Book List

<h2 style="text-align: center;">အခန်း (၈၆)</h2> <h2 style="text-align: center;">ဝမ်မျိုးနွယ်စုရဲ့ ကျေးဇူးကို လာရောက် တုံ့ပြန်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"အစ်ကို ရှိုကျဲ့... အစ်ကို့ရဲ့ အစီအစဉ်က လျိုနဲ့ ကျောက် မျိုးနွယ်စုတွေကို အစွန်းရောက်သွားအောင် တွန်းပို့လိုက်ပုံ ရတယ်"</p> <p>လျိုယွမ်ရွေ့၏ မျက်နှာမှာ လေးနက်နေလေသည်။</p> <p>"သူတို့ရဲ့ ဘိုးဘေး နှစ်ပါးစလုံး အတူတူ ရောက်လာတာကို ကြည့်ရင် ရည်ရွယ်ချက် မကောင်းတာ သေချာတယ် ငါတို့ စောစောစီးစီး ပြင်ဆင်ထားဖို့ လိုမယ်"</p> <p>"ကျွန်မ သူတို့ကို လျှော့တွက်မိတာပဲ လျိုနဲ့ ကျောက် မျိုးနွယ်စုတွေက ဒီလောက်တောင် အစွန်းရောက်လိမ့်မယ်လို့ မထင်ထားဘူး လယ်မြေ သိမ်းပိုက်တာ မအောင်မြင်တော့ ပြဿနာ လာရှာရဲတယ်ပေါ့"</p> <p>လျိုရိုလဲ့သည်လည်း တင်းမာနေပြီး နောင်တရစွာ ပြောလိုက်သည်။</p> <p>"ဒီလို ဖြစ်မယ်မှန်း သိရင် ငါတို့ ဘိုးဘေးကို အလည်လာဖို့ ဖိတ်ထားသင့်တာ ဘိုးဘေးမန် ရှိနေရင် ငါတို့ သူတို့ကို ကြောက်စရာ မလိုတော့ဘူး"</p> <p>အချိန်အတန်ကြာ အတူတကွ နေထိုင်ပြီးနောက် သူမသည် ဝမ်ရှိုကျဲ့အား သူမ၏ အနာဂတ် ယောက်ဖ အဖြစ် အမှန်တကယ် လက်ခံသွားခဲ့ပြီး ကိုယ့်လူ တစ်ယောက်လို သဘောထားနေပြီ ဖြစ်သည်။</p> <p>လျိုနှင့် ဝမ် မျိုးနွယ်စုများသည် ထိုအိမ်ထောင်ရေး မဟာမိတ် ပြုပြီးနောက် လွန်ခဲ့သော နှစ်တစ်ရာက ရှိခဲ့သည့် ရင်းနှီးသော အခြေအနေသို့ မလွဲမသွေ ပြန်လည် ရောက်ရှိသွားမည် ဖြစ်သည်။</p> <p>"စိတ်မပူပါနဲ့ ငါတို့ဆီမှာ ဘိုးဘေးမန် ရှိပါတယ် ဒီတစ်ခါ သူတို့ ပြဿနာ လာရှာလည်း ဘာအကျိုးအမြတ်မှ ရသွားမှာ မဟုတ်ဘူး"</p> <p>ဝမ်ရှိုကျဲ့က ပေါ့ပေါ့ပါးပါး ပြုံး၍ ပြောလိုက်သည်။</p> <p>လျိုရိုလဲ့သည် အလုပ်အကိုင်နှင့် ကယ်ဆယ်ရေး အစီအစဉ်၏ အပေါ်ယံကိုသာ မြင်တွေ့ခဲ့ပြီး ဝမ်ရှိုကျဲ့က တစ်ဖက်လူ၏ လယ်မြေ သိမ်းပိုက်ရေး အစီအစဉ်ကို နှောင့်ယှက်ရုံမျှသာ ကျေနပ်စရာ ကောင်းသော အစီအစဉ် တစ်ခုကို ဆွဲခဲ့သည်ဟု ထင်မှတ်နေလေသည်။</p> <p>လျိုနှင့် ကျောက် မျိုးနွယ်စုများသည် ထိုမြေသိမ်း အစီအစဉ်တွင် အရင်းအမြစ်များနှင့် မျှော်လင့်ချက်များ မည်မျှအထိ ရင်းနှီးမြှုပ်နှံထားသည်ကို သူမ မသိခဲ့ပေ။ အဝေးကြီးကို မပြောနှင့်ဦး၊ ချေးငွေအတွက် ၎င်းတို့ ပေါင်နှံထားသော ခြံကြီး နှစ်ခု၏ စုစုပေါင်း တန်ဖိုးမှာပင် ရွှေတာရာ ခြောက်ထောင် နီးပါး ရှိနေရာ ၎င်းကို မည်သို့ ပြန်ရနိုင်မည်နည်း။</p> <p>ထိုအချိန်က ကျုံးလော်ရှန်း နှင့် တန်ထိုက်ယွီ တို့သည် လျိုမျိုးနွယ်စုကို လက်ခံ တွေ့ဆုံပြီးနောက် ကျောက်မျိုးနွယ်စုကိုလည်း ဆက်လက်၍ လက်ခံ တွေ့ဆုံခဲ့ပြီး မိသားစု နှစ်ခုစလုံးအပေါ် တူညီသော သရုပ်ဆောင် စွမ်းရည်များကို အသုံးပြုကာ အစီအစဉ် နှစ်ခုကို အပြီးသတ်ခဲ့ကြသည်။</p> <p>ဝမ်ရှိုကျဲ့၏ စကားအရ ဆိုရလျှင် ကြိုးပမ်းပန်းစား ရေးသားထားသော ဇာတ်ညွှန်း တစ်ခုကို တစ်ကြိမ်တည်းသာ မည်သို့ အသုံးပြုနိုင်မည်နည်း။</p> <p>"ဘိုးဘေးမန် ရောက်နေတာကို..."