Book List

<h2 style="text-align: center;">အခန်း (၁၉၂)</h2> <h2 style="text-align: center;">ကျန်းရှန်း အသင်း နှင့် ထွင်းမို ဂိုဏ်း</h2> <h2 style="text-align: center;">*</h2> <p> </p> <p> </p> <p> </p> <p>"အခု အထက်ကမ္ဘာ ကို ပြန်ရောက်လာပြီ ဆိုတော့ ငါ့ရဲ့ အင်အားစုကို ပြန်လည် တည်ဆောက်ရမယ့် အချိန် ရောက်ပြီ..."</p> <p> </p> <p> ညီမဖြစ်သူနှင့်အတူ လမ်းခွဲထွက်ခွာလာပြီးနောက် ဝူရှန်းနီ သည် သူ့ဘာသာ တီးတိုး ရေရွတ်လိုက်သည်။ သူ၏ အတွေးများက အတိတ်ဘဝဆီသို့ ပြန်လည်ခေါ်ဆောင်သွားလေ၏။</p> <p> </p> <p> ယခင်ဘဝက သူ၏ ပြိုင်ဘက်ကင်းသော ပါရမီကို အားကိုး၍ အင်မော်တယ် ဧကရာဇ် ဖြစ်လာရန် အဆင့်ဆင့် တက်လှမ်းနိုင်ခဲ့သည်။ ထိုအချိန်အတွင်း သူ၏ကိုယ်ပိုင် အင်အားစု ဖြစ်သည့် စစ်မှန်အင်မော်တယ် အဖွဲ့ ကိုလည်း တည်ထောင်ခဲ့၏။</p> <p> </p> <p>ဝူရှန်းနီ သည် သူနှင့် ဝါးမျိုခြင်း နတ်ဆိုးဧကရာဇ် တို့ အတူတကွ သေဆုံးသွားပြီးနောက်မှ စစ်မှန်အင်မော်တယ် အဖွဲ့ ဖျက်သိမ်းခံလိုက်ရကြောင်းကို သိရှိခဲ့ရသည်။ ဤကိစ္စကို သူသည် အောက်ကမ္ဘာမှနေ၍ အထက်ကမ္ဘာ သို့ တက်လှမ်းခြင်း ပြုပြီးနောက်မှသာ ရှာဖွေတွေ့ရှိခဲ့ခြင်း ဖြစ်၏။</p> <p> </p> <p>" ကောင်းတယ်... ငါ ဝူရှန်းနီ က စစ်မှန်အင်မော်တယ် အဖွဲ့ ကို တစ်ကြိမ် တည်ထောင်နိုင်ခဲ့ရင် ဒုတိယ အကြိမ်လည်း သေချာပေါက် တည်ထောင်နိုင်မှာပဲ... ဒီတစ်ကြိမ်မှာတော့ စစ်မှန်အင်မော်တယ် အဖွဲ့ ကို အထက်ကမ္ဘာ မှာ အင်အားအကြီးဆုံး အဖွဲ့အစည်း ဖြစ်လာအောင် သေချာပေါက် ဖန်တီးပြမယ်... ချွင်းချက် မရှိဘူး..."</p> <p> </p> <p>ဝူရှန်းနီ စကားပြောနေစဉ် သူ၏ သွေးမျာမှာ ပွက်ပွက်ဆူလာပြီး ပေါက်ကွဲထွက်တော့မည့်အလား ခံစားလိုက်ရသည်။ သို့သော်လည်း ရုတ်တရက် တစ်စုံတစ်ခုကို ပြန်လည် သတိရသွား၏။ သူ၏ ချီစွမ်းအင် အရှိန်အဝါများသည် အားနည်းနေသေးသည်။</p> <p> </p> <p>"အင်း... ဒုတိယ အကြိမ်က ပိုကောင်းပါတယ်..."