Book List

<h2 style="text-align: center;">အပိုင်း (၅၂၂)</h2> <h2 style="text-align: center;">ဟင်းလင်းပြင် သွေးအဆီအနှစ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ဆရာလင်း... ဒီနေရာက ရှင်းမြွေမိစ္ဆာ ဟင်းလင်းပြင်ရဲ့ အတွင်းပိုင်းပဲ"</p> <p> </p> <p>စိမ်းပြာရောင် အလင်းတန်းများ လွှမ်းခြုံနေသော ဟင်းလင်းပြင်တစ်ခုအတွင်း လီချင်းဟွာက လင်းယွမ်ကို ခေါ်ဆောင်လာကာ သိပ်မကြီးမားလှသော ဧရာမ နှလုံးခန်းမကြီးထဲသို့ ရောက်ရှိလာခဲ့သည်။</p> <p> </p> <p>ဤနေရာက မြူခိုးမြို့တော်ရှိ ရေပေါ်ကျွန်း နှလုံးခန်းမနှင့် ယှဉ်လျှင် အများကြီး ပိုသေးငယ်လေသည်။</p> <p> </p> <p>ဘောလုံးကွင်း တစ်ကွင်းစာခန့်သာ အရွယ်အစား ရှိသည်။</p> <p> </p> <p>နှလုံးခန်းမ အတွင်းပိုင်း တစ်ခုလုံးရှိ ကြမ်းပြင်နှင့် အသားနံရံများမှ စိမ်းပြာရောင် အလင်းတန်းများက နေရာအနှံ့ ဖြာထွက်နေတော့သည်။</p> <p> </p> <p>လင်းယွမ်က ထိုနေရာတွင် ပြင်းထန်လှသော စွမ်းအင်လှိုင်းများ ရိုက်ခတ်နေသည်ကို ခံစားရလေသည်။</p> <p> </p> <p>လီချင်းဟွာက ရှင်းပြလေသည် "ဒီနေရာက ရှင်းမြွေမိစ္ဆာရဲ့ နှလုံးသားပဲ... အဲ့ဒီအထဲမှာ ဟင်းလင်းပြင်အစွမ်း သန္ဓေပြောင်းစွမ်းအင်တွေ အမြောက်အမြား ရှိနေတာ"</p> <p> </p> <p>"အချိန်ကြာလာတာနဲ့အမျှ ဒီစွမ်းအင်တွေက သူ့ရဲ့ နှလုံးအသားနံရံတွေနဲ့ သွေးတွေထဲကို စိမ့်ဝင်သွားပြီး... ဒီမှာ ဘယ်လောက်ကြာအောင် စုပုံနေမှန်း မသိပေမယ့် သလင်းကျောက်တွေ အများကြီး ဖြစ်လာတာ"</p> <p> </p> <p>"ဒါက စွမ်းအင်ကျောက်တုံးထက်တောင် ပိုပြီး သန့်စင်တဲ့ စွမ်းအင် သွေးအဆီအနှစ်တွေလို့ ပြောလို့ရတယ်"</p> <p> </p> <p>လင်းယွမ်က ခေါင်းဆတ်ပြခဲ့သည်။ ဤအကြောင်းကို သူ သေချာပေါက် သိထားပြီး သူ၏ ပစ္စည်းသိုလှောင်ခန်းထဲတွင် မြူခိုးမြို့တော်မှ ရရှိခဲ့သော ရေခဲဓာတ် သွေးအဆီအနှစ်များ အများအပြား ရှိနေဆဲ ဖြစ်သည်။</p> <p> </p> <p>"ဒီလောက်များတဲ့ စွမ်းအင် သွေးအဆီအနှစ်တွေက မင်းရဲ့ အစွမ်းကို အမြန်ဆုံး မြှင့်တင်ပေးနိုင်မှာ အသေအချာပဲ" လင်းယွမ်က ပြုံးရွှင်စွာ ပြောလေသည်။</p> <p> </p> <p>လီချင်းဟွာကလည်း ဝမ်းသာအားရဖြင့် "ဟိုဓားမြီး ပင်လယ်မြွေက ဟင်းလင်းပြင် အမျိုးအစား သန္ဓေပြောင်း သတ္တဝါ မဟုတ်တာ ကံကောင်းတယ်... နို့မို့ဆို နှလုံးအမြူတေကို သန့်စင်ပြီးတာနဲ့ ဒီသွေးအဆီအနှစ်တွေကို စုပ်ယူစားသောက်နေလောက်ပြီ" ဟု ပြောလေသည်။</p> <p> </p> <p>"အခုတော့ ဒီပစ္စည်းတွေက ကျွန်တော့်အတွက် အချောင်ရလိုက်တာပေါ့"</p> <p> </p> <p>လင်းယွမ်က မေးလေသည် "ဒါနဲ့ ဦးနှောက်ရေကန်ကိုရော မင်း ရှာတွေ့ပြီလား... အဲ့ဒီထဲမှာရော ဒီလို သွေးအဆီအနှစ်တွေ ရှိနေသေးလား"</p> <p> </p> <p>"ဦးနှောက်ရေကန်က ဘယ်နားမှာရှိလဲဆိုတာ ကျွန်တော် သိတယ်... ဒါပေမဲ့ မသွားရသေးဘူး... အဲ့ဒီထဲမှာတော့ စိတ်စွမ်းအင် အမျိုးအစား သလင်းကျောက်တွေ အဓိက ဖြစ်ဖို့ များတယ်" ဟု လီချင်းဟွာက ခန့်မှန်းပြောဆိုလိုက်သည်။</p> <p> </p> <p>လင်းယွမ်ကလည်း