Book List

<h2 style="text-align: center;">အခန်း ၆၆</h2> <h2 style="text-align: center;">အဖြေ</h2> <h2 style="text-align: center;">*</h2> <p> </p> <p>တိတ်ဆိတ်နေသော အခန်းအတွင်းရှိ လူတိုင်း၏ အကြည့်များက ချင်ဟန်အပေါ် ကျရောက်နေသည်။</p> <p> </p> <p>မင်းသမီး အိုလီဗီယာ၏ အကြည့်များကို ခံစားမိသော်လည်း ချင်ဟန်က အချိန်အတော်ကြာ တိတ်ဆိတ်နေပြီးနောက်မှသာ စကားစလာတော့သည်။</p> <p> </p> <p>"ကျွန်တော့်အတွက်တော့ တစ်ယောက်ယောက်ကို သဘောကျတယ်၊ ဒါမှမဟုတ် သဘောမကျဘူး ဆိုတာက အတော်လေး ဝေဝါးတဲ့ အရာတစ်ခုပါ..." သူက တိတ်ဆိတ်မှုကို ဖြိုခွင်းလိုက်ရင်း ညင်သာစွာ ဆက်ပြောသည်။ "ဒါပေမဲ့ မိန်းကလေး ဗာနာနဲ့ အတူရှိနေရတဲ့ ခံစားချက်ကိုတော့ ကျွန်တော် သဘောကျတယ်..."</p> <p> </p> <p>"အရင်တုန်းက တစ်စုံတစ်ယောက်ရဲ့ အသွင်အပြင် ဒါမှမဟုတ် တည်ရှိနေမှု အပေါ် ကျွန်တော် ဂရုစိုက်မိလိမ့်မယ်လို့ တစ်ခါမှ မတွေးဖူးခဲ့ဘူး... အရင်က လက်ထပ်ဖို့ ဆိုတာကိုလည်း မတွေးခဲ့ဖူးဘူး... ဒါပေမဲ့ အခုတော့..."</p> <p> </p> <p>ချင်ဟန်က မော့ကြည့်လာပြီး လေးနက်သော အမူအရာဖြင့်...</p> <p> </p> <p>"တကယ်လို့ အဲ့ဒီလူက သူမသာ ဆိုရင်တော့ ကျွန်တော် လိုလားပါတယ်... ဒီဘဝမှာ သူမနဲ့ လက်တွဲပြီး ဂရုတစိုက် စောင့်ရှောက်သွားဖို့ ဆန္ဒရှိပါတယ်... ကောင်းသည်ဖြစ်စေ၊ ဆိုးသည်ဖြစ်စေ၊ နာမကျန်း ဖြစ်ချိန်မှာပဲ ဖြစ်ဖြစ်၊ ကျန်းမာနေချိန်မှာပဲ ဖြစ်ဖြစ်... ဘာတွေပဲ ဖြစ်လာပါစေ... သေချာပေါက် သေဆုံးတဲ့အထိ ကျွန်တော်တို့ ခွဲခွာသွားမှာ မဟုတ်ပါဘူး..."</p> <p> </p> <p>ချင်ဟန်၏ တည်ငြိမ်သော စကားသံများက လွင့်ပျံလာ၏။ သူ့ လေသံမှာ အလွန် တည်ငြိမ်နေသော်ငြား မည်သူမဆို ခံစားသိရှိနိုင်လောက်အောင် ပြတ်သားမှုတို့ ပြည့်နှက်နေသည်။</p> <p> </p> <p>ထိုစကားများကို ကြားနာပြီးနောက် အိုလီဗီယာ တစ်ယောက် စိတ်လှုပ်ရှားမှုကို မထိန်းချုပ်နိုင်တော့ချေ။</p> <p> </p> <p>ကောင်းသည်ဖြစ်စေ၊ ဆိုးသည်ဖြစ်စေ၊ နာမကျန်း ဖြစ်ချိန်မှာပဲ ဖြစ်ဖြစ်၊ ကျန်းမာနေချိန်မှာပဲ ဖြစ်ဖြစ်... ဘာတွေပဲ ဖြစ်လာပါစေ... သေချာပေါက် သေဆုံးတဲ့အထိ ကျွန်တော်တို့ ခွဲခွာသွားမှာ မဟုတ်ပါဘူး...