Book List

<h2 style="text-align: center;">အခန်း ၉၁+၉၂</h2> <h2 style="text-align: center;">နတ်ဘုရားတမန်‌တော် ..' သူက မိစ္ဆာလား ငါက မိစ္ဆာလား '</h2> <h2 style="text-align: center;">*</h2> <p> </p> <p>"မြင့်မြတ်သောမီးလျှံဂိုဏ်းကို</p> <p>ဝင်ရမယ် ဟုတ်လား.."</p> <p>    ဂူချန်၏ မျက်နှာအမူအရာမှာ ထူးဆန်းသွားတော့သည်။</p> <p> </p> <p> </p> <p>' ခက်တော့တာပဲ၊ အခုတော့</p> <p>မိစ္ဆာဂိုဏ်းတစ်ခုကတောင် ငါ့ကို လာဖိတ်ခေါ်နေပြီပေါ့..'</p> <p> </p> <p>' ငါ တကယ်ပဲ လူဆိုးတစ်ယောက်နဲ့</p> <p>အဲ့ဒီလောက်တောင် တူနေလို့လား..'</p> <p> </p> <p>   မြင့်မြတ်သောမီးလျှံဂိုဏ်း</p> <p>ဟူသော အမည်နာမမှာ သူ၏ ယခင်ဘဝမှတ်ဉာဏ်များတွင်သာမက လူသားမဟာမိတ်အဖွဲ့တစ်ခုလုံး၏ မှတ်တမ်းများ၌ပါ  ထင်ထင်ရှားရှား ရှိနေခဲ့၏။</p> <p> </p> <p>   ဤသည်က လူသားမဟာမိတ်အဖွဲ့တစ်ခုလုံးကို  လွှမ်းမိုးထားသည့် မိစ္ဆာဂိုဏ်းကြီးတစ်ခုပင် ဖြစ်လေသည်။</p> <p> </p> <p>   ခြေရာဖျောက်ရာတွင် ကျွမ်းကျင်လှသလို  ယုတ်မာကောက်ကျစ်လှသည့်အပြင် လှည့်ဖြားတတ်သော စကားလုံးများဖြင့် လောကကြီးကို လမ်းမှားရောက်အောင် ပြုလုပ်ကာ လူအများအား မိစ္ဆာပညာရပ်များဖြင့် ညှို့ယူဖမ်းစားတတ်ကြသည်။ ထိုအဖွဲ့အစည်းတွင်  စိတ်တူကိုယ်တူရှိသည့် ပညာရှင်ပေါင်းများစွာ ရှိနေပြီး မဟာမိတ်အဖွဲ့အတွင်း၌ တုန်လှုပ်ချောက်ချားဖွယ်ရာ</p> <p>ကိစ္စရပ်များစွာကို လုပ်ဆောင်ခဲ့ကြဖူး၏။</p> <p> </p> <p>   ၎င်းတို့ လှုပ်ရှားလိုက်တိုင်း</p> <p>မဟာမိတ်အဖွဲ့အတွက် ကြီးမားသော ဆုံးရှုံးမှုများ ဖြစ်ပေါ်စေတတ်သည်။</p> <p> </p> <p>   သို့သော်လည်း အချိန်အတော်များများတွင်  ရာထူးကြီးပိုင်းပုဂ္ဂိုလ်များကိုသာ ပစ်မှတ်ထားလေ့ရှိပြီး ရေတွက်မရနိုင်သော ရတနာများနှင့် အသက်ပေါင်းများစွာကို လုယူခဲ့ကြလေသည်။</p> <p> </p> <p>   ထို့အပြင် မြင့်မြတ်သောမီးလျှံဂိုဏ်းတွင်  ခြေရာခံခြင်းမှ ရှောင်တိမ်းနိုင်သည့် အထူးနည်းလမ်းများ ရှိပုံရ၏။ လှုပ်ရှားမှုတိုင်းတွင် စောင့်ကြည့်ရေးစနစ်အားလုံးကို ပိတ်ဆို့ထားနိုင်သည့်အပြင် တာအိုလက်နက်များဖြင့်ပင် ချောင်းမြောင်းကြည့်ရှု၍  မရနိုင်ချေ။</p> <p> </p> <p>   ဤအချက်က မဟာမိတ်အဖွဲ့၏</p> <p>အထက်လူကြီးများအတွက် အဆုံးမရှိသော ခေါင်းခဲစရာ ကိစ္စရပ်တစ်ခု ဖြစ်လာခဲ့သည်။ ကာကွယ်တားဆီးရန်အတွက်  အရင်းအမြစ်များစွာ အသုံးပြုခဲ့သော်လည်း ရလဒ်မှာမူ အနည်းငယ်သာ ရှိခဲ့လေသည်။</p> <p> </p> <p>   လွန်ခဲ့သော ဆယ်စုနှစ်များစွာက</p> <p>မြင့်မြတ်သောမီးလျှံဂိုဏ်းကို အမြစ်ပြတ်ချေမှုန်းရန်အတွက် မဟာမိတ်အဖွဲ့၏ အဆင့်မြင့်ခေါင်းဆောင်များက</p> <p>မီးလျှံသန့်စင်ရေး စစ်ဆင်ရေး ကြီးကို ဆင်နွှဲခဲ့ကြသည်။ ထိုဂိုဏ်းနှင့် အနည်းငယ်မျှ ပတ်သက်ဆက်နွှယ်မှု ရှိသူမှန်သမျှကို ကွပ်မျက်ခဲ့ကြ၏။</p> <p> </p> <p>   တစ်ယောက်မှ လွတ်မသွားစေရန်အတွက် အပြစ်မဲ့သူ တစ်ထောင်ကို မှားယွင်းသတ်မိပါစေဦးတော့၊ မိစ္ဆာတစ်ယောက်ကိုမူ အလွတ်မပေးနိုင်ဟူသော  စိတ်ဓာတ်ဖြင့် ဆောင်ရွက်ခဲ့ကြခြင်းပင်။</p> <p> </p> <p>   ထို့ကြောင့် မဟာမိတ်အဖွဲ့တစ်ခုလုံးရှိ သာမန်လူတန်းစားများမှသည် အထက်တန်းလွှာများအထိ ထိုအဖွဲ့အစည်းကို အလွန်အမင်း ရွံရှာမုန်းတီးကြလေသည်။</p> <p> </p> <p>ထို မီးလျှံသန့်စင်ရေး စစ်ဆင်ရေး ကြောင့် လူသားမဟာမိတ်အဖွဲ့အတွင်း ကြီးမားသော ဆုံးရှုံးမှုများ ရှိခဲ့သော်လည်း မြင့်မြတ်သောမီးလျှံဂိုဏ်း၏ အင်အားကိုလည်း အကြီးအကျယ် ထိခိုက်စေခဲ့၏။</p> <p> </p> <p>   မကြာသေးမီ နှစ်များအတွင်းမှသာ</p> <p>ဤနာမည်ဆိုးဖြင့် ကျော်ကြားသော မိစ္ဆာအဖွဲ့အစည်းမှာ ပြန်လည်လှုပ်ရှားလာခြင်း ဖြစ်သည်။</p> <p> </p> <p>   သို့သော်လည်း အတိတ်က</p> <p>အထွတ်အထိပ်ရောက်ခဲ့သည့် အချိန်နှင့် နှိုင်းယှဉ်ပါက များစွာ ကွာခြားနေပါသေးသည်။</p> <p> </p> <p>   သူ နာမည်ကျော်ကြားလာပြီး</p> <p>ရက်အနည်းငယ်အကြာမှာပင် မြင့်မြတ်သောမီးလျှံဂိုဏ်းအတွင်း အဆင့်အတန်း မနိမ့်လှသော နတ်ဘုရားတမန်တော်တစ်ဦးက</p> <p>ကိုယ်တိုင်ကိုယ်ကျ လာရောက်ဖိတ်ခေါ်လိမ့်မည်ဟု မည်သူက ထင်မှတ်ထားပါမည်နည်း။</p> <p> </p> <p>"မှန်တယ်၊ မြင့်မြတ်သောမီးလျှံဂိုဏ်းကိုသာ ဝင်လိုက်စမ်းပါ.."