Book List

<h2 style="text-align: center;">အခန်း (၂၀၉)</h2> <h2 style="text-align: center;">နံနက်ခင်းအလင်းသစ်နှင့် ရေရှည်စီမံကိန်း</h2> <h2 style="text-align: center;">*</h2> <p> </p> <p>လင်းထျန်းလုံသည် တိုတမ်မိခင်သစ်ပင်ကြီး၏ အမြစ်တွယ်နေသော နေရာတွင် လှဲလျောင်းနေရင်း မိခင်သစ်ပင်ကြီးထံမှ မြစ်ဖျားခံလာသော ပိုမိုထူထပ်၊ ကြီးမြတ်သည့် အသက်စွမ်းအင်များနှင့် သူ၏ ခန္ဓာကိုယ်တွင်းမှ တဟုန်ထိုးတက်လာသော စွမ်းအားများကို ခံစားနေသည်။</p> <p> </p> <p>အဆင့် ၃၂ ၏ အထွတ်အထိပ်သို့ ရောက်ရှိသွားပြီး စွမ်းရည်ပေါင်းစပ်ခြင်းစနစ်ကို ကနဦးနားလည်သဘောပေါက်သွားခြင်းက သူ့အား အနာဂတ်အတွက် မကြုံစဖူး ယုံကြည်မှုများကို ပေးစွမ်းနိုင်ခဲ့သည်။</p> <p> </p> <p>သေးငယ်သော ပုံရိပ်နှစ်ခုသည် သူ၏ရင်ဘတ်ပေါ်ရှိ အနူးညံ့ဆုံးနှင့် အထူဆုံး အမွေးအမျှင်များကြားသို့ ဘယ်ညာ တိုးဝင်လာကြသည်။</p> <p> </p> <p>“ဖေဖေ... ဟိုအရမ်းဆိုးတဲ့ လူဆိုးကြီးတွေက နောက်တစ်ခါ ထပ်မလာကြတော့ဘူးမလား” ရှောင်လန်က မော့ကြည့်လာပြီး မေးလိုက်လေ၏။ သူမ၏ ရှည်လျားသော မျက်တောင်လေးများပေါ်တွင် အိပ်ချင်မူးတူးဖြစ်နေသည့် အရိပ်အယောင်လေးများ ကပ်ငြိနေသေးသည်။</p> <p> </p> <p>ရှောင်ယင်းကမူ စကားမပြောသော်လည်း ထိုမေးခွန်းထုတ်လိုသည့် အကြည့်မျိုးဖြင့် သူ့ကို စူးစိုက်ကြည့်နေသည်။</p> <p> </p> <p>“လောလောဆယ်တော့ သူတို့မှာ လာရဲတဲ့သတ္တိ မရှိတော့ပါဘူး” လင်းထျန်းလုံက ခေါင်းငုံ့ကာ သူ့သမီးနှစ်ယောက်၏ ခေါင်းလေးများကို မေးစေ့ဖြင့် ညင်သာစွာ ပွတ်သပ်ပေးလိုက်သည်။</p> <p> </p> <p>သူ၏ နူးညံ့သိမ်မွေ့သော အတွေးများက သမီးလေးများ၏ ရင်ထဲရှိ နောက်ဆုံးကျန်ရစ်နေသော စိုးရိမ်ပူပန်မှုများကို ပြေပျောက်သွားစေသည်။</p> <p> </p> <p>“နောက်ဆိုရင် ဒီနေရာက ပိုပိုပြီး လုံခြုံလာသလို၊ ပိုပိုပြီးတော့လည်း လှပလာတော့မှာပါ”</p> <p> </p> <p>“ဝံပုလွေဖေဖေက ဒီတစ်ခါ တကယ်ကို စွမ်းအားတွေ အပြည့်အ၀ ထုတ်ပြလိုက်တာပဲ၊ ဒီတိုက်ပွဲအပြီးမှာ ပတ်ဝန်းကျင်က လူသားအင်အားစုတွေ ငါတို့ရဲ့ စွမ်းအားကို ပြန်အကဲဖြတ်ရတော့မယ်”</p> <p> </p> <p>“ဟုတ်တယ်... အနည်းဆုံးတော့ ငါတို့ ငြိမ်းချမ်းစွာ ဖွံ့ဖြိုးတိုးတက်ဖို့ အချိန်အများကြီး ရသွားတာပေါ့၊ နောက်ဆိုရင် ဒီအခြေခံအုတ်မြစ်ကို သေချာစီမံခန့်ခွဲရမယ်”</p> <p> </p> <p>သမီးလေးများကို နှစ်သိမ့်ပေးပြီးနောက် လင်းထျန်းလုံက သူ၏ အရည်အချင်းပြည့်ဝသော စစ်သူကြီးသုံးဦးထံသို့ အကြည့်ရွှေ့လိုက်သည်။</p> <p> </p> <p>ရန့်မြဲ့သည် ပျက်စီးနေသော အကာအကွယ် အချက်အချာတစ်ခုရှေ့တွင် မတ်တတ်ရပ်နေပြီး သူ၏နက်ရှိုင်းသော အပြာရောင် ရေခဲကြေးခွံချပ်ဝတ်တန်ဆာက နေရောင်အောက်တွင် သတ္တုရောင်များ လင်းလက်နေသည်။</p> <p> </p> <p>အဆင့် ၃၀ သို့ တက်လှမ်းလာပြီးနောက် ရေခဲစွမ်းအင်အပေါ် သူ၏ထိန်းချုပ်နိုင်စွမ်းက ပိုမိုသိမ်မွေ့လာခဲ့သည်။</p> <p> </p> <p>လက်ရှိတွင် သူသည် မိခင်သစ်ပင်၏ အသက်စွမ်းအင်နှင့် သူ၏ ကိုယ်ပိုင် အကြွင်းမဲ့ရေခဲဝိညာဉ်တို့မှ အေးစက်သောအငွေ့အသက်များကို အတိကျဆုံး လက်မှုပညာရှင်တစ်ဦးကဲ့သို့ လမ်းညွှန်ကာ စွမ်းအင်အချက်အချာတည်ဆောက်ပုံကို ပြုပြင်ခိုင်ခံ့စေလျက်ရှိသည်။</p> <p> </p> <p>ထို့ကြောင့် အကာအကွယ် ပြန်လည်ကောင်းမွန်လာသည့်အရှိန်က ပုံမှန်ထက် များစွာ သာလွန်နေလေသည်။</p> <p> </p> <p>ထျန်းပင်းကတော့ ငြိမ်ငြိမ်မနေနိုင်ပုံရသည်။ သူသည် ကြီးမားလွန်းသော ရွှေရောင်ရင့်ရင့် ခန္ဓာကိုယ်ကြီးဖြင့် ဝံပုလွေအသိုက်ထဲတွင် ခေါက်တုံ့ခေါက်ပြန် လမ်းလျှောက်နေလေသည်။</p> <p> </p> <p>သူ၏ခန္ဓာကိုယ်ပေါ်ရှိ မတည်မငြိမ်ဖြစ်နေသော ကျောက်သားချပ်ဝတ်အလွှာမှာ ပျောက်ကွယ်သွားခဲ့ပြီ ဖြစ်သော်လည်း အဆင့်တက်သွားခြင်းကြောင့် ရရှိလာသော စွမ်းအားများက သူ့ကို စိတ်လှုပ်ရှားဖွယ် အခြေအနေတစ်ခုတွင် ရှိနေစေသည်။</p> <p> </p> <p>သူ၏ ထက်ရှသော လက်သည်းများကို လေထဲသို့ ဝှေ့ယမ်းလိုက်တိုင်း ထွက်ပေါ်လာသည့် ပေါက်ကွဲသံများကြောင့် အနီးနားတွင် အနားယူနေကြသော လုပ်ကြံသတ်ဖြတ်သူများမှာ ရိုသေလေးစားစွာ ငေးကြည့်နေကြရသည်။</p> <p> </p> <p>အကြီးမားဆုံး အပြောင်းအလဲကတော့ ယင်းဖုန်းပင်ဖြစ်သည်။ ရေခဲအိမ်တစ်ခု၏ အရိပ်ထဲတွင် သူက တိတ်တဆိတ် လှဲလျောင်းနေလေ၏။</p> <p> </p> <p>ငွေပြာဘုရင်မျက်ဝန်း၏ ထက်ရှမှုသာ မရှိပါက သူ ယင်းဖုန်း၏ တည်ရှိမှုကို လုံးဝသိရှိနိုင်မည် မဟုတ်ပေ။ </p> <p> </p> <p>အရိပ်ဝိညာဉ်ကို အောင်မြင်စွာ နိုးထပြီးနောက် သူ၏အငွေ့အသက်များသည် အလွန်တရာ ထိန်းချုပ်ထားနိုင်လာပြီး အရိပ်များ၏ တစ်စိတ်တစ်ပိုင်းအဖြစ် အမှန်တကယ် ပြောင်းလဲသွားသကဲ့သို့ပင်။</p> <p> </p> <p>ထိုဖုံးကွယ်နေသော အန္တရာယ်ငွေ့အသက်များကလည်း ယခင်ကထက် ပိုမိုပြင်းထန်လာနေသည်။</p> <p> </p> <p>လင်းထျန်းလုံ တစ်ချက်တွေးလိုက်သည်နှင့် စစ်သူကြီးသုံးဦး၏ အဆင့်မြှင့်တင်ထားသော အချက်အလက်ပြမျက်နှာပြင်များ အားလုံးသည် အလင်းတန်းသုံးခုကဲ့သို့ သူ၏အသိစိတ်ထဲတွင် ရှင်းလင်းစွာ ပေါ်လာသည်။</p> <p> </p> <p>မနေ့ညက ပြင်းထန်သော တိုက်ပွဲအတွင်း သူ သတိမထားမိလိုက်သော ပြောင်းလဲမှုများစွာကို ယခု ရှင်းလင်းပြတ်သားစွာ ပြသထားလေသည်။</p> <p> </p> <p>[စနစ်အသိပေးချက်]။  ။ပိုင်ရှင်၏လက်အောက်ခံ နှင်းဝံပုလွေမျိုးနွယ်စု အစောင့်အရှောက်ခေါင်းဆောင် ရန့်မြဲ့၏ အချက်အလက်များ -</p> <p> </p> <p>အဆင့် - ၃၀ (ဘုရင်အဆင့်)</p> <p> </p> <p>သွေးမျိုးဆက် - နှင်းဖြူဝံပုလွေပြာ သွေးမျိုးဆက် (သန့်စင်ပြီး)</p> <p> </p> <p>ပင်ကိုစွမ်းရည်များ -</p> <p> </p> <p>[အကြွင်းမဲ့ရေခဲဝိညာဉ် (ရွှေရောင် - အလယ်အလတ်)]</p> <p> </p> <p>ဝိသေသလက္ခဏာ “အကြွင်းမဲ့ခန္ဓာကိုယ်” - ခန္ဓာကိုယ် ခုခံနိုင်စွမ်း သိသိသာသာ တိုးတက်လာကာ ရုပ်ပိုင်းဆိုင်ရာ တိုက်ခိုက်မှုများသည် ပြင်းထန်သော ရေခဲလောင်ကျွမ်းခြင်း အကျိုးသက်ရောက်မှုများကို ဖြစ်ပေါ်စေသည်။</p> <p> </p> <p>ဝိသေသလက္ခဏာ “ရေခဲမီးလျှံ” - အပူချိန်လျှော့ချခြင်းနှင့် လောင်ကျွမ်းခြင်း ဂုဏ်သတ္တိ နှစ်မျိုးလုံးပါဝင်သော အဖြူရောင်မီးတောက်များကို ထိန်းချုပ်နိုင်ပြီး စဉ်ဆက်မပြတ် ရောနှောပျက်စီးမှုကို