Book List

<h2 style="text-align: center;">အခန်း (၈၉)</h2> <h2 style="text-align: center;">ရက်စက်ကြမ်းကြုတ်လာခြင်း ဝမ်လော်ကျင်း</h2> <h2 style="text-align: center;">*</h2> <p> </p> <p> </p> <p>ဝမ်မျိုးနွယ်စု၏ အငယ်ဆုံး ကောင်မလေး ဝမ်လော်လန်၏ စူးရှသော အော်ဟစ်သံနှင့်အတူ ဝမ်မျိုးနွယ်စုဝင်များမှာ မနေနိုင်တော့ဘဲ အားပေးသြဘာ ပေးလိုက်ကြလေသည်။</p> <p>နှစ်ပေါင်းများစွာ ကြာပြီးနောက်…..</p> <p>လျိုနှင့် ကျောက် မျိုးနွယ်စုများသည် ဖိနှိပ် ချုပ်ချယ်ကာ ကြီးစိုးနေခဲ့ပြီး ဝမ်မျိုးနွယ်စုမှာ နေရာတိုင်းတွင် အလျှော့ပေးခဲ့ရကာ ၎င်းတို့၏ ရှင်သန်ခွင့် နယ်မြေများမှာလည်း တဖြည်းဖြည်း ကျဉ်းမြောင်းလာခဲ့ရသည်။ မည်သည့် ခုခံမှုမျိုး မဆို လျိုနှင့် ကျောက် မျိုးနွယ်စုများ၏ ပူးပေါင်း ဖိနှိပ်မှုကိုသာ ဖြစ်ပေါ်စေခဲ့သည်။</p> <p>သို့သော် ယနေ့တွင် ၎င်းတို့သည် နောက်ဆုံး၌ ၎င်းတို့၏ ခေါင်းကို မတ်မတ် ထောင်နိုင်ခဲ့ပြီ ဖြစ်သည်။</p> <p>အသက် ဆယ့်တစ်နှစ် အရွယ် ကလေးမလေး ဝမ်လော်ချိုးသည် လျိုမျိုးနွယ်စု၏ မျိုးဆက်သစ် လူငယ်များ အထဲမှ တရားဝင် သွေးဆက်ကို မျက်နှာချင်းဆိုင် အလဲထိုးနိုင်ခဲ့သည်။</p> <p>အထူးသဖြင့် ဝမ်မျိုးနွယ်စု၏ မျိုးဆက်ဟောင်းများ အတွက်မူ ၎င်းတို့သည် တိမ်တိုက်များ အကြားမှ ကြည်လင်သော ကောင်းကင်ကြီးကို မြင်တွေ့လိုက်ရသကဲ့သို့ ရုတ်တရက် ဉာဏ်အလင်း ပွင့်သွားပြီး စိတ်သက်သာရာ ရသွားသလို ခံစားလိုက်ရသည်။ နှစ်ပေါင်းများစွာ ဖိနှိပ်ခံထားရမှုများသည် ဝမ်လော်ချိုး၏ အားရပါးရ ထိုးကြိတ်မှု အောက်တွင် လုံးဝ လွတ်မြောက်သွားသကဲ့သို့ ဖြစ်နေလေသည်။</p> <p>အောင်ပွဲမှာ အလွန် ရှင်းလင်း ပြတ်သားလှသဖြင့် ဝမ်လော်လန်ကို ပွေ့ချီထားသော ဝမ်ရှိုကျဲ့ ကိုယ်တိုင်ပင် တိတ်တဆိတ် ခေါင်းညိတ်လိုက်မိသည်။ လော်ချိုး... ဒီကောင်မလေးက တိုက်ခိုက်ရေးမှာ တကယ်ကို အရည်အချင်း ရှိတာပဲ။ လွန်ခဲ့တဲ့ ရက်အနည်းငယ်က လှည့်လည် ကျင့်ကြံသူတွေနဲ့ တိုက်ခဲ့တာနဲ့ စာရင် သူမ အများကြီး တိုးတက်လာတယ် သူမရဲ့ လှုပ်ရှားမှုတွေက ပိုပြီး ရှင်းလင်း ပြတ်သားလာသလို ချီစွမ်းအင် ပေါက်ကွဲထွက်မှုကလည်း ကွက်တိပဲ။</p> <p>သို့သော် ဝမ်ရှိုကျဲ့ အလွန် ကောင်းစွာ သိရှိသည်မှာ ဤအရာသည် လျိုယုံးဟောက် ဆိုသည့် ထိုကောင်လေးတွင် အလယ်အလတ်အဆင့် အခြေခံ စွမ်းရည်သာ ရှိပြီး လှည့်လည် ကျင့်ကြံသူများ အထဲမှ အသက်စွန့်သူများလောက်ပင် မကောင်းသောကြောင့် ဖြစ်သည်။</p> <p>အပြင်ဘက်တွင် တဖြည်းဖြည်း များပြားလာသော ပွဲကြည့် ပရိသတ်များမှာလည်း စတင် အားပေး အော်ဟစ်လာကြသည်။ မူလက ၎င်းတို့ အများစုမှာ ဝမ်မျိုးနွယ်စုဘက်မှ ရပ်တည်ခဲ့ကြပြီး လျိုမျိုးနွယ်စုမှာ အားနည်းသူများကို အနိုင်ကျင့်သဖြင့် အရိုက်ခံရခြင်း ဖြစ်သည်။ ဤကဲ့သို့သော နောက်ဆုံး ရလဒ်မှာ သဘာဝကျကျပင် ၎င်းတို့အတွက် ကျေနပ်စရာ ဖြစ်ပေသည်။</p> <p>ဝမ်မျိုးနွယ်စု၏ အောင်ပွဲခံ အောင်ပွဲခံမှုနှင့် နှိုင်းယှဉ်ပါက….</p> <p>လျိုမျိုးနွယ်စုဝင်များ၏ မျက်နှာများမှာ ရေများပင် တစက်စက် ကျလာတော့မတတ် မည်းမှောင်နေပြီ ဖြစ်သည်။ ၎င်းတို့သည် ဖိနှိပ်ရန် မအောင်မြင်ခဲ့သည့်အပြင် အထိုးခံခဲ့ရပြီး မျက်နှာ အကြီးအကျယ် ပျက်သွားခဲ့ရသည်။</p> <p>မျိုးနွယ်စုဝင် အချို့ ရှေ့ထွက်လာပြီး ခေါင်းဆောင်ငယ် လျိုယုံးဟောက်အား တွဲကူရန် လာသောအခါ ၎င်းတို့၏ လှုပ်ရှားမှုများပင်လျှင် စိတ်ပျက်အားငယ်နေပုံ ရလေသည်။</p> <p>ကျောက်မျိုးနွယ်စု၏ ခေါင်းဆောင် ကျောက်ဂျင်ရှန်းသည် လျိုရှန်းယဲ့အား တစ်ချက် ကြည့်လိုက်ပြီး မျက်မှောင် အနည်းငယ် ကြုတ်ကာ ပြောလိုက်သည်။</p> <p>"ညီအစ်ကို လျို... နောင်ကျရင် ပိုက်ဆံရှာဖို့ပဲ အာရုံမစိုက်နေနဲ့ဦး မျိုးဆက်သစ် လူငယ်တွေကို သင်ကြားပေးတဲ့ နေရာမှာလည်း အားထုတ်မှု ပိုလုပ်သင့်တယ် ယုံးဟောက်ရဲ့ အခြေခံ စွမ်းရည်တွေက နည်းနည်း လိုအပ်နေတယ်"</p> <p>သိုင်းပညာတွင် ထူးချွန်သော ခေါင်းဆောင် တစ်ဦး ဖြစ်သည့် ကျောက်ဂျင်ရှန်းသည် အခွင့်အရေး ယူတတ်ပြီး ကပ်စေးနှဲသော လျိုရှန်းယဲ့အား အမြဲတမ်း အထင်သေးလေ့ ရှိသည်။</p> <p>သူ၏ အမြင်တွင် သိုင်းဆွေကြီးမျိုးကြီး