</p> <p> </p> <p>   တစ္ဆေတစ်ကောင်ကဲ့သို့</p> <p>ပုံရိပ်၏ လေသံမှာ တည်ကြည်ပြတ်သားနေသော်လည်း ဖျောင်းဖျနားချလိုသည့် အရိပ်အယောင်များ</p> <p>ပါဝင်နေ၏။</p> <p>"မြင့်မြတ်သောမီးလျှံဂိုဏ်းရဲ့ အခြေခံအုတ်မြစ်က မဟာမိတ်အဖွဲ့ထဲက ထိပ်တန်းအင်အားစုတွေထက်</p> <p>မနိမ့်ပါဘူး.."</p> <p> </p> <p>"သခင်လေးရဲ့ ပါရမီအရဆိုရင်</p> <p>ဒီမျိုးဆက်ရဲ့ သူတော်စင်ရာထူးအတွက်တောင် ယှဉ်ပြိုင်နိုင်ပြီး အရင်းအမြစ်ပေါင်းများစွာနဲ့</p> <p>နောက်လိုက်ပေါင်းများစွာကို ပိုင်ဆိုင်နိုင်လိမ့်မယ်.."</p> <p> </p> <p>"ပြီးတော့ နောက်ထပ်..."</p> <p> </p> <p>"တော်ပြီ.."</p> <p> </p> <p>   ဂူချန်မှာ ထိုသူ၏ မြှောက်ပင့်စကားများကို နားထောင်ရန် စိတ်မပါသဖြင့် စကားကို တန်းဖြတ်လိုက်လေသည်။</p> <p> </p> <p>"မေးခွန်းတစ်ခုပဲ</p> <p>မေးမယ်။ ငါသာ ကျန်းနန်ပြည်နယ်ထဲမှာ စိတ်ကြိုက် သတ်ဖြတ်မှုတွေ လုပ်မယ်ဆိုရင် ငါ့နောက်ကွယ်က</p> <p>ကိစ္စတွေကို မင်းတို့ ရှင်းပေးနိုင်မလား၊ ဘယ်သူမှ မသိအောင် ဖုံးကွယ်ပေးနိုင်မလား.."</p> <p> </p> <p>   အမှန်အတိုင်း ပြောရလျှင်</p> <p>သူ၏ SSS အဆင့် ပါရမီဖြစ်သော သေမင်းလက်ဝါးမှာ ပိုမိုအစွမ်းထက်လာစေရန် သတ်ဖြတ်မှုများ</p> <p>ပြုလုပ်ရန် လိုအပ်၏။</p> <p> </p> <p>   ထို့အပြင် စေတနာအမှတ်များစွာ</p> <p>ရရှိရန်အတွက်လည်း ကောင်းမှုကုသိုလ်များကို အမြဲတစေ လုပ်ဆောင်နေရမည် ဖြစ်သည်။</p> <p> </p> <p>   သို့သော်လည်း မဟာမိတ်အဖွဲ့၏</p> <p>အရေးပါသော ပုဂ္ဂိုလ်တစ်ဦး၏ တပည့်ဖြစ်နေသလို ကျန်းနန်ပြည်နယ်ရှိ အင်အားကြီးမိသားစုတစ်ခု၏</p> <p>တစ်ဦးတည်းသော အမွေဆက်ခံသူလည်း ဖြစ်နေသဖြင့် သူ့အပေါ် စောင့်ကြည့်မှုများမှာ အလွန်မြင့်မားနေသည်။</p> <p> </p> <p>   ထို့ကြောင့် သူသည် လွန်လွန်ကဲကဲ မည်သည့်အရာကိုမျှ မလုပ်ဆောင်နိုင်ချေ။</p> <p> </p> <p>   