ဖြစ်စေသည်။</p> <p> </p> <p>ဝိသေသလက္ခဏာ “ဝိညာဉ်အေးခဲခြင်း” - တိုက်ခိုက်တိုင်းတွင် ဝိညာဉ်ကို ထုံကျဉ်စေသော အအေးဒဏ်ကို သယ်ဆောင်လာကာ ရန်သူများအား စိတ်ဝိညာဥ်အေးခဲခြင်း အခြေအနေသို့ ရောက်ရှိစေနိုင်ခြေ မြင့်မားပြီး ၎င်းတို့၏ တုံ့ပြန်မှုများနှင့် စွမ်းအင်စီးဆင်းမှုများကို များစွာနှောင့်နှေးစေသည်။</p> <p> </p> <p>[ရေခဲကြေးခွံချပ်ဝတ်တန်ဆာ (ခရမ်းရောင် အဆင့်မြင့်)]</p> <p> </p> <p>ဝိသေသလက္ခဏာ “ကြံ့ခိုင်သောတံတိုင်း” - တက်ကြွစွာ အသက်သွင်းလိုက်သည့်အခါ ရုပ်ပိုင်းဆိုင်ရာနှင့် စွမ်းအင်အကာအကွယ်ကို အချိန်တိုအတွင်း ၅၀ ရာခိုင်နှုန်း ထပ်ဆောင်းတိုးမြှင့်ပေးသည်။</p> <p> </p> <p>ကျွမ်းကျင်မှုစွမ်းရည်များ -</p> <p> </p> <p>[မိစ္ဆာဝိညာဉ်ခွဲလက်သည်း (ခရမ်းရောင် အဆင့်မြင့်)] (စွမ်းအားမြှင့်တင်ထားသည်)</p> <p> </p> <p>ဝိသေသလက္ခဏာ “ဝိညာဉ်တိုက်စားခြင်း” - တိုက်ခိုက်မှုများသည် ရန်သူ၏ဝိညာဉ်ကို တိုက်စားနိုင်စေပြီး စဉ်ဆက်မပြတ် နာကျင်မှုကို ဖြစ်စေကာ ၎င်းတို့၏ စိတ်ပိုင်းဆိုင်ရာ ခွန်အားကို အားနည်းစေသည်။</p> <p> </p> <p>အကျဉ်းချုပ် - အခြေခံစွမ်းရည်များ (ခွန်အား၊ အမြန်နှုန်း၊ ကြံခိုင်မှု) သည် ရွှေရောင်စွမ်းရည်များ၏ အထောက်အပံ့ဖြင့် သိသိသာသာ တိုးတက်လာသည်။</p> <p> </p> <p>ရေခဲထိန်းချုပ်မှုနှင့် ခံတပ်အကာအကွယ်စွမ်းရည်များမှာလည်း အခြေခံကျကျ အားကောင်းလာကာ ဝံပုလွေအသိုက်၏ အခိုင်မာဆုံးသော ခံတပ်ကြီးဖြစ်လာသည်။</p> <p> </p> <p>[စနစ်အသိပေးချက်]။  ။ပိုင်ရှင်၏လက်အောက်ခံ နှင်းဝံပုလွေမျိုးနွယ်စု လုပ်ကြံသတ်ဖြတ်သူခေါင်းဆောင် ထျန်းပင်း၏ အချက်အလက်များ -</p> <p> </p> <p>အဆင့် - ၃၀ (ဘုရင်အဆင့်)</p> <p> </p> <p>သွေးမျိုးဆက် - နှင်းဝံပုလွေပြာသွေးမျိုးဆက် (သန့်စင်ပြီး)</p> <p> </p> <p>ပင်ကိုစွမ်းရည်များ -</p> <p> </p> <p>[ထာ၀ရဗာဂျရာခန္ဓာ (ရွှေရောင် - အဆင့်မြင့်)]</p> <p> </p> <p>ဝိသေသလက္ခဏာ “ပြောင်းပြန်အကြေးခွံ” - အကာအကွယ်ကို ချိုးဖျက်နိုင်လောက်အောင် ပြင်းထန်သော