ခေါင်းဆတ်ပြလေသည်။ ဦးနှောက်ရေကန်နှင့် နှလုံးခန်းမက မတူညီဘဲ ထိုနေရာသည် စိတ်စွမ်းအင်များ တည်ရှိရာ နေရာပင် ဖြစ်သည်။</p> <p> </p> <p>ရှင်းမြွေမိစ္ဆာ သေဆုံးသွားပြီးနောက် ကြီးမားလှသော စိတ်စွမ်းအင်များ ပျံ့လွင့်သွားကာ နောက်ဆုံးတွင် ဦးနှောက်ရေကန်ထဲသို့ ပေါင်းစပ်ဝင်ရောက်သွားမည်ဟု ခန့်မှန်းရသည်။</p> <p> </p> <p>ထို့ကြောင့် လီချင်းဟွာ၏ ခန့်မှန်းချက်က မမှားပေ။ ထိုနေရာသည် တကယ်တမ်းတွင် စိတ်စွမ်းအင် သလင်းကျောက်များ အသိပ်သည်းဆုံး နေရာ ဖြစ်ဖို့ များလှသည်။</p> <p> </p> <p>နှမြောစရာ ကောင်းသည်က သူ မြူခိုးမြို့တော်တွင် ရှိစဉ်က ဦးနှောက်ရေကန်ထဲ ရောက်နေခဲ့သော်လည်း သေချာ ဂရုတစိုက် မရှာဖွေခဲ့မိခြင်းပင်။</p> <p> </p> <p>ယခု ပြန်တွေးကြည့်လျှင် ထိုဦးနှောက်ရေကန်ထဲ၌ စိတ်စွမ်းအင် အမျိုးအစား သလင်းကျောက်များ မနည်းမနော ရှိနေလောက်ပြီး အကယ်၍ တူးဖော်နိုင်ခဲ့လျှင် စိတ်စွမ်းအင် အမျိုးအစား မျိုးရိုးဗီဇမျိုးစေ့များ အများအပြားကို ထုတ်ယူနိုင်လောက်သည်။</p> <p> </p> <p>ထိုစဉ် လီချင်းဟွာက ထပ်ပြောလေသည် "ဆရာလင်း... ထိုက်ယန်တောင် တစ်တောင်လုံးမှာ ဆရာလင်းနဲ့ ကျွန်တော်ပဲ ဟင်းလင်းပြင် အစွမ်းကို ပိုင်ဆိုင်ထားတာ"</p> <p> </p> <p>"ဆရာလင်း ဘယ်လိုလုပ်လိုက်လဲတော့ ကျွန်တော် သေချာ မသိပေမယ့် ဆရာလင်းလည်း ဒီဟင်းလင်းပြင် အမျိုးအစား သွေးအဆီအနှစ်တွေကို လိုမှာပဲ"</p> <p> </p> <p>"ဒီက သွေးအဆီအနှစ်တွေကို ဆရာလင်း လိုသလောက် အချိန်မရွေး လာယူလို့ရပါတယ်"</p> <p> </p> <p>လင်းယွမ် ထိုစကားကို ကြားသောအခါ ပြုံးလိုက်မိတော့သည်။</p> <p> </p> <p>လီချင်းဟွာက အတော်လေး သဘောထားကြီးလှသဖြင့် အစောပိုင်းက သူ့အသက်ကို ချမ်းသာပေးခဲ့ရကျိုး နပ်သွားခဲ့သည်။</p> <p> </p> <p>လင်းယွမ်က ခေတ္တမျှ စဉ်းစားပြီးနောက် မေးလေသည် "မင်း နိုးထလာတဲ့ မျိုးရိုးဗီဇမြေပုံက ဘာလဲ"</p> <p> </p> <p>"ဟင်းလင်းပြင် ရှင်းမြွေမိစ္ဆာတဲ့... မျိုးရိုးဗီဇ အမွေအနှစ်တွေထဲကနေ ဟင်းလင်းပြင် အသုံးပြုပုံနဲ့ ပတ်သက်တဲ့ နည်းစနစ်တချို့ကို ကျွန်တော် ရလိုက်တယ်"</p> <p> </p> <p>"အဲ့ဒီအထဲမှာ ဟင်းလင်းပြင်အက်ကွဲဓားကွက်က အလွယ်ကူဆုံး တစ်ခုပဲ... ဒါ့အပြင် ဟင်းလင်းပြင် ခေါက်ချိုးတာနဲ့ ဟင်းလင်းပြင် ခုန်ပျံတာတို့လို ပိုအဆင့်မြင့်တဲ့ အစွမ်းတွေလည်း ရှိသေးတယ်... လက်ရှိ ကျွန်တော့်ရဲ့ စိတ်စွမ်းအင်က မလုံလောက်သေးလို့ အသုံးမပြုနိုင်သေးဘူး"</p> <p> </p> <p>လင်းယွမ်က အံ့အားသင့်သွားမိသည်။ မျိုးရိုးဗီဇမျိုးစေ့ကို အခုလေးတင် ပေါင်းစပ်ပြီးစီးကာစ ရှိသေးသော်လည်း လီချင်းဟွာက ဤမျှများပြားသော အမွေအနှစ် အစွမ်းများကို ရရှိခဲ့သည် မဟုတ်ပါလား။</p> <p> </p> <p>ဤဟင်းလင်းပြင် ရှင်းမြွေမိစ္ဆာ၏ မျိုးရိုးဗီဇမြေပုံ အဆင့်က သေချာပေါက် နိမ့်ကျမည် မဟုတ်ချေ။</p> <p> </p> <p>"အခု မင်းဆီမှာ ဟင်းလင်းပြင် အမျိုးအစား သွေးအဆီအနှစ်တွေ အများကြီး ရှိနေပြီပဲ... အစွမ်းတွေ တိုးတက်လာဖို့ ဆိုတာက အချိန်ပဲလိုတာ... မလောနဲ့... ဖြည်းဖြည်းချင်း လုပ်"</p> <p> </p> <p>"ဒီဟင်းလင်းပြင် အမျိုးအစား သွေးအဆီအနှစ်တွေက တန်ဖိုး အရမ်းကြီးတယ်... ဟင်းလင်းပြင် အစွမ်းပိုင်ရှင်တွေကလည်း အရမ်းရှားတာ... အခုအချိန်အထိ မင်းတစ်ယောက်တည်းကိုပဲ ငါ တွေ့ဖူးသေးတယ်... မင်းရဲ့ ဒီသွေးအဆီအနှစ်တွေကို သေချာသာ သိမ်းဆည်းထား"</p> <p> </p> <p>"လိုအပ်တဲ့ အချိန်ကျရင် အသုံးပြုလို့ရအောင် မျိုးရိုးဗီဇမျိုးစေ့ ထုတ်ဖို့အတွက် ငါ နည်းနည်း ယူသွားမယ်"</p> <p> </p> <p>"ကျန်တာတွေကိုတော့ မင်းဘာသာမင်းပဲ သိမ်းထားလိုက်ပါ"</p> <p> </p> <p>လင်းယွမ်က ထိုဟင်းလင်းပြင် အမျိုးအစား သွေးအဆီအနှစ်များကို မည်သို့ ခွဲဝေယူမည် ဆိုသည်နှင့် ပတ်သက်၍ လောဘတကြီး မတောင်းဆိုခဲ့ပေ။</p> <p> </p> <p>လင်းယွမ်အတွက်ကတော့ ဟင်းလင်းပြင် အမျိုးအစား သွေးအဆီအနှစ် အနည်းငယ် ရရှိရုံဖြင့် ဟင်းလင်းပြင် အမျိုးအစား မျိုးရိုးဗီဇမျိုးစေ့များကို ထုတ်ယူနိုင်ပြီ ဖြစ်သည်။</p> <p> </p> <p>သူ၏ မျိုးရိုးဗီဇ အသွင်တစ်ရာ ပင်ကိုယ်အစွမ်းဖြင့် သူပိုင်ဆိုင်သော ဟင်းလင်းပြင် အစွမ်း မျိုးရိုးဗီဇမျိုးစေ့ကို အလွယ်တကူ ပေါင်းစပ်ဖန်တီးနိုင်လေသည်။</p> <p> </p> <p>အစွမ်းကို မြှင့်တင်ရန် ကိစ္စနှင့် ပတ်သက်၍ သူ၏ အဓိက ခွန်အား အရင်းအမြစ်သည် အသွင်တစ်ရာ မျောက်ဝံမိစ္ဆာသာ ဖြစ်သည်။</p> <p> </p> <p>အသွင်တစ်ရာ မျောက်ဝံမိစ္ဆာ၏ မျိုးရိုးဗီဇမျိုးစေ့ အဆင့် မြင့်တက်လာမှသာ အခြားသော မျိုးရိုးဗီဇမျိုးစေ့များ၏ အစွမ်းများလည်း အလိုအလျောက် လိုက်ပါ မြင့်တက်လာမည် ဖြစ်သည်။</p> <p> </p> <p>ထို့ကြောင့် အစွမ်းကို မြှင့်တင်ရန်အတွက် သူက ဟင်းလင်းပြင် အမျိုးအစား သွေးအဆီအနှစ် အများအပြားကို မလိုအပ်ပေ။</p> <p> </p> <p>ထို့နောက် လီချင်းဟွာက ဟင်းလင်းပြင် အမျိုးအစား သွေးအဆီအနှစ် အမြောက်အမြားကို တူးဖော်ကာ လင်းယွမ်အား ပေးအပ်ခဲ့သည်။</p> <p> </p> <p>လင်းယွမ်က ပစ္စည်းသိုလှောင်ခန်းထဲသို့ ထည့်သွင်းသိမ်းဆည်းပြီးနောက် လီချင်းဟွာနှင့်အတူ ရှင်းမြွေမိစ္ဆာ၏ နှလုံးခန်းမထဲမှ ထွက်ခွာလာခဲ့သည်။</p> <p> </p> <p>ဤနှလုံးခန်းမ၏ တည်နေရာက အလွန် ထူးခြားဆန်းကြယ်လှပြီး ရှင်းမြွေမိစ္ဆာ ဟင်းလင်းပြင်၏ အပြင်ဘက်တွင် တည်ရှိနေသည်။</p> <p> </p> <p>လီချင်းဟွာ၏ အပြောအရ ရှင်းမြွေမိစ္ဆာ ဟင်းလင်းပြင်သည် တကယ်တမ်းတွင် ရှင်းမြွေမိစ္ဆာ၏ ကိုယ်တွင်းရှိ ဟင်းလင်းပြင်တစ်ခုသာ ဖြစ်သည်။</p> <p> </p> <p>ရှင်းမြွေမိစ္ဆာ သေဆုံးသွားပြီးနောက် ၎င်း၏ ခန္ဓာကိုယ်က ပျောက်ကွယ်သွားခဲ့ကာ ကိုယ်တွင်း ဟင်းလင်းပြင်များ ပျက်စီးသွားသောကြောင့် အပြင်ဘက်သို့ ထွက်ပေါ်လာခဲ့ပြီး ဂေဟစနစ်မြို့တော်၏ အချို့သော နယ်မြေများကို ဝါးမျိုသွားကာ ယခုလို အခြေအနေမျိုး ဖြစ်ပေါ်လာခြင်း ဖြစ်သည်။</p> <p> </p> <p>ရှောင်မောင်းတောင်သို့ ပြန်ရောက်သောအခါ လင်းယွမ်က လီချင်းဟွာ၊ တင်းယန်တို့နှင့်အတူ ထိုနေရာရှိ မျိုးရိုးဗီဇမျိုးစေ့ အဆင့်ရှိ သန္ဓေပြောင်း သတ္တဝါများကို စတင် အမဲလိုက်ကြတော့သည်။</p> <p> </p> <p>ကျိုးချင်းမင်၊ လီရှန်ယန်နှင့် ကျန်းရုံရုံ သုံးယောက်ကတော့ ရှောင်မောင်းတောင်တွင် ကျန်ရစ်နေသော အသက်ရှင်ကျန်ရစ်သူများကို ဦးဆောင်ကာ ဦးလေးကောကို အတူတကွ ရှာဖွေရေး တာဝန်ယူခဲ့ကြသည်။</p> <p> </p> <p>"ဆရာလင်း... ဒီနေရာက အကျယ်ကြီးပဲ... မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါတွေကို ရှာရတာ အချိန်အတော်လေး ပေးရမယ့်ပုံပဲ" လီချင်းဟွာက သက်ပြင်းချကာ ပြောလေသည်။</p> <p> </p> <p>အကယ်၍ သူသာ နှလုံးအမြူတေကို သန့်စင်ပြီးပါက ဤမျှ ဒုက္ခခံနေရန် မလိုအပ်တော့ပေ။</p> <p> </p> <p>ဟင်းလင်းပြင်ထဲရှိ သက်ရှိသတ္တဝါများ၏ အငွေ့အသက်များသည် ဦးနှောက်အမြူတေ၏ အာရုံခံနိုင်စွမ်းကို ရှောင်လွှဲနိုင်မည် မဟုတ်ချေ။</p> <p> </p> <p>လင်းယွမ်က ပြုံးလိုက်ပြီး ခေါင်းယမ်းကာ ပြောလေသည် "ရိုးရှင်းတဲ့ နည်းလမ်းတစ်ခုတော့ရှိတယ် ရှိသေးတယ်"</p> <p> </p> <p>"ဘာနည်းလမ်းလဲ" လီချင်းဟွာက အံ့အားသင့်သွားပြီး လင်းယွမ်ကို သံသယဖြင့် ကြည့်လိုက်သည်။</p> <p> </p> <p>တင်းယန်ကလည်း လင်းယွမ်ကို ကြည့်ကာ မေးခွန်းထုတ်ချင်သော အမူအရာကို ပြသနေခဲ့သည်။</p> <p> </p> <p>"ဒီဟင်းလင်းပြင်ထဲမှာ အလင်းရောင် မရှိဘူး... အဲ့ဒီတော့ ဒီက သက်ရှိတွေက အလင်းရောင်အပေါ် ရန်လိုတဲ့ သဘောရှိပုံရတယ်"</p> <p> </p> <p>"အရင်တုန်းက ဝူယောင်ပန်းကို သတ်လိုက်တုန်းက မီးတောက်တစ်ခုကနေ မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါ အကောင်ရေ အတော်များများကို ချက်ချင်း ဆွဲဆောင်နိုင်ခဲ့တယ်"</p> <p> </p> <p>"တစ်နည်းအားဖြင့် ပြောရရင် အလင်းရောင် ရှိနေသရွေ့ သူတို့က အလိုလို ပြေးလာကြမှာပဲ... ငါတို့က လိုက်ရှာနေစရာ မလိုဘူး"</p> <p> </p> <p>လီချင်းဟွာသည် မျိုးရိုးဗီဇမျိုးစေ့ အဆင့်သို့ ယခုမှ ဝင်ရောက်လာသူ ဖြစ်ပြီး ဤဟင်းလင်းပြင်ကိုလည်း ယခုမှ စတင် ထိန်းချုပ်နိုင်ခြင်း ဖြစ်သောကြောင့် ဤနေရာရှိ သက်ရှိများတွင် ထိုသို့သော ဝိသေသလက္ခဏာများ ရှိနေသည်ကို မသိသေးချေ။</p> <p> </p> <p>တင်းယန်ကတော့ ယခင်က လင်းယွမ်၏ မီးနဂါးအက အစွမ်းဖြင့် ရှောင်မောင်းတောင်ကို မီးရှို့လိုက်ချိန်တွင် သန္ဓေပြောင်း သတ္တဝါ အကောင်ရေများစွာကို ဆွဲဆောင်နိုင်ခဲ့ပြီး ရှောင်မောင်းတောင် ဧဒင်ကို ဝင်ရောက် တိုက်ခိုက်ခဲ့သည်ကို မျက်မြင်ကိုယ်တွေ့ ကြုံခဲ့ရသူ ဖြစ်သည်။</p> <p> </p> <p>ယခု လင်းယွမ်၏ အကြံအစည်ကို ကြားလိုက်ရသောအခါ သူမ၏ မျက်ဝန်းများက အရောင်လက်သွားပြီး "ဒီနည်းလမ်းက ကောင်းတယ်... ဒါပေမဲ့ လာတဲ့ မျိုးရိုးဗီဇမျိုးစေ့အဆင့် မိစ္ဆာကောင်တွေက အရမ်းများလာရင် ဘယ်လိုလုပ်မလဲ" ဟု မေးလေသည်။</p> <p> </p> <p>လင်းယွမ်က ချက်ချင်းပင် ရယ်မောလိုက်ပြီး "များတာက ပြဿနာ မဟုတ်ဘူး... စိတ်ချ... အချိန်ကျရင် ငါ့တာဝန်သာထားလိုက်" ဟု ပြောလိုက်သည်။</p> <p> </p> <p>သူသည် ကိုယ်ခွဲဖောက်ခွဲခြင်းကို အားကိုးမှသာ အဓိက