</p> <p>လျိုရိုလဲ့၏ မျက်နှာမှာ ရုတ်တရက် ပိုမို လင်းလက်သွားလေသည်။</p> <p>"ခဲအို ရှိုကျဲ့... ရှင်က သူတို့ ပြဿနာ လာရှာမယ် ဆိုတာကို ကြိုတွက်ထားတာများလား"</p> <p>လျိုယွမ်ရွေ့ကလည်း သဘောပေါက်သွားလေသည်။</p> <p>"ကျွန်တော် စဉ်းစားနေတာ အလုပ်အကိုင်နဲ့ ကယ်ဆယ်ရေး အစီအစဉ်ကိုတောင် ဒီလောက် သေချာ ဆွဲနိုင်တဲ့ အစ်ကို ရှိုကျဲ့က လျိုနဲ့ ကျောက် မျိုးနွယ်စုတွေ ပြဿနာ လာရှာမယ့် ကိစ္စကို ဘယ်လိုများ ကြိုတင် မကာကွယ်ဘဲ နေမလဲလို့ အထင်ကြီးစရာပဲ အထင်ကြီးစရာပဲ... ဘိုးဘေးမန်က ဘာလို့ တိတ်တဆိတ် ရောက်လာပြီး နေနေတာလဲလို့ ကျွန်တော် တွေးနေတာ ကျွန်တော်တို့ မောင်နှမတွေ အလကား စိုးရိမ်နေခဲ့တာကိုး"</p> <p>"ဘယ်လိုလုပ် ဖြစ်နိုင်မှာလဲ ယွမ်ရွေ့နဲ့ ညီမ ရိုလဲ့တို့ရဲ့ စိုးရိမ်ပူပန်မှုအတွက် ကျေးဇူးတင်ပါတယ်"</p> <p>ဝမ်ရှိုကျဲ့က အရိုအသေ ပေးကာ ပြောလိုက်သည်။</p> <p>လျိုမောင်နှမ နှစ်ယောက်လည်း အလျင်အမြန် ပြန်လည်၍ လေးလေးနက်နက် အရိုအသေ ပေးလိုက်ကြသည်။</p> <p>"လျိုနဲ့ ကျောက် မျိုးနွယ်စုတွေက အများကြီး လိုပါသေးတယ် ငါ ကိုယ်တိုင် သွားတွေ့ရလောက်အောင် သူတို့မှာ အရည်အချင်း မရှိသေးပါဘူး"</p> <p>ဝမ်ရှိုကျဲ့က ပြုံး၍ လှောင်ပြောင်လိုက်ပြီး သူ၏ အကြည့်များက ဘိုးဘေးမန်ထံသို့ ဆက်လက် ရောက်ရှိနေလေသည်။</p> <p>"ဘိုးဘေးမန်... ဘိုးဘေး သွေးဆက် နိုးထလာတဲ့ ကိစ္စနဲ့ ပတ်သက်ပြီး ကျွန်တော် ထပ်မေးချင်လို့ပါ အလယ်အလတ်အဆင့် ပါရမီနဲ့ သွေးဆက် နိုးထလာတာက ဆက်စပ်နေတယ်လို့ ဘိုးဘေး ပြောခဲ့တယ်နော် ဒါပေမဲ့ ဘယ်ဟာက အရင် ဖြစ်တာလဲ... အလယ်အလတ်အဆင့် ပါရမီလား ဒါမှမဟုတ် သွေးဆက် နိုးထလာတာလား"</p> <p>"အဆင့်နိမ့် ပါရမီကို ရောက်ရှိသွားတဲ့ သိုင်းကျင့်ကြံသူတိုင်းဟာ တကယ်တမ်းကျတော့ ဘိုးဘေး သိုင်းသွေးဆက် တချို့ကို ပြသနေတာပါပဲ... အဆင့်နိမ့် တတိယတန်းကနေ အဆင့်နိမ့် ပထမတန်း အထိက သိုင်းသွေးဆက် အရည်အသွေး ကွာခြားမှုလေး သက်သက်ပါပဲ"</p> <p>ဘိုးဘေးမန်က စိတ်ရှည်လက်ရှည် ရှင်းပြလေသည်။</p> <p>"အကယ်၍ သွေးဆက်ထဲမှာ အထူး နတ်ဘုရား စွမ်းအား တချို့ ပါဝင်နေမယ် ဆိုရင် သိုင်းအရည်အသွေးက သေချာပေါက် အလယ်အလတ်အဆင့်ကို ရောက်သွားပါပြီ မူလက မဟုတ်ခဲ့ရင်တောင် အထူး နတ်ဘုရား စွမ်းအား သွေးဆက်ကို နိုးထစေပြီးတဲ့နောက်မှာ သိုင်းအရည်အသွေးကလည်း အလယ်အလတ်အဆင့်ကို ပြောင်းလဲသွားပါလိမ့်မယ်"</p> <p>"မင်းတို့ မိသားစုက ကောင်မလေး... လော်ချိုးမလား... သူက ဘိုးဘေး တိုက်ပွဲဝင် ခန္ဓာကိုယ် သွေးဆက် တစ်မျိုးမျိုးကို နိုးထစေခဲ့တာ ဖြစ်ရမယ် ဒါပေမဲ့ လူသား သမိုင်းမှာ တိုက်ပွဲဝင် ခန္ဓာကိုယ် သွေးဆက်တွေ အများကြီး ရှိသလို မျိုးကွဲတွေလည်း အများကြီး ရှိတယ် အခု အဲဒီ ကောင်မလေးရဲ့ တိုက်ပွဲဝင် ခန္ဓာကိုယ် သွေးဆက်က အရမ်း မှေးမှိန်နေသေးတော့ လတ်တလောမှာ ဘယ်လို တိုက်ပွဲဝင် ခန္ဓာကိုယ် အမျိုးအစားလဲ ဆိုတာကို ခွဲခြားရ ခက်နေသေးတယ် သူ ဝိညာဉ်အဆင့်ကို ရောက်တဲ့အခါ သူ့ရဲ့ ခန္ဓာကိုယ်က ပြောင်းလဲသွားပြီး သူ့ရဲ့ သွေးဆက်ကလည်း