Book List

<h2 style="text-align: center;">အခန်း(၁၃၅)</h2> <h2 style="text-align: center;">*</h2> <p> </p> <p>ကုချင်းရုပ်ပုံ၏ အောက်တွင် ရောင်စုံစာလုံးများ ရှိသည်။ အရိုးသားဆုံးဆိုရလျှင် ရှေးဟောင်းစာလိပ်ပေါ်မှ စာလုံးများကို သီရှီထျန် မသိပေ။ ယင်းတို့က သူနားလည်သော စာလုံးများမဟုတ်ကြောင်း လုံးဝ သေချာသည်။ သူက အတိတ်မှာ ထိုစာလုံးများနှင့် တစ်ခါမှ မထိတွေ့ခဲ့ဖူးပေ။ ယခင်ဘဝမှာ သူက ဘာသာစကားအနည်းငယ်နှင့် ရှေးခေတ်ကျောက်စာများကိုပင် လေ့လာခဲ့ဖူးသည်။ သို့တိုင် ထိုရောင်စုံစာလုံးများက မည်သည့်ဘာသာစကားဖြစ်ကြောင်း သူမသိပေ။</p> <p>သို့သော်လည်း အထူးဆန်းဆုံးသည် ထိုစာလုံးများကို သူမသိသော်လည်း ယင်းတို့ကို သူမြင်သွားသည့်အခိုက် သတင်းစကားတစ်ခုက သူ၏ စိတ်ထဲမှာ ရုတ်တရက် ထွက်ပေါ်လာသည်။ တစ်ချိန်တည်းမှာ ထိုစာလုံးများ၏ အဓိပ္ပာယ်က ထွက်ပေါ်လာသည်။</p> <p>ထိုသို့ခံစားမှုသည် လုံးဝ မယုံကြည်နိုင်ဖွယ်ကောင်းသည်။ ထိုသို့အရာကို ယခင်က တစ်ခါမှ သူမကြုံဖူးပေ။</p> <p>သီရှီထျန်၏ မျက်လုံးထဲ၌ မှိတ်တုတ်မှိတ်တုတ်အလင်း ဆက်တိုက် ထွက်ပေါ်လာသည်။ ရှင်းလင်းစွာပင် သူက စိတ်အေးအေး မထားနိုင်ပေ။ သူ၏ စိတ်ထဲမှာ ရှေးဟောင်းစာလိပ်အကြောင်း အကြမ်းဖျဉ်း ထွက်ပေါ်လာသည်။</p> <p>ရောင်စုံစာလုံးများ၏ အဓိပ္ပာယ်သည်လည်း ရှင်းလင်းသွားသည်။</p> <p>ထိုစာလုံးများကို ဘာသာပြန်ရသော်…</p> <p>“ ဒီလောကရဲ့ သက်ရှိအားလုံးဆီမှာ ဝိညာဉ်ဆိုတာ ရှိတယ်… ဝိညာဉ်ရှိရင် စိတ်ခံစားချက်နဲ့ လိုအင်ဆန္ဒတွေ ရှိလိမ့်မယ်… စိတ်ခံစားချက်ခုနစ်မျိုးဟာ ပျော်ရွှင်မှု၊ ဒေါသ၊ စိုးရိမ်မှု၊ လွမ်းဆွေးမှု၊ ဝမ်းနည်းမှု၊ ကြောက်ရွံ့မှုနဲ့ ထိတ်လန့်မှုတို့ ဖြစ်ကြတယ်… လိုအင်ဆန္ဒခြောက်မျိုးဟာ မြင်ရခြင်း၊ ကြားရခြင်း၊ အနံ့ရခြင်း၊ အရသာခံခြင်း၊ ထိတွေ့ခြင်းနဲ့ ခံစားရခြင်းတို့ ဖြစ်ကြတယ် ”</p> <p>“ စိတ်ခံစားချက်ခုနစ်မျိုးနဲ့ လိုအင်ဆန္ဒခြောက်မျိုးက သက်ရှိတွေကို အရှေ့ဆက်သွားစေမယ့် လောင်စာစွမ်းအင်တွေ ဖြစ်ကြတယ်… သူတို့က