Book List

<h2 style="text-align: center;">အခန်း ၇၀၄</h2> <h2 style="text-align: center;">ဖန်ဆင်းခြင်း လမ်းစဉ်ကို ပုံရိပ်ထင်ဟပ်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>"ရွှမ်မိစ္ဆာဧကရာဇ်..."</p> <p> </p> <p>သက်တမ်းတာအိုနယ်မြေတွင် သစ်ပင်အောက်၌ လှဲလျောင်းကာ စာဖတ်နေသော ကုအန်က ဤအမည်ကို ရေရွတ်လိုက်၏။</p> <p> </p> <p> သူက ယုံရှန်းဧကရာဇ်၏ မှတ်ဉာဏ်များကို အမွေဆက်ခံထားသဖြင့် ရွှမ်မိစ္ဆာဧကရာဇ်ကို သဘာဝကျကျပင် မှတ်မိနေသည်။</p> <p>ရွှမ်မိစ္ဆာဧကရာဇ်သည် ယုံရှန်းဧကရာဇ်၏ အစွမ်းအထက်ဆုံး လက်အောက်ငယ်သား ဖြစ်ပြီး ကောင်းကင်ခိုးယူသူ အမတဂိုဏ်းကို စီမံခန့်ခွဲရာတွင်နှင့် ယောင်ရွှမ် နတ်မိမယ်ကို ရှာဖွေရာတွင် ကူညီပေးခဲ့သူ ဖြစ်၏။</p> <p> </p> <p>သို့သော်လည်း ယုံရှန်းဧကရာဇ်က ရွှမ်မိစ္ဆာဧကရာဇ်၏ တားဆီးမှုကို လျစ်လျူရှုကာ ယောင်ရွှမ် နတ်မိမယ်ကို ရှာဖွေရန်အတွက် ကောင်းကင်ခိုးယူသူ အမတဂိုဏ်းမှ ထွက်ခွာသွားပြီး ရွှမ်မိစ္ဆာဧကရာဇ်ကိုပင် ဒဏ်ရာရစေခဲ့ပြီးချိန်မှစ၍ သူတို့ နှစ်ယောက်သည် ထာဝရ လမ်းခွဲခဲ့ကြသည်။</p> <p> </p> <p>မထင်မှတ်ဘဲ နှစ်ပေါင်းများစွာ ကြာပြီးနောက်တွင် ရွှမ်မိစ္ဆာဧကရာဇ်က သက်ရှိထင်ရှား ရှိနေဆဲ ဖြစ်၏။</p> <p> </p> <p>မြူခိုး အမတနန်းတော်က ဤပါရမီရှင်များအုပ်စုအတွက် အကျပ်အတည်းများ ဖန်တီးရန်၊ သူတို့ကို အချင်းချင်း တိုက်ခိုက်စေရန် တွန်းအားပေးရန်နှင့် နောက်ဆုံးတွင် မြူခိုး အမတနန်းတော်က ဝင်ရောက်စွက်ဖက်ကာ သူ့ကို နှင်ထုတ်ရန်အတွက် ရွှမ်မိစ္ဆာဧကရာဇ်ကို ဖိတ်ခေါ်ခဲ့ခြင်း ဖြစ်ကြောင်း သူ တွက်ချက်မိလိုက်သည်။</p> <p> </p> <p>မြူခိုး အမတနန်းတော်သည် မိစ္ဆာဂိုဏ်းတစ်ခု မဟုတ်ချေ။ တပည့်များကို အချင်းချင်း သတ်ဖြတ်ခွင့်ပြုခြင်းက လက်ခံနိုင်စရာ မရှိပေ၊ အဘယ်ကြောင့်ဆိုသော် ဤတပည့်များသည် မတူညီသော အမတစံအိမ်များမှ လာကြခြင်းဖြစ်ပြီး သူတို့၏ ဆွေမျိုးများကလည်း နန်းတော်အတွင်း၌ ရှိနေသောကြောင့် ဖြစ်သည်။</p> <p> </p> <p>အကယ်၍ သူတို့သာ အချင်းချင်း