Book List

<h2 style="text-align: center;">အခန်း (၄၉၀)</h2> <h2 style="text-align: center;"> နှစ်ကာလများကြားမှ မြူနှင်းများ</h2> <h2 style="text-align: center;"> ရှေးဟောင်းမျိုးစိတ်များ</h2> <h2 style="text-align: center;"> ဆံပင်နှစ်ဖက်စည်ထားသူလေးမှာ ပြဿနာရှိနေတာလား</h2> <h2 style="text-align: center;">*</h2> <p> </p> <p> </p> <p> </p> <p>​ဝုန်းးး ဝုန်းးး သူ မြေပြင်ပေါ် လမ်းလျှောက်လိုက်တိုင်း မြေကမ္ဘာတစ်ခုလုံး တုန်ဟည်းလှုပ်ခါသွားတော့သည်။</p> <p> </p> <p>​ရွှေစင်ကို ဖောက်ထွင်းပြီး ကျောက်ဆောင်ကို အက်ကွဲစေနိုင်လောက်သည့် စူးရှသော အော်ဟစ်သံတစ်ခု ထွက်ပေါ်လာပြီးနောက်၊ ကောင်းကင်ယံကြီးမှာ ရုတ်ချည်းဆိုသလို မှောင်မိုက်အုံ့မှိုင်းသွားတော့သည်။</p> <p> </p> <p>​ရက်စက်ကြမ်းကြုတ်သော ငှက်ကြီးတစ်ကောင်သည်လည်း ဘေးပတ်ဝန်းကျင်ရှိ တောင်ကြီးများထဲမှ ပျံသန်းထွက်လာခဲ့သည်။</p> <p>၎င်း၏ တောင်ပံများမှာ ကောင်းကင်တစ်ခုလုံးကို ဖုံးလွှမ်းသွားနိုင်လောက်အောင်ပင် ကြီးမားလှပေသည်။</p> <p>​တောင်နက်ပိုင်းရှိ ရေကန်ကြီးထဲမှလည်း ကျောက်နဂါး  တစ်ကောင်သည် တွားသွားထွက်လာပြီး မြို့ကလေးရှိရာသို့ ပျံသန်းသွားတော့သည်။</p> <p>ထိုမြို့ကလေးသည် နဂိုကပင် ဆန်းကြယ်ပြီး သီးခြားဖြစ်နေသော ဟင်းလင်းပြင်တစ်ခု ဖြစ်သော်လည်း၊ ယခုအချိန်တွင်မူ ဟင်းလင်းပြင်များစွာနှင့် ဆက်သွယ်သွားသကဲ့သို့ ဖြစ်နေကာ... ကြောက်မက်ဖွယ်ကောင်းလှသော ရှေးဟောင်းခေတ်ကျန် မျိုးစိတ်ကြီးများအား တောင်ကြီးများထဲမှ ဖြည်းဖြည်းချင်း ထွက်လာစေတော့သည်။</p> <p> ဝတ်စုံနီမလေး၏ မျက်နှာမှာလည်း အကြီးအကျယ် ပျက်ယွင်းသွားရသည်။</p> <p> </p> <p>​"တောက် ဘယ်လိုဖြစ်ပြီး ဒီလောက်အထိ ရှုပ်ထွေးသွားရတာလဲ၊ ဒီရှေးဟောင်းမျိုးစိတ်တွေကိုတောင် ထွက်လာအောင် ဖိအားပေးလိုက်သလို ဖြစ်သွားပြီ "</p> <p> </p> <p>​သူမသည် သူမနောက်မှ လိုက်နေသော နက်မှောင်သည့် ချပ်ဝတ်စစ်သူရဲကို ကြည့်ပြီး ဒေါသထွက်နေမိသည်။</p> <p>တစ်ဖက်လူက သွေးလမင်း၏ စွမ်းအားကို ဝါးမြိုရင်း သူမကို မလျှော့သောဇွဲဖြင့် လိုက်လံသတ်ဖြတ်နေသောကြောင့် ဖြစ်သည်။</p> <p> </p> <p>​ဝတ်စုံနီမလေးက ရုတ်တရက် အေးစက်စွာ ပြုံးလိုက်ပြီး</p> <p> </p> <p>"ဘာပဲဖြစ်ဖြစ်... ဒီခေတ်ကြီးမှာ နတ်ဘုရားပုံပြင်တွေ  အကုန်လုံး ပြတ်တောက်သွားပြီပဲ၊ ဘာတွေပဲ ဖြစ်လာဖြစ်လာ ဂရုစိုက်မနေတော့ဘူး"</p> <p> </p> <p>​ဒီအမျိုးသမီးကို လူကောင်းတစ်ယောက်လို့တော့ လုံးဝ သတ်မှတ်လို့ မရပါဘူး</p> <p>​လီယန်ချူအပေါ် ထားရှိတဲ့ သူမရဲ့ ရှုပ်ထွေးတဲ့ ခံစားချက်ကတော့... တစ်ဖက်လူက သူမရဲ့ အသက်ကို ကယ်ခဲ့လို့ဖြစ်သလို၊ သူမတို့ မျိုးနွယ်စုက အမျိုးသမီးတွေဟာ ရုပ်ရည်ချောမောပြီး ခန့်ညားထည်ဝါတဲ့ အမျိုးသားတွေကို မြင်ရင် အထူးတလည် သဘောကျတတ်တဲ့ စရိုက်ရှိလို့လည်း ဖြစ်ပါတယ်။</p> <p> ဒါက သူတို့ရဲ့ အရိုးထဲအထိ စွဲနေတဲ့ ဗီဇတစ်ခုလို့တောင် ပြောလို့ရပါတယ်။</p> <p> </p> <p>​ဝတ်စုံနီမလေးအတွက်တော့ လီယန်ချူဟာ ဒီလောက်အထိ ရုပ်ဖြောင့်ပြီး ခန့်ညားတဲ့ အရှိန်အဝါရှိတဲ့ အမျိုးသားမျိုးကို ပထမဆုံး မြင်ဖူးခြင်းပင် ဖြစ်သည်။</p> <p> </p> <p>ထို့ကြောင့် တစ်နည်းအားဖြင့် ပြောရလျှင် လီယန်ချူအပေါ် သူမ ပြုမူခဲ့သည့် အပြုအမူများမှာ သူမ၏ စိတ်ခံစားချက် သက်သက်ကြောင့်တင် မဟုတ်ဘဲ၊ သူမ၏ ဗီဇအသိစိတ်ကပါ မောင်းနှင်နေခြင်း ဖြစ်သည်။</p> <p> </p> <p>​သူမ၏ အကြည့်များက ထိုတောင်ကြီးဆီသို့ ဦးတည်သွားပြီး၊ မျက်နှာပေးမှာ အေးစက်ခက်ထန်နေသည်။</p> <p> </p> <p>​သူမသည် ထူထပ်လှသော မှောင်မိုက်မှုများကို ဖောက်ထွင်းကြည့်မြင်နေသကဲ့သို့ပင်၊ ထိုမှောင်မိုက်မှု နောက်ကွယ်တွင် ဖုံးကွယ်နေသည့် အရာများကို မြင်နေရပုံရသည်။</p> <p> ထိုအရာများမှာ သူမကိုယ်တိုင်ပင် ထိတ်လန့်ရသော အရာများ ဖြစ်ကြသည်။</p> <p>သူမတို့ မျိုးနွယ်စု၏ ဘုရင် ပင်လျှင် ထိုအရာများ၏ လက်ချက်ဖြင့် ကျဆုံးခဲ့ရဖူးသည်။</p> <p> </p> <p>​ဒိုင်းးး</p> <p> </p> <p>​သူမနောက်မှ ချပ်ဝတ်စစ်သူရဲက ဓားဖြင့် တစ်ချက် ထပ်မံခုတ်ပိုင်းလိုက်ပြန်သည်။</p> <p> ထိုဓားချက်မှာ တကယ့်ကို ပြင်းထန်လှပြီး၊ ပေ ၅၀ ကျော်လောက်ရှိသော မြေကွဲကြောင်းကြီးတစ်ခု ဖြစ်သွားစေသည်။</p> <p> </p> <p>​"နင်က လာပြန်ပြီလား"</p> <p> </p> <p>ဝတ်စုံနီမလေးက အေးစက်စွာ ဆဲဆိုလိုက်သည်။</p> <p> </p> <p>​'တကယ်ကို ထောင်ယဲ့ ရဲ့ ဝိညာဉ်အကြွင်းအကျန်ကနေ မွေးဖွားလာတဲ့ မျိုးမစစ်ပဲ '</p> <p> </p> <p>​ဝတ်စုံနီမလေးသည် ဝိုင်းရံလာနေသော ကြောက်မက်ဖွယ် ရှေးဟောင်းမျိုးစိတ်များကို ကြည့်လိုက်သည်။</p> <p>သူမသည် အသူရာ မိစ္ဆာဓားနှင့် ကိုယ်ရောင်ကိုယ်ဝါ ပေါင်းစပ်လိုက်ပြီး ပျံသန်းသည့် အရှိန်ကို မြှင့်တင်လိုက်တော့သည်။</p> <p> </p> <p>​ဤတစ်ကြိမ်တွင် သူမသည် မြို့ထဲသို့ ထွက်ပြေးခြင်း မပြုတော့ဘဲ၊ ကောင်းကင်ယံရှိ ထိုသွေးလမင်းဆီသို့ တိုက်ရိုက် ပျံတက်သွားတော့သည်။</p> <p> </p> <p>သူမ၏ အမြင်တွင်မူ... သူမသည် နှစ်ရှည်လများ အိပ်စက်ရာမှ နိုးထလာခဲ့ပြီး မိစ္ဆာကောင်ဘဝမှလည်း လွတ်မြောက်ခဲ့ပြီ ဖြစ်ရာ၊ ထိုအရာမှာ သူမတို့ မျိုးနွယ်စု ပြန်လည်နိုးထရန်အတွက် ကောင်းကင်ဘုံက ပေးသနားသည့် အခွင့်အရေးဟု ယူဆထားသဖြင့်၊ အဆုံးအထိ တိုက်ပွဲဝင်ရန် ဆုံးဖြတ်လိုက်ခြင်း ဖြစ်သည်။</p> <p> </p> <p>​တောင်ကြီးသဖွယ် မြင့်မားသော ဘီလူးကြီး၊ ကောင်းကင်ကို ဖုံးလွှမ်းထားသည့် ငှက်သားရဲကြီး၊ ကြောက်မက်ဖွယ် အေးစက်လှသော ကျောက်နဂါးကြီးတို့မှာ ထိုအရှိန်အဝါကို ခံစားမိပြီးနောက် အရှိန်အဟုန် မြှင့်လိုက်ကြကာ ဝတ်စုံနီမလေးအား ဖမ်းဆီးရန် ကြိုးစားတော့သည်။</p> <p>ချပ်ဝတ်စစ်သူရဲမှာလည်း ထို့အတူပင်</p> <p>​ခဏချင်းမှာပင်... ကောင်းကင်နှင့် မြေကြီး ပြိုကျပျက်စီးတော့မည့် ခံစားချက်မျိုး