</p> <p> </p> <p>သူသည် ဝူ မိသားစု နှင့် သူ၏ လျှို့ဝှက်ဆန်းကြယ်လှသော ဘိုးဘေးကြီး အကြောင်းကို တွေးလိုက်မိသည်။ တစ်ဖက်လူ၏ စွမ်းအားဖြင့် ဆိုလျှင် သူသာ အလိုရှိပါက အထက်ကမ္ဘာ တစ်ခုလုံးကို သူ၏ ကိုယ်ပိုင် ပိုင်နက်အဖြစ်ပင် ပြောင်းလဲနိုင်ပေလိမ့်မည်။</p> <p> </p> <p>"ကဲ.... အရင်ဆုံး လက်အောက်ငယ်သား တချို့ကို သွားရှာရအောင်... ငါ့ရဲ့ မြင့်မြတ်တဲ့ စရိုက်လက္ခဏာနဲ့ ကြောက်မက်ဖွယ်ကောင်းတဲ့ ပါရမီကြောင့် လက်အောက်ငယ်သား တချို့ကို မြန်မြန်ဆန်ဆန် ရှာတွေ့နိုင်မှာပါ..."</p> <p> </p> <p>ထိုသို့ တွေးလိုက်ပြီးနောက် ဝူရှန်းနီ သည် ထိုနေရာမှ လျင်မြန်စွာ ပျောက်ကွယ်သွား၏။</p> <p> </p> <p>အခြားတစ်ဖက်တွင်မူ ဝူမိုဝူ သည် သူမရှေ့ရှိ လူသားအင်မော်တယ် အချို့ကို အထက်စီးမှ ငုံ့ကြည့်နေပြီး  အလွန်တရာ အေးစက်ခက်ထန်သော မျက်နှာထားဖြင့်  ပြောလိုက်၏။</p> <p> </p> <p>"မင်းတို့သာ ငါ့ကို သခင်အဖြစ် အစေခံမယ် ဆိုရင် အနာဂတ်မှာ မင်းတို့ကို အင်မော်တယ် အရှင်မြတ်နေရာ ပေးကောင်း ပေးနိုင်တယ်..."</p> <p> </p> <p>"မင်းက ဘယ်သူမို့လို့လဲ... တော်တော် အပြောကြီးတဲ့ ကောင်မလေးပဲ... မင်းက အင်မော်တယ် အရှင်မြတ်နေရာကိုတောင် ပေးမယ်လို့ ပြောရဲတယ်ပေါ့... မင်းက တာအို အကြောင်းကို မသိသေးဘူးပဲ..."</p> <p> </p> <p>"အင်မော်တယ် အရှင်မြတ်က အရမ်းကို စွမ်းအားကြီးတယ် မဟုတ်ဘူးလား... ငါတို့ အားလုံး အတူတူ တိုက်ခိုက်ပြီး ဒီကောင်မလေးကို သင်ခန်းစာ ပေးကြရအောင်..."</p> <p> </p> <p> လူသားအင်မော်တယ် အလယ်အလတ်အဆင့် ကျင့်ကြံသူ ဆယ်ဦးခန့်သည် ဝူမိုဝူ ထံသို့ အရှိန်အဟုန်ပြင်းစွာ ပြေးဝင်လာကြ၏။</p> <p> </p> <p>ထိုအရာကို မြင်သည်နှင့်  ဝူမိုဝူသည်  အနည်းငယ် မျက်မှောင်  ကြုတ်လိုက်သော်လည်း တိုက်ခိုက်ရန် အသင့်ဖြစ်နေပြီ ဖြစ်သည်။ မည်သို့ပင်ဆိုစေကာမူ သူမ၏ မြင့်မြတ်သော စရိုက်လက္ခဏာနှင့် ကြောက်မက်ဖွယ်ကောင်းသော ပါရမီဖြင့် သူတို့ကို အညံ့ခံစေရန်  မရည်ရွယ်ထားချေ။ သူမ၏ ကိုယ်ပိုင် ခွန်အားဖြင့်သာ သူတို့ကို အညံ့ခံအောင် လုပ်ပြသွားမည် ဖြစ်သည်။</p> <p> </p> <p>"အဲ့တော့လည်း မင်းတို့နဲ့ ငါ့ကြားက ကွာခြားချက်ကို ပြပေးရတာပေါ့..."