တိုက်ခိုက်မှုကို လက်ခံရရှိသောအခါ အလိုအလျောက် အလုပ်လုပ်နိုင်ခြေရှိပြီး အချိန်တိုအတွင်း ကာကွယ်မှုကို အဆမတန် တိုးမြှင့်ပေးကာ လက်ခံရရှိသော ပျက်စီးမှု၏တစ်စိတ်တစ်ပိုင်းကို သန့်စင်သော စွမ်းအင်လှိုင်းလုံးများအဖြစ် ပြန်လည်ရိုက်ခတ်လာသည်။</p> <p> </p> <p>[နှင်းမုန်တိုင်းတိုက်ပွဲဝိညာဉ် (ခရမ်းရောင် အဆင့်မြင့်)] (ဝိသေသလက္ခဏာသစ် နိုးထလာသည်)</p> <p> </p> <p>ဝိသေသလက္ခဏာ “တိုက်ပွဲရူးသွပ်ခြင်း” - သွေးစွမ်းအင် ၁၀ ရာခိုင်နှုန်း ဆုံးရှုံးသွားတိုင်း ကိုယ်ပိုင်တိုက်ခိုက်မှုစွမ်းအား၊ အကာအကွယ်နှင့် တိုက်ပွဲဝင်လိုစိတ်တို့ ၁၅ ရာခိုင်နှုန်း တိုးလာမည်ဖြစ်သည်။</p> <p> </p> <p>ကျွမ်းကျင်မှုစွမ်းရည်များ -</p> <p> </p> <p>[ပြင်းထန်ရေခဲဝါးမြိုခြင်း (ခရမ်းရောင် အဆင့်မြင့်)]</p> <p> </p> <p>ဝိသေသလက္ခဏာ “ဝိညာဉ်ဆုတ်ဖြဲခြင်း” - ကိုက်ခဲတိုက်ခိုက်မှုများသည် စိတ်ပိုင်းဆိုင်ရာ တုန်လှုပ်မှုကို သယ်ဆောင်လာကာ ရန်သူကို ခေတ္တမျှ ကြောက်ရွံ့သွားစေနိုင်ခြေရှိသည်။</p> <p> </p> <p>[ရူးသွပ်အားလှိုင်း (ခရမ်းရောင် - အဆင့်မြင့်)] (ခွန်းအား၊ တွန်းကန်မှုနှင့် သံချပ်ကာဖောက်ထွင်းနိုင်သော အကျိုးသက်ရောက်မှုများ တိုးမြှင့်ထားသည်)</p> <p> </p> <p>အကျဉ်းချုပ် - ခွန်အားနှင့် အကာအကွယ်များ အရည်အသွေးပိုင်းဆိုင်ရာအရ တိုးတက်လာခဲ့သည်။</p> <p> </p> <p>တိုက်ပွဲကြာလာသည်နှင့်အမျှ ပိုမိုအားကောင်းလာသည့် ဝိသေသလက္ခဏာက သူ့အား စစ်မြေပြင်တွင် အိပ်မက်ဆိုးတစ်ခုနှင့် ဖောက်ထွင်းရေးကိရိယာတစ်ခု  ဖြစ်လာစေသည်။</p> <p> </p> <p>[စနစ်အသိပေးချက်]။ ။ပိုင်ရှင်၏လက်အောက်ခံ နှင်းဝံပုလွေမျိုးနွယ်စု အမဲလိုက်ခေါင်းဆောင် ယင်းဖုန်း၏ အချက်အလက်များ -</p> <p> </p> <p>အဆင့် - ၃၀ (ဘုရင်အဆင့်)</p> <p> </p> <p>သွေးမျိုးဆက် - နှင်းဝံပုလွေပြာ သွေးမျိုးဆက် · အရိပ်မျိုးဗီဇပြောင်းလဲမှု</p> <p> </p> <p>ပင်ကိုစွမ်းရည်များ -</p> <p> </p> <p>[အရိပ်ဝိညာဉ် (ရွှေရောင် - အဆင့်မြင့်)] (အသစ်နိုးထလာသည်)</p> <p> </p> <p>ဝိသေသလက္ခဏာ “အရိပ်ခန္ဓာ” - အမြန်နှုန်းနှင့် ကိုယ်ပျောက်နိုင်စွမ်းကို သိသိသာသာ တိုးမြှင့်ပေးကာ အရိပ်များထဲသို့ လွတ်လပ်စွာ ပေါင်းစပ်ဝင်ရောက်ပြီး သွားလာနိုင်စေသည်။</p> <p> </p> <p>ဝိသေသလက္ခဏာ “အရိပ်ဝိညာဉ်” - စွမ်းအင်တိုက်ခိုက်မှုများအား ခုခံနိုင်စွမ်းကို မြှင့်တင်ပေးပြီး ရှောင်တိမ်းနိုင်စွမ်းကိုလည်း အလွန်တိုးတက်စေသည်။</p> <p> </p> <p>ဝိသေသလက္ခဏာ “အရိပ်ဘေးဒဏ်” - မိမိ၏အရိပ်ကို ခေတ္တထိန်းချုပ်ကာ သီးခြားတိုက်ခိုက်မှုများ သို့မဟုတ် ကာကွယ်မှုများကို လုပ်ဆောင်နိုင်သည်၊ အရိပ်သည် ပင်မခန္ဓာကိုယ်၏ အခြေခံစွမ်းရည်များနှင့် ကျွမ်းကျင်မှုအများစုကို ပိုင်ဆိုင်ထားသည်။</p> <p> </p> <p>[တစ္ဆေရေခဲအရိပ်ထွက်ပြေးခြင်း (ရွှေရောင် - အလယ်အလတ်)] (အရိပ်ဝိညာဉ်နှင့် နက်ရှိုင်းစွာ ပဲ့တင်ထပ်နေသည်၊ ကိုယ်ပျောက်ခြင်းနှင့် အရိပ်သွားလာခြင်း အကျိုးသက်ရောက်မှုများ တိုးမြှင့်ထားသည်)</p> <p> </p> <p>ဝိသေသလက္ခဏာ “ရေခဲခြေရာ” - အကျိုးသက်ရောက်မှုကို တိုးမြှင့်ထားသည်၊ ခြေရာများကို ပိုမိုဖုံးကွယ်ထားကာ ရေခဲပေါက်ကွဲမှု အဖျက်စွမ်းအားနှင့် အနှောင့်အယှက်ပေးနိုင်စွမ်း တိုးလာသည်။</p> <p> </p> <p>ကျွမ်းကျင်မှုစွမ်းရည်များ -</p> <p> </p> <p>[အရိပ်ကူးပြောင်းခြင်း (ခရမ်းရောင် အဆင့်မြင့်)] (ကူးပြောင်းနိုင်သော အကွာအဝေးနှင့် အကြိမ်အရေအတွက် တိုးလာသည်)</p> <p> </p> <p>[အစွန်းရောက်အရိပ်လေဓားသွား (ခရမ်းရောင် - အလယ်အလတ်)] (လေဓားသွားအမြန်နှုန်းနှင့် ကိုယ်ပျောက်နိုင်စွမ်း တိုးလာကာ အရိပ်တိုက်စားမှုကို သယ်ဆောင်ထားနိုင်သည်)</p> <p> </p> <p>[သဘာ၀အာရုံ ခြေရာခံခြင်း (ခရမ်းရောင် - အလယ်အလတ်)] (အာရုံခံနိုင်သော အကွာအဝေးနှင့် တိကျမှုတိုးလာသည်)</p> <p> </p> <p>အကျဉ်းချုပ် - ကိုယ်ပျောက်ခြင်း၊ အမြန်နှုန်းနှင့် လှည့်စားခြင်းတို့သည် အဆင့်အသစ်များသို့ ရောက်ရှိသွားကာ သူ့အား စစ်မှန်သော အရိပ်သခင်နှင့် စစ်မြေပြင်၏တစ္ဆေတစ်ကောင် ဖြစ်လာစေသည်။</p> <p> </p> <p>ပုံပန်းသဏ္ဍာန် မတူညီကြသော်လည်း