မူလဒုစရိုက်ခုနစ်ပါးလည်း ဟုတ်တယ်… ကိုယ်ရဲ့ လိုအင်ဆန္ဒတွေကို ထိန်းချုပ်နိုင်တဲ့လူက အထွတ်အထိပ်ကို ရောက်ရှိနိုင်လိမ့်မယ်… ကိုယ်ရဲ့ လိုအင်ဆန္ဒတွေအောက်မှာ အကျဉ်းချခံလိုက်ရတဲ့ လူတွေက ကိုယ်ပိုင်အသိစိတ်ဆုံးရှုံးသွားပြီး မကောင်းဆိုးဝါးတွေ ဖြစ်လာကြလိမ့်မယ် ”</p> <p>“ တေးဂီတဟာ သက်ရှိအားလုံးရဲ့ အတွင်းစိတ်စကားသံ ဖြစ်တယ်… တေးဂီတက နှလုံးသားထဲက ပျော်ရွှင်ခြင်း၊ ဝမ်းနည်းခြင်း အစရှိတဲ့ စိတ်ခံစားချက်တွေကို ဖော်ပြပေးနိုင်တယ်… ”</p> <p>“ ဒါကြောင့် စိတ်ခံစားချက်ခုနစ်မျိုးနဲ့ လိုအင်ဆန္ဒခြောက်မျိုးကို ဒုစရိုက်ခုနစ်ပါးလို့ ခေါ်ကြတယ်… ဒီလောကမှာ ဒုစရိုက်ခုနစ်ပါးနတ်ဘုရားတေးသွား ရှိတယ်… အဲ့ဒါကို တီးခတ်လိုက်တဲ့အခါ ကောင်းကင်နဲ့ မြေပြင်က ပျော်ရွှင်သွားလိမ့်မယ်… တစ္ဆေတွေနဲ့ နတ်ဘုရားတွေက ငိုကြွေးကြလိမ့်မယ်… အရာအားလုံးဟာ ဂီတသံစဉ်အတိုင်း လိုက်နာကြရလိမ့်မယ် ”</p> <p>ရှေးဟောင်းစာလိပ်ပေါ်မှာ စာလုံးအများကြီး ရှိသည်။ သို့သော် ထိုစာလုံးအားလုံး၏ အဓိကဆိုလိုရင်းက ဒုစရိုက်ခုနစ်ပါးနတ်ဘုရားတေးသွား၏ မိတ်ဆက်အကြောင်းအရာ ဖြစ်သည်။</p> <p>“ မဟုတ်မှ ဒီအောက်မှာ ရေးထားတဲ့ အဲ့ဒီဖားလောင်းစာတွေက ဒုစရိုက်ခုနစ်ပါးနတ်ဘုရားတေးသွားရဲ့ ဂီတသံစဉ်တွေလား ”</p> <p>သီရှီထျန်၏ စကားသံထဲမှာ ခါးသီးသော အရိပ်အမြွက် ပါရှိသည်။ ရှေးဟောင်းစာလိပ်၏ အောက်ဘက်နားတွင် ဖားလောင်းများနှင့် ဆင်တူသော စာလုံးများ ရှိသည်။ သူ့အထင် ယင်းတို့က လျှို့ဝှက်ဆန်းကြယ်သော ဂီတသံစဉ်များ ဖြစ်ရမည်။ သို့သော်လည်း ထိုဂီတသံစဉ်များကို သူနားမလည်ပေ။</p> <p>ထိုဖားလောင်းစာများက အလွန်ထူးဆန်းသည်။ ယင်းတို့က ဂီတသံစဉ်များနှင့် မတူညီပေ။ အထူးဆန်းဆုံးမှာ သီရှီထျန်က ထိုဖားလောင်းစာများကို ကြည့်လိုက်ပြီး ခါးသီးစွာ ပြုံးလိုက်သည့်အခိုက် သူမမျှော်လင့်ထားသော အပြောင်းအလဲတစ်ခု ဖြစ်ပေါ်လာသည်။</p> <p>မရေမတွက်နိုင်အောင် များပြားလှသော ဖားလောင်းစာများက မျက်စိတစ်မှိတ်အတွင်းမှာ အသက်ဝင်လာကြသည်။ ယင်းတို့က