Book List

<h2 style="text-align: center;">အခန်း (၂၀၄)</h2> <h2 style="text-align: center;">စွမ်းရည်လက္ခဏာရပ် ယာယီပေါင်းစပ်ခြင်း၏</h2> <h2 style="text-align: center;">စွမ်းအား (၁)</h2> <h2 style="text-align: center;">*</h2> <p> </p> <p>[စနစ်အသိပေးချက်]။  ။သိုလှောင်ရုံအတွင်းရှိ လက္ခဏာရပ်များ၏ အရေအတွက်နှင့် အရည်အသွေးသည် စံသတ်မှတ်ချက်များနှင့် ကိုက်ညီနေကြောင်း တွေ့ရှိရသဖြင့် ဘုရင်အဆင့် လက္ခဏာရပ် ပေါင်းစပ်ရေးလမ်းကြောင်းနှစ်ခုကို ရယူထားပါသည်။ ကြည့်ရှုလိုပါသလား။</p> <p> </p> <p>‘ဘုရင်အဆင့် လက္ခဏာရပ်လား... ပေါင်းစပ်ရေးလမ်းကြောင်းတွေလား' လင်းထျန်းလုံ နှလုံးတစ်ချက်ခုန်သွား၏။</p> <p> </p> <p>ဤလုပ်ဆောင်ချက်အသစ်က ကောင်းကင်ကိုပင် ဆန့်ကျင်နိုင်သော အစွမ်းရှိသည်ကို သူ ချက်ချင်းနားလည်လိုက်သည်။</p> <p> </p> <p>ဤသည်က နှေးကွေးသော အာဟာရဖြည့်တင်းမှုမျိုး မဟုတ်တော့ဘဲ ပိုမိုမြင့်မားသော အဆင့်တစ်ခုဆီသို့ တိုက်ရိုက်ရောက်ရှိနိုင်မည့် ဖြတ်လမ်းနည်းတစ်ခုပင်။</p> <p> </p> <p>“အခုကြည့်မယ်” သူက စိတ်ထဲမှ အမိန့်ပေးလိုက်သည်။</p> <p> </p> <p>ချက်ချင်းပင် ရွှေရောင် အလင်းတန်းများ ထုတ်လွှတ်နေသော အလွန်တရာ ရှုပ်ထွေးလှသည့် အသစ်စက်စက် စွမ်းရည်လက္ခဏာရပ် ပုံရိပ်ယောင်နှစ်ခုက သူ၏အသိစိတ်ထဲတွင် ပေါ်လာတော့သည်။</p> <p> </p> <p>ရေခဲကောင်းကင်မြှုပ်နှံခြင်း (ရွှေရောင် အဆင့်မြင့်)</p> <p> </p> <p>အမျိုးအစား - နယ်နမိတ် ပင်ကိုစွမ်းရည်။</p> <p> </p> <p>ဖော်ပြချက် - အစွန်းရောက်ရေခဲနိယာမများကို အသက်ဝင်စေပြီး အကြွင်းမဲ့သုညဒီဂရီရှိသော အေးခဲနေသည့် သင်္ချိုင်းမြေတစ်ခုကို ဖန်တီးနိုင်သည်။</p> <p> </p> <p>နယ်နမိတ်အတွင်းရှိ ရန်သူ့စွမ်းအင်များသည် အစွန်းရောက်အအေးဓာတ်၏ တိုက်စားမှုကို အဆက်မပြတ် ခံစားရမည်ဖြစ်ပြီး သူတို့၏အမြန်နှုန်းနှင့် စွမ်းအင်လှည့်ပတ်မှု စွမ်းဆောင်ရည်က ကြီးမားစွာ လျော့ကျသွားမည်ဖြစ်ကာ 'နက်ရှိုင်းစွာအေးခဲခြင်း' အခြေအနေသို့ ကျရောက်သွားနိုင်ခြေရှိသည်။ </p> <p> </p> <p>ကိုယ့်မဟာမိတ်များ၏ ရေခဲအမျိုးအစား စွမ်းရည်များသည်တော့ ဘက်စုံစွမ်းအားမြှင့်တင်မှုကို ရရှိမည်ဖြစ်သည်။</p> <p> </p> <p>ပေါင်းစပ်ရေးဖော်မြူလာ - ထာဝရရေခဲ (ရွှေရောင်) + ရေခဲဝိညာဉ်နှလုံးသား (ရွှေရောင်) + အစွန်းရောက်အအေးဓာတ်အမြုတေ (ရွှေရောင်)</p> <p> </p> <p>ရှေးဟောင်းကန္တာရတိုက်ပွဲခန္ဓာ (ရွှေရောင် အဆင့်မြင့်)</p> <p> </p> <p>အမျိုးအစား - အသွင်ပြောင်း၊ စွမ်းအားမြှင့်ပုံစံ ပင်ကိုစွမ်းရည်။</p> <p> </p> <p>ဖော်ပြချက် - သွေးကြော၏ အနက်ရှိုင်းဆုံးနေရာရှိ ရှေးအကျဆုံးသော တိုက်ပွဲဗီဇများကို အသက်ဝင်စေပြီး ရှေးဟောင်းကန္တာရ တိုက်ပွဲဝံပုလွေ ဓမ္မရုပ်သွင်ကို ယာယီဖော်ဆောင်နိုင်သည်။</p> <p> </p> <p>အစွမ်းသတ္တိအားလုံးကို ကြီးမားစွာတိုးတက်စေပြီး ခန္ဓာကိုယ်ကို ဧရာမအရွယ်အစားအထိ ကြီးထွားလာစေကာ တိုက်ကွက်များတွင် “ချပ်ဝတ်ဖောက်ထွင်းခြင်း”၊ “ဆုတ်ဖြဲခြင်း” နှင့် “ဟန့်တားခြင်း” အကျိုးသက်ရောက်မှုများ ပါဝင်လာမည်ဖြစ်ပြီး ရှင်သန်နိုင်စွမ်းနှင့် ပြန်လည်ကုစားနိုင်စွမ်း အလွန်တရာ မြင့်တက်လာမည်ဖြစ်သည်။</p> <p> </p> <p>ပေါင်းစပ်ရေးဖော်မြူလာ - တိုက်ပွဲရူးသွပ်ဝိညာဉ် (ရွှေရောင်) + ရှေးဟောင်းသားရဲအနှစ်သာရဝိညာဉ် (ရွှေရောင်) + ထာဝရတိုက်ပွဲဝင်ဆန္ဒ (ရွှေရောင်) + အခြား ကျပန်းရွှေရောင်အဆင့် သွေးမျိုးဆက်လက္ခဏာရပ်</p> <p> </p> <p>​ဆွဲဆောင်မှုရှိသော အလင်းတန်းများ ထုတ်လွှတ်နေသည့် ဤဘုရင်အဆင့် လက္ခဏာရပ်နှစ်ခုနှင့် ၎င်းတို့၏ ပေါင်းစပ်ရေးဖော်မြူလာများကို ကြည့်ရင်း လင်းထျန်းလုံသည် ခဏတာစိတ်လှုပ်ရှားသွားပြီးနောက် လျင်မြန်စွာ တည်ငြိမ်သွားတော့သည်။</p> <p>​</p> <p>“အင်း... ဘုရင်အဆင့် အဆင့်မြင့် လက္ခဏာရပ်တွေအများကြီး ထုတ်လုပ်ဖို့က အဲဒီလောက်မလွယ်ဘူးပဲ။” သူ နားလည်သွား၏။</p> <p> </p> <p>စွမ်းရည် အမြောက်အမြား မလိုအပ်တော့သော်လည်း ပေါင်းစပ်ခြင်းဖော်မြူလာအရ သတ်မှတ်ထားသော ရှားပါးရွှေရောင်အဆင့် စွမ်းရည်လက္ခဏာရပ်များအပေါ်တွင် မူတည်နေသည်။</p> <p> </p> <p>အထူးသဖြင့် ရှေးဟောင်းကန္တာရတိုက်ပွဲခန္ဓာအတွက် ပေါင်းစပ်ရေးအခြေခံအဖြစ် တန်ဖိုးကြီးသော