Book List

<h2 style="text-align: center;">အပိုင်း (၄၁၈)</h2> <h2 style="text-align: center;">*</h2> <p> </p> <p> </p> <p> </p> <p> ​အင်ပါယာ မြေပုံ အတွင်းရှိ ကိန်းဂဏန်းအချက်အလက် အားလုံးသည် အင်ပါယာအဆင့်သို့ ရောက်ရှိသွားပြီဖြစ်သည်။ နိုင်ငံတော်၏ စုစုပေါင်း အင်အားအရ ဆိုလျှင် အင်ပါယာအချို့ကိုပင် ကျော်လွန်နေပြီး အင်ပါယာ အဆင့်အတန်းများထဲတွင်မှ အလယ်အလတ်အဆင့်၌ ရပ်တည်နေပြီ ဖြစ်သည်။</p> <p> </p> <p>​ တိုတောင်းလှသော သုံးနှစ်တာကာလအတွင်း ပျက်သုဉ်းလုနီးပါး ဖြစ်နေသည့် သေးငယ်သော တိုင်းပြည်လေးတစ်ခုမှသည် တစ်လောကလုံးက ကြောက်ရွှံ့ရိုသေရသော ကြွယ်ဝချမ်းသာသည့် အင်ပါယာကြီးတစ်ခုအဖြစ်သို့ တိုးတက်ပြောင်းလဲလာခဲ့ခြင်းပင် ဖြစ်သည်။ လင်းပိုင်ဖန်အနေဖြင့် သူ၏ မဟာရှနိုင်ငံတော်အတွက် အလွန်ပင် ဂုဏ်ယူထိုက်ပေသည်။</p> <p> </p> <p>​ မှန်​ပေသည်... ဤအောင်မြင်မှုသည် သူ၏ ရွှေလက်ချောင်း ဖြစ်သော အင်ပါယာ မြေပုံနှင့် ခွဲခြား၍မရနိုင်ပေ။ ထို့ကြောင့် လင်းပိုင်ဖန်သည် အင်ပါယာ မြေပုံ၏ အပြောင်းအလဲ အသစ်များကို လေ့လာရန် စိတ်အားထက်သန်နေမိခဲ့သည်။</p> <p> </p> <p>​ ပထမဆုံးအနေဖြင့် ၎င်း၏ အခြေခံလုပ်ဆောင်ချက်များပင် ဖြစ်သည်။ အဆင့်မြင့် ပုံစံသို့ တိုးမြှင့်ပြီးချိန်တွင် အင်ပါယာ မြေပုံသည် လောကရှိ သက်မဲ့ပစ္စည်းအားလုံးကို စိတ်ကြိုက်ရွှေ့လျား အသုံးပြုနိုင်ခဲ့သည်။ ယခု စူပါအဆင့်သို့ ရောက်ရှိသွားချိန်တွင်မူ လူသားများမှအပ ကျန်ရှိသော သက်ရှိတိရစ္ဆာန် အားလုံးကိုပါ စိတ်ကြိုက်ရွှေ့လျားနိုင်ပြီ ဖြစ်သည်။</p> <p> </p> <p>​ တိရစ္ဆာန်တွေကို ရွှေ့လျားနိုင်တာက ဘာများထူးခြားလို့လဲဟု သင်တွေးကောင်း တွေးမိပါလိမ့်မည်။ အကယ်၍ ထိုသို့တွေးမိလျှင် သင်မှားသွားပါလိမ့်မည်။</p> <p> </p> <p>​ လူသားများသည် ကမ္ဘာမြေ၏ အရှင်သခင်များဟု ထင်ရသော်လည်း သဘာဝတရားကြီးထဲတွင်မူ သမုဒ္ဒရာထဲက ရေတစ်စက်မျှသာ ရှိနေသည်။ သိပ္ပံပညာရှင်များ၏ လေ့လာချက်အရ လူသားကလေးငယ် တစ်ဦးမွေးဖွားလာတိုင်း