မိသားစုသည် နောက်ဆုံးတွင် ကိုယ်တိုင် အင်အားကြီးမားရန် လိုအပ်ဆဲ ဖြစ်သည်။</p> <p>အင်အားကြီးမားလာသည်နှင့် ဆန့်ကျင်ဘက် အသံများ အားလုံးကို ဖိနှိပ်နိုင်မည် ဖြစ်သည်။ အင်အားကြီးမားလာသည်နှင့် သဘာဝကျကျပင် အရင်းအမြစ်များ ပိုမို ရရှိလာမည် ဖြစ်သည်။</p> <p>လျိုရှန်းယဲ့၏ မျက်နှာ တွန့်လိမ်သွားပြီး သရော်သည့် လေသံဖြင့် ပြောလိုက်သည်။</p> <p>"ညီအစ်ကို ဂျင်ရှန်းကရော သူ့ရဲ့ တရားဝင် သားကို အဲဒီ ကောင်မလေးနဲ့ တိုက်ခိုက်ဖို့ လွှတ်မလို့များလား မင်းရဲ့ တရားဝင် သားက အသက် ဆယ့်လေးနှစ်ပဲ ရှိသေးတယ် ပြီးတော့ သူ့ရဲ့ ကျင့်ကြံမှုက ချီသန့်စင်ခြင်း တတိယအဆင့်ကို သီသီလေးပဲ ရောက်သေးတာ အဲဒီ ကောင်မလေးကို ယှဉ်နိုင်ဖို့ သိပ်မသေချာဘူးလို့ ထင်တယ်"</p> <p>"ဘယ်လိုပဲဖြစ်ဖြစ် ဒီတစ်ပွဲကို ငါတို့ ပြန်နိုင်အောင် လုပ်ရမယ်"</p> <p>ကျောက်ဂျင်ရှန်းက သူ၏ မုတ်ဆိတ်မွေးများကို ပွတ်သပ်ကာ ပြောလိုက်သည်။</p> <p>"ကြည့်စမ်း အဲဒီ ကောင်မလေးက တိုက်ပြီးတော့ ပြန်သွားပြီ"</p> <p>သေချာ ကြည့်လိုက်သောအခါ တကယ်ပင် ဖြစ်နေလေသည်။</p> <p>ဝမ်လော်ချိုးသည် ဝမ်ရှိုကျဲ့၏ လှုပ်ရှားမှုများကို အတုခိုးကာ အေးအေးဆေးဆေး ပြန်လျှောက်သွားသည်ကို မြင်လိုက်ရသည်။ လျိုနှင့် ကျောက် မျိုးနွယ်စုများ၏ မျိုးဆက်သစ် လူငယ်များ အားလုံးမှာ အမှိုက်တွေချည်းပဲ ဆိုသည့် အထင်အမြင်မျိုးဖြင့် သူမ အားထုတ်ရလောက်အောင် တန်သူ တစ်ယောက်မျှ မရှိဟု ယူဆနေပုံ ရသည်။</p> <p>လျိုရှန်းယဲ့၏ မျက်လုံးများ လင်းလက်သွားလေသည်။</p> <p>"ညီအစ်ကို ကျောက် ဆိုလိုတာက..."</p> <p>"ငါ့သား ကျောက်တင့်ထန်လား... သူက ငယ်ငယ်ကတည်းက သိုင်းပညာကို ကြိုးကြိုးစားစား ကျင့်ကြံခဲ့တာ ဒါပေမဲ့ သူက ဝမ်လော်ချိုးထက် နည်းနည်းပဲ သာတာ တိုက်ပွဲမှာ အနိုင်ရဖို့ အာမခံချက် မရှိဘူး"</p> <p>ကျောက်ဂျင်ရှန်းက တည်ငြိမ်စွာ တွက်ချက်လိုက်သည်။</p> <p>"မျိုးဆက်သစ် လူငယ်တွေ အပိုင်းမှာ ငါတို့ ထပ်ပြီး ရှုံးလို့ မရတော့ဘူး တင့်ထန်"</p> <p>သူ၏ အနောက်မှ ခွန်အားကြီးမားသော လူငယ် တစ်ဦး ထွက်လာပြီး ဩရှသော အသံဖြင့် ပြောလိုက်သည်။</p> <p>"ကျွန်တော် ဒီမှာပါ"</p> <p>"မင်း သွားပြီး စကားကြီးစကားကျယ် ပြောနေတဲ့ ဟို ကောင်မလေး နောက်တစ်ယောက်ကို စိန်ခေါ်လိုက်"</p> <p>"ဒါက... ကျွန်တော် ခုနက တစ်ယောက်နဲ့ တိုက်ချင်တာ သူက သန်မာတယ် စိတ်ဝင်စားစရာ ကောင်းတယ်"</p> <p>"ငါ ပြောတာ နားထောင် ငါတို့ ထပ်ရှုံးလို့ မရတော့ဘူး"</p> <p>"ဟုတ်ကဲ့"</p> <p>တောင့်တင်း သန်စွမ်းသော လူငယ် ကျောက်တင့်ထန်မှာ အတော်လေး အကူအညီမဲ့နေပုံ ရလေသည်။ သူက ရင်ပြင်ဆီသို့ ချက်ချင်း လျှောက်သွားပြီး ဝမ်မျိုးနွယ်စုဘက်သို့ အော်ဟစ်လိုက်သည်။</p> <p>"သခင်မလေး ဆင်းလာခဲ့ပါ ယှဉ်ပြိုင်ကြရအောင်"</p> <p>ထို့နောက် သူက ဝမ်လော်ချင်းအား လက်ညှိုးထိုးပြလိုက်သည်။</p> <p>"ငါလား"</p> <p>ဝမ်လော်ချင်း အနည်းငယ် အံ့ဩသွားလေသည်။</p> <p>"ဟုတ်တယ် မင်းကို ပြောနေတာ"</p> <p>ကျောက်တင့်ထန်၏ အသံက ကျယ်လောင်စွာ ထွက်ပေါ်လာလေသည်။</p> <p>"ငါက မူလက ခုနက ကျားမလေးကို တိုက်ချင်တာ ဒါပေမဲ့ ငါ့အဖေက ငါတို့ ထပ်ရှုံးလို့ မရတော့ဘူး ဆိုတော့ ငါ မင်းကိုပဲ တိုက်ရတော့မှာပေါ့"</p> <p>မြင်ကွင်း တစ်ခုလုံး တိတ်ဆိတ်သွားလေသည်။</p> <p>ခဏကြာပြီးနောက် ပတ်ဝန်းကျင် တစ်ခုလုံး ရယ်မောသံများဖြင့် ပေါက်ကွဲထွက်သွားလေသည်။ ထိုလူငယ်က ဒီထက် ပိုပြီး ရိုးသားလို့ ရဦးမလား။</p> <p>ဝမ်ရှိုကျဲ့၏ နှုတ်ခမ်းထောင့်များပင် အနည်းငယ် တွန့်လိမ်သွားလေသည်။ ကျောက်မျိုးနွယ်စု၏ မျိုးဆက် တရားဝင် သားဖြစ်သူ ကျောက်တင့်ထန်သည် လူမှုဆက်ဆံရေးတွင် မကျွမ်းကျင်ဘဲ ကျင့်ကြံခြင်းကိုသာ ပို၍ အာရုံစိုက်လေ့ ရှိကြောင်း ကောလာဟလများ ရှိခဲ့သည်။ သူ ဤမျှ ရိုးသားလိမ့်မည်ဟု မထင်မှတ်ထားခဲ့ပေ။</p> <p>သို့သော် ထိုကောင်လေး၏ ချီစွမ်းအင်မှာ နက်ရှိုင်းပြီး သူ၏ ခန္ဓာကိုယ်မှာ တောင့်တင်းကာ ကြွက်သားများ အပြည့် ရှိလေသည်။ သူ လမ်းလျှောက်ရာတွင်လည်း တည်ငြိမ်ပြီး ခိုင်မာသဖြင့် သူ၏ အခြေခံ စွမ်းရည်များမှာ မဆိုးလှကြောင်း