Book List

<h2 style="text-align: center;">အခန်း ၁၉၄</h2> <h2 style="text-align: center;">ဝူယီဖန် ၏ စိုးရိမ်ပူပန်မှု နှင့် ထွက်ခွာခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>"မပူပါနဲ့... တကယ်လို့ အဲဒီလူ လာခဲ့ရင် မင်း သူ့ကို မကိုင်တွယ်နိုင်ရင် ငါ ကိုယ်တိုင် ဝင်ပါမယ်..."</p> <p> </p> <p>လင်းထျန်းအန်၏ စကားကို ကြားပြီးနောက် သွေးဝိညာဉ်ဂိုဏ်း တမန်တော်သည် အေးစက်စွာ ပြန်ဖြေလိုက်သည်။ ထို့နောက် ချက်ချင်းဆိုသလို လင်းထျန်းအန် ၏ အမြင်အာရုံမှ ပျောက်ကွယ်သွားခဲ့သည်။</p> <p> </p> <p>ကမ္ဘာငယ်ဲထဲတွင် လင်းထျန်းအန် တစ်ယောက်တည်းသာ ကျန်ရစ်ခဲ့တော့သည်။ ဟာလာဟင်းလင်း ဖြစ်နေသော နေရာကို ဝေ့ဝဲကြည့်လိုက်ရင်း လင်းထျန်းအန် မှာ အမည်မသိ ဝမ်းနည်းဖွယ်ရာ ခံစားချက်ကို ရရှိလိုက်သော်လည်း  သို့သော် အတန်ကြာပြီးနောက် သူသည် ခိုင်မာသော ဆုံးဖြတ်ချက်ဖြင့် လှည့်ထွက်သွားခဲ့သည်။</p> <p>သူ့လုပ်ရပ်မှာ မမှားချေ။ လူတိုင်း ကိုယ့်ကိုယ်ကိုယ် ကာကွယ်ရမည်သာ ဖြစ်ပြီး  ယခုအချိန်သည် လင်း မိသားစု အတွက် သေရေးရှင်ရေး ပြသနာဖြစ်သောကြောင့်  ဤကိစ္စနှင့် ပတ်သက်၍ အခြားရွေးချယ်စရာ မရှိတော့ပေ။</p> <p> </p> <p>တစ်ချိန်တည်းမှာပင် ရှေးဟောင်းကန္တာရ မြင့်မြတ်နယ်မြေ အတွင်း၌ ဝူယီဖန် သည် မဟာတာအိုဖွင့်လှစ်ခြင်း ကောင်းကင်ခန္ဓာ သို့ တက်လှမ်းရန် လိုအပ်သော အရင်းအမြစ်များကို စုဆောင်း သန့်စင်ပြီးနောက်  ရှေးဟောင်း မြင့်မြတ်ခန္ဓာကိုယ် မှ မဟာတာအိုဖွင့်လှစ်ခြင်း ကောင်းကင်ခန္ဓာ အဖြစ် ပြောင်းလဲသွားမည့် နေ့ကို စောင့်ဆိုင်းနေ၏။</p> <p> </p> <p>"အခု လက်ရှိ အချိန်အရ ဆိုရင်တော့ အပြည့်အဝ သန့်စင်ဖို့အတွက် အနည်းဆုံး နှစ်တစ်ရာလောက် အချိန်ယူရလိမ့်မယ်... ဒါပေမဲ့ ပြင်ပကနေ အနှောင့်အယှက် တစ်ခုခု ရှိလာရင်တော့ ပိုမြန်ကောင်း မြန်နိုင်တယ်..."</p> <p> </p> <p>သူ၏ ခန္ဓာကိုယ်အတွင်းရှိ အခြေအနေကို အာရုံခံပြီးနောက် ဝူယီဖန် သည် သူ့ဟာသူ တွေးလိုက်မိသည်။</p> <p> </p> <p>"ကျစ်... အရာအားလုံးက ငါ မျှော်လင့်ထားတာထက် အများကြီး ပိုချောမွေ့နေတယ်... ရှေးဟောင်း မြင့်မြတ်ခန္ဓာကိုယ် က ငါ့အတွက် သီးသန့် ဖန်တီးပေးထားသလိုပဲ..."