အပြန်အလှန် သတ်ဖြတ်ကြမည်ဆိုလျှင် မုန်တိုင်းတစ်ခု သေချာပေါက် ပေါ်ပေါက်လာမည်ဖြစ်ပြီး အာဏာအပြောင်းအလဲများကိုပင် ဖြစ်ပေါ်စေနိုင်၏။</p> <p>ကုအန်က သက်ပြင်းမချဘဲ မနေနိုင်ခဲ့ချေ။ အမှန်ပင် နေရာတိုင်း၌ အမှောင်ထုဆိုသည်က ရှိနေတတ်သည်။</p> <p> </p> <p>ထျန်ဟောင်၏ လက်ရှိစွမ်းရည်ဖြင့် တာအိုရတနာကို အားကိုးလျှင်တောင်မှ နောက်ဆုံးအထိ အသက်ရှင်ကျန်ရစ်ရန် ခက်ခဲပေလိမ့်မည်။ ထိုခန်းမအတွင်းရှိ ပါရမီရှင်များက အားနည်းသူများ မဟုတ်ကြပေ။</p> <p> </p> <p>မြူခိုး အမတနန်းတော်၏ တပည့်များက ရွှမ်မိစ္ဆာဧကရာဇ်၏ စကားများကို နားမထောင်ကြဘဲ သူ့ကို ပူးပေါင်းတိုက်ခိုက်ရန် စတင်လိုက်ကြ၏။</p> <p> </p> <p>ရွှမ်မိစ္ဆာဧကရာဇ်၏ ကျင့်ကြံခြင်းအဆင့်က ကောင်းကင်ဖွင့် တာလော့အမတ အဆင့်သို့ ရောက်ရှိနေပြီဖြစ်ရာ ဤပါရမီရှင်များအုပ်စုက ယှဉ်ပြိုင်နိုင်စွမ်း မရှိချေ။</p> <p> </p> <p>မကြာမီမှာပင် ပါရမီရှင်တပည့်အားလုံး ဖိနှိပ်ခံလိုက်ရသည်။</p> <p>ရွှမ်မိစ္ဆာဧကရာဇ်က သူ၏ နတ်ဘုရားစွမ်းရည်များကို ထုတ်ဖော်၍ အချိန်နှင့် ဟင်းလင်းပြင်ကို ဖယ်ကြဉ်လိုက်ရာ ဤနေရာတွင် နှစ်တစ်ထောင် သို့မဟုတ် တစ်သောင်း ကုန်ဆုံးသွားလျှင်တောင်မှ အပြင်ဘက်တွင် အသက်ရှူချိန် အနည်းငယ်သာ ကုန်ဆုံးမည်ဖြစ်ရာ ယင်းကမြူခိုး အမတနန်းတော်၏ တပည့်များကို မျှော်လင့်ချက် ကင်းမဲ့သွားစေသည်။</p> <p> </p> <p>နောက်ဆုံးတွင် တစ်စုံတစ်ယောက်က မိမိကိုယ်ကို မထိန်းချုပ်နိုင်တော့ဘဲ ကျန်တပည့်များကို စတင်တိုက်ခိုက်တော့၏။ တစ်ယောက်က ဦးဆောင်လိုက်သည်နှင့် သတ်ဖြတ်ခြင်းက သဘာဝကျကျပင် ပေါက်ကွဲထွက်လာတော့သည်။</p> <p> </p> <p>ထျန်ဟောင်က သတ်ဖြတ်ပွဲတွင် တက်ကြွစွာ မပါဝင်ဘဲ အခြားတပည့်များကို သတိကြီးစွာဖြင့် ရှောင်ရှားနေခဲ့သော်လည်း တစ်စုံတစ်ယောက်က သူ့ကို လိုက်ရှာနေဆဲ ဖြစ်သည်။</p> <p> </p> <p>မြူခိုး အမတနန်းတော်သည် တစ်စုံတစ်ရာ နှိုးဆွမှုကို ခံလိုက်ရပုံပေါ်ပြီး တိုက်ခိုက်ရေးစွမ်းအားကို ပိုမိုလျင်မြန်စွာ ပြုစုပျိုးထောင်လိုသဖြင့် တပည့်များ၏ ကျင့်ကြံခြင်းကို