Book List

<h2 style="text-align: center;">အခန်း (၂၀၇)</h2> <h2 style="text-align: center;">စစ်မြေပြင်၌ သုံးကောင်ပြိုင်အဆင့်တက်ခြင်း (၁)</h2> <h2 style="text-align: center;">*</h2> <p> </p> <p>ဟော်ကျန်း၏ ရင်အုပ်ဆီသို့ ပြင်းထန်သော တိုက်ခိုက်မှုကြီးတစ်ခု ကျရောက်သွားခဲ့သည်။ ထိုဒဏ်ရာက အသက်အန္တရာယ် မစိုးရိမ်ရသော်လည်း သူ၏ အသက်ရှူနှုန်းကို ကမောက်ကမဖြစ်သွားစေပြီး တိုက်စစ်ကို ရုတ်တရက် နှေးကွေးသွားစေသည်။</p> <p> </p> <p>လင်းထျန်းလုံသည် ထိုအဖိုးတန်သော ဟာကွက်ကို အမိအရ ဆုပ်ကိုင်လိုက်ပြီး ထိပ်တိုက်ရင်ဆိုင်ခြင်း မပြုတော့ဘဲ အစွန်းရောက်အရိပ်လျှပ်စီးခြေလှမ်း၏ သိမ်မွေ့လှသော နည်းစနစ်များကို အသုံးပြုကာ သူ၏ပတ်လည်တွင် လှည့်ပတ်လှုပ်ရှားနေတော့သည်။ </p> <p> </p> <p>တစ်ချိန်တည်းမှာပင် သူ၏အသိစိတ်က စနစ်အတွင်းသို့ ရောက်ရှိသွားပြီး ကိုယ်ပိုင်စွမ်းအားအတွက် သိပ်အသုံးမဝင်တော့သည့် စနစ်ဂိုဒေါင်အတွင်းမှ ပေါင်းစပ်ထားသော ရွှေရောင်အဆင့် အခြေခံစွမ်းရည်များကို ဝံပုလွေအုပ်စုအတွက် လက်ငင်း တိုက်ခိုက်ရေးစွမ်းအားများအဖြစ် ပြောင်းလဲပေးရန် ဆုံးဖြတ်လိုက်၏။</p> <p> </p> <p>“ရန့်မြဲ့၊ ထျန်းပင်း၊ ယင်းဖုန်း” အေးစက်စက် အမိန့်သံသည် အဓိက စစ်သူကြီးသုံးဦးထံသို့ အသိစိတ်မှတစ်ဆင့် ချက်ချင်း ရောက်ရှိသွားသည်။</p> <p> </p> <p>“မင်းတို့ရဲ့ စိတ်ကို စုစည်းပြီး ဒီစွမ်းအားကို ခံစားကြည့်ကြစမ်း”</p> <p> </p> <p>လင်းထျန်းလုံသည် တွန့်ဆုတ်ခြင်းအလျဉ်းမရှိဘဲ အဆင့်နိမ့်စွမ်းရည်များစွာကို ပေါင်းစပ်ထားသည့် ခုန်ပျံခြင်း စွမ်းရည်မြှင့်တင်မှု (ခရမ်းရောင်)၊ အမြန်နှုန်း စွမ်းရည်မြှင့်တင်မှု (ခရမ်းရောင်) နှင့် ခွန်အား စွမ်းရည်မြှင့်တင်မှု (ခရမ်းရောင်) စသည့် စွမ်းရည်သုံးခုကို စနစ်အကူအညီဖြင့် ထိုသုံးဦးထံသို့ တိကျစွာ လွှဲပြောင်းပေးလိုက်သည်။</p> <p> </p> <p>ဝုန်း... ဝုန်း... ဝုန်း။</p> <p> </p> <p>မတူညီသော၊ ကြီးမြတ်ခမ်းနားလှသည့် စွမ်းအားသုံးရပ်သည် စစ်မြေပြင်အနှံ့တွင် တာဝန်ကိုယ်စီ ထမ်းဆောင်နေကြသော စစ်သူကြီးသုံးဦး၏ ခန္ဓာကိုယ်များအတွင်းသို့ နတ်ဘုရားများ၏ ကောင်းချီးတစ်ခုပမာ စီးဆင်းဝင်ရောက်သွားခဲ့သည်။</p> <p> </p> <p>ပထမဆုံး စွမ်းအားသက်ရောက်သွားသူမှာတော့ ရန့်မြဲ့ပင် ဖြစ်သည်။</p> <p> </p> <p>သူသည် ကြယ်တာရာအကာအကွယ်နှင့် ဝိညာဉ်သစ်ပင်အစောင့်အရှောက်တို့၏ လုပ်ငန်းစဉ်တစ်ခုလုံးကို ချိတ်ဆက်ကာကွယ်ပေးရင်း ခံစစ်နယ်မြေ၏ အဓိကနေရာတွင် တပ်စွဲထားသည်။</p> <p> </p> <p>ခရမ်းရောင်အဆင့် စွမ်းအားမြှင့်တင်မှုသုံးခု သူ၏ခန္ဓာကိုယ်ထဲသို့ စီးဆင်းဝင်ရောက်လာခဲ့သည်။</p> <p> </p> <p>သို့သော် ထျန်းပင်းကဲ့သို့ ကြီးမားလွန်းသော ပြင်ပရုပ်သွင် ပြောင်းလဲမှုမျိုး မဖြစ်ပေါ်ခဲ့သော်လည်း သူ၏မျက်လုံးကိုကြည့်လိုက်လျှင်၊ ရေခဲပြာရောင်မျက်လုံးများ၏ နက်ရှိုင်းသောနေရာတွင် ရှေးဟောင်းရေခဲလွင်ပြင်ကြီးများ စုစည်းကာ ကျယ်ပြန့်လာသည့်အလား ထင်မှတ်ရပေသည်။</p> <p> </p> <p>သူ၏ မူလကတည်းက အစွမ်းထက်လွန်းသော အခြေခံ အရည်အသွေးသုံးရပ်ဖြစ်သည့် ခွန်အား၊ အမြန်နှုန်းနှင့် ခန္ဓာကိုယ်ကြံ့ခိုင်မှုတို့သည် ဤအခိုက်အတန့်တွင် အရည်အသွေးပိုင်းဆိုင်ရာအရ ကြီးမားသော အဆင့်ခုန်ပျံကျော်လွှားမှုတစ်ခုကို ဖြစ်ပေါ်လာခဲ့သည်။</p> <p> </p> <p>ခန္ဓာကိုယ်အတွင်းရှိ အကြွင်းမဲ့ရေခဲဝိညာဉ်၏ ဖြူလျော့လျော့ ရေခဲမီးလျှံများသည် လောင်စာသစ်များ ထိုးထည့်ခံလိုက်ရသည့်အလား ပိုမိုအေးစက်နက်ရှိုင်းစွာ လောင်ကျွမ်းလာတော့သည်။</p> <p> </p> <p>အကန့်အသတ်သို့ ရောက်ရှိနေပြီဖြစ်သည့် အဆင့်အတားအဆီးသည် ဤစွမ်းအား၏ တွန်းအားပေးမှုအောက်တွင် ဝုန်းကနဲ ကွဲအက်သွားတော့လေသည်။</p> <p> </p> <p>[စနစ်အသိပေးချက်]။  ။ပိုင်ရှင်၏ လက်အောက်ခံ ဝံပုလွေသားရဲ - ရန့်မြဲ့သည် ခရမ်းရောင်အဆင့် စွမ်းရည်လက္ခဏာရပ်ကို စုပ်ယူလိုက်ပါသည်။ အခြေခံစွမ်းရည်များ သိသိသာသာ တိုးတက်လာပါပြီ၊ လက်ရှိအဆင့်သည် အဆင့် ၃၀ (ဘုရင်အဆင့်) သို့ တက်လှမ်းသွားပါသည်။</p> <p> </p> <p>[စနစ်အသိပေးချက်]။  ။ပင်ကိုစွမ်းရည် အကြွင်းမဲ့ရေခဲဝိညာဉ် (ခရမ်းရောင် အဆင့်မြင့်) သည် တိုက်ပွဲအတွင်း အဆင့်မြင့်တက်သွားပြီး အကြွင်းမဲ့ရေခဲဝိညာဉ် (ရွှေရောင် အလယ်အလတ်) သို့ တက်လှမ်းသွားပါသည်။</p> <p> </p> <p>[စနစ်အသိပေးချက်]။  ။စွမ်းရည် မိစ္ဆာဝိညာဉ်ခွဲလက်သည်း (ခရမ်းရောင် အဆင့်မြင့်) စွမ်းအားသည် အခြေခံကျသော အဆင့်မြှင့်တင်မှုကို ရရှိခဲ့ပါသည်။</p> <p> </p> <p>မြေကမ္ဘာကို တုန်လှုပ်စေနိုင်လောက်သည့် ဆူညံပွက်လောရိုက်မှုမျိုး မရှိခဲ့သော်လည်း ရန့်မြဲ့၏ခန္ဓာကိုယ်မှ ထွက်ပေါ်လာသော အအေးဓာတ်က ရုတ်တရက် ပိုမိုသိပ်သည်းလာကာ အသက်အန္တရာယ်ကိုပါ ခြိမ်းခြောက်နိုင်စွမ်း ရှိလာသည်။</p> <p> </p> <p>သူစောင့်ကြပ်နေသော ခံစစ်နယ်မြေသည် တောက်ပသော အလင်းရောင်များဖြင့် လင်းလက်လာပြီး အကာအကွယ်တစ်ခုလုံး၏ တည်ငြိမ်မှုမှာလည်း တစ်ဆင့်မြင့်တက်သွားပုံရသည်။</p> <p> </p> <p>သူက ဝံပုလွေလက်သည်းကို တည်ငြိမ်စွာ မြှောက်လိုက်သည်။ လက်သည်းဖျားတွင် ရစ်ဝဲနေသည်က သာမန်ရေခဲများ မဟုတ်တော့ဘဲ ဝိညာဉ်ကိုပင် အေးခဲသွားစေနိုင်သည့် ဖြူလျော့လျော့ ရေခဲမီးလျှံများ ဖြစ်နေချေပြီ။</p> <p> </p> <p>နောက်တစ်ဦးမှာ ထျန်းပင်းပင် ဖြစ်သည်။</p> <p> </p> <p>သူသည် လက်ရှိတွင် ရူးသွပ်ကျောက်သားခန္ဓာ ယာယီအခြေအနေဖြင့် လိန့်ဟောင်နှင့် အကြမ်းပတမ်း ထိပ်တိုက်ရင်ဆိုင်နေချိန်ဖြစ်သည်။</p> <p> </p> <p>ခရမ်းရောင် စွမ်းအားမြှင့်တင်မှုသုံးခု ဝင်ရောက်လာချိန်တွင် လောင်ကျွမ်းနေသော မီးတောက်ပေါ်သို့ ဆူပွက်နေသော ဆီပူများ လောင်းချလိုက်သကဲ့သို့ ဖြစ်သွားတော့သည်။</p> <p> </p> <p>ဝုန်း...</p> <p> </p> <p>“အာဝူးး”</p> <p> </p> <p>ခန္ဓာကိုယ်မျက်နှာပြင်ပေါ်ရှိ တည်ငြိမ်မှုမရှိသော ကျောက်သားချပ်ဝတ်တန်ဆာ ပုံရိပ်ယောင်သည် ရုတ်တရက် အစစ်အမှန်ဖြစ်သွားသည့်အလား တည်ငြိမ်လာသည်။</p> <p> </p> <p>မှိုင်းညို့ညို့ ရွှေရောင်အမွေးအမျှင်များအောက်ရှိ ဖောင်းကြွနေသော ကြွက်သားများမှ ပေါ်ထွက်လာသည့် ခွန်အားများက များပြားလွန်းသဖြင့် ပေါက်ကွဲထွက်တော့မည့်အလား ခံစားလိုက်ရသည်။</p> <p> </p> <p>သူ၏အဆင့်သည်လည်း ချက်ချင်းဆိုသလို အဆင့် ၃၀ သို့ ချိုးဖောက်ဝင်ရောက်သွားခဲ့သည်။</p> <p> </p> <p>ပို၍အရေးကြီးသည်မှာ သွေးကြောထဲရှိ နှင်းမုန်တိုင်းတိုက်ပွဲဝိညာဉ် ပင်ကိုစွမ်းရည်သည် ဤသန့်စင်သော စွမ်းအား၏ လှုံ့ဆော်မှုအောက်တွင် ပိုမိုနက်ရှိုင်းသော လျှို့ဝှက်ချက်များကို ဖွင့်လှစ်နိုင်ခဲ့ခြင်းပင်။</p> <p> </p> <p>[စနစ်အသိပေးချက်]။  ။ပိုင်ရှင်၏လက်အောက်ခံ ဝံပုလွေသားရဲ - ထျန်းပင်းသည် ခရမ်းရောင်အဆင့် စွမ်းရည်၏ စွမ်းအားကို စုပ်ယူလိုက်ပါသည်။ အခြေခံစွမ်းရည်များ သိသိသာသာ တိုးတက်လာပါပြီ လက်ရှိအဆင့်သည် အဆင့် ၃၀ (ဘုရင်အဆင့်) သို့ တက်လှမ်းသွားပါသည်။</p> <p> </p> <p>[စနစ်အသိပေးချက်]။  ။ပင်ကိုစွမ်းရည် နှင်းမုန်တိုင်းတိုက်ပွဲဝိညာဉ် (ခရမ်းရောင် အဆင့်မြင့်) သည် ပြင်းထန်သော တိုက်ပွဲအတွင်း “တိုက်ပွဲရူးသွပ်ခြင်း” ဟူသော ဝိသေသလက္ခဏာသစ်တစ်ခုကို နိုးထလာစေပါသည်။</p> <p> </p> <p>တိုက်ပွဲရူးသွပ်ခြင်း။  ။ အသက်ရှင်သည်ဖြစ်စေ၊ သေဆုံးသွားသည်ဖြစ်စေ ရှေ့ဆက်ချီတက်မည့် စိတ်ဆန္ဒ။</p> <p> </p> <p>ကိုယ်ပိုင်အသက်စွမ်းအင် ၁၀ ရာခိုင်နှုန်း ဆုံးရှုံးသွားတိုင်း မိမိ၏ တိုက်ခိုက်မှုစွမ်းအား၊ အကာအကွယ်စွမ်းအားနှင့် တိုက်ပွဲဝင်လိုစိတ်တို့ ၁၅ ရာခိုင်နှုန်း တိုးတက်လာမည်ဖြစ်သည်။</p> <p> </p> <p>“ထပ်လာခဲ့စမ်း။ ဟား ဟား ဟား” ထျန်းပင်းသည် ဒဏ်ရာရလေ ပိုမိုရိုင်းစိုင်းကြမ်းတမ်းလာလေ ဖြစ်ကာ ကိုယ်တွင်း၌ ဖုံးကွယ်နေသည့် အဆုံးမဲ့စွမ်းအားများကို ခံစားလိုက်ရသည်။</p> <p> </p> <p>ထျန်းပင်းက နားကွဲမတတ် ဟိန်းဟောက်လိုက်ပြီး သူ၏ တိုက်ခိုက်မှုတိုင်းကလည်း ပို၍ရူးသွပ်ကာ အကြောက်အလန့်ကင်းမဲ့လာတော့သည်။</p> <p> </p> <p>လိန့်ဟောင်၏ မယိမ်းယိုင်သော ခံတပ်အကာအကွယ်ပေါ်သို့ လက်သည်းဖြင့် ပြင်းထန်စွာ ရိုက်ချလိုက်ရာ ဖျက်ဆီး၍မရနိုင်သည့်အလား ခိုင်ခံ့လွန်းသော မြေဝါရောင် အလင်းဒိုင်းကာကြီးပင် ပြင်းထန်စွာ လှိုင်းထသွားခဲ့လေသည်။</p> <p> </p> <p>လိန့်ဟောင်၏ မျက်နှာအမူအရာမှာ လုံးဝပြောင်းလဲသွားသည်။ ဤရူးသွပ်နေသောဝံပုလွေထံမှ အသက်အန္တရာယ် ခြိမ်းခြောက်မှု အစစ်အမှန်ကို သူခံစားလိုက်ရချေပြီ။</p> <p> </p> <p>နောက်ဆုံးတစ်ဦးမှာ ယင်းဖုန်းဖြစ်ပြီး သူ၏ပြောင်းလဲမှုက အထူးခြားဆုံး ဖြစ်သည်။</p> <p> </p> <p>သူသည် မီးပွားသုသေသနပညာရှင်အသင်း၏ စက်ရုပ်တပ်ဖွဲ့ကြားတွင် တစ္ဆေတစ်ကောင်အလား တိုးဝင်ဖြတ်သန်းနေပြီး တစ္ဆေရေခဲအရိပ်ထွက်ပြေးခြင်းကို အစွမ်းကုန်အသုံးပြုကာ ရေခဲခြေရာ ထောင်ချောက်များကို ချန်ထားရစ်ခဲ့သည်။ </p> <p> </p> <p>ခရမ်းရောင်အဆင့် စွမ်းအားမြှင့်တင်မှုသုံးခု စီးဝင်လာသောအခါ ရုတ်တရက် ထူးခြားသော အခြေအနေတစ်ရပ် ပေါ်ပေါက်လာတော့သည်။</p> <p> </p> <p>မူလကတည်းက လျှို့ဝှက်ဆန်းကြယ်လွန်းသော သူ၏အငွေ့အသက်များသည် ရုတ်တရက် အလွန် မတည်မငြိမ်ဖြစ်လာသည်။ </p> <p> </p> <p>နက်မှောင်နေသော အမွေးအမျှင်များသည် လေမတိုက်ဘဲ လှုပ်ရှားနေပြီး ခန္ဓာကိုယ်မှ မည်းနက်နေသော မီးခိုးငွေ့များ ထွက်ပေါ်လာကာ ချက်ချင်းပင် ပြန်လည်ပျောက်ကွယ်သွားခဲ့လေသည်။</p> <p> </p> <p>သူ၏ ခန္ဓာကိုယ်လေးမှာ သူဤစွမ်းအားကို ခုခံဆန့်ကျင်နေသည့်ကြားမှ အတင်းအကြပ် ပေါင်းစပ်လိုသဖြင့် အနည်းငယ် တုန်ယင်နေလေသည်။</p> <p> </p> <p>[စနစ်အသိပေးချက်]။  ။ပိုင်ရှင်၏ လက်အောက်ခံ ဝံပုလွေသားရဲ - ယင်းဖုန်းသည် ခရမ်းရောင် စွမ်းရည်၏ စွမ်းအားကို စုပ်ယူနေပါသည်။ အထူးသွေးမျိုးဆက် ပဋိပက္ခကို ရှာဖွေတွေ့ရှိပါသည်။ ခုန်ပျံခြင်း စွမ်းရည်မြှင့်တင်မှု (ခရမ်းရောင်) စွမ်းရည်၏ စွမ်းအားသည် ပယ်ချခံလိုက်ရပြီး ပျောက်ကွယ်သွားပါသည်။</p> <p> </p> <p>[စနစ်အသိပေးချက်]။  ။ယင်းဖုန်း၏ အမြန်နှုန်းစွမ်းရည်သည် လက်ရှိအဆင့်၏ အမြင့်ဆုံးကန့်သတ်ချက်သို့ ရောက်ရှိသွားပါသည်။</p> <p> </p> <p>[စနစ်အသိပေးချက်]။  ။ယင်းဖုန်းတွင် တစ္ဆေရေခဲအရိပ်ထွက်ပြေးခြင်း (ရွှေရောင် အလယ်အလတ်)၊</p> <p>လေစီးကြောင်းအမြန်နှုန်းမြှင့်တင်ခြင်း (ခရမ်းရောင် အဆင့်မြင့်) နှင့်</p> <p>အစွန်းရောက်အရိပ်လေဓားသွား (ခရမ်းရောင် · ထူးကဲအဆင့်အောက်) ကဲ့သို့သော အမြန်နှုန်းနှင့်ပတ်သက်သည့် ပင်ကိုစွမ်းရည်များ များစွာ ရှိနေကြောင်း တွေ့ရှိရပါသည်။</p> <p> </p> <p>အလွန်အမင်း ဖိအားပေးခံရမှုအောက်တွင် စွမ်းအင်ပဲ့တင်ထပ်မှု ဖြစ်ပေါ်လာပြီး သွေးမျိုးဆက်ပြောင်းလဲမှုနှင့်တကွ ပင်ကိုယ်စွမ်းရည်အသစ်ဖြစ်သော အရိပ်ဝိညာဉ် (ရွှေရောင် အဆင့်မြင့်) ကို နိုးထလာခဲ့ပါသည်။</p> <p> </p> <p>ဝုန်း။</p> <p> </p> <p>စစ်မြေပြင်ရှိ အာရုံခံစားမှု ထက်ရှသူအားလုံး၏ နှလုံးသားများကို တုန်လှုပ်သွားစေသော မှိုင်းညို့ညို့ ဖိအားတစ်ခုသည် ယင်းဖုန်းကို ဗဟိုပြု၍ ခဏတာလင်းလက်လာပြီး ပြန်လည်ပျောက်ကွယ်သွားသည်ကို ခံစားလိုက်ကြရသည်။</p> <p> </p> <p>အနောက်ဘက်ရှိ အရိပ်သည် အသက်ဝင်လာသည့်အလား ပိုမိုပေါ့ပါးသွက်လက်ပြီး အန္တရာယ်ကြီးမားလွန်းသော ဝံပုလွေနက်ပုံရိပ်ယောင်အဖြစ်သို့ စုစည်းသွားကာ သူ၏ခန္ဓာကိုယ်အတွင်းသို့ ပေါင်းစပ်ဝင်ရောက်သွားသည်။</p> <p> </p> <p>အဆင့်သည်လည်း အလားတူပင် အဆင့် ၃၀ (ဘုရင်အဆင့်) သို့ ထိုးတက်သွားခဲ့သည်။ ခန္ဓာကိုယ်မှာ ပိုမိုကျစ်လျစ်လာပြီး အမွေး အရောင်မှာလည်း ပိုမိုနက်မှောင်လာလေသည်။</p> <p> </p> <p>ယင်းဖုန်း၏ မျက်လုံးများ ပွင့်လာခဲ့ပြီး အလင်းရောင်ကိုပင် စုပ်ယူနိုင်စွမ်းရှိနေသည့်အလား ထင်မှတ်ရသည်။</p> <p> </p> <p>စွမ်းအားအသစ်များသည် ခန္ဓာကိုယ်အတွင်း၌ အပြင်းအထန် ရိုက်ခတ်နေခဲ့သည်။</p> <p> </p> <p>အရိပ်ဝိညာဉ်နှင့် တစ္ဆေရေခဲအရိပ်ထွက်ပြေးခြင်းတို့သည် အံ့မခန်း စွမ်းအင်ပဲ့တင်ထပ်မှုတစ်ရပ်ကို ဖြစ်ပေါ်စေခဲ့ပြီး အရိပ်နှင့် ရေခဲများအပေါ် သူ၏ထိန်းချုပ်နိုင်စွမ်းကို လုံးဝအဆင့်သစ်တစ်ခုသို့ ရောက်ရှိသွားစေခဲ့သည်။</p> <p> </p> <p>ဤအရာအားလုံး