Book List

<h2 style="text-align: center;">အခန်း ၆၂</h2> <h2 style="text-align: center;">တွေ့ဆုံခြင်း</h2> <h2 style="text-align: center;">*</h2> <p> </p> <p> </p> <p>အခန်းတစ်ခုအတွင်း၌ ဆေးဖက်ဝင် မြက်ပင် မျိုးစုံ ရောနှောနေသော ထူးဆန်းသည့် အနံ့တစ်နံ့က ပျံ့နှံ့နေ၏။</p> <p> </p> <p>အခန်း အလယ်ဗဟိုရှိ ကုတင်ပေါ်တွင်တော့ လူလတ်ပိုင်းအရွယ် အမျိုးသား တစ်ယောက်က အလွန် အားနည်းနေသည့်ဟန်ဖြင့် တိတ်ဆိတ်စွာ လဲလျောင်းလို့။</p> <p> </p> <p>သူ့ ခန္ဓာကိုယ်မှာ တောင့်တင်း ခိုင်မာပုံရသော်လည်း ခေါင်းမှစ၍ ခြေဖျားအထိ ဒဏ်ရာများဖြင့် ဖုံးလွှမ်းနေပြီး တစ်ကိုယ်လုံး ဆေးရနံ့များ လွှမ်းခြုံနေလေပြီ။</p> <p> </p> <p>သူ့ ညာဘက် လက်မောင်း ရှိသင့်သော နေရာမှာ ဟာလာဟင်းလင်း ဖြစ်နေ၏။</p> <p> </p> <p>ချင်ဟန်က မာဒါ့ကို ကြည့်ရင်း ညင်သာစွာ သက်ပြင်းချလိုက်သည်။</p> <p> </p> <p>ယခင်က မေဒါနှင့် တိုက်ခိုက်ခဲ့သည့် မြင်ကွင်းက သူ့ စိတ်ထဲတွင် ပြန်လည် ထင်ဟပ်လာသည်။ လအနည်းငယ် အတွင်း မေဒါ တစ်ယောက် ယခုလို အခြေအနေမျိုး ရောက်သွားလိမ့်မည်ဟု သူ ဘယ်တုန်းကမှ မျှော်လင့်မထားခဲ့ပေ။</p> <p> </p> <p>ဘဝတွင် မည်သည့်အရာမှ မြဲမြံ ခိုင်မာမှု မရှိကြောင်း ဆိုရပေမည်။</p> <p> </p> <p>သို့သော် တစ်ဖက်မှ ကြည့်လျှင် ဤသည်မှာ စစ်သည်တော်များ၏ ကံကြမ္မာပင် မဟုတ်ပါလား။</p> <p> </p> <p>စစ်သည်တော် တစ်ယောက် အနေဖြင့် မိမိ၏ သက်စောင့်မျိုးစေ့ကို နိုးကြားစေခဲ့သည့် အခိုက်အတန့်မှ စတင်ကာ အိုမင်းမစွမ်းဖြစ်၍ သေဆုံးသွားဖို့ဆိုသည်မှာ ဖြစ်နိုင်ချေ အလွန် နည်းပါးလှ၏။</p> <p> </p> <p>စစ်သည်တော် အများစုမှာ တိုက်ပွဲများအတွင်း သို့မဟုတ် မတော်တဆမှုများကြောင့်သာ အသက်ဆုံးရှုံးလေ့ ရှိကြသည်။</p> <p> </p> <p>ထို့ကြောင့် မေဒါ တစ်ယောက် ယခုလို အဆုံးသတ်သွားခြင်းမှာ အံ့အားသင့်စရာတော့ မဟုတ်ချေ။</p> <p> </p> <p>ချင်ဟန် တစ်ယောက် မေဒါ၏ အခန်းထဲမှ ထွက်လာချိန်တွင် ကယ်လီမှာ ထိုနေရာ၌ စောင့်ဆိုင်းနေဆဲပင်။</p> <p> </p> <p>ချင်ဟန်က ထွက်မသွားမီ ကယ်လီ၏ ပခုံးကို ညင်သာစွာ ပုတ်လိုက်ပြီး...</p> <p> </p> <p>"သွားကြစို့"</p> <p> </p> <p>သေချာသည်က သူ မထွက်ခွာမီ မေဒါ၏ အစေခံများထံ လက်ဆောင် တစ်ခု ချန်ထားရစ်ခဲ့လေပြီ။</p> <p> </p> <p>အပြန်လမ်း မြင်းလှည်းပေါ်တွင် ထိုင်လိုက်ပါလာရင်း ချင်ဟန်လည်း တိတ်ဆိတ်စွာ တွေးတောနေမိသည်။</p> <p> </p> <p>မင်းသမီး အိုလီဗီယာနှင့် မင်းသား ဂရစ်တို့ ကြားရှိ ပဋိပက္ခမှာ သူ ထင်ထားသည်ထက် ပိုပြင်းထန်နေ၏။</p> <p> </p> <p>စစ်သည်တော် တစ်ယောက် အနေဖြင့် မေဒါမှာ ကူတူး နယ်စားပယ်စား တစ်ခုလုံးတွင် ထိပ်တန်း အဆင့်ရှိသူ တစ်ယောက် ဖြစ်သော်ငြား ယခုလို အခြေအနေမျိုး ကျရောက်သွားခဲ့သည်။</p> <p> </p> <p>မင်းသား ဂရစ်၏ စစ်သည်တော်မှာမူ ပွဲချင်းပြီး သေဆုံးသွားခဲ့လေပြီ။</p> <p> </p> <p>အခြား ရှုထောင့်တစ်ခုမှ ကြည့်လျှင် ဤကဲ့သို့သော ရလဒ်မျိုးက ချင်ဟန် အတွက်တော့ အတော်လေး အကျိုးရှိစေသည်။</p> <p> </p> <p>သူ သိထားသလောက် မင်းသမီး အိုလီဗီယာတွင် မူလက စစ်သည်တော် သုံးယောက် ရှိပြီး ယခု မေဒါ တစ်ယောက် ဤသို့ ဖြစ်သွားချိန်တွင် သူမ အနေဖြင့် စစ်သည်တော် တစ်ယောက်ကို အပြီးတိုင် ဆုံးရှုံးလိုက်ရခြင်းပင်။</p> <p> </p> <p>ဤအခြေအနေမျိုးအောက်တွင် ချင်ဟန်၏ တန်ဖိုးမှာ ပို၍ သိသာ ထင်ရှားလာတော့သည်။</p> <p> </p> <p>အနည်းဆုံးတော့ သူက မင်းသမီး အိုလီဗီယာ အတွက် ပို၍ တန်ဖိုးရှိသူ တစ်ယောက် ဖြစ်လာခဲ့ပြီ မဟုတ်လော။</p> <p> </p> <p>မေဒါနှင့် တိုက်ခိုက်ခဲ့သည့် တိုက်ပွဲတွင် သူ့ တန်ဖိုးကို ပြသနိုင်ခဲ့ပြီး ဖြစ်သည်။ သူ့ ခွန်အားမှာ အံ့မခန်း ဖြစ်ပြီး မေဒါ ကိုယ်တိုင် သက်စောင့်စွမ်းအင် အသုံးမပြုပါက သူ့အား အလွယ်တကူ အနိုင်မယူနိုင်ခဲ့ချေ။</p> <p> </p> <p>သူ့ လက်ရှိ ခွန်အားမျိုးနှင့်ဆိုလျှင် စစ်သည်တော်လောင်းလျာ တစ်ယောက်ဟု ခေါ်ဆိုနိုင်ပြီး အနာဂတ်တွင် အစစ်အမှန် စစ်သည်တော် တစ်ယောက် ဖြစ်လာရန် ဖြစ်နိုင်ချေ အလွန် များပြား၏။</p> <p> </p> <p>ယခု သူမ အနေဖြင့် စစ်သည်တော် တစ်ယောက် ဆုံးရှုံးသွားပြီ ဖြစ်ရာ သူမ၏ အာရုံစိုက်မှုများက သူ့ထံ ကျရောက်လာပြီး ပိုအလေးအနက် ထားလာပေလိမ့်မည်။</p> <p> </p> <p>"ငါ့ရဲ့ သက်စောင့်မျိုးစေ့ကို မနှိုးဆွနိုင်သေးတာ နှမြောစရာပဲ... မဟုတ်ရင် ငါ့အစီအစဉ်တွေ ဒီထက်ပိုပြီး ချောမွေ့သွားမှာ..."