သိသာလှပေသည်။</p> <p>ဝမ်လော်ချိုးသည် ဤပြိုင်ဘက်ကို မြင်သည်နှင့် ချက်ချင်း စိတ်လှုပ်ရှားသွားပြီး အလွန် စိတ်ဝင်စားသွားလေသည်။</p> <p>"ကိစ္စမရှိပါဘူး တိုက်ကြတာပေါ့ ငါ မင်းကို အလျှော့ပေးပါ့မယ်"</p> <p>စင်ပေါ်တက်ရန်အတွက် သူမကို ကျားမလေးဟု ခေါ်သည်ကိုပင် ဂရုမစိုက်တော့ချေ။</p> <p>သို့သော် သူမ စကားမဆုံးမီမှာပင် ဝမ်လော်ချင်းက သူမကို နောက်သို့ ဆွဲချလိုက်လေသည်။</p> <p>"ဖယ်စမ်း နင်က တစ်ပွဲ တိုက်ပြီးပြီလေ အခု ငါ့အလှည့်ပဲ"</p> <p>ထို့နောက် ဝမ်လော်ချိုး ပြန်လည် မတုံ့ပြန်နိုင်မီမှာပင် ဝမ်လော်ချင်းသည် လှေကားထစ်များမှ ပြေးဆင်းသွားပြီး ရင်ပြင်သို့ လျှောက်သွားကာ ကျောက်တင့်ထန်အား ပြောလိုက်သည်။</p> <p>"ဝမ်လော်ချင်း ကျေးဇူးပြုပြီး လမ်းညွှန်ပေးပါ"</p> <p>ထိုအရာကို မြင်သောအခါ ဝမ်လော်ချိုးက နှုတ်ခမ်းဆူကာ နောင်တရစွာဖြင့် ပြောလိုက်သည်။</p> <p>"တိုက်ချင်လွန်းလို့ အသေခံမယ့်သူ ရှိမယ်မှန်း သိရင် ငါ အစကတည်းက ပြန်မလာခဲ့ပါဘူး"</p> <p>ဝမ်ရှိုကျဲ့က ဘေးတွင် တိတ်တဆိတ် ရယ်မောနေမိသည်။ ထိုကောင်မလေးကို ဘယ်သူက ဒီလောက် မာနကြီးခိုင်းလို့လဲ။ နိုင်တာက နိုင်တာပဲ... ဒါပေမဲ့ သူက ကြွားလုံးထုတ်ချင်သေးတယ် ပြီးတော့ ငါ့ရဲ့ လမ်းလျှောက်ပုံကိုတောင် အတုခိုးချင်သေးတယ် ပြီးတော့ သူက သူ့ရဲ့ ကိုယ်ဟန်ကို တမင် ချဲ့ကားပြနေတာ။</p> <p>"ဆဋ္ဌမအစ်မက အရမ်း အစွမ်းထက်နေပြီ"</p> <p>ဝမ်လော်လန်က အားကျစွာဖြင့် ပြောလိုက်သည်။</p> <p>"လော်လန် ကြီးလာရင်လည်း ဆဋ္ဌမအစ်မလို အစွမ်းထက်ချင်တယ်"</p> <p>ဤချီးကျူးမှုက ဝမ်လော်ချိုးကို ပြုံးသွားစေသည်။ သူမက လက်ကို နောက်ပစ်ကာ ခေါင်းကို မတ်မတ်ထားပြီး နိုင်ငံကို ဦးဆောင်မည့် လေသံဖြင့် ပြောလိုက်သည်။</p> <p>"ဒီလောက်ပါပဲ လော်လန်... နင့်ကို အစ်မ ပြောပြမယ်... တောင်တွေရဲ့ အလွန်မှာ တောင်တွေ ရှိသေးတယ် လူတွေရဲ့ အထက်မှာ လူတွေ ရှိသေးတယ် ပြိုင်ဘက်ကင်း ဧကရာဇ်ဆီ သွားမယ့် လမ်းက အခက်အခဲတွေ အတားအဆီးတွေနဲ့ ပြည့်နှက်နေမှာ သေချာတယ် ဇွဲရှိရှိနဲ့ ဆက်သွားသရွေ့..."</p> <p>"တော်တော့ အငယ်ဆုံးလေးကို အလိုမလိုက်နဲ့"</p> <p> </p> <p>ဝမ်ရှိုကျဲ့က ဖြတ်ပြောလိုက်ပြီး သူမ ဒေါသထွက်ရန် မစောင့်တော့ဘဲ အလျင်အမြန် ပြောလိုက်သည်။</p> <p>"ဒီတိုက်ပွဲမှာ မင်းရဲ့ စွမ်းဆောင်ရည် မဆိုးပါဘူး မင်းကို ကုသိုလ်မှတ် ၅၀ ပေးမယ်"</p> <p>ကုသိုလ်မှတ်လား….</p> <p>ဝမ်လော်ချိုး၏ မျက်လုံးများ ကျဉ်းမြောင်းသွားပြီး သူမ ပျော်ရွှင်စွာ ပြုံးလိုက်ရာ ပါးချိုင့်လေးများပင် ပေါ်လာလေသည်။ သို့သော် သူမက ဈေးဆစ်နေဆဲ ဖြစ်သည်။</p> <p>"၅၀ တည်းလား သူက တရားဝင်သားကြီးလေ ဒီလောက်လေးပဲ တန်လို့လား"</p> <p>'တရားဝင် သားကြီး' ဟူသော စကားလုံးများကို သူမက အလေးပေး ပြောလိုက်ပြီး တရားဝင် သား ဆိုသည်မှာ အလွန် တန်ဖိုးရှိကြောင်း အလေးပေး ပြောဆိုလိုပုံ ရသည်။</p> <p>ဝမ်ရှိုကျဲ့ ရှင်ကလည်း တရားဝင် သားပဲလေ…..</p> <p>"သူက အမှိုက် တစ်ကောင် သက်သက်ပဲ နင် အရင်က နိုင်ခဲ့တဲ့ ကျင့်ကြံသူလောက်တောင် မကောင်းဘူး နင် ငါ့ရဲ့ ပံ့ပိုးမှုကို မလိုချင်ရင်လည်း ထားလိုက်တော့"</p> <p>"ယူမယ် ယူမယ် ၅၀ ဆိုလည်း ၅၀ ပေါ့"</p> <p>ဝမ်လော်ချိုးက အကူအညီမဲ့စွာ ပြောလိုက်သည်။</p> <p>"ဝမ်လော်ချင်း နိုင်မယ့် တစ်ယောက်ကကော ဘယ်လောက် တန်လဲ"</p> <p>"ကျောက်တင့်ထန်က သာမန် ဇာတ်ကောင် မဟုတ်ဘူး သူ့မှာ ခိုင်မာတဲ့ အခြေခံ ရှိတယ်"</p> <p>ဝမ်ရှိုကျဲ့က အနည်းငယ် လေးနက်သော မျက်နှာထားဖြင့် ပြောလိုက်သည်။</p> <p>"တကယ့် တိုက်ပွဲမှာ သူ့ရဲ့ စွမ်းဆောင်ရည် အပေါ်မှာ မူတည်ပေမယ့် ငါ အကဲဖြတ်ကြည့်ရသလောက်တော့ သူက အနည်းဆုံး ကုသိုလ်မှတ် ၁၀၀ လောက် တန်တယ်"</p> <p>တစ်... တစ်ရာ ဟုတ်လား……</p> <p>ဝမ်လော်ချိုး၏ အမြင်အာရုံများ မည်းမှောင်သွားပြီး သူမ မူးဝေသွားကာ အူတွေ အသည်းတွေ လိမ်ထွက်မတတ် နောင်တရသွားလေသည်။ ဤသို့ ဖြစ်မည်မှန်း သိပါက ကျောက်တုံး ကတ်ကြေး စက္ကူကစားရာတွင် ရှုံးလိုက်ခြင်းက ပိုကောင်းမည် မဟုတ်ပါလား။</p> <p>သူမ စိတ်ဝင်စားမှု ပျောက်ဆုံးသွားလေသည်။</p> <p>...