Book List

<h2 style="text-align: center;">အခန်း(၁၂၉)</h2> <h2 style="text-align: center;">*</h2> <p> </p> <p>ခရမ်းရောင်ရေကန်၏ မူလအရွယ်အစားက မကြီးမားပေ။ စက်ကရာက ဝိညာဉ်ရာထောင်ချီကို အဆက်မပြတ် စုပ်ယူနေလေရာ ခရမ်းရောင်ရေကန်ထဲ၌ ဝိညာဉ်များဖြင့် မြန်ဆန်စွာ ပြည့်နှက်သွားသည်။ စက္ကန့်အနည်းငယ်ကြာပြီးနောက် ခရမ်းရောင်ရေကန်သည် ဝိညာဉ်များကို နောက်ထပ် မထိန်းသိမ်းနိုင်တော့ပေ။ သို့တိုင် ဝိညာဉ်များသည် ဘုရင်စာလုံးထဲသို့ အပြင်ဘက်မှ အဆက်မပြတ် ဝင်ရောက်လာနေသည်။</p> <p>တစ်ခဏကြာပြီးနောက် ထူးဆန်းသော အပြောင်းအလဲက ဘုရင်စာလုံး၏ နယ်မြေလွတ်ထဲမှာ ထွက်ပေါ်လာသည်။</p> <p>မူလက တည်ငြိမ်နေသော ခရမ်းရောင်ရေကန်သည် ရုတ်တရက် ပရမ်းပတာ လှုပ်ခတ်လာသည်။ ရေကန်ထဲတွင် လှိုင်းလုံးများ ထွက်ပေါ်လာကြသည်။ လှိုင်းလုံးများ အချင်းချင်း ပွတ်တိုက်သွားကြစဉ် ရေကန်ထဲ၌ ခရမ်းရောင်လှိုင်းဂယက်များ ချက်ချင်း ထွက်ပေါ်လာကြသည်။</p> <p>ခရမ်းရောင်လှိုင်းဂယက်များ ပျံ့လွင့်သွားသည်နှင့် ခရမ်းရောင်ရေကန်ထဲမှ ဝိညာဉ်များက တစ်ယောက်ပြီးတစ်ယောက် မျက်လုံးမှိတ်လိုက်ကြသည်။ သူတို့က ခရမ်းရောင်ရေကန်နှင့် တိတ်တဆိတ် ပေါင်းစည်းသွားကြသည်။ မကြာမီ သူတို့က ရုတ်တရက် တစ်ချိန်တည်း မျက်လုံးပြန်ဖွင့်လိုက်ကြသည်။ ခရမ်းရောင်အလင်းတန်းများက သူတို့၏ မျက်လုံးထဲမှ ပျံသန်းထွက်သွားကြစဉ် သူတို့၏ လက်နှစ်ဖက်ကို အရှေ့သို့ ဆန့်တန်းလိုက်ကြသည်။ သူတို့က အနောက်သို့ ဆွဲငင်သော လက်ဟန်ကို ထုတ်ဖော်လိုက်ကြသည်။</p> <p>“ ထန်… ထန်… ထန်… ”</p> <p>သူတို့က ဗလာလေဟာနယ်ထဲသို့ လက်ဆန့်ထုတ်လိုက်ပြီး အနောက်သို့ ပြန်ဆွဲငင်လိုက်သည့်အခါ သူတို့၏ လက်ထဲတွင် ခရမ်းရောင်အလင်း တောက်ပသော လက်နက်အများအပြား ထွက်ပေါ်လာကြသည်။ ယင်းတို့က ဓားမော့များ၊ ဓားများ၊ လှံများနှင့် ပုဆိန်များ အစရှိသည်တို့ ဖြစ်ကြသည်။</p> <p>လက်နက်အမျိုးမျိုးက