</p> <p> </p> <p>သူမက ချင်ဟန်၏ တည်ငြိမ်သော်လည်း ပြတ်သားနေသော အကြည့်များကို စူးစိုက်ကြည့်ရင်း ရင်တွင်း၌ လှုပ်ခတ်သွားရတော့သည်။</p> <p> </p> <p>အကယ်၍ တခြားသူ တစ်ယောက်ယောက်ကသာ ဤစကားများကို ပြောဆိုလာမည် ဆိုပါက သူတို့၏ ရိုးသားမှုကို သူမ အလိုအလျောက် သံသယ ဝင်မိမည်မှာ အသေအချာပင်။</p> <p> </p> <p>ဤကဲ့သို့သော ကတိစကားမျိုး ပေးရန်မှာ လွယ်ကူသည် ဆိုသော်ငြား တစ်သက်တာလုံး တည်မြဲအောင် ထိန်းသိမ်းထားဖို့ ဆိုသည်မှာတော့ မယုံကြည်နိုင်လောက်အောင် ခက်ခဲသည် မဟုတ်လော။</p> <p> </p> <p>တခြားသူ တစ်ယောက်ကသာ ဤစကားများ ပြောလာခဲ့မည် ဆိုလျှင် ထိုစကားများ နောက်ကွယ်ရှိ ခံစားချက်များကို သူမ ခံစားမိသည့်တိုင် အချိန်မည်မျှ ကြာကြာ တည်တံ့နိုင်မည်ကို သံသယ ဝင်မိပေလိမ့်မည်။</p> <p> </p> <p>သို့သော် ယခုမူ သူမရှေ့ရှိ ဤစစ်သည်တော်က ပြောဆိုလာခြင်း ဖြစ်နေချေပြီ။</p> <p> </p> <p>ချင်ဟန်အား ကြည့်ရင်း သူမက သူ မည်သူမည်ဝါ ဖြစ်ပြီး မည်သည့် အရာများ လုပ်ဆောင်ခဲ့သနည်း ဆိုသည်ကို ပြန်လည် တွေးတောနေမိ၏။</p> <p> </p> <p>မှိန်ဖျော့ဖျော့ အလင်းရောင်အောက်တွင် ချင်ဟန်က မယုံကြည်နိုင်လောက်အောင် မားမားမတ်မတ် ထိုင်နေပြီး သူ့ ချောမောသော မျက်နှာထားမှာ အလွန် ဆွဲဆောင်မှု ရှိနေသည်။ သူ့ အကြည့်များထဲတွင် ဖော်ပြ၍မရနိုင်သော ပြတ်သားမှုတို့ ရှိနေသဖြင့် သူမ အနေဖြင့် သူ့အား ယုံကြည်ချင်စိတ်များ ဖြစ်ပေါ်လာတော့၏။</p> <p> </p> <p>သူက ပြီးပြည့်စုံသော အပြင်ပန်း သွင်ပြင်ကို ပိုင်ဆိုင်ထားသလို အတိတ်က လုပ်ဆောင်ချက်များကလည်း သူ့အား ပြီးပြည့်စုံသူ တစ်ယောက် အဖြစ် ထင်မှတ်ရစေသည်။</p> <p> </p> <p>သူက ကြင်နာတတ်သည်၊ ယုံကြည် စိတ်ချရသည်၊ သဘောထား ကြီးမြတ်သည်၊ ခွန်အား ကြီးမားသည်၊ လုံ့လဝီရိယ ရှိသည်၊ ဉာဏ်ပညာ ထက်မြက်ပြီး ပြတ်သား၏။</p> <p> </p> <p>ဤမျှ ကောင်းမွန်လှသော ဂုဏ်ပုဒ်များ အားလုံးကို ဤစစ်သည်တော် အပေါ် အသုံးပြုမည် ဆိုလျှင်ပင် ချဲ့ကား ပြောဆိုရာ ကျမည် မဟုတ်ပေ။</p> <p> </p> <p>အကယ်၍ ဒီလူသာ ဆိုရင်... ဒီစစ်သည်တော်သာ ဆိုရင်...</p> <p> </p> <p>"ဖြစ်နိုင်တာက သူပြောတဲ့အတိုင်း တကယ် လက်တွေ့ လုပ်ပြနိုင်လောက်တယ်..."