ထပ်ပြီး အားကောင်းလာလိမ့်မယ် အဲဒီကျရင် ဘယ်လို တိုက်ပွဲဝင် ခန္ဓာကိုယ် အမျိုးအစားလဲ ဆိုတာ ပိုပြီး ရှင်းလင်းသွားလိမ့်မယ်"</p> <p>"သြော်... နားလည်ပါပြီ သွေးဆက် ပြောင်းလဲသွားတာနဲ့ သိုင်းသွေးဆက် အရည်အသွေး တိုးတက်လာဖို့ မလွဲမသွေ ဖြစ်သွားမှာပေါ့"</p> <p>ဝမ်ရှိုကျဲ့က နားလည်စွာဖြင့် ခေါင်းညိတ်လိုက်သည်။ သူ၏ နှလုံးသားထဲတွင် မိသားစုနှင့် လော်ချိုးအတွက် ဝမ်းသာနေသော်လည်း အနည်းငယ် နောင်တလည်း ရနေမိသည်။ သူက ဘာကြောင့် သွေးမျိုးဆက် ပြောင်းလဲမှု မရှိရသနည်း။ ရှေးဟောင်း ဘိုးဘေး အချို့၏ မျိုးဗီဇကို ဘာကြောင့် မနိုးထစေနိုင်ခဲ့သနည်း။</p> <p>မှန်ပါသည်။ ဘိုးဘေးမန်က ၎င်းကို သွေးမျိုးဆက်ဟု ခေါ်သော်လည်း ဝမ်ရှိုကျဲ့၏ နားလည်မှု အရ ၎င်းမှာ မျိုးဗီဇ အမွေဆက်ခံမှု ပင်ဖြစ်သည်။ သွေးမျိုးဆက် နိုးထလာခြင်း ဆိုသည်မှာ ခန္ဓာကိုယ် အတွင်းရှိ ငုပ်လျှိုးနေသော မျိုးဗီဇ အချို့ကို အသက်သွင်းလိုက်ခြင်းဟု သူ နားလည်ထားလေသည်။</p> <p>ချဉ်စူးစူး ခံစားချက်က ဝမ်ရှိုကျဲ့၏ နှလုံးသားကို ဓားဖြင့် ထိုးစိုက်ခံလိုက်ရသကဲ့သို့ ခံစားရစေသည်။</p> <p>"တကယ်တော့ မင်းတို့ မိသားစုက လော်ချိုး ဆိုတဲ့ ကောင်မလေး တစ်ယောက်တည်း မဟုတ်ဘူး... ဟို ပိုးမွှား သခင်မလေးကလည်း ရှေးဟောင်း သွေးမျိုးဆက် တစ်မျိုးမျိုးကို နိုးထစေခဲ့တာ သေချာတယ်... မဟုတ်ရင် သူက ပိုးမွှားတွေနဲ့ စိတ်ချင်း ဆက်သွယ်နိုင်မှာ မဟုတ်ဘူး"</p> <p>ဘိုးဘေးမန်က ထပ်လောင်း ပြောကြားလေသည်။</p> <p>"ဒါကြောင့် အဲဒီ ကောင်မလေးရဲ့ အနာဂတ် အလားအလာကိုလည်း လျှော့တွက်လို့ မရဘူး"</p> <p>အင်း...</p> <p>ဝမ်ရှိုကျဲ့၏ နှလုံးသားထဲတွင် နောက်တစ်ကြိမ် ဓားဖြင့် အထိုးခံလိုက်ရသကဲ့သို့ ခံစားလိုက်ရပြန်သည်။</p> <p>ခဏနေဦး…..</p> <p>ဝမ်လော်ချိုးနှင့် ဝမ်လော်ချင်းတို့ အပြင် ဝမ်လိချီ ဆိုသော ထိုကောင်မလေးကလည်း သာမန် ဇာတ်ကောင် မဟုတ်လောက်ဘူးဟု သူ စိုးရိမ်မိလေသည်။ ဘိုးဘေးက သူမသည် စိတ်ဝိညာဉ် ပါရမီ တစ်မျိုးမျိုးကို နိုးထစေခဲ့တာ ဖြစ်နိုင်ကြောင်း တစ်ခါက ပြောဖူးလေသည်။</p> <p>ကောင်းပြီလေ... ဝမ်ရှိုကျဲ့၏ နှလုံးသားသည် တတိယအကြိမ်မြောက် ဓားဖြင့် အထိုးခံလိုက်ရပြန်သည်။</p> <p>မဟုတ်ဘူး….</p> <p>တစ်ခုခုတော့ မှားနေပြီ….</p> <p>ဝမ်ရှိုကျဲ့ မျက်မှောင်ကြုတ်သွားလေသည်။ သာမန် အကြောင်းပြချက် အရ ဆိုလျှင် အဆင့်ကိုးရှိ ကျဆင်းနေသော မိသားစု တစ်ခု၏ သွေးဆက်မှာ အတော်လေး မှေးမှိန်နေပြီ ဖြစ်သည်။ တစ်ခါတစ်ရံ အထူး သွေးမျိုးဆက် ရှိသူ တစ်ဦး ပေါ်ထွက်လာခြင်းကပင် အလွန် ကံကောင်းသော ကိစ္စ တစ်ခု ဖြစ်နေပြီ ဖြစ်သည်။</p> <p>သို့သော် ယခုအခါ ဝမ်မျိုးနွယ်စု၏ မျိုးဆက်သစ် လူငယ်များ အထဲတွင် ထိုသို့သောသူ သုံးယောက်တောင် ပေါ်ထွက်လာခဲ့ပြီ ဖြစ်သည်။</p> <p>ဘိုးဘေးများ၏ မျိုးဗီဇများက အရမ်း အားကောင်းလွန်းနေပြီး ဤမျိုးဆက်တွင် လာ၍ ပေါ်ထွက်နေခြင်းများလား။</p> <p>အဲဒါလည်း မဖြစ်နိုင်လောက်ဘူးဟု သူ ထင်မိသည်။ ဝမ်လိချီ၊ ဝမ်လော်ချိုး၊ ဝမ်လော်ချင်း တို့သည် ညီမများ သို့မဟုတ် တူမများ ဖြစ်ကြသော်လည်း ၎င်းတို့သည် သွေးဆက်မျှသာ တော်စပ်ကြခြင်း ဖြစ်ပြီး ၎င်းတို့၏ မိဘများ မတူညီကြရုံသာမက ၎င်းတို့၏ အဘိုးအဘွားများနှင့် ဘိုးဘေးများပင် မတူညီကြပေ။</p> <p>ထို့အပြင် မိသားစုထဲတွင် လူငယ်လေးများ အများအပြား ရှိသေးသည်။ အကယ်၍ ဘိုးဘေးများကြောင့်သာ ဆိုလျှင် သွေးမျိုးဆက်က ကောင်မလေး အနည်းငယ်ဆီမှာပဲ ဘာလို့ ပေါ်လာရတာလဲ။</p> <p>၎င်းတို့ အကြားတွင် ဆက်စပ်မှု တစ်ခုခု ရှိရမည် ဖြစ်ပြီး ထိုသုံးယောက်တည်းနှင့်သာ သက်ဆိုင်သော ဆက်စပ်မှု တစ်ခု ဖြစ်ရမည်။</p> <p>ပညာပေးစာအုပ်တွေလား။ ငါးခြောက်တွေလား။ အားလုံးက မဖြစ်နိုင်ဘူးလို့ သူ ထင်မိသည်။</p> <p>ဝမ်ရှိုကျဲ့ အလွန်အမင်း စဉ်းစားခန်း ဝင်သွားလေသည်။ လက်ရှိ သဲလွန်စများမှာ နည်းပါးလွန်းသဖြင့် ကောက်ချက်ချရန် ခက်ခဲလှပေသည်။ ထိုအလှည့် ပြီးသွားပြီးနောက် သူသည် ကောင်မလေး သုံးယောက်ကို စုစည်းကာ တူညီသော အချက် တစ်ခုခုများ ရှာတွေ့နိုင်မလား ဆိုသည်ကို မေးမြန်းရပေမည်။</p> <p>အကယ်၍ သူသာ ဆက်စပ်မှု တစ်ခုကို ရှာတွေ့နိုင်ပါက သူ ဝမ်ရှိုကျဲ့လည်း ၎င်းထံမှ အကျိုးအမြတ် ရရှိနိုင်ပေလိမ့်မည်။</p> <p>...</p> <p>ထိုအချိန်တွင် လူအုပ်ကြီး တစ်အုပ်သည် ဝမ်မျိုးနွယ်စု၏ ပင်မအိမ်တော်ဆီသို့ ချီတက်လာနေကြသည်။</p> <p>အထက်တန်းလွှာ မျိုးနွယ်စုဝင်များ ပါဝင်သကဲ့သို့ ရက်စက်သော မိသားစု စောင့်ရှောက်သူများလည်း ပါဝင်လေသည်။ သို့သော် အထင်ရှားဆုံးမှာ မြင်းလှည်း နှစ်စီး ပင်ဖြစ်သည်။</p> <p>မြင်းလှည်း နှစ်စီးမှာ ဇိမ်ကျကျ ပြင်ဆင်ထားပြီး လှည်းပေါ်တွင် နဂါးနှင့် ဖီးနစ်ငှက် ရုပ်တုများကို ထွင်းထုထားကာ အလွန် ခန့်ညားလှပေသည်။ လှည်းကို ဆွဲသော မြင်းများမှာပင် တစ်စီးလျှင် ထိပ်တန်း အနက်ရောင် မြင်းလေးကောင်စီ ပါဝင်လေသည်။</p> <p>မြင်းများသည် ဈေးကြီးပြီး ၎င်းတို့ကို ပြုစုပျိုးထောင်ရန်မှာ ပို၍ပင် ကုန်ကျစရိတ် များပြားလေသည်။ ၎င်းတို့သည် အစားအသောက် ကောင်းကောင်း စားရန် လိုအပ်ရုံသာမက ၎င်းတို့ကို ဂရုစိုက်ရန် သီးသန့် အစေခံ တစ်ဦးလည်း လိုအပ်လေသည်။</p> <p>အရေးအကြီးဆုံးမှာ သွေးသန့်မြင်းများသည် လှည်းဆွဲရန် မဟုတ်ဘဲ စီးနင်းရန်အတွက် ပိုမို သင့်တော်လေသည်။ ဝမ်ရှိုကျဲ့တွင် စီးနင်းရန်အတွက် သီးသန့်ဖြစ်သော အနက်ရောင် သွေးသန့်မြင်း တစ်ကောင် ရှိလေသည်။</p> <p>သေချာသည်မှာ ဤမြင်းလှည်း နှစ်စီးသည် လျိုနှင့် ကျောက် မျိုးနွယ်စုများ၏ ဘိုးဘေးများ ပိုင်ဆိုင်သော မြင်းလှည်းများ ပင်ဖြစ်သည်။ အေးအေးဆေးဆေး နေလိုသော ဘိုးဘေးလုံယန်နှင့် မတူဘဲ လျိုနှင့် ကျောက် မျိုးနွယ်စုများ၏ ဘိုးဘေးများသည် တစ်နှစ်လျှင် တစ်ကြိမ် လှည့်လည် သွားလာခြင်းဖြင့် ၎င်းတို့၏ အာဏာကို ပြသလေ့ ရှိကြသည်။</p> <p>သာမန် ပြည်သူများအတွက်မူ လျိုနှင့် ကျောက် မျိုးနွယ်စုများ၏ လုပ်ရပ်များမှာ အထင်ကြီးစရာ ကောင်းပြီး ဂုဏ်သိက္ခာ ပြည့်ဝနေပုံ ရပေလိမ့်မည်။</p> <p>သို့သော် ပိုမို ယဉ်ကျေးပြီး အခြေတကျ ဖြစ်နေသော မိသားစုများ၏ အမြင်တွင်မူ ဤအရာသည် တစ်ချိန်က