သို့သော် မြင့်မြတ်သောမီးလျှံဂိုဏ်းကမူ သူ၏ ခြေရာများကို လုံခြုံစွာ ဖုံးကွယ်ပေးနိုင်သည့်အပြင် အကြီးအကျယ် သတ်ဖြတ်နိုင်မည့်</p> <p>အခွင့်အရေးများကိုလည်း ပေးစွမ်းနိုင်၏။ ဤအချက်မှာ ထိုဂိုဏ်းအပေါ် သူ စိတ်ဝင်စားသွားရသည့်</p> <p>အဓိကအချက်ပင် ဖြစ်လေသည်။</p> <p> </p> <p>ထို့အပြင် မြင့်မြတ်သောမီးလျှံဂိုဏ်းသည်  အကျင့်ပျက်ခြစားသော အရာရှိကြီးများနှင့် လူမဆန်သော လက်ပါးစေများကိုသာ အဓိက ပစ်မှတ်ထားတတ်ကြသည်။</p> <p> </p> <p>   သို့သော် ထိုအချက်မှာ  ဂူချန်နှင့် ဘာမျှမဆိုင်ချေ။ စေတနာအမှတ်များ ရရှိပြီး ပိုမိုအစွမ်းထက်လာနိုင်သရွေ့</p> <p>မည်သူ့ကိုမဆို သတ်ဖြတ်ရန် သူ ဝန်မလေးပေ။ အကျိုးအမြတ် မည်မျှရရှိမည်ဆိုသည့် အချက်အပေါ်၌သာ</p> <p>မူတည်၏။</p> <p> </p> <p>   သူ၏ အစီအစဉ်အရဆိုလျှင်</p> <p>မြင့်မြတ်သောမီးလျှံဂိုဏ်းက သူ့ထံ လာမရှာလျှင်ပင် သူကိုယ်တိုင် သွားရောက်ရှာဖွေရန်</p> <p>ကြံရွယ်ထားပြီးသား ဖြစ်သည်။</p> <p> </p> <p>"အင်း..."</p> <p> </p> <p>   တစ္ဆေပုံရိပ်မှာ ထိုမေးခွန်းကြောင့်</p> <p>အံ့အားသင့်သွားဟန်ရှိသော်လည်း ချက်ချင်းပင် ယုံကြည်ချက်ရှိရှိ ပြန်လည်ဖြေကြားလိုက်၏။</p> <p> </p> <p>"ဒါပေါ့၊ သခင်လေးသာ မြင့်မြတ်သောမီးလျှံဂိုဏ်းကို ဝင်လိုက်မယ်ဆိုရင် ကျုပ်တို့အားလုံးက တစ်သားတည်းဖြစ်သွားပြီ.. သခင်လေးရဲ့ ထူးခြားတဲ့ ပါရမီကြောင့် ကျုပ်တို့က  ကာကွယ် ပေးမှာပါ.."</p> <p> </p> <p>"သခင်လေးရဲ့ လှုပ်ရှားမှုတွေကို</p> <p>ကြိုတင်အကြောင်းကြားထားသရွေ့ ကျုပ်တို့ရဲ့ နည်းလမ်းတွေနဲ့ဆိုရင် တောင်ပိုင်းမဟာမိတ်အဖွဲ့တစ်ခုလုံးမှာ</p> <p>ဘယ်သူမှ သိနိုင်မှာ မဟုတ်ဘူး.."</p> <p> </p> <p>"သခင်လေးသာ သူတော်စင်</p> <p>ဖြစ်လာမယ်ဆိုရင် မြင့်မြတ်တဲ့ လက်နက်တစ်ခုက သခင်လေးကို စောင့်ရှောက်ပေးလိမ့်မယ် မဟာမိတ်အဖွဲ့က ကမ္ဘာမြေနတ်ဘုရားတစ်ပါး ဆင်းလာရင်တောင် ဘာခြေရာမှ ရှာတွေ့မှာ မဟုတ်ဘူး.."</p> <p> </p> <p>"ဒါဆိုရင် ငါ ဝင်မယ်.."