Book List

<h2 style="text-align: center;">အခန်း (၁၉၅)</h2> <h2 style="text-align: center;">ကောင်းကင်ကို လှည့်စား၍ နေ့ကို ပြောင်းလဲခြင်း</h2> <h2 style="text-align: center;">*</h2> <p> </p> <p> </p> <p> </p> <p>"ရွှီယန်... မင်း ဘယ်တွေ သွားနေတာလဲ... မင်းကို ရှာနေတာ ကြာလှပြီ..."</p> <p> </p> <p>ဝူယီဖန် သည် လင်း မိသားစု ထဲသို့ ပြန်ရောက်လာချိန်တွင် ရင်းနှီးနေသော လူများက သူ့ကို နှုတ်ဆက်ကြသည်။</p> <p> </p> <p>ထိုမြင်ကွင်းကို မြင်သည်နှင့် ဝူယီဖန် က လက်ဝှေ့ယမ်းကာ အကူအညီမဲ့စွာဖြင့် ပြောလိုက်သည်။</p> <p> </p> <p> </p> <p>"ပြောမနေနဲ့တော့... ငါ ကာကွယ်ပေးနေတဲ့ လျှို့ဝှက် နေရာလေး တစ်ခု ပြဿနာ တက်နေလို့... ဘာပဲဖြစ်ဖြစ် သူတို့ရဲ့ ပြဿနာတွေကို ဖြေရှင်းပေးဖို့ ငါက ပိုက်ဆံယူထားတာ ဆိုတော့ ငါ ကိုယ်တိုင် သွားရှင်းပေးတာက မှန်ကန်တဲ့ လုပ်ရပ်ပဲလေ..."</p> <p> </p> <p>"ဪ... အဲ့လိုကိုး... မင်း သတိထားတာ ပိုကောင်းမယ်... မိသားစု ခေါင်းဆောင်က ဘယ်သူမှ အပြင်မထွက်ရဘူး လို့ မကြာသေးခင်ကပဲ ပြတ်ပြတ်သားသား ကြေညာထားတာ... ဒီစည်းကမ်းကို ချိုးဖောက်တဲ့ ဘယ်သူ့ကိုမဆို ပြင်းပြင်းထန်ထန် အပြစ်ပေးမယ် တဲ့... မင်း သတိထားတာ ပိုကောင်းမယ်..."</p> <p> </p> <p>ဝူယီဖန် ကို နှုတ်ဆက်ပြီးနောက် ထိုလင်း မိသားစုဝင်မှာ လှည့်ထွက်သွား၏။ တစ်ဖက်လူထံမှ အမိမခံရသည့်အတွက် စိတ်သက်သာရာရသွားကာ ဝူယီဖန်သည် သက်ပြင်းတစ်ချက် ချလိုက်သည်။</p> <p> </p> <p>အကယ်၍ သူသာ အဖမ်းခံရမည် ဆိုပါက  သူကိုယ်တိုင်ပင် လင်း မိသားစု၏ လက်ထဲမှ ဖောက်ထွက်နိုင်မည်လား ဆိုသည်ကို အတပ်မပြောနိုင်ပေ။</p> <p> </p> <p>လင်းရွှီယန် ၏ မှတ်ဉာဏ်များအတိုင်း  ဝူယီဖန်သည် လင်း မိသားစု၏ မြေအောက်အကျဉ်းထောင်  တည်ရှိရာနေရာကို လျင်မြန်စွာ ရှာတွေ့ခဲ့သည်။ သို့သော်လည်း အကြောင်းပြချက် တစ်ခုခုကြောင့် လင်း မိသားစု၏ မြေအောက်အကျဉ်းထောင်မှာ ယခုအခါတွင် အစောင့်အကြပ်များ နည်းပါးနေ၏။</p> <p> </p> <p>မိသားစုအစောင့်အရှောက် ဝင်္ကပါ ကို ဖွင့်ထားသောကြောင့် ဝူယီဖန် အနေဖြင့် အထဲသို့ ဝင်ရောက်နိုင်တော့မည် မဟုတ်ဟု ထင်မှတ်နေဟန်ရသည်။</p> <p> </p> <p>သို့သော်လည်း အင်မော်တယ်ဘုရင် နှစ်ဦးသည် မြေအောက်အကျဉ်းထောင် ၏ အစွန်အဖျားတွင် စောင့်ကြပ်နေကြသည်။ အကယ်၍ ဝူယီဖန် သည် မြေအောက်အကျဉ်းထောင် အတွင်းသို့ ဝင်ရောက်၍ တွမ့်သယ် ကို ကယ်တင်လိုပါက  သူတို့ကို အသံမထွက်စေဘဲ ရှင်းလင်းပစ်ရမည် ဖြစ်သည်။</p> <p>ဤအရာကို တွေးမိပြီး ဝူယီဖန်သည် ခေါင်းကိုက်လာသလို ခံစားလိုက်ရသည်။ သူသည် တိုက်ခိုက်ရေးတွင် ကျွမ်းကျင်သော်လည်း အခြားသူများကို ဉာဏ်ဆင်ရာတွင် မကျွမ်းကျင်ချေ။</p> <p> </p> <p>သို့သော် တွမ့်သယ် အတွက် မဖြစ်နိုင်လျှင်တောင် သူ လုပ်ကို လုပ်ရမည် ဖြစ်သည်။</p> <p> </p> <p>"လျှို့ဝှက် လက်နက်တွေလား... ငါ့ဆီမှာ ဘာလျှို့ဝှက် လက်နက်မှ ရှိပုံမရဘူး..."</p> <p> </p> <p>"ဝင်္ကပါ တွေနဲ့ ပတ်သက်ပြီး ပြောရရင်တော့ ငါလည်း သိပ် မကျွမ်းကျင်ဘူး... ပြီးတော့ ဝင်္ကပါ တွေကို အသက်သွင်းလိုက်ရင် လင်း မိသားစု က စွမ်းအားရှင်တွေရဲ့ အာရုံစိုက်မှုကို သေချာပေါက် ဆွဲဆောင်နိုင်လိမ့်မယ်..."</p> <p> </p> <p>"ထားလိုက်ပါတော့... အလွယ်ကူဆုံး နည်းလမ်းကိုပဲ သုံးကြတာပေါ့... တိတ်တဆိတ် ချဉ်းကပ်ပြီး သူတို့ကို လက်သီးတစ်ချက်တည်းနဲ့ သတိလစ်အောင် လုပ်ပစ်လိုက်မယ်..."</p> <p> </p> <p>အနည်းငယ် ချီတုံချတုံ ဖြစ်နေပြီးနောက် ဝူယီဖန် သည် အလွယ်ကူဆုံးနှင့် တိုက်ရိုက် အကျဆုံး နည်းလမ်းကို ရွေးချယ်လိုက်သည်။</p> <p> </p> <p>နောက်တစ်စက္ကန့်တွင် ဝူယီဖန် သည် အလွန်လေးနက်သော မျက်နှာထားဖြင့် မြေအောက်အကျဉ်းထောင် ဆီသို့ လျှောက်သွားလိုက်သည်။</p> <p>မျှော်လင့်ထားသည့်အတိုင်းပင် ဝူယီဖန် သည် မြေအောက်အကျဉ်းထောင် သို့ မရောက်မီမှာပင် မြေအောက်အကျဉ်းထောင် အစောင့်နှစ်ဦး၏ တားဆီးခြင်းကို ခံလိုက်ရသည်။</p> <p> </p> <p>"ရပ်စမ်း... ဒီနေရာက အစောင့်အကြပ် တင်းကျပ်ထားတဲ့ မြေအောက်အကျဉ်းထောင် ပဲ... ခွင့်ပြုချက် မရှိတဲ့သူတွေ အနားလာခွင့် မရှိဘူး..."</p> <p> </p> <p>အင်မော်တယ်ဘုရင် များထဲမှ တစ်ဦးက လေးနက်သော မျက်နှာထားဖြင့် ပြောလိုက်သော်လည်း  ဝူယီဖန် က သူ့ထက်ပင် ပို၍ တည်ကြည် လေးနက်နေဟန်ရသည်။</p> <p> </p> <p>"တွမ့်သယ် ကို ခေါ်ထုတ်သွားဖို့ မြေအောက်အကျဉ်းထောင် ကို လာဖို့ ငါ အမိန့်ရထားတယ်... ငါ အချိန်ဆွဲနေရင် အဲဒီအတွက် မင်းတို့ တာဝန်ယူနိုင်လို့လား..."</p> <p> </p> <p>"ဘယ်သူ့ အမိန့်နဲ့လဲ... ငါတို့ ဘာအမိန့်မှ မရထားဘူး..."</p> <p> </p> <p>အင်မော်တယ်ဘုရင် နှစ်ဦးသည် နားမလည်နိုင်စွာဖြင့် တစ်ယောက်ကိုတစ်ယောက် ကြည့်လိုက်ကြသည်။ သူတို့ နှစ်ဦးစလုံး မည်သည့် အမိန့်ကိုမျှ မရရှိထားချေ။ ထို့အပြင် အင်မော်တယ်ဘုရင် များသည် လင်း မိသားစု အတွင်းတွင် အတော်အသင့် မြင့်မားသော နေရာကို ရယူထားကြသည်။</p> <p> </p> <p>ထို့အပြင် တွမ့်သယ် နှင့် ပတ်သက်သော ကိစ္စတိုင်းသည် သေးငယ်သော ကိစ္စ မဟုတ်ပေ။ အကယ်၍ တွမ့်သယ်ကိုသာ အပြင်သို့ ခေါ်ထုတ်သွားမည် ဆိုပါက  သူတို့ကို ချက်ချင်း အသိပေးလိမ့်မည် ဖြစ်သည်။</p> <p> </p> <p>သို့သော်လည်း ဝူယီဖန် က လေးနက်သော မျက်နှာထားဖြင့် ထပ်ပြောလိုက်သည်။</p> <p> </p> <p>"သေချာတာပေါ့... ငါ့အမိန့်နဲ့ပဲ..."</p> <p> </p> <p>အင်မော်တယ်ဘုရင် နှစ်ဦးစလုံး သတိမထားမိခင်မှာပင် ဝူယီဖန် သည် သူတို့၏ ရှေ့တွင် ပိတ်ရပ်လိုက်ပြီး နောက်တစ်စက္ကန့်တွင် လက်သီးနှစ်ချက် ပစ်သွင်းလိုက်သည်။</p> <p> </p> <p>အင်မော်တယ်ဘုရင် နှစ်ဦးမှာ တုံ့ပြန်ရန် အချိန်ပင် မရလိုက်ဘဲ ဝူယီဖန် ၏ လက်ချက်ဖြင့် သတိလစ်သွားကြ၏။</p> <p> </p> <p>အကယ်၍ သူတို့ကို သတ်မည် ဆိုပါက  ယခုက အချိန်ကောင်းမဟုတ်သေးပေ။ အကယ်၍ ဤအင်မော်တယ်ဘုရင်နှစ်ဦး၏ အငွေ့အသက်များ ပျောက်ကွယ်သွားပါက လင်းထျန်းအန် သည် ပထမဆုံး သတိထားမိသူ ဖြစ်လာနိုင်ပြီး ထိုအခါတွင် သူသည် ထောင်ချောက်မိသွားနိုင်သည်။</p> <p> </p> <p>အင်မော်တယ်ဘုရင် နှစ်ဦးကို