</p> <p> </p> <p>သူ့ကိုယ်သူ စစ်ဆေးပြီးနောက် ဝူယီဖန် သည်  တစ်စုံတစ်ခုကို ရုတ်တရက်သတိရသွားပြီး မျက်မှောင်ကုတ်သွားသည်။</p> <p> </p> <p>"တွမ့်သယ်...ဒီလောက်တောင် ကြာနေပြီ သူ မြင့်မြတ်နယ်မြေ ကို ပြန်ရောက်နေသင့်ပြီ...တစ်ခုခုများ ဖြစ်နေတာလား..."</p> <p> </p> <p>ထိုသို့ တွေးလိုက်မိပြီးနောက် ဝူယီဖန် သည် တွမ့်သယ် နှင့် ဆက်သွယ်ရန် အသုံးပြုသည့် အင်မော်တယ် ဝိညာဉ်ကျောက်တုံး ကို ထုတ်ယူလိုက်သည်။ သို့သော်လည်း အင်မော်တယ် စွမ်းအင် သွင်းလိုက်ပြီးနောက်  တစ်ဖက်မှ မည်သည့် တုံ့ပြန်မှုမျှ မရှိသောကြောင့် ဝူယီဖန်မှာ ပို၍  စိုးရိမ်ပူပန်သွားသည်။</p> <p> </p> <p>မကြာမီမှာပင် ဝူယီဖန် သည် မတ်တတ်ထရပ်လိုက်သည်။ အကယ်၍ တွမ့်သယ်တွင် တစ်ခုခုကြုံတွေ့နေရပါက  ၎င်းသည် လင်း မိသားစု၏ လက်ချက် ဖြစ်မည်မှာ သေချာပေသည်။</p> <p> </p> <p>မည်သို့ပင်ဆိုစေကာမူ တစ်ဖက်လူသည် သူ၏ လက်အောက်ငယ်သား ဖြစ်သည့်အတွက်  သူ့အနေဖြင့် ဤကိစ္စကို သေချာပေါက် စုံစမ်းရမည်။</p> <p> </p> <p>ဝူယီဖန် သည် ရှေးဟောင်းကန္တာရ မြင့်မြတ်နယ်မြေ မှ ထွက်ခွာသွားပြီး နောက်တစ်စက္ကန့်တွင် လီဖန်ထျန်း နှင့် လီကျန်းရန် တို့သည် ရှေးဟောင်းကန္တာရ မြင့်မြတ်နယ်မြေ ၏ အထက်ကောင်းကင်ယံ၌ ရပ်နေရင်း ဝူယီဖန် ထွက်ခွာသွားသည်ကို ကြည့်နေကြသည်။ အတန်ကြာပြီးနောက် လီဖန်ထျန်း က စကားစလိုက်သည် ။</p> <p> </p> <p>"ကျန်းရန်... သူတော်စင် ရဲ့ ရှေးဟောင်း မြင့်မြတ်ခန္ဓာကိုယ် က မဟာတာအိုဖွင့်လှစ်ခြင်း ကောင်းကင်ခန္ဓာ အဖြစ် မပြောင်းလဲမချင်း သူ့နောက်ကို မင်း လိုက်သွားသင့်တယ်... ပြီးမှ ပြန်လာခဲ့..."</p> <p>"ဟုတ်ကဲ့ပါ... သခင်ကြီး..."</p> <p> </p> <p>ထိုသို့ပြောပြီးသည်နှင့် လီကျန်းရန် က ခေါင်းညိတ်၍ နောက်မှ လိုက်သွားခဲ့၏။</p> <p> </p> <p>သူတို့ နှစ်ဦးစလုံးသည် သူ၏ နတ်အသိစိတ်အာရုံ မှ ပျောက်ကွယ်သွားပြီးနောက် လီဖန်ထျန်းသည် တီးတိုးရေရွတ်လိုက်သည်။ သူ၏လေသံထဲတွင် စိုးရိမ်ပူပန်မှုများဖြင့် ပြည့်နှက်လျက်‌ရှိသည်။</p> <p> </p> <p>"ငါ့ရင်ထဲမှာ ဘာဖြစ်လို့ မအေးချမ်းတဲ့ခံစားချက်မျိုး ရှိနေရတာလဲ... ဒါပေမဲ့ အထက်ကမ္ဘာ မှာ ငါတို့ ရှေးဟောင်းကန္တာရ မြင့်မြတ်နယ်မြေ ကို ခြိမ်းခြောက်နိုင်တဲ့သူ ဘယ်သူမှ မရှိဘူးလေ... ဒါ့အပြင် သူတော်စင်သားတော် ယီဖန် ရဲ့ ဘိုးဘေးကြီး ကလည်း ငါ့ထက် အများကြီး ပိုအားကောင်းတယ်... သွေးဧကရာဇ် ကိုယ်တိုင် ဝင်ပါရင်တောင် သူ့ကို ယှဉ်နိုင်မှာ မဟုတ်ဘူး..."</p> <p> </p> <p>“ဒါဆိုရင် ငါ ဘာတွေ တွေးနေတာလဲ...”</p> <p> </p> <p>တစ်ချိန်တည်းမှာပင် ဖန်လိုင် အင်မော်တယ်ကျွန်း ၌ ဝူဟောက်ခမျာ ပျင်းလွန်းလို့သေမတတ် ဖြစ်နေရှာသည်။ စူးချောင်ရန် သည် တံခါးပိတ် ကျင့်ကြံနေသော်လည်း  သူသည် ထိုသို့ ပြုလုပ်ရန် မလိုအပ်သောကြောင့် နေရာတွင် တစ်ယောက်တည်းသာ ကျန်ရစ်နေလေ၏။</p> <p> </p> <p>"ကျစ်... ဝူမိသားစု ကုန်သည်အသင်း ကို အထက်ကမ္ဘာ မှာ အကြီးဆုံး ကုန်သည်အသင်း ဖြစ်လာအောင် ဒီထက်မြန်မြန် ဖွံ့ဖြိုးအောင် မလုပ်နိုင်ကြဘူးလား..."</p> <p> </p> <p>ဝူဟောက် သည် နာကျင်စွာဖြင့် ညည်းတွားလိုက်သည်။</p> <p> </p> <p>ထို့‌နောက် ဝူဟောက် သည် ဖန်လိုင် အင်မော်တယ်ကျွန်း ၏ အပြင်ဘက်သို့ လှမ်းကြည့်လိုက်သည်။</p> <p> </p> <p>"ထားလိုက်ပါတော့... အပြင်ထွက်ပြီး ပျော်စရာ တစ်ခုခု သွားရှာတာ ပိုကောင်းတယ်... ဘာပဲဖြစ်ဖြစ် ချောင်ရန် က တံခါးပိတ် ကျင့်ကြံနေတာ ဆိုတော့ ခဏလောက် ထွက်လာဦးမှာ မဟုတ်ဘူး... ပြီးတော့ မဟာ ဝင်္ကပါ ကြီးရဲ့ အကာအကွယ်နဲ့ ဆိုရင် အင်မော်တယ် မဟာဧကရာဇ် အထွတ်အထိပ်အဆင့် တောင် အထဲကို ဝင်လာနိုင်မှာ မဟုတ်ဘူး..."</p> <p> </p> <p>ထိုသို့ဆုံးဖြတ်ချက် ချပြီးနောက် ဝူဟောက် သည် ဖန်လိုင် အင်မော်တယ်ကျွန်း မှ ထွက်ခွာလာပြီး တောင်ပိုင်း ဒေသ ဆီသို့ ဦးတည်လိုက်သည်။</p> <p> </p> <p>တစ်ချိန်တည်းမှာပင် ရုပ်ဖျက်ထားသော ဝူယီဖန် သည် ကံကြမ္မာဖုံးကွယ် ဆန်းကြယ်ပုလဲ ၏ အကူအညီဖြင့် လင်း မိသားစု နေအိမ် အနီးသို့ လျင်မြန်စွာ ရောက်ရှိလာခဲ့သည်။ သို့သော်လည်း လင်း မိသားစု ၏ နေရာသို့ ရောက်ရှိသွားသောအခါ ဝူယီဖန်သည် မျက်မှောင်ကြုတ်သွားသည်။</p> <p> </p> <p>"လင်း မိသားစု က သူတို့ရဲ့ မိသားစုအစောင့်အရှောက် ဝင်္ကပါ ကို ဖွင့်ထားတယ်... ငါ့ကြောင့်များလား... အဲဒီလိုဆိုရင်တော့ ငါ မဆင်မခြင် သွားလုပ်လို့ မရဘူး..."