Book List

<br /> …………………………………………………</p> <p>အခန်း ၂၇၁ - သုံးနှစ်တာကာလ</p> <p>"သတိထား…"</p> <p>စက္ကူအရုပ်လေးက လီယီတောင်းကို တိုက်ခိုက်တော့မည်ကို မြင်လိုက်ရချိန်တွင် အမွှာသုံးယောက်နှင့် ဤကမ္ဘာမှ အခြားသူများက ပြိုင်တူ အော်ဟစ်သတိပေးလိုက်ကြလေသည်။</p> <p>သို့သော် ဤအချိန်တွင် လီယီတောင်းမှာ ထိုအော်သံများကို မကြားနိုင်တော့ပေ။ သူက ရှေ့သို့ ကျော်လွန်သွားခဲ့ပြီ ဖြစ်၏။</p> <p>စက္ကူအရုပ်လေးများက ဓားမြှောင်တစ်ခုကို ကိုင်ဆောင်ထားပြီး လီယီတောင်းထံသို့ တိုက်ရိုက် ထိုးစိုက်လာကြသည်။</p> <p>သို့သော် အားလုံး အလွန်အမင်း ဇဝေဇဝါ ဖြစ်နေချိန်မှာပင် စက္ကူအရုပ်လေးများမှာ လီယီတောင်း၏ ရှေ့တည့်တည့်၌ ရပ်တန့်သွားသည်ကို ရုတ်တရက် သတိထားမိလိုက်ကြလေသည်။</p> <p>ထိုအခိုက်အတန့်တွင် လေထုတစ်ခုလုံး လုံးဝ ရပ်တန့်သွားသလို ဖြစ်သွားပြီး အားလုံး မှင်သက်ကုန်ကြ၏။</p> <p>ဘာတွေ ဖြစ်ကုန်သနည်း။</p> <p>အမွှာအဘိုးကြီး သုံးယောက် မျက်လုံးများဆိုလျှင် ထွက်ကျလုမတတ် ပြူးသွားကြလေသည်။ သူတို့ လုံးဝ မယုံကြည်နိုင်ကြပေ။</p> <p>သူတို့ရှေ့မှ စက္ကူအရုပ်လေးများမှာ သေးငယ်ပြီး တစ္ဆေဆန်သော ပုံစံရှိသော်လည်း ဤအချိန်တွင်တော့ အံ့မခန်း တိုက်ခိုက်ရေး စွမ်းအားကို ပြသနေကြပေသည်။ သူတို့က ယခင်က ဤစက္ကူအရုပ်လေးများနှင့် တိုက်ပွဲဝင်ဖူးကြသည်။ ထို့ကြောင့် အားလုံး လုံးဝ အံ့အားသင့်သွားကြခြင်း ဖြစ်လေသည်။</p> <p>ဤစက္ကူအရုပ်လေးများက လီယီတောင်းကို မြင်သောအခါ အဘယ်ကြောင့် ဤကဲ့သို့ အပြုအမူမျိုး ပြသရသနည်း။</p> <p>"မင်းကိုး… ဘာလို့ ဒီလောက် ရင်းနှီးနေရတာလဲလို့... ယီနိုက မင်းကို ပြုပြင်ပေးထားတာကိုး..."</p> <p>သူ့ရှေ့မှ စက္ကူအရုပ်လေးများ၏ အရှိန်အဝါကို ခံစားရင်း လီယီတောင်း အနည်းငယ် ပြုံးမိသွားလေသည်။ စက္ကူအရုပ်လေးများကလည်း လီယီတောင်း၏ အရှိန်အဝါကို ခံစားမိပုံရပေသည်။</p> <p>"ကဲ သွား... ယီနိုကို ငါ သွားကြည့်လိုက်ဦးမယ်"</p> <p>စက္ကူအရုပ်လေးများက လိမ္မာစွာဖြင့် လှည့်ကာ ရှေ့မှ သွားကြပြီး လီယီတောင်းက အနောက်မှ လိုက်သွားလေသည်။ မကြာမီ သူတို့ နှစ်ယောက် ကျောက်ကုတင်ရှေ့သို့ ရောက်သွားကြသည်။</p> <p>လီယီနို၏ တည်ငြိမ်နေသော မျက်နှာကို ကြည့်ပြီး လီယီတောင်း ခဏမျှ ဘာပြောရမှန်း မသိဖြစ်သွားရ၏။</p> <p>ဤအချိန်တွင် နောက်မှ အဘိုးအိုလည်း လျှောက်လာလေသည်။ အခြားလူများ လာနေသည်ကို မြင်သောအခါ စက္ကူအရုပ်လေးများက နောက်တစ်ကြိမ် တိုက်ခိုက်ရန် ပြင်လိုက်ကြပြန်သည်။</p> <p>သို့သော် မတိုက်ခိုက်နိုင်မီမှာပင် အဘိုးအို၏ အရှိန်အဝါဖြင့် ဖိနှိပ်ခံလိုက်ရပြီး လုံးဝ မလှုပ်နိုင်တော့ပေ။ အဘိုးအို၏ အင်အားက အမှန်တကယ်ပင် ကြီးမားလှပေသည်။</p> <p>"ဒီမှာ ဘာတွေ ဖြစ်နေတာလဲ..." </p> <p>အဘိုးအိုက အမွှာအဘိုးကြီး သုံးယောက်ဘက်ကို လှည့်ကာ မကျေမနပ် လေသံဖြင့် မေးလိုက်သည်။</p> <p>သူ မထွက်သွားခင်က လီယီနိုကို ဤသုံးယောက်ထံ အပ်နှံခဲ့ပြီး သေချာ စောင့်ရှောက်ရန် မှာထားခဲ့သည် မဟုတ်ပါလား။ </p> <p>ဘယ်လိုလုပ်ပြီး ဒီလို အခြေအနေမျိုး ဖြစ်သွားရတာလဲ...။ </p> <p>သူမက တကယ်ကြီး သတိလစ်သွားတာလား...။ </p> <p>"အဲ... ကျွန်တော်တို့လည်း အခြေအနေ အတိအကျကို မသိဘူး... လွန်ခဲ့တဲ့ တစ်ပတ်လောက်က ရုတ်တရက်ကြီး ကောက်ခါငင်ခါ ဖြစ်သွားတာပဲ..."</p> <p>"ဒီကျောက်ကုတင်ကြီးက ရုတ်တရက် ပေါ်လာပြီး ယီနိုက အဲဒီပေါ်ကို တက်သွားတယ်... ပြီးတော့ အဲဒီလို ဖြစ်သွားတာပဲ..."</p> <p>"တကယ် ဘာတွေ ဖြစ်နေလဲဆိုတာကို ကျွန်တော်တို့လည်း အခုထိ နားမလည်သေးဘူး... ကြည့်ရတာ... သူမက ဒီကမ္ဘာတစ်ခုလုံးကို စူးစမ်းလေ့လာနေပုံရတယ်..."</p> <p>"ကမ္ဘာတစ်ခုလုံးကို စူးစမ်းနေတာလား..." </p> <p>အဘိုးအို မျက်မှောင်ကြုတ်လိုက်သည်။</p> <p>"ယီနိုက ဒီကမ္ဘာကို စူးစမ်းဖို့ နည်းလမ်း ရှာတွေ့သွားတယ်လို့ မင်းတို့ ဆိုလိုချင်တာလား..." </p> <p>အဘိုးကြီး သုံးယောက်လုံးက တပြိုင်နက်တည်း ခေါင်းငြိမ့်ပြလိုက်ကြသည်။</p> <p>"ဟုတ်ပါတယ်... အဲဒီလိုပဲလို့ ကျွန်တော် ခံစားရတယ်... မဟုတ်ရင် လက်ရှိ အခြေအနေကို ရှင်းပြလို့ မရဘူး... ပြီးတော့ သူ့ရဲ့ လက်ရှိ အခြေအနေက... နည်းနည်း မမျှော်လင့်ထားတဲ့ အခြေအနေမျိုးပဲ... သူ နိုးလာတဲ့အခါ ဖြစ်ခဲ့တာတွေ ရှင်းလင်းသွားလိမ့်မယ်လို့ ကျွန်တော် ခံစားရတယ်..."</p> <p>"အင်း... အဲဒီလိုဆိုရင်လည်း သူ့ကို ကာကွယ်ဖို့ လူတွေ စီစဉ်ထားလိုက်ကြ..." </p> <p>အဘိုးအိုက အများကြီး ထပ်မမေးတော့ဘဲ အမိန့်ပေးလိုက်လေသည်။</p> <p>"ကျွန်တော်တို့ လူတွေ စီစဉ်ပြီးပါပြီ... ဒါပေမဲ့ မကြာသေးခင်က အခြေအနေက နည်းနည်း ခက်ခဲနေလို့... ပြီးတော့..."</p> <p>သူက ဘေးနားရှိ စက္ကူအရုပ်လေးများကို လှမ်းကြည့်လိုက်၏။ စက္ကူအရုပ်လေးများက မည်သူ့ကိုမျှ အနားပေးမကပ်သည့်အတွက် ကိစ္စတော်တော်များများမှာ သူတို့ ထိန်းချုပ်၍ မရနိုင်ခဲ့ပေ။</p> <p>"ငါပဲ စောင့်ရှောက်လိုက်မယ်..." </p> <p>လီယီတောင်း လေသံက တည်ငြိမ်နေ၏။ </p> <p>"ငါ ဒီမှာ ဘာမှ လုပ်စရာ သိပ်မရှိဘူး… ယီနိုကိုပဲ စောင့်ကြည့်နေလိုက်မယ်..."</p> <p>"အိုကေ... ပြီးတော့ စက္ကူအရုပ်တွေ လုပ်ဖို့ ကိရိယာတချို့ ငါ့ကို စီစဉ်ပေးပါ..."</p> <p>လီယီတောင်းက သူနှင့် စက္ကူအရုပ်လေးများကြားတွင် ဆက်သွယ်မှု တစ်ခုခု ရှိနေသည် ခံစားမိနေသည်။</p> <p>မကြာမီ တစ်စုံတစ်ယောက်က လီယီတောင်းထံသို့ စက္ကူအရုပ်များ ဖန်တီးရန် အထူးထုတ်လုပ်ထားသော ကိရိယာ အမြောက်အမြား ယူလာပေးလေသည်။ ဤကိရိယာအချို့က အလွယ်တကူ ရနိုင်သည် မဟုတ်သော်လည်း သူ ရအောင် ယူလာနိုင်ခဲ့ပေသည်။</p> <p>ထိုသို့ဖြင့် လီယီတောင်းမှာ တိတ်တိတ်ဆိတ်ဆိတ် ထိုင်ကာ စက္ကူအရုပ်များ စတင် ဖန်တီးတော့သည်။ ပြီးသွားသော စက္ကူအရုပ်တိုင်းကို ဘေးတွင် ဖယ်ထားပြီး ဝိညာဉ်သွင်းခြင်းကို မစတင်သေးပေ။</p> <p>ဝိညာဉ်ပါနေပြီဖြစ်သော စက္ကူအရုပ်လေးနှင့် ဆက်သွယ်ကြည့်ရာတွင် ဝိညာဉ်သွင်းရန်အတွက် သက်တမ်း အများကြီး မလိုအပ်ဆိုသော အရေးကြီးသည့် အချက်အလက်တစ်ခုကို သူ သိလိုက်ရ၏။</p> <p>အကယ်၍ စက္ကူအရုပ်များကို လက်ရှိအရုပ်လေးကဲ့သို့ အထူးစွမ်းရည်များ ပိုင်ဆိုင်စေချင်ပါက ကမ္ဘာကြီး၏ မူလစွမ်းအားအချို့ထံမှ လမ်းညွှန်မှု လိုအပ်ပေသည်။ ထို့ကြောင့် လီယီတောင်းက ဝိညာဉ်သွင်းခြင်းကို အသုတ်လိုက် ပြုလုပ်ရန် အစီအစဉ်ဆွဲလိုက်သည်။ သူတို့ကို အတူတူ ဝိညာဉ်သွင်းပေးပြီး ဝိညာဉ်စွမ်းအားအချို့ကို စုပ်ယူခွင့်ပေးလိုက်လျှင် ကျန်တာက အရေးမကြီးတော့ပေ။</p> <p>ဤသို့ဖြင့် အချိန်များက တရွေ့ရွေ့ ကုန်ဆုံးသွားလေသည်။ မျက်စိတစ်မှိတ်အတွင်းမှာပင် သုံးနှစ်တာ ကုန်လွန်သွားခဲ့ပြီ ဖြစ်၏။</p> <p>ဤသုံးနှစ်အတွင်း အဘိုးအိုမှာ မကြာခဏ အပြင်ထွက်လေ့ရှိသည်။ ကျိုးရှုရီနှင့် ယန်ချင်းယွဲ့က အမြဲတမ်း သူ့နောက်မှ လိုက်သွားကြ၏။ လီယီတောင်းက သူတို့ ဘယ်သွားသည်ကို မသိသလို ဆက်သွယ်ရန်လည်း မကြိုးစားခဲ့ပေ။ သူက လီယီနိုကိုသာ တိတ်တိတ်ဆိတ်ဆိတ် စောင့်ရှောက်နေခဲ့သည်။</p> <p>ဤသုံးနှစ်အတွင်း လီယီနို