</p> <p> </p> <p>မြင်းလှည်းပေါ်တွင် ထိုင်ရင်း ချင်ဟန်မှာ ထိုအချက်အတွက် အနည်းငယ် နှမြောတသ ဖြစ်နေမိသည်။</p> <p> </p> <p>သက်စောင့်မျိုးစေ့ကို နိုးကြားစေပြီးသော စစ်သည်တော် တစ်ယောက်နှင့် မနိုးကြားသေးသော အလုပ်သင် စစ်သည်တော် တစ်ယောက်ကြားရှိ ကွာဟချက်မှာ ကြီးမား ကျယ်ပြန့်လှသည်။</p> <p> </p> <p>ချင်ဟန် အနေဖြင့် မယုံကြည်နိုင်လောက်အောင် စွမ်းဆောင်နိုင်ခဲ့သော်ငြား သက်စောင့်မျိုးစေ့ မနိုးကြားသေးသဖြင့် အစစ်အမှန် စစ်သည်တော် တစ်ယောက်နှင့် နှိုင်းယှဉ်လျှင် အားနည်းချက်များ ရှိနေဆဲပင်။</p> <p> </p> <p>အကယ်၍ သူသာ သက်စောင့်မျိုးစေ့ကို နိုးကြားစေပြီး အစစ်အမှန် စစ်သည်တော် တစ်ယောက် ဖြစ်နေခဲ့လျှင် ရရှိမည့် အခွင့်အရေးများမှာ လုံးဝ ကွဲပြားခြားနားသွားပေလိမ့်မည်။</p> <p> </p> <p>ဤအချက်အတွက် ချင်ဟန် အတော်လေး စိတ်ပျက် ဒေါသထွက်နေမိ၏။</p> <p> </p> <p>မေဒါနှင့် တိုက်ခိုက်ပြီးကတည်းက သူက ကျင့်ကြံခြင်းကို အပြင်းအထန် ကြိုးစားခဲ့သည်။ နေ့စဉ်ရက်ဆက် စစ်သည်တော် အသက်ရှူ ကျင့်စဉ်ကို ဖြစ်စေ၊ ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်ကို ဖြစ်စေ တစ်လှည့်စီ ကျင့်ကြံခဲ့ပြီး တစ်ရက်မျှပင် ပျက်ကွက်ခဲ့ခြင်း မရှိချေ။</p> <p> </p> <p>သူ့ ခွန်အားများ တကယ်ပင် တိုးတက်လာခဲ့ပြီး သက်စောင့်စွမ်းအင် အကူအညီဖြင့် ကျောက်ဆောင်ခန္ဓာ ခန္ဓာကိုယ် သန့်စင်ခြင်း ကျင့်စဉ်၏ တိုးတက်မှုမှာလည်း အလွန် လျင်မြန်လှသည်။ သို့သော် သက်စောင့်မျိုးစေ့ နိုးကြားလာမည့် ခံစားချက်ကိုမူ ဆုပ်ကိုင်နိုင်ခြင်း မရှိသေးပေ။</p> <p> </p> <p>ကြည့်ရသလောက် သူ တစ်စုံတစ်ခု လိုအပ်နေသေးပုံပင်။</p> <p> </p> <p>ချင်ဟန်က တိတ်ဆိတ်စွာ တွေးတောနေမိသည်။</p> <p> </p> <p>"အဲ့ဒီတုန်းက သက်စောင့်မျိုးစေ့ နိုးကြားဖို့ နီးစပ်လာတဲ့ အချိန်က မေဒါနဲ့ တိုက်ခိုက်နေတဲ့ အချိန်ပဲ... ကြည့်ရတာ သက်စောင့်မျိုးစေ့က တိုက်ပွဲဝင်နေတဲ့ အချိန်မှာ လှုံ့ဆော်ခံရဖို့ ပိုလွယ်ကူပုံရတယ်..."</p> <p> </p> <p>လောလောဆယ်တွင်မူ သူ့ ခန့်မှန်းချက်များကို အတည်ပြုရန် အခွင့်အရေး မရှိသေးသဖြင့် ထိုအတွေးများ ဘေးဖယ်ထားလိုက်ရတော့သည်။</p> <p> </p> <p>မြင်းလှည်းက ရှေ့သို့ ဆက်လက် ထွက်ခွာလာပြီးနောက် ချင်ဟန်လည်း သူ့ အိမ်တော်သို့ ပြန်လည် ရောက်ရှိလာခဲ့၏။</p> <p> </p> <p>မေဒါထံ သွားရောက် လည်ပတ်ပြီးနောက်ပိုင်း အချိန်ကာလများမှာ နေ့ရက် တစ်ရက်သို့ ရောက်လာသည် အထိ အတော်လေး တည်ငြိမ် ငြိမ်းချမ်းနေခဲ့သည်။</p> <p> </p> <p>ချင်ဟန်က သူ့ရှေ့ရှိ အမျိုးသမီးအား ကြည့်ရင်း အနည်းငယ် အံ့အားသင့်ဟန်ဖြင့်...