Book List

<h2 style="text-align: center;">အခန်း(၁၂၈)</h2> <h2 style="text-align: center;">*</h2> <p> </p> <p>“ အရှင်မင်းကြီး ”</p> <p>“ အရှင်မင်းကြီး ”</p> <p>သီရှီထျန် ပါးစပ်ဟ၍ စကားမပြောနိုင်မီ အနီရောင်ပုံရိပ်တစ်ခုက အဝေးမှ မြန်ဆန်စွာ ပြေးလာနေကြောင်း သူမြင်လိုက်ရသည်။ အနီရောင်ပုံရိပ်၏ အနောက်တွင် ပုံရိပ်အများအပြားက လိုက်ပါလာကြသည်။ သူတို့အားလုံးက စက်ကရာကို မြင်သွားသောအခါ စိတ်လှုပ်ရှားမှုနှင့် စိတ်သက်သာရာရသော အမူအရာကို ထုတ်ဖော်လိုက်ကြသည်။</p> <p>“ ကောင်းတယ်… မင်းတို့အားလုံး ဒီရောက်နေကြတယ်ဆိုတော့ အဲ့ဒီပစ္စည်းတွေကို အခုပဲ ငါထုတ်လိုက်မယ်… မင်းတို့တွေ တစ်ယောက်နည်းနည်းစီ ယူလိုက်ကြပါ ”</p> <p>သီရှီထျန်သည် သူ့အရှေ့မှ လက်အောက်ငယ်သားများကို တစ်ချက်ကြည့်လိုက်သည်။ သူတို့၏ ကျင့်ကြံခြင်းက အနည်းငယ် တိုးမြှင့်လာကြောင်း သူမြင်တွေ့သွားသည်။ ယင်းက ထူးဆန်းသောအရာ မဟုတ်ပေ။ ကျင့်ကြံခြင်းနည်းလမ်းအကြောင်း သိရှိပြီးနောက် မည်သို့ကြောင့် သူတို့က ပေါ့ပေါ့ဆဆ နေဝံ့ကြမည်နည်း။ သူတို့အားလုံးသည် အချိန်အားလပ်သည့်အခါတိုင်း တစိုက်မတ်မတ် ကျင့်ကြံရန် ကြိုးစားကြလိမ့်မည်။ သူတို့၏ လက်ရှိရည်ရွယ်ချက်သည် ခန္ဓာကိုယ်ထဲမှ မရီဒျန်များကို အမြန်ဆုံး ဖွင့်လှစ်ရန် ဖြစ်သည်။</p> <p>သို့သော်လည်း ယခုမှ ရက်အနည်းငယ်မျှသာ ကုန်လွန်သေးလေရာ သူတို့၏ တိုးတတ်မှုက သိပ်မကြီးမားပေ။ သူတို့၏ တိုးတတ်မှုက ယခင်စုဆောင်းထားသမျှသာ ဖြစ်၏။ အကယ်၍ သူတို့က နောက်ထပ် မြန်မြန်ဆန်ဆန် တိုးတတ်ချင်လျှင် ဝိညာဉ်ရတနာများနှင့် ပြင်ပအထောက်အပံ့များကို လိုအပ်လိမ့်မည်။</p> <p>“ ရွှတ် ”</p> <p>စက်ကရာသည် သူ့ကိုယ်ပိုင်သိုလှောင်အိတ်ထဲမှ သိုလှောင်အိတ်ဒါဇင်ခန့်ကို ထုတ်ယူလိုက်သည်။ သူက သိုလှောင်အိတ်တစ်ခုချင်းစီကို မြန်ဆန်စွာ ဖွင့်လှစ်လိုက်သည်။ နောက်အခိုက်အတန့်မှာ သိုလှောင်အိတ်များက အရောင်မှိတ်တုတ်မှိတ်တုတ် လင်းလက်သွားပြီး ကျင့်ကြံသူအလောင်းများက