</p> <p> </p> <p>   ဂူချန်မှာ တွေဝေခြင်းမရှိဘဲ</p> <p>ခေါင်းညိတ်လိုက်လေသည်။</p> <p> </p> <p>   အလွန်ကောင်းပေသည်။ ဤနည်းဖြင့် သေမင်း၏ ဆာလောင်မှုကို ဖြည့်ဆည်းပေးနိုင်သလို စေတနာအမှတ်များစွာကိုလည်း ရရှိနိုင်မည်</p> <p>ဖြစ်၏။ တစ်ဆက်တည်းမှာပင် အရင်းအမြစ်များကိုလည်း ရယူနိုင်ဦးမည် မဟုတ်ပါလော။</p> <p> </p> <p>   ဤကဲ့သို့ အကျိုးအမြတ်များလှသော အခွင့်အရေးမျိုးမှာ ရှာဖွေရန် အလွန်ခဲယဉ်းလှပေသည်။</p> <p> </p> <p>ပထမဦးစွာ မြင့်မြတ်သောမီးလျှံဂိုဏ်း၏  အကူအညီဖြင့် အလျင်အမြန် အစွမ်းထက်လာအောင် လုပ်မည်။ နောက်ပိုင်းတွင် မဟာမိတ်အဖွဲ့က သူ့ကို သိသွားလျှင်ပင် သူသည် ဂိုဏ်း၏ အဆင့်မြင့်အဖွဲ့ဝင်တစ်ဦး ဖြစ်နေပြီး လျှို့ဝှက်ချက်များစွာကို</p> <p>သိရှိထားပြီး ဖြစ်လိမ့်မည်။</p> <p> </p> <p>ထိုအချိန်ကျမှ မြင့်မြတ်သောမီးလျှံဂိုဏ်းကို  ပြန်လည်ချေမှုန်းပြီး သူသည် သူလျှိုအဖြစ် ဝင်ရောက်ခဲ့ခြင်းဖြစ်ကြောင်း ထုတ်ဖော်ပြောကြားလိုက်ရုံသာ။ ထိုအခါ မဟာမိတ်အဖွဲ့က သူ့ကို အပြစ်ပေးမည့်အစား ဆုလာဘ်များပင် ပေးရဦးမည် ဖြစ်သည်။</p> <p> </p> <p>   မြင့်မြတ်သောမီးလျှံဂိုဏ်း၏</p> <p>စိတ်ညှို့ပညာရပ်များက သူ့အပေါ် အစွမ်းပြနိုင်မည်ဟု ထင်နေကြသည်လော။</p> <p> </p> <p>   ရယ်စရာကောင်းလှ၏ ။</p> <p>သူ၏ မွေးရာပါ နတ်ဘုရားစွမ်းရည်ဖြစ်သော စိတ်ဝိညာဉ်အကာအကွယ် မှာ အလကားသက်သက်ဟု ထင်နေကြသလော။</p> <p> </p> <p>   မည်သည့် စိတ်ပိုင်းဆိုင်ရာနှင့်</p> <p>ဝိညာဉ်ပိုင်းဆိုင်ရာ နှောင့်ယှက်မှုများကိုမဆို သူက ခုခံနိုင်စွမ်း ရှိပြီးသား ဖြစ်၏။</p> <p> </p> <p>ထို့အပြင် သူ၏ တိုးတက်မှုနှုန်းနှင့်ဆိုလျှင်</p> <p>မြင့်မြတ်သောမီးလျှံဂိုဏ်းက တစ်ခုခုကို ရိပ်မိသွားချိန်တွင် သူသည် သိုင်းသူတော်စင်အဆင့်သို့</p> <p>ရောက်ရှိနေလောက်ပြီ ဖြစ်သည်။</p> <p> </p> <p>သူ့ကို ပြဿနာရှာချင်တယ်ဆိုရင်</p> <p>သူတို့ရဲ့ အင်အားကို အရင်ပြန်တွက်ကြည့်ရလိမ့်မည်။</p> <p> </p> <p>"ဒီလောက်လွယ်လွယ်နဲ့</p> <p>သဘောတူလိုက်တာလား.."