Book List

<h2 style="text-align: center;">အခန်း (၂၀၅)</h2> <h2 style="text-align: center;">စွမ်းရည်လက္ခဏာရပ် ယာယီပေါင်းစပ်ခြင်း၏</h2> <h2 style="text-align: center;">စွမ်းအား (၂)</h2> <h2 style="text-align: center;">*</h2> <p> </p> <p>“ဒါ မဖြစ်နိုင်ဘူး၊ သောက်ကျိုးနည်း စွမ်းအင်တွေ၊ ဘယ်လို မိစ္ဆာစွမ်းအင်တွေလဲ” ဟော်ကျန်းက ထိတ်လန့်တကြား အော်ဟစ်လိုက်ပြီး သူ၏မျက်ဝန်းများထဲတွင် ပထမဆုံးအကြိမ်အဖြစ် မယုံကြည်နိုင်မှုများ ထွက်ပေါ်လာ၏။</p> <p> </p> <p>သူသည် အဆင့် ၃၉ ဘုရင်အဆင့် အထွတ်အထိပ်တွင် ရောက်နေချေပြီ၊ မသေမျိုးမီးလျှံဝိညာဉ်၏ အသွင်ပြောင်းလဲမှုကို ဖြတ်သန်းပြီးနောက် သူ၏စွမ်းအင်အနှစ်သာရက အဆင့်ကြီးတစ်ခုကို ခုန်ပျံကျော်လွှားနိုင်ခဲ့သည်။</p> <p> </p> <p>အဘယ်ကြောင့် ထိပ်တိုက်အားပြိုင်မှုတွင် အသာစီးမရခဲ့ရသနည်း။</p> <p> </p> <p>ဤပြင်းထန်လွန်းသော ထိတ်တိုက်တွေ့ဆုံမှုကြောင့် လင်းထျန်းလုံ၏ပုံရိပ်က အတော်ဝေးဝေး လွင့်စဉ်သွားပြီးနောက် တည်ငြိမ်စွာ ဆင်းသက်လိုက်သည်။</p> <p> </p> <p>သူ၏ခန္ဓာကိုယ်တွင်းရှိ သွေးများ အနည်းငယ်လှုပ်ခတ်သွားပြီး ထိုကဲ့သို့ ပုံမှန်မဟုတ်သော စွမ်းအင်အသုံးချမှုကြောင့် စိတ်ဝိညာဉ်စွမ်းအင်များ အလွန်အမင်း ကုန်ခမ်းသွားသော်လည်း သူ၏နှလုံးသားထဲတွင်မူ ဝမ်းသာရွှင်မြူးမှုများနှင့် ရှင်းလင်းပြတ်သားမှုတို့သာ ပြည့်နှက်နေတော့သည်။</p> <p> </p> <p>တိုက်ပွဲအတွင်းတွင် အလျင်စလို စမ်းသပ်လိုက်သော ဤစွမ်းအားက မျှော်လင့်ထားသည်ထက် များစွာသာလွန်သော အကျိုးသက်ရောက်မှုကို ဖြစ်ပေါ်စေခဲ့သည်။</p> <p> </p> <p>ဤသည်က အောင်မြင်သော ခုခံကာကွယ်မှုတစ်ခုသာမကဘဲ သူ၏ယူဆချက်ကိုပါ သက်သေပြလိုက်နိုင်ခြင်းဖြစ်သည်။</p> <p> </p> <p>စနစ်၏ အလားအလာသည် အပေါ်ယံမြင်တွေ့နေရသည်ထက် များစွာနက်ရှိုင်းပြီး သေချာတူးဖော်နိုင်ပါက အဆင့်ကန့်သတ်ချက်များကို အလွယ်တကူ ကျော်လွှားနိုင်သော စွမ်းအားများကိုပါ ထုတ်ဖော်အသုံးချနိုင်မည်ဖြစ်သည်။</p> <p> </p> <p>“မင်းရဲ့ စွမ်းအားတွေက