ဖြစ်ပျက်ရန် အချိန်ကြာမြင့်သည်ဟု ထင်ရသော်ငြား တကယ်တမ်းတွင်မူ မျက်တောင်တစ်ခတ်စာမျှသာ ကြာမြင့်ခဲ့ခြင်း ဖြစ်သည်။</p> <p> </p> <p>လေ့လာရေးကုန်းပတ်ပေါ်တွင် တိုက်ပွဲကို တင်းမာစွာ စောင့်ကြည့်နေကြသော ရှောင်လန်နှင့် ရှောင်ယင်းတို့၏ မျက်လုံးများ ချက်ချင်း ပြူးကျယ်သွားကြသည်။</p> <p> </p> <p>“ဝိုး... ဦးလေးထျန်းပင်းက အများကြီး ပိုပြီး အစွမ်းထက်လာသလိုပဲ” ရှောင်လန်က အောက်ဘက်ရှိ ကြောက်မက်ဖွယ်ကောင်းလောက်အောင် ခမ်းနားကြီးကျယ်နေသော ထျန်းပင်းကို လက်ညှိုးထိုးပြလိုက်သည်။</p> <p> </p> <p>ရှောင်ယင်းကလည်း ခေါင်းကို အဆက်မပြတ် ညိတ်ပြလိုက်ပြီး သူမ၏ မျက်နှာလေးပေါ်တွင် အံ့အားသင့်မှုများဖြင့် ပြည့်နှက်နေခဲ့လေသည်။</p> <p> </p> <p>“ဦးလေးယင်းဖုန်းလည်းပဲ... ခုနတုန်းက သူ နည်းနည်းကွဲပြားသွားသလိုပဲနော်”</p> <p> </p> <p>“ရှောင်လန်... ဒါက... ဝံပုလွေဦးလေးကြီး သုံးယောက်လုံး စစ်မြေပြင်မှာ တစ်ပြိုင်နက်တည်း အဆင့်တက်သွားကြတာလား၊ ဝံပုလွေဖေဖေ ဘာလုပ်လိုက်တာလဲ”</p> <p> </p> <p>“အဆင့်တင်မကဘူး၊ အဲ့တာ အရည်အသွေးပိုင်းဆိုင်ရာ ပြောင်းလဲမှုကြီးပဲ၊ ဦးလေးထျန်းပင်းရဲ့ တိုက်ပွဲဝင်လိုစိတ်က ရုပ်လုံးပေါ်လာမတတ်ပဲ၊ ဦးလေးရန့်မြဲ့ရဲ့ အေးစက်မှုကလည်း ငါ့ကိုတောင် အေးစိမ့်သွားစေတယ်...”</p> <p> </p> <p>“အထူးသဖြင့် ဦးလေးယင်းဖုန်းပဲ၊ စောစောက အငွေ့အသက်က ငါ့ရဲ့ အတိတ်ဘဝက ‘နက်ရှိုင်းသော တိတ်ဆိတ်ခြင်းနယ်မြေ’ မှာ ကြုံခဲ့ဖူးတဲ့ အရိပ်မိစ္ဆာတွေကို သွားသတိရစေတယ်”</p> <p> </p> <p>“ဝံပုလွေဖေဖေပဲ၊ ဟုတ်တယ် သူတို့ဆီကို စွမ်းအားသစ်တွေ လွှဲပြောင်းပေးလိုက်တာ ဝံပုလွေဖေဖေပဲ ဖြစ်ရမယ်၊ ဒီလို အုပ်စုလိုက် ဉာဏ်အလင်းပွင့်စေပြီး စုပေါင်းအဆင့်တက်စေတဲ့ နည်းလမ်းမျိုးကိုပါ ထုတ်သုံးနိုင်တာက…….”</p> <p> </p> <p>“ဝံပုလွေဖေဖေရဲ့ ဇာစ်မြစ်က ငါတို့ထင်ထားတာထက်တောင် ပိုပြီး အံ့ဩစရာကောင်းနေလိမ့်မယ်”</p> <p> </p> <p style="text-align: center;">***</p> <p> </p>


Save