</p> <p> </p> <p>   ဖျောင်းဖျနားချရာတွင်</p> <p>ကျွမ်းကျင်လှသော တစ္ဆေပုံရိပ်မှာ ဂူချန်၏ လွယ်လွယ်ကူကူ သဘောတူလိုက်မှုကြောင့် အံ့အားသင့်သွားရရှာသည်။</p> <p> </p> <p>မည်သည့် လှည့်ကွက်မှ</p> <p>မသုံးရသေးခင်မှာပင် ဤလူက ချက်ချင်း ဝင်လိုက်ပေသည်။</p> <p> </p> <p>‘မင်းကပဲ မြင့်မြတ်သောမီးလျှံဂိုဏ်းက</p> <p>လူဖြစ်နေတာများလား..’</p> <p> </p> <p>   ထိုတစ္ဆေပုံရိပ်ခမျာ</p> <p>စိတ်ထဲမှ ညည်းညူမိတော့သည်။ သို့သော်လည်း ချက်ချင်းပင် သတိပြန်ဝင်လာကာ ဝမ်းသာအားရ ပြောလိုက်၏။</p> <p> </p> <p>"ဒါဆိုရင် မြင့်မြတ်သောမီးလျှံဂိုဏ်းကို</p> <p>ဝင်ရောက်လာတဲ့အတွက် သခင်လေးဂူကို ဂုဏ်ပြုပါတယ်.."</p> <p> </p> <p>"ဒါပေမဲ့ အဲ့ဒီမတိုင်ခင်မှာ</p> <p>သခင်လေးဂူအနေနဲ့ သစ္စာခံတဲ့အနေနဲ့ လှုပ်ရှားမှုတစ်ခုကို အောင်မြင်အောင် လုပ်ပြရပါမယ်။</p> <p>သခင်လေးအနေနဲ့ ဒီအလုပ်ကို လုပ်ဖို့ အလွန်စိတ်အားထက်သန်လိမ့်မယ်လို့ ကျွန်ုပ် ယုံကြည်ပါတယ်.."</p> <p> </p> <p>   ထို့နောက် သူသည် အနက်ရောင်</p> <p>မြူခိုးတစ်ခုကို ထုတ်လွှတ်လိုက်ရာ ဂူချန်၏ ရှေ့မှောက်တွင် ပစ္စည်းသုံးမျိုးအဖြစ် ပြောင်းလဲသွားလေသည်။</p> <p> </p> <p>စာအုပ်တစ်အုပ်၊ ထူးဆန်းသော</p> <p>အနက်ရောင် တာအိုဝတ်ရုံတစ်ခုနှင့် မည်းနက်နေသော တံဆိပ်ပြားတစ်ခုပင် ဖြစ်၏။</p> <p> </p> <p>"ဒီစာအုပ်ကတော့</p> <p>မြင့်မြတ်သောမီးလျှံ နှလုံးသားကျမ်းလို့ ခေါ်ပါတယ်။ ထိပ်တန်း စိတ်ပိုင်းဆိုင်ရာ</p> <p>ကျင့်စဉ်တွေတောင် ဒါကို မယှဉ်နိုင်ပါဘူး။ ဒါ့အပြင် မြင့်မြတ်တဲ့ မီးလျှံကို နားလည်သဘောပေါက်စေပြီး</p> <p>သခင်လေးရဲ့ အစွမ်းကို အားစိုက်စရာမလိုဘဲ အလျင်အမြန် တိုးတက်စေမှာပါ.."</p> <p> </p> <p>"ဒီဝတ်ရုံကတော့</p> <p>သခင်လေးရဲ့ အော်ရာကို ဖုံးကွယ်ပေးနိုင်တဲ့အတွက် ပုန်းကွယ်ဖို့ အကောင်းဆုံး ပစ္စည်းတစ်ခုပါပဲ။</p> <p>ဟိုတံဆိပ်ပြားကတော့ သခင်လေးရဲ့ အဆင့်အတန်းကို ဖော်ပြသလို ဂိုဏ်းသားတွေအချင်းချင်း ဆက်သွယ်ဖို့အတွက်လည်း</p> <p>အသုံးပြုနိုင်ပါတယ်.."