နှိမ့်ကျသည်ဟု ခံစားခဲ့ရသော သူဌေးသစ်များ၏ လျော်ကြေးပေးသည့် အပြုအမူ ဖြစ်ကြောင်း သေချာလှပေသည်။ ၎င်းတို့သည် ပေါ်တင် ဘာမှ မပြောကြသော်လည်း တိတ်တဆိတ် လှောင်ပြောင်ကြမည်မှာ သေချာလှပေသည်။</p> <p>အံ့ဩစရာ မဟုတ်ပေ၊ ဤဘိုးဘေး နှစ်ပါး၏ နောက်ခံများမှာ အထင်ကြီးစရာ မကောင်းလှပေ။ တစ်ဦးမှာ လုံကျိုးစီရင်စုရှိ မိသားစုကြီး တစ်ခု၏ အဖွဲ့ခွဲ တစ်ခုမှ ဆင်းသက်လာသည်ဟု ဆိုကြသည်။ အခြား တစ်ဦးမှာမူ အချိန်ကြာမြင့်စွာ လှည့်လည် ကျင့်ကြံသူ တစ်ဦး ဖြစ်ခဲ့ပြီး ကံကောင်းမှု သို့မဟုတ် အခြား အကြောင်းများကြောင့် ဝိညာဉ်အဆင့်သို့ ရောက်ရှိနိုင်ခဲ့ခြင်း ဖြစ်သည်။</p> <p>သို့သော် ဝိညာဉ်အဆင့်သို့ ရောက်ရှိရန် မရေမတွက်နိုင်သော အခက်အခဲများကို ဖြတ်သန်းခဲ့ရပြီးနောက်တွင်ပင် အခြေတကျ ဖြစ်နေသော မိသားစုများ ပြည့်နှက်နေသည့် လုံကျိုးစီရင်စု၏ အဓိက ဧရိယာတွင် ရှင်သန်ရန် နေရာ မရှိခဲ့ပေ။</p> <p>ဝိညာဉ်အဆင့်သို့ ဤမျှ ခက်ခဲစွာ တက်လှမ်းခဲ့ပြီးနောက် ၎င်းတို့သည် မိသားစု တစ်ခု သို့မဟုတ် အင်အားစု တစ်ခုကို မှီခို ရှင်သန်ရန် ဆန္ဒမရှိခဲ့ကြပေ။</p> <p>၎င်းတို့သည် လူသားများအတွက် နေထိုင်စရာ နေရာများ ချဲ့ထွင်ရန် ဘိုးဘေးကျိုးရွှမ်နှင့်အတူ တောင်ဘက်သို့ လိုက်ပါလာခဲ့ပြီး ၎င်းတို့၏ ကိုယ်ပိုင် မျိုးနွယ်စုများကို တည်ထောင်ကာ ၎င်းတို့၏ မျိုးဆက်များကို နှိမ့်ကျသော ဇာစ်မြစ်မှ လွတ်မြောက်စေရန် မျှော်လင့်ခဲ့ကြသည်။</p> <p>ဤအရာတွင် မှားယွင်းမှု မရှိပေ။ ဝိညာဉ်အဆင့်သို့ ရောက်ရှိခဲ့သော လှည့်လည် ကျင့်ကြံသူ သို့မဟုတ် ဇာစ်မြစ် နိမ့်ကျသူ အများအပြားတွင် အလားတူ အတွေးများနှင့် အစီအစဉ်များ ရှိခဲ့ကြလေသည်။</p> <p>မှားယွင်းမှုမှာ ၎င်းတို့က ၎င်းတို့၏ သခင်ကို သစ္စာဖောက်ရဲခဲ့ခြင်း ပင်ဖြစ်သည်။ အထူးသဖြင့် ဘိုးဘေးကျိုးရွှမ်က ၎င်းတို့အား ကတိပေးထားသော နယ်မြေများကို ပေးအပ်ခဲ့ပြီးနောက်တွင်ပင် ၎င်းတို့သည် သစ္စာဖောက်ရန် ရွေးချယ်ခဲ့ကြသေးသည်။</p> <p>အဝေးတွင် စူးစမ်းလိုစိတ် ရှိသော သာမန် ပြည်သူ အချို့သည် အဝေးမှနေ၍ လိုက်ပါလာကြသည်။ လူတို့သည် စူးစမ်းလိုစိတ် ရှိကြပြီး ပွဲကြည့်ရသည်ကို နှစ်သက်ကြရာ ယနေ့ ဘာဖြစ်နေသည်ကို အားလုံး သိချင်နေကြလေသည်။</p> <p>လျိုနှင့် ကျောက် မျိုးနွယ်စုများသည် ပွဲကြည့်နေသော သာမန် ပြည်သူများကို နှင်ထုတ်ခြင်း မပြုဘဲ လူအုပ်ကို သွေးထိုးလှုံ့ဆော်ရန် သူလျှို အချို့ကိုပင် စေလွှတ်လိုက်သေးသည်။ ဤအရာက ပွဲကြည့်သူ အရေအတွက်ကို ပိုမို များပြားလာစေပြီး ခရီးသွား ကုန်သည်များ၊ လှည့်လည် ကျင့်ကြံသူများ၊ ပညာတတ်များ စသည့် လူအမျိုးမျိုး ပါဝင်လာစေခဲ့သည်။</p> <p>ဖင်းအန်းမြို့နယ်ရှိ အဆင့်နိမ့် ပြည်သူများအား မြို့နယ်၏ တကယ့် သခင်မှာ မည်သူဖြစ်ကြောင်း သိစေရန် ၎င်းတို့ ရည်ရွယ်ထားကြောင်း ထင်ရှားလှပေသည်။ ဘေးဒုက္ခ အတွင်း အလုပ်အကိုင်နှင့် ကယ်ဆယ်ရေးများ ပေးအပ်ခြင်းဖြင့် ဝမ်မျိုးနွယ်စု ရရှိခဲ့သော နာမည်ကောင်းမှာ လုံးဝ ကြီးစိုးသော အာဏာ၏ အရှေ့တွင် ဘာမျှ မဟုတ်ပေ။ ၎င်းတို့သည် အခြားသူများ၏ ပါးစပ်မှ တစ်ဆင့် ဝမ်မျိုးနွယ်စုကို ဖိနှိပ်ခြင်းဟူသော သတင်းများကို ဖြန့်ဝေလိုကြခြင်းလည်း ဖြစ်သည်။</p> <p>လျိုမျိုးနွယ်စု၏ ခေါင်းဆောင် လျိုရှန်းယဲ့….