</p> <p> </p> <p>ထိုသို့ပြောပြီးသည်နှင့် ဝူမိုဝူ သည် သူမ၏ ဓားရှည်ကို ဆွဲထုတ်၍ သူတို့ထံ ပြေးဝင်သွား၏။ သူမသည် လူသားအင်မော်တယ် ကနဦးအဆင့် သာ ရှိသေးသော်လည်း ဝူဟောက် ၏ ကျင့်စဉ်များက အလွန်တရာ ထိတ်လန့်ဖွယ် ကောင်းလှပြီး ဝူမိုဝူ ၏ ကိုယ်ပိုင် ပါရမီကလည်း အထွတ်အထိပ်တွင် ရှိနေသောကြောင့် အောက်ကမ္ဘာ တွင် ခိုင်မာသော အခြေခံအုတ်မြစ်ကို တည်ဆောက်နိုင်ခဲ့သည်။</p> <p> </p> <p>ထို့ကြောင့် သုံးမိနစ်ခန့်သာ ကြာမြင့်သော တိုက်ပွဲအပြီးတွင် ထိုနေရာရှိ လူအားလုံးမှာ ဝူမိုဝူ ၏ လက်ချက်ဖြင့် ပြန်လည် ခုခံနိုင်စွမ်း မရှိတော့သည်အထိ အရိုက်ခံလိုက်ရ၏။</p> <p> </p> <p>"အခု မင်းတို့ ယုံပြီလား..."</p> <p> </p> <p>ဝူမိုဝူ သည် ဓားကို ဆုပ်ကိုင်ထားရင်း သူမရှေ့ရှိ လူသားအင်မော်တယ် အလယ်အလတ်အဆင့် ဆယ်ဦးကို ကြည့်လိုက်သည်။ ထို့နောက် အလွန်တရာ မောက်မာသော မျက်နှာထားဖြင့် ပြောလိုက်၏။</p> <p> </p> <p>ထိုအခိုက်အတန့်တွင် ဝူမိုဝူ သည် သူမ၏ အင်မော်တယ် ဧကရာဇ် ဘဝသို့ ပြန်လည် ရောက်ရှိသွားသကဲ့သို့ အနည်းငယ်တွေဝေသွားသော်လည်း ခေါင်းကို အလျင်အမြန် ခါရမ်းလိုက်ပြီး အတိတ်ဘဝက အဖြစ်အပျက်များကို ဖယ်ရှားပစ်လိုက်သည်။</p> <p> </p> <p>ဂုဏ်ကျက်သရေ ရှိခဲ့သော နေ့ရက်များအားလုံး ကုန်ဆုံးသွားပြီ ဖြစ်သည်။ ယခု အရေးအကြီးဆုံးမှာ သူမကိုယ်သူမ ပြန်လည် တောက်ပလာစေရန်ပင် ဖြစ်၏။</p> <p> </p> <p>"ကျွန်တော်တို့ လိုလားစွာနဲ့ လက်ခံပါတယ်..."</p> <p>သူမရှေ့ရှိ လူသားအင်မော်တယ် အလယ်အလတ်အဆင့် ဆယ်ဦးမှာ အံကြိတ်၍ နောက်ဆုံးတွင် လက်ခံရန်မှတစ်ပါး အခြား ရွေးချယ်စရာ မရှိတော့ချေ။</p> <p> </p> <p>မည်သို့ပင်ဆိုစေကာမူ ယခုအချိန်တွင် သူတို့ သဘောတူရန်မှတစ်ပါး အခြား ရွေးချယ်စရာ မရှိ။ သို့မဟုတ်ပါက သေချာပေါက် သေဆုံးရမည် ဖြစ်သည်။ ထို့အပြင် ဝူမိုဝူ၏ ပါရမီသည် အလွန် ထိတ်လန့်ဖွယ် ကောင်းသောကြောင့် သူမ ပြောခဲ့သည့် အရာအားလုံးကို တကယ်တမ်း ပြီးမြောက်အောင် လုပ်နိုင်စွမ်း ရှိပေလိမ့်မည်။</p> <p> </p> <p>"အခု မင်းတို့က ငါ့ရဲ့ လက်အောက်ငယ်သားတွေ ဖြစ်လာပြီ ဆိုတော့ ဒီနေ့ကစပြီး ငါတို့ အဖွဲ့အစည်းရဲ့ နာမည်ကို ထွင်းမို ဂိုဏ်း လို့ ခေါ်မယ်..."</p> <p> </p> <p>ဤသို့ဖြင့် ထွင်းမို ဂိုဏ်း ကို တရားဝင် တည်ထောင်လိုက်ပြီ ဖြစ်သည်။ အခြားတစ်ဖက်တွင် ဝူရှန်းနီ မှာမူ အတော်လေး ကြိုးစားအားထုတ်ပြီးနောက် မဟာဧကရာဇ် အထွတ်အထိပ်အဆင့်ရှိ ကျင့်ကြံသူ ဆယ်ဦးကိုသာ ရှာဖွေတွေ့ရှိခဲ့ပြီး  သူ၏ အဖွဲ့ထဲသို့ စုဆောင်းနိုင်ခဲ့ကာ ကျန်းရှန်း အသင်းကို မနည်း တည်ထောင်နိုင်ခဲ့သည်။</p> <p> </p> <p>တစ်ချိန်တည်းမှာပင် ဝူချီလုံ သည် ဝူမိသားစု ကုန်သည်အသင်း ၏ အနီးဝန်းကျင်သို့ ရောက်ရှိလာခဲ့သည်။ ရောက်ရှိလာပြီးနောက်တွင် ဝူချီလုံသည် အနည်းငယ် မျက်မှောင်ကြုတ်သွားသည်။</p> <p> </p> <p>"ဒီနေရာမှ သခင်ရဲ့ သွေးမျိုးဆက် အရိပ်အယောင် ရှိနေပုံရတယ်..."</p> <p>ဝူ မိသားစု ၏ အစောင့်အရှောက် နတ်ဘုရားသားရဲ အနေဖြင့် ဝူချီလုံ သည် ဝူဟောက် ၏ တည်ရှိမှုကို သဘာဝကျကျ အာရုံခံနိုင်ပေသည်။ သွေးမျိုးဆက် နှင့် ပတ်သက်သည့် အချက်အလက်များကို အထက်ကမ္ဘာသို့ ရောက်ရှိပြီးနောက် ဝူဟောက်၏ သွေးမျိုးဆက် နှင့် ဆုံတွေ့သောအခါ အကာအကွယ် အချို့ ပေးနိုင်ရန် ရည်ရွယ်ချက်ဖြင့် ထည့်သွင်းပေးထားခြင်း ဖြစ်၏။</p> <p> </p> <p>မကြာမီမှာပင် ဝူချီလုံ သည် သွေးမျိုးဆက် ၏ အချက်အလက်များကို ခြေရာခံ၍ ဝူမိသားစု ကုန်သည်အသင်း သို့ ရောက်ရှိသွားခဲ့ပြီး  ထိုနေရာရှိ အလုပ်ခေါ်စာကို တိုက်ဆိုင်စွာဖြင့် မြင်တွေ့လိုက်ရသည်။</p> <p> </p> <p>"အင်မော်တယ်ဘုရင် အဆင့်နှင့်အထက် ဧည့်သည်အကြီးအကဲ အလိုရှိသည်  လစာကို ညှိနှိုင်းနိုင်သည်”</p> <p> </p> <p>ဝူချီလုံ သည် အလုပ်ခေါ်စာကို စိုက်ကြည့်၍ သူ့ဟာသူ တီးတိုးရေရွတ်လိုက်ပြီးနောက် သူ၏ မျက်လုံးများမှာ အရောင်လက်သွားသည်။</p> <p> </p> <p>ဒီအလုပ်က ငါ့အတွက် အသင့်တော်ဆုံး မဟုတ်ဘူးလား...