</p> <p> </p> <p>"မင်းသမီး အိုလီဗီယာဆီက ဖိတ်စာ ဟုတ်လား"</p> <p> </p> <p>အမျိုးသမီးက ပြုံး၍...</p> <p> </p> <p>"မှန်ပါတယ်... နောက်ရက်အနည်းငယ် နေရင် မင်းသမီး အိုလီဗီယာ အားလပ်ချိန် ရမှာမလို့ သခင်လေး ကိုင်လင်းကို ညစာစားဖို့ ဖိတ်ခေါ်ချင်လို့ပါ... အချိန်များ ရနိုင်မလားရှင်"</p> <p> </p> <p>ချင်ဟန်က ခေါင်းညိတ်လိုက်ပြီး အိုလီဗီယာ၏ ဖိတ်ကြားချက်ကို လက်ခံရန် အနည်းငယ်မျှ တွေဝေမနေဘဲ...</p> <p> </p> <p>"မင်းသမီးရဲ့ ဖိတ်ကြားချက်အရ သေချာပေါက် လာရောက်ခဲ့ပါ့မယ်"</p> <p> </p> <p>ထိုအဖြေကို ကြားလျှင် အမျိုးသမီးလည်း နှုတ်ဆက်၍ လှည့်ထွက်သွားတော့သည်။</p> <p> </p> <p>အမျိုးသမီး ကျောပြင်အား ကြည့်နေသော ချင်ဟန်၏ အကြည့်တို့မှာ တည်ငြိမ်နေသော်လည်း စိတ်ထဲတွင်မူ အတော်လေး ကျေနပ်နေမိသည်။</p> <p> </p> <p>သူ မျှော်လင့်ထားသည့် အတိုင်းပင် မင်းသမီး အိုလီဗီယာက စတင် လှုပ်ရှားလာခဲ့လေပြီ။</p> <p> </p> <p>ဤဖိတ်ကြားချက်မှာ ပထမဆုံး ခြေလှမ်းပင်။</p> <p> </p> <p>ယခုတော့ သူ့ရည်မှန်းချက်များကို အောင်မြင်နိုင်မလား ဆိုသည်မှာ သူ့ စွမ်းဆောင်ရည် အပေါ်တွင်သာ မူတည်နေတော့သည်။</p> <p> </p> <p>ထိုအကြောင်း တွေးမိသည်နှင့် သူလည်း လှည့်ထွက်ကာ ကြိုတင် ပြင်ဆင်မှုများ စတင် လုပ်ဆောင်လေပြီ။</p> <p> </p> <p>ရက်အနည်းငယ် ကြာပြီးနောက် နန်းတော်၏ တံခါးကြီးများ ဖြည်းညှင်းစွာ ပွင့်ဟလာပြီး အတွင်းဘက်ရှိ မြင်ကွင်းများကို ဖော်ပြလာသည်။</p> <p> </p> <p>အတွင်းသို့ ဝင်ရောက်လာပြီးနောက် ချင်ဟန်က ပတ်ပတ်လည်ကို အကဲခတ်ကြည့်လိုက်သည်။</p> <p> </p> <p>နန်းတော်အတွင်းရှိ အဆောက်အအုံများ အားလုံးမှာ ရှေးဟောင်းဆန်သော သွင်ပြင်ရှိသော်လည်း မယုံကြည်နိုင်လောက်အောင် ခမ်းနား ထည်ဝါ၏။</p> <p> </p> <p>သူ့ဘေးပတ်လည် တစ်ဖက်တစ်ချက်စီတွင် သံချပ်ကာ ဝတ်ဆင်ထားသော အစောင့်အရှောက်များက မတ်မတ်ရပ်ကာ ဂရုတစိုက် စောင့်ကြပ်နေကြသည်။</p> <p> </p> <p>ထိုသူများ၏ အကြည့်များ အောက်တွင်ပင် ချင်ဟန်က နန်းတော်၏ အတွင်းပိုင်းဆီသို့ ဖြည်းညှင်းစွာ လျှောက်လှမ်းသွားသည်။</p> <p> </p> <p>ထိုနေရာတွင်တော့ အိုလီဗီယာက သူ့အား စောင့်ဆိုင်းနေလေပြီ။</p> <p> </p> <p>သူမက အနီရောင် ဂါဝန်တစ်ထည်ကို ဝတ်ဆင်ထားပြီး မယုံကြည်နိုင်လောက်အောင် ကျက်သရေရှိကာ လှပတင့်တယ်နေသည်။</p> <p> </p> <p>သူမက ပြုံး၍ ညင်သာစွာ နှုတ်ဆက်လာသည်။</p> <p> </p> <p>"မတွေ့ရတာ ကြာပြီနော်... သခင်လေး ကိုင်လင်း"</p> <p> </p> <p>ချင်ဟန်က ရိုသေ လေးစားသော အမူအရာဖြင့် လှိုက်လှဲစွာ ဦးညွှတ်လိုက်ရင်း...