပါးသည်။</p> <p>အသံလှိုင်းစွမ်းရည်တွင် နယ်ပယ်တချို့သာ ရှိ၏။ ဥပမာ သားရဲတစ်ကောင်၏ ဟိန်းသံက အနိမ့်ဆုံးနယ်ပယ် ဖြစ်သည်။ ယင်းက သက်ရှိများကို ခြောက်လှန့်ရာတွင်သာ အသုံးဝင်သည်။ ယင်းက အတိတ်တွင် သီရှီထျန် လုပ်ဆောင်ခဲ့သောအရာ ဖြစ်သည်။ နောက်ထပ်နယ်ပယ်သို့ တတ်လှမ်းသွားသည့်အခါ အသံလှိုင်းက ဘေးပတ်ဝန်းကျင်မှ သစ်ပင်များနှင့် ကျောက်တုံးကျောက်ဆောင်များကို တိုက်ရိုက် အက်ကွဲသွားစေလိမ့်မည်။ ကမ္ဘာမြေတုန်ဟီးစေနိုင်သော ကျားဟိန်းသံက ထိုနယ်ပယ်ထဲမှာ ဖြစ်သည်။ ယင်းက အသံလှိုင်းပညာရပ်၏ အခြေခံအုတ်မြစ် ဖြစ်သည်။</p> <p>တစ်စုံတစ်ယောက်သည် ထိုနယ်ပယ်သို့ မရောက်ရှိသေးလျှင် အသံစွမ်းရည်၏ အနှစ်သာရကို ဖမ်းဆုပ်နိုင်ဦးလိမ့်မည် မဟုတ်ချေ။ ပြောင်းပြန်တွေးကြည့်လျှင် အသံစွမ်းရည်၏ အခြေခံအုတ်မြစ်ကို တည်ဆောက်ပြီးမှသာလျှင် မြင့်မားသော နောက်ထပ် နယ်ပယ်များဆီသို့ ခြေချနိုင်လိမ့်မည်။</p> <p> </p> <p style="text-align: center;">***</p>


Save