</p> <p> </p> <p>အကယ်၍ တစ်စုံတစ်ယောက်က ဝူမိသားစု ကုန်သည်အသင်း ကို ပြဿနာ လာရှာမည် ဆိုပါက သူ၏ တိုက်ပွဲ အတွေ့အကြုံများ တိုးတက်လာစေရန် ထိုသူများနှင့် လေ့ကျင့်နိုင်မည် ဖြစ်သည်။</p> <p> </p> <p>အင်မော်တယ်ဘုရင် အထက် ဆိုသည့် အချက်နှင့် ပတ်သက်၍ ဝူဟောက်သည်  သူ၏ လက်ရှိ ကျင့်ကြံခြင်းအဆင့်ကို ချိတ်ပိတ်ထားသော်လည်း  သို့သော် သူသည် တစ်ချိန်က အင်မော်တယ် မဟာဧကရာဇ် နှောင်းပိုင်းအဆင့် အထိ ရှိခဲ့ဖူးသော စွမ်းအားကြီးမားသည့် စစ်သည်တော် တစ်ဦး ဖြစ်ခဲ့သည်။ အကယ်၍ ဝူဟောက် သည် တစ်နေ့နေ့တွင် စည်းတံဆိပ်ကို ဖြည်ပေးမည် ဆိုပါက အင်မော်တယ်ဘုရင် များကိုသာမက အင်မော်တယ် ဧကရာဇ် များကိုပင် သတ်ဖြတ်နိုင်စွမ်း ရှိပေသည်။</p> <p> </p> <p>ထိုသို့ တွေးလိုက်ပြီးနောက် ဝူချီလုံ သည် ကျေနပ်နေသော မျက်နှာထားဖြင့် အထဲသို့ ဝင်သွား၏။</p> <p> </p> <p>ဝူချီလုံ အထဲသို့ ဝင်သွားပြီး မကြာမီမှာပင် ဝူရူလုံသည် သတင်းရရှိ၍ အပြင်သို့ ထွက်လာခဲ့သည်။ သို့သော်လည်း ဝူချီလုံ ၏ အရှိန်အဝါကို အာရုံခံမိသည်နှင့်  ဝူရူလုံသည် မျက်မှောင်ကြုတ်သွားသည်။</p> <p> </p> <p>"တာအိုရောင်းရင်း... ခင်ဗျားက ဟင်းလင်းပြင်သန့်စင်ခြင်းအဆင့် မှာပဲ ရှိသေးတာ... ဒီတာဝန်ကို ထမ်းဆောင်နိုင်မယ် မထင်ဘူး... ခင်ဗျား ပြန်သွားသင့်တယ်..."</p> <p> </p> <p>ဝူရူလုံ သည် သူ့ကိုယ်သူ ယဉ်ကျေးစွာ ပြောဆိုနေသည်ဟု ထင်မှတ်ထားသော်လည်း  တစ်ဖက်ရှိ ဝူချီလုံ ကမူ ထိုအရာအတွက် မပျော်ရွှင်ချေ။</p> <p> </p> <p>“မင်း ဘာတွေ ပြောနေတာလဲ... ငါက စည်းတံဆိပ်ခတ်ခံထားရတယ် လို့ မပြောဘူးလား... ဟင်းလင်းပြင်သန့်စင်ခြင်းအဆင့် က ဘာဖြစ်နေလို့လဲ...”