</p> <p>ကျောက်မျိုးနွယ်စု၏ ခေါင်းဆောင် ကျောက်ဂျင်ရှန်း….</p> <p>၎င်းတို့ တစ်ဦးစီတိုင်းသည် အရပ်ရှည်သော မြင်းများကို စီးနင်းကာ ၎င်းတို့၏ မိသားစုဝင်များနှင့် အစောင့်အရှောက်များ၏ ခြံရံမှု အောက်တွင် ဝမ်မျိုးနွယ်စု၏ ပင်မတံခါးဝသို့ တက်ကြွစွာ ရောက်ရှိလာကြလေသည်။</p> <p>ဘိုးဘေးကျိုးရွှမ်သည် ပင်မအိမ်တော်အတွက် နေရာ ရွေးချယ်စဉ်က သေချာပေါက် အကောင်းဆုံး နေရာကို ရွေးချယ်ခဲ့သည်။ ဘယ်ဘက်တွင် လှပသော ကျူဝေရေကန် ရှိပြီး ညာဘက်တွင် လျိုဖင်း တောင်တန်းများ ရှိလေသည်။ အိမ်တော်ကို ကုန်းမြင့်ပေါ်တွင် တည်ဆောက်ထားပြီး ဖုန်းရွှေ အလွန် ကောင်းမွန်ရုံသာမက ခုခံရန် လွယ်ကူပြီး တိုက်ခိုက်ရန် ခက်ခဲသော နေရာ တစ်ခုလည်း ဖြစ်လေသည်။</p> <p>ပင်မအိမ်တော်သို့ ဝင်ရောက်ရန် နောက်ဖေး ဥယျာဉ်သို့ ရေလမ်းမှ သွားရောက်ခြင်း အပြင် ဝင်ရောက်ရန် လမ်းတစ်လမ်းတည်းသာ ရှိလေသည်။ ထိုလမ်း တစ်လျှောက်တွင် မြားပစ်စင်များနှင့် အခြားသော ခုခံ ကာကွယ်ရေး အဆောက်အအုံများကို တည်ဆောက်ထားပြီး စစ်ဆေးရေး ဂိတ်များကို အချိန်မရွေး ချထားနိုင်ကာ ခုခံ ကာကွယ်ရေး လမ်းကြောင်း တစ်ခုကို ဖွဲ့စည်းနိုင်လေသည်။</p> <p>သို့သော် ယခုအခါ ဝမ်မျိုးနွယ်စုသည် လျိုနှင့် ကျောက် မျိုးနွယ်စုများအား မည်သို့မျှ တားဆီးခြင်း မပြုခဲ့ပေ။ ၎င်းတို့သည် လူသူကင်းမဲ့သော နယ်မြေ တစ်ခုတွင် ရှိနေသကဲ့သို့ ဝမ်မျိုးနွယ်စု၏ ပင်မတံခါးဝသို့ တိုက်ရိုက် ရောက်ရှိလာခဲ့ကြသည်။</p> <p>ပင်မအိမ်တော်၏ မြင့်မားသော တံတိုင်းများ အောက်တွင် ကျောက်စိမ်းပြာများ ခင်းထားသော ရင်ပြင် တစ်ခု ရှိလေသည်။</p> <p>လျိုရှန်းယဲ့သည် သူ၏ မြင်းကို ရပ်တန့်ကာ "ဖင်းအန်း ဝမ်မျိုးနွယ်စု" ဟု ရေးသားထားသော ဝမ်မျိုးနွယ်စု၏ တံခါးအမိုးကို မော့ကြည့်လိုက်ပြီး လှောင်ပြုံး မပြုံးဘဲ မနေနိုင်ခဲ့ပေ။</p> <p>"ညီအစ်ကို ဂျင်ရှန်း... ဒီဖုန်းရွှေ ရတနာ နယ်မြေကို ပိုင်ဆိုင်ဖို့ ဝမ်မျိုးနွယ်စုမှာ ဘာဂုဏ်သိက္ခာနဲ့ အရည်အချင်းတွေ ရှိလို့လဲ"</p> <p>ကျောက်ဂျင်ရှန်းသည် သူ၏ ဘေးတွင် ရပ်တန့်လိုက်သည်။ သူသည် အရပ်ရှည်ပြီး သန်စွမ်းကာ လျိုရှန်းယဲ့ထက် တိုက်ခိုက်ရေး ပိုမို ကျွမ်းကျင်ပုံ ရလေသည်။ သူက တည်ငြိမ်စွာ ပြောလိုက်သည်။</p> <p>"ဖုန်းရွှေက အလှည့်ကျ ဆိုတဲ့ စကားလိုပေါ့ ဝမ်မျိုးနွယ်စုသာ အေးအေးဆေးဆေး နေမယ် ဆိုရင် ငါတို့ ဘိုးဘေးတွေကြားက ခင်မင်မှုကို ထောက်ထားပြီး သူတို့ကို မျက်နှာ နည်းနည်းလောက် ချန်ထားပေးဦးမှာ အခုတော့ သူတို့က ငါတို့ကို ဆန့်ကျင်ရဲတယ် ဟဲဟဲ... သူတို့က ဘာကောင်းလဲ ဆိုတာ တကယ် မသိတာပဲ ညီအစ်ကို ရှန်းယဲ့... ဒီနေ့အတွက် မင်းရဲ့ အစီအစဉ်အတိုင်း ငါ လိုက်လုပ်ပါ့မယ်"</p> <p>"အစီအစဉ်တွေ ဟားဟား သေချာတာပေါ့... ငါတို့ မျိုးနွယ်စု နှစ်ခုက သူဌေးသစ် ဇာစ်မြစ်က လာတာမို့ စည်းကမ်း မသိဘူးဆိုတဲ့ အတင်းအဖျင်း စကားတွေ မထွက်လာရအောင် ကျင့်ဝတ်တွေအတိုင်း လိုက်နာပြီး အလည်လာတဲ့ ပုံစံမျိုး လုပ်ရမှာပေါ့"</p> <p>လျိုရှန်းယဲ့က သူ၏ မျက်လုံးများကို ကျဉ်းမြောင်းလိုက်ပြီး လက်ကို ဝှေ့ယမ်းလိုက်သည်။</p> <p>"လူတွေ တံခါးခေါက်လိုက် ဧည့်သည် လာကြောင်း ကတ်ပြား ပေးလိုက်"</p> <p>လျိုမျိုးနွယ်စု၏ မျိုးဆက်သစ် လူငယ် တစ်ဦး ဖြစ်သော လျိုယုံးကျိုးသည် အဝါရောင် မြင်းပေါ်မှ ချက်ချင်း ဆင်းကာ ရှေ့သို့ ခြေလှမ်းကျဲကြီးများဖြင့် လျှောက်သွားပြီး ဧည့်သည် လာကြောင်း ကတ်ပြားကို ထုတ်ယူကာ ကျယ်လောင်စွာ အော်ဟစ်လိုက်လေသည်။</p> <p>"ဖင်းအန်း လျိုမျိုးနွယ်စုက ဘိုးဘေးကျီတိ၊ မျိုးနွယ်စုခေါင်းဆောင် လျိုရှန်းယဲ့နဲ့ မျိုးနွယ်စုဝင်တွေက ဝမ်မျိုးနွယ်စုရဲ့ ကျေးဇူးကို လာရောက် တုံ့ပြန်တာပါ"</p> <p>ကျောက်မျိုးနွယ်စု၏ မျိုးဆက်သစ် လူငယ်များ အကြား ထင်ရှားသော ကျောက်တင့်ထျန်းသည်လည်း ရှေ့သို့ ထွက်လာပြီး အော်ဟစ်လိုက်လေသည်။</p> <p>"ဖင်းအန်း ကျောက်မျိုးနွယ်စုက ဘိုးဘေးဘိုကျွင်း၊ မျိုးနွယ်စုခေါင်းဆောင် ကျောက်ဂျင်ရှန်းနဲ့ မျိုးနွယ်စုဝင်တွေက ဝမ်မျိုးနွယ်စုရဲ့ ကျေးဇူးကို လာရောက် တုံ့ပြန်တာပါ"</p> <p>ပါရမီရှင် လူငယ် နှစ်ဦး၏ နက်ရှိုင်းသော ချီစွမ်းအင်များနှင့် အားကောင်းသော အသံများမှာ အချိန်အတန်ကြာ ပဲ့တင်ထပ်နေလေသည်။</p> <p>၎င်းတို့က ဝမ်မျိုးနွယ်စု၏ ကျေးဇူးကို လာရောက် တုံ့ပြန်သည်ဟု ဆိုကြသော်လည်း ၎င်းတို့၏ ရန်လိုသော သဘောထားမှာ ထင်ရှားလှပေသည်။</p> <p>...</p> <p>လျိုနှင့် ကျောက် မျိုးနွယ်စုများ၏ ခြံရံမှု အနောက်ဘက်တွင် ပွဲကြည့်သူများ ပိုမို စုရုံးလာကြသည်။ ၎င်းတို့ အထဲတွင် ချမ်းသာသော သာမန် ပြည်သူ အချို့၊ အလယ်အလတ်တန်းစား လယ်သမားများ၊ ကုန်သည်များ၊ လှည့်လည် ကျင့်ကြံသူများ စသည်တို့ ပါဝင်လေသည်။</p> <p>ထိုကဲ့သို့သော ရိုင်းစိုင်းသည့် တံခါးခေါ်သံ ထွက်ပေါ်လာသောအခါ။</p> <p>ပွဲကြည့်သူများ အားလုံး အုတ်အော်သောင်းနင်း ဖြစ်သွားကြသည်။ စိတ်ပိုင်းဆိုင်ရာ အရ လျိုနှင့် ကျောက် မျိုးနွယ်စုများဘက်တွင် ပါဝင်သူများမှာ သဘာဝကျကျပင် စိတ်လှုပ်ရှားသွားကြပြီး ကျယ်လောင်စွာ အော်ဟစ် အားပေးကြလေသည်။</p> <p>သို့သော် ဝမ်မျိုးနွယ်စု၏ ကျေးဇူးကို တိုက်ရိုက် ဖြစ်စေ၊ သွယ်ဝိုက်၍ ဖြစ်စေ ရရှိခဲ့ဖူးသူ အများအပြားမှာမူ စိုးရိမ်နေကြပုံ ရလေသည်။</p> <p>အထူးသဖြင့် ဝမ်မျိုးနွယ်စုသည် မကြာသေးမီက နုန်းဆယ်ခြင်းနှင့် မြေဖို့ခြင်း အကြီးစား စီမံကိန်း တစ်ခုကို စတင်ခဲ့ပြီး သာမန် ပြည်သူ မိသားစု အများအပြားကို အလုပ်အကိုင်နှင့် ကယ်ဆယ်ရေးများ ပေးအပ်ခဲ့သောကြောင့် ပို၍ပင် ဖြစ်သည်။ ဝမ်မျိုးနွယ်စု၏ နာမည်ကောင်းသည် ဖင်းအန်းမြို့နယ် ဒေသရှိ သာမန် ပြည်သူများ အကြား ကျယ်ပြန့်စွာ ပျံ့နှံ့နေပြီ ဖြစ်ရာ သာမန် ပြည်သူ အများအပြားမှာ ဝမ်မျိုးနွယ်စုကို ထောက်ခံရန် ယိမ်းယိုင်နေကြပြီး ၎င်းတို့အတွက် စိုးရိမ်နေကြလေသည်။</p> <p>ဖင်းအန်းမြို့နယ်၏ စုစုပေါင်း လူဦးရေမှာ သောင်းဂဏန်း