Book List

<h2 style="text-align: center;">အခန်း (၂၀၃)</h2> <h2 style="text-align: center;">မိခင်သစ်ပင် အသွင်ပြောင်းလဲမှုပြီးဆုံးခြင်းနှင့်</h2> <h2 style="text-align: center;">စနစ်လုပ်ဆောင်ချက်အသစ် ပွင့်လာခြင်း (၂)</h2> <h2 style="text-align: center;">*</h2> <p> </p> <p>သူ၏ အင်အားများ ကုန်ခမ်းသွားပြီး အင်အားအသစ်များ ပြန်မစုရသေးသည့် အချိန်တိုလေးတွင် လင်းထျန်းလုံက ဤခဏတာ အခွင့်အရေးကို အမိအရ ဆုပ်ကိုင်လိုက်လေတော့သည်။</p> <p> </p> <p>“ထွက်သွားစမ်း”</p> <p> </p> <p>ငွေပြာဝံပုလွေ တိုက်ပွဲဟိန်းဟောက်သံ...။</p> <p> </p> <p>အနီးကပ်ထွက်ပေါ်လာသော အသံလှိုင်းများက ဘုရင်အဆင့်အာဏာစက်၊ ဝိညာဉ်ရိုက်ခတ်မှုတို့နှင့် ရောနှောကာ ရုပ်ပိုင်းဆိုင်ရာ အင်အားတစ်ခုပမာ ဟော်ကျန်းဆီသို့ တိုး၀င်သွားတော့သည်။</p> <p> </p> <p>ဟော်ကျန်းသည် သူ၏ဦးနှောက်များ အူထွက်သွားသလို ခံစားလိုက်ရပြီး အသိစိတ်များ ခဏတာဝေဝါးသွားကာ လှုပ်ရှားမှုများက အလိုအလျောက် ရပ်တန့်သွားတော့သည်။</p> <p> </p> <p>အခုပဲ။</p> <p> </p> <p>လင်းထျန်းလုံက သူ၏လက်သည်းများကို အထက်သို့ အားကုန်တွန်းတင်လိုက်ပြီး ဧရာမမီးလျှံပုဆိန်ကြီးကို ဖယ်ရှားလိုက်သည်။</p> <p> </p> <p>အစွန်းရောက်အရိပ်လျှပ်စီးခြေလှမ်းကို ထပ်မံအသုံးပြုလိုက်ရာ သူ၏ပုံရိပ်က လျှပ်စီးပမာ တိုက်ပွဲဧရိယာမှ ချက်ချင်း ရုန်းထွက်သွားနိုင်ပြီး ဟော်ကျန်းနှင့် အကွာအဝေးတစ်ခု ဖန်တီးလိုက်တော့သည်။</p> <p> </p> <p>သူတို့နှစ်ဦးသည် လေထဲတွင် တစ်ဖန် မျက်နှာချင်းဆိုင်လိုက်ကြပြန်သည်။ တစ်ဦးက မိစ္ဆာနတ်ဘုရားတစ်ပါး ဆင်းသက်လာသည့်အလား မီးလျှံများ ဝန်းရံနေပြီး နောက်တစ်ဦးကမူ ရေခဲစစ်နတ်ဘုရားတစ်ပါးကဲ့သို့ ငွေရောင်အလင်းတန်းများ ဖုံးလွှမ်းနေ၏။</p> <p> </p> <p>အသက်ရှူကြိမ်အနည်းငယ်ကြာ အပြန်အလှန် တိုက်ခိုက်မှုအတွင်း အန္တရာယ်များက အလွန်တရာ ကြီးမားခဲ့သည်။ </p> <p>လင်းထျန်းလုံသည် အနည်းငယ် ဖရိုဖရဲဖြစ်နေပုံရသော်လည်း ဒဏ်ရာမရခဲ့သည့်အပြင် ပြိုင်ဘက်၏ အစစ်အမှန်စွမ်းရည်အချို့ကိုပင် စမ်းသပ်သိရှိခဲ့ရပြီဖြစ်သည်။</p> <p> </p> <p>ဟော်ကျန်း၏ မျက်နှာက လုံးဝ မည်းမှောင်သွား၏။ အဆင့်ဆယ်ဆင့်တိတိ တိုးတက်လာသည့်တိုင် ဤနှင်းဝံပုလွေဘုရင်ကို ချက်ချင်းသတ်ပစ်ရန် ဤမျှခက်ခဲလိမ့်မည်ဟု သူ မထင်ထားခဲ့ပေ။</p> <p> </p> <p>ပြိုင်ဘက်၏ တိုက်ပွဲဗီဇများ၊ စွမ်းရည်အသုံးချမှုနှင့် အချိန်ကိုက်လုပ်ဆောင်နိုင်စွမ်းများအားလုံးက ကြောက်မက်ဖွယ်ကောင်းလှသည်။</p> <p> </p> <p>“မင်း ဘယ်လောက်ကြာကြာ တောင့်ခံနိုင်မလဲဆိုတာ ကြည့်ရသေးတာပေါ့။” ဟော်ကျန်း၏ ဒေါသများက ပိုမိုပူပြင်းစွာ လောင်ကျွမ်းလာပြီး သူ၏ပတ်လည်ရှိ မီးတောက်များက ထပ်မံ၍ လိမ့်တက်လာကာ ပိုမိုကြမ်းတမ်းသော တိုက်ခိုက်မှုတစ်ခုကို စတင်ရန် ပြင်ဆင်နေတော့သည်။</p> <p> </p> <p>သို့သော်လည်း ဤအချိန်လေးမှာပင်...။</p> <p> </p> <p>ဝုန်း...။</p> <p> </p> <p>ဖော်ပြ၍မရနိုင်လောက်အောင် ကြီးမားလွန်းသော အသက်စွမ်းအင်များက ဝံပုလွေအသိုက်၏ အလယ်မှ ပေါက်ကွဲထွက်လာတော့သည်။</p> <p> </p> <p>ရေတွက်မရနိုင်သော အခက်အခဲများကို ဖြတ်သန်းကာ ကြီးမားလွန်းသော စွမ်းအင်များကို စုဆောင်းထားသည့် တိုတမ်မိခင်သစ်ပင်၏ ပင်စည်ပေါ်ရှိ အက်ကွဲကြောင်းများအားလုံး လုံးဝပျောက်ကွယ်သွားလေပြီ။</p> <p> </p> <p>၎င်း၏အခေါက်များက ကျောက်စိမ်းပမာ ချောမွေ့နွေးထွေးလာပြီး အကိုင်းအခက်များနှင့် အရွက်များ ဖြန့်ကြက်လိုက်ချိန်တွင် စိမ်းလန်းသော မိုးကောင်းကင်ကြီးတစ်ခုကို ဖွင့်လှစ်လိုက်သည့်အလားပင်။</p> <p> </p> <p>မိခင်သစ်ပင်၏ အရွယ်အစားထက်ပင် ပိုမိုကြီးမားသော၊ ကြယ်ရောင်များ ရောယှက်နေသည့် သန့်စင်သော မြစိမ်းရောင် အလင်းတိုင်ကြီးတစ်ခုက ကောင်းကင်နှင့်မြေကြီးကို ဖောက်ထွက်သွားလေတော့သည်။</p> <p> </p> <p>[စနစ်အသိပေးချက်]။  ။တိုတမ်မိခင်သစ်ပင်သည် အသက်စွမ်းအင်အမြုတေ (ရွှေရောင် အဆင့်မြင့်) နှင့် အမွေဆက်ခံခြင်းသစ်ကိုင်း (ရွှေရောင် အဆင့်မြင့်) တို့ကို အောင်မြင်စွာ ပေါင်းစပ်လိုက်ပြီး ၎င်း၏နောက်ဆုံးအသွင်ပြောင်းလဲမှုကို ပြီးမြောက်သွားပါသည်။</p> <p> </p> <p>[စနစ်အသိပေးချက်]။  ။တိုတမ်မိခင်သစ်ပင်၏ အဆင့်သည် အဆင့် ၃၅ (ပထမ ဘုရင်အဆင့် အလယ်အလတ်) သို့ တက်လှမ်းသွားပါသည်။</p> <p> </p> <p>[စနစ်အသိပေးချက်]။  ။ပင်ကိုစွမ်းရည် အသက်စွမ်းအင်စမ်းချောင်း (ရွှေရောင် အလယ်အလတ်) ၏ အကျိုးသက်ရောက်မှုများ ကြီးမားစွာ တိုးတက်လာပါသည်။</p> <p> </p> <p>[စနစ်အသိပေးချက်]။  ။ပင်ကိုစွမ်းရည် ဝိညာဉ်စုစည်းမှုအလင်းဝန်း (ခရမ်းရောင် အဆင့်မြင့်) ၏ အကျိုးသက်ရောက်မှုသည် ၅၀၀ ရာခိုင်နှုန်းအထိ တိုးတက်လာပါသည်။ ဝံပုလွေအသိုက်အတွင်းရှိ ဝိညာဉ်စွမ်းအင် သိပ်သည်းဆသည် ရုတ်တရက် မြင့်တက်သွားပါသည်။</p> <p> </p> <p>[စနစ်အသိပေးချက်]။  ။ပင်ကိုစွမ်းရည် ဝိညာဉ်သစ်ပင်အစောင့်အရှောက် (ရွှေရောင် အလယ်အလတ်) ၏ အကျိုးသက်ရောက်မှုများ မြင့်တက်လာပြီး အကာအကွယ်၏ခံစစ်စွမ်းအားနှင့် ပြန်လည်ကုစားနိုင်စွမ်း အလွန်တရာမြင့်မားလာပါသည်။</p> <p> </p> <p>[စနစ်အသိပေးချက်]။  ။ပင်ကိုစွမ်းရည် ကြယ်ကြွေခြင်း (ရွှေရောင် အဆင့်မြင့်) နိုးထလာပါသည်။</p> <p> </p> <p>ဤအသွင်ပြောင်းလဲမှု၏ နောက်ဆက်တွဲရိုက်ခတ်မှုက ချက်ချင်းပင် ထွက်ပေါ်လာတော့သည်။</p> <p> </p> <p>ကြီးမားကျယ်ပြန့်လွန်းသော အသက်စွမ်းအင်များနှင့် ကြယ်ရောင်များက နွေးထွေးသော ဒီရေလှိုင်းတစ်ခုပမာ ဝံပုလွေအသိုက်တစ်ခုလုံးကို ချက်ချင်းလွှမ်းခြုံသွား၏။ </p> <p> </p> <p>နှင်းဝံပုလွေအားလုံး၏ ဒဏ်ရာများသည် ဤစွမ်းအင်များ၏ အားဖြည့်မှုအောက်တွင် မျက်စိဖြင့်မြင်နိုင်လောက်သော အရှိန်ဖြင့် ပြန်လည်သက်သာလာကြသည်။ သူ</p> <p> </p> <p>တို့၏ ကုန်ခမ်းသွားသော ခွန်အားများကလည်း လျင်မြန်စွာ ပြန်လည်ပြည့်ဖြိုးလာပြီး သူတို့၏အငွေ့အသက်များကပင် မသိမသာ တိုးတက်လာတော့သည်။</p> <p> </p> <p>ဝံပုလွေအုပ်စုကြီး၏ ဘုရင်အနေဖြင့် လင်းထျန်းလုံသည် အပြင်းထန်ဆုံးသော အကျိုးသက်ရောက်မှုကို ခံစားလိုက်ရ၏။ သန့်စင်ပြီး ကြီးမားလွန်းသော စွမ်းအင်တစ်ခုက မိခင်သစ်ပင်ရှိရာအရပ်မှ စီးဆင်းလာပြီး သူ၏ခြေလက်များနှင့် အရိုးများထဲသို့ ပေါင်းစပ်သွားသည်။</p> <p> </p> <p>သူ၏လက်သည်းများပေါ်ရှိ မီးလောင်ဒဏ်ရာအနည်းငယ်ကို ချက်ချင်း ကုသပေးလိုက်ပြီး ကုန်ခမ်းသွားသော စွမ်းအင်အားလုံးကို ပြန်လည်ဖြည့်တင်းပေးရုံသာမက အဆင့် ၃၂ ၏ အဟန့်အတားကိုပါ အပြင်းအထန် လျော့ကျသွားစေရာ သူ၏အငွေ့အသက်များ ထပ်မံမြင့်တက်လာပြီး