</p> <p>"ကျောက်မျိုးနွယ်စုက ကျောက်တင့်ထန်"</p> <p>ကျောက်တင့်ထန်က ရူးကြောင်ကြောင် ပြုံးကာ ပြောလိုက်သည်။</p> <p>"သခင်မလေး... ဘယ်လက်နက် သုံးမှာလဲ"</p> <p>"……"</p> <p>ဝမ်လော်ချင်း နားမလည်နိုင် ဖြစ်သွားလေသည်။</p> <p>"ငါက လက်နက် သုံးရတာ သိပ်မကျွမ်းကျင်ဘူး"</p> <p>"ဒါဆိုရင်လည်း ကျွန်တော် ရိုင်းတယ်လို့ မပြောနဲ့နော်"</p> <p>ကျောက်တင့်ထန်က ပြောပြီး လက်ကို ဝှေ့ယမ်းလိုက်သည်။ ချက်ချင်းပင် မိသားစု အစေခံ တစ်ဦးက သူ၏ လက်နက်ကို သယ်ဆောင်လာရာ ၎င်းမှာ ရှစ်ထောင့် တူတစ်စုံ ဖြစ်လေသည်။</p> <p>ပွဲကြည့်သူများ ချက်ချင်းပင် ရုတ်ရုတ်သဲသဲ ဖြစ်သွားကြပြီး သခင်မလေးက လက်နက်တောင် မသုံးဘဲနဲ့ ခွန်အားကြီးမားတဲ့ အမျိုးသား တစ်ယောက်နဲ့ တူတဲ့ မင်းက တူကြီး နှစ်လက်ကို သုံးမယ် ဟုတ်လား ဒါက အနိုင်ကျင့်တာ မဟုတ်ဘူးလား ဟု ပြောဆိုလာကြသည်။</p> <p>မင်းရဲ့ အရှက်က ဘယ်မှာလဲ။</p> <p>ခုနက လျိုယုံးဟောက်ကတောင် ပိုကောင်းသေးတယ် အနည်းဆုံးတော့ သူက လက်နက်မဲ့ အချင်းချင်း တိုက်ရမယ် ဆိုတာကို သိသေးတယ်။</p> <p>ကံမကောင်းစွာဖြင့် ထိုလှောင်ပြောင်သော စကားများက ကျောက်တင့်ထန် အပေါ် မည်သည့် သက်ရောက်မှုမျှ မရှိခဲ့ပေ။ သူသည် ရူးကြောင်ကြောင် ဆက်လက် ပြုံးနေပြီး သူ၏ လေးလံသော တူနှစ်လက်ကို ကိုင်ကာ ပြောလိုက်သည်။</p> <p>"သခင်မလေး... ကျေးဇူးပြုပြီး လမ်းညွှန်ပေးပါ"</p> <p>ဝမ်လော်ချင်း ချွေးအေးများ ထွက်လာလေသည်။</p> <p>ဒီကောင်က တကယ် ရူးနေတာလား ဒါမှမဟုတ် ရူးချင်ယောင် ဆောင်နေတာလား။ သူ၏ ရူးကြောင်ကြောင် အသွင်အပြင် အောက်တွင် ကောက်ကျစ်မှု တစ်ခု ဖုံးကွယ်နေသကဲ့သို့ ခံစားရလေသည်။</p> <p>သူမ သတိထားရပေမည်။</p> <p>အကယ်၍ သူမသာ မြောင်းထဲမှာ လှေမှောက်သွားရင် ဝမ်လော်ချိုးက သူမကို သေအောင် ရယ်လိမ့်မည်။</p> <p>"ကျေးဇူးပြုပြီး လမ်းညွှန်ပေးပါ"</p> <p>ဝမ်လော်ချင်းကလည်း ကိုယ်ဟန် ယူလိုက်ပြီး ကုသိုလ်မှတ်များဖြင့် လဲလှယ်ထားသော အရည်အသွေးကောင်း သံမဏိ ဓားတို တစ်လက်ကို ဆွဲထုတ်လိုက်လေသည်။</p> <p>သူမ စကားမဆုံးမီမှာပင် ကျောက်တင့်ထန်က ဟိန်းဟောက်လိုက်ပြီး သူ၏ ရှစ်ထောင့် တူကြီးကို ဝှေ့ယမ်းကာ အရိုင်းကောင် တစ်ကောင်ကဲ့သို့ ပြေးဝင်လာလေသည်။ တူ တစ်ချက် ဝှေ့ယမ်းလိုက်သည်နှင့် လေထုကပင် ပေါက်ကွဲထွက်တော့မည့် အလား ဖြစ်နေလေသည်။</p> <p>သူသည် မည်သည့် တုံ့ဆိုင်းမှုမျှ မရှိဘဲ တိုက်ခိုက်ခြင်းကို စတင်လိုက်လေသည်။</p> <p>လူတိုင်း ချက်ချင်းပင် တင်းမာသွားကြသည်။ ကျောက်တင့်ထန်မှာ အလွန် အစွမ်းထက်ပုံ ရလေသည်။ အကယ်၍ ထိုတူသာ ထိသွားပါက လော်ချင်းမှာ မသေလျှင်တောင် အပြင်းအထန် ဒဏ်ရာရသွားပေလိမ့်မည်။</p> <p>ကံကောင်းထောက်မစွာဖြင့် ဝမ်လော်ချင်းသည် ကြိုတင် ပြင်ဆင်ထားလေသည်။ သူမသည် လော်ချိုး၏ ရုတ်တရက် တိုက်ခိုက်မှုများကို အမြဲ ခံနေရသဖြင့် ခြေဖျားလေးကို ညင်သာစွာ ပင့်လိုက်ပြီး ကျက်သရေရှိသော ငှက်တစ်ကောင်ကဲ့သို့ နောက်သို့ ပျံသန်းသွားလေသည်။</p> <p>"ဘန်း"</p> <p>ကျောက်တင့်ထန်၏ တူသည် မြေပြင်ကို ရိုက်ခတ်သွားပြီး သူ၏ ခြေအောက်ရှိ ကျောက်ပြားပေါ်တွင် အပေါက်ကြီး တစ်ပေါက် ဖြစ်သွားကာ ကျောက်စများ နေရာအနှံ့ လွင့်စဉ်သွားလေသည်။</p> <p>ဝမ်ရှိုကျဲ့၏ မျက်လုံးများ ကျဉ်းမြောင်းသွားလေသည်။ မျှော်လင့်ထားသည့် အတိုင်းပင် ကျောက်တင့်ထန်မှာ သာမန် မဟုတ်ပေ။ သူ့တွင် သွေးမျိုးဆက် ပြောင်းလဲမှု မရှိလျှင်တောင် အနည်းဆုံးတော့ ထူးခြားသော ပါရမီ ရှိလေသည်။</p> <p>ထိုစွမ်းအားမျိုးကို ဖွံ့ဖြိုးတိုးတက်မှု စတင်ရန် အလှမ်းဝေးနေသေးသည့် ဝမ်လော်ချိုးပင်လျှင် ယှဉ်နိုင်မည် မဟုတ်ပေ။</p> <p>"ဒါက..."