အပြင်မှာ ဆက်တိုက် ထွက်ပေါ်လာကြသည်။ မျက်စိတစ်မှိတ်အတွင်းမှာ သူတို့၏ အရှေ့မှ မြေကွက်လပ်ထဲ၌ ကျင့်ကြံသူအလောင်းများဖြင့် ပြည့်နှက်သွားသည်။</p> <p>အလောင်းများက အလွန်များပြားသည်။ ယင်းတို့က စုစုပေါင်း အရေအတွက်တစ်ထောင်ကျော်သည်။</p> <p>ယင်းကို ချီဟောင်နှင့် တခြားသားရဲဘုရင်များ မြင်သောအခါ အံ့ဩမှုက သူတို့၏ မျက်လုံးထဲမှာ ထွက်ပေါ်လာသည်။ သူတို့က သီရှီထျန်ကို စိတ်ရှုပ်ထွေးစွာ ကြည့်လိုက်ကြသည်။</p> <p>“ အဲ့ဒီကျင့်ကြံသူတွေက သေသွားကြပြီဆိုပေမဲ့ ပမာဏများပြားတဲ့ သွေးချီနဲ့ စွမ်းအင်အနှစ်သာရက သူတို့ရဲ့ ခန္ဓာကိုယ်ထဲမှာ ကျန်ရှိနေတုန်းပဲ… သူတို့တွေကို ဝါးမျိုပြီး သန့်စင်မယ်ဆိုရင် သူတို့ရဲ့ ခန္ဓာကိုယ်ထဲက သွေးချီနဲ့ စွမ်းအင်အနှစ်သာရကို မင်းတို့ စုပ်ယူနိုင်လိမ့်မယ်… အဲ့ဒါက မင်းတို့ရဲ့ ကျင့်ကြံခြင်းအတွက် အရမ်းအကျိုးရှိတယ်… မင်းတို့တစ်ယောက်စီက အလောင်းတချို့ကို ရွေးချယ်ပြီး အမြန်ဆုံး သန့်စင်ပါ… သွေးအစာသန့်စင်တဲ့ နည်းလမ်းအတိုင်း သူတို့ကို သန့်စင်နိုင်တယ်… မဟုတ်ရင် သူတို့ရဲ့ စွမ်းအင်အနှစ်သာရက အလေအလွင့်ဖြစ်သွားလိမ့်မယ် ”</p> <p>သီရှီထျန်သည် သူ၏ လက်အောက်ငယ်သားများအပေါ် မည်သည့်အခါကမှ မနှမြော မတွန့်တိုခဲ့ပေ။ သူတို့သည် သူအယုံကြည်ရဆုံး လက်အောက်ငယ်သားများ ဖြစ်ကြသည်။ သူတို့သည် သူတည်ဆောက်မည့် အင်အားစုအတွက် အရေးပါဆုံး အဖွဲ့သားများ ဖြစ်ကြသည်။</p> <p>သီရှီထျန်သည် သူ့ကိုယ်သူ စွမ်းအားတိုးမြှင့်ရင်း သူ့လက်အောက်ငယ်သားများကိုလည်း စွမ်းအားတိုးမြှင့်နိုင်ရန် အတတ်နိုင်ဆုံး ကူညီပေးလိမ့်မည်။</p> <p>“ ကျေးဇူးတင်ပါတယ် အရှင်မင်းကြီး… အဲ့ဒါ အရမ်းကောင်းတယ်… ဒီငယ်သားတွေက ကျင့်ကြံခြင်းစွမ်းအား အရမ်းအားနည်းနေတဲ့အတွက် ကိုယ့်ကိုယ်ကိုယ် အားမလိုအားမရ ဖြစ်နေကြတာပါ… အဲ့ဒီအလောင်းတွေကို သန့်စင်လိုက်မယ်ဆိုရင် ကျုပ်တို့ရဲ့ ကျင့်ကြံခြင်းစွမ်းအားက အချိန်တိုလေးအတွင်း တိုးမြှင့်သွားလိမ့်မယ် ”</p> <p>ပိုင်စုစုက