နိုးလာမည့် အရိပ်အယောင် မတွေ့ရသေးပေ။</p> <p>သုံးနှစ်ကြာပြီးနောက် လီယီတောင်းမှာ စုစုပေါင်း ဝိညာဉ် သုံးကြိမ် သွင်းခဲ့လေပြီ။ တစ်ကြိမ်စီတိုင်းတွင် စက္ကူအရုပ် သောင်းနှင့်ချီ ရှိပေသည်။ သူက တစ်ကြိမ်ကို သက်တမ်း တစ်နှစ်သာ အသုံးပြုပြီး သူတို့ကို ဝိညာဉ်စွမ်းအားအချို့ ရရှိစေရန် အညီအမျှ ခွဲဝေပေးလိုက်သည်။ ကျန်သည်များကိုတော့ ဤစက္ကူအရုပ်များ၏ ကျင့်ကြံမှုကို ကူညီရန် ပထမဆုံး စက္ကူအရုပ်လေး၏ ထူးခြားသော စွမ်းရည်များကို အားကိုးရပေသည်။</p> <p>ယခုအခါ လီယီနို၏ ပတ်ပတ်လည် ကီလိုမီတာ အနည်းငယ်အတွင်း၌ စက္ကူအရုပ်များ နေရာအနှံ့ ပြန့်ကျဲနေပြီ ဖြစ်သည်။ လီယီတောင်းမှာ မရပ်တန့်ဘဲ ဆက်လက် လုပ်ဆောင်နေ၏။</p> <p>သို့သော် လီယီနိုကတော့ နိုးလာမည့် အရိပ်အယောင် မပြသေးပေ။</p> <p>သို့သော် လီယီတောင်း တစ်ခုတော့ သိထားလေသည်။ စက္ကူအရုပ်များကို အသုံးပြုခြင်းက သူ၏ စွမ်းရည်များကို မြှင့်တင်ရန် တကယ့်ကို ကောင်းမွန်သော နည်းလမ်းတစ်ခု ဖြစ်ပေသည်။</p> <p>သူ၏ သက်တမ်းနှင့် ပတ်သက်၍မူ ဤအချိန်အတွင်း တိုးတက်မှု ဘာမှ မရှိခဲ့ပေ။</p> <p>သို့သော် လုံလောက်လှပေသည်။ ယခု လီယီတောင်း ဖန်တီးနေသော စက္ကူအရုပ်များမှာ အလေးအနက်ထားရမည့် အင်အားစု တစ်ခုဖြစ်သည်မှာ သေချာလှပေသည်။ အဘိုးအိုပင်လျှင် လီယီတောင်း၏ စွမ်းရည်များကို မြင်ရသောအခါ နောင်တရမိလေသည်။ သူသာ စောစောသိခဲ့ပါက လီယီတောင်းကို ဤနေရာသို့ စောစောကတည်းက ခေါ်လာခဲ့လောက်ပေသည်။ ဤအချိန်ဆိုလျှင် သူတို့ ပိုပြီး နက်နက်ရှိုင်းရှိုင်း ထိုးဖောက်နိုင်နေလောက်ပြီ ဖြစ်သည်။</p> <p>သူတို့က ဘယ်လိုလုပ်ပြီး ဤကဲ့သို့သော ခံစစ်အခြေအနေမျိုးသို့ ရောက်သွားရသနည်း။ အထူးသဖြင့် ယခုအချိန်တွင် သူတို့၏ အနေအထားက အန္တရာယ်ရှိနေပြီ ဖြစ်သည်။ သူတို့၏ ဖွံ့ဖြိုးတိုးတက်မှုက အရမ်းမြန်လွန်းနေ၍လည်း ဖြစ်နိုင်ပေသည်။ ဤကမ္ဘာမှ အထူးသတ္တဝါအချို့က သူတို့ကို ဆန့်ကျင်သည့် အစီအမံများ စတင် ချမှတ်နေကြပြီ ဖြစ်၏။</p> <p>မုန်တိုင်းတစ်ခု ကျရောက်လာတော့မည့် ခံစားချက်မျိုးကို အားလုံး ရနေကြ၏။</p> <p>မကြာမီ တိုက်ပွဲကြီးတစ်ခု စတင်ပေတော့မည်။</p> <p>ပြင်ပမှလူများလည်း အဆက်မပြတ် ဝင်ရောက်လာနေကြ၍  ဤကမ္ဘာရှိ လူသားဦးရေမှာ ပုံမှန်ထက် များစွာ ပိုမို များပြားလာခဲ့လေပြီ။</p> <p>


Save