</p> <p>ဝမ်လော်ချိုး ကိုယ်တိုင်ပင် အနည်းငယ် အံ့ဩသွားလေသည်။</p> <p>"ဒီကောင်က အရမ်း အစွမ်းထက်တာပဲ သူက မိစ္ဆာကောင်လား"</p> <p>သူမ ကိုယ်တိုင် ထိုနေရာတွင် ဝင်ရောက် တွေးကြည့်လိုက်ရာ တိုက်ခိုက်ရန် အလွန် ခက်ခဲမည်ဟု ခံစားရပြီး ရှုံးနိုင်ချေ အနည်းငယ် ပိုများနေပုံ ရလေသည်။ သေချာသည်မှာ ရလဒ်ကတော့ မသေချာသေးပေ၊ ဘာပဲဖြစ်ဖြစ် တိုက်ခိုက်ခြင်း ဆိုသည်မှာ ခွန်အား တစ်ခုတည်း အကြောင်း မဟုတ်ပေ။</p> <p>ဝမ်ရှိုကျဲ့က သူမကို တစ်ချက် ကြည့်လိုက်သည်။ သူ့ကို ယှဉ်ရင် နင်က မိစ္ဆာကောင် မဟုတ်ဘူးလား နင်က အသက် ဆယ့်တစ်နှစ်ပဲ ရှိသေးပြီး ဖွံ့ဖြိုးတိုးတက်မှုလည်း မရှိသေးဘူးလေ။</p> <p>သို့သော် ဝမ်ရှိုကျဲ့ အနည်းငယ် စိတ်သက်သာရာ ရသွားသည်။ ကျောက်ကောင်လေးကို ကိုင်တွယ်နိုင်စွမ်း ရှိသော လော်ချင်းအတွက် အားသာချက်မှာ ပို၍ပင် ထင်ရှားလေသည်။ အဘယ်ကြောင့်ဆိုသော် ထိုကောင်လေးမှာ အစွမ်းထက်သော်လည်း သူ၏ အမြန်နှုန်းမှာ ဝမ်လော်ချိုးထက် အနည်းငယ် နှေးကွေးသောကြောင့် ပင်ဖြစ်သည်။</p> <p>ကြီးမားသော အလေးချိန်နှင့် ထိုတူကြီး နှစ်လက်က ရှိနေသည် မဟုတ်ပါလား။</p> <p>ဝမ်ရှိုကျဲ့က ထိုသို့ ကောက်ချက်ချလိုက်သော်လည်း အခြားသူများကလည်း ထိုကဲ့သို့ မြင်သည်ဟု မဆိုလိုပေ။</p> <p>စစ်မြေပြင်ပေါ်တွင် ကျောက်တင့်ထန်သည် အားသာချက် အားလုံးကို ပိုင်ဆိုင်ထားပြီး တိုက်ပွဲကို ထိန်းချုပ်ထားပုံ ရလေသည်။ သူသည် နေရာအနှံ့ ပြေးလွှား တိုက်ခိုက်နေပြီး ကြီးမားသော စွမ်းအားများကို ပြသနေလေသည်။ အခြားတစ်ဖက်တွင် ဝမ်လော်ချင်းမှာမူ ဘယ်ညာ ရှောင်တိမ်းနေရုံသာ တတ်နိုင်ပြီး အကြိမ်တိုင်း ထိခိုက်မိမည့် အန္တရာယ်မှ သီသီလေး လွတ်မြောက်နေရကာ အတော်လေး အခြေအနေ ဆိုးနေပုံ ရလေသည်။</p> <p>ကြည့်ရသည်မှာ ကျောက်တင့်ထန်သည် အနည်းငယ် ထပ်မံ အားထုတ်လိုက်ရုံဖြင့် ဝမ်လော်ချင်းကို အနိုင်ယူနိုင်မည့်ပုံ ပေါ်လေသည်။</p> <p>သို့သော် ဝမ်လော်ချင်းက သူမ၏ စွမ်းရည်များကို ဖုံးကွယ်ထားကြောင်း သူ မသိခဲ့ပေ။ သူမ၏ အမြန်နှုန်းနှင့် သွက်လက်မှုမှာ ဝမ်လော်ချိုးထက် အနည်းငယ် သာလွန်လေသည်။ သူမ၏ လှုပ်ရှားမှုများက သူ့ကို နှာခေါင်းမှ ဆွဲခေါ်သွားသကဲ့သို့ ဖြစ်နေပြီး သူ၏ ရုပ်ပိုင်းဆိုင်ရာ ခွန်အားနှင့် ချီစွမ်းအင် အမြောက်အမြားကို ကုန်ဆုံးစေနေလေသည်။</p> <p>သူမ၏ နည်းဗျူဟာများမှာ အလွန် မှန်ကန်လှပြီး ဝမ်ရှိုကျဲ့ ကိုယ်တိုင်ပင် သဘောတူစွာဖြင့် တိတ်တဆိတ် ခေါင်းညိတ်လိုက်မိသည်။ လော်ချင်း၏ အားသာချက်မှာ သူမ၏ ပါရမီတွင်သာ မဟုတ်ဘဲ တိုက်ပွဲအတွင်း သူမ၏ ဦးနှောက်ကို အသုံးပြုလိုသည့် ဆန္ဒတွင်လည်း ပါဝင်ပြီး အစကတည်းက တိုက်ပွဲ တစ်ခုလုံးအတွက် အစီအစဉ် ချထားခြင်း ပင်ဖြစ်သည်။</p> <p>ရုတ်တရက်...</p> <p>မမျှော်လင့်ထားသော အပြောင်းအလဲ တစ်ခု ဖြစ်ပေါ်လာလေသည်။</p> <p>ဝမ်လော်ချင်းသည် ကျောက်တင့်ထန်၏ တိုက်ခိုက်မှုကို လက်တစ်လုံးအလိုမှ ထပ်မံ ရှောင်တိမ်းလိုက်စဉ် ကျောက်တင့်ထန်က ရယ်မောလိုက်ပြီး ရုတ်တရက် ဟိန်းဟောက်လိုက်လေသည်။ မျက်စိတစ်မှိတ် အတွင်းမှာပင် သူ၏ အထွတ်အထိပ်သို့ ရောက်ရှိနေပြီ ဖြစ်သော အမြန်နှုန်းသည် နောက်ထပ် ဆယ်ရာခိုင်နှုန်း၊ နှစ်ဆယ်ရာခိုင်နှုန်းခန့် ထပ်မံ တိုးလာပြီး နောက်ချန် ပုံရိပ်တစ်ခု ချန်ရစ်ကာ ဝမ်လော်ချင်းဆီသို့ သူ၏ တူကို ဝှေ့ယမ်းလိုက်လေသည်။</p> <p>သူ့စွမ်းရည်တွေကို ဖုံးကွယ်ထားတာပဲ။</p> <p>ရူးကြောင်ကြောင် ကျောက်တင့်ထန်သည် ဤမျှ ကောက်ကျစ်လိမ့်မည်ဟု လူအများအပြား မထင်မှတ်ထားခဲ့ကြပေ။ သူသည် အစကတည်းက သူ၏ အမြန်နှုန်းကို ထိန်းချုပ်ထားခဲ့ပြီး ရလဒ်ကို အဆုံးအဖြတ်ပေးမည့် အရေးကြီးဆုံး အချိန်ကျမှသာ အပြည့်အဝ ပေါက်ကွဲထွက်လာခဲ့ခြင်း ပင်ဖြစ်သည်။</p> <p>မကောင်းတော့ဘူး……</p> <p>ဝမ်မျိုးနွယ်စုဝင်များ၏ မျက်နှာများ သိသိသာသာ ပြောင်းလဲသွားလေသည်။</p> <p>အခြားတစ်ဖက်တွင် လျိုနှင့် ကျောက် မျိုးနွယ်စုဝင်များမှာမူ ဤအချိန်တွင် အလွန် ဝမ်းသာနေကြလေသည်။</p> <p>သူတို့ နိုင်ပြီ…….</p> <p>အကယ်၍ ထိုကောင်မလေးသာ ဤတူဖြင့် အတိုက်ခံရပါက မသေလျှင်တောင် အပြင်းအထန် ဒဏ်ရာရသွားပေလိမ့်မည်။ ဝမ်မျိုးနွယ်စုက ထပ်ပြီး မာနကြီးရဲဦးမလား။</p> <p>ဤအရေးကြီးသော အချိန်တွင်...</p> <p>ဝမ်လော်ချင်း၏ မျက်နှာအမူအရာ လုံးဝ ပြောင်းလဲသွားခြင်း မရှိဘဲ သူမက လက်ကို တစ်ချက် ဝှေ့ယမ်းလိုက်ရာ အရည်အသွေးကောင်း သံမဏိ ဓားတိုသည် ကျောက်တင့်ထန်၏ မျက်နှာဆီသို့ လွင့်ပျံသွားလေသည်။</p> <p>ကျောက်တင့်ထန်သည် သူ၏ တိုက်ခိုက်မှုကို ရပ်တန့်ကာ ရှောင်တိမ်းလိုက်ရလေသည်။ ဝမ်လော်ချင်းသည် ဘေးအန္တရာယ်မှ လွတ်မြောက်သွားပုံ ရလေသည်။ သို့သော် လက်နက် မရှိဘဲနှင့် ဝမ်လော်ချင်းသည် ကျောက်တင့်ထန်နှင့် ရင်ဆိုင်ရန် မည်သို့ လုပ်နိုင်မည်နည်း။ အစောကြီး ဖြစ်စေ၊ နောက်ကျမှ ဖြစ်စေ သူမ ရှုံးနိမ့်သွားပေလိမ့်မည်။ ချက်ချင်းပင် သူသည် အပြည့်အဝ ပေါက်ကွဲထွက်ကာ ထပ်မံ၍ တိုက်ခိုက်လာလေသည်။</p> <p>"ဟဲဟဲ..."