</p> <p> </p> <p>အိုလီဗီယာ တစ်ယောက် ပြုံးလိုက်မိပြီး ဗာနာ အတွက်ပါ ရွှင်လန်း ဝမ်းမြောက်မိသွားတော့၏။</p> <p> </p> <p>အကြောင်းရင်း တစ်ခုခုကြောင့် သူမ အနေဖြင့် အလွန် ပျော်ရွှင်နေသင့်သော်ငြား စိတ်ထဲတွင် မနာလို ဝန်တိုမှု အနည်းငယ်ကိုလည်း ခံစားနေရသေးသည်။</p> <p> </p> <p>တကယ်လို့ ဒီလောက် ထူးချွန်တဲ့ အမျိုးသားကသာ တခြား တစ်ယောက်ယောက်ကို သဘောကျသွားခဲ့မယ် ဆိုရင်ကော။</p> <p> </p> <p>သို့သော် ဗာနာ၏ ခံစားချက်များမှာမူ လုံးဝ ဆန့်ကျင်ဘက် ဖြစ်နေလေပြီ။</p> <p> </p> <p>ချင်ဟန်အား ကြည့်ရင်း သူ့ စကားများကို ကြားလိုက်ရချိန်တွင် ဗာနာ တစ်ယောက် ဝမ်းသာလွန်း၍ ခုန်ပေါက်လုနီးပါး ဖြစ်သွားပြီး သူမ၏ မျက်နှာထက်တွင် ပျော်ရွှင် စိတ်လှုပ်ရှားမှုများ အထင်းသား ပေါ်လွင်လာသည်။</p> <p> </p> <p>"သူလည်း ငါ့ကို တကယ် သဘောကျတာပဲ..." အခန်းထဲတွင် ထိုင်နေသော ချင်ဟန်အား ကြည့်ရင်း သူမ၏ ပျော်ရွှင်မှုများကို မထိန်းချုပ်နိုင်သလောက်ပင် ဖြစ်နေရတော့သည်။</p> <p> </p> <p>တကယ်တမ်း ဘေးရှိ အစေခံ မိန်းကလေးသာ သူမအား အသေအလဲ ဆွဲထားခြင်း မရှိပါက သူမကိုယ် သူမ ထိန်းချုပ်နိုင်တော့မည် မဟုတ်ဘဲ ချင်ဟန်၏ ရင်ခွင်ထဲ ပြေးဝင်သွားမိမည်မှာ အသေအချာပင်။</p> <p> </p> <p>"အရမ်း ကောင်းတယ်" ချင်ဟန်၏ အဖြေကို ကြားပြီးနောက် အိုလီဗီယာက ခဏတာ တိတ်ဆိတ်သွားပြီး ပြုံး၍ စကားဆိုလာသည်။</p> <p> </p> <p>"ဒီလိုဆိုမှတော့ ဘာပြဿနာမှ မရှိတော့ဘူးလေ... ပြန်ပြီးတော့ လိုအပ်တာတွေသာ ပြင်ဆင်ထားလိုက်တော့… နောက်ရက် အနည်းငယ် နေရင် ရှင်က ကျွန်မရဲ့ လက်အောက်ခံ တစ်ယောက် အဖြစ် တရားဝင် စာရင်းသွင်းခံရလိမ့်မယ်... ပြီးရင်တော့ ရှင်နဲ့ ဗာနာရဲ့ မင်္ဂလာပွဲ အတွက် ကျွန်မတို့ စတင် စီစဉ်ကြတာပေါ့"</p> <p> </p> <p>အိုလီဗီယာအား ကြည့်ရင်း ချင်ဟန်က ခေါင်းမော့လာပြီး တစ်စုံတစ်ရာ ပြောချင်ဟန် ရှိသော်ငြား ရုတ်တရက် ရပ်တန့်သွားကာ ခေါင်းညိတ်ရုံသာ ခေါင်းညိတ်ပြလိုက်သည်။</p> <p> </p> <p>"ကောင်းပါပြီ"</p> <p> </p> <p>ထိုသို့ ပြောပြီးနောက် အိုလီဗီယာက ချင်ဟန် အနေဖြင့် ထွက်ခွာသွားနိုင်ပြီ ဖြစ်ကြောင်း လက်ဝှေ့ယမ်းကာ အချက်ပြလိုက်သည်။</p> <p> </p> <p>ချင်ဟန်လည်း သူ လာခဲ့သော လမ်းကြောင်းအတိုင်း ဖြည်းညှင်းစွာ ပြန်လည် ထွက်ခွာလာခဲ့တော့၏။</p> <p> </p> <p>များမကြာမီ သူ လာခဲ့သည့် နေရာသို့ ပြန်ရောက်လာပြီး မြင်းလှည်းပေါ် တက်ရန် ပြင်ဆင်လိုက်သည်။</p> <p> </p> <p>"သခင်လေး... ကျွန်တော်တို့ ထွက်ကြတော့မလား" ရထားထိန်းက ညင်သာစွာ မေးမြန်းလာသည်။</p> <p> </p> <p>ချင်ဟန်က ခေါင်းညိတ်လိုက်သော်လည်း တစ်စုံတစ်ရာကို ခံစားမိသွားသကဲ့သို့ ထောင့်တစ်နေရာဆီ ဖြည်းညှင်းစွာ လှည့်ကြည့်မိတော့သည်။</p> <p> </p> <p>ထိုထောင့်တွင်တော့ ဂါဝန်ရှည် ဝတ်ဆင်ထားသော မိန်းကလေး တစ်ယောက် ရှိနေပြီး အတော်လေး လှပ ချစ်စရာ ကောင်းနေ၏။ သူမက မျက်နှာထက်တွင် အပြုံးကြီး တစ်ခု ချိတ်ဆွဲထားလျက် သူ့အား လှမ်းကြည့်နေခြင်းပင်။</p> <p> </p> <p>ချင်ဟန် လှည့်ကြည့်လာသည်ကို မြင်လျှင် သူမက စိတ်လှုပ်ရှားစွာဖြင့် လက်ဝှေ့ယမ်းပြပြီး ပြုံးရွှင်စွာ နှုတ်ဆက်လာတော့၏။</p> <p> </p> <p>ချင်ဟန်ကလည်း ပြုံးပြကာ လက်ပြန်လွှဲ၍ နှုတ်ဆက်လိုက်သည်။</p> <p> </p> <p>ထို့နောက်… သူတို့ နှစ်ယောက်သား တစ်ယောက်ကို တစ်ယောက် အချိန်အတော်ကြာ ငေးကြည့်နေမိကြသည်။</p> <p> </p> <p>...</p> <p> </p> <p>အပြင်ဘက်မှ အသံအချို့ ထွက်ပေါ်လာပြီးနောက်မှသာ ချင်ဟန် တစ်ယောက် သတိပြန်ဝင်လာခဲ့လေပြီ။</p> <p> </p> <p>ဗာနာအား ကြည့်ရင်း သူက တောင်းပန်လိုသော အပြုံးတစ်ချက် ပြုံးပြပြီးနောက် မြင်းလှည်းပေါ်သို့ တက်ကာ ထွက်ခွာလာခဲ့တော့သည်။</p> <p> </p> <p>"မင်းသမီး... ကျွန်မတို့ ပြန်သင့်ပြီ ထင်တယ်" တဖြည်းဖြည်း ပျောက်ကွယ်သွားသော မြင်းလှည်းအား ကြည့်နေသည့် ဗာနာကို အစေခံ မိန်းကလေးက သတိပေးလာ၏။</p> <p> </p> <p>"ကောင်းပြီလေ" ဗာနာမှာ ချင်ဟန်နှင့် ခွဲခွာရမည်ကို တွန့်ဆုတ်နေဆဲ ဖြစ်သော်ငြား ထွက်ခွာသွားသော မြင်းလှည်းကို ငေးကြည့်ရင်း ခေါင်းညိတ်ပြလိုက်သည်။</p> <p> </p> <p>"သွားကြစို့"</p> <p> </p> <p>...</p> <p> </p> <p>အပြန်လမ်း မြင်းလှည်းပေါ်တွင် ထိုင်လိုက်ပါလာရင်း ချင်ဟန် တစ်ယောက် တိတ်ဆိတ်စွာ တွေးတောနေမိ၏။</p> <p> </p> <p>ယနေ့ ဖြစ်ပျက်ခဲ့သမျှ အရာများ အပြီးတွင်တော့ ဗာနာနှင့် ပတ်သက်သော ကိစ္စရပ်များ အားလုံး ပြေလည်သွားခဲ့လေပြီ။</p> <p> </p> <p>မင်းသမီး အိုလီဗီယာ၏ အဆင့်အတန်းအရ သူမ သဘောတူ လက်ခံပြီးသည် ဖြစ်ရာ ဤကိစ္စနှင့် ပတ်သက်၍ ဘာပြဿနာမှ ရှိလာတော့မည် မဟုတ်ချေ။ မင်းသမီး ဗာနာအား လက်ထပ်ခြင်းမှာ ချင်ဟန် အတွက်တော့ ပထမဆုံး ခြေလှမ်း တစ်ရပ် သက်သက်သာ။</p> <p> </p> <p>သူ့အတွက် အရေးအကြီးဆုံး အရာမှာ ဗာနာ၏ အဆင့်အတန်းကို အသုံးချ၍ အကျိုးအမြတ်များ ရယူရန်ပင် ဖြစ်သည်။</p> <p> </p> <p>"ဗာနာကို လက်ထပ်ပြီးသွားရင် ငါက ကူတူး တော်ဝင် မိသားစုရဲ့ အစိတ်အပိုင်း တစ်ခု ဖြစ်လာမယ့်အပြင် မင်းသမီး အိုလီဗီယာရဲ့ အရင်းနှီးဆုံး လက်အောက်ခံတွေထဲက တစ်ယောက် ဖြစ်လာမှာပဲ..."