</p> <p> </p> <p>ဝူယီဖန် သည် သူ့ဟာသူ တွေးလိုက်မိသည်။</p> <p> </p> <p>"မိသားစုအစောင့်အရှောက် ဝင်္ကပါ သာ မရှိရင် တွမ့်သယ် ကို ရှာရတာ အတော်လေး လွယ်ကူမှာ..."</p> <p> </p> <p>သို့သော်လည်း တစ်ဖက်လူသည် မိသားစုအစောင့်အရှောက် ဝင်္ကပါ ကို ဖွင့်ထားပြီး ဝူယီဖန်အ‌နေဖြင့် မဆင်မခြင် လုပ်ဆောင်မည် ဆိုပါက လင်း မိသားစုကို သတိပေးမိသလို ဖြစ်သွားနိုင်သည်။ ထိုသို့ ဖြစ်လာခဲ့လျှင်ဖြင့်  တဖက်လူသည် တွမ့်သယ် ကို အသုံးချကာ မိမိအား အညံ့ခံလာအောင် အတင်းအကျပ် လုပ်ဆောင်လာနိုင်သည်။</p> <p> </p> <p>ဤအချက်ကို စိတ်ထဲ မှတ်ထားရင်း  ဝူယီဖန် သည် လင်း မိသားစုနေအိမ်၏ အနီးဝန်းကျင်တွင် စောင့်ကြည့်ရန် စီစဉ်လိုက်သည်။</p> <p> </p> <p>သုံးရက်သုံးညတိုင်တိုင် စောင့်ကြည့်ပြီးနောက် နောက်ဆုံးတွင် ဝူယီဖန် သည် အပြင်သို့ ထွက်လာသော လင်း မိသားစုဝင် တစ်ဦးနှင့် ဆုံတွေ့ခဲ့သည်။ ထိုမိသားစုဝင်သည် လင်း မိသားစုနှင့် အတန်အသင့် ဝေးကွာသော နေရာသို့ ရောက်သွားသည်နှင့် ဝူယီဖန် သည် စတင် လှုပ်ရှားလိုက်သည်။</p> <p> </p> <p>​ထိုလင်းမိသားစုဝင်မှာ လူသားအင်မော်တယ်အဆင့်မျှသာ ရှိသေးသဖြင့် ထိပ်တိုက်ရင်ဆိုင်ရသည့် တိုက်ပွဲမျိုးတွင်ပင် ဝူယီဖန်၏ ပြိုင်ဘက်မဟုတ်ပေ။ ယခုကဲ့သို့ ဝူယီဖန်၏ ချောင်းမြောင်းတိုက်ခိုက်မှုကို ခံလိုက်ရချိန်တွင်မူ သူ၏အခြေအနေမှာ ပို၍ပင် ဆိုးရွားသွားလေ၏။</p> <p> </p> <p>မကြာမီမှာပင် ဝူယီဖန် သည် ထိုလင်း မိသားစုဝင်ကို ကမ္ဘာငယ် ထဲသို့ ခေါ်ဆောင်သွားခဲ့သည်။ အထဲသို့ ရောက်သည်နှင့် ဝူယီဖန် က အေးစက်သော မျက်နှာထားဖြင့် စကားပြောလိုက်သည်။</p> <p>"ပြောစမ်း... မကြာသေးခင်က မင်းတို့ လင်း မိသားစု က သင်္ချိုင်းဖောက်တဲ့သူ တစ်ယောက်ကို ဖမ်းမိထားသေးလား..."