အရှိန်မြှင့်တင်နေပုံရ၏။</p> <p> </p> <p>ဤအရာ၏ နောက်ကွယ်မှ အကြောင်းရင်းကို ကုအန် တွက်ချက်၍ မရနိုင်ခဲ့ချေ။</p> <p> </p> <p>အကယ်၍ သူ တွက်ချက်၍မရသော အရာတစ်ခုခု ရှိနေပါက ဆယ်ကြိမ်တွင် ကိုးကြိမ်သည် ကောင်းကင်နန်းတော်နှင့် ပတ်သက်ဆက်နွှယ်နေတတ်သည်။</p> <p> </p> <p>မြူခိုး အမတနန်းတော်သည် မဟာကမ္ဘာအတွင်း၌ မရှိသော်လည်း နန်းတော်မှ အမတနတ်ဘုရား အများအပြား ထွက်ပေါ်လာခဲ့သဖြင့် ကောင်းကင်နန်းတော်အတွင်းရှိ ကောင်းကင်ဧကရာဇ်၏ အားပြိုင်မှုများကြောင့် ၎င်းပါဝင်ပတ်သက်လာရသည်ဟု ခန့်မှန်းရခြင်းက ယုတ္တိတန်ပေသည်။</p> <p> </p> <p>ကုအန်က ဝင်ရောက်စွက်ဖက်ရန် ရည်ရွယ်ချက် မရှိပေ။ ထျန်ဟောင်သည် အစွမ်းအထက်ဆုံး မဟုတ်သော်လည်း သူက အသက်ရှင်ကျန်ရစ်ရန် ကံကြမ္မာ ပါလာသူ ဖြစ်၏။</p> <p> </p> <p>ထျန်ဟောင်သည် ကောင်းကင်သားတော် ပြန်လည်ဝင်စားသူ ဖြစ်သောကြောင့် မြူခိုး အမတနန်းတော်ရှိ အာဏာကြီးမားသူများက ရွှမ်မိစ္ဆာဧကရာဇ်ကို သတိပေးကြလိမ့်မည် ဖြစ်သည်။</p> <p>အမှန်ပင် ထျန်ဟောင် ပြင်းထန်စွာ ဒဏ်ရာရရှိသွားချိန်တွင် ရွှမ်မိစ္ဆာဧကရာဇ်က ဝင်ရောက်စွက်ဖက်ကာ သူ့ကို ပို့ဆောင်ပေးခဲ့၏။</p> <p> </p> <p>ဤတိုက်ပွဲကြီးသည် နတ်ဘုရားစွမ်းအင် ပုံရိပ်ယောင်နယ်မြေအတွင်း၌ အချိန်အတန်ကြာ ဆက်လက်ဖြစ်ပွားနေခဲ့သော်လည်း လက်တွေ့တွင်မူ တစ်ခဏမျှသာ ဖြစ်သည်။</p> <p>ထျန်ဟောင် အန္တရာယ်ကင်းကြောင်း မြင်တွေ့လိုက်ရသောအခါ ကုအန်က သူ၏ အကြည့်ကို ပြန်ရုပ်သိမ်းလိုက်၏။</p> <p> </p> <p>သူသည် စာဖတ်နေရုံသာမက မူလဘူတ တာအိုဧကရာဇ်၏ ကံတရားကိုလည်း စုစည်းနေခဲ့သည်။</p> <p> </p> <p>မူလဘူတ တာအိုဧကရာဇ် တည်ရှိလာစေရန်အတွက် ကျင့်ကြံသူများ ရရှိနိုင်ပြီး ထိန်းချုပ်နိုင်သည့် အမှန်တကယ် တည်ရှိသော ကံတရားတစ်ခုကို ဖန်တီးရမည် ဖြစ်၏။</p> <p> </p> <p>ဤအတွက် သူသည် ကံကြမ္မာလမ်းစဉ်ကို နားလည်သဘောပေါက်ရန် သူ၏ သက်တမ်းကို ငါးကြိမ်တိုင်တိုင် ပုံရိပ်ထင်ဟပ်စေစေခဲ့သည်။</p> <p> </p> <p>သူ၏ သက်တမ်း ပုံရိပ်ထင်ဟပ်ခြင်းတိုင်းက ကောင်းကင်ဝိညာဉ် မဟာကမ္ဘာတွင် သူ၏ ဝင်စားခြင်း ခန္ဓာကိုယ်ကို ပေါ်ပေါက်လာစေလိမ့်မည် ဖြစ်သည်။ ကံကောင်းထောက်မစွာဖြင့် ဤဝင်စားခြင်း ခန္ဓာကိုယ်များသည် ကျော်ကြားသော အမွေအနှစ်များကို ချန်ထားရစ်ခဲ့ခြင်း မရှိဘဲ ခေတ်ကာလ၏ အထွတ်အထိပ် ပါရမီရှင်အချို့အတွက် ထာဝရ မမေ့နိုင်စရာ ရှုံးနိမ့်မှု စိတ်ဒဏ်ရာအဖြစ်သာ ကျန်ရစ်ခဲ့၏။</p> <p> </p> <p>သက်တမ်း ပုံရိပ်ထင်ဟပ်ခြင်း တစ်ခုစီအတွက် နှစ်သန်းပေါင်းများစွာ လိုအပ်၏။ ငါးကြိမ်တိုင်တိုင် အသုံးပြုပြီးနောက်တွင် ကုအန်၏ ကံကြမ္မာလမ်းစဉ်မှာ လုံးဝအသစ်ဖြစ်သော နယ်ပယ်တစ်ခုသို့ လှမ်းတက်သွားတော့သည်။</p> <p> </p> <p>ဖြတ်လမ်းနည်းတွေ ရှိရင်တော့ အရာရာက ပိုလွယ်ကူတာ သေချာတာပေါ့...</p> <p> </p> <p>သက်တမ်း ပုံရိပ်ထင်ဟပ်ခြင်း ငါးကြိမ် ပြုလုပ်ပြီးနောက် မူလဘူတ တာအိုဧကရာဇ်၏ ကံတရားကို စုစည်းရခြင်းက ခက်ခဲခြင်း မရှိတော့ကြောင်း ကုအန်က သူ့ကိုယ်သူ တွေးလိုက်သည်။</p> <p>ဤလုပ်ငန်းစဉ်က မူလဘူတ တာအိုဧကရာဇ်၏ ကျင့်ကြံခြင်းကို တိုးတက်စေရုံသာမက သူ၏ ကိုယ်ပိုင် ကျင့်ကြံခြင်းအဆင့်ကိုပါ မြင့်တက်လာစေခဲ့၏။</p> <p> </p> <p>ကုအန်က စာအုပ်များထဲတွင် ဆက်လက်နစ်မြောနေပြီး ကံတရားကို ဖန်တီးရာတွင် အာရုံစိုက်နေခဲ့သည်။</p> <p> </p> <p>နေဝင်ဆည်းဆာ အချိန်ရောက်မှသာ သူ မတ်တတ်ရပ်လိုက်၏။</p> <p>သူ နေထိုင်ရာ တောင်ထွတ်ဆီသို့ လျှောက်သွားရင်း သူ၏ ညာဘက်လက်ကို မြှောက်လိုက်သည်။ လေစီးကြောင်းများက သူ၏ လက်ဖဝါးကို ဝန်းရံနေပြီး လေ၏ ပံ့ပိုးမှုဖြင့် မီးတောက်များ ယိမ်းနွဲ့နေသော ရေစီးကြောင်းများနှင့် တူနေ၏။</p> <p> </p> <p>ဤသည်ကား မူလဘူတ တာအိုဧကရာဇ်၏ ကံတရားပင် ဖြစ်သည်။</p> <p> </p> <p>ကြည့်ရသည်မှာ နူးညံ့ပုံရသော်လည်း အမှန်တကယ်တွင်မူ စွမ်းအားလမ်းစဉ်၏ ကြမ်းတမ်းသော ခွန်အားများ စိမ့်ဝင်နေ၏။</p> <p> </p> <p>ကုအန်က အကြိမ်ကြိမ် စဉ်းစားပြီးနောက် မူလဘူတ တာအိုဧကရာဇ်အတွင်းသို့ ကြမ်းတမ်းမှု သဘောသဘာဝကို ထည့်သွင်းရန် ဆုံးဖြတ်လိုက်သည်။</p> <p> </p> <p>သန်မာသော ခွန်အားကြောင့် နာမည်ကျော်ကြားသည့် မူလဘူတ တာအိုဧကရာဇ်။</p> <p> </p> <p>တွေးကြည့်ရုံမျှဖြင့်ပင် စိတ်လှုပ်ရှားဖွယ် ကောင်းနေ၏။</p> <p>ပိုမိုကြီးမားသော ခွန်အား အခြေခံအုတ်မြစ်ဖြင့် မတူညီသော မဟာတာအိုများကို ကျင့်ကြံမည့် မူလဘူတ တာအိုဧကရာဇ်သည် အမျိုးမျိုးသော ဖန်ဆင်းခြင်းများနှင့် ဦးတည်ချက်များကို ရရှိနိုင်မည် ဖြစ်သည်။</p> <p> </p> <p>ကုအန် သူ၏ ခြံဝင်းအတွင်းသို့ ရောက်ရှိသွားချိန်တွင် သူ၏ လက်ထဲရှိ မူလဘူတ တာအိုဧကရာဇ်၏ ကံတရားမှာ အစစ်အမှန်သဏ္ဌာန် ဖြစ်ပေါ်နေပြီး နဂါးတစ်ကောင်ကဲ့သို့ လိမ်ယှက်နေ၏။</p> <p> </p> <p>လက်နက်သန့်စင် မီးဖိုကြီးရှေ့တွင် တရားထိုင်နေသော ရှန်းကျန်က လှည့်ကြည့်လာသည်။ ထိုအခါ ကုအန်က သူ၏ လက်ထဲရှိ ကံတရားကို ဖျောက်ဖျက်လိုက်၏။</p> <p> </p> <p>"ခုနက ရှင့်လက်ထဲက အရာက ဘာကြီးလဲ..." ရှန်ကျန်းက စူးစမ်းချင်စိတ်ဖြင့် မေးလိုက်သည်။</p> <p> </p> <p>ကုအန်က ပြုံးလိုက်၏။ "မှော်အတတ်လေး နည်းနည်းပါ... မင်း ဒီနေရာမှာ ထိုင်နေတာ နှစ်တစ်ထောင် ရှိနေပြီ... အပြင်ထွက် လမ်းမလျှောက်ချင်ဘူးလား..."</p> <p> </p> <p>နောင်တစ်ချိန်တွင် သူမကို လမ်းစဉ်ထဲသို့ ခေါ်ဆောင်ရန် ရည်ရွယ်ချက်ဖြင့် မူလဘူတ တာအိုဧကရာဇ်၏ အငွေ့အသက် အနည်းငယ်ကို ရှန်းကျန်ထံ တမင်သက်သက် ထုတ်လွှတ်ပြလိုက်ခြင်း ဖြစ်၏။</p> <p> </p> <p>မကြာသေးမီက ရှန်းကျန်သည် အကြောင်းအကျိုး လမ်းစဉ်ကို နားလည်သဘောပေါက်ရန် ကြိုးစားရာတွင် အတားအဆီး တစ်ခုနှင့် ရင်ဆိုင်နေရပြီး တောင်တန်းများနှင့် မြစ်များဆီသို့ပင် မသွားတော့ဘဲ တစ်နေကုန် ဤနေရာရှေ့တွင်သာ တရားထိုင်နေခဲ့၏။</p> <p> </p> <p>လက်နက်ရတနာ ဖိုကြီးအတွင်း၌ အကြောင်းအကျိုး လမ်းစဉ် ပါဝင်သော တာအိုရတနာတစ်ခု ရှိနေသောကြောင့် သူမက ဤနေရာတွင် ထိုင်ရန် ရွေးချယ်ခဲ့ခြင်း ဖြစ်သည်။</p> <p> </p> <p>"သင့်တော်တဲ့ အနားယူမှုက ဉာဏ်လင်းရဖို့ အထောက်အကူ ဖြစ်တယ်လို့ လာမပြောနဲ့... ကျွန်မ အဲဒါကို မယုံတော့ဘူး..." ရှန်းကျန်က ပါးလေးဖောင်းကာ ပြောရင်း ကုအန်ကို စိုက်ကြည့်လိုက်သည်။</p> <p> </p> <p>ကုအန် အမှန်တကယ်ပင် ထိုသို့သော