ပေါ်ပေါက်လာတော့သည်။</p> <p>သို့သော် ဤအရာအားလုံးမှာ သာမန်မြို့ကလေးတစ်မြို့ပေါ်တွင်သာ ဖြစ်ပျက်နေခြင်း ဖြစ်သည်။</p> <p>အစောပိုင်းက ရှစ်ထောင့်မျှော်စင် ထဲမှ အရိပ်မည်း ခံစားမိခဲ့သည့် အရာမှာ လုံးဝ မမှားခဲ့ပေ။</p> <p>​သို့သော် သူသည် ရှစ်ထောင့်မျှော်စင်ကိုယ်တိုင်က မွေးဖွားပေးလိုက်သည့် ထူးဆန်းသော တည်ရှိမှုတစ်ခု ဖြစ်ပြီး ကန့်သတ်ချက်များစွာ ရှိနေသဖြင့်၊ သူသည် ဤမြို့ကလေးအကြောင်းကို ဝတ်စုံနီမလေးလောက်တောင် သိချင်မှ သိပါလိမ့်မည်။</p> <p> </p> <p>​ဒါပေမဲ့ သူ မြင်တာ မမှားတဲ့ အချက်တစ်ခုကတော့  ဒီမြို့ကလေးမှာ သူ မထိန်းချုပ်နိုင်တဲ့ တားမြစ်ချက်  တွေ အများကြီး ရှိနေတာပါပဲ။</p> <p>ခြောက်ဝိညာဉ်အလံ ရဲ့ စွမ်းပကားကလည်း သူ စိတ်ကူးယဉ်နိုင်တဲ့ အဆင့်မှာ မရှိပါဘူး။</p> <p> </p> <p>​ဒီဘက်တွင်တော့ လီယန်ချူသည် အနီးအနားမှာ စောင့်နေတဲ့ ကျောက်ချန်း ကို ရှာတွေ့သွားပြီး ဖြစ်ကြောင်းအစုံအလင်ကို ပြောပြလိုက်သည်။</p> <p> </p> <p>​ကျောက်ချန်းမှာ နားထောင်ပြီးနောက် တစ်ကိုယ်လုံး မှင်တက်သွားရသည်။</p> <p>လီတာအိုဆရာတောင် အထဲမှာ ပိတ်မိလုနီးပါး ဖြစ်ခဲ့တယ်တဲ့လား။</p> <p>ဒီနေရာရဲ့ အန္တရာယ်ရှိမှု အဆင့်အတန်းက သူ့ကို တကယ်ပဲ အံ့အားသင့်စေပါတယ်။</p> <p> </p> <p>​သူ့အမြင်မှာတော့ လီယန်ချူဆိုတာ နဂါးပြတ်လိုဏ်ဂူ လိုမျိုး အလွန်ကြောက်စရာကောင်းတဲ့ နေရာမှာတောင် သရဲမိစ္ဆာတွေကို ငိုယိုအောင် သတ်ဖြတ်နိုင်တဲ့ လောကီနတ်ဘုရားတစ်ပါးပါ။</p> <p>ဒီလိုလူမျိုးက သာမန်သရဲခြောက်တဲ့ ဘိုးဘွားခန်းမထဲကို သွားရင်းနဲ့တောင် အထဲမှာ သေလုနီးပါး ဖြစ်ခဲ့ရတယ် ဆိုတာကတော့။</p> <p> </p> <p>​"လီတာအိုဆရာ... စိတ်ချပါ။ ကျနော် အခုပဲ လူလွှတ်ပြီး ဒီပတ်ဝန်းကျင်ကို ပိတ်ဆို့လိုက်ပါ့မယ်၊ လူစိမ်းတစ်ယောက်မှ အထဲကို ပေးမဝင်စေရဘူး "</p> <p> </p> <p>ကျောက်ချန်းက ပြောလိုက်သည်။</p> <p> </p> <p>​လီယန်ချူက