</p> <p> </p> <p>   တစ္ဆေပုံရိပ်က အလေးအနက်</p> <p>ပြောကြားလိုက်သည်။</p> <p> "သခင်လေးပစ်မှတ်ကို ရွေးချယ်ပြီးပြီဆိုရင် ကျုပ်ကို ဆက်သွယ်လိုက်ပါ။</p> <p>သခင်လေးအတွက် လိုအပ်တဲ့ ပြင်ဆင်မှုတွေကို ကျုပ် ကြိုပြင်ထားပေးမယ်..."</p> <p> </p> <p>"ရွေးချယ်မှုကတော့</p> <p>သခင်လေးရဲ့ လက်ထဲမှာပါပဲ။ ကျုပ်ကို သွားခွင့်ပြုပါဦး..."</p> <p> </p> <p>   တစ္ဆေပုံရိပ်မှာ ပိတ်ဆို့ထားသည့်စွမ်းအင်များကို</p> <p>ရုတ်သိမ်းကာပျောက်ကွယ်တော့မည့်ဆဲဆဲတွင် အိမ်တော်ထိန်း လီ၏ အသံ ထွက်ပေါ်လာ၏။</p> <p> </p> <p>"သခင်လေး၊ လျိုလုံတက္ကသိုလ်က</p> <p>လူတွေ ရောက်နေကြပါပြီ.."</p> <p> </p> <p>   ထိုစကားကို ကြားလိုက်ရသောအခါ</p> <p>ဂူချန်၏ မျက်လုံးများမှာ တောက်ပသွားတော့သည်။ သူက အသာအယာ ရယ်မောလိုက်ရင်း ...</p> <p>"နတ်ဘုရားတမန်‌တော်၊</p> <p>သစ္စာခံဖို့အတွက် အခွင့်အရေးက အခုပဲ ရောက်လာပြီ မဟုတ်လား.."</p> <p> </p> <p>   တစ္ဆေပုံရိပ်မှာ အံ့အားသင့်စွာဖြင့်</p> <p>ရေရွတ်လိုက်၏။</p> <p> "သခင်လေးက လျိုလုံတက္ကသိုလ်ကို ပစ်မှတ်ထားမလို့လား.."</p> <p> </p> <p> </p> <p>‘ ချီးပဲ.. တခြားလူတွေ</p> <p>ဂိုဏ်းထဲဝင်ရင် အင်အားစုအသေးလေးတွေကိုပဲ ရွေးချယ်တတ်ကြတာ။ မင်းက စစချင်းမှာတင်</p> <p>ပြည်နယ်အဆင့် အင်အားစုကြီးကို တိုက်ရိုက် ပစ်မှတ်ထားတော့မှာလား..’</p> <p> </p> <p>   ဂူချန်နှင့် နှိုင်းယှဉ်ပါက</p> <p>သူကိုယ်တိုင်ပင်လျှင် အတွေ့အကြုံမရှိသည့် ငနုလေး တစ်ယောက်ကဲ့သို့ ခံစားလိုက်ရလေသည်။</p> <p> </p> <p>   ဂူချန်မှာ ဘာမျှပြန်မပြောဘဲ</p> <p>အိမ်တော်၏ ခန်းမဆောင်ကြီးဆီသို့ ဦးတည်လျှောက်လှမ်းသွား၏။</p> <p> </p> <p>   တစ္ဆေပုံရိပ်မှာလည်း</p> <p>ကိုယ်ယောင်ဖျောက်ကာ နောက်မှ လိုက်ပါသွားတော့သည်။</p> <p> </p> <p>   ဤဂူချန်ဆိုသူမှာ သူ၏</p> <p>အမည်နာမကဲ့သို့ပင် ရိုးသားဖြောင့်မတ်ပြီး ကတိတည်သူ ဟုတ်မဟုတ်ကို သူ စောင့်ကြည့်ချင်နေမိသည်။</p> <p> </p> <p>***</p> <p> </p>


Save