စိတ်လှုပ်ရှားစွာ ပြောသည်။ ရှင်းလင်းစွာပင် သူက ပိုပြီးသန်မာသော ခွန်အားကို လိုချင်တောင့်တနေသည်။</p> <p>ချီဟောင်နှင့် တခြားသားရဲဘုရင်များသည်လည်း သီရှီထျန်ကို စိတ်လှုပ်ရှားစွာ ကျေးဇူးတင်လိုက်ကြသည်။</p> <p>“ အဲ့ဒီမတိုင်ခင် ငါလုပ်စရာတစ်ခုရှိသေးတယ်… မင်းတို့အားလုံး အနောက်ဆုတ်နေကြ… ငါ့အနောက်မှာ ရပ်နေကြပါ ”</p> <p>သီရှီထျန်က သူတို့ကို တည်ကြည်လေးနက်စွာ ပြောသည်။ ချီဟောင်နှင့် တခြားသားရဲဘုရင်များသည် သူ့စကားအတိုင်း သူ့အနောက်မှာ ရိုသေကျိုးနွံစွာ ရပ်လိုက်ကြသည်။</p> <p>နောက်အခိုက်အတန့်မှာ စက်ကရာ၏ မျက်လုံးက ထွန်းလင်းတောက်ပလာသည်။ မည်သူမှ သူ့အား မော်မကြည့်နိုင်စေမည့် အထွတ်အမြတ် ဩဇာအာဏာအရှိန်အဝါကို သူ၏ ခန္ဓာကိုယ်မှ ထုတ်လွှတ်လိုက်သည်။ တစ်ချိန်တည်းမှာ ရက်စက်ကြမ်းကြုတ်သော သားရဲအရှိန်အဝါက ဘေးပတ်ဝန်းကျင်သို့ ဒီရေလှိုင်းသဖွယ် တလိပ်လိပ် ပျံ့လွင့်သွားသည်။</p> <p>" … "</p> <p>ထိုအရှိန်အဝါအောက်မှာ သီရှီထျန်အပေါ် ကြည့်သော ချီဟောင်နှင့် တခြားသားရဲဘုရင်များ၏ အကြည့်က လုံးဝ ပြောင်းလဲသွားသည်။ သူတို့အားလုံးက မြေကြီးပေါ်မှာ ရိုသေကျိုးနွံစွာ ဝမ်းလျားမှောက်လိုက်ကြသည်။ ဤသည်မှာ ကြီးမားသော တောင်ကြီးတစ်တောင်က သူတို့ကို အပေါ်မှ ဖိထားသည့်အလားပင်။ သူတို့က နည်းနည်းမှ မလှုပ်ရှားဝံ့ကြချေ။ သူတို့က သူတို့အရှေ့မှ အရှင်မင်းကြီးကို ကြည်ညိုလေးစားစွာ ကြည့်လိုက်ကြသည်။</p> <p>သူတို့၏ ဘေးပတ်ဝန်းကျင်တွင် လေကြမ်းက ရုတ်တရက် တိုက်ခတ်လာသည်။ လေကြမ်းတိုက်ခတ်နေစဉ် စက်ကရာ၏ နဖူးပေါ်မှ ခရမ်းရောင်ဘုရင်စာလုံးက ရုတ်တရက် ပြင်းထန်စွာ လှုပ်ခတ်သွားပြီး တောက်ပသော ခရမ်းရောင်အလင်းကို ထုတ်လွှတ်လိုက်သည်။ ဤသည်မှာ သူ၏ နဖူးပေါ်တွင် ခရမ်းရောင်မီးတောက်က တအိအိလှုပ်ခတ်နေသည့်အလားပင်။ ထူးဆန်းသည်မှာ ထိုခရမ်းရောင်မီးတောက်ထဲတွင် ဝိညာဉ်တစ်ကောင်၏ ရက်စက်ကြမ်းကြုတ်သော မျက်နှာတစ်ခု တည်ရှိနေပုံပေါ်သည်။</p> <p>သူ၏ အရှေ့မှ ကျင့်ကြံသူအလောင်းရာထောင်ချီထဲတွင် မည်သည့်ဝိညာဉ်မှ ရုပ်ခန္ဓာကိုယ်ထဲမှ မထွက်ခွာရသေးပေ။</p> <p>မိုးထိတောင်ပေါ်တွင် သီရှီထျန်သည် သူ၏ နဖူးပေါ်မှ ခရမ်းရောင်ဘုရင်စာလုံး၏ လျှို့ဝှက်ချက်ကို မထုတ်ဖော်ချင်သောကြောင့် တခြားမိစ္ဆာသားရဲဘုရင်များ၏ အရှေ့မှာ ဝိညာဉ်ဆွဲထုတ်ခြင်းကို မလုပ်ဆောင်ခဲ့ပေ။ ထို့ကြောင့် သူက ကျင့်ကြံသူအလောင်းရာထောင်ချီ၏ ဝိညာဉ်များကို စုပ်ယူရန် မိစ္ဆာအသင်္ချေချိုင့်ဝှမ်းဆီသို့ ပြန်ရောက်သည်အထိ စောင့်ဆိုင်းခဲ့သည်။</p> <p>“ ငါ့ရဲ့ ခရမ်းရောင်ဘုရင်စာလုံးက ဝိညာဉ်တွေနဲ့ ဆက်စပ်နေတာ ထင်ရှားတယ်… ငါ့ရဲ့ ဘုရင်စာလုံးထဲမှာ သီးခြားလေဟာနယ်တစ်ခု ရှိတယ်… အဲ့ဒီဝိညာဉ်အားလုံးကို ဘုရင်စာလုံးထဲ တစ်ခါတည်း စုပ်ယူလိုက်မယ်ဆိုရင် ငါ့ရဲ့ ဘုရင်စာလုံးက တစ်ခုခုပြောင်းလဲသွားနိုင်မလား ”</p> <p>သူ၏ နဖူးပေါ်မှ ခရမ်းရောင်ဘုရင်စာလုံးက တဒုန်းဒုန်း ခုန်လှုပ်နေကြောင်း ရှင်းလင်းစွာ သူခံစားမိသည်။ ဤသည်မှာ ခရမ်းရောင်ဘုရင်စာလုံးက ကိုယ်ပိုင်အသက်ဝိညာဉ်ရှိနေသည့်အလားပင်။ ထို့ကြောင့် သူ၏ စိတ်ထဲမှာ အတွေးတစ်ခု ထွက်ပေါ်လာသည်။ ခရမ်းရောင်ဘုရင်စာလုံးက သူ၏ မွေးရာပါသဘာဝစွမ်းရည်ဖြစ်သော်လည်း အရိုးသားဆုံး ဝန်ခံရလျှင် ထိုစွမ်းရည်အကြောင်း သူဘာမှမသိပေ။ သို့သော် ထိုဘုရင်စာလုံးက သာမန်မဟုတ်ကြောင်း ရေးတေးတေး သူခံစားမိသည်။ ဤသည်မှာ ဘုရင်စာလုံးထဲ၌ လျှို့ဝှက်ဆန်းကြယ်သောစွမ်းအား တည်ရှိနေသည့်အလားပင်။ သို့သော်လည်း ထိုစွမ်းအားကို အသုံးပြုနိုင်သော အရည်အချင်း သူ့ဆီမှာ မရှိနေပေ။</p> <p>ယခု သူ၏ အရှေ့မှာ ဝိညာဉ်ရာထောင်ချီ ရှိနေသည်။ ထိုဝိညာဉ်အားလုံးကို သူ၏ ဘုရင်စာလုံးထဲသို့ စုပ်ယူလိုက်လျှင် သူ၏ ဘုရင်စာလုံးက တစ်စုံတစ်ခု ပြောင်းလဲသွားနိုင်မည်လော သူစူးစမ်းသိချင်သည်။</p> <p>သူ၏ နဖူးပေါ်မှ ဘုရင်စာလုံးအကြောင်း စဉ်းစားနေစဉ် ထွန်းလင်းတောက်ပသော ခရမ်းရောင်အလင်းက အပြင်သို့ ပျံ့နှံ့ထွက်လာသည်။ မျက်စိတစ်မှိတ်အတွင်းမှာ ခရမ်းရောင်အလင်းက မရေမတွက်နိုင်သော အလင်းစက်များအဖြစ် ပြောင်းလဲသွားပြီး အရှေ့သို့ ပြန့်ကျဲသွားသည်။ နောက်အခိုက်အတန့်မှာ သူ့အရှေ့မှ နယ်မြေတစ်ခုလုံးက ခရမ်းရောင်အလင်းဖြင့် ဖုံးလွှမ်းခံလိုက်ရလေသည်။</p> <p>ခရမ်းရောင်အလင်းသည် လွှမ်းမိုးဗိုလ်ကျပြီး အဆုံးမဲ့သည်။ မျက်စိတစ်မှိတ်အတွင်းမှာ ခရမ်းရောင်အလင်းက သူ့အရှေ့မှ အလောင်းရာထောင်ချီကို ဖုံးလွှမ်းသွားသည်။ တဒင်္ဂအတွင်းမှာ သူ့အရှေ့မှ မြင်ကွင်းက ခရမ်းရောင်ပင်လယ်အဖြစ် လုံးဝ ပြောင်းလဲသွားသည်။ ယင်းက ခမ်းနားထည်ဝါသော မြင်ကွင်းတစ်ခု ဖြစ်သည်။</p> <p>ထို့ပြင် ခရမ်းရောင်အလင်းထဲမှာ လျှို့ဝှက်ဆန်းကြယ်သော စွမ်းအားတစ်မျိုး ကိန်းအောင်းနေဟန် ရ၏။ ခရမ်းရောင်အလင်းက ကျင့်ကြံသူအလောင်းများကို ဖုံးလွှမ်းသွားသည်နှင့်ချက်ချင်း သူတို့နှင့် တစ်ပုံစံတည်း တူညီသော အရိပ်များက ခန္ဓာကိုယ်ထဲမှ တွားသွားထွက်လာကြသည်။ ထိုအရိပ်များသည် ဝိညာဉ်များ ဖြစ်ကြသည်။ သို့သော်လည်း သူတို့၏ အရှေ့မှ ဝိညာဉ်များသည် သာမန်ဝိညာဉ်များ မဟုတ်ကြချေ။ သူတို့က မသေမျိုးကျင့်ကြံသူများ၏ ဝိညာဉ်များ ဖြစ်ကြသည်။</p> <p>သူတို့က ပုံရိပ်ယောင်ဖြစ်သော်လည်း သူတို့၏ အသွင်သဏ္ဍာန်နှင့် အမူအရာကို ရှင်းလင်းစွာ မြင်နိုင်ပေသည်။</p> <p>သို့သော်လည်း ထိုဝိညာဉ်များသည် ခန္ဓာကိုယ်ထဲမှ ထွက်ပေါ်လာပြီးနောက် သူတို့၏ အမူအရာမှာ ကြောက်လန့်မှု၊ ချောက်ချားမှုဖြင့် ပြည့်နှက်သွားသည်။ သူတို့က အဆက်မပြတ် ရုန်းကန်နေကြသည်။ ဤသည်မှာ သူတို့က ခရမ်းရောင်အလင်းထဲမှ လွတ်မြောက်ချင်နေသည့်အလားပင်။ အော်ဟစ်ညည်းညူသံများက သူတို့၏ ပါးစပ်မှ ထွက်ပေါ်လာသည်။</p> <p>“ မဟုတ်ဘူး… မိစ္ဆာကျား… မင်းငါတို့ရဲ့ အသက်ကို ယူပြီးပြီပဲ… ကျေးဇူးပြုပြီး ငါတို့ရဲ့ ဝိညာဉ်ကို လွှတ်ပေးပါ ”</p> <p>“ ငါမင်းကို အားလုံးပေးပါ့မယ်… ကျေးဇူးပြုပြီး ငါ့ကို လွှတ်ပေးပါ ”</p> <p>“ အရှင်မင်းကြီး… မင်းငါ့ကို လွှတ်ပေးမယ်ဆိုရင် မင်းအပေါ်မှာ ငါသစ္စာရှိရှိ အမှုထမ်းပါ့မယ် ”</p> <p>“ ငါတို့ကို အမြန်လွှတ်ပေးစမ်း… မဟုတ်ရင် ငါတို့မသေမျိုးကျင့်ကြံခြင်းလောကရဲ့ တန်ခိုးရှင်တွေက မင်းတို့ရဲ့ တောင်ပိုင်းမြေရိုင်းဒေသကို အမှုန့်ဖြစ်အောင် ဖျက်ဆီးပစ်လိမ့်မယ် ”</p> <p>ခရမ်းရောင်အလင်းအောက်မှာ ဝိညာဉ်အားလုံးက ကြီးမားသော ခြိမ်းခြောက်မှုကို ခံစားမိသွားကြသည်။ တစ်ယောက်ပြီးတစ်ယောက်က စတင်အသနားခံကြသည်။</p> <p>တချို့က နူးညံ့သော စကားလုံးများကို ပြောပြီး တချို့က အလှအပဖြင့် ဆွဲဆောင်ကြသည်။ တချို့သည်တော့ ခက်ထန်ကြမ်းကြုတ်သော စကားလုံးများဖြင့် ခြိမ်းခြောက်ကြသည်။ နည်းလမ်းရာထောင်ချီက ဤနေရာမှာ အဆက်မပြတ် ထွက်ပေါ်လာသည်။ သူတို့က သာမန်လူများထက် အမှန်တကယ် ပိုဉာဏ်များကြသည်။</p> <p>“ ဟွန့်… မင်းတို့အသက်ရှင်ခဲ့ချိန်တုန်းက ငါ့ရဲ့ ရန်သူတွေ ဖြစ်ခဲ့ကြတယ်… မင်းတို့ အခု သေသွားကြပြီး ဝိညာဉ်ဖြစ်လာကြတော့ မင်းတို့က ငါ့ရဲ့ လက်အောက်မှာ အမှုထမ်းချင်တယ်တဲ့လား… ပြီးတော့ အသက်မရှိတော့တဲ့ မင်းတို့ရဲ့ ခြိမ်းခြောက်မှုကို ငါသီရှီထျန်က ကြောက်မယ်တဲ့လား… ရယ်စရာကောင်းလိုက်တာ ”</p> <p>“ လာစမ်း… မင်းတို့အားလုံး ”</p> <p>ထိုဝိညာဉ်များ၏ အသနားခံစကားများနှင့် ခြိမ်းခြောက်စကားများကို စက်ကရာကြားသောအခါ အထင်သေးရှုံ့ချသော အကြည့်က သူ၏ မျက်လုံးထဲမှာ ထွက်ပေါ်လာသည်။ သူ့အရှေ့မှ ဝိညာဉ်များကို မည်သို့ကြောင့် သူလက်လွှတ်ရမည်နည်း။ ခရမ်းရောင်ဘုရင်စာလုံး၏ လျှို့ဝှက်ဆန်းကြယ်သော မှော်စွမ်းရည်ကို သူမသိသေးသော်လည်း ယင်းက ဝိညာဉ်များနှင့် ဆက်စပ်နေကြောင်း သူသေချာသည်။ ထို့ကြောင့် ဝိညာဉ်များများ ပိုပြီးရှိလေ သူ့အတွက် ပိုပြီးကောင်းလေ ဖြစ်သည်။</p> <p>သို့ဖြစ်၍ သူ့အရှေ့မှ ထိုမဟာအခွင့်အရေးကို မည်သို့ကြောင့် သူလက်လွှတ်နိုင်မည်နည်း။</p> <p>သူ၏ စကားဆုံးသွားသည်နှင့်ချက်ချင်း ခရမ်းရောင်အလင်းထဲမှာ ခရမ်းရောင်ချည်မျှင်များ ပေါ်ထွက်လာကြသည်။ ယင်းတို့က ဝိညာဉ်များကို ချည်နှောင်လိုက်ကြပြီး သူတို့ကို ဘုရင်စာလုံးထဲသို့ အတင်းအဓမ္မ ဆွဲခေါ်လိုက်ကြသည်။ ဘုရင်စာလုံးအနားသို့ သူတို့နီးကပ်သွားလေ သူတို့၏ အရွယ်အစားက မြန်ဆန်စွာ ကျုံ့သွားလေ ဖြစ်သည်။ မျက်စိတစ်မှိတ်အတွင်းမှာ ဘုရင်စာလုံးက ပိုပြီးသက်ဝင်လှုပ်ရှားလာသည်။</p> <p>ဝိညာဉ်တစ်ကောင်ပြီးတစ်ကောင်သည် ဘူးသီးခြောက်နှင့် ဆင်တူသော ဘုရင်အမှတ်အသားထဲသို့ တိုက်ရိုက် ဆွဲသွင်းခံလိုက်ကြရသည်။</p> <p>“ ဘန်း… ဘန်း… ဘန်း ”</p> <p>ဝိညာဉ်ရာပေါင်းများစွာကို စုပ်ယူပြီးနောက် ဖော်မပြနိုင်သော စူးရှရှအလင်းရောင်က သူ၏ နဖူးပေါ်မှ ဘုရင်စာလုံးထံမှ ထွက်ပေါ်လာသည်။ တစ်ချိန်တည်းမှာ ကျယ်လောင်သော ပေါက်ကွဲသံများက သူ၏ အသိစိတ်ထဲမှာ ဆက်တိုက် ထွက်ပေါ်လာသည်။</p> <p>" နောက်ဆုံးတော့ အပြောင်းအလဲရှိလာပြီ ”</p> <p>ယင်းကို သီရှီထျန် ခံစားမိသည်။ သူက နောက်ထပ် စဉ်းစားမနေဘဲ ခရမ်းရောင်အလင်းကို ထိန်းချုပ်၍ ဝိညာဉ်အားလုံးကို သူ၏ နဖူးပေါ်မှ ဘုရင်စာလုံးထဲသို့ ဆက်ပြီး ထည့်သွင်းလိုက်သည်။ တစ်ချိန်တည်းမှာ သူ၏ မိစ္ဆာအာရုံက ဘုရင်စာလုံးထဲသို့ ချက်ချင်း ဝင်ရောက်သွားသည်။</p> <p>သူ၏ ခရမ်းရောင်ဘုရင်စာလုံးထဲမှာ ထူးဆန်းသော နယ်မြေလွတ်တစ်ခုရှိကြောင်း သူမြင်သွားသည်။ နယ်မြေလွတ်တစ်ခုလုံးထဲ၌ ခရမ်းရောင်အရည်ဖြင့် ပြည့်နှက်နေသည်။ ယင်းက နယ်မြေလွတ်အစား ခရမ်းရောင်ရေကန်နှင့် ပိုပြီးဆင်တူသည်။ ရေကန်သည် မကျယ်ဝန်းပေ။ အစတွင် ရေကန်က ဝိညာဉ်တစ်ရာနှစ်ရာကိုသာ ထိန်းသိမ်းပေးနိုင်သည်။ ဝိညာဉ်များ အထဲသို့ ဝင်ရောက်လာသည့်အခါ ရေကန်က ထိုဝိညာဉ်အားလုံးကို တိုက်ရိုက် စုပ်ယူလိုက်သည်။</p> <p>ခရမ်းရောင်ရေကန်ထဲသို့ ဝိညာဉ်များ ဝင်ရောက်သွားသည်နှင့်တစ်ပြိုင်နက် လျှို့ဝှက်ဆန်းကြယ်သော စွမ်းအားက ခရမ်းရောင်ကန်ထဲမှ ထွက်ပေါ်လာပြီး ဝိညာဉ်များထဲသို့ တိုးဝင်သွားသည်။ ထိုစွမ်းအားက ဝိညာဉ်နှင့် ခရမ်းရောင်ရေကန်ကို အတူတကွ ချိတ်ဆက်ပေးလိုက်ပြီး တစ်သားတည်း ပေါင်းစည်းစေသည်။</p> <p> </p> <p style="text-align: center;">***</p>


Save