အရည်အသွေး ရာခိုင်နှုန်းပြည့် တိုက်ခိုက်မှုစွမ်းအားကို ဖော်ထုတ်နိုင်သော ဝူယောင်ပန်း မဟုတ်ချေ။</p> <p> </p> <p>သူ၏ အစွမ်းအထက်ဆုံး ခွန်အား အရည်အသွေးက ၉၂ မှတ်အထိ မြင့်မားနေသည်ကို မဆိုထားနှင့်... သူ၏ ထံတွင် ကြွက်သားပေါက်ကွဲအစွမ်း ဟူသော ပေါက်ကွဲအားပြင်းထန်သည့် ခွန်အား အစွမ်းလည်း ရှိနေသေးသည်။</p> <p> </p> <p>တိုက်ရိုက် နှစ်ဆ မြင့်တက်သွားခြင်းကြောင့် ခွန်အား အမှတ်သည် မျက်စိတစ်မှိတ်အတွင်း ၁၈၄ မှတ်အထိ ရောက်ရှိသွားမည် ဖြစ်သည်။</p> <p> </p> <p>ဤရှင်းမြွေမိစ္ဆာ ဟင်းလင်းပြင်ထဲရှိ မည်သည့် မျိုးရိုးဗီဇမျိုးစေ့အဆင့် မိစ္ဆာကောင်မဆို သူ၏ လက်သီးတစ်ချက်ကို တောင့်ခံနိုင်မည် မဟုတ်ကြောင်း သူ ယုံကြည်လေသည်။</p> <p> </p> <p>သေချာပေါက် ဤအရာသည် လင်းယွမ်၏ အပြင်းထန်ဆုံး တိုက်ခိုက်မှုသာ ဖြစ်ပြီး ကာကွယ်ရေးအပိုင်းတွင်တော့ ခန္ဓာကိုယ်ကြံ့ခိုင်မှု အရည်အသွေးကိုသာ ကြည့်ရမည် ဖြစ်သည်။</p> <p> </p> <p>လင်းယွမ်၏ လက်ရှိ ခန္ဓာကိုယ်ကြံ့ခိုင်မှုမှာ ၈၂ မှတ် ဖြစ်ရာ ရန်သူ၏ တိုက်ခိုက်မှုစွမ်းအားက ထိုပမာဏထက် ကျော်လွန်သွားပါက လင်းယွမ်အတွက် အတိုင်းအတာတစ်ခုအထိ အန္တရာယ် ရှိလာနိုင်သည်။</p> <p> </p> <p>ဥပမာအားဖြင့် ဝူယောင်ပန်းသည် သူ၏ အဓိက အရည်အသွေးက ခန္ဓာကိုယ်ကြံ့ခိုင်မှု ဖြစ်ပြီး ဒုတိယ အရည်အသွေးက စိတ်စွမ်းအင် ဖြစ်ကာ တတိယ အရည်အသွေးကျမှသာ ခွန်အား ဖြစ်လေသည်။</p> <p> </p> <p>ဝူယောင်ပန်းက ခွန်အားနှင့် အလျင်ကို အားကိုး၍ တိုက်ခိုက်ပါက တိုက်ခိုက်မှုစွမ်းအား ၇၀ မှတ် ဝန်းကျင်သာ ဖော်ထုတ်နိုင်မည် ဖြစ်ရာ သဘာဝကျကျပင် လင်းယွမ်ကို မည်သို့မျှ အနိုင်ယူနိုင်မည် မဟုတ်ပေ။</p> <p> </p> <p>သို့သော် ဝူယောင်ပန်းက သူ၏ ကိုယ်ခွဲများကို ဖောက်ခွဲလိုက်မည် ဆိုပါက သူ၏ အဓိက အရည်အသွေး ၈၇ မှတ်၏ စွမ်းအားအားလုံးကို အပြည့်အဝ ဖော်ထုတ်လိုက်ခြင်းနှင့် ညီမျှသွားရာ လင်းယွမ်အတွက်တော့ အနည်းငယ် အန္တရာယ် ရှိနေသေးသည်။</p> <p> </p> <p>ထို့ကြောင့်ပင် လင်းယွမ်က အစောပိုင်းတွင် တစ်ဖက်လူ၏ ကိုယ်ခွဲဖောက်ခွဲရေး ဗျူဟာဖြင့် ဝိုင်းဝန်းတိုက်ခိုက်ခံရခြင်းကို တတ်နိုင်သမျှ ရှောင်ရှားခဲ့ခြင်း ဖြစ်သည်။</p> <p> </p> <p>ယခုအချိန်တွင်တော့ ဤနေရာရှိ မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါများသည် မိမိကိုယ်ကိုယ် ဖောက်ခွဲ၍ သူ့အား အသေအလဲ တိုက်ခိုက်လာလိမ့်မည်ဟု လင်းယွမ် မထင်ထားပေ။</p> <p> </p> <p>"စလိုက်ရအောင်"</p> <p> </p> <p>လင်းယွမ်၏ အမိန့်ပေးသံ ထွက်ပေါ်လာသည်နှင့် တင်းယန်နှင့် လီချင်းဟွာတို့က အဆောက်အအုံတစ်ခု၏ အပေါ်တွင် ချက်ချင်း ရပ်တန့်လိုက်ကြသည်။</p> <p> </p> <p>သူတို့နှစ်ယောက်က လင်းယွမ် ပြင်ဆင်ပေးထားသော ဓာတ်ဆီတစ်ပုံးစီကို ဆွဲကိုင်ထားကာ အောက်ဘက်ရှိ ရေပြင်ပေါ်သို့ လောင်းချလိုက်ကြသည်။</p> <p> </p> <p>ထို့နောက် လင်းယွမ်က လက်ကို ညင်သာစွာ ဝှေ့ယမ်းလိုက်ရာ မီးနဂါးတစ်ကောင်က ရေပြင်ပေါ်ရှိ ဓာတ်ဆီများဆီသို့ ဝင်တိုက်သွားတော့သည်။</p> <p> </p> <p>"ဝုန်း"</p> <p> </p> <p>ပြင်းထန်သော မီးတောက်များက မျက်စိတစ်မှိတ်အတွင်း ကောင်းကင်ယံသို့ ထိုးတက်ကာ လောင်ကျွမ်းသွားလေသည်။</p> <p> </p> <p>အားပြင်းလှသော မီးလှိုင်းများက ချက်ချင်း ကောင်းကင်ယံသို့ ထိုးတက်သွားပြီး ကြီးမားကျယ်ပြန့်သော ရေပြင်ကြီးကို တိုက်ရိုက် မီးလောင်ကျွမ်းစေခဲ့သည်။</p> <p> </p> <p>ခဏအကြာတွင် ကောင်းကင်ယံ တစ်ခုလုံး နီရဲတောက်လောင်သွားတော့သည်။</p> <p> </p> <p>ရေအောက်ရှိ မရေမတွက်နိုင်သော သန္ဓေပြောင်း ငါးများက အသက်အန္တရာယ်ကို မကြောက်မရွံ့ဘဲ မီးရောင်ရှိရာသို့ တဖွဲဖွဲ အလုအယက် တိုးဝင်လာကြသည်။</p> <p> </p> <p>သက်ရှိများ၏ အလင်းရောင်ကို တိမ်းညွတ်တတ်သော သဘာဝက ဤအချိန်တွင် အထင်းသား ပေါ်လွင်နေတော့သည်။</p> <p> </p> <p>"ဝုန်း... ဝုန်း"</p> <p> </p> <p>ရုတ်တရက် ရေပြင်အောက်မှ ကြောက်မက်ဖွယ် ကောင်းသော လှိုင်းလုံးကြီးများ ရုတ်ချည်း ထကြွသောင်းကျန်းလာခဲ့သည်။</p> <p> </p> <p>ပေရာနှင့်ချီ ကြီးမားလှသော အရိပ်မည်းကြီးတစ်ခုက ရေပြင်ကို ခွဲကာ အလွန် လျင်မြန်သော အလျင်ဖြင့် ထွက်ပေါ်လာလေသည်။</p> <p> </p> <p>"လာပြီဟေ့" လီချင်းဟွာက မနေနိုင်ဘဲ အော်ဟစ်လိုက်သည်။</p> <p> </p> <p>တင်းယန်၏ မျက်နှာပေါ်တွင်လည်း လေးနက်တည်ကြည်သော အမူအရာများ ပေါ်ထွက်လာသည်။</p> <p> </p> <p>လင်းယွမ်က အောက်ဘက်ရှိ ရေပြင်ကို ငုံ့ကြည့်လိုက်လေသည်။</p> <p> </p> <p>မီးရောင်များ လွှမ်းခြုံထားသည့်ကြားမှ မိကျောင်းပုံစံ ဧရာမ သန္ဓေပြောင်း သတ္တဝါကြီး တစ်ကောင်က ရေပြင်ပေါ်သို့ ပေါ်ထွက်လာခဲ့သည်။</p> <p> </p> <p>၎င်းတွင် ကြောက်မက်ဖွယ် ကောင်းသော ပါးစပ်အရှည်ကြီး ရှိပြီး ကျောကုန်းပေါ်ရှိ စိမ်းပြာရောင် သားရေချပ်ဝတ်တန်ဆာမှ ကြောက်မက်ဖွယ် ဖိအားများ အဆက်မပြတ် ထွက်ပေါ်နေလေသည်။</p> <p> </p> <p>ပါးစပ်အပြည့် ထွက်နေသော ချွန်ထက်သည့် အစွယ်များ၊ အေးစက်နေသော မျက်ဝန်းအိမ်နှင့် ကြောက်မက်ဖွယ် ကောင်းသော သွားစွယ်များ... အားလုံးက ၎င်း၏ ကြောက်မက်ဖွယ် စွမ်းအားကြီးမားလှသော အသွင်အပြင်ကို ပြသနေကြသည်။</p> <p> </p> <p>"မိကျောင်း အမျိုးအစား မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါကြီးပဲ" တင်းယန်က မနေနိုင်ဘဲ အာမေဍိတ်သံ ပြုလိုက်မိသည်။</p> <p> </p> <p>ဘေးဘက်ရှိ လီချင်းဟွာက အလျင်အမြန် သုံးသပ်ပြလေသည်။ "အနီးကပ် တိုက်ခိုက်တတ်တဲ့ မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါနဲ့ တူတယ်... ခန္ဓာကိုယ်ကြံ့ခိုင်မှု ဒါမှမဟုတ် ခွန်အား အမျိုးအစား ဖြစ်ဖို့ များပါတယ်"</p> <p> </p> <p>လင်းယွမ်က စွမ်းအင်တိုင်းမျက်မှန်ကို တပ်ဆင်ကာ ဤသန္ဓေပြောင်း မိကျောင်း၏ စွမ်းအင် ပြင်းအားကို စစ်ဆေးလိုက်သည်။</p> <p> </p> <p>အချက်အလက်များက အလျင်အမြန် ခုန်တက်သွားပြီး မကြာမီမှာပင် စွမ်းအင်တိုင်းမျက်မှန်တွင် အမှတ် "၆၂" ဟူသော ကိန်းဂဏန်းများ ပေါ်ထွက်လာခဲ့သည်။</p> <p> </p> <p>လင်းယွမ်က