အိပ်မောကျသွားစေပြီးနောက် ဝူယီဖန် သည် မြေအောက်အကျဉ်းထောင် အတွင်းသို့ လျင်မြန်စွာ ဝင်ရောက်သွားသည်။ အထဲသို့ ဝင်ရောက်သည်နှင့် တွမ့်သယ် ၏ ငိုကြွေးသံကို ချက်ချင်း ကြားလိုက်ရသည်။ ဝူယီဖန် ရောက်ရှိသွားချိန်တွင်   လျှပ်စစ်ရှော့ခ် အတိုက်ခံနေရ‌ေ‌သာ တွမ့်သယ်ကို မြင်လိုက်ရသည်။</p> <p> </p> <p>လင်းရွှီခွန်း ၏ ညွှန်ကြားချက်ကို ရရှိထားသော လင်း မိသားစုဝင်များက ဘေးတွင် ရပ်နေကြပြီး  ဝူယီဖန် ရောက်လာသည်ကို မြင်မှသာလျှင် ရပ်တန့်လိုက်ကြသည်။</p> <p> </p> <p>"လင်းရွှီယန်... မင်းက မြေအောက်အကျဉ်းထောင် ထဲမှာ ဘာလာလုပ်တာလဲ..."</p> <p> </p> <p> ဤလင်းမိသားစုဝင်ကလည်း လင်းရွှီယန် ကို သိရှိနေပုံရကာ စိုးရိမ်ပူပန်ခြင်း မရှိဘဲ မေးမြန်းလိုက်သည်။ သို့သော် လင်းရွှီယန် က နောက်တစ်စက္ကန့်တွင် လှုပ်ရှားလာမည်ဟု သူ မျှော်လင့်မထားခဲ့ချေ။</p> <p> </p> <p>"ငါ ဘာလာလုပ်တာလဲ ဟုတ်လား... လူလာကယ်တာလေ..."</p> <p> </p> <p>ဝူယီဖန်သည် ထိုသို့ပြောပြီးသည်နှင့်  သူ့ပြိုင်ဘက်ကို သက်တောင့်သက်သာ အိပ်မောကျသွားစေမည့် လက်သီးတစ်ချက်ဖြင့် ထိုးထည့်လိုက်၏။</p> <p> </p> <p>ဘေးတွင် ရပ်နေသော တွမ့်သယ် မှာ ဤမြင်ကွင်းကို မြင်လိုက်ရချိန်တွင် အံ့အားသင့်သွားသည်။</p> <p> </p> <p>ဒါဘာတွေ ဖြစ်နေတာလဲ....သူတို့အားလုံးက လင်း မိသားစုဝင်တွေ မဟုတ်ဘူးလား...မဟုတ်မှလွဲရော မိသားစုတွင်း ပဋိပက္ခများလား။</p> <p> </p> <p>သူ မတုံ့ပြန်နိုင်မီမှာပင် ဝူယီဖန် သည် သူရှေ့သို့ ရောက်လာပြီး  သူ့ခန္ဓာကိုယ်ပေါ်ရှိ ချည်နှောင်ထားမှုများကို ဖယ်ရှားပေးလိုက်သည် ။</p> <p> </p> <p>"မြန်မြန်... ငါ့နောက် လိုက်ခဲ့..."</p> <p> </p> <p>"မင်းက သူတော်စင်..."</p> <p> </p> <p>တွမ့်သယ် မှာ အံ့အားသင့်သွား၏။ သူတော်စင် သည် သူ့ကို ကယ်တင်ရန်အတွက် ရန်သူ၏ပိုင်နက်ထဲသို့ တစ်ကိုယ်တည်း ဝင်လာလိမ့်မည်ဟု သူ ဘယ်တုန်းကမှ မျှော်လင့်မထားခဲ့ချေ။ သို့သော်လည်း ဝူယီဖန် သည် ယခုအချိန်တွင် ထိုအရာများကို ဂရုမစိုက်နိုင်ပေ။ တွမ့်သယ်သည် အရစ်ရှည်နေသဖြင့် တွမ့်သယ် ကို သတိလစ်အောင် ရိုက်ချလိုက်ရုံသာ တတ်နိုင်တော့သည်။</p> <p> </p> <p>နောက်တစ်စက္ကန့်တွင် သူသည် တွမ့်သယ် ကို ထမ်း၍ အပြင်သို့ ပြေးထွက်သွားသည်။ ကံကြမ္မာဖုံးကွယ် ဆန်းကြယ်ပုလဲ ၏ အကူအညီဖြင့်  အင်မော်တယ် မဟာဧကရာဇ် အဆင့်သို့ တက်လှမ်းသွားပြီ ဖြစ်သော လင်းထျန်းအန် နှင့် အင်မော်တယ် မဟာဧကရာဇ် အထွတ်အထိပ်အဆင့် ဖြစ်သော သွေးဝိညာဉ်ဂိုဏ်း အကြီးအကဲသည်ပင် သတိမထားမိခဲ့ကြချေ။</p> <p> </p> <p>နှစ်မိနစ်ခွဲခန့် အကြာတွင် နောက်ဆုံး၌ တစ်စုံတစ်ခု မှားယွင်းနေကြောင်း လင်းထျန်းအန် သတိပြုမိသွားပြီး  သူ၏ အမူအရာသည် ရုတ်တရက် ကြည့်ရဆိုးသွားသည်။</p> <p>"မကောင်းတော့ဘူး..."</p> <p> </p> <p>ထိုသို့ ပြောပြီးနောက် သူသည် နေရာတွင်ပင် ပျောက်ကွယ်သွားသည်။ ပြန်ပေါ်လာချိန်တွင် လင်းထျန်းအန်သည် မြေအောက်အကျဉ်းထောင် ထဲသို့ ရောက်ရှိနေပြီ ဖြစ်ပြီး တွမ့်သယ်ကို မတွေ့ရတော့ချေ။</p> <p> </p> <p>ထို့နောက် သွေးဝိညာဉ်ဂိုဏ်း၏ အကြီးအကဲသည် လင်းထျန်းအန် ၏ ရှေ့တွင် ပေါ်ထွက်လာသည်။ သွေးဝိညာဉ်ဂိုဏ်း၏ အကြီးအကဲ ကို မြင်သည်နှင့်  လင်းထျန်းအန် က ဒေါသတကြီး ပြောလိုက်သည်။</p> <p> </p> <p>"ဘာတွေ ဖြစ်နေတာလဲ... ခင်ဗျားတောင် တစ်ခုခု မှားယွင်းနေတာကို ဘာလို့ သတိမထားမိရတာလဲ..."</p> <p> </p> <p>"စိတ်ဝင်စားစရာပဲ... ကြည့်ရတာ တစ်ဖက်လူမှာ အင်မော်တယ် မဟာဧကရာဇ် တောင် အာရုံမခံနိုင်လောက်အောင် စွမ်းအားကြီးမားတဲ့ ဖုံးကွယ်နိုင်တဲ့ ရတနာ တစ်ခု ရှိနေပုံရတယ်... ဒါပေမဲ့ စိတ်မပူပါနဲ့... တစ်ဖက်လူ ဝေးဝေးရောက်သေးမှာ မဟုတ်ဘူး... သူတို့ရဲ့ အငွေ့အသက် ဒီနေရာမှာ ကျန်နေသေးတာကို ငါ ခံစားမိတယ်..."</p> <p> </p> <p>သွေးဝိညာဉ်ဂိုဏ်း အကြီးအကဲ၏ လေသံထဲတွင် စိတ်ဝင်စားသော အရိပ်အမြွက်များ ရှိနေခဲ့သည်။ သူသည် မျက်လုံးများကို တစ်စက္ကန့်ခန့် မှိတ်လိုက်ပြီး စက္ကန့်အနည်းငယ် အကြာတွင် ဖြည်းညင်းစွာ ပြန်ဖွင့်လိုက်သည်။</p> <p> </p> <p>"မင်းကို တွေ့ပြီ..."