ကမ္ဘာပေါ်တွင် ပုရွက်ဆိတ်သန်းပေါင်း ၇၀၀ ခန့် မွေးဖွားလာကြသည်။ အရေအတွက်ချင်း ယှဉ်လျှင် ကြောက်စရာကောင်းလောက်အောင် ကွာခြားလွန်းလှသည် မဟုတ်ပါလား။</p> <p> </p> <p>​ ထုထည်နှင့် ဒြပ်ထုအရ နှိုင်းယှဉ်လျှင်ပင် လူသားများသည် ပုရွက်ဆိတ်များကို မကျော်လွန်နိုင်ဘဲ အဆပေါင်း ရာနှင့်ချီ၍ ကွာခြားနေလေသည်။ ထို့အပြင် သဘာဝတရားကြီးထဲတွင် ပုရွက်ဆိတ်များသာမက ကျိုင်းကောင်၊ လှေး၊ ခူကောင်၊ နှံကောင်နှင့် အခြားသော အင်းဆက်တိရစ္ဆာန်ပေါင်းများစွာ ရှိနေပြီး ၎င်းတို့အားလုံးမှာ လူဦးရေထက် များစွာ သာလွန်နေကြသည်။ ရေထဲရှိ ငါးများဆိုလျှင်လည်း ရေတွက်၍မရနိုင်အောင်ပင် များပြားလှသည်။</p> <p> </p> <p>​ လူသားများသည် ကမ္ဘာကြီးကို စိုးမိုးထားသည်ဟု ထင်ရသော်လည်း ၎င်းမှာ စိတ်ကူးယဉ်မှုသက်သက်သာ ဖြစ်နိုင်သည်။ လူသားမျိုးနွယ်မှာ တစ်ကြိမ်မက မျိုးသုဉ်းသွားလျှင်ပင် ဤသတ္တဝါများစွာမှာ ဆက်လက် ရှင်သန်နေဦးမည် ဖြစ်သည်။ အကယ်၍ ၎င်းတို့ကိုသာ စနစ်တကျ စေခိုင်းနိုင်မည်ဆိုပါက မတွေးဝံ့စရာ ဖျက်ဆီးအားကို ထုတ်ဖော်နိုင်လိမ့်မည် ဖြစ်သည်။</p> <p> </p> <p>​ “စမ်းကြည့်လိုက်ရင် ကောင်းမလား...” လင်းပိုင်ဖန်၏ စိတ်အာရုံသည် မိုင်တစ်ရာပတ်လည်အတွင်းရှိ လူသူမရှိသော တောအုပ်တစ်ခုသို့ ရောက်ရှိသွားသည်။</p> <p> </p> <p>​ သူ၏ အမိန့်ပေးမှုအောက်တွင် တောအုပ်အတွင်းရှိ တိရစ္ဆာန်များနှင့် အင်းဆက်များ အားလုံး ထွက်ပေါ်လာကြသည်။ အုပ်စုလိုက်၊ အုပ်စုလိုက် ထွက်လာကြရာ ပုရွက်ဆိတ်များဆိုလျှင် တစ်မီတာခန့် မြင့်သည့်တိုင်အောင် စုပုံနေသဖြင့် လင်းပိုင်ဖန်ပင် ကြက်သီးထသွားရသည်။ အကယ်၍ ဤအင်အားကိုသာ အသုံးပြုလိုက်လျှင် မြို့တစ်မြို့လုံးကို အမှုန့်ချေပစ်နိုင်မည် ဖြစ်သည်။</p> <p> </p> <p>​ “တကယ့်ကို ကြောက်စရာကြီးပဲ” လင်းပိုင်ဖန်မှာ ရေရွတ်လိုက်မိသည်။</p> <p> </p> <p>​ ဤစွမ်းအားဖြင့် သူသည် ကပ်ရောဂါမျိုးစုံကို ဖန်တီးနိုင်ပေသည်။ ကျိုင်းကောင်ဘေးသည် ရှေးဟောင်းကပ်ဘေးကြီး သုံးခုထဲမှ တစ်ခုဖြစ်ပြီး ယခုအခါ သူသည် ထိုဘေးကို အလွယ်တကူ ဖန်တီးနိုင်နေပြီဖြစ်သည်။ ထို့အပြင် ပုရွက်ဆိတ်ဘေး၊ မြွေဘေး၊ ပျားဘေး၊ ကြွက်ဘေး စသည်ဖြင့် တစ်ခုချင်းစီ၏ ဖျက်ဆီးအားမှာ ကျိုင်းကောင်ဘေးထက် မလျော့ပေ။</p> <p> </p> <p>​ အမှန်စင်စစ် ဤနေရာသည် သူ၏ တိုင်းပြည်ဖြစ်ရာ ထိုသို့သော ကပ်ဘေးမျိုးကို ဖန်တီး၍ မိမိ၏ နိုင်ငံတော်အင်အားကို ထိခိုက်စေမည် မဟုတ်ချေ။ သို့သော် အိမ်နီးချင်းနိုင်ငံကို ဒုက္ခပေးဖို့ ဆိုလျှင်တော့ စဉ်းစားစရာပင် ဖြစ်လေ၏။</p> <p> </p> <p>​ ဖျက်ဆီးခြင်းအပြင် ဤစွမ်းအားကို ကုန်ထုတ်လုပ်မှုတွင်လည်း အသုံးပြုနိုင်ပေသည်။ ဥပမာအားဖြင့် ဟင်းသီးဟင်းရွက် စိုက်ခင်းများမှ အင်းဆက်များကို မောင်းထုတ်ပစ်နိုင်သဖြင့် ပိုးသတ်ဆေး သုံးစရာမလိုဘဲ အရည်အသွေးမြင့် သီးနှံများကို ရရှိနိုင်ပေသည်။ အခြားတစ်ဖက်တွင် သမင်ဦးချိုမှာ ဆေးဖက်ဝင်သော်လည်း သမင်အရေအတွက်မှာ အလွန်နည်းပါးသည်။ လင်းပိုင်ဖန်အနေဖြင့် ကမ္ဘာပေါ်ရှိ သမင်များအားလုံးကို တောင်ကုန်းတစ်ခုပေါ်တွင် စုစည်းထားကာ မျိုးပွားနှုန်းမြှင့်တင်ပြီး ထုတ်လုပ်မှုကို တိုးမြှင့်နိုင်သည်။</p> <p> </p> <p>​ “ဒီစွမ်းအားက တကယ့်ကို အသုံးဝင်တာပဲ” လင်းပိုင်ဖန်က စွမ်းအား၏ အနှစ်သာရကို နားလည်သွားပြီးနောက် ရေရွတ်လိုက်သည်။</p> <p> </p> <p>​ ထို့နောက် သူသည် အသစ်ရရှိထားသော ‘ဖန်ဆင်းရှင်လက်ဝါး’ စွမ်းအားဆီသို့ အာရုံပြောင်းလိုက်သည်။</p> <p> </p> <p>​ “ငါက ဖန်ဆင်းရှင်လက်ဝါးကို သုံးပြီး ပြည်တွင်းမှာရှိတဲ့ ပစ္စည်းတွေအားလုံးကို အဆင့်မြှင့်တင်ပေးနိုင်မလား...”</p> <p> </p> <p>​ လင်းပိုင်ဖန်က တွေးတောရင်း လက်ကို ဆန့်ထုတ်လိုက်ရာ ဓားတစ်စင်း ပေါ်ထွက်လာသည်။ ၎င်းမှာ သာမန်သံမဏိဖြင့် ကြမ်းတမ်းစွာ ထုလုပ်ထားသော သာမန်ဓားတစ်စင်းသာ ဖြစ်သည်။ ဓားသွားမှာလည်း သိပ်မထက်လှဘဲ ဈေးကွက်ထဲတွင် ငွေတေး တစ်ဆယ်ထက် ပို၍ တန်ဖိုးမရှိချေ။</p> <p> </p> <p>​ လင်းပိုင်ဖန်က ဖန်ဆင်းရှင်လက်ဝါးကို အသုံးပြုလိုက်သည် “အဆင့်မြှင့်မယ်”</p> <p> </p> <p>​ ဓားဆီမှ အလင်းအနည်းငယ် ဖျတ်ခနဲ ပေါ်လာပြီးနောက် ပုံမှန်အတိုင်း ပြန်ဖြစ်သွားသည်။ အပြင်ပန်းကြည့်လျှင် ဘာမှပြောင်းလဲမသွားသော်လည်း လင်းပိုင်ဖန်က စက္ကူတစ်ရွက်ကို လှီးကြည့်လိုက်ရာ အလွန်ပင် ချောမွေ့စွာ ပြတ်တောက်သွားလေသည်။</p> <p> </p> <p>​ “ဒါက ထက်ရှတဲ့ဓား ဖြစ်သွားပြီပဲ” လင်းပိုင်ဖန် အံ့သြသွားသည်။</p> <p> </p> <p>​ ဤကမ္ဘာတွင် ဓားများကို အဆင့်လေးဆင့် ခွဲခြားထားသည်။ သာမန်ဓား၊ ထက်ရှသောဓား၊ ရတနာဓား နှင့် နတ်ဓားတို့ ဖြစ်ကြသည်။</p> <p> </p> <p>​ သာမန်ဓားဆိုသည်မှာ လင်းပိုင်ဖန် စောစောက ကိုင်ထားသော ဓားမျိုးဖြစ်ပြီး သာမန်ပစ္စည်းများဖြင့် ကြမ်းတမ်းစွာ ပြုလုပ်ထားကာ ဈေးကွက်တွင် ငွေတေး ၁၀၀ ထက် ပိုမရနိုင်ပေ။ ငွေတေး အနည်းငယ်သာ တန်ဖိုးရှိသော သာမန်ဓားများကို အမြောက်အမြား ထုတ်လုပ်လေ့ရှိသည်။</p> <p> </p> <p>​ ထက်ရှသောဓားမှာမူ ပိုမိုတန်ဖိုးရှိသော ပစ္စည်းများကို အသုံးပြုကာ စနစ်တကျ ထုလုပ်ထားခြင်းဖြစ်ပြီး အလွန်ထက်မြက်ကာ ခိုင်ခံ့သည်။ ၎င်းတို့သည် ဈေးကွက်တွင် ငွေတေး ရာဂဏန်းမှ ထောင်ဂဏန်းအထိ တန်ဖိုးရှိပြီး သိုင်းပညာရှင် အများစုမှာ ဤဓားမျိုးကို ကိုင်ဆောင်ကြသည်။</p> <p> </p> <p>​ ရတနာဓားများမှာမူ ပို၍ အစွမ်းထက်လှသည်။ ၎င်းတို့ကို အလွန်ရှားပါးသော ပစ္စည်းများဖြင့် လက်ရာမြောက်စွာ ထုလုပ်ထားခြင်း ဖြစ်သည်။ အဓိက ထူးခြားချက်မှာ ဖျက်ဆီး၍မရခြင်းနှင့် သံကို ရွှံ့ကဲ့သို့ ဖြတ်နိုင်ခြင်းပင် ဖြစ်သည်။ ထို့အပြင် အစစ်အမှန်ချီကို စီးဆင်းစေနိုင်ပြီး ခွန်အားကိုလည်း မြှင့်တင်ပေးနိုင်သည်။ အချို့သော ရတနာဓားများသည် မီးတောက်ခြင်း သို့မဟုတ် အအေးဓာတ် ထွက်ပေါ်ခြင်း စသည့် ထူးခြားသော အစွမ်းများ ရှိကြသည်။ ဈေးကွက်တွင် ငွေတေး သောင်းဂဏန်းမှ သိန်းဂဏန်းအထိ တန်ဖိုးရှိပြီး ထိုဓားများကို ထုလုပ်နိုင်သူများကို ‘ ဓားဆရာကြီး’ များဟု ခေါ်ကြသည်။</p> <p> </p> <p>​ နတ်ဓားများမှာမူ ပြောစရာမလိုအောင် ထူးခြားလှသည်။ လင်းပိုင်ဖန်၏ ‘ရွှမ်ရှောင်နတ်ဓား’ မှာ ဤအဆင့်ဝင်ဖြစ်ပြီး တန်ဖိုးဖြတ်မရနိုင်လောက်အောင် အစွမ်းထက်လှသည်။ ထို့ကြောင့် ၎င်းပေါ်ထွက်လာချိန်တွင် သိုင်းပညာရှင်များစွာက အလုအယက် လိုချင်ခဲ့ကြခြင်း ဖြစ်သည်။ ဤဓားတစ်စင်း ရှိရုံဖြင့် မိမိထက် အဆင့်မြင့်သူကိုပင် ယှဉ်ပြိုင်တိုက်ခိုက်နိုင်သည်။</p> <p> </p> <p>​ ယခုအခါ လင်းပိုင်ဖန်သည် ဖန်ဆင်းရှင်လက်ဝါးကို အသုံးပြုရုံမျှဖြင့် သာမန်ဓားတစ်စင်းကို ထက်ရှသောဓားအဖြစ် ပြောင်းလဲနိုင်ခဲ့ပြီ ဖြစ်သည်။ အကယ်၍ ၎င်းသည် ထက်ရှသောဓား ဖြစ်နေလျှင်ကော... သို့မဟုတ် ရတနာဓား ဖြစ်နေလျှင်ကော...။ လင်းပိုင်ဖန်၏ ရင်ခုန်သံများ မြန်လာလေသည်။</p> <p> </p> <p>​ မျက်တောင်တစ်ခတ်အတွင်းမှာပင် သူ၏လက်ထဲရှိ သာမန်ဓားသည် ထက်ရှသောဓား ဖြစ်သွားသည်။ လင်းပိုင်ဖန်က ဖန်ဆင်းရှင်လက်ဝါးကို ထပ်မံအသုံးပြုလိုက်သည် “အဆင့်မြှင့်မယ်”</p> <p> </p> <p>​ ဓားဆီမှ အလင်းဖျတ်ခနဲ တစ်ချက် ပေါ်လာပြန်သည်။ ထို့နောက် လင်းပိုင်ဖန် ရှေ့ရှိ သံတုံးတစ်တုံးကို လှီးဖြတ်ကြည့်လိုက်ရာ ထိုသံတုံးမှာ အလွယ်တကူပင် နှစ်ပိုင်းပြတ်သွားတော့သည်။</p> <p> </p> <p>​ “သံကို ရွှံ့လို ဖြတ်နိုင်ပြီပဲ၊ ဒါက ရတနာဓား အဆင့်ကို ရောက်သွားပြီ” လင်းပိုင်ဖန် ဝမ်းသာအားရ ဖြစ်သွားသည်။</p> <p> </p> <p>​ ရတနာဓားနှင့် ထက်ရှသောဓားကြားရှိ ကွာဟချက်မှာ အလွန်ကြီးမားလှသည်။ ဈေးကွက်တန်ဖိုးမှာလည်း ဆယ်ဆမက မြင့်တက်သွားသည်။ အဘယ်ကြောင့်ဆိုသော် ရတနာဓား ထုလုပ်ရန် ပစ္စည်းများမှာ ရှားပါးလွန်းပြီး ထုလုပ်နိုင်သည့် ဆရာကြီးများမှာလည်း အလွန်နည်းပါးသောကြောင့် ဖြစ်သည်။ ရတနာဓားကို ထုလုပ်ရန် ခက်ခဲသော်လည်း ထက်ရှသောဓားကို ထုလုပ်ရန်မှာ မခက်ခဲပေ။</p> <p> </p> <p>​ သူ၏ ဘဏ္ဍာတိုက်အတွင်း၌ ထက်ရှသော ဓားပေါင်း ထောင်နှင့်ချီ၍ ရှိနေသည်။ ၎င်းတို့ကို ဖန်ဆင်းရှင်လက်ဝါး အသုံးပြုကာ ရတနာဓားများအဖြစ် အလွယ်တကူ ပြောင်းလဲနိုင်မည် မဟုတ်ပါလား။</p> <p> </p> <p>​ ဤသည်မှာ နိုင်ငံတော်၏ အင်အားကို မြှင့်တင်ရုံသာမက စည်းစိမ်ဥစ္စာများကိုပါ အမြောက်အမြား ရှာဖွေပေးနိုင်မည် ဖြစ်လေသည်။</p> <p>***</p> <p> </p>


Save