</p> <p>ဝမ်လော်ကျင်းက ညင်သာစွာ ရယ်မောလိုက်ပြီး သူမ၏ လှုပ်ရှားမှုများမှာ ယခင်ကထက် ပိုမို မြန်ဆန်လာကာ ကျောက်တင့်ထန်ကို နှာခေါင်းမှ ဆက်လက် ဆွဲခေါ်သွားလေသည်။ သူမ၏ ယခင်က ရှုပ်ထွေးနေသော အခြေအနေနှင့် နှိုင်းယှဉ်ပါက သူမသည် ယခုအခါ လိပ်ပြာ တစ်ကောင်ကဲ့သို့ ကျက်သရေရှိစွာ လှုပ်ရှားနေပြီး စာကလေး တစ်ကောင်ကဲ့သို့ ပေါ့ပါးကာ မိုးမခ အမွေးအမျှင် ကိုယ်ဖော့ပညာ၏ အဆင့်သို့ သိမ်မွေ့စွာ ရောက်ရှိနေပြီ ဖြစ်သည်။</p> <p>ဒီကောင်မလေးက သူမရဲ့ စွမ်းရည်တွေကို ဖုံးကွယ်ထားတာပဲ။ သူမရဲ့ ကိုယ်ဖော့ပညာက ဒီလောက်တောင် ထူးချွန်တာလား။ လျိုနဲ့ ကျောက် မျိုးနွယ်စုဝင်တွေရဲ့ မျက်နှာပေါ်က ဝမ်းသာမှုတွေ ချက်ချင်း ခဲအေးသွားလေတယ်။ ဒီအတိုင်း ဆက်သွားရင် သရေကျသွားနိုင်တယ် မဟုတ်ဘူးလား။</p> <p>သူတို့ မသိသောအရာမှာ ဝမ်လော်ကျင်းသည် သူမ၏ ကိုယ်ဖော့ပညာတွင် ထူးချွန်ရမည် ဖြစ်သည်။ သို့မဟုတ်ပါက သူမသည် လော်ချိုး၏ ရိုက်နှက်မှုကြောင့် အမှန်တကယ် သေဆုံးသွားနိုင်လေသည်။ ကောင်မလေး နှစ်ယောက်သည် အမြဲတမ်း ပြိုင်ဆိုင်နေကြပြီး တစ်ယောက်က အခြား တစ်ယောက်ကို အရှုံးပေးရန် လုံးဝ ဆန္ဒမရှိကြပေ။</p> <p>"နင်က နင့်ရဲ့ လျှို့ဝှက်လက်နက်ကို ထုတ်ပြလာမှတော့ ငါ မယဉ်ကျေးဘူးလို့ အပြစ်မတင်နဲ့"</p> <p>ဝမ်လော်ကျင်းက သူမ၏ လက်လေးကို လှန်လိုက်ရာ ထူးဆန်းသော ပုံသဏ္ဌာန်ရှိသည့် ပုလွေတစ်ခု သူမ၏ လက်ထဲတွင် ပေါ်လာပြီး နောက်ဆုတ်နေစဉ်မှာပင် စတင် မှုတ်လေတော့သည်။</p> <p>စူးရှသော အသံက အလွန် နားကွဲမတတ် ဖြစ်နေလေသည်။</p> <p>သို့သော် ခရမ်းရောင် သလင်းကျောက် ဝိညာဉ်ပျားများ၏ အာရုံခံ စနစ်တွင်မူ ၎င်းသည် အလွန် ရှင်းလင်း ပြတ်သားသော အမိန့် တစ်ခု ဖြစ်လေသည်။</p> <p>"ဝီ..."</p> <p>ခရမ်းရောင် သလင်းကျောက် ဝိညာဉ်ပျား တစ်အုပ် စစ်မြေပြင်သို့ ပျံသန်းလာပြီး ကျောက်တင့်ထန် ပတ်လည်တွင် လှည့်ပတ်ကာ တိုက်ခိုက်ရန် အခွင့်အရေးကို ရှာဖွေနေလေသည်။</p> <p>သို့သော် ကျောက်တင့်ထန်မှာ ရုတ်တရက် ထိတ်လန့်သွားပြီး သူ၏ ရှစ်ထောင့်တူကို အလကား ဝှေ့ယမ်းနေကာ ခရမ်းရောင် သလင်းကျောက် ဝိညာဉ်ပျားများကို ဘာမျှ မတတ်နိုင် ဖြစ်နေလေသည်။</p> <p>"ဝိညာဉ် ပိုးမွှား သခင်"</p> <p>ကျောက်ဂျင်ရှန်းနှင့် အခြားသူများ အံ့ဩတကြီး ရေရွတ်လိုက်ကြသည်။ ဝမ်မျိုးနွယ်စုတွင် ဝိညာဉ် ပိုးမွှား သခင် တစ်ဦး ပေါ်ထွက်လာကြောင်း လူတိုင်း ကြားဖူးကြသည်။ သို့သော် ဝမ်မျိုးနွယ်စုနှင့် ၎င်းတို့၏ မဟာမိတ်များ၏ လျှို့ဝှက်ထားမှုကြောင့် လူတိုင်းက ဝမ်မျိုးနွယ်စုသည် ဝိညာဉ် ပိုးမွှား သခင် တစ်ဦးကို ဖုံးကွယ်ထားသည်ဟုသာ သိထားကြသည်။</p> <p>ဝိညာဉ် ပိုးမွှား သခင်သည် ကောင်မလေး တစ်ယောက် ဖြစ်မည်ဟု ၎င်းတို့ လုံးဝ မထင်မှတ် ထားခဲ့သကဲ့သို့ တိုက်ဆိုင်စွာပင် ထိုကောင်မလေးမှာ ကျောက်တင့်ထန်နှင့် တိုက်ခိုက်နေသူ ဖြစ်နေလိမ့်မည်ဟု ၎င်းတို့ မထင်မှတ်ထားခဲ့ပေ။</p> <p>"မကောင်းတော့ဘူး တင့်ထန် ဝိညာဉ်ပျားတွေနဲ့ဆို ဒုက္ခရောက်လိမ့်မယ်"</p> <p>ကျောက်ဂျင်ရှန်း၏ မျက်နှာမှာ အလွန် ကြည့်မကောင်းအောင် ဖြစ်နေလေသည်။</p> <p>အံ့ဩစရာ မဟုတ်ပေ။</p> <p>ကျောက်တင့်ထန်၏ တိုက်ခိုက်ရေး ပုံစံမှာ ပွင့်ပွင့်လင်းလင်းနှင့် တိုက်ရိုက် တိုက်ခိုက်ခြင်း ဖြစ်ပြီး ခွန်အားကို အဓိက အသုံးပြုကာ တွန်းအားပေးခြင်း ဖြစ်သည်။ မြန်ဆန်သော ပြိုင်ဘက်ကို ရင်ဆိုင်ရချိန်တွင် သူသည် အားနည်းချက် တစ်ခု ဖြစ်နေပြီ ဖြစ်သည်။ ယခုအခါ မြန်ဆန်သော ဝိညာဉ် ပိုးမွှား သခင် တစ်ဦးကို ရင်ဆိုင်ရချိန်တွင် အနီးကပ် မသွားဘဲ သူ မည်သို့ တိုက်ခိုက်နိုင်မည်နည်း။</p> <p>ရှစ်ထောင့်တူကို အသုံးပြုပြီး ဝိညာဉ်ပျားတွေကို ရိုက်မလို့လား။</p> <p>ဒါက လုံးဝ ဆန့်ကျင်ဘက် ဖြစ်နေလေသည်။</p> <p>"တင့်ထန် အရှုံးပေးလိုက်ပါ"</p> <p>ကျောက်ဂျင်ရှန်းက သက်ပြင်းချလိုက်သည်။</p> <p>ကျောက်တင့်ထန်သည် သဘာဝကျကျပင် အလွန် စိတ်ပျက်နေလေသည်။ သူသည် ဝိညာဉ်ပျားများကို တူဖြင့်ပင် မထိနိုင်ရာ တကယ်ကို ဆက်မတိုက်နိုင်တော့ပေ။ သူ လက်နက်ချတော့မည့် ဆဲဆဲတွင်...