စကားမျိုး ထပ်မပြောရဲတော့ချေ၊ အရင်က တာအိုကို ဖန်တီးရာတွင် အတားအဆီးနှင့် ကြုံတွေ့ခဲ့ရစဉ်က အဆင်မပြေမှုက အမှန်တကယ်ပင် ခံစားရခက်လွန်းလှသဖြင့် သူက အနည်းငယ် ဖွင့်ဟပြရန် ရွေးချယ်ခဲ့ခြင်း ဖြစ်၏။</p> <p>တစ်ခဏမျှ စကားစမြည် ပြောပြီးနောက် ကုအန်က သူ၏ အိမ်ထဲသို့ တစ်ယောက်တည်း ပြန်ဝင်သွားသည်။</p> <p> </p> <p>ထို့နောက် သူက မူလဘူတ တာအိုဧကရာဇ်အတွက် တာအိုသက်သေပြခြင်း လမ်းစဉ်ကို မည်သည့်နေရာတွင် ထားရှိရမည်ကို စဉ်းစားရန် ပြင်ဆင်လိုက်၏။</p> <p> </p> <p>မူလဘူတ တာအိုဧကရာဇ် ဖြစ်လာရန် အမြဲတမ်း သူ့ရှေ့သို့ လာရောက်ရန် မလိုအပ်ချေ၊ ထိုသို့ဆိုလျှင် ၎င်း၏ ဖွံ့ဖြိုးတိုးတက်မှုကို အလွန်အမင်း ကန့်သတ်လိုက်ရာ ရောက်ပေမည်။</p> <p> </p> <p>တာအိုဧကရာဇ်က ဧကရာဇ်လမ်းစဉ်ကို မဟာတာအို လမ်းစဉ်ပေါ်တွင် ထားရှိခြင်းက ကောင်းမွန်သော လမ်းညွှန်မှုတစ်ခု ဖြစ်၏။ မဟာတာအို လမ်းစဉ်သည် မဟာတာအို သုံးထောင်၏ ဆုံမှတ်ဖြစ်ပြီး စည်းမျဉ်းစည်းကမ်းများ မရှိသလို ကောင်းကင်နန်းတော်ကပင် ၎င်းကို မထိန်းချုပ်နိုင်သဖြင့် ကျင့်ကြံသူများအား ပိုမို လွတ်လပ်ခွင့် ပေးထားသည်။</p> <p> </p> <p>မူလဘူတ တာအိုဧကရာဇ်အတွက် တာအိုသက်သေပြခြင်း လမ်းစဉ်ကို မဟာတာအို လမ်းစဉ်ပေါ်တွင်လည်း သူ ထားရှိနိုင်သည်။</p> <p> </p> <p>၎င်းကို မူလဘူတ ဧကရာဇ်လမ်းစဉ် ဟု ခေါ်ပေမည်။</p> <p>ဧကရာဇ်လမ်းစဉ် ဆိုသည်ထက် စကားလုံး လေးလုံး ပိုထည့်လိုက်ခြင်းက ပို၍ ဆွဲဆောင်မှု ရှိစေ၏။</p> <p> </p> <p>ကုအန် ချက်ချင်း လက်တွေ့မလုပ်သေးဘဲ သူ၏ သက်တမ်းကို ဆက်လက် ပုံရိပ်ထင်ဟပ်ရန် ရွေးချယ်လိုက်သည်။ ဤတစ်ကြိမ်တွင် သူက ဖန်ဆင်းခြင်း မဟာတာအိုကို မြှင့်တင်ရန် ရည်ရွယ်ထား၏။</p> <p> </p> <p>မရှိသင့်သော အရာများကို လက်တွေ့ဘဝသို့ ပြောင်းလဲရန်နှင့် ၎င်းတို့ကို အချိန်ကြာမြင့်စွာ တည်ရှိနေစေရန်အတွက် ဖန်ဆင်းခြင်း မဟာတာအိုက အရေးအကြီးဆုံး ဖြစ်သည်။</p> <p>ဖန်ဆင်းခြင်း မဟာတာအို မရှိဘဲ မည်သည့် ဖန်ဆင်းခြင်းကိုမျှ ပြုလုပ်နိုင်မည် မဟုတ်ချေ။</p> <p> </p> <p>မဟာကမ္ဘာ သုံးထောင်ဆီသို့ နောက်တစ်ကြိမ် ပုံရိပ်ထင်ဟပ်လိုက်ရာ ကုအန်မှာ အတွေ့အကြုံ ရှိနေပြီ ဖြစ်သဖြင့် လုပ်ငန်းစဉ်အပေါ် စိတ်ဝင်စားမှု မရှိတော့ဘဲ ရလဒ်ကိုသာ စောင့်မျှော်နေတော့၏။</p> <p>...