အဆင့် ၃၃ သို့ တက်လှမ်းရန် ဆံခြည်တစ်မျှင်စာမျှသာ လိုတော့သည်။</p> <p> </p> <p>တစ်ချိန်တည်းမှာပင် ပင်ကိုစွမ်းရည်အသစ် ကြယ်ကြွေခြင်းက အသက်ဝင်လာတော့သည်။</p> <p> </p> <p>ညကောင်းကင်ယံတွင် ငွေရောင်ဖဲကြိုးများ စုစည်းထားသည့်ပမာ ရေတွက်မရနိုင်သော ကြယ်ရောင်များက နှင်းဝံပုလွေတိုင်းကို တိကျစွာ လွှမ်းခြုံသွား၏။</p> <p> </p> <p>မျက်တောင်တစ်ခတ်အတွင်းမှာပင် တောက်ပသော ငွေရောင်အလင်းတန်းများက နှင်းဝံပုလွေအားလုံး၏ ခန္ဓာကိုယ်များကို ဖုံးလွှမ်းသွားတော့သည်။</p> <p> </p> <p>သူတို့၏ ခွန်အား၊ အမြန်နှုန်း၊ အကာအကွယ်နှင့် စွမ်းအင်များအားလုံး ကြီးမားစွာ မြင့်တက်သွားချေပြီ။ ဤအချိန်တွင် ကြယ်တာရာကောင်းကင်တစ်ခုလုံး၏ စွမ်းအားများကို သူတို့ အသုံးချနိုင်သွားသည့်အလားပင်။</p> <p> </p> <p>“ကောင်းတယ်”</p> <p> ”အားဝူးးး”</p> <p> </p> <p>လင်းထျန်းလုံသည် သူ၏ခန္ဓာကိုယ်တွင်းရှိ လိမ့်တက်လာနေသော စွမ်းအားများနှင့် ကိုယ်ပတ်လည်ရှိကြယ်ရောင်များကို ခံစားလိုက်ရပြီး မအောင့်နိုင်ဘဲ ဝမ်းသာအားရ ဟိန်းဟောက်သံကြီးကို ထုတ်လွှတ်လိုက်လေတော့သည်။</p> <p> </p> <p>သူ၏အကြည့်များက လျှပ်စီးပမာ လင်းလက်တောက်ပနေပြီး ဟော်ကျန်းကို ပြန်လည်ကြည့်ရှုလိုက်ချိန်တွင် အကြွင်းမဲ့ယုံကြည်ချက်များဖြင့် ပြည့်နှက်နေတော့သည်။ “ကဲ... ဒုတိယအချီစပြီ”</p> <p> </p> <p>ဟော်ကျန်း၏မျက်နှာက အလွန်တရာ မှုန်ကုပ်သွား၏။ အောက်ဘက်ရှိ နှင်းဝံပုလွေဘုရင်၏ အငွေ့အသက်က အချိန်တိုလေးအတွင်းမှာပင် အရင်ကထက် များစွာတိုးတက်လာကာ ပို၍အန္တရာယ်ကြီးမားလာသည်ကို သူ ရှင်းလင်းစွာ ခံစားလိုက်ရသည်။</p> <p> </p> <p>လင်းထျန်းလုံသည် ခန္ဓာကိုယ်တွင်းရှိ လိမ့်တက်နေသော စွမ်းအားများကို ခံစားရင်း ဒုတိယအချီတွင် ဟော်ကျန်းကို ရင်ဆိုင်ရန် ပြင်ဆင်နေချိန်မှာပင်။</p> <p> </p> <p>ဝိညာဉ်မှ မြစ်ဖျားခံလာသော အထူးတုန်ခါမှုတစ်ခု၊ အသွင်ပြောင်းလဲမှု ပြီးမြောက်သွားသော မိခင်သစ်ပင်ထံမှ ကြီးမားလှသည့် စွမ်းအင်များ၊ စစ်မြေပြင်ရှိ သေဆုံးမှုအများအပြားမှ ထွက်ပေါ်လာသော အတွေ့အကြုံ ရေစီးကြောင်းကြီးများမှာ သူ၏အသိစိတ်ထဲသို့ စီးဝင်လာတော့သည်။</p> <p> </p> <p>[စနစ်အသိပေးချက်]။  ။ပိုင်ရှင်နှင့် လက်အောက်ခံများသည် တိုက်ပွဲအတွေ့အကြုံများနှင့် စွမ်းအင်အများအပြားကို ရရှိထားကြောင်း တွေ့ရှိရပြီး လျှို့ဝှက်သတ်မှတ်ချက်များနှင့် ကိုက်ညီနေပါသည်။ စနစ်လုပ်ဆောင်ချက်များကို အဆင့်မြှင့်တင်နေပါသည်...