</p> <p>ရုတ်တရက် ခရမ်းရောင် သလင်းကျောက် ဝိညာဉ်ပျား ဆယ်ကောင်ကျော်သည် မကြောက်မရွံ့ ပြေးဝင်လာကြလေသည်။ ကျောက်တင့်ထန်က အလျင်အမြန် တူကို ဝှေ့ယမ်းလိုက်ပြီး သီသီလေးသာ ပျားအနည်းငယ်ကို သတ်နိုင်ခဲ့သည်။ အံ့ဩစရာ ကောင်းသည်မှာ ကျန်ရှိနေသော ဝိညာဉ်ပျားများသည် သူ၏ မျက်နှာကို ရက်စက်စွာ တုပ်လိုက်ကြပြီး တိတိကျကျ ပြောရလျှင် သူ၏ ပါးစပ်ကို ပင်ဖြစ်သည်။</p> <p>"အား"</p> <p>ကျောက်တင့်ထန်က အော်ဟစ်လိုက်သော်လည်း အသက် နှစ်ကြိမ် သုံးကြိမ် ရှူပြီးနောက် အော်ဟစ်သံ ရုတ်တရက် ရပ်တန့်သွားလေသည်။ အဘယ်ကြောင့်ဆိုသော် သူ၏ ပါးစပ်နှင့် ပါးပြင်များမှာ ထုံကျင်ပြီး ရောင်ရမ်းနေပြီ ဖြစ်ကာ ဝက်ခေါင်း တစ်ခုကဲ့သို့ ဖြစ်နေပြီး သူ မည်သည့် အသံမျှ မထွက်နိုင်တော့သောကြောင့် ပင်ဖြစ်သည်။</p> <p>"မတိုက်နိုင်တော့လို့ လက်နက်ချချင်တာလား"</p> <p>ဝမ်လော်ကျင်းက လှောင်ပြုံး ပြုံးလိုက်သည်။</p> <p>"ဒီသခင်မလေးရဲ့ သဘောထားကိုကော မေးပြီးပြီလား"</p> <p>သူမ၏ လက်ကို တစ်ချက် ဝှေ့ယမ်းလိုက်ရာ ကင်းခြေများများနှင့် ကင်းမြီးကောက်များ ကဲ့သို့သော အဆိပ်ရှိသည့် အင်းဆက် အချို့သည် ကျောက်တင့်ထန်ဆီသို့ အလျင်အမြန် တွားသွားသွားကြလေသည်။ တစ်ချိန်တည်းမှာပင် သူမ၏ ပိုးမွှားပုလွေ၏ အသံကြိမ်နှုန်းမှာ ပိုမို အရေးတကြီး ဖြစ်လာပြီး ဝိညာဉ်ပျားများနှင့် အဆိပ်ရှိသော အင်းဆက်များ၏ တိုက်ခိုက်မှု အရှိန်အဟုန်ကို တွန်းအားပေးနေသကဲ့သို့ ဖြစ်နေလေသည်။</p> <p>လျိုနှင့် ကျောက် မျိုးနွယ်စု နှစ်ခုစလုံး အသက်ပြင်းပြင်း ရှူလိုက်မိကြသည်။ ဤကောင်မလေးသည် အလွန် ရက်စက်လှပြီး ကျောက်တင့်ထန် လက်နက် မချနိုင်စေရန် ဤကဲ့သို့ ရက်စက်သော နည်းလမ်းကို အသုံးပြုခဲ့သည်။ သူမက သူ့ကို လုံးဝ သတ်ပစ်ဖို့ ကြိုးစားနေတာလား။</p> <p>"ကောင်မစုတ် နင် တော်တော် ရဲတင်းပါလား"</p> <p>ကျောက်မျိုးနွယ်စုဝင်များက ဒေါသတကြီး အော်ဟစ်လိုက်ကြသည်။</p> <p>"တရားမျှတတဲ့ ယှဉ်ပြိုင်မှုမှာ မင်းတို့ ဝင်စွက်ဖက်ရဲတယ်ပေါ့"</p> <p>ဝမ်မျိုးနွယ်စုဝင်များကလည်း ဒေါသတကြီး ဟိန်းဟောက်လိုက်ကြပြီး အားလုံး ရှေ့သို့ ပြေးထွက်သွားကြလေသည်။ ကျောက်မျိုးနွယ်စုက မဆင်မခြင် လုပ်ရပ် လုပ်သည်နှင့် ၎င်းတို့သည် လွတ်ပေးမည် မဟုတ်ပေ။</p> <p>ဝမ်ရှိုကျဲ့ ကိုယ်တိုင်ပင် ဦးဆောင်ကာ ပြေးထွက်သွားပြီး သူ၏ ဓားရှည်မှာ အေးစက်နေကာ နှစ်ဖက်စလုံး တိုက်ခိုက်ကြသည်နှင့် ခေါင်းများကို ရိတ်သိမ်းမည့် လက်နက် တစ်ခု ဖြစ်လာပေလိမ့်မည်။</p> <p>ယနေ့ ဝမ်ရှိုကျဲ့သည် နှစ်ဖက်စလုံး အကြား တကယ့် တိုက်ပွဲ တစ်ခု ဖြစ်လာမည်ကို ဂရုမစိုက်ပေ၊ အထူးသဖြင့် တစ်ဖက်လူက ကိုယ်ကျင့်တရားအရ အသာစီး မရတော့သည့် အချိန်တွင် ပို၍ပင် ဖြစ်သည်။</p> <p>သိုင်းလောကတွင် သဘာဝကျကျပင် ကိုယ်ပိုင် ဥပဒေများနှင့် မပြောပြထားသော စည်းမျဉ်းများ ရှိလေသည်။</p> <p>တရားမျှတသော ယှဉ်ပြိုင်မှု တစ်ခုတွင် ရှုံးနိမ့်သူဘက်မှ လက်နက်ချနိုင်ပြီး ၎င်းမှာ မပြောပြထားသော စည်းမျဉ်းများထဲမှ တစ်ခု ဖြစ်သည်။</p> <p>သို့သော် တစ်ချိန်တည်းမှာပင် တရားမျှတသော ယှဉ်ပြိုင်မှု တစ်ခုတွင် ဝင်ရောက် စွက်ဖက်ခြင်းနှင့် တစ်ဦးချင်း တိုက်ပွဲတွင် ဝင်ရောက် စွက်ဖက်ခြင်းမှာ မပြောပြထားသော စည်းမျဉ်းများကို ချိုးဖောက်ခြင်း ပင်ဖြစ်သည်။ စည်းမျဉ်းများကို ချိုးဖောက်ခြင်း၏ အကျိုးဆက်မှာ ရိုးရှင်းသည်၊ ၎င်းမှာ ဂုဏ်သိက္ခာနှင့် နာမည်ကောင်း ဆုံးရှုံးခြင်း ပင်ဖြစ်သည်။</p> <p>ဝင်ရောက် စွက်ဖက်သူ အသတ်ခံရလျှင်တောင် မဟာချန် ဥပဒေက မျက်ကွယ်ပြုထားပေလိမ့်မည်။</p> <p>ဝမ်မျိုးနွယ်စု၏ ပိတ်ဆို့မှုကို ရင်ဆိုင်ရချိန်တွင် ကျောက်မျိုးနွယ်စုသည် ခေတ္တမျှ တုံ့ဆိုင်းသွားလေသည်။</p> <p>ကျောက်ဂျင်ရှန်းမှာမူ ပို၍ပင် ဝမ်းနည်းပြီး အကူအညီမဲ့စွာဖြင့် အော်ဟစ်လိုက်လေသည်။</p> <p>"ဘိုးဘေး"</p> <p>ကျောက်တင့်ထန်မှာ မြေပြင်ပေါ်တွင် လူးလှိမ့်နေပြီ ဖြစ်သည်။ သူ၏ ရုပ်ပိုင်းဆိုင်ရာ ခွန်အား မည်မျှပင် သန်မာစေကာမူ သူသည် ချီသန့်စင်ခြင်း တတိယအဆင့်တွင်သာ ရှိသေးသည်။ အဆိပ် အမျိုးမျိုးကို သူ မည်သို့ ခံနိုင်ရည် ရှိနိုင်မည်နည်း။</p> <p>ကြောက်မက်ဖွယ် အကောင်းဆုံးမှာ ကျောက်တင့်ထန်သည် အော်ဟစ်ခြင်း သို့မဟုတ် လက်နက်ချခြင်းပင် မလုပ်နိုင်တော့ခြင်း ပင်ဖြစ်သည်။</p> <p>လူတိုင်း ကြက်သီးမွေးညင်း ထသွားကြပြီး ပွဲကြည့်သူများပင်လျှင် တိတ်ဆိတ်သွားကြလေသည်။</p> <p>အားနည်းပြီး လှပပုံရသော ထိုကောင်မလေးသည် တကယ်ကို အလွန် ကြောက်မက်ဖွယ် ကောင်းပြီး အလွန် ရက်စက်လွန်းလှသည်။</p> <p>အထူးသဖြင့် ယခင်က နံရိုးများ ကျိုးသွားခဲ့သော လျိုယုံးဟောက်သည် ဤမြင်ကွင်းကို မြင်သောအခါ သူ အလွန် ကံကောင်းကြောင်း ခံစားလိုက်ရသည်။ ကံကောင်းလို့ ခုနက ကောင်မလေး နဲ့ ပွဲရှုံးသွားတာပေါ့။ မဟုတ်ရင် မြေပြင်ပေါ်မှာ လူးလှိမ့်ပြီး အဆိပ်ရှိတဲ့ အင်းဆက်တွေရဲ့ နှိပ်စက်မှုကို ခံရမယ့်သူက သူ ဖြစ်နေမလား။</p> <p>ထိုအချိန်တွင် တစ်ချိန်လုံး တိတ်ဆိတ်နေခဲ့သော လျိုနှင့် ကျောက် မျိုးနွယ်စုများ၏ မြင်းလှည်း အတွင်းမှ ဩဇာတိက္ကမ ကြီးမားပြီး ကြောက်မက်ဖွယ် ကောင်းသော စွမ်းအား တစ်ခု ပေါက်ကွဲထွက်လာလေသည်။</p> <p>ကျောက်ဂျင်ရှန်း၏ အော်ဟစ်သံနှင့်အတူ ဘိုးဘေးဘိုကျွင်းသည် ငြိမ်မနေနိုင်တော့ဘဲ ကျောက်မျိုးနွယ်စုဝင်များ၏ မျက်နှာများ အားလုံး ပြေလျော့သွားကြလေသည်။</p> <p>"ဝမ်မျိုးနွယ်စုက လူငယ်လေး မင်း ဘယ်လောက် ရဲတင်းလိုက်လဲ"</p> <p>ဟိန်းဟောက်သံနှင့်အတူ ခမ်းနားသော အဝတ်အစားများကို ဝတ်ဆင်ထားသည့် အဘိုးအို တစ်ဦး ကောင်းကင်သို့ ပျံတက်သွားပြီး စစ်မြေပြင်သို့ တိုက်ရိုက် ဦးတည်သွားလေသည်။ သူ၏ မျက်လုံးများမှာ သိမ်းငှက် တစ်ကောင်ကဲ့သို့ ရက်စက်နေပြီး သူက အောက်သို့ ထိုးဆင်းကာ ဝမ်လော်ကျင်းကို ဖမ်းဆွဲရန် လက်လှမ်းလိုက်လေသည်။</p> <p>"ကောင်မလေး မင်း ဒီလောက် ငယ်ငယ်လေးနဲ့ ဒီလောက် ရက်စက်တဲ့ နှလုံးသား ရှိနေတာ ငါ မင်းကို အသက်ရှင်ခွင့် ပေးလို့ မဖြစ်တော့ဘူး"</p> <p>ဘိုးဘေးဘိုကျွင်း၏ အတွေးမှာ အလွန် ရိုးရှင်းလေသည်။ ယနေ့ ဝမ်လုံယန်ကို ဖိနှိပ်သည့် ကိစ္စ မည်သို့ပင် ဖြစ်နေပါစေ ဝိညာဉ် ပိုးမွှား သခင် ကောင်မလေး တစ်ယောက်ကို ဒုက္ခိတ ဖြစ်အောင် လုပ်နိုင်ခြင်းက သဘာဝကျကျပင် ဆိုးကျိုးထက် အကျိုးကျေးဇူး ပိုများလေသည်။ ထိုသို့ လုပ်ဆောင်ခြင်းက ဘိုးဘေး တစ်ပါး၏ အမူအကျင့်ကို အမှန်တကယ် ဆုံးရှုံးစေမည် ဖြစ်ပြီး ဝေဖန်ခံရမည် ဖြစ်သကဲ့သို့ မဟာချန် ဥပဒေ၏ အန္တရာယ်လည်း ရှိနိုင်လေသည်။</p> <p>သို့သော် ဂုဏ်သရေရှိ ဘိုးဘေး တစ်ပါး ဖြစ်သော သူသည် ချီသန့်စင်ခြင်း ဒုတိယအဆင့်ရှိ ကောင်မလေး တစ်ယောက်ကို မတော်တဆ ဒုက္ခိတ ဖြစ်အောင် လုပ်မိပြီး တိုက်ရိုက် မသတ်မိခဲ့ပေ။</p> <p>ဒီအတွက်နဲ့ အစောင့်တပ်စခန်းက သူ့ကို တကယ်ပဲ ခေါင်းဖြတ်သတ်မှာလား။ ဘိုးဘေး တစ်ပါးမှာ အရှက် မရှိတော့တဲ့အခါ တစ်ခါတလေကျရင် ကိုင်တွယ် ဖြေရှင်းဖို့ တော်တော်လေး ခက်ခဲတတ်လေသည်။</p> <p>ဒါပေမဲ့ ဒီနေ့မှာတော့ ဘိုးဘေးဘိုကျွင်း စိတ်ပျက်ရမှာ သေချာပါတယ်။</p> <p>ဘိုးဘေးဘိုကျွင်း ပေါက်ကွဲထွက်လာတာနဲ့ တစ်ပြိုင်နက်တည်းနီးပါး ဝမ်ရှိုကျဲ့ရဲ့ အနောက်ဘက်ကနေ ဩဇာတိက္ကမ ကြီးမားပြီး အားကောင်းတဲ့ အရှိန်အဝါ တစ်ခု ပေါက်ကွဲထွက်လာပြီး ကြီးမားတဲ့ ပုံရိပ် တစ်ခုက ဘိုးဘေးဘိုကျွင်းဆီကို ပြေးဝင်သွားပါတယ်။</p> <p>သူက ဘိုးဘေးဘိုကျွင်းကို လက်သီး တစ်ချက် ထိုးလိုက်ရာ အဲဒီ လက်သီးချက်ထဲမှာ မယုံနိုင်လောက်အောင် ကြောက်မက်ဖွယ် ကောင်းတဲ့ ပေါက်ကွဲထွက်နိုင်တဲ့ စွမ်းအားတွေ ပါဝင်နေပါတယ်။ ရွှေရောင် အရှိန်အဝါက စုစည်းနေပြီး မယိမ်းမယိုင်ဘဲ မျက်မြင်မရတဲ့ လေဟာနယ်ကိုတောင် အစိတ်စိတ်အမွှာမွှာ ခွဲပစ်တော့မယ့် အလားပါပဲ။</p> <p>တစ်ချိန်တည်းမှာပဲ လှောင်ပြောင်တဲ့ ဟိန်းဟောက်သံ တစ်ခု ထွက်ပေါ်လာပါတယ်။</p> <p>"ကျောက်ဘိုကျွင်း မင်း ဂုဏ်သရေရှိ ဘိုးဘေး တစ်ပါး ဖြစ်ပြီးတော့ အရှက်မရှိဘူး ငါ့ရဲ့ သဘောတူညီချက်ကိုကော တောင်းပြီးပြီလား"</p> <p>***</p> <p> </p>


Save