</p> <p>နှင်းပွင့်များ လွင့်ဝဲနေပြီး ချမ့်ခွန်းဂိုဏ်း၏ ကျယ်ပြောလှသော တောင်တန်းများနှင့် မြစ်များကို ဖုံးလွှမ်းသွားသည်။</p> <p>ခန်းမကြီး တစ်ခုအတွင်း၌ ရီချင်းရှန်၊ လင်ချန်နှင့် အခြား ချမ့်ခွန်းဂိုဏ်းမှ အဆင့်မြင့် ခေါင်းဆောင်များက အလွန် ချောမောသော အဝါရောင်ဝတ် တပည့်တစ်ဦးကို ဝိုင်းရံထားကြ၏။.</p> <p> </p> <p>ဤသူကား ဖရိုဖရဲ နာကြည်းချက် လော့ ပြန်လည်ဝင်စားလာသည့် ယွမ်လော့ ပင် ဖြစ်သည်။</p> <p> </p> <p>ယနေ့တွင် ယွမ်လော့က သူသည် ကမ္ဘာပေါ်တွင် အတော်ဆုံး ပါရမီရှင်တစ်ဦး ဖြစ်ကြောင်း သက်သေပြခဲ့ပြီး ချမ့်ခွန်းဂိုဏ်း၏ ဂုဏ်ယူစရာလည်း ဖြစ်နေခဲ့သည်။</p> <p> </p> <p>"ချန်မင် ဆန်းကြယ်ပင်လယ်ဆီ သွားတဲ့ ခရီးစဉ်ကနေ မင်း တစ်ခုခု ရခဲ့လား..." ရီချင်းရှန်က သူ၏ မုတ်ဆိတ်မွေးကို ပွတ်သပ်ကာ ကြင်နာသော မျက်နှာဖြင့် မေးလိုက်၏။</p> <p> </p> <p>ယွမ်လော့ ကြီးပြင်းလာသည်ကို စောင့်ကြည့်ခဲ့ရသဖြင့် ရီချင်းရှန်က ယွမ်လော့သည် သူ၏ ဘဝတွင် အကြီးမားဆုံး ဂုဏ်ယူစရာဟု ခံစားနေရသည်။</p> <p> </p> <p>ထျန်ဟောင်ကို ပြောရမည်ဆိုလျှင် သူက ဝူရှီ မှ ဖြစ်ပြီး ယွမ်လော့ကိုမူ ချမ်ခွန်းဂိုဏ်းက အပြည့်အဝ ပြုစုပျိုးထောင်ပေးခဲ့ကာ ဝူရှီနှင့် မည်သို့မျှ မသက်ဆိုင်ပေ။</p> <p> </p> <p>အခြားသူများကလည်း ယွမ်လော့ကို သဘောကျစွာ ပြုံးပြကြပြီး သူ့အပေါ် ပိုမို ကျေနပ်အားရလာကြ၏။</p> <p> </p> <p>ဂိုဏ်းချုပ်၏ အမေးကို ကြားသောအခါ ယွမ်လော့၏ မျက်နှာက မှုန်ကုပ်သွားပြီး သွားကြိတ်ကာ ပြောလိုက်သည်။ "ကျွန်တော့်ထက် ကျင့်ကြံခြင်းအဆင့် မမြင့်တဲ့ သူတစ်ယောက်ဆီမှာ ကျွန်တော် ရှုံးခဲ့တယ်..."</p> <p> </p> <p>ဤစကားကြောင့် ခန်းမကြီးတစ်ခုလုံး တိတ်ဆိတ်သွားတော့၏။</p> <p> </p> <p> </p> <p> </p> <p style="text-align: center;">***</p>


Save