နှစ်သောင်းထက် မပိုပေ။</p> <p>မည်သည့် အရေးကြီးသော အဖြစ်အပျက်မဆို ဖင်းအန်းမြို့နယ် တစ်ခုလုံးသို့ အလျင်အမြန် ပျံ့နှံ့သွားနိုင်လေသည်။ ဤနေရာတွင် နေထိုင်ပြီး ပွားများလာသော သာမန် ပြည်သူများ အားလုံးက ဝမ်မျိုးနွယ်စုသည် ပိုမို၍ ကျဆင်းလာနေပြီး မိသားစု၏ ဘိုးဘေးမှာလည်း ဆက်လက်၍ တောင့်ခံထားနိုင်စွမ်း မရှိလောက်တော့ကြောင်း သိရှိကြလေသည်။</p> <p>သို့သော် ပွဲကြည့်သူ အများစုမှာ ရပ်တည်ချက် ကြီးကြီးမားမား မရှိသော ဘက်မလိုက် ပွဲကြည့်သူများသာ ဖြစ်ကြသည်။ ၎င်းတို့သည် ပွဲကြည့်ရန် သက်သက် လှုံ့ဆော်ခံရခြင်းသာ ဖြစ်ပြီး မည်သည့် မျိုးနွယ်စုကိုမျှ အမြင်ကောင်း မရှိကြပေ။</p> <p>လျိုနှင့် ကျောက် မျိုးနွယ်စုများ၏ ကျယ်လောင်သော အော်ဟစ်သံများကြောင့် လှုံ့ဆော်ခံရပြီး လူအုပ်ထဲတွင် ဖုံးကွယ်နေသော မကောင်းသော ရည်ရွယ်ချက် ရှိသူများ၏ သွေးထိုးမှုကြောင့် ပွဲကြည့်သူ အချို့က စတင် အော်ဟစ်လာကြသည်။</p> <p>"ဖင်းအန်း ဝမ်မျိုးနွယ်စု လိပ်လို ပုန်းမနေနဲ့တော့"</p> <p>"ဖင်းအန်း ဝမ်မျိုးနွယ်စု နင်တို့ လုပ်ခဲ့တာတွေကို ဝန်ခံရဲလား"</p> <p>"ဝမ်ရှိုကျဲ့ ထွက်လာရဲလား"</p> <p>"ဝမ်လုံယန်... ဘိုးဘေးကျီတိနဲ့ ဘိုးဘေးဘိုကျွင်းကို ထွက်ပြီး ဂါရဝပြုလိုက်စမ်း"</p> <p>ဝမ်မျိုးနွယ်စုဘက်မှ ရပ်တည်သူ အများအပြားက ၎င်းတို့ကို ဒေါသတကြီး စိုက်ကြည့်နေကြလေသည်။</p> <p>ဒါပေမဲ့ ဘာအသုံးဝင်မှာလဲ။</p> <p>ရုတ်တရက်...</p> <p>ဝမ်မျိုးနွယ်စု၏ ပင်မတံခါးကြီး ပွင့်လာလေသည်။</p> <p>မိသားစု အစောင့်အရှောက် နှစ်ဦး၏ ခြံရံမှုဖြင့် အရပ်ရှည်ပြီး ချောမောကာ သိုင်းသမား အသွင်ဖြင့် ဝတ်စားဆင်ယင်ထားသော လူငယ် တစ်ဦး ထွက်လာလေသည်။ သူ၏ မျက်နှာမှာ တည်ငြိမ်နေပြီး သူ၏ အတွင်းစိတ် အခြေအနေကို မည်သည့် အရိပ်အယောင်မျှ ပြသခြင်း မရှိပေ။ သူ လှမ်းလိုက်သော ခြေလှမ်းတိုင်းက ကျောက်ဆောင် တစ်ခုကဲ့သို့ ခိုင်မာသော ခြေရာများကို ချန်ရစ်ခဲ့လေသည်။</p> <p>သူသည် အထက်လူကြီး တစ်ဦး၏ ဩဇာတိက္ကမ ရှိသော အရှိန်အဝါကို သဘာဝကျကျပင် ထုတ်လွှတ်နေလေသည်။</p> <p>အပြင်သို့ ရောက်ရှိလာသောအခါ သူသည် လှေကားထစ်များမှ ဆင်းမလာဘဲ အထက်မှနေ၍ ငုံ့ကြည့်ကာ မျက်မှောင် အနည်းငယ် ကြုတ်လျက် သူ၏ ပတ်ဝန်းကျင်ကို အကဲခတ်လိုက်လေသည်။</p> <p>"ဘယ်သူက ဝမ်မျိုးနွယ်စုရဲ့ ပင်မအိမ်တော်မှာ ဆူပူသောင်းကျန်းရဲတာလဲ"</p> <p>သူ မအော်ခဲ့ပေ။</p> <p>သာမန် လေသံဖြင့် ပြောလိုက်သော သူ၏ စကားများသည် မျက်မြင်မရသော လှိုင်းလုံးများကဲ့သို့ ပျံ့နှံ့သွားလေသည်။</p> <p>ပေပေါင်းများစွာ အကွာတွင် ရပ်နေသော ပွဲကြည့်သူများပင်လျှင် ၎င်းတို့၏ နားများထဲတွင် အူသံများ ကြားလိုက်ရပြီး ၎င်းတို့၏ နှလုံးသားများကို ဗုံဖြင့် ထုရိုက်ခံလိုက်ရသကဲ့သို့ ခံစားလိုက်ရကာ ထိတ်လန့်မှု လှိုင်းလုံး တစ်ခု ဖြစ်ပေါ်လာစေခဲ့သည်။</p> <p>ချက်ချင်းပင်...</p> <p>ဆူညံသံများနှင့် အော်ဟစ်သံများ အားလုံး ရုတ်တရက် ရပ်တန့်သွားပြီး အပ်ကျသံကိုပင် ကြားရလောက်အောင် တိတ်ဆိတ်သွားတော့သည်။</p> <p>***</p> <p> </p>


Save