</p> <p>သို့သော်လည်း သူ့ရှေ့ကလူသည် သခင်ဖြစ်သူ၏ မျိုးဆက် ဖြစ်ပြီး သူ့အနေဖြင့် ပြစ်မှား၍ မရနိုင်ကြောင်းကို လျင်မြန်စွာ သတိရသွားသည်။ ထို့ကြောင့် ချောင်းတစ်ချက် ဟန့်လိုက်ပြီး အလွန်တရာ တည်ကြည် လေးနက်သော မျက်နှာထားဖြင့် ပြောလိုက်၏။</p> <p> </p> <p>"ငါက အခု လက်ရှိမှာ ဟင်းလင်းပြင်သန့်စင်ခြင်းအဆင့် မှာ ရှိနေပေမယ့် ဒါက ငါ့ရဲ့ ကျင့်ကြံခြင်း အဆင့်ကို  စည်းတံဆိပ်ခတ်ခံထားရလို့ပဲ... ငါ့ရဲ့ သခင်က ဝူဟောက် လေ... အမှန်တရားကို အတည်ပြုချင်ရင် သူ့ကို ဆက်သွယ်လို့ ရတယ်..."</p> <p> </p> <p>ဝူချီလုံ ၏ စကားကို ကြားသောအခါ ဝူရူလုံမှာ မျက်မှောင်ကြုတ်သွားသည်။ သူ့အနေဖြင့် အနည်းငယ် သံသယ ဖြစ်နေသော်လည်း ဆက်သွယ်ရေး ကျောက်စိမ်းပြားကို ထုတ်ယူကာ အဖေဖြစ်သူထံ ဆက်သွယ်ရန် ပြင်ဆင်လိုက်သည်။</p> <p> </p> <p>မိုဘိုင်းဖုန်း ကို အဘယ့်ကြောင့် အသုံးမပြုရသနည်း ဆိုလျှင်  လက်ရှိ အထက်ကမ္ဘာ တွင် ဝူမိသားစု ကုန်သည်အသင်း သည် ဖွံ့ဖြိုးတိုးတက်မှု မရှိသေးဘဲ အထက်ကမ္ဘာ ၌ စက္ကန့်ပိုင်းအတွင်း ဆက်သွယ်နိုင်လောက်သည့် အခြေအနေအထိ နည်းပညာများ ပေါက်ကွဲထွက်လာခြင်း မရှိသေးသောကြောင့် ဖြစ်သည်။</p> <p> </p> <p>ဤအရာကို ကနဦး အောင်မြင်မှုများ ရရှိပြီးမှသာ အကောင်အထည် ဖော်နိုင်မည် ဖြစ်ကာ ထိုအချိန်မတိုင်မီအထိ ဝူမိသားစု ကုန်သည်အသင်း အနေဖြင့် မိမိကိုယ်ကို ကာကွယ်ရန် အကြွင်းမဲ့ စွမ်းအားများ ရှိနေဖို့ လိုအပ်ပေသည်။</p> <p>မကြာမီမှာပင် အဝေးရှိ ဖန်လိုင် အင်မော်တယ်ကျွန်း မှ ဝူဟောက် သည် ဝူရူလုံ ထံမှ သတင်းစကားကို ရရှိခဲ့သည်။ ဝူချီလုံ သည် ဝူမိသားစု ကုန်သည်အသင်း သို့  ရောက်ရှိသွားပြီး ဝူမိသားစု ကုန်သည်အသင်း ၏ ဧည့်သည်အကြီးအကဲ အဖြစ်ပင် လုပ်ဆောင်ရန် ရည်ရွယ်နေကြောင်း သိလိုက်ရသောအခါ သူ၏ နှုတ်ခမ်းထောင့်များမှာ တွန့်ကွေးသွား၏။</p> <p> </p> <p>သို့သော်လည်း သူသည် တစ်စုံတစ်ခုကို လျင်မြန်စွာ သဘောပေါက်သွားပြီး သက်ပြင်းတစ်ချက် ချကာ ပြောလိုက်သည်။</p> <p> </p> <p>"အေး... ဟုတ်တယ်... အဲဒီကောင်က ငါတို့ ဝူ မိသားစု ရဲ့ အစောင့်အရှောက် နတ်ဘုရားသားရဲ ပဲ... သူ့ကို အဲဒီမှာပဲ နေခိုင်းလိုက်... လစာ ဒါမှမဟုတ် တခြား ဘာမှ ပေးစရာ မလိုဘူး... သူက ငါတို့ ဝူ မိသားစုဝင် တစ်ယောက်ပဲ..."</p> <p> </p> <p>ထိုသို့ ပြောပြီးနောက် ဝူဟောက် သည် ဆက်သွယ်မှုကို ဖြတ်တောက်လိုက်သည်။</p> <p> </p> <p>ဘေးတွင် ရပ်နေသော ဝူချီလုံ မှာ ဝူရူလုံ ကို စိတ်ဝင်တစား ကြည့်နေပြီး မျှော်လင့်ချက် အပြည့်ပါသော အကြည့်များဖြင့် ပြောလိုက်သည်။</p> <p> </p> <p>"ဘယ်လိုလဲ.....ငါက  မင်းတို့ ဝူ မိသားစု ရဲ့ အစောင့်အရှောက် နတ်ဘုရားသားရဲ လို့ ငါ ပြောသားပဲ မဟုတ်လား..."</p> <p> </p> <p>ဝူရူလုံ ၏ မျက်နှာထားမှာ ရှုပ်ထွေးနေသော်လည်း အတန်ကြာပြီးနောက် သက်ပြင်းတစ်ချက် ချကာ ပြောလိုက်၏။</p> <p> </p> <p>"အစောင့်အရှောက် နတ်ဘုရားသားရဲ ကို တွေ့ပြီးပြီ ဆိုတော့ ဒီနေ့က စပြီး ခင်ဗျားက ကျွန်တော်တို့ ဝူမိသားစု ကုန်သည်အသင်း ရဲ့ ဧည့်သည်အကြီးအကဲ ပဲ..."</p> <p> </p> <p>"ကောင်းပြီလေ... ဒီလိုဆိုရင်လည်း ငါ နားဖို့ နေရာတစ်ခု အမြန် ရှာပေးတော့... မင်းတို့ မနိုင်တဲ့ ရန်သူ မပေါ်လာမချင်း ငါ့ကို အလုပ်မပေးနဲ့..."</p> <p> </p> <p>ဝူချီလုံ သည် ထိုသို့ပြောပြီးသည်နှင့် ဝူရူလုံ ကို ကြည့်လိုက်၏။</p> <p> </p> <p>ဝူရူလုံ သည် သက်ပြင်းတစ်ချက် ချလိုက်ပြီးနောက် သူ၏ အစေခံများကို ဝူချီလုံ အား ခေါ်ဆောင်သွားရန် လက်ဝှေ့ယမ်းပြလိုက်သည်။ တဖက်လူသည် သူတို့ ဝူ မိသားစု ၏ အစောင့်အရှောက် နတ်ဘုရားသားရဲ ဖြစ်သည့်အတွက် သူ၏ စွမ်းအားမှာ အတော်လေး ကြီးမားရမည် ဖြစ်သည်။</p> <p> </p> <p>သို့သော် ဝူချီလုံ၏ လုံးဝ တည်ကြည်လေးနက်မှု မရှိသော အပြုအမူကို ကြည့်ရင်း  တကယ်တမ်း လိုအပ်လာသည့် အချိန်တွင် အမှန်တကယ် အသုံးဝင်မည်လား ဆိုသည်ကို ဝူရူလုံ တစ်ယောက် အတော်လေး သံသယ ဖြစ်မိပေသည်။</p> <p>***</p> <p> </p>


Save