</p> <p> </p> <p>ဝူယီဖန် ၏ ဖမ်းဆီးခြင်းကို ခံလိုက်ရပြီးနောက် ထိုလင်းမိသားစုဝင်မှာ ထိတ်လန့်နေပြီး  သူသည် ရန်သူ တစ်ဦးဦးနှင့် ဆုံတွေ့ခဲ့ရသည်ဟု ထင်မှတ်နေခဲ့သည်။ သို့သော် ဝူယီဖန်၏ စကားကို ကြားလိုက်ရချိန်တွင်  ၎င်းမှာ မျိုးနွယ်စုမှ အပြတ်ရှင်းချင်နေသည့် သင်္ချိုင်းဖောက်သူ ဖြစ်ကြောင်း သဘောပေါက်သွားခဲ့သည်။</p> <p> </p> <p>ထိုသို့ တွေးလိုက်မိသည်နှင့် လင်း မိသားစုဝင်က ချက်ချင်းပင် အော်ဟစ်လိုက်၏။</p> <p> </p> <p>"ကျွန်တော် အားလုံး ပြောပြပါ့မယ်... ကျွန်တော့် အသက်ကို ချမ်းသာပေးဖို့ပဲ တောင်းပန်ပါတယ်... ကျွန်တော်တို့ လင်း မိသားစု က လွန်ခဲ့တဲ့ အချိန်အတော်ကြာက တွမ့်သယ် လို့ ခေါ်တဲ့ သင်္ချိုင်းဖောက်တဲ့သူ တစ်ယောက်ကို တကယ်ပဲ ဖမ်းမိခဲ့ပါတယ်... သူ့ကို ကျွန်တော်တို့ လင်း မိသားစု ရဲ့ မြေအောက်အကျဉ်းထောင် ထဲမှာ လှောင်ထားပြီး ပြင်းပြင်းထန်ထန် စစ်ဆေးမေးမြန်းနေတာပါ..."</p> <p> </p> <p>သူတို့သည် တွမ့်သယ် ကို ပြင်းပြင်းထန်ထန် နှိပ်စက်၍ စစ်ဆေးမေးမြန်းနေကြောင်း ကြားလိုက်ရသည်နှင့်  ဝူယီဖန် ၏ မျက်နှာပေါ်တွင် အတော်လေး မနှစ်မြို့သော အမူအရာ ဖြစ်သွားသည်။</p> <p> </p> <p>တွမ့်သယ် ၏ ခန္ဓာကိုယ်သည် လင်း မိသားစု ၏ ညှဉ်းပန်းနှိပ်စက်မှုကို  မည်သို့ ခံနိုင်ရည် ရှိမည်နည်း။</p> <p> </p> <p>“ကြည့်ရတာ တွမ့်သယ် ကို ငါ အမြန်ဆုံး ကယ်တင်မှရ‌တော့မယ် ထင်တယ်”</p> <p> </p> <p>"သူ့ရဲ့ မြေအောက်အကျဉ်းထောင် နေရာကို မင်း သိလား..."</p> <p> </p> <p>ဝူယီဖန် သည် ထိုလင်း မိသားစုဝင်ကို ထပ်ကြည့်လိုက်သည်။ တစ်ဖက်လူ၏ မျက်လုံးများသည် အရောင်လက်သွားပြီး အလျင်အမြန် ခေါင်းညိတ်ကာ ပြောလိုက်သည်။</p> <p> </p> <p>"ကျွန်တော် သိပါတယ်..."</p> <p> </p> <p>နောက်တစ်စက္ကန့်တွင် ဝူယီဖန် သည် လက်လှမ်း၍ သူ၏ ခေါင်းကို ဆုပ်ကိုင်လိုက်သည်။</p> <p> </p> <p>"ငါ့ကို လိမ်နေတာလား.. ဟာသပဲ”</p> <p> </p> <p>တစ်ဖက်လူသည် ထူးဆန်းစွာ ပြုမူနေသည်ကို ဝူယီဖန် အနေဖြင့် တစ်ချက်ကြည့်ရုံဖြင့် သိနိုင်ပေသည်။ ထိုသူသည် နေရာအမှားကို ပေးပြီး သူ့ကို ထောင်ချောက်ထဲ ဝင်ရန် ကြံစည်နေသည်မှာ သိသာလွန်းသည်။</p> <p> </p> <p>ထိုလင်း