စတင်ရွေ့လျားသွားကြပြီး ရောင်စုံအလင်းကို ထုတ်လွှတ်လိုက်ကြသည်။ နောက်အခိုက်အတန့်မှာ ထိုဖားလောင်းစာများက ရှေးဟောင်းစာလိပ်ထဲမှ ထွက်လာကြပြီး မည်သည့်သတိပေးမှုမှမရှိဘဲ သူ၏ နဖူးထဲသို့ တိုက်ရိုက် ဝင်ရောက်သွားကြသည်။</p> <p>“ အား… ”</p> <p>ထိုအပြောင်းအလဲက လွန်စွာ ရုတ်တရက်ဆန်သည်။ သီရှီထျန်သည် ထိုသို့ဖြစ်လာမည်ဟု မမျှော်လင့်ထားသောကြောင့် အော်ဟစ်လိုက်ရသည်။ တစ်ချိန်တည်းမှာ သူမတောင့်ခံနိုင်သော နာကျင်မှုက သူ၏ အသိစိတ်ထဲမှာ ရုတ်တရက် ထွက်ပေါ်လာသည်။ နှလုံးကွဲကြေသော နာကျင်မှုက သူ၏ ရုပ်ခန္ဓာကိုယ်နှင့် စိတ်ဝိညာဉ်ထဲမှ တစ်ပြိုင်နက် ထွက်ပေါ်လာသည်။</p> <p>ယင်းက သူတောင့်ခံနိုင်သည်ထက် အများကြီး ကျော်လွန်သွားသည်။ နောက်အခိုက်အတန့်မှာ သီရှီထျန်က ပြင်းထန်သော နာကျင်မှုကြောင့် နေရာမှာတင် သတိမေ့မြောသွားသည်။</p> <p>သူ၏ ခြေထောက်လေးချောင်းက ရုတ်တရက် ဂျယ်လီသဖွယ် ပျော့ခွေသွားပြီး သူ၏ ခန္ဓာကိုယ်က မြေကြီးပေါ်သို့ ပြိုလဲကျသွားသည်။</p> <p>သီရှီထျန်က သတိမေ့မြောနေသော်လည်း ရှေးဟောင်းစာလိပ်ထဲမှ ဖာလောင်းစာများက မရပ်တန့်သွားပေ။ ယင်းတို့က ရှေးဟောင်းစာလိပ်ထဲမှ ဆက်တိုက် ထွက်ပေါ်လာကြပြီး သူ၏ စိတ်ထဲသို့ တစ်ခုပြီးတစ်ခု ဝင်ရောက်သွားကြသည်။ တစ်ချိန်တည်းမှာ ရှေးဟောင်းစာလိပ်ပေါ်မှ စာလုံးများက မြန်ဆန်စွာ ပျောက်ကွယ်သွားကြသည်။ ဤသည်မှာ ယင်းတို့အားလုံးက သီရှီထျန်၏ စိတ်ထဲသို့ ဝင်ရောက်သွားကြသည့်အလားပင်။</p> <p>ထူးဆန်းသော ထိုအဖြစ်အပျက်သည် မိနစ်အနည်းငယ်ကြာသည်အထိ ဖြစ်ပျက်နေခဲ့သည်။</p> <p>နောက်ဆုံးဖားလောင်းစာလုံးက သီရှီထျန်၏ စိတ်ထဲသို့ ဝင်ရောက်သွားသည်နှင့် ရှေးဟောင်းစာလိပ်ပေါ်မှ ရောင်စုံအလင်းက ရုတ်တရက် မှေးမှိန်သွားသည်။ အကယ်၍ ယခုအချိန်မှာ တစ်စုံတစ်ယောက်က ရှေးဟောင်းစာလိပ်ကို ကောက်ယူပြီး ကြည့်မည်ဆိုလျှင် သူက သေချာပေါက် အံ့ဩသွားလိမ့်မည်။ ရှေးဟောင်းစာလိပ်က ဗလာဖြစ်သွားသည်။ ယင်းပေါ်မှာ ကုချင်းရုပ်ပုံကားချပ်မရှိတော့သကဲ့သို့ လျှို့ဝှက်ဆန်းကြယ်သော ရောင်စုံစာလုံးများလည်း မရှိတော့ပေ။ ယင်းက အဝါရောင်ဗလာစာရွက် ဖြစ်သွားသည်။</p> <p>ယင်းက အမှန်တကယ် ထူးခြားဆန်းကြယ်သည်။</p> <p>လှိုဏ်ဂူသည် တိတ်ဆိတ်ငြိမ်သက်နေသည်။ ထျန်းအင်ပါယာရတနာသေတ္တာမှ ထုတ်လွှတ်နေသော အလင်းရောင်ကြောင့် လှိုဏ်ဂူက လင်းထိန်နေသည်။ မူလက မည်းမှောင်နေသော လှိုဏ်ဂူထဲမှာ ထျန်းအင်ပါယာရတနာသေတ္တာတစ်ခုတည်းက အလင်းရောင်ကို ထုတ်လွှတ်ပေးနေလေရာ ယင်းက ထူးခြားအံ့ဖွယ်ကောင်းသည်။ ရတနာသေတ္တာ၏ အရှေ့တွင် ကျားနက်တစ်ကောင်က တိတ်တဆိတ် လဲလျောင်းနေသည်။ ကျားနက်က နှစ်ချိုက်စွာ အိပ်မောကျနေဟန် ရသည်။ အသက်ရှူသွင်းရှူထုတ်သံကို လှိုဏ်ဂူထဲမှာ ရှင်းလင်းစွာ ကြားနိုင်ပေသည်။</p> <p>အချိန်က တရွေ့ရွေ့ ကုန်ဆုံးသွားသည်။ နှစ်နာရီခန့် ကုန်ဆုံးသွားသည်။</p> <p>နောက်ဆုံးမှာ အနက်ရောင်ကျား၏ မှိတ်ထားသော မျက်လုံးများက ဖြည်းညင်းစွာ ပြန်ဖွင့်သွားသည်။</p> <p>“ ရှေးဟောင်းစာလိပ်က ဒီလောက်တန်ဖိုးကြီးမားတဲ့ ရတနာဖြစ်မယ်လို့ ငါမမျှော်လင့်ထားဘူး… စိတ်မကောင်းစရာက အဲ့ဒီနတ်ဘုရားတေးသွားက မပြည့်စုံဘူး ”</p> <p>အိပ်မောကျနေရာမှ ပြန်နိုးလာသော သီရှီထျန်၏ မျက်လုံးထဲမှာ ထူးဆန်းသောအကြည့် ထွက်ပေါ်လာသည်။ သူ့မျက်လုံးထဲမှာ အသူရာချောက်နက်တစ်ခု ရှိနေဟန် ရ၏။ ယင်းက သူ့မျက်လုံးအား တိုက်ရိုက် ကြည့်လိုက်သူများကို မိန်းမောသွားစေလိမ့်မည်။ ထို့ပြင် သူ့မျက်လုံးထဲမှာ ပျော်ရွှင်မှု၊ ဝမ်းနည်းမှု၊ လွမ်းဆွေးမှု အစရှိသော စိတ်ခံစားချက်အမျိုးမျိုး ထွက်ပေါ်နေသည်။ စိတ်ခံစားချက်အမျိုးမျိုးက တစ်ချိန်တည်းမှာ အတူတကွ ရောထွေးနေလေရာ ယင်းကို နားလည်ရန် ခက်ခဲပေသည်။</p> <p>အမှန်မှာ ယင်းက ထူးဆန်းသောကိစ္စ မဟုတ်ပေ။ အစောနက သူကြုံတွေ့ခဲ့ရသော အရာကို သူတို့က တူညီစွာ ကြုံတွေ့မည်ဆိုလျှင် သူတို့သည်လည်း သူ့နည်းတူ ခံစားရလိမ့်မည်။</p> <p>“ လက်စသတ်တော့ ရှေးဟောင်းစာလိပ်ထဲမှာ နတ်ဘုရားတေးသွားတစ်ပုဒ်ကို မှတ်တမ်းတင်ထားတာကို… အဲ့ဒီတေးသွားကို ဒုစရိုက်ခုနစ်ပါးနတ်ဘုရားတေးသွားလို့ ခေါ်တယ် ”</p> <p>ဒုစရိုက်ခုနစ်ပါးနတ်ဘုရားတေးသွားထဲမှာ လှုပ်ရှားမှုခုနစ်မျိုး ပါဝင်သည်။ လှုပ်ရှားမှုတစ်မျိုးစီက အလွန်အံ့ဖွယ်ကောင်းပြီး မှော်ဆန်သော စွမ်းရည်ကို ပိုင်ဆိုင်ထားသည်။ ယင်းက ဂီတသံစဉ်၏ အထွတ်အထိပ် တိုက်ခိုက်မှု ဖြစ်သည်။</p> <p>တစ်စုံတစ်ယောက်က ဒုစရိုက်ခုနစ်ပါးနတ်ဘုရားတေးသွားကို တီးခတ်လိုက်မည်ဆိုလျှင် မိုးမြေက ပျက်စီးပြိုကွဲသွားပြီး တစ္ဆေများနှင့် နတ်ဘုရားများက ကြောက်လန့်တုန်လှုပ်သွားကြလိမ့်မည်။ ယင်း၏ စွမ်းအားက ဖော်မပြနိုင်အောင် အလွန်အံ့ဖွယ်ကောင်းသည်။</p> <p>သို့သော်လည်း စိတ်မကောင်းစရာမှာ ဤရှေးဟောင်းစာလိပ်ထဲတွင် ဒုစရိုက်ခုနစ်ပါးနတ်ဘုရားတေးသွား၏ လှုပ်ရှားမှုနှစ်မျိုးကိုသာ မှတ်တမ်းတင်ထားသည်။ ကျန်ငါးမျိုးသည်တော့ ပျောက်ဆုံးနေသည်။ ထို့ကြောင့် သူရရှိထားသော ဒုစရိုက်ခုနစ်ပါးနတ်ဘုရားတေးသွားက မပြည့်စုံပေ။ ထို့ပြင် ဒုစရိုက်ခုနစ်ပါးနတ်ဘုရားတေးသွားကို လက်ဗလာဖြင့် မတီးခတ်နိုင်ပေ။ ယင်းကို တီးခတ်ရန် ဂီတတူရိယာတစ်ခု လိုအပ်သည်။ မှန်ပေသည်။ ယင်းက ကုချင်း ဖြစ်သည်။</p> <p>ဒုစရိုက်ခုနစ်ပါးနတ်ဘုရားတေးသွားကို ကြိုးကိုးချောင်းကုချင်းဖြင့် တီးခတ်ရလိမ့်မည်။ ထိုအတွက် တစ်စုံတစ်ယောက်သည် ဂီတပညာတွင် မြင့်မားသော အရည်အချင်းရှိရမည်။ သို့ဖြစ်၍ ဒုစရိုက်ခုနစ်ပါးနတ်ဘုရားတေးသွားကို တီးခတ်ရန် လိုအပ်ချက်များက အလွန်ခက်ခဲပေသည်။</p> <p>“ တကယ်လို့ ဒုစရိုက်ခုနစ်ပါးနတ်ဘုရားတေးသွားက ရှေးဟောင်းစာလိပ်ထဲမှာ ဖော်ပြထားတဲ့အတိုင်း တကယ်အစွမ်းထက်တယ်ဆိုရင် အဲ့ဒါက အထွတ်အထိပ် တိုက်ခိုက်ရေးပညာရပ်တစ်ခု ဖြစ်လိမ့်မယ်… ဒါပေမဲ့ ဂီတအကြောင်း ငါဘာမှမသိဘူး ”</p> <p>စက်ကရာ၏ မျက်လုံးထဲမှာ အကူအညီမဲ့မှု ထွက်ပေါ်လာလေသည်။ သူသည် အတိတ်ဘဝတွင် ဉာဏ်ကြီးရှင်တစ်ယောက် ဖြစ်ခဲ့သည်။ သို့သော်လည်း သူ၏ ပါရမီကို စီးပွားရေးတွင်သာ အသုံးပြုခဲ့သည်။ သူ့မှာ အချိန်နှင့် စွမ်းရည် အလုံအလောက်မရှိသောကြောင့် တခြားနယ်ပယ်များကို သူမလေ့လာခဲ့ပေ။</p> <p>သူက စစ်တုရင်ပညာနှင့် လက်ရေးအလှပညာကို သင်ယူခဲ့ပြီး