အပေါ်ယံပဲရှိသေးတယ်” လင်းထျန်းလုံက သူ၏လက်သည်းကို ခါရမ်းလိုက်ရာ ရေခဲသလင်းကြယ်ရောင်များက ဖြည်းညင်းစွာ မှေးမှိန်သွား၏။</p> <p> </p> <p> သူ၏လေသံတွင် ရည်ရွယ်ချက်ရှိရှိ လှောင်ပြောင်မှုနှင့် နှိမ့်ချမှုများ ပါဝင်နေသည်။</p> <p> </p> <p>အသစ်ပွင့်လာသော ‘လက္ခဏာရပ်ပေါင်းစပ်ခြင်း’ စနစ်ကို သေချာနားလည်ပြီး အသုံးချနိုင်ရန် သူ့အတွက် အချိန်…... တန်ဖိုးရှိလှသော အချိန်အနည်းငယ် လိုအပ်နေသည်။</p> <p> </p> <p>ဤသည်က လက်ရှိအကျပ်အတည်းကို ချိုးဖျက်ရန် သို့မဟုတ် အောင်ပွဲခံရန်အတွက် သော့ချက်ဖြစ်လာနိုင်ပေသည်။</p> <p> </p> <p>“မောက်မာလိုက်တဲ့ သားရဲကောင်၊ မင်းကို ပြာကျသွားတဲ့အထိ လောင်ကျွမ်းပစ်မယ်” ထင်သည့်အတိုင်းပင် ဟော်ကျန်းသည် လုံးဝ ဒေါသထွက်သွားပြီး သူ၏ဆင်ခြင်တုံတရားများကို ပြင်းထန်သော ဒေါသမီးတောက်များက ဝါးမြိုသွားခဲ့လေသည်။</p> <p> </p> <p>သူက ဟိန်းဟောက်လိုက်ရာ ပတ်လည်ရှိ အနီရင့်ရောင်မီးတောက်များက မီးတောင်ပေါက်ကွဲသည့်အလား ထိုးတက်သွား၏။</p> <p> </p> <p>ထို့နောက် သူသည် လင်းထျန်းလုံထံသို့ အရူးအမူး ထပ်မံပြေးဝင်သွားပြီး သူ၏ထိုးစစ်များက ယခင်ကထက် ပိုမိုကြမ်းတမ်းရက်စက်လာသော်လည်း အရင်ကဲ့သို့ အကြွင်းမဲ့ယုံကြည်ချက်နှင့် စည်းစနစ်ကျမှုတို့ မရှိတော့ဘဲ စိတ်မရှည်မှုနှင့် ကစဉ့်ကလျားဖြစ်မှုတို့ကသာ အစားထိုး ၀င်ရောက်လာတော့သည်။</p> <p> </p> <p>တစ်ချိန်တည်းမှာပင် လင်းထျန်းလုံသည် ဟော်ကျန်းကိုရင်ဆိုင်ရန် အစွန်းရောက်အရိပ်လျှပ်စီးခြေလှမ်း၏ သိမ်မွေ့မှုနှင့် ငွေပြာဘုရင်မျက်ဝန်း၏ ထိုးထွင်းသိမြင်နိုင်စွမ်းတို့ကို အသုံးချနေလေသည်။</p> <p> </p> <p>တိုက်ပွဲအတွင်း သူ၏အသိစိတ်အများစုကို အဆုံးအစမဲ့သော အခွင့်အလမ်းများဖြင့် ပြည့်နှက်နေသည့် အသစ်ဖွင့်လှစ်ထားသော လက္ခဏာရပ်သိုလှောင်ရုံထဲသို့ ပြန်လည်နှစ်မြှုပ်လိုက်လေသည်။</p> <p> </p> <p>အပြင်ဘက်မှ အရူးအမူး တိုက်ခိုက်မှုများကိုတော့ သူ၏ ထူးကဲသောတိုက်ပွဲဗီဇနှင့် အလုပ်များစွာကို တစ်ပြိုင်နက်တည်း လုပ်ဆောင်နိုင်စွမ်းတို့ဖြင့် ယာယီ ဖြည့်စွက်ထိန်းချုပ်ထားလိုက်သည်။</p> <p> </p> <p>လက္ခဏာရပ်ပေါင်းစပ်ခြင်း။ အစစ်အမှန် ရတနာသိုက်ကြီးပင်။</p> <p> </p> <p>သူ၏စိတ်အာရုံက ဘုရင်အဆင့် ရွှေရောင်အလင်းတန်းများ ထုတ်လွှတ်နေပြီး ရှုပ်ထွေးနက်နဲသော ဖွဲ့စည်းပုံများပါရှိသည့် ပေါင်းစပ်ရေးဖော်မြူလာနှစ်ခုအပေါ် ကျရောက်သွားပြီး အသေးစိတ်အချက်အလက်တိုင်းကို သေချာ လေ့လာစိစစ်လိုက်သည်။</p> <p> </p> <p>[စနစ်အသိပေးချက်]။  ။ရေခဲကောင်းကင်မြှုပ်နှံခြင်း (ရွှေရောင် အဆင့်မြင့်)</p> <p> </p> <p>အမျိုးအစား - နယ်နိမိတ်ပုံစံ ပင်ကိုစွမ်းရည်လက္ခဏာရပ်</p> <p> </p> <p>ဖော်ပြချက် - အစွန်းရောက်ရေခဲနိယာမများကို သက်ဝင်စေပြီး အကြွင်းမဲ့သုညဒီဂရီရှိသော အေးခဲနေသည့် သင်္ချိုင်းမြေတစ်ခုကို ဖန်တီးနိုင်သည်။</p> <p> </p> <p>နယ်ပယ်အတွင်းရှိ ရန်သူ့စွမ်းအင်များသည် အစွန်းရောက်အအေးဓာတ်၏ တိုက်စားမှုကို အဆက်မပြတ်ခံစားရမည်ဖြစ်ပြီး သူတို့၏အမြန်နှုန်းနှင့် စွမ်းအင်လှည့်ပတ်မှုနှုန်းက ကြီးကြီးမားမား လျော့ကျသွားမည်ဖြစ်ကာ ‘နက်ရှိုင်းစွာ အေးခဲခြင်း’ အခြေအနေသို့ ကျရောက်သွားနိုင်ခြေရှိသည်။</p> <p> </p> <p>မဟာမိတ်များ၏ ရေခဲအမျိုးအစား စွမ်းအင်များသည်တော့ ဘက်စုံစွမ်းအားမြှင့်တင်မှုကို ရရှိမည်ဖြစ်သည်။</p> <p> </p> <p>ပေါင်းစပ်ရေးဖော်မြူလာ - ထာဝရရေခဲ (ရွှေရောင်) + ရေခဲဝိညာဉ်နှလုံးသား (ရွှေရောင်) + အစွန်းရောက်ယင်အမြုတေ (ရွှေရောင်)</p> <p> </p> <p>(လက်ရှိအခြေအနေ - ထာဝရရေခဲ (ရွှေရောင်) ရှိသည်။ ရေခဲဝိညာဉ်နှလုံးသား (ရွှေရောင်)၊ အစွန်းရောက်ယင်အမြုတေ (ရွှေရောင်) တို့ လိုအပ်နေသည်။)</p> <p> </p> <p>[စနစ်အသိပေးချက်]။  ။ရှေးဟောင်းကန္တာရတိုက်ပွဲခန္ဓာ (ရွှေရောင် အဆင့်မြင့်)</p> <p> </p> <p>အမျိုးအစား - အသွင်ပြောင်း/စွမ်းအားမြှင့်ပုံစံ ပင်ကိုယ်စွမ်းရည်လက္ခဏာရပ်။</p> <p> </p> <p>ဖော်ပြချက် - သွေးကြော၏ အနက်ရှိုင်းဆုံးနေရာရှိ ရှေးအကျဆုံးသော တိုက်ပွဲဗီဇများကို အသက်ဝင်စေပြီး ရှေးဟောင်းကန္တာရ တိုက်ပွဲဝံပုလွေ ဓမ္မရုပ်သွင်ကို ယာယီဖော်ဆောင်နိုင်သည်။</p> <p> </p> <p>အစွမ်းသတ္တိအားလုံးကို