မိသားစုဝင်၏ မှတ်ဉာဏ်များကို စစ်ဆေးကြည့်ပြီးနောက် ဝူယီဖန် သည် လင်း မိသားစု ၏ လက်ရှိ အခြေအနေကို သိရှိသွားပြီး သူ၏ အမူအရာမှာ အလွန်လေးနက်သွားသည်။</p> <p>လင်း မိသားစု တွင် စုစုပေါင်း အင်မော်တယ် အရှင်မြတ် အယောက်လေးဆယ် ရှိပြီး  ၎င်းတို့အနက် အထွတ်အထိပ် လေးဦး နှောင်းပိုင်းအဆင့် ခြောက်ဦး အလယ်အလတ်အဆင့် ဆယ်ဦးနှင့် ကနဦးအဆင့် အယောက် နှစ်ဆယ် ပါဝင်သည်။</p> <p> </p> <p>“ငါ့ရဲ့ လက်ရှိ စွမ်းအားနဲ့ ဆိုရင် ငါ့ရဲ့ ရှေးဟောင်း မြင့်မြတ်ခန္ဓာကိုယ် က မဟာတာအိုဖွင့်လှစ်ခြင်း ကောင်းကင်ခန္ဓာ အဖြစ် မပြောင်းလဲမချင်း ဒီလောက် များပြားတဲ့ အင်မော်တယ် အရှင်မြတ်တွေကို မကိုင်တွယ်နို‌င်သေးဘူး”</p> <p> </p> <p>"လင်း မိသားစု ထဲကို တိတ်တဆိတ် ဝင်ပြီး တွမ့်သယ် ကို ခေါ်ထုတ်သွားဖို့ နည်းလမ်း ရှာရမယ်..."</p> <p> </p> <p>ထိုသို့ တွေးလိုက်မိပြီးနောက် ဝူယီဖန် သည် ယခုလေးတင် သေဆုံးသွားသော လင်း မိသားစုဝင်ကို ကြည့်လိုက်ပြီး သူ၏ လက်ရှိ ကံကြမ္မာဖုံးကွယ် ဆန်းကြယ်ပုလဲ ကို သတိရသွားကာ ဆုံးဖြတ်ချက် တစ်ခုကို အလျင်အမြန် ချမှတ်လိုက်သည်။</p> <p> </p> <p>ဝူယီဖန် သည် လင်း မိသားစုဝင်၏ အရှိန်အဝါကို သေချာ ဂရုတစိုက် အာရုံခံလိုက်ပြီးနောက်  သူ့မျက်လုံးများကို မှိတ်လိုက်သည်။ သူ၏ ခန္ဓာကိုယ်အတွင်းရှိ ကံကြမ္မာဖုံးကွယ် ဆန်းကြယ်ပုလဲ ကို အသက်သွင်းလိုက်သည်နှင့်   နောက်တစ်စက္ကန့်တွင် ဝူယီဖန် ၏ မျက်နှာသည် စတင် ပြောင်းလဲလာပြီး သူ သတ်ဖြတ်လိုက်သော လင်း မိသားစုဝင်၏ အသွင်အပြင်သို့ လျင်မြန်စွာ ပြောင်းလဲသွားသည်။ သူ၏ အရှိန်အဝါသည်ပင် လုံးဝ ပြောင်းလဲသွားသည်။</p> <p> </p> <p>အရိပ်ထဲတွင် ပုန်းကွယ်နေသော လီကျန်းရန် မှာလည်း ထိုမြင်ကွင်းကို မြင်လိုက်ရချိန်တွင် အလွန် အံ့အားသင့်သွားသည်။ ကံကြမ္မာဖုံးကွယ် ဆန်းကြယ်ပုလဲ ၏ အာနိသင်သည် ဤမျှ အစွမ်းထက်လိမ့်မည်ဟု သူ မျှော်လင့်မထားခဲ့ချေ။ အင်မော်တယ် ဧကရာဇ် ဖြစ်သော သူကိုယ်တိုင်ပင် ထိုပြောင်းလဲသွားသော အသွင်အပြင်ကို ထိုးဖောက်မမြင်နိုင်ခဲ့ပေ။</p> <p>***</p> <p> </p>


Save