ရွှေရောင်အဆင့် သွေးမျိုးဆက် စွမ်းရည်တစ်ခုလည်း လိုအပ်နေသည်။</p> <p> </p> <p>ဤသည်က တိကျသော ဖွဲ့စည်းပုံတည်ဆောက်မှုတစ်ခုနှင့် ပိုတူပြီး အဆင့်မြင့် သွေးမျိုးဆက်တစ်ခုကို အခြေခံကာ စွမ်းအားကြီးမားသော စွမ်းရည်လက္ခဏာရပ်အချို့ကို ပေါင်းစပ်၍ ပိုမိုအားကောင်းသော စွမ်းအားသစ်တစ်ခုကို ဖန်တီးခြင်းပင်။</p> <p> </p> <p>သူ လက်ရှိပိုင်ဆိုင်ထားသော စွမ်းရည်လက္ခဏာရပ်များက များစွာ လိုအပ်နေသေးသည်။ သို့သော်လည်း ဤရှင်းလင်းသော လမ်းကြောင်းကြီးက သူ၏အရှေ့တွင် ပေါ်ပေါက်လာခဲ့ပြီဖြစ်သည်။</p> <p> </p> <p>ဆိုလိုသည်မှာ အနာဂတ်တွင် စွမ်းအားကြီးရန်သူများကို ရွေးချယ်ကာ အမဲလိုက်နိုင်ပြီး လိုအပ်နေသော ထိုအဓိက စွမ်းရည်လက္ခဏာရပ်များကို ရရှိနိုင်သရွေ့ သူကိုယ်တိုင်အတွက်ဖြစ်စေ၊ ထျန်းပင်းနှင့် ရန့်မြဲ့တို့အတွက်ဖြစ်စေ အသင့်တော်ဆုံးသော ဘုရင်အဆင့် အဆင့်မြင့် စွမ်းရည်များကို ဖန်တီးပေးနိုင်ပြီပဲ ဖြစ်သည်။</p> <p> </p> <p>ဤသည်က ဝံပုလွေအုပ်ကြီး၏ အနာဂတ်အတွက် အဆုံးမရှိသော ဖြစ်နိုင်ခြေများဆီသို့ တံခါးတစ်ချပ် ဖွင့်လှစ်ပေးလိုက်ခြင်းပင်။</p> <p> </p> <p>ဤရုတ်တရက် စနစ်အဆင့်မြှင့်တင်မှုကြောင့် လင်းထျန်းလုံ၏ စိတ်အာရုံက အသက်ရှူကြိမ်အနည်းငယ်မျှ ဖမ်းစားခံလိုက်ရသော်ငြား အပြင်ဘက်ရှိ တိုက်ပွဲက ရပ်တန့်မနေခဲ့ပေ။</p> <p> </p> <p>“ငါနဲ့ တိုက်နေရင်း အာရုံလွှဲရဲသေးတယ်ပေါ့၊ မင်းက သေချင်နေတာပဲ” ဟော်ကျန်းက လင်းထျန်းလုံ ခဏတာ တွေဝေသွားသည်ကို ထက်မြက်စွာပင် သတိထားမိလိုက်၏။</p> <p> </p> <p>အကြောင်းရင်းကို သူ နားမလည်သော်လည်း ဤသည်က သေချာပေါက် နတ်ဘုရားက ပေးသနားလိုက်သော အခွင့်အရေးတစ်ခုပင်။</p> <p> </p> <p>သူက ဟိန်းဟောက်လိုက်ပြီး အနီရင့်ရောင် မီးလျှံပုဆိန်ကြီးကို ထပ်မံမြှောက်တင်လိုက်ရာ ၎င်းအပေါ်တွင် ပိုမိုကြမ်းတမ်းသော စွမ်းအင်များ စုစည်းလာပြီး အသေအကြေ တိုက်ခိုက်တော့မည့် အသွင်ရှိနေသည်။</p> <p> </p> <p>ထိုအချိန်မှာပင် လင်းထျန်းလုံက သူ၏အသိစိတ်ကို စနစ်ထဲမှရုတ်တရက် ပြန်ဆွဲထုတ်လိုက်၏။</p> <p> </p> <p>သူ၏ ရေခဲသဖွယ်အေးစက်နေသော မျက်ဝန်းပြာများထဲတွင် လက္ခဏာရပ်ပေါင်းစပ်ခြင်းကြောင့် ဖြစ်ပေါ်လာသော အနည်းငယ်သော လှုပ်ခတ်မှုများ ပျောက်ကွယ်သွားပြီး နှစ်သောင်းချီရေခဲများထက်ပင် ပိုမိုအေးစက်သော သတ်ဖြတ်လိုစိတ်များနှင့်အတူ......