</p> <p> </p> <p>[စနစ်အသိပေးချက်]။  ။စွမ်းရည်လက္ခဏာရပ်သိုလှောင်ရုံ လုပ်ဆောင်ချက် ပွင့်သွားပါပြီ။</p> <p> </p> <p>[စနစ်အသိပေးချက်]။  ။ပိုင်ရှင်သည်ရရှိထားသော စွမ်းရည်လက္ခဏာရပ်များကို သိုလှောင်ရုံထဲတွင် ယာယီသိမ်းဆည်းထားနိုင်ပြီး လက္ခဏာရပ်ပေါင်းစပ်ခြင်း လုပ်ငန်းစဉ်များကို ပြုလုပ်နိုင်ပါပြီ။</p> <p> </p> <p>အသစ်ထွက်ပေါ်လာသော စနစ်အသိပေးချက်များက ဆူပွက်နေသော ဆီအိုးထဲသို့ ရေအေးများ ကျဆင်းသွားသည့်အလား လင်းထျန်းလုံ၏ စိတ်ဓာတ်ကို နိုးကြားသွားစေတော့သည်။ </p> <p>သူသည် အရှေ့မှ အန္တရာယ်များသည့် ဟော်ကျန်းကိုပင် ခေတ္တလျစ်လျူရှုလိုက်ပြီး သူ၏အသိစိတ်တစ်စိတ်တစ်ပိုင်းကို စနစ်မျက်နှာပြင်ထဲသို့ နှစ်မြှုပ်လိုက်သည်။</p> <p> </p> <p>မူလက ရှင်းလင်းနေသော စနစ်အကွက်များဘေးတွင် ကစဉ့်ကလျား အလင်းရောင်များ ထုတ်လွှတ်နေသော သိုလှောင်ရုံပုံစံ သင်္ကေတတစ်ခု ထပ်တိုးလာ၏။</p> <p> </p> <p>သူ၏အသိစိတ်က ထိုအထဲသို့ ဝင်ရောက်သွားချိန်တွင် တောင်လိုပုံနေသော သိပ်သည်းလှသည့် စွမ်းရည်လက္ခဏာရပ် အချက်အလက်များကို ချက်ချင်း မြင်တွေ့လိုက်ရသည်။ </p> <p>ဤသည်တို့ကား အရင်က ဝိညာဉ်နယ်မြေစူးစမ်းရှာဖွေမှုများ၊ နေ့စဉ်အမဲလိုက်မှုများနှင့် မကြာသေးမီက ကာကွယ်ရေးတိုက်ပွဲအတွင်း သူ၏ဝံပုလွေအုပ်စုကြီးက ရန်သူများကို သတ်ဖြတ်ပြီးနောက် စနစ်က အလိုအလျောက် စုပ်ယူထားသော်လည်း စီမံခန့်ခွဲရန်အချိန်မရခဲ့သော စစ်ပွဲဆုလာဘ်များပင်ဖြစ်သည်။</p> <p> </p> <p>ခွန်အားမြှင့်တင်ခြင်း (စိမ်းပြာရောင်) x ၈၉</p> <p> </p> <p>အမြန်နှုန်းမြှင့်တင်ခြင်း (စိမ်းပြာရောင်) x ၇၂</p> <p> </p> <p>ကိုယ်ခန္ဓာကြံ့ခိုင်မှုမြှင့်တင်ခြင်း (စိမ်းပြာရောင်) x ၁၀၅</p> <p> </p> <p>မီးတောက်ခုခံမှု (စိမ်းပြာရောင်) x ၃၁</p> <p> </p> <p>ရေခဲဒြပ်စင် (စိမ်းပြာရောင်) x ၄၈</p> <p> </p> <p>ခွန်အားမြှင့်တင်ခြင်း (အဖြူရောင်) x ၆၇</p> <p> </p> <p>အမြန်နှုန်းမြှင့်တင်ခြင်း (အဖြူရောင်) x ၅၄</p> <p> </p> <p>ကိုယ်ခန္ဓာကြံ့ခိုင်မှုမြှင့်တင်ခြင်း (အဖြူရောင်) x ၇၇</p> <p> </p> <p>လက်သည်းထိုးဖောက်နိုင်စွမ်း (အဖြူရောင်) x ၄၂</p> <p> </p> <p>မာကျောသောအမွေးအမျှင် (အဖြူရောင်) x ၃၅</p> <p> </p> <p>ထာဝရရေခဲ (ရွှေရောင်) x ၁</p> <p>(ယင်းဖုန်း သတ်ဖြတ်ခဲ့သော ရေခဲကျားသစ်သားရဲထံမှ)</p> <p> </p> <p>တိုက်ပွဲရူးသွပ်ဝိညာဉ် (ရွှေရောင်) x ၁ (ပါရမီရှင်အဆင့် မိစ္ဆာသားရဲတစ်ကောင်ထံမှ)</p> <p> </p> <p>ကျောက်သားချပ်ဝတ် (ရွှေရောင်) x ၁ (သံမဏိဒိုင်းကာ ကင်းစခန်းမှ အဆင့်မြင့်စစ်သည်တစ်ဦးထံမှ)</p> <p> </p> <p>စွမ်းအင်လွန်ကဲခြင်း (ရွှေရောင်) x ၁ (ဖျက်ဆီးခံလိုက်ရသော မီးပွားသုသေသနပညာရှင်အသင်း စက်ယန္တရားတစ်ခုထံမှ)</p> <p> </p> <p>တိကျသောတည်ဆောက်မှု (ရွှေရောင်) x ၁ (ဖျက်ဆီးခံလိုက်ရသော မီးပွားသုသေသနပညာရှင်အသင်း စက်ယန္တရားတစ်ခုထံမှ)</p> <p> </p> <p>လျင်မြန်စွာကုစားခြင်း (ရွှေရောင်) x ၁ (ပါရမီရှင်အဆင့် မိစ္ဆာသားရဲတစ်ကောင်ထံမှ)</p> <p> </p> <p>…</p> <p> </p> <p>အရေအတွက်နှင့် အမျိုးအစားပေါင်းစုံက လင်းထျန်းလုံ၏ တွေးထားသည်ထက် များစွာ သာလွန်နေခဲ့သည်။</p> <p>အများစုမှာ အခြေခံ စိမ်းပြာရောင်နှင့် အဖြူရောင်အဆင့် စွမ်းရည်လက္ခဏာရပ်များသာဖြစ်ပြီး သူ့အတွက်နှင့် သူ၏စစ်သူကြီးသုံးဦးအတွက် သိပ်အသုံးမဝင်တော့ပေ။</p> <p> </p> <p>အရင်ကဆိုလျှင် ၎င်းတို့ကို လက်ရှိ အဆင့်မြင့် စွမ်းရည်လက္ခဏာရပ်များကို အားဖြည့်ရန် အာဟာရဓာတ်များအဖြစ် တိုက်ရိုက် ဝါးမျိုပစ်လေ့ရှိပြီး ယင်းက နှေးကွေးပြီး အကျိုးသက်ရောက်မှုနည်းသော လုပ်ငန်းစဉ်တစ်ခုဖြစ်သည်။</p> <p> </p> <p>သို့သော်လည်း သူက အကျင့်အတိုင်း ဤလက္ခဏာရပ်အားလုံးကို ဝါးမြိုရန် ပြင်ဆင်နေချိန်မှာပင် လက္ခဏာရပ်သိုလှောင်ရုံပြကွက်က မျက်စိကျိန်းမတတ် ရွှေရောင်အလင်းတန်းများဖြင့် ရုတ်တရက် တဖျတ်ဖျတ် လင်းလက်လာတော့သည်။</p> <p> </p> <p style="text-align: center;">***</p> <p> </p>


Save