Book List

<h2 style="text-align: center;">အခန်း(၁၂၆)</h2> <h2 style="text-align: center;">*</h2> <p> </p> <p>ထို့ကြောင့် မိစ္ဆာသားရဲများအတွက် ကျင့်ကြံသူများ၏ အလောင်းများက ကြီးမားသော ရိတ်သိမ်းမှုဖြစ်သည်။ အကယ်၍ သူတို့သာ ကျင့်ကြံသူအလောင်းတချို့ကို ရရှိပြီး ယင်းတို့ကို စုပ်ယူနိုင်မည်ဆိုလျှင် သူတို့၏ စွမ်းအားက တစ်ဆင့်နှစ်ဆင့် မြင့်တတ်သွားလိမ့်မည်။</p> <p>မှန်ပေသည်။ ဤနေရာတွင် အလောင်းက ရာထောင်ချီရှိသည်။ မိစ္ဆာသားရဲဘုရင်များထဲတွင် သီရှီထျန်မှလွဲ၍ တခြားမည်သူမှ ထိုမျှများပြားသော အလောင်းများကို တစ်ခါတည်း မစုပ်ယူနိုင်ပေ။ သူတို့၏ စွမ်းအင်သန့်စင်သော စွမ်းရည်က မည်မျှအားကောင်းပါစေ အကန့်အသတ်ရှိဆဲပင်။ အများဆုံး သူတို့က တစ်ကြိမ်လျှင် အလောင်းတစ်ရာခန့်သာ ဝါးမျိုနိုင်ကြသည်။ နောက်ထပ် အလောင်းများကို ဝါးမျိုချင်လျှင် အစာချေဖျက်ပြီးသည်အထိ စောင့်ရလိမ့်မည်။</p> <p>ကျင့်ကြံသူများ၏ အလောင်းများအတွက်တော့ သူတို့၏ ကျင့်ကြံခြင်းစွမ်းအားက သူတို့၏ အသွေးအသားများထဲမှာ စိမ့်ဝင်နေသော်လည်း ယင်းက အချိန်ကြာကြာ မတည်ရှိနိုင်ပေ။ တစ်နာရီ သို့မဟုတ် နှစ်နာရီကြာပြီးနောက် အကယ်၍ ထိုအလောင်းများကို မစုပ်ယူလျှင် ဝိညာဉ်စွမ်းအားက အလောင်း၏ အသက်ဓာတ်နှင့်အတူ လွင့်ပြယ်သွားလိမ့်မည်။ အလောင်းကို ထိန်းသိမ်းနိုင်သော နည်းလမ်းမရှိလျှင် စွမ်းအင်အနှစ်သာရက တဖြည်းဖြည်း လွင့်ပြယ်သွားလိမ့်မည်။</p> <p>ထို့ကြောင့် မိစ္ဆာသားရဲများသည် သတ်မှတ်ထားသော အချိန်အတွင်းမှာ ကျင့်ကြံသူအလောင်းများကို မြန်ဆန်စွာ ဝါးမျိုကြရလိမ့်မည်။ သို့မဟုတ်လျှင် စွမ်းအင်အနှစ်သာရက လွင့်ပြယ်သွားလိမ့်မည်။ ယင်း၏ ဆိုလိုရင်းမှာ ဤနေရာတွင် ကျင့်ကြံသူအလောင်းရာထောင်ချီ ရှိနေသော်လည်း သူတို့က ယင်းတို့အားလုံးကို မစုပ်ယူနိုင်ကြပေ။</p> <p>ထို့ကြောင့် ကျင့်ကြံသူအလောင်းများက ကြီးမားသော ရတနာဖြစ်သော်လည်း သီရှီထျန်တစ်ယောက်တည်းသာ ထိုရတနာထံမှ အကျိုးအမြတ်အများဆုံး ရရှိနိုင်လိမ့်မည်။</p> <p>အဘယ့်ကြောင့်ဆိုသော် သီရှီထျန်ဆီမှာ ကောင်းကင်ဘုံအဆင့် မိစ္ဆာစံအိမ် ရှိသည်။ ထို့ပြင် သူ၏ မိစ္ဆာစံအိမ်ထဲမှာ အံ့ဖွယ်ကောင်းသော မိစ္ဆာသန့်စင်ခြင်းမီးဖိုလည်း ရှိသည်။ သူက မိစ္ဆာသန့်စင်ခြင်းမီးဖိုကို အသုံးပြု၍ အသွေးအသားများထဲမှ စွမ်းအင်အနှစ်သာရကို စုပ်ယူနိုင်သည်။ အရေအတွက်ကို စိတ်ပူရန် မလိုပေ။ အဘယ့်ကြောင့်ဆိုသော် မိစ္ဆာသန့်စင်ခြင်းမီးဖိုက အလောင်းများကို စုပ်ယူလိုက်သည့်အခါ အလောင်းများက သဘာဝအလျောက် အရွယ်အစားကျုံ့သွားကြလိမ့်မည်။ မိစ္ဆာသန့်စင်ခြင်းမီးဖိုသည် အရေအတွက်များပြားသော အလောင်းများကို ထိန်းသိမ်းပေးနိုင်သည်။ ထို့ပြင် မိစ္ဆာသန့်စင်ခြင်းမီးဖို၏ စုပ်ယူခံလိုက်ရသော အလောင်းများသည် စွမ်းအင်အနှစ်သာရလွင့်ပြယ်ခြင်း မဖြစ်နိုင်ပေ။ သူတို့က နည်းနည်းချင်းစီ သန့်စင်ခံကြရလိမ့်မည်။</p> <p>ထို့ကြောင့် ကျင့်ကြံသူအလောင်းရာထောင်ချီက သူ့အတွက် ကြီးမားသော ရိတ်သိမ်းမှု ဖြစ်သည်။ ထိုမျှများပြားသော ကျင့်ကြံသူအလောင်းများဖြင့်ဆိုလျှင် သူက အထွတ်အထိပ်အဆင့် မိစ္ဆာသားရဲတစ်ကောင်ဖြစ်လာရန် ပိုပြီးလွယ်ကူသွားလိမ့်မည်။ ထို့နောက် သူက အမြူတေဓာတ်လုံးကို ဖွဲ့စည်းပြီး စစ်မှန်သော မိစ္ဆာတစ်ကောင်ဖြစ်လာနိုင်လိမ့်မည်။</p> <p>မှန်ပေသည်။ သူတို့၏ ရိတ်သိမ်းမှုက ကျင့်ကြံသူအလောင်းများသာလျှင် မဟုတ်ပေ။ သူတို့၏ ခန္ဓာကိုယ်ပေါ်မှ သိုလှောင်အိတ်များလည်း ရှိသေးသည်။ ထိုသိုလှောင်အိတ်များထဲတွင် မသေမျိုးကျင့်ကြံသူများ အသုံးပြုသော အသုံးအဆောင်ပစ္စည်းများ ရှိသည်။ အကယ်၍ ထိုပစ္စည်းများကို အချိုးအစားညီမျှစွာ ခွဲဝေကြမည်ဆိုလျှင် မိစ္ဆာသားရဲတစ်ကောင်စီက ပမာဏများပြားသော ရတနာပစ္စည်းများကို ပိုင်ဆိုင်ကြလိမ့်မည်။</p> <p>သတ်ဖြတ်ခြင်း၏ နောက်ကွယ်တွင် ကြီးမားသော ရိတ်သိမ်းမှုများ အမြဲတမ်း ရှိ၏။</p> <p>“ အရမ်းကောင်းတယ် ”</p> <p>ကြည်လင်သော အော်သံက ကောင်းကင်ယံမှာ ပဲ့တင်ထပ်သွားသည်။ ယင်းက ဇာမဏီငှက်၏ အသံဖြစ်သည်။ သူက အတောင်ပံတဖျပ်ဖျပ်ခတ်၍ လေထဲမှာ လှည့်ပတ်ပျံသန်းနေသည်။</p> <p>ဇာမဏီ၏ မျက်လုံးထဲမှာ စိတ်လှုပ်ရှားမှုဖြင့် ပြည့်နှက်နေစဉ် သူက ကျယ်လောင်စွာ အော်လိုက်သည်။</p> <p>အမှန်မှာ ယင်းက ထူးဆန်းသောအရာ မဟုတ်ပေ။ မိစ္ဆာမျိုးနွယ်စုနှင့် မသေမျိုးကျင့်ကြံသူများကြားမှ ရန်ငြိုးက ရှေးခေတ်ကတည်းက စတင်ခဲ့ခြင်း ဖြစ်သည်။ ထို့ကြောင့် တောင်တန်းဒေသထဲတွင် သေခြင်းရှင်ခြင်းသာ ရှိ၏။ သူတို့ကြားမှာ ဆွေးနွေးညှိနှိုင်းမှု မလိုပေ။ မသေမျိုးကျင့်ကြံသူများ၏ လက်ထဲမှာ သေဆုံးသွားခဲ့သော ဝိညာဉ်သားရဲများနှင့် မိစ္ဆာသားရဲများ၏ အရေအတွက်က မသေးငယ်ပေ။ ထို့ကြောင့် သူတို့ကြားမှ အမုန်းတရားနှင့် ရန်ငြိုးက အလွန်နက်ရှိုင်းသည်။</p> <p>သို့ဖြစ်၍ ဇာမဏီငှက်က မသေမျိုးကျင့်ကြံသူများကို အလွန်မုန်းတီးနေသည်မှာ ထူးဆန်းသောအရာ မဟုတ်ပေ။</p> <p>“ ရောင်းရင်းတို့… မသေမျိုးကျင့်ကြံသူအားလုံးကို ငါတို့သတ်ပြီးပြီ… နောက်ထပ် ဘာဆက်လုပ်ကြမလဲ ”</p> <p>ခေါင်းသုံးလုံးရွှေခြင်္သေ့ဘုရင်က သီရှီထျန်၊ မရဏကျီးကန်းဘုရင်နှင့် တခြားမိစ္ဆာသားရဲဘုရင်များကို လှည့်ကြည့်လိုက်သည်။ ထို့နောက် သူ၏ အကြည့်က မြေပြင်ပေါ်မှ ကျင့်ကြံသူအလောင်းများထံသို့ ရွှေ့ပြောင်းသွားသည်။ သူပြောချင်သော အဓိပ္ပာယ်က အလွန်ထင်ရှားသည်။</p> <p>“ အဲ့ဒီကျင့်ကြံသူတွေရဲ့ ခန္ဓာကိုယ်က စွမ်းအင်အနှစ်သာရ အများကြီး ကြွယ်ဝတယ်… အဲ့ဒါက ငါတို့မိစ္ဆာမျိုးနွယ်စုအတွက် အရမ်းအသုံးဝင်တယ်… ဒါပေမဲ့ ငါမလိုအပ်ဘူး… နင်တို့တွေပဲ အဲ့ဒါတွေကို ခွဲဝေယူကြပါ ”</p> <p>မဒူဆာက အေးစက်စက် ပြောသည်။ သူက ထိုကျင့်ကြံသူအလောင်းများကို နှမြောတသ မဖြစ်ပေ။ ယင်းမှာ သူက မောက်မာထောင်လွှားပြီး တသီးတခြား တည်ရှိနေချင်သောကြောင့် မဟုတ်ပေ။ အကြောင်းမှာ သူက အထွတ်အထိပ်အဆင့် မိစ္ဆာသားရဲဖြစ်ပြီး အမြူတေဓာတ်လုံးဖွဲ့စည်းရန် ခြေလှမ်းဝက်မျှသာ ဝေးကွာနေတော့သောကြောင့် ဖြစ်သည်။ ထိုကျင့်ကြံသူအလောင်းများက သူ့အတွက် အများကြီး အသုံးမဝင်ပေ။</p> <p>ယခု သူလိုအပ်နေသည်မှာ အဆင့်ချိုးဖြတ်ရန်အလို့ငှာ တံခါးပိတ်ကျင့်ကြံခြင်းသို့ ဝင်ရောက်ရန် ဖြစ်သည်။</p> <p>“ ငါ အလောင်းသုံးရာကို လိုချင်တယ် ”</p> <p>ခေါင်းသုံးလုံးရွှေခြင်္သေ့ဘုရင်သည် သွယ်ဝိုက်မနေဘဲ တဲ့တိုးပြောသည်။ ထိုအလောင်းများဖြင့်ဆိုလျှင် သူ့ကိုယ်သူ အစွမ်းတိုးမြှင့်နိုင်လိမ့်မည်။ ထို့ပြင် သူ၏ လက်အောက်ငယ်သားများကိုလည်း ခွန်အားတိုးမြှင့်ပေးနိုင်လိမ့်မည်။ အလောင်းသုံးရာသည် သူ့အတွက် လုံလောက်သော အရေအတွက် ဖြစ်၏။ ထိုထက်ပိုများလျှင် အလောင်းများက အလဟဿဖြစ်သွားလိမ့်မည်။</p> <p>“ ဒီဘုရင်နဲ့ လက်‌အောက်ငယ်သားတွေက သေခြင်းအရှိန်အဝါကိုပဲ စုပ်ယူချင်တယ်… ဒီနေရာမှာ လူတွေအများကြီး သေဆုံးသွားကြတယ်… အဲ့ဒါကြောင့် ဒီနေရာမှာ သေခြင်းအရှိန်အဝါက အရမ်းပဲ သိပ်သည်းတယ်… ဒီဘုရင်က အလောင်းတွေကို စိတ်မဝင်စားဘူး… ရက်အနည်းငယ်ကြာပြီးရင် ဒီဘုရင်က လက်အောက်ငယ်သားတွေကို ခေါ်လာပြီး ဒီနေရာမှာ ရက်အတော်ကြာကြာ နေထိုင်မယ် ”</p> <p>မရဏကျီးကန်းဘုရင်သည် အသွေးအသားများကို စိတ်မဝင်စားပေ။ သူတို့သည် သက်မဲ့အလောင်းများထံမှ ထုတ်လွှတ်နေသော သေခြင်းအရှိန်အဝါကိုသာ နှစ်ချိုက်ကြသည်။</p> <p>တိုက်ပွဲကြီး ပြီးဆုံးပြီးနောက် သေကြေပျက်စီးမှုများက အလွန်များပြားပေသည်။ ထို့ကြောင့် ချိုင့်ဝှမ်းတစ်ခုလုံးတွင် အလွန်သိပ်သည်းသော သေခြင်းအရှိန်အဝါဖြင့် ပြည့်နှက်နေသည်။ သာမန်လူများက ယင်းကို မမြင်နိုင်ကြပေ။ သို့သော်လည်း မရဏကျီးကန်းမျိုးနွယ်က ယင်းကို ရှင်းလင်းစွာ မြင်နိုင်သည်။ ထုံးစံအားဖြင့် သူတို့သည် ထိုမျှသိပ်သည်းသော သေခြင်းအရှိန်အဝါကို လက်လွှတ်မခံချင်ပေ။ မိစ္ဆာသားရဲများထဲတွင် သူတို့မှလွဲ၍ တခြားမည်သူမှ သေခြင်းအရှိန်အဝါကို မစုပ်ယူနိုင်ကြပေ။ သို့ဖြစ်၍ သူတို့က သေခြင်းအရှိန်အဝါကို တခြားမည်သူနှင့်မှ ဝေမျှရန် မလိုပေ။</p> <p>“ ငါက အလောင်းတစ်ရာ လိုချင်တယ် ”</p> <p>သရဖူနီကြိုးကြာဘုရင်က မြေကြီးပေါ်မှ အလောင်းများကို ကြည့်လိုက်ပြီး ပြောသည်။</p> <p>“ ဟီး ဟီး… ငါကင်းကောင်က အလောင်းငါးရာယူမယ်… အဲ့ထက်ပိုများရင် အသုံးမဝင်တော့ဘူး ”</p> <p>အနက်ရောင်မျောက်ဝံဘုရင်က ရယ်မောလိုက်ပြီး ပြောသည်။</p> <p>“ ဒါဆို ကျန်တဲ့အလောင်းတွေက ငါ့အပိုင်ပဲ ”</p> <p>လူတိုင်း၏ ဝေစုခွဲမှုကို နားထောင်ပြီးနောက် စက်ကရာက နောက်ဆုံးမှာ ပါးစပ်ဟလိုက်ပြီး သူ၏ ဆန္ဒကို ပြောသည်။ သူစကားပြောလိုက်သည့်အခိုက် သူ၏ အသံထဲမှာ ထူးခြားသော ဩဇာအာဏာအရှိန်အဝါက ကိန်းအောင်းနေသည်။ ယင်းက ဘေးပတ်ဝန်းကျင်တွင် မမြင်နိုင်သော ဖိအားကို ဖြစ်ပေါ်စေသည်။</p> <p>“ ငါ့ကံကြမ္မာကို ငါသာလျှင် ထိန်းချုပ်နိုင်တယ် ”ဟူသော အတွေးက သူ၏ နှလုံးသားထဲမှာ ကြီးထွားလာသည့်အခါ တမူထူးခြားသော ဩဇာအာဏာအရှိန်အဝါက သူ၏ ခန္ဓာကိုယ်ထဲမှ သဘာဝအလျောက် ထွက်ပေါ်လာသည်။ ထိုအရှိန်အဝါက လောလောဆယ်တွင် သိပ်မထင်ရှားသေးပေ။ သို့သော်လည်း အချိန်ကာလတစ်ခုကြာပြီးလျှင် ယင်းက ဤလောက၌ သူတစ်ဦးတည်းသာ ပိုင်ဆိုင်သော တမူထူးခြားသည့် အရှိန်အဝါဖြစ်လာလိမ့်မည်။</p> <p>ထိုအချိန်ကျလျှင် သူပြောသည့် စကားလုံးတိုင်းမှာ သို့မဟုတ် သူ၏ လုပ်ဆောင်မှုတိုင်းမှာ တမူထူးခြားသော ဩဇာအာဏာအရှိန်အဝါက ကိန်းဝပ်နေလိမ့်မည်။</p> <p>ယခုအချိန်မှာပင် သူ၏ စကားထဲမှာ ထိုအရှိန်အဝါက မထင်မရှား ထွက်ပေါ်နေသည်။</p> <p>ယင်းကို ကြားသောအခါ အနက်ရောင်မျောက်ဝံဘုရင်က အံ့ဩစွာ အော်ပြောလိုက်သည်။</p> <p>“ အကိုသီ… မင်းဘာလို့ အဲ့လောက်များတဲ့ အလောင်းတွေကို ယူချင်တာလဲ… ကျင့်ကြံသူအလောင်းတွေထဲက စွမ်းအင်အနှစ်သာရက အချိန်ခဏလေးပဲ ခံတယ်… အဲ့ဒါတွေကို မင်းမထိန်းသိမ်းနိုင်ဘူး ”</p> <p>“ ဟုတ်တယ် ”</p> <p>ဇာမဏီငှက်ကလည်း ပြောသည်။</p> <p>“ လူသားတစ်ယောက်ရဲ့ ခန္ဓာကိုယ်က ကျင့်ကြံဖို့ အကောင်းဆုံး တာအိုခန္ဓာကိုယ်လို့ အမပြောတာ ငါကြားဖူးတယ်… သူတို့ရဲ့ အသွေးအသားထဲက စွမ်းအင်အနှစ်သာရက တခြားသက်ရှိတွေနဲ့ နှိုင်းယှဉ်ရင် အများကြီး ပိုကြွယ်ဝတယ်… ဒါပေမဲ့ သူတို့သေသွားတဲ့အခါ သူတို့ရဲ့ ရုပ်ခန္ဓာကိုယ်ကို နှစ်နာရီအတွင်း သန့်စင်ရမယ်… မဟုတ်ရင် စွမ်းအင်အနှစ်သာရအားလုံးက အလဟဿဖြစ်သွားလိမ့်မယ်… အသုံးမဝင်တော့ဘူး ”</p> <p>ဇာမဏီငှက်သည် သီရှီထျန်၏ ဘေးနားမှာ တဝဲလည်လည် ပျံသန်းနေရင်း သူသိထားသမျှ အရာအားလုံးကို တတွတ်တွတ် ပြောသည်။</p> <p>“ ကျင့်ကြံသူတွေရဲ့ ပစ္စည်းတွေကို ဝေစုခုနစ်ပုံခွဲပြီး တစ်ယောက်တစ်ပုံ ယူကြမယ်… ပြီးကျရင် ကိုယ့်ရဲ့ သက်ဆိုင်ရာပိုင်နက်ဆီ ပြန်ကြမယ် ”</p> <p>ဘုရင်မမဒူဆာက သီရှီထျန်ကို ထူးဆန်းသော အမူအရာဖြင့် ကြည့်လိုက်သည်။ ဤသည်မှာ သူက တစ်စုံတစ်ခုကို နားလည်သွားသည့်အလားပင်။ သို့သော်လည်း သူက မေးမြန်းခြင်း မပြုပေ။ သူက ကျန်ရှိသော ပစ္စည်းများကို မည်သို့ခွဲဝေသင့်ကြောင်းသာ ပြော၏။</p> <p>မိစ္ဆာသားရဲဘုရင်များသည် မဒူဆာ၏ ဝေစုခွဲပေးမှုအပေါ် မငြင်းဆန်ကြချေ။</p> <p>နောက်အခိုက်အတန့်မှာ မရဏကျီးကန်းများသည် လူသေအလောင်းများထံမှ သိုလှောင်အိတ်များကို မြန်ဆန်စွာ ကောက်သိမ်းလိုက်ကြပြီး မြေကွက်လပ်တစ်ခုမှာ စုပုံလိုက်ကြသည်။ ထို့နောက် သူတို့က ယင်းတို့ကို ခုနစ်ပုံခွဲလိုက်သည်။ ပစ္စည်းအားလုံးက သိုလှောင်အိတ်များဖြစ်သောကြောင့် မမျှမတဖြစ်မည်ကို စိုးရိမ်ရန် မလိုပေ။ သူတို့တစ်ယောက်စီသည် ဝေစုတစ်ပုံကို ယူလိုက်ကြပြီး သူတို့၏ ကိုယ်ပိုင်သိုလှောင်အိတ်ထဲသို့ ထည့်သိမ်းလိုက်ကြသည်။</p> <p>ထို့နောက် မိစ္ဆာသားရဲဘုရင်များသည် မြေပြင်ပေါ်မှ အလောင်းများကို လိုက်လံစုဆောင်းကြသည်။</p> <p>အသက်မဲ့နေသော အလောင်းများကို သိုလှောင်အိတ်ထဲမှာ ထည့်သိမ်းနိုင်ပေသည်။ သို့ဖြစ်၍ အလောင်းများ လိုက်လံစုဆောင်းခြင်းသည် သူတို့အတွက် ခက်ခဲသောအလုပ် မဟုတ်ပေ။</p> <p>မျက်စိတစ်မှိတ်အတွင်းမှာ ချိုင့်ဝှမ်းထဲမှ အလောင်းအားလုံးက ပြောင်ရှင်းသွားသည်။ တခြားမိစ္ဆာသားရဲဘုရင်များသည် သိုလှောင်အိတ်တစ်လုံး သို့မဟုတ် နှစ်လုံးသာ အပြည့်ဖြည့်တင်းနိုင်ခဲ့ကြသည်။ သီရှီထျန်သည်တော့ သိုလှောင်အိတ်ဒါဇင်ခန့်ကို အပြည့်ဖြည့်တင်းနိုင်ခဲ့သည်။ သူစုဆောင်းခဲ့သော အလောင်းများက အရေအတွက်တစ်ထောင်ကျော်သည်။</p> <p>“ ကြီးမားတဲ့ ရိတ်သိမ်းမှုပဲ… အရမ်းကောင်းတယ်… ဒီအလောင်းတွေနဲ့ဆိုရင် ငါ့ရဲ့ ကျင့်ကြံခြင်းက ပိုပြီးမြန်လာလိမ့်မယ်… ဒါတင်မကဘူး… ချီဟောင်နဲ့ တခြားလူတွေရဲ့ ကျင့်ကြံခြင်းလည်း ပိုပြီးမြန်လာလိမ့်မယ်… အဲ့ဒါက သူတို့တွေကို အချိန်တိုလေးအတွင်း မိစ္ဆာသားရဲဖြစ်လာစေလိမ့်မယ်… ပြီးတော့ ငါ့ကို အဓိကရည်ရွယ်တဲ့ အန္တရာယ်က လောလောဆယ် ပပျောက်သွားပြီ… ဝိညာဉ်သံလိုက်အိမ်မြှောင်ကြောင့် ငါ့ကို ပြဿနာလာရှာမှာကို နောက်ထပ် စိုးရိမ်စရာ မလိုတော့ဘူး ”</p> <p>စက်ကရာသည် အလောင်းများကို လိုက်လံသိမ်းဆည်းနေရင်း စိတ်ထဲမှာ တိတ်တဆိတ် တွေးတောလိုက်သည်။</p> <p>ဤတစ်ကြိမ် ရိတ်သိမ်းမှုသည် အမှန်တကယ် မသေးငယ်ပေ။ အရေအတွက်ရာထောင်ချီသော ကျင့်ကြံသူအလောင်းများကို မိစ္ဆာသန့်စင်ခြင်းမီးဖိုထဲသို့ ထည့်သွင်းမည်ဆိုလျှင် သူက အလောင်းများထံမှ ပမာဏများပြားသော စွမ်းအင်အနှစ်သာရကို ဆက်တိုက် စုပ်ယူနိုင်ပြီး မိစ္ဆာချီကို အဆက်မပြတ် သန့်စင်နိုင်လိမ့်မည်။</p> <p>မိစ္ဆာသန့်စင်ခြင်းမီးဖိုသည် သူ့ဘာသာ အလိုအလျောက် လှည့်ပတ်နိုင်သည်။ ယင်း၏ ဆိုလိုရင်းမှာ အကယ်၍ သူက ကြိုးစားပမ်းစား မကျင့်ကြံလျှင်ပင် အလောင်းများထံမှ စွမ်းအင်အနှစ်သာရကို စုပ်ယူရုံဖြင့် သူ၏ ကျင့်ကြံခြင်းနှင့် မိစ္ဆာချီပမာဏကို အလွန်မြန်ဆန်စွာ တိုးမြှင့်နိုင်လိမ့်မည်။</p> <p>ယင်းက အလွန်ကြီးမားသော ရိတ်သိမ်းမှု ဖြစ်၏။ ယင်းက သူ့အား အမြူတေဓာတ်လုံး မဖွဲ့စည်းနိုင်ခင်အထိ စွမ်းအင်အနှစ်သာရ ထောက်ပံ့ပေးရန် လုံလောက်ပေသည်။ ယင်းက သူ့အား ပိုပြီးသန်မာလာစေမည့် မဟာအခွင့်အရေးတစ်ခု ဖြစ်သည်။</p> <p>ထို့ပြင် ကျင့်ကြံသူအလောင်းများ၏ ခန္ဓာကိုယ်ထဲမှ ဝိညာဉ်များလည်း ရှိသေးသည်။ သူ၏ နဖူးပေါ်မှ ခရမ်းရောင်ဘုရင်စာလုံးသည် ထိုဝိညာဉ်များကို စုပ်ယူနိုင်ပေသည်။ ဖြစ်နိုင်သည်မှာ ယင်းက ဘုရင်အမှတ်အသား၏ စွမ်းအားကို ပိုပြီးသန်စွမ်းစေလိမ့်မည်။</p> <p>ကျင့်ကြံသူတစ်ထောင်ကျော်ကို တစ်ခါတည်း အစုလိုက်အပြုံလိုက် သတ်ဖြတ်ခြင်းက အမှန်တကယ်ပင် ကြီးမားသော လှုပ်ရှားမှုဖြစ်သည်။ ယင်းက မသေမျိုးကျင့်ကြံခြင်းလောကကို ကြီးမားသော ထိတ်လန့်မှု သေချာပေါက် ဖြစ်စေလိမ့်မည်။ ယင်းက ခြိမ်းခြောက်မှုကိုလည်း ဖြစ်စေလိမ့်မည်။</p> <p>မှန်ပေ၏။ ယင်းက တောင်ပိုင်းမြေရိုင်းဒေသအပေါ် မသေမျိုးကျင့်ကြံခြင်းလောက၏ အထူးအာရုံစိုက်မှုကိုလည်း ရရှိစေနိုင်သည်။ သို့သော်လည်း သူသေချာသည်မှာ တောင်ပိုင်းမြေရိုင်းဒေသက ယာယီငြိမ်းအေးသွားလိမ့်မည်။ သီရှီထျန်လိုအပ်နေသည်မှာ ထိုသို့ငြိမ်းချမ်းသော အချိန်ကာလပင် ဖြစ်သည်။ သူ့မှာ အချိန်အလုံအလောက် ရှိမှသာလျှင် ပိုပြီးမြင့်မားသော နယ်ပယ်ဆီသို့ သူတတ်လှမ်းနိုင်လိမ့်မည်။</p> <p> </p> <p> </p> <p style="text-align: center;">***</p>


Save