</p> <p> </p> <p>မြင်းလှည်းပေါ်တွင် ထိုင်ရင်း ချင်ဟန်က ဆက်လက် တွေးတောနေမိ၏။</p> <p> </p> <p>"ဒီအဆင့်အတန်းကို အသုံးချပြီး ငါ့အတွက် ကိုယ်ပိုင် နယ်မြေတစ်ခု ရယူလို့ ရပြီ... မယုံကြည်နိုင်လောက်အောင် ကြွယ်ဝ ချမ်းသာပြီး မြေဆီဩဇာ ထက်သန်တဲ့ နေရာမျိုး ရဖို့ဆိုတာ မဖြစ်နိုင်ပေမဲ့ သဲကန္တာရနဲ့ နီးစပ်တဲ့ မြောက်ပိုင်းက နယ်မြေ တစ်ခုခု ရဖို့ဆိုတာကတော့ ပြဿနာ မရှိနိုင်လောက်ဘူး..."</p> <p> </p> <p>ဗာနာမှာ ကူတူး တိုင်းပြည်၏ တတိယ မင်းသမီး ဖြစ်ပြီး အိုလီဗီယာ၏ ညီမအရင်း ဖြစ်သောကြောင့် သူမတို့ နှစ်ယောက်ကြားရှိ ဆက်ဆံရေးမှာ အလွန် ရင်းနှီး ကျွမ်းဝင်လှသည်။</p> <p> </p> <p>ချင်ဟန်က ဗာနာအား လက်ထပ်ပြီးချိန်တွင် သူ ဆန္ဒမရှိလျှင်ပင် မင်းသမီး အိုလီဗီယာ၏ အင်အားစုထဲသို့ အလိုအလျောက် ပါဝင်သွားမည် မဟုတ်ပါလား။</p> <p> </p> <p>အိုလီဗီယာ အနေဖြင့်လည်း သူမခဲအို ဖြစ်သူအား များစွာ တန်ဖိုးထားပေလိမ့်မည်။ သူမ၏ အာဏာနှင့် အဆက်အသွယ်များ အသုံးပြုကာ သူ့အတွက် သင့်လျော် ကောင်းမွန်သော နယ်မြေတစ်ခု ရရှိစေရန် ဖန်တီးပေးမည်မှာ အသေအချာပင်။</p> <p> </p> <p>ဤသည်မှာ ချင်ဟန်အား ကူညီပေးခြင်း သက်သက် မဟုတ်ဘဲ သူမ ကိုယ်သူမ ပြန်လည် ကူညီပေးခြင်းလည်း ဖြစ်သည်။</p> <p> </p> <p>မည်သို့ပင်ဖြစ်စေ ဤလောက၏ ယဉ်ကျေးမှုအရ ချင်ဟန်က ဗာနာအား လက်ထပ်ပြီးသည်နှင့် သူက သူမ လက်အောက်ခံ တစ်ယောက် ဖြစ်လာမည် ဖြစ်သည်။</p> <p> </p> <p>ချင်ဟန် ပိုအင်အား ကြီးမားလာလေလေ သူမအား ပိုကူညီပေးနိုင်လေလေ ဖြစ်မည်သာ။</p> <p> </p> <p>ဤအချက် တစ်ခုတည်းကြောင့် ဆိုလျှင်ပင် အိုလီဗီယာက ချင်ဟန်အား အရေးပါသော နေရာ တစ်ခုသို့ ရောက်ရှိသွားစေရန် စီစဉ်ပေးပေလိမ့်မည်။</p> <p> </p> <p>အထူးသဖြင့် သူ့ စွမ်းအားများကို ထုတ်ဖော် ပြသခဲ့ပြီးနောက်တွင် ပို၍ပင် သေချာနေချေပြီ။</p> <p> </p> <p>End</p> <p> </p> <p> </p> <p>***</p> <p> </p>


Save