</p> <p> </p> <p>စွမ်းအားသစ်ကို စမ်းသပ်လိုသည့်ဆန္ဒနှင့် သိချင်စိတ်တို့က အစားထိုး နေရာယူလာတော့သည်။</p> <p> </p> <p>သူက ကြမ်းတမ်းရက်စက်စွာ ပြေးဝင်လာသော ဟော်ကျန်းကို ကြည့်လိုက်ပြီး ကြယ်ကြွေခြင်းကြောင့် မြင့်တက်လာသော ကြယ်တာရာစွမ်းအင်များနှင့် ခန္ဓာကိုယ်တွင်း စီးဆင်းနေသော စွမ်းအားများကို ခံစားလိုက်သည်။</p> <p> </p> <p>သူ၏စိတ်ထဲတွင် အတွေးတစ်ခု လက်ခနဲပေါ်လာခဲ့၏။</p> <p> </p> <p>“အတော်ပဲ၊ မိခင်သစ်ပင် အသွင်ပြောင်းသွားပြီးနောက် ငါ့စွမ်းအားတွေ ဘယ်လောက်အထိ ရောက်သွားပြီလဲဆိုတာ စမ်းသပ်ဖို့ မင်းကိုအသုံးချရတာပေါ့”</p> <p> </p> <p>သူက ရှောင်တိမ်းခြင်းမပြုသလို နက်နဲရေခဲကောင်းကင်ဆုတ်ဖြဲလက်သည်းကိုလည်း ထပ်မံအသုံးမပြုတော့ပေ။ </p> <p> </p> <p>ယင်းအစား မိုးပြာနက်နဲရေခဲ ဝံပုလွေသွေးမျိုးဆက်၏ စွမ်းအားနှင့် ကြယ်ကြွေခြင်း၏ ကြယ်တာရာစွမ်းအင်များကို သူ၏ ညာဘက်ရှေ့လက်သည်းထဲသို့ နည်းလမ်းအသစ်ဖြင့်  ဖိသိပ်စုစည်းလိုက်လေတော့သည်။</p> <p> </p> <p>နက်နဲရေခဲကောင်းကင်ဆုတ်ဖြဲလက်သည်းထက် များစွာပိုမိုနက်ရှိုင်းပြီး ပတ်ဝန်းကျင်ရှိ ဟင်းလင်းပြင်ကိုပင် မသိမသာ တုန်ခါသွားစေသော ကြောက်မက်ဖွယ်ကောင်းသည့် အအေးဓာတ်တစ်ခုက ရုတ်တရက် ဆင်းသက်လာတော့သည်။</p> <p> </p> <p>……</p> <p> </p> <p>စွမ်းရည်လက္ခဏာရပ်သိုလှောင်ရုံထဲမှ အသိစိတ်ထွက်ခွာလာချိန်တွင် အပြင်ဘက်ကမ္ဘာ၌ မျက်တောင်တစ်ခတ်စာ အချိန်လေးသာ ကုန်ဆုံး‌သွားခဲ့သည်။</p> <p> </p> <p>ကြောက်မက်ဖွယ်ကောင်းသော စွမ်းအားများ စုစည်းထားသည့် ဟော်ကျန်း၏ အနီရင့်ရောင် မီးလျှံပုဆိန်ကြီးက ကောင်းကင်ယံကိုဆုတ်ဖြဲကာ ရောက်ရှိလာခဲ့ပြီဖြစ်၏။</p> <p> </p> <p>၎င်းထံမှ ထွက်ပေါ်လာသော လောင်ကျွမ်းလုမတတ် အပူလှိုင်းများက လင်းထျန်းလုံ၏ ငွေဖြူရောင် အမွေးအမျှင်များကိုပင် မီးလောင်စေတော့မည့်အလား ပြင်းထန်လွန်းလှပေသည်။</p> <p> </p> <p>သေရေးရှင်ရေး အကျပ်အတည်းနှင့် ကြုံတွေ့နေရသည့်တိုင် လင်းထျန်းလုံ၏ မျက်ဝန်းများထဲတွင် ထိတ်လန့်မှုအရိပ်အယောင် တစ်စက်ကလေးမှမရှိဘဲ အေးစက်ထက်ရှသော အလင်းတန်းများသာ ဖြတ်ပြေးသွား၏။</p> <p> </p> <p>ယခုလေးတင် သူ လေ့လာသိရှိခဲ့ရသော လက္ခဏာရပ်ပေါင်းစပ်ခြင်းစနစ် ဆိုသည်က အနာဂတ်ဆီသို့သွားရာ လမ်းမကြီးတစ်ခုဖြစ်ရုံသာမက သူ့ကိုယ်ပိုင်စွမ်းအားများ၏ အနှစ်သာရကိုပါ အသစ်တဖန် နားလည်သဘောပေါက်သွားစေခဲ့သည်။</p> <p> </p> <p>စနစ်က သူ့ကိုပေးအပ်ထားသည်မှာ သာမန်စွမ်းရည်များထက် များစွာသာလွန်ပြီး စွမ်းအင်နိယာမများကို ကောင်းကောင်းနားလည်ကာ သေချာအသုံးချနိုင်မည့် နည်းလမ်းများဖြစ်နေသည် မဟုတ်လော။</p> <p> </p> <p>သူသည် မည်သည့် သီးခြားပင်ကိုစွမ်းရည်ကိုမျှ အသုံးမပြုတော့ပေ။</p> <p> </p> <p>ယင်းအစား ထိုအချိန်ကရရှိလိုက်သော ဉာဏ်ကွန့်မြူးမှုအတိုင်း မိုးပြာနက်နဲရေခဲဝံပုလွေသွေးမျိုးဆက်၏ အစွန်းရောက်အအေးဓာတ်နှင့် ကြယ်ကြွေခြင်းမှ ဆွဲယူထားသော ကြီးမားကျယ်ပြန့်လှသည့် ကြယ်တာရာစွမ်းအင်များကို သူ၏ညာဘက်ရှေ့လက်သည်းထဲသို့ ပိုမိုတိုက်ရိုက်ကျသော မူလအစပုံစံမျိုးဖြင့် ဖိသိပ်စုစည်းလိုက်လေတော့သည်။</p> <p> </p> <p>သူ၏ ညာဘက်ရှေ့လက်သည်းတစ်ခုလုံးက အသန့်စင်ဆုံး နီလာကျောက်မျက်တစ်ပွင့်ကဲ့သို့ ချက်ချင်းပြောင်းလဲသွားပြီး အတွင်း၌ ငွေရောင်ကြယ်အလင်းပွင့်လေးများ စီးဆင်းနေကာ ဝိညာဉ်ကိုပင်အေးခဲစေနိုင်သော အအေးဓာတ်နှင့် ဟင်းလင်းပြင်ကိုပင် ဖိနှိပ်ထားသည့် လေးလံသော လေထုကို ထုတ်လွှတ်နေတော့သည်။</p> <p> </p> <p>ဤသည်က နက်နဲရေခဲကောင်းကင်ဆုတ်ဖြဲလက်သည်း၏ ပုံသေစွမ်းအင်ပုံစံ မဟုတ်တော့ဘဲ စွမ်းအင်နိယာမများနှင့် ပိုမိုနီးစပ်သော စွမ်းအင်အသုံးပြုပုံတစ်ခုပင်။</p> <p> </p> <p>“ကွဲအက်သွားစမ်း”</p> <p> </p> <p>သူက ခပ်သြသြဟိန်းဟောက်လိုက်ပြီး မြေကမ္ဘာကိုပင် ခွဲခြမ်းပစ်နိုင်စွမ်းရှိပုံရသည့် ဧရာမမီးလျှံပုဆိန်ကြီးကို ရှောင်တိမ်းခြင်းမပြုဘဲ နှင်းခဲနှင့် ကြယ်ရောင်တို့၏ မူလစွမ်းအားများ ပေါင်းစပ်ထားသော လက်သည်းဖြင့် တည့်တည့်ရင်ဆိုင်လိုက်လေတော့သည်။</p> <p> </p> <p>ချွင်...