ပြုံးလိုက်ပြီး "အဓိက အရည်အသွေးက ၆၂ မှတ်တည်း... သိပ်တော့ အန္တရာယ် မရှိပါဘူး" ဟု ပြောလေသည်။</p> <p> </p> <p>လီချင်းဟွာက လက်တည့်စမ်းချင်သော အမူအရာကို မထိန်းချုပ်နိုင်ဘဲ "ဆရာလင်း... ကျွန်တော့်ကို စမ်းသပ်ခွင့် ပြုပါလား" ဟု မေးလိုက်သည်။</p> <p> </p> <p>လင်းယွမ်က သူ့ကို တစ်ချက် ကြည့်လိုက်ပြီး ရှင်းမြွေမိစ္ဆာ ဟင်းလင်းပြင်ထဲတွင် အချိန်မရွေး နေရာရွှေ့ပြောင်းနိုင်သည့် တံခါးပေါက်များကို ဖွင့်လှစ်နိုင်စွမ်း ရှိသဖြင့် သူ့ကိုယ်သူ ကာကွယ်ရန် သေချာပေါက် ပြဿနာ မရှိနိုင်ကြောင်း တွေးမိလိုက်သည်။</p> <p> </p> <p>ထို့ကြောင့် ခေါင်းဆတ်ပြလိုက်ကာ "အတော်ပဲ... မင်းရဲ့ လက်ရှိ တိုက်ခိုက်နိုင်စွမ်းကို ငါလည်း ကြည့်ချင်နေတာ" ဟု ပြောလိုက်သည်။</p> <p> </p> <p>လီချင်းဟွာက ပြုံးလိုက်ပြီး တိုက်ခေါင်မိုးပေါ်မှ ခြေတစ်လှမ်း ဆုတ်ခွာကာ ခုန်ချလိုက်သည်။</p> <p> </p> <p>သူ၏ ခန္ဓာကိုယ်က အောက်ဘက်သို့ ရုတ်တရက် ပြုတ်ကျသွားလေသည်။</p> <p> </p> <p>သို့သော် နောက်တစ်စက္ကန့်တွင် သူ၏ တစ်ကိုယ်လုံးက ဟင်းလင်းပြင်ထဲသို့ တိုက်ရိုက် ပျောက်ကွယ်သွားတော့သည်။</p> <p> </p> <p>တစ်ဖန် ပြန်လည် ထွက်ပေါ်လာချိန်တွင် ထိုသန္ဓေပြောင်း မိကျောင်းကြီး၏ အထက်၌ တိုက်ရိုက် ပေါ်လာခဲ့သည်။</p> <p> </p> <p>သန္ဓေပြောင်း မိကျောင်းကြီးက စွမ်းအားကြီးမားသော ရန်သူကို အာရုံခံမိသွားသဖြင့် ရုတ်တရက် ခေါင်းမော့ကြည့်လိုက်ကာ ဒေါသတကြီး ဟိန်းဟောက်လိုက်လေသည်။</p> <p> </p> <p>၎င်း၏ အမြီးက ရေပြင်ကို အားပြင်းပြင်း ရိုက်ချလိုက်ရာ မျက်စိတစ်မှိတ်အတွင်း ကြီးမားလှသော ခွန်အားများ ပေါက်ကွဲထွက်လာခဲ့သည်။</p> <p> </p> <p>ရေပြင်က ဝုန်းကနဲ ပေါက်ကွဲထွက်သွားပြီး ၎င်း၏ ခန္ဓာကိုယ်က ရေပြင်ပေါ်မှနေ၍ မတ်မတ်ကြီး အရှိန်အဟုန်ဖြင့် ခုန်တက်လာကာ ကောင်းကင်ပေါ်ရှိ လီချင်းဟွာထံသို့ ကိုက်ခဲရန် ပြေးဝင်လာတော့သည်။</p> <p> </p> <p>လီချင်းဟွာက ထိုမြင်ကွင်းကို မြင်လိုက်ရသောအခါ သူ၏ မျက်ဝန်းများထဲတွင် စူးရှသော အလင်းတန်းတစ်ခု ပေါ်ထွက်လာခဲ့သည်။</p> <p> </p> <p>သူက လက်နှစ်ဖက်ဖြင့် အောက်ဘက်သို့ ပြင်းပြင်းထန်ထန် ဖိချလိုက်သည်။</p> <p> </p> <p>လေဟာပြင်က ချက်ချင်း တုန်ခါသွားပြီး ဟင်းလင်းပြင် တစ်ခုလုံးက ဤအချိန်တွင် ရပ်တန့်သွားသကဲ့သို့ ဖြစ်သွားသည်။</p> <p> </p> <p>မျက်စိဖြင့် မမြင်နိုင်သော ဟင်းလင်းပြင် အကာအရံတစ်ခုက သန္ဓေပြောင်း မိကျောင်းကြီး၏ ခေါင်းပေါ်တွင် ပေါ်ထွက်လာခဲ့သည်။</p> <p> </p> <p>ဖောင်း... ခနဲ အသံနှင့်အတူ သန္ဓေပြောင်း မိကျောင်းကြီးက ၎င်းအား ခေါင်းဖြင့် ပြင်းပြင်းထန်ထန် ဝင်တိုက်မိသွားကာ ကျယ်လောင်သော အသံကြီး ထွက်ပေါ်လာလေသည်။</p> <p> </p> <p>၎င်းက ကောင်းကင်ယံရှိ ကြီးမားသော တံတိုင်းကြီးတစ်ခုကို ဝင်တိုက်မိသွားသကဲ့သို့ ဖြစ်သွားပြီးနောက် ရေပြင်ပေါ်သို့ အရှိန်ပြင်းပြင်းဖြင့် ပြန်လည် ပြုတ်ကျသွားတော့သည်။</p> <p> </p> <p>သို့သော် ၎င်း ရေထဲသို့ အပြီးတိုင် ပြုတ်မကျခင်မှာပင် လီချင်းဟွာက လက်ကို ဆန့်ထုတ်ကာ တစ်ချက် လွှဲယမ်းလိုက်သည်ကို တွေ့လိုက်ရသည်။</p> <p> </p> <p>ချက်ချင်းပင် ၎င်း ပြုတ်ကျနေသော လမ်းကြောင်းတွင် ဧရာမ ဟင်းလင်းပြင် တံခါးပေါက်ကြီးတစ်ခု ပေါ်ထွက်လာခဲ့သည်။</p> <p> </p> <p>"ဝှီး"</p> <p> </p> <p>ဧရာမ သန္ဓေပြောင်း မိကျောင်းကြီးက ထိုတံခါးပေါက်ကြီးထဲသို့ ချက်ချင်း ပြုတ်ကျသွားပြီးနောက် လီချင်းဟွာက ကောင်းကင်ယံသို့ နောက်တစ်ကြိမ် လွှဲယမ်းလိုက်သည်ကို မြင်တွေ့လိုက်ရသည်။</p> <p> </p> <p>နောက်ထပ် ဟင်းလင်းပြင် လမ်းကြောင်းတစ်ခု ထပ်မံ ပေါ်ထွက်လာခဲ့ပြန်သည်။</p> <p> </p> <p>ထိုဧရာမ သန္ဓေပြောင်း မိကျောင်းကြီးက ကောင်းကင်ပေါ်မှ အံ့သြဖွယ်ကောင်းလောက်အောင် ပြုတ်ကျလာခဲ့သည်။</p> <p> </p> <p>ဤသို့ဖြင့် ၎င်းသည် မြေဆွဲအား၏ သက်ရောက်မှုအောက်တွင် သံသရာလည်နေသကဲ့သို့ အောက်ဘက်ရှိ ဟင်းလင်းပြင် လမ်းကြောင်းထဲသို့ ပြုတ်ကျသွားလိုက်၊ အပေါ်ဘက်ရှိ ဟင်းလင်းပြင် လမ်းကြောင်းမှနေ၍ ပြန်ပြုတ်ကျလာလိုက် ဖြစ်နေတော့သည်။</p> <p> </p> <p>ကောင်းကင်ယံတွင် အားပြုစရာ နေရာမရှိသဖြင့် ၎င်းက ထိုသို့သော သံသရာလည်နေမှုထဲမှ လွတ်မြောက်နိုင်စွမ်း လုံးဝ မရှိတော့ချေ။</p> <p> </p> <p>လီချင်းဟွာက ဟင်းလင်းပြင် လမ်းကြောင်း နှစ်ခုကို ထိန်းသိမ်းထားရင်း မျက်နှာပေါ်တွင် အပြုံးများ ပြည့်နှက်နေခဲ့သည်။</p> <p> </p> <p>သူက ခေါင်းလှည့်ကာ လင်းယွမ်ဘက်သို့ လှမ်းအော်လိုက်သည် "ဆရာလင်း... ဒီသန္ဓေပြောင်း မိကျောင်းက ခွန်အား အမျိုးအစား သန္ဓေပြောင်း သတ္တဝါ ဖြစ်ဖို့ များတယ်"</p> <p> </p> <p>လင်းယွမ်လည်း ထိုအချက်ကို ရိပ်မိလိုက်သည်။ အကယ်၍ ၎င်းသာ အခြား အမျိုးအစား သန္ဓေပြောင်း သတ္တဝါ ဖြစ်ခဲ့လျှင် လေထဲတွင် ခေတ္တ ရပ်တန့်နိုင်စွမ်း လုံးဝမရှိဘဲ နေမည် မဟုတ်ချေ။</p> <p> </p> <p>သူ၏ ကိုယ်ဟန်က တစ်ချက် လင်းလက်သွားပြီး လီချင်းဟွာ၏ အနီးသို့ လျင်မြန်စွာ ရောက်ရှိလာကာ "ခွန်အား အမျိုးအစား ဖြစ်လည်း ကောင်းတာပဲ... ထိုက်ယန်တောင်မှာ ခွန်အား အမျိုးအစား အစွမ်းပိုင်ရှင်တွေ အများကြီး ရှိနေတော့ အနာဂတ်မှာ ခွန်အား အမျိုးအစား မျိုးရိုးဗီဇမျိုးစေ့တွေ အများကြီး လိုအပ်လာမှာ သေချာတယ်" ဟု ပြောလိုက်သည်။</p> <p> </p> <p>"ဒီတစ်ကောင်ကို ငါ့ဆီ လွှဲထားလိုက်တော့... ဟိုဘက်မှာ နောက်တစ်ကောင် လာနေပြီ"</p> <p> </p> <p>လီချင်းဟွာက ဘေးဘက်ရှိ ရေလွှမ်းမိုးနေသော နေရာသို့ အလျင်အမြန် ကြည့်လိုက်သည်။</p> <p> </p> <p>အဝေးရှိ ရေပြင်ထက်တွင် ဒေါသတကြီး လှိမ့်တက်နေသော လှိုင်းလုံးများကြား၌ အပြာရောင် အလင်းတန်းများ တလက်လက် တောက်ပနေသည့် အကြည်ရောင် ဧရာမ ရေခူကြီး တစ်ကောင်က အလွန် လျင်မြန်သော အရှိန်ဖြင့် ချဉ်းကပ်လာနေသည်ကို တွေ့လိုက်ရလေတော့သည်။</p> <p> </p> <p>(ရေခူ - ဂျယ်လီဖစ်ရှ်)</p> <p> </p> <p>ဆက်ရန်...</p> <p> </p> <p> </p> <p> </p> <p> </p> <p style="text-align: center;">***</p>


Save