ကြီးမားစွာ တိုးတက်စေပြီး ခန္ဓာကိုယ် အရွယ်အစားကို အဆမတန် ကြီးထွားလာစေကာ တိုက်ကွက်များတွင် ‘ချပ်ဝတ်ဖောက်ထွင်းခြင်း’၊ ‘ဆုတ်ဖြဲခြင်း’ နှင့် ‘ဟန့်တားခြင်း’ အကျိုးသက်ရောက်မှုများ ပါဝင်လာမည်ဖြစ်ပြီး ရှင်သန်နိုင်စွမ်းနှင့် ပြန်လည်ကုစားနိုင်စွမ်းလည်း အလွန်တရာ မြင့်တက်လာမည်ဖြစ်သည်။</p> <p> </p> <p>ပေါင်းစပ်ရေးဖော်မြူလာ - တိုက်ပွဲရူးသွပ်ဝိညာဉ် (ရွှေရောင်) + ရှေးဟောင်းသားရဲအနှစ်သာရဝိညာဉ် (ရွှေရောင်) + ထာဝရတိုက်ပွဲဝင်ဆန္ဒ (ရွှေရောင်) + ရွှေရောင်အဆင့် သွေးမျိုးဆက် လက္ခဏာရပ်တစ်ခု (မည်သည့် သွေးမျိုးဆက်မဆိုရရှိ)</p> <p> </p> <p>လက်ရှိအခြေအနေ - ကျောက်သားချပ်ဝတ် (ရွှေရောင်) အား သွေးမျိုးဆက် လက္ခဏာရပ်အဖြစ် အသုံးပြုနိုင်သည်။ တိုက်ပွဲရူးသွပ်ဝိညာဉ် (ရွှေရောင်)၊ ရှေးဟောင်းသားရဲအနှစ်သာရဝိညာဉ် (ရွှေရောင်)၊ ထာဝရတိုက်ပွဲဝင်ဆန္ဒ (ရွှေရောင်) တို့ လိုအပ်နေသည်။)</p> <p> </p> <p>“သတ်မှတ်ထားတဲ့ ရှားပါးရွှေရောင် ပင်ကိုစွမ်းအင်လက္ခဏာရပ်တွေက ဘုရင်အဆင့် အဆင့်မြင့် စွမ်းရည်ကို ရနိုင်မယ့် သော့ချက်တွေပဲ။ လိုချင်တိုင်း အလွယ်တကူ မရနိုင်တဲ့ အရာတွေ” လင်းထျန်းလုံသည် ဗဟိုနိယာမများကို ချက်ချင်းနားလည်သွား၏။</p> <p> </p> <p> သို့သော်လည်း ဘုရင်အဆင့် ပေါင်းစပ်ရေးက လက်ရှိအချိန်တွင် လက်လှမ်းမမီနိုင်သေးဟုတွေးကာ အနည်းငယ် နှမြောတသဖြစ်သွားချိန်မှာပင် သူ၏အကြည့်များက ပေါင်းစပ်ရေးပြကွက်ပေါ်ရှိ အနည်းငယ်ရိုးရှင်းသည့် အခြားနေရာနှစ်ခုပေါ်သို့ ထက်မြက်စွာ ကျရောက်သွားတော့သည်။</p> <p> </p> <p>ဤနှစ်ခုက တိုက်ပွဲဝင်စွမ်းအားကို ချက်ချင်းမြှင့်တင်ပေးနိုင်မည်လော ဆိုသည်ကို သူသိချင်မိသွားသည်။</p> <p> </p> <p>[စနစ်အသိပေးချက်]။  ။အဖြူရောင်အဆင့် လက္ခဏာရပ်ပေါင်းစပ်ခြင်း - စိမ်းပြာရောင်အဆင့် လက္ခဏာရပ် ဆယ်ခုကို အသုံးပြု၍ ကျပန်းအဖြူရောင်အဆင့် လက္ခဏာရပ်တစ်ခုအဖြစ် ပေါင်းစပ်နိုင်ပါသည်။</p> <p> </p> <p>[စနစ်အသိပေးချက်]။  ။ပါရမီရှင်အဆင့် လက္ခဏာရပ်ပေါင်းစပ်ခြင်း - အဖြူရောင်အဆင့် လက္ခဏာရပ်ဆယ်ခုကို အသုံးပြု၍ ကျပန်း ပါရမီရှင်အဆင့် (ရွှေရောင်) လက္ခဏာရပ်တစ်ခုအဖြစ် ပေါင်းစပ်နိုင်ပါသည်။</p> <p> </p> <p>“ဒီလိုကိုး၊ ဒါက ဒီအဆင့်နိမ့်လက္ခဏာရပ်တွေကို အသုံးချရမယ့် အမှန်ကန်ဆုံးနည်းလမ်းပဲ” လင်းထျန်းလုံ၏ နှလုံးသားထဲတွက် ကမ္ဘာသစ်တစ်ခုဆီသို့ သွားရာ တံခါးတစ်ချပ်ပွင့်သွားသည့်အလား ရုတ်တရက် လင်းလက်သွားတော့သည်။</p> <p> </p> <p>ယခင်က ဤလက္ခဏာရပ်များကို အာဟာရအဖြစ် ဝါးမြိုခြင်းက အကျိုးသက်ရောက်မှုနည်းလွန်းပြီး အလွန် နှမြောစရာကောင်းလှသည်။</p> <p> </p> <p>ယခုမူ အသုံးမကျသည့်အရာများကို ရတနာအဖြစ် ပြောင်းလဲနိုင်ပြီး အဆင့်မြင့်လက္ခဏာရပ်များရရှိရန် ကံစမ်းနိုင်ပြီဖြစ်သည်။ ရွှေရောင်အဆင့်လက္ခဏာရပ်တစ်ခု ထပ်တိုးလာရုံမျှဖြင့် မထင်မှတ်ထားသော အကျိုးသက်ရောက်မှုများကိုပါ ယူဆောင်လာနိုင်သည်လေ။</p> <p> </p> <p>မည်သည့် တုံ့ဆိုင်းမှုမျှမရှိဘဲ သူက ချက်ချင်းစတင်လုပ်ဆောင်လိုက်၏။ သူ၏အတွေးများက အတိကျဆုံး စက်ယန္တရားတစ်ခုပမာ လက္ခဏာရပ်သိုလှောင်ရုံထဲတွင် လျင်မြန်စွာ လည်ပတ်နေတော့သည်။</p> <p> </p> <p>စိမ်းပြာရောင်အဆင့် လက္ခဏာရပ် ၁၄၆ ခုလုံး အလင်းများ တဖျတ်ဖျတ်လက်သွားပြီး ကျပန်း အဖြူရောင်အဆင့် လက္ခဏာရပ် ၁၄ ခုအဖြစ် ပေါင်းစပ်သွားသည်။</p> <p> </p> <p>မူလကရှိပြီးသား အဖြူရောင်အဆင့် လက္ခဏာရပ် ၁၉၈ ခု ထဲကို အသစ်ပေါင်းစပ်ရရှိထားသော ၁၄ ခုပါ ပေါင်းလိုက်ရာ အဖြူရောင်အဆင့် လက္ခဏာရပ် ၂၁၂ ခု ရရှိသွားပြီး၊ ပေါင်းစပ်ရေးထဲသို့ ထပ်မံထည့်သွင်းလိုက်ရာ မျက်စိကျိန်းမတတ် တောက်ပလှသော ခရမ်းရောင်အလင်းတန်း ၂၁ ခုအဖြစ် ပြောင်းလဲသွားတော့သည်။</p> <p> </p> <p>စနစ်အသိပေးချက်များက သူ၏အသိစိတ်ထဲတွင် ဆက်တိုက်ဆိုသလို ဖြတ်ပြေးသွား၏။</p> <p> </p> <p>ဤအသစ်ရရှိလာသော ပါရမီရှင်အဆင့် လက္ခဏာရပ် ၂၁ ခုကို သူ အလျင်အမြန် စစ်ဆေးကြည့်လိုက်သည်။ အများစုမှာ ခွန်အားမြှင့်တင်ခြင်း၊ အမြန်နှုန်းမြှင့်တင်ခြင်း နှင့် ကိုယ်ခန္ဓာကြံ့ခိုင်မှုမြှင့်တင်ခြင်းကဲ့သို့သော အခြေခံ စွမ်းရည်လက္ခဏာရပ်များသာ ဖြစ်နေဆဲပင်။</p> <p> </p> <p>တန်ဖိုးကြီးလှသော်လည်း သူ့အတွက်တော့ ကြီးမားသောတိုးတက်မှုမျိုး မပေးစွမ်းနိုင်တော့ပေ။</p> <p> </p> <p>သို့သော်လည်း ထိုရွှေရောင်အလင်းတန်းများကြားတွင် လက္ခဏာရပ်တစ်ခု၏ အချက်အလက်က သူ၏အသိစိတ်ကို တုန်လှုပ်သွားစေခဲ့သည်။</p> <p> </p> <p>[စနစ်အသိပေးချက်]။  ။တိုက်ပွဲရူးသွပ်ဝိညာဉ် (ရွှေရောင်)</p> <p> </p> <p>ဤသည်က ရှေးဟောင်းကန္တာရတိုက်ပွဲခန္ဓာကို ပေါင်းစပ်ရန် လိုအပ်သော အဓိကလက္ခဏာရပ်များထဲမှ တစ်ခုပင်။</p> <p> </p> <p>“အရမ်းကောင်းတယ်” လင်းထျန်းလုံလို တည်ငြိမ်သူပင်လျှင် စိတ်လှုပ်ရှားမှုလှိုင်းလုံးကြီးကြောင့် မအောင့်အီးနိုင်တော့ပဲ ပျော်ရွှင်စွာ ရေရွတ်လိုက်မိတော့၏။ </p> <p> </p> <p>ဆိုလိုသည်မှာ ရှေးဟောင်းကန္တာရတိုက်ပွဲခန္ဓာအတွက် လိုအပ်သော အစိတ်အပိုင်းလေးခုအနက် နှစ်ခုဖြစ်သော တိုက်ပွဲရူးသွပ်ဝိညာဉ်နှင့် သွေးမျိုးဆက်အခြေခံအဖြစ် ကျောက်သားချပ်ဝတ်တို့ကို သူ ပိုင်ဆိုင်သွားပြီဖြစ်သည်။</p> <p> </p> <p>ရှေးဟောင်းသားရဲအနှစ်သာရဝိညာဉ်နှင့် ထာဝရတိုက်ပွဲဝင်ဆန္ဒ နှစ်ခုတည်းသာ လိုအပ်တော့သည်။ ဘုရင်အဆင့် အထွတ်အထိပ်ဆီသို့ သွားမည့် ဤလမ်းကြောင်းကြီးက ယခုအခါ ရှင်းလင်းစွာ မြင်တွေ့နေရပြီဖြစ်သည်။</p> <p> </p> <p>ထိုအချိန်မှာပင် အပြင်ဘက်ရှိ တိုက်ပွဲက သူ့အတွက် အကောင်းဆုံး အခွင့်အရေးတစ်ခုကို ဖန်တီးပေးလိုက်လေသည်။</p> <p> </p> <p>အချိန်အတော်ကြာ တိုက်ခိုက်နေသည့်တိုင် ပစ်မှတ်ကို မထိနိုင်သော ဟော်ကျန်းသည် စိတ်မရှည်ဖြစ်လာခဲ့၏။ </p> <p> </p> <p>သူသည် အဆင့် ၃၉ သို့ ရောက်ရှိသွားပြီးနောက်တွင်တောင် အဆင့် ၃၂ သာရှိသေးသော နှင်းဝံပုလွေဘုရင်ကို လျင်မြန်စွာ အနိုင်မယူနိုင်သေးခြင်းအား လုံးဝလက်မခံနိုင် ဖြစ်နေလေသည်။</p> <p> </p> <p>ဤစိုးရိမ်ပူပန်မှုက သူ၏တိုက်ကွက်များထဲတွင် ထင်ဟပ်လာလေ၏။ စွမ်းအားပြင်းထန်နေဆဲဖြစ်သော်လည်း တိကျမှုနှင့် အပြောင်းအလဲများ ကင်းမဲ့လာပြီး ပိုမိုကြမ်းတမ်းရူးသွပ်လာတော့သည်။ </p> <p> </p> <p style="text-align: center;">***</p> <p> </p>


Save