။</p> <p> </p> <p>ဤထိတ်တိုက်တွေ့ဆုံမှုမှ ထွက်ပေါ်လာသော အသံက လုံးဝကို ကွဲပြားခြားနားနေ၏။ ၎င်းက ပြင်းထန်သော ပေါက်ကွဲသံကြီးမဟုတ်တော့ဘဲ ရေခဲတောင်ကြီးတစ်တောင်နှင့် မီးဖိုကြီးတစ်ခု ဝင်တိုက်မိသည့်အလား အလွန်တရာ ကျယ်လောင်သော မြည်သံကြီးပင်။</p> <p> </p> <p>အနီရင့်ရောင် မီးတောက်များနှင့် ရေခဲသလင်းလက်သည်းပေါ်တွင် စီးဆင်းနေသော ကြယ်ရောင်အလင်းတန်းတို့သည် အချင်းချင်း အရူးအမူး တိုက်စားချေဖျက်နေကြ၏။</p> <p> </p> <p>စွမ်းအင်ပေါက်ကွဲမှုကြောင့် ဖြစ်ပေါ်လာသော လှိုင်းဂယက်များကမူ မြေကြီးကို သုံးပေခန့်အထိ နိမ့်ကျသွားစေကာ အရပ်မျက်နှာအနှံ့သို့ ပျံ့နှံ့သွားတော့သည်။</p> <p> </p> <p>ဟော်ကျန်း၏မျက်နှာပေါ်ရှိ ရက်စက်သော အပြုံးကြီးက ချက်ချင်း အေးခဲသွား၏။</p> <p> </p> <p>သူ၏ပုဆိန်က အသွေးအသားဖြင့် ဖွဲ့စည်းထားသော ခန္ဓာကိုယ်တစ်ခုကို ခုတ်ပိုင်းလိုက်ရသည်မဟုတ်ဘဲ နှစ်ပေါင်းတစ်သောင်းတိုင် အရည်မပျော်ခဲ့သော ထာဝရကြယ်တာရာနက်နဲရေခဲတုံးကြီးတစ်ခုကို ခုတ်မိလိုက်သည့်အလား သူ ခံစားလိုက်ရသည်။</p> <p> </p> <p> ပြန်ကန်ထွက်လာသော အင်အားများက ထူးဆန်းသော အအေးဓာတ်တစ်ခုနှင့် ရောယှက်နေပြီး ဝိညာဉ်ကို တိုက်ရိုက်ထိုးဖောက်ဝင်ရောက်ကာ သူ၏လက်မောင်းများကို ပြင်းထန်စွာ တုန်ခါသွားစေသည်။</p> <p> </p> <p>သူ၏ ကိုယ်တွင်းအင်္ဂါများပင် အေးခဲသွားသည့်အလား ခံစားလိုက်ရပြီး သွေးများက အရူးအမူးဆူပွက်လာတော့သည်။</p> <p> </p> <p>သူ့ကို ပို၍ ထိတ်လန့်သွားစေသည်မှာ ပြိုင်ဘက်၏လက်သည်းပေါ်ရှိ ထူးဆန်းသော ကြယ်ရောင်အလင်းတန်းများက သူ၏ပုဆိန်အသွားပေါ်တွင် စုစည်းထားသော ဖျက်ဆီးခြင်းမီးလျှံများကို တစ်စပြီးတစ်စ အေးခဲချေဖျက်နေခြင်းပင်။</p> <p> </p> <p>ဤစွမ်းအား၏ စွမ်းအင်အနှစ်သာရအဆင့်အတန်းက သူနားလည်နိုင်သည့် နယ်ပယ်ကို လုံးဝကျော်လွန်သွားခဲ့လေသည်။</p> <p> </p> <p style="text-align: center;">***</p> <p> </p>


Save