</p> <p>ထိုသို့ပြောပြီးသည်နှင့် သွေးဝိညာဉ်ဂိုဏ်း အကြီးအကဲ သည် ဝူယီဖန် နှင့် တွမ့်သယ် တို့ ထွက်ခွာသွားသော လမ်းကြောင်းအတိုင်း ဦးတည်သွား၏။ ထိုအရာကို မြင်သည်နှင့် လင်းထျန်းအန်သည် တုံ့ဆိုင်းမနေဘဲ အလျင်အမြန် လိုက်ပါသွားသည်။</p> <p> </p> <p>မည်သို့ပင်ဆိုစေကာမူ ဝူယီဖန် သည် ယခုအချိန်တွင် သူ၏ အကြီးမားဆုံး စိုးရိမ်ပူပန်မှု ဖြစ်သည်။ အကယ်၍ ဝူယီဖန်ကို မဖြေရှင်းနိုင်ပါက  သူ လုံးဝ အိပ်ပျော်နိုင်မည် မဟုတ်ချေ။</p> <p> </p> <p>တစ်ချိန်တည်းမှာပင် လင်း မိသားစု မှ ထွက်ခွာလာပြီးကာစ ဖြစ်သော ဝူယီဖန် မှာ သူ ဘေးကင်းသွားပြီဟု ထင်မှတ်၍ သက်ပြင်းတစ်ချက် ချလိုက်စဉ်မှာပင်  တစ်စုံတစ်ခုကို သတိထားမိလိုက်ပြီး သူ၏ မျက်နှာထားသည် အလွန် ကြည့်ရဆိုးသွားသည်။</p> <p> </p> <p>"မကောင်းတော့ဘူး..."</p> <p> </p> <p>ထိုသို့ပြောပြီးသည်နှင့် တစ်ပြိုင်နက် ဝူယီဖန်သည် တွမ့်သယ် ကို သူ၏ ပခုံးပေါ်သို့ တင်၍ ရှေးဟောင်းကန္တာရ မြင့်မြတ်နယ်မြေ ဆီသို့ ဦးတည်သွားသည်။ သူသည် အင်မော်တယ် အရှင်မြတ် တစ်ပါးကို ယှဉ်နိုင်မည် မဟုတ်ချေ။ အင်မော်တယ် အရှင်မြတ်အထွတ်အထိပ်အဆင့်သာ ဆိုလျှင်ဖြင့် ပြောစရာပင် မလိုတော့ချေ။</p> <p> </p> <p>ဝူယီဖန်သည် ရှေးဟောင်း မြင့်မြတ်ခန္ဓာကိုယ်၏ အဆင့်(၁၂) သို့ တက်လှမ်းထားပြီး ဖြစ်သော်လည်း  အင်မော်တယ် မဟာဧကရာဇ် တစ်ဦး၏ ရှေ့တွင်တော့ ဘာမှ မဟုတ်သေးချေ။</p> <p> </p> <p>မျက်စိတစ်မှိတ်အတွင်းမှာပင် သွေးဝိညာဉ်ဂိုဏ်း အကြီးအကဲ သည် ဝူယီဖန် ကို လိုက်မီသွားခဲ့သည်။</p> <p> </p> <p>"စိတ်ဝင်စားစရာပဲ... ရှေးဟောင်း မြင့်မြတ်ခန္ဓာကိုယ် လား အို ...မဟာတာအိုဖွင့်လှစ်ခြင်း ကောင်းကင်ခန္ဓာ အဖြစ် ပြောင်းတော့မှာလား..."</p> <p> </p> <p>သွေးဝိညာဉ်ဂိုဏ်း အကြီးအကဲ သည် ဝူယီဖန် ကို လှောင်ပြောင်သော အကြည့်ဖြင့် ကြည့်လိုက်သည်။ တဖက်လူမှ တစ်ချက် ကြည့်လိုက်ရုံဖြင့်  ဝူယီဖန် မှာ ဆွံ့အသွားပြီး လှုပ်ရှား၍ မရတော့ချေ။</p> <p>***</p> <p> </p>


Save