သူတို့၏ လက်ထဲမှာ ထွက်ပေါ်လာကြသည်။</p> <p>ထို့နောက် သူတို့တစ်ယောက်စီက ခရမ်းရောင်ပင်လယ်၏ အစွန်းသို့ မြန်ဆန်စွာ လျှောက်သွားကြသည်။ ခရမ်းရောင်ရေကန်၏ အပြင်ဘက်တွင် ခရမ်းရောင်နယ်မြေရှိသည်။ ထိုနေရာတွင် ခရမ်းရောင်အလင်းတန်းများက အဆုံးမဲ့စွာ ရွေ့လျားနေကြသည်။ ခရမ်းရောင်အလင်းမှလွဲ၍ မည်သည့်အရာမှ မမြင်ရပေ။ ယင်းက အလွန်လျှို့ဝှက်ဆန်းကြယ်သည်။ ခရမ်းရောင်ရေကန်သည် ခရမ်းရောင်ချီ၏ အလယ်ဗဟိုမှာ တည်ရှိသည်။</p> <p>“ ထန်… ထန်… ”</p> <p>ခရမ်းရောင်ချီက ရေကန်ထဲသို့ ဝင်ရောက်သွားသည်နှင့်ချက်ချင်း ကြီးမားသော အပြောင်းအလဲတစ်ခုက ထွက်ပေါ်လာသည်။ ခရမ်းရောင်ရေကန်ထဲမှ ရေက ပြင်းထန်စွာ လှုပ်ခါသွားပြီး အလွန်သိပ်သည်းသော ခရမ်းရောင်အလင်းအကာအကွယ်ကို ထုတ်လွှတ်ပေးလိုက်သည်။</p> <p>ခရမ်းရောင်ချီ၏ ဝင်ရောက်လာမှုကြောင့် ခရမ်းရောင်အကာအကွယ်အလွှာထဲမှ ရေကန်က ပြင်းထန်စွာ တုန်ခါနေကြောင်း သူမြင်တွေ့သွားသည်။ ရေကန်သည် ကိုယ်ပိုင်အသက်ဝိညာဉ်ရှိသည့်အလား အရပ်မျက်နှာအဘက်ဘက်တွင် လူးလွန့်သွားပြီး အပြင်ဘက်သို့ နည်းနည်းချင်းစီ ကျယ်ပြန့်သွားသည်။</p> <p>“ ထန်… ထန်… ထန်… ”</p> <p>တစ်ချိန်တည်းမှာ ခရမ်းရောင်ရေကန်ထဲမှ ဝိညာဉ်များသည် သူတို့၏ လက်ထဲမှ လက်နက်များကို ဝှေ့ယမ်း၍ ခရမ်းရောင်ရေကန်အပြင်ဘက်မှ ခရမ်းရောင်ချီကို တိုက်ခိုက်လိုက်ကြသည်။ လက်နက်များကို သူတို့ဝှေ့ယမ်းလိုက်သည့်အခါ ခရမ်းရောင်ချီ တစ်စိတ်တစ်ပိုင်းက ပြိုကွဲသွားပြီး ခရမ်းရောင်ရေကန်ထဲသို့ စီးဆင်းသွားသည်။</p> <p>ခရမ်းရောင်ချီ၏ အားဖြည့်ပေးမှုအောက်မှာ ခရမ်းရောင်ရေကန်က စွမ်းအင်ဖြင့် ပြည့်လျှံသွားဟန် ရ၏။ ရေကန်သည် အပြင်ဘက်သို့ အဆက်မပြတ် ချဲ့ထွင်သွားသည်။</p> <p>“ ထန်… ထန်… ထန်… ”</p> <p>ချိုင့်ဝှမ်း၏ ကောင်းကင်ယံတွင် မိုးမြေဝိညာဉ်စွမ်းအင်လှိုင်းများက အရပ်မျက်နှာအသီးသီးထံမှ ပေါ်လျှိုးလာကြပြီး ချိုင့်ဝှမ်းထဲမှာ မြန်ဆန်စွာ စုဝေးသွားကြသည်။ မျက်တောင်တစ်ခတ်အတွင်းမှာ မိုးကောင်းကင်က အရောင်အသွေးစုံလင်လာပြီး အရွယ်အစားကြီးမားသော ဝိညာဉ်စွမ်းအားဝဲကတော့တစ်ခုကို ဖွဲ့စည်းလိုက်သည်။ ပမာဏများပြားသော ဝိညာဉ်စွမ်းအားက ဝဲကတော့၏ စုပ်ယူခံလိုက်ရသည်။</p> <p>ခရမ်းရောင်ချီ၏ ပေါင်းစပ်မှုကြောင့် ခရမ်းရောင်ရေကန်က မြန်ဆန်စွာ ကျယ်ပြန့်သွားသည်။ အသက်ရှူချိန်အနည်းငယ် ကြာပြီးနောက် ခရမ်းရောင်ရေကန်ထဲမှ ဝိညာဉ်အားလုံးက စွမ်းအားကုန်ခမ်းသွားသည့်အလား ရပ်တန့်လိုက်ကြသည်။ သို့သော် ခရမ်းရောင်ရေကန်သည် အချိန်တိုလေးအတွင်းမှာ မူလထက် ဆယ်ဆခန့် ပိုပြီးကျယ်ဝန်းသွားသည်။ မူလရေကန်ကို ရေကန်ငယ်ဟု ခေါ်ဆိုလျှင် ယခုရေကန်ကို ရေကန်ကြီးဟု ခေါ်ဆိုနိုင်ပေသည်။</p> <p>ခရမ်းရောင်ရေကန်၏ ကျယ်ဝန်းလာမှုက ရေကန်ထဲမှာ ပြည့်ကျပ်နေသော ဝိညာဉ်များကို ချက်ချင်း သက်တောင့်သက်သာရှိစေပြီး ချောင်ချိစေသည်။ တစ်ချိန်တည်းမှာ အပြင်ဘက်မှ ဝိညာဉ်များက ရေကန်ထဲသို့ အဆက်မပြတ် ဝင်ရောက်လာကြပြီး ရေကန်ထဲမှာ ခြေချလိုက်ကြသည်။</p> <p>“ ခရမ်းရောင်ဘုရင်စာလုံးရဲ့ နယ်မြေလွတ်က အရမ်းထူးဆန်းတာပဲ… အဲ့ဒါက သူ့ဘာသာ နယ်မြေချဲ့ထွင်နိုင်တယ်… ပြီးတော့ ခရမ်းရောင်ရေကန်ထဲက ဝိညာဉ်တွေက အရမ်းသန်မာတဲ့ပုံပဲ… ပုံမှန်ဆိုရင် သာမန်ဝိညာဉ်တွေမှာ ဘာစွမ်းအားမှ မရှိကြဘူး… ဒါပေမဲ့ သူတို့က ခရမ်းရောင်ရေကန်ထဲ ဝင်ရောက်ပြီးတဲ့နောက်မှာ သိသိသာသာ ဆင့်ကဲပြောင်းလဲသွားကြတယ်… ကြည့်ရတာ အဲ့ဒါကို ဝိညာဉ်လို့ မခေါ်နိုင်တော့ဘူး… သူတို့ရဲ့ ရက်စက်ကြမ်းတမ်းတဲ့ အသွင်အပြင်အရ သူတို့က တိုက်ပွဲဝိညာဉ်တွေနဲ့ ပိုပြီးဆင်တူတယ် ”</p> <p>သီရှီထျန်က စိတ်ထဲမှာ ဝမ်းသာပျော်ရွှင်သွားသည်။</p> <p>“ ငါ့ရဲ့ မွေးရာပါသဘာဝစွမ်းရည်က နောက်ထပ် တိုးတတ်ဖို့ အလားအလာရှိတယ်… အဲ့ဒါက ဝိညာဉ်တွေကို စုပ်ယူနိုင်ရုံပဲ အစွမ်းထက်တာ သေချာပေါက် မဖြစ်နိုင်ဘူး… သူ့မှာ ပိုပြီးလျှို့ဝှက်ဆန်းကြယ်တဲ့ စွမ်းရည်ရှိရမယ် ”</p> <p>ဘုရင်စာလုံး၏ အပြောင်းအလဲကို မြင်သောအခါ သီရှီထျန်က စိတ်လှုပ်ရှားသွားသည်။ တခြားအရာများကို မတွေးလျှင်ပင် ခရမ်းရောင်ပင်လယ်ထဲမှ ထိုတိုက်ပွဲဝိညာဉ်များကို အပြင်သို့ သူထုတ်လွှတ်မည်ဆိုလျှင် ယင်းက သူ့အတွက် ကြီးမားသော အထောက်အကူကို ဖြစ်စေလိမ့်မည်။</p> <p>ယင်းကို စဉ်းစားမိသောအခါ သူက နောက်တစ်ကြိမ် စမ်းသပ်ကြည့်လိုက်သည်။ သို့သော်လည်း သူ့ကို စိတ်ပျက်စေသည်မှာ သူက လောလောဆယ်တွင် ခရမ်းရောင်ဘုရင်စာလုံး၏ ဝိညာဉ်စုပ်ယူခြင်းစွမ်းရည်ကိုသာ အသုံးပြုနိုင်သေး၏။ တခြားမည်သည့်စွမ်းရည်ကိုမှ အသုံးမပြုနိုင်ပေ။</p> <p>သီရှီထျန်က သူ့နဖူးပေါ်မှ ခရမ်းရောင်ဘုရင်စာလုံးအကြောင်း စူးစမ်းလေ့လာနေစဉ် ဇာမဏီငှက်သည် သိုလှောင်အိတ်ကို သယ်ဆောင်လျက် ပန်းမျိုးတစ်ရာချိုင့်ဝှမ်းဆီသို့ ပြန်သွားသည်။</p> <p>ပန်းမျိုးတစ်ရာချိုင့်ဝှမ်းထဲတွင် အပူချိန်က အလွန်သင့်တင့်သည်။ ယင်းက မည်သည့်ပန်းအမျိုးအစားမဆို ရှင်သန်ရန် သင့်တော်သည်။ ပန်းမျိုးတစ်ရာက တစ်နှစ်ပတ်လုံး ပွင့်လန်းနေစဉ် မွှေးကြိုင်သော ပန်းရနံ့အမျိုးမျိုးက လေထဲမှာ ပျံ့လွင့်နေသည်။ ယင်းက ချိုင့်ဝှမ်းအတွင်းမှ ပတ်ဝန်းကျင်ကို သက်တောင့်သက်သာဖြစ်စေပြီး စိတ်ပျော်ရွှင်မှု ပေးသည်။</p> <p>အရောင်စုံလင်သော လိပ်ပြာများက ပန်းပင်များပေါ်မှာ လှည့်ပတ်ပျံသန်းနေကြစဉ် ချိုင့်ဝှမ်းထဲမှာ သက်ဝင်လှုပ်ရှားမှုဖြင့် ပြည့်နှက်နေသည်။</p> <p>“ အမကြီး… အမကြီး… မြန်မြန် ထွက်လာပါ… ကျူးအာ အမအတွက် ဘာသယ်လာလဲ လာကြည့်ပါ ”</p> <p>ဇာမဏီငှက်က အတောင်ပံတဖျပ်ဖျပ်ခတ်လိုက်စဉ် အနီရောင်အမြှီးတစ်ချောင်းက သူ့အနောက်မှာ ထောင်မတ်နေသည်။ သူက ပြတင်းပေါက်ဘောင်ပေါ်မှာ ရပ်နားလိုက်ပြီး သူ၏ နုတ်သီးထဲမှ သိုလှောင်အိတ်ကို အောက်ပစ်ချလိုက်သည်။ သူ့အရှေ့တွင် ပန်းမျိုးတစ်ရာချိုင့်ဝှမ်း၏ လျှို့ဝှက်ဆန်းကြယ်သော မိန်းကလေး ရှိသည်။</p> <p>ဇာမဏီငှက်၏ ရွှင်လန်းတတ်ကြွပုံကို မြင်သောအခါ မိန်းကလေးက ပြုံးလိုက်ပြီး နူးညံ့စွာ ပြောသည်။</p> <p>“ နင်ကတော့လေ နောက်ထပ် ပြဿနာရှာပြန်ပြီ ”</p> <p>“ မဟုတ်ဘူး… ဒီတစ်ကြိမ် ကျူးအာ ပြဿနာမရှာပါဘူး ”</p> <p>ဇာမဏီငှက်က် ခေါင်းမြင့်မြင့်မော့လိုက်ပြီး အော်ပြောလိုက်သည်။</p> <p>“ အမ… ဒီတစ်ကြိမ် ငါ အကိုသီရယ်၊ အမမဒူဆာရယ်၊ တခြားလူတွေနဲ့ အတူပူးပေါင်းပြီး ဆိုးသွမ်းတဲ့ အဲ့ဒီမသေမျိုးကျင့်ကြံသူတွေကို နှိမ်နင်းပစ်ခဲ့တယ်… ဘယ်လိုလဲ ငါမတော်ဘူးလား… ဒီမှာ ငါ့ရဲ့ အောင်မြင်မှုဆုလာဘ်… ကျူးအာလည်း အမလို တောင်ပိုင်းမြေရိုင်းဒေသအတွက် အလုပ်လုပ်ပေးနိုင်ပြီ ”</p> <p>သူက ဂုဏ်ယူဝင့်ကြွားသော အမူအရာဖြင့် ပြောသည်။</p> <p>“ မဟုတ်သေးဘူး ကျူးအာ… နင်က တောင်ပိုင်းမြေရိုင်းဒေသတစ်ခုလုံးရဲ့ အင်အားကို အသုံးပြုပြီး ရာထောင်ချီတဲ့ ကျင့်ကြံသူတွေကို တစ်ခါတည်း သုတ်သင်ပစ်ခဲ့တယ်ဆိုတာ သိရဲ့လား… အဲ့ဒီလိုလုပ်ရပ်ရဲ့ နောက်ဆက်တွဲအကျိုးဆက်တွေကို နင်စဉ်းစားကြည့်ဖူးလား ”</p> <p>မိန်းမပျိုလေးက နူးညံ့စွာ သက်ပြင်းချလိုက်ပြီး သူ့အပေါ်မှ မိုးကောင်းကင်ကို မော့ကြည့်လိုက်သည်။ စိုးရိမ်ကြောင့်ကြသော အရိပ်အယောင်က သူ၏ မျက်လုံးထဲမှာ ထွက်ပေါ်လာသည်။</p> <p>“ ဘာအကျိုးဆက်ရှိမှာလဲ ”</p> <p>ကျူးအာက စိတ်ရှုပ်ထွေးစွာ ပြောသည်။</p> <p>" တကယ်လို့ နောက်ထပ် ကျင့်ကြံသူတွေရောက်လာမယ်ဆိုရင် ငါတို့တွေ နောက်တစ်ကြိမ် သူတို့ကို သတ်ပစ်ကြမယ် ”</p> <p>ဇာမဏီငှက်က အကြိမ်ရေအနည်းငယ် မျက်တောင်တဖျပ်ဖျပ်ခတ်လိုက်သည်။ သူက ဘေးသို့ ခေါင်းစောင်းလိုက်ပြီး မိန်းမပျိုလေးကို ကြည့်လိုက်သည်။</p> <p>“ နောက်တစ်ကြိမ် သတ်ပစ်မယ်တဲ့လား ”</p> <p>ယင်းကို ကြားသောအခါ မိန်းမပျိုလေးက ပြုံးလိုက်ပြီး ခေါင်းယမ်းလိုက်သည်။ သူက လေးနက်သော အကြည့်နှင့်အတူ တီးတိုးရေရွတ်လိုက်သည်။</p> <p>“ နောက်ထပ် ရောက်လာကြမှာက အခုလို ချီသန့်စင်ခြင်းနယ်ပယ် ကျင့်ကြံသူအုပ်စုတွေ မဟုတ်တော့မှာပဲ ငါစိုးရိမ်တယ်… သူတို့က အခြေတည်နယ်ပယ် ကျင့်ကြံသူတွေ၊ အမြူတေဖွဲ့စည်းခြင်းနယ်ပယ် ကျင့်ကြံသူတွေနဲ့ ဝိညာဉ်သန္ဓေတည်နယ်ပယ်က တန်ခိုးရှင်တွေတောင် ဖြစ်နိုင်တယ်… အဲ့ဒီအခါကျရင် တောင်ပိုင်းမြေရိုင်းဒေသက တကယ်ပဲ မဟာကပ်ဘေးကို ရင်ဆိုင်ရလိမ့်မယ် ”</p> <p>မိန်းမပျိုလေး၏ အသံထဲမှာ စိတ်ပျက်အားလျော့မှု တစ်စွန်းတစ်စ ပါရှိ၏။</p> <p>သူက မိုးထိတောင်ပေါ်မှာ ဖြစ်ပွားခဲ့သော တောင်ပိုင်းမြေရိုင်းဒေသ၏ မိစ္ဆာသားရဲဘုရင်များနှင့် မသေမျိုးကျင့်ကြံသူများကြားမှ တိုက်ပွဲကို လုံးဝ မသိထားခြင်း မဟုတ်ပေ။ ထို့ပြင် သူက တောင်ကုန်းပေါ်တွင် သီရှီထျန်နှင့် တခြားမိစ္ဆာသားရဲဘုရင်များ အတူတူ စုဝေးခဲ့ကြကတည်းက ထိုသို့ဖြစ်လာမည်ဟု ကြိုခန့်မှန်းခဲ့သည်။</p> <p>အကယ်၍ မိန်းမပျိုလေးက သူတို့ကို တားဆီးချင်သည်ဆိုလျှင် သူ၏ စွမ်းအားနှင့် ဂုဏ်အဆင့်အတန်းကြောင့် ယင်းက ခက်ခဲသောအလုပ် မဟုတ်ပေ။ သို့သော်လည်း အကြောင်းအရင်းတချို့ကြောင့် သူက မတားဆီးခဲ့ပေ။ သူက တောင်ပိုင်းမြေရိုင်းဒေသမှ မိစ္ဆာမျိုးနွယ်စုနှင့် မသေမျိုးကျင့်ကြံသူများကြားမှ တိုက်ပွဲကို တိတ်တဆိတ် စောင့်ကြည့်နေခဲ့သည်။ မျိုးနွယ်စုနှစ်ခုကြား၌ မဖြေရှင်းနိုင်သော အမုန်းတရား ပေါ်ပေါက်လာရန် သူက တိတ်တဆိတ် ခွင့်ပြုခဲ့သည်။</p> <p>“ အမ… သူတို့ကို အနိုင်မယူနိုင်ဘူးလား ”</p> <p>ကျူးအာက ခေါင်းလှည့်လိုက်ပြီး မျက်တောင်တဖျပ်ဖျပ်ခတ်လိုက်သည်။ သူ၏ နှလုံးသားထဲတွင် သူ့အရှေ့မှ မိန်းမပျိုလေးက သူမြင်ဖူးသမျှ သက်ရှိအားလုံးထဲမှာ အသန်မာဆုံး ဖြစ်သည်။ သူ့အမ မဖြေရှင်းနိုင်သော ပြဿနာဟူ၍ တစ်ခါမှ သူမမြင်ဖူးချေ။</p> <p>ယင်းကို မိန်းမပျိုလေးကြားသောအခါ သူက ခါးသီးစွာ ပြုံးလိုက်ပြီး ပြောသည်။</p> <p>“ နောက်သုံးနှစ်အတွင်း