ထိုနယ်ပယ်များတွင် အောင်မြင်မှုတချို့ ရရှိခဲ့သည်။ သို့သော်လည်း ဂီတနယ်ပယ်တွင် သူ့မှာ မည်သည့်အခြေခံမှ မရှိပေ။ ဂီတနှင့် သံစဉ်များအကြောင်း သူဘာမှမသိပေ။ သံစဉ်များကို မည်သို့ဖတ်ရမည်ဖြစ်ကြောင်းပင် သူမသိပေ။ ဂီတနယ်ပယ်တွင် သူ၏ သိနားလည်မှုက သုညဖြစ်သည်။</p> <p>ထို့ကြောင့် သူက ခါးသီးစွာ သက်ပြင်းချလိုက်သည်။ အကယ်၍ အတိတ်ဘဝမှာသာ သူက ကုချင်းတီးခတ်နည်းကို သင်ယူခဲ့မည်ဆိုလျှင် ယခုအခြေအနေမှာ ကူကယ်ရာမဲ့နေလိမ့်မည် မဟုတ်ချေ။</p> <p>မှန်ပေသည်။ ဤလောကတွင် နောင်တအတွက် ဖြေဆေးမရှိပေ။</p> <p>ယင်းကို သီရှီထျန် ကောင်းကောင်း နားလည်သည်။ ထို့ကြောင့် သူက အများကြီး စဉ်းစားမနေပေ။ တစ်ခဏ တွေးတောပြီးနောက် သူက ယင်းကို သူ့ခေါင်းထဲမှ ထုတ်ပစ်လိုက်သည်။</p> <p>“ ကြည့်ရတာ အနာဂတ်ကျရင် ငါ ကုချင်းတီးခတ်နည်းကို သင်ဖို့ နည်းလမ်းတစ်ခုခု ရှာဖွေရလိမ့်မယ် ”</p> <p>တစ်ခဏကြာ စဉ်းစားပြီးနောက် သီရှီထျန်က သူ့စိတ်ထဲမှာ လျှို့ဝှက်စွာ ဆုံးဖြတ်ချက်ချလိုက်သည်။ ဒုစရိုက်ခုနစ်ပါးနတ်ဘုရားတေးသွား၏ စွမ်းအားက မေးခွန်းထုတ်ရန် မလိုပေ။ ယင်းက အလွန်အစွမ်းထက်သော ဂီတတိုက်ခိုက်ရေးပညာရပ် ဖြစ်သည်။ ယင်းကို သေချာပေါက် သူသင်ယူမည်။ လက်လျော့ခြင်းဟူသော စကားလုံးက သူ၏ အဘိဓာန်မှာ မရှိပေ။ ကုချင်းကို မည်သို့တီးခတ်ရမည်ဖြစ်ကြောင်း သူမသိထားခြင်းက အရေးမကြီးပေ။ အနာဂတ်မှာ ကုချင်းတီးခတ်နည်းကို သူသင်ယူနိုင်ပေသည်။</p> <p>ထို့ပြင် သူက ဂီတအကြောင်း အများကြီး စိတ်ဝင်စားသည်။ တစ်ခုသိထားရမည်မှာ သူ၏ ကျားဟိန်းသံအတတ်က အသံလှိုင်းတိုက်ခိုက်ရေးပညာရပ် ဖြစ်သည်။ ထို့ပြင် ယခု သူက မိစ္ဆာခန္ဓာကိုယ်ဖြင့် ရှိနေလေရာ ကုချင်းတီးခတ်နည်းကို မည်သို့သင်ယူနိုင်မည်နည်း။ လက်ရှိ သူသည် ဂီတအကြောင်း သင်ယူရန် အလွန်ခက်ခဲသည်။</p> <p>မည်သို့ဖြစ်ပါစေ တောင်ပိုင်းမြေရိုင်းဒေသထဲမှာ ဂီတအကြောင်းနှင့် ကုချင်းတီးခတ်နည်းအကြောင်း သိထားသော မိစ္ဆာသားရဲတစ်ကောင် ရှိနေလိမ့်မည်ဟု သူမမျှော်လင့်ပေ။</p> <p>ထို့ကြောင့် ဂီတအကြောင်းနှင့် ကုချင်းတီးခတ်နည်းအကြောင်း သူသင်ယူချင်လျှင် လူသားလောကဆီသို့ သေချာပေါက် သွားရလိမ့်မည်။</p> <p>အလင်းရောင်က သူ၏ မျက်လုံးထဲမှာ ဖြတ်ပြေးသွားသည်။ သူက စိတ်ထဲမှာ တိတ်တဆိတ် တွေးတောလိုက်သည်။</p> <p>သူက ဒုစရိုက်ခုနစ်ပါးနတ်ဘုရားတေးသွားကို သင်ယူရန် စိတ်ဆုံးဖြတ်လိုက်ပြီ ဖြစ်၏။ သို့ဖြစ်၍ ကုချင်းကောင်းကောင်းတစ်ခုကို မဖြစ်မနေ သူလိုအပ်လိမ့်မည်။ ဂီတအကြောင်းနှင့် သံစဉ်အကြောင်း သင်ယူချင်လျှင် သူ့လက်ထဲမှာ အရင်ဆုံး ဂီတတူရိယာတစ်ခု ရှိရမည်။ ဂီတတူရိယာမရှိဘဲ ဂီတအကြောင်း မည်သို့ သူသင်ယူလေ့လာနိုင်မည်နည်း။</p> <p>ဤသို့ တွေးကြည့်နိုင်သည်။ အကယ်၍ တစ်စုံတစ်ယောက်က ရန်သူကို တိုက်ခိုက်ရန် ဂီတသံစဉ်များကို ထုတ်လွှတ်လိုက်သော်လည်း သူ့လက်ထဲမှ ပုလွေက ကြီးမားသော စွမ်းအားကို မတောင့်ခံနိုင်သောကြောင့် ရုတ်တရက် ပေါက်ကွဲသွားသည်။ ထိုအခါ ဂီတတူရိယာကို ဆုံးရှုံးသွားရုံသာမက သူကိုယ်၌သည်လည်း ကြီးမားသော တန်ပြန်သက်ရောက်မှုဒဏ်ကို ခံစားရလိမ့်မည်။</p> <p>ထို့ကြောင့် ဒုစရိုက်ခုနစ်ပါးနတ်ဘုရားတေးသွားကို သူသင်ယူချင်လျှင် ကုချင်းကောင်းကောင်းတစ်ခုကို သေချာပေါက် သူလိုအပ်လိမ့်မည်။</p> <p>ကုချင်း… ။</p> <p>လောလောဆယ်တွင် သီရှီထျန်ဆီမှာ ကုချင်းမရှိပေ။</p> <p>“ မဟုတ်ဘူး… ကုချင်းတစ်ခုကို ငါဖန်တီးသန့်စင်ရမယ်… ရှေးဟောင်းစာလိပ်ထဲမှာ ဖော်ပြထားတာက ဒုစရိုက်ခုနစ်ပါးနတ်ဘုရားတေးသွားကို ကြိုးကိုးချောင်းကုချင်းနဲ့ပဲ တီးခတ်နိုင်တယ်… သာမန်ကုချင်းတွေမှာ ကြိုးကိုးချောင်းမရှိနိုင်ဘူး ”</p> <p>ထိုအကြောင်းကို သီရှီထျန် စဉ်းစားနေစဉ် ရှေးဟောင်းစာလိပ်ထဲမှာ သူမြင်တွေ့ခဲ့သော ကြိုးကိုးချောင်းကုချင်းပုံရိပ်က သူ့စိတ်ထဲမှာ ထူးခြားဆန်းကြယ်စွာ ထွက်ပေါ်လာသည်။ ရှင်းလင်းစွာပင် ထိုရုပ်ပုံထဲမှ ကုချင်းဆီမှာ ကြိုးကိုးချောင်းရှိသည်။ ထို့ပြင် ထူးဆန်းသော သတင်းအချက်အလက်တစ်ခုကိုလည်း ရှေးဟောင်းစာလိပ်ထံမှ သူရရှိခဲ့သည်။</p> <p> </p> <p style="text-align: center;">***</p>


Save