အားကောင်းသော အငွေ့အသက်များ ထုတ်လွှင့်နေသည့် ဤလက်အောက်ခံ သုံးဦးကို ကြည့်ရင်း လင်းထျန်းလုံ၏ ရင်ထဲတွင် ဂုဏ်ယူမှုနှင့် တည်ငြိမ်မှုတို့ ပြည့်လျှံလာသည်။</p> <p> </p> <p>ယခင်ကထက် များစွာသာလွန်သော စွမ်းအားများ သူတို့ကိုယ်တွင်း၌ ဖြတ်သန်းစီးဆင်းနေသည်ကို သူ ရှင်းလင်းစွာ ခံစားသိရှိနိုင်သည်။</p> <p> </p> <p>ဤသည်မှာ ဝံပုလွေအုပ်စု၏ အခြေခံအုတ်မြစ်ဖြစ်ပြီး အနာဂတ်တွင် နယ်မြေချဲ့ထွင်ရန်အတွက် လက်သည်းများနှင့် အစွယ်များပင် ဖြစ်သည်။</p> <p> </p> <p>မနေ့ညက အဖြစ်အပျက်များအတွင ဝမ်းနည်းဖွယ် စွန့်လွှတ်အနစ်နာခံမှုများနှင့် ပြင်းထန်သော တိုက်ပွဲများသည် ယခုအခိုက်အတန့်တွင် တန်ဖိုးရှိသော ရလဒ်ကောင်းများအဖြစ် ပြောင်းလဲသွားချေပြီ။</p> <p> </p> <p>“ဖေဖေ... ဦးဦးတွေက အရမ်းမိုက်တာပဲ” ရှောင်လန်က မည်သည့်အချိန်ကတည်းက ရောက်နေမှန်းမသိ၊ လင်းထျန်းလုံ၏ အမူအရာကို အတုခိုးကာ စစ်သူကြီးသုံးဦးကို လေးနက်သော မျက်နှာလေးဖြင့် ကြည့်နေလေသည်။</p> <p> </p> <p>ရှောင်ယင်းကလည်း တီးတိုးထောက်ခံလိုက်သည်။ “အင်း... သမီးလည်း ပိုပြီးလုံခြုံလာသလို ခံစားရတယ်”</p> <p> </p> <p>“ဒီအဓိကမဏ္ဍိုင်ကြီးသုံးခုနဲ့ဆိုရင် ဝံပုလွေအသိုက်ရဲ့ အခြေခံအုတ်မြစ်က ခိုင်မာသွားပြီ၊ အချိန်ပေးနိုင်မယ်ဆိုရင် စစ်မှန်တဲ့ ဘုရင်အဆင့် စွမ်းအားရှင်တွေနဲ့တောင် ရင်ဆိုင်လို့ ရနိုင်လောက်တယ်”</p> <p> </p> <p>“တကယ်ပါပဲ... ဦးလေးထျန်းပင်းရဲ့ ရှေ့သို့ချီတက်ခြင်း ဝိသေသလက္ခဏာက စစ်မြေပြင်အတွက် သီးသန့်ဖန်တီးထားသလိုပဲ၊ ဦးလေးယင်းဖုန်းရဲ့ အရိပ်ဝိညာဉ်ကတော့ ခန့်မှန်းရ ပိုတောင်ခက်သေးတယ်..."</p> <p> </p> <p>“ဝံပုလွေဖေဖေရဲ့ ကွပ်ကဲမှုအောက်မှာ တကယ့်ကို ထူးချွန်တဲ့ သူရဲကောင်းတွေ စုဝေးနေတာပဲ”</p> <p> </p> <p>သမီးနှစ်ယောက်ကို နှစ်သိမ့်ပွတ်သပ်ပေးလိုက်ပြီးနောက် လင်းထျန်းလုံက အဝေးသို့ မျှော်ကြည့်လိုက်လေသည်။ </p> <p> </p> <p style="text-align: center;">***</p> <p> </p>


Save