မိစ္ဆာကပ်ဘေးဒုက္ခ(၁၉)ခုကို ငါဖြတ်ကျော်နိုင်ပြီး ငါ့ရဲ့ အမြူတေဓာတ်လုံးကို သန့်စင်နိုင်မယ်၊ ပထမအသွင်သဏ္ဍာန်ပြောင်းလဲခြင်းနယ်ပယ်ကို ငါဝင်ရောက်နိုင်မယ်ဆိုရင် မသေမျိုးကျင့်ကြံခြင်းလောကကို ငါနည်းနည်း ရင်ဆိုင်နိုင်လိမ့်မယ်… မဟုတ်ရင် လာမယ့်အနာဂတ်မှာ တောင်ပိုင်းမြေရိုင်းဒေသက ကပ်ဘေးအကြီးကြီးတစ်ခုနဲ့ ကြုံတွေ့ရလိမ့်မယ် ”</p> <p>အမှန်မှာ သူက အစောနက တိုက်ပွဲကို တမင်မတားဆီးခဲ့ခြင်း မဟုတ်ပေ။ ယင်းအစား ပန်းမျိုးတစ်ရာချိုင့်ဝှမ်းနှင့် ဝေးရာဆီသို့ သူမထွက်သွားနိုင်ခြင်း ဖြစ်သည်။ သူက ကပ်ဘေးဒုက္ခကျော်လွှားရန်အလို့ငှာ ပြင်ဆင်နေခြင်း ဖြစ်သည်။ သူက ကပ်ဘေးဒုက္ခအတွက် နောက်ဆုံးပြင်ဆင်မှုအနေဖြင့် စွမ်းအားစုဆောင်းနေသည်။</p> <p>ယေဘုယျအားဖြင့်ဆိုရသော် မိစ္ဆာကျင့်ကြံခြင်းလမ်းစဉ်သည် လူသားများထက် အများကြီး ပိုပြီးခက်ခဲသည်။</p> <p>အကယ်၍ လူသားများ၏ ကျင့်ကြံခြင်းအကန့်အသတ်က သူတို့၏ ပင်ကိုယ်ပါရမီပေါ်မှာ မူတည်သည်ဆိုလျှင် မိစ္ဆာကျင့်ကြံသူများက အများကြီး ပိုပြီးခက်ခဲပေသည်။ သူတို့သည် ဝိညာဉ်အသိဉာဏ်ဖွင့်ဖြိုးပြီးသည့်အချိန်မှစ၍ မိစ္ဆာကျင့်ကြံခြင်းလမ်းစဉ်ကို လျှောက်လှမ်းရာတွင် ခြေလှမ်းတိုင်းမှာ အခက်အခဲများဖြင့် ပြည့်နှက်နေသည်။ မသေမျိုးကျင့်ကြံသူများသည် တိတ်တဆိတ် တရားထိုင်၍ ကျင့်ကြံရန်သာ လိုအပ်သည်။ အကယ်၍ သူတို့ဆီမှာ ကောင်းမွန်သော ဝိညာဉ်အမြစ်၊ ကောင်းမွန်သော ကျင့်စဉ်များနှင့် အချိန်အလုံအလောက်ရှိမည်ဆိုလျှင် သူတို့က ပိုပြီးမြင့်သော နယ်ပယ်များဆီသို့ တစ်ဆင့်ပြီးတစ်ဆင့် တတ်လှမ်းသွားနိုင်ကြလိမ့်မည်။</p> <p>သူတို့အတွက် တစ်ခုတည်းသော အန္တရာယ်မှာ အဆင့်ချိုးဖြတ်သည့်အခါ ရင်ဆိုင်ရမည့် ကောင်းကင်ဘုံကပ်ဘေးဒုက္ခ ဖြစ်သည်။</p> <p>သူတို့အတွက် ကောင်းကင်ဘုံကပ်ဘေးဒုက္ခတစ်ခုတည်း ရှိသည်။</p> <p> </p> <p style="text-align: center;">***</p>


Save