အနည်းငယ် ခေါင်းညိတ်ပြလိုက်သည်။</p> <p>သူ တကယ်ပဲ စိတ်ပင်ပန်းနေပြီ ဖြစ်သည်။</p> <p> </p> <p>တစ်ချိန်တည်းမှာပင်၊ သူ့ရဲ့ စွမ်းအားကို မြှင့်တင်ဖို့အတွက် ပိုပြီး အရေးတကြီး လိုအပ်နေပြီဆိုတာကိုလည်း ခံစားလိုက်ရသည်။</p> <p> </p> <p>​သူ့ရဲ့ လက်ရှိ ကျင့်စဉ်က ယင်ဝိညာဉ် ရဲ့ အထွတ်အထိပ် အဆင့်မှာပဲ ရှိပါသေးတယ်။ ဒါပေမဲ့ သူ့ရဲ့ သွေးချီစွမ်းအားကတော့ အလွန်တရာ ပြင်းထန်လှပါတယ်။</p> <p> </p> <p>အစောပိုင်းကတည်းက တည်ဆောက်ခဲ့တဲ့ ခိုင်မာတဲ့ အုတ်မြစ်နဲ့ နောက်ပိုင်းမှာ မြွေနဂါးကြီး ဆီက ရခဲ့တဲ့ သွေးချီဆေးလုံး  ရဲ့ အကူအညီကြောင့် တတိယအဆင့်  နဲ့ ယှဉ်နိုင်တဲ့ အခြေအနေကို အောင်မြင်စွာ တက်လှမ်းနိုင်ခဲ့တာပါ။</p> <p>​အစွမ်းထက်တဲ့ ရတနာတွေလည်း အစုံအလင် ရှိနေတာကြောင့်... ဒီလောကကြီးမှာ သူ မသွားရဲတဲ့ နေရာမရှိဘူးလို့ အရင်က ထင်ခဲ့မိတာပါ။</p> <p>နတ်ဘုရားပုံပြင်တွေထဲက နတ်ဘုရားတွေ၊ နတ်စင်တွေ ရှိနေရင်တောင်မှ သူ့အတွက် ကြိုးစားစရာ ပန်းတိုင်တစ်ခုလို့ပဲ သဘောထားခဲ့ပြီး၊ ဘယ်တုန်းကမှ ကြောက်ရွံ့ရိုသေစိတ်  မရှိခဲ့ပါဘူး။</p> <p>​ဒါပေမဲ့ ဒီတစ်ခါမှာတော့... ဒီသာမန်မြို့ကလေးက သူ့ကို အားရှိပေမဲ့ ထုတ်သုံးလို့မရတဲ့ ခံစားချက်မျိုး ပေးခဲ့ပါတယ်။</p> <p> </p> <p>​'ကံကောင်းလို့ ဒီမြို့ကလေးထဲမှာ မိစ္ဆာတွေကို သတ်ရင် ကျင့်စဉ်အဆင့်တစ်ခုကို ပြန်ရနိုင်တာ၊ မဟုတ်ရင်တော့ ဒီထက်ပိုတဲ့ လျှို့ဝှက်ချက်တွေကို စူးစမ်းနိုင်မှာ မဟုတ်ဘူး '</p> <p> </p> <p>​လီယန်ချူ၏ စိတ်ထဲတွင်မူ ထိုမြို့ကလေး၏ လျှို့ဝှက်ချက်များအနက် သူ သိလိုက်ရသည်မှာ အစိတ်အပိုင်း အနည်းငယ်မျှသာ ရှိဦးမည်ဟု ယူဆထားသည်။</p> <p> </p> <p>သူ့မှာ ဝေဝါးတဲ့ ခံစားချက်တစ်ခု ရှိနေတာကတော့ တကယ်လို့ ဒီမြို့ကလေးရဲ့ လျှို့ဝှက်ချက်ကို အကုန်ဖော်ထုတ်နိုင်ရင်၊ အတိတ်က နတ်ဘုရားပုံပြင်တွေ ဘာကြောင့် ပြတ်တောက်သွားရသလဲဆိုတဲ့ အစစ်အမှန် အကြောင်းရင်းကိုတောင် သိနိုင်လိမ့်မယ်လို့ပါ။</p> <p> </p> <p>ဒါဟာ နတ်ဘုရားနယ်မြေ တွေ ပျက်စီးသွားတာနဲ့လည်း အကြီးအကျယ် ပတ်သက်နေနိုင်ပါတယ်။</p> <p> </p> <p>​'ကြိုးစားပြီး ကျင့်ကြံရမယ်၊ တတိယအဆင့်ကို အမြန်ဆုံး ချိုးဖောက်နိုင်ဖို့၊ အဲ့ဒီနောက်မှာ စတုတ္ထအဆင့်၊ ပဉ္စမအဆင့်ပေါ့'</p> <p> </p> <p>လီယန်ချူသည် မိမိကိုယ်ကိုယ် ပန်းတိုင်အသေးလေးတစ်ခု သတ်မှတ်လိုက်သည်။</p> <p> </p> <p>​ဟုတ်ပါတယ်၊ လက်ရှိမှာတော့ သူနဲ့ ဒီပန်းတိုင်ကြားက ကွာဟချက်က နည်းနည်းလေး  ပဲ ရှိပါသေးတယ်။</p> <p> </p> <p>​လူတိုင်းသည် ဝေမြို့ သို့ အမြန်ပြန်လာခဲ့ကြသည်။</p> <p>သူတော်စင် သုံးယောက်မှာ ထိုက်ဖင်တည်းခိုခန်း မှာ တည်းခိုကြသည်။</p> <p> </p> <p> ထိုဝမ်းကွဲ ညီအစ်ကိုနှစ်ယောက်မှာ ဒီလိုကိစ္စမျိုးကို ခုမှ ကြုံဖူးတာကြောင့် လီယန်ချူနဲ့ ရင်းနှီးအောင် ပေါင်းထားချင်ကြတာပါ။</p> <p> </p> <p>​ကျိချင်း သူတော်စင် ကတော့ လီယန်ချူလိုမျိုး ကျင့်စဉ်နက်နဲလှတဲ့ နတ်ဘုရားလို ပုဂ္ဂိုလ်မျိုးဆီကနေ သင်ယူစရာတွေ ရှိတယ်လို့ ယူဆထားသဖြင့်၊ အနီးကပ် လေ့လာချင်နေတာ ဖြစ်သည်။</p> <p>​လီယန်ချူကတော့ ဒါကို ဘာမှ ကန့်ကွက်ခြင်း မရှိပါဘူး။</p> <p>မကြာခင်မှာ သူဟာ လင်းရှီး ဘုရားကျောင်း ကို သွားပြီး ဟွေ့ကျိန်း ဆရာတော်ရဲ့ ကျောင်းထိုင်ဆရာတော် တင်မြှောက်ပွဲကို တက်ရောက်ရမှာ ဖြစ်ရာ၊ အသက်ဘေးက လွတ်လာတဲ့ ဒီသူတော်စင် ညီအစ်ကိုနှစ်ယောက်နဲ့ အတူတူ သွားလို့ရတာပေါ့။</p> <p> </p> <p>​ဆံပင်နှစ်ဖက်စည်းထားတဲ့ လျူကျွင်း ကိုလည်း သူနဲ့အတူ ခေါ်လာခဲ့သည်။</p> <p> </p> <p>​လျူကျွင်း ကိုယ်တိုင်ကတော့ အရမ်းပျော်နေပါတယ်။</p> <p>ဘာကြောင့်လဲဆိုတော့ ဒီလောက်ရုပ်ချောပြီး နတ်ဘုရားလို အစွမ်းမျိုးရှိတဲ့ တာအိုဆရာလေးကို ဘယ်သူက မနှစ်သက်ဘဲ နေမှာလဲ။</p> <p>​ဒါပေမဲ့ လီယန်ချူမှာတော့ တခြား ဘာအကြံအစည်မှ မရှိပါဘူး။</p> <p>သူက ဒီဆံပင်နှစ်ဖက်စည်းမလေးကို စိတ်ဝင်စားနေတာ မဟုတ်ပါဘူး။</p> <p>အဲ... ဟုတ်ပါပြီ၊ ယောကျ်ားအများစုကတော့ ဆံပင်နှစ်ဖက်စည်းထားတာကို ကြိုက်ကြတာပေါ့၊ ထိန်းချုပ်ရ လွယ်ကူတာကိုး။</p> <p> </p> <p>​သူ လျူကျွင်းကို ခေါ်လာရတဲ့ အကြောင်းရင်းက တစ်ခုတည်းပါ။</p> <p>အစောပိုင်းက ရှစ်ခွင်မှန်က နတ်ဘုရားအလင်းနဲ့ လျူကျွင်းကို ဖုံးလွှမ်းခဲ့တာဟာ သူမမှာ ပြဿနာရှိနေတယ်ဆိုတဲ့ အဓိပ္ပာယ်ပါပဲ။</p> <p>ဒါပေမဲ့ ဘာပြဿနာလဲဆိုတာကိုတော့ ရှစ်ခွင်မှန်က အချက်အလက် မပေးခဲ့ပါဘူး။</p> <p> </p> <p>ဒီအချက်က လီယန်ချူကို သတိကြီးကြီး ထားမိစေပါတယ်။</p> <p> </p> <p>​အခုဆိုရင် ရှစ်ခွင်မှန်ဟာ အရင်လို မဟုတ်တော့ဘဲ ကုသိုလ်မှတ် တစ်သိန်းနဲ့ အဆင့်မြှင့်ထားတဲ့ ရတနာ ဖြစ်နေပါပြီ။</p> <p> ရှေ့က ဆန်းကြယ်တဲ့ မြို့ကလေးထဲမှာသာ သူ ရှစ်ခွင်မှန်ကို အတင်းအကျပ် ထုတ်သုံးခဲ့ရင် လက်တွေ့ကမ္ဘာကို တန်းပြန်ရောက်နိုင်လောက်အောင်ကို အစွမ်းထက်နေတာပါ။</p> <p> </p> <p>​ကျန်းဝေဆိုတာ သာမန်လူ မဟုတ်ပါဘူး၊ ကျင့်ကြံသူ မိသားစုက ဆင်းသက်လာတဲ့သူပါ။</p> <p> ဒါတောင် သူ့ကိုယ်ပေါ်က အမှတ်အသားတွေကို သူကိုယ်တိုင်ရော၊ သူ့မိသားစုကပါ မရိပ်မိခဲ့ကြဘူး။</p> <p> </p> <p>ဒါပေမဲ့ ရှစ်ခွင်မှန်ကတော့ တိုက်ရိုက် ထိုးပြနိုင်ခဲ့ပါတယ်။</p> <p> ဒါဟာ ရှစ်ခွင်မှန်ရဲ့ စူးစမ်းနိုင်စွမ်းက ဘယ်လောက်တောင် ကြောက်စရာကောင်းလဲဆိုတာ သက်သေပြနေတာပါ။</p> <p> ဒါတောင်မှ... ရှစ်ခွင်မှန်ဟာ လျူကျွင်းကိုယ်ပေါ်က ပြဿနာကို အတိအကျ မဖော်ပြနိုင်သေးဘူး ဆိုရင်တော့... ဒါက တကယ့်ကို တွေးကြည့်ရုံနဲ့တင် ကြောက်စရာကောင်းနေပါပြီ။</p> <p> </p> <p>​သူမကို အနီးမှာ ခေါ်ထားတာကလည်း... နောက်ကွယ်မှာ ဘာတွေ ဖြစ်လာမလဲဆိုတာကို စောင့်ကြည့်ချင်လို့ပဲ ဖြစ်ပါတော့သည်။</p> <p> </p> <p> </p> <p> </p> <p style="text-align: center;">***</p>


Save