</p> <p> </p> <p>"မင်းသမီး အိုလီဗီယာကို ထပ်ပြီး ဆုံတွေ့ရတာ ကျွန်တော့်အတွက် ဂုဏ်ယူစရာပါပဲ"</p> <p> </p> <p>သူက နန်းတွင်း ကျင့်ဝတ်များကို အထူးတလည် ဂရုစိုက် လေ့လာခဲ့ခြင်း မရှိသော်ငြား အနည်းငယ်မျှ ချို့ယွင်းချက် မရှိဘဲ ယဉ်ကျေး သိမ်မွေ့ကာ အမူအကျင့် ကောင်းမွန်ပုံ ပေါ်နေသည်။</p> <p> </p> <p>သို့သော် အခြားလူများနှင့် မတူညီသည်မှာ သူ့ ခန္ဓာကိုယ်က အချိန်တိုင်း မားမားမတ်မတ် ရှိနေပြီး သူ့ အကြည့်တို့မှာလည်း အလွန် စူးရှနေသဖြင့် တခြားသူများနှင့် မတူကွဲပြားသော ခံစားချက်မျိုးကို ပေးစွမ်းနေခြင်းပင်။</p> <p> </p> <p>ယနေ့တွင် သူက ကိုယ်ကျပ် ဝတ်ရုံ တစ်ထည်ကို တကူးတက ဝတ်ဆင်လာခဲ့၏။ အလင်းရောင်အောက်တွင် သူ့ ခန္ဓာကိုယ်မှာ အလွန် အရပ်ရှည်ကာ မတ်မတ်ရပ်နေပုံ ပေါ်ပြီး ချောမောသော မျက်နှာထားက ထင်ရှား ပေါ်လွင်နေသည်။</p> <p> </p> <p>သူ့ အကြည့်များမှာ တည်ငြိမ်သော်လည်း ပြတ်သားနေပြီး တစ်ချက်ကြည့်ရုံနှင့်ပင် ထူးချွန်သော စစ်သည်တော် တစ်ယောက်အလား ထင်မှတ်ရပေမည်။</p> <p> </p> <p>ချင်ဟန်အား ကြည့်ရင်း အိုလီဗီယာ၏ မျက်လုံးများမှာ တောက်ပလာခြင်းကို မထိန်းချုပ်နိုင်ခဲ့ချေ။</p> <p> </p> <p>ဗာနာ တစ်ယောက် သူ့အပေါ် အဘယ်ကြောင့် ဤမျှ စွဲလမ်းနေရသနည်း ဆိုသည်ကို ယခုမှသာ သူမ သဘောပေါက်သွားတော့သည်။</p> <p> </p> <p>သူက ကောင်းမွန်သော ကိုယ်ကျင့်တရားနှင့် ထူးချွန်သော အရည်အချင်းများ ပိုင်ဆိုင်ထားရုံသာမက သူ့ ချောမောသော ရုပ်ရည်သွင်ပြင် တစ်ခုတည်းကပင် လူများကို ဆွဲဆောင်နိုင်ရန် လုံလောက်နေသည် မဟုတ်ပါလား။</p> <p> </p> <p>သူက မြင့်မြတ်သော မိသားစုမှ ဆင်းသက်လာကာ စွမ်းအားကြီးမားပြီး ရုပ်ရည် ချောမောသည့်အပြင် အလွန် ကိုယ်ကျင့်တရား ကောင်းမွန်သည်။ ဤကဲ့သို့သော စစ်သည်တော်မျိုးမှာ လူအများ၏ အာရုံစိုက်မှုကို ဆွဲဆောင်နိုင်သည်က အမှန်ပင်။ အထူးသဖြင့် အမျိုးသမီးငယ်လေးများ၏ အာရုံစိုက်မှုကို။</p> <p> </p> <p>အိုလီဗီယာက ချင်ဟန်အား ခဏတာ စိုက်ကြည့်နေရင်း အတွေးလွန်သွားသကဲ့သို့ ရှိနေလေတော့သည်။</p> <p> </p> <p>End</p> <p> </p> <p> </p> <p> </p> <p> </p> <p> </p> <p>***</p> <p> </p>


Save