Book List

<h2 style="text-align: center;">အခန်း(69)</h2> <h2 style="text-align: center;">*</h2> <p> </p> <p> </p> <p> </p> <p>လုချင်းလန်ကို အရှက်ခွဲလိုက်ရပြီးနောက်တွင် လော်ယွီရှို့တစ်ယောက် အလွန်ကျေနပ်သွားပြီး ဘေးပတ်ဝန်းကျင်ရှိ လူများကို ကြေညာလိုက်သည်။</p> <p> </p> <p>“ကျွန်မတို့ မိသားစုက (၁၂)လပိုင်း (၂၈) ရက်နေ့မှာ မင်္ဂလာပွဲရှိပါမယ်၊ အဲဒီအချိန်ကျရင် အားလုံးပဲ လာရောက်ပြီးစားသောက်ကြပါဦး”</p> <p> </p> <p>“လာခဲ့ပါ့မယ်၊ လာခဲ့ပါ့မယ်”</p> <p> </p> <p>အတင်းအဖျင်း ပြောတတ်သော အမျိုးသမီးတစ်စုမှာ လော်ယွီရှို့ကို စိတ်ဆိုးမည်ကို ကြောက်ရွံ့ပြီး သူတို့ကိုလည်း နာမည်သစ် ပေးလိုက်မည်ကို ကြောက်ရွံ့သောကြောင့် ခေါင်းကို အလျှင်အမြန်ညိတ်ပြလိုက်ကြသည်။</p> <p> </p> <p>ပြောရမည်ဆိုလျှင် ထိုအဆောက်အအုံတွင် မိသားစုဒါဇင်ပေါင်းများစွာရှိသော်လည်း  လုချင်းလန်က သတ္တိအရှိဆုံးဖြစ်ပေသည်။</p> <p> </p> <p>သူတို့အားလုံးက လော်ယွီရှို့၏ နောက်ကွယ်တွင်သာ “အမြောက်ကြီး” ဟု ခေါ်ရဲကြသော်လည်း လုချင်းလန်ကတော့ လော်ယွီရှို့၏ မျက်နှာရှေ့တွင်ပင် ထိုသို့ ခေါ်ရဲခဲ့သည်။</p> <p> </p> <p>လုချင်းလန်က အမှန်တကယ်ပင် စစ်သည်တော်တစ်ဦးအဖြစ်သတ်မှတ်နိုင်သည်။</p> <p> </p> <p>သူတို့အားလုံးကတော့ အရှုံးကို အလွယ်တကူ ဝန်ခံလိုက်ကြရလေသည်။</p> <p> </p> <p>*</p> <p> </p> <p>စုဝေ့ဟိုင်သည်လည်း စုဝေ့ချင်း၏ မင်္ဂလာပွဲ သတင်းကို ချက်ချင်းပင် သိရှိခဲ့ပြီး ဝူလီကိုခေါ်ကာ ကူညီရန်အတွက် အမြန်ရောက်လာခဲ့လေသည်။</p> <p> </p> <p>ဝူလီက စုဝေ့မင်ထံမှ တင်တောင်းခငွေ ယွမ် ၁,၀၀၀ ပေးရန်အတွက် စီစဉ်ထားကြောင်းကို ကြားလိုက်ရချိန်တွင် ချက်ချင်းပင် မကျေမနပ် ဖြစ်သွားခဲ့သည်။</p> <p> </p> <p>သူမက လော်ယွီရှို့၏ နောက်ကွယ်တွင် စုဝေ့ဟိုင်ဆီသို့ညည်းညူပြောဆိုခဲ့သည်။</p> <p> </p> <p>“ဘာလို့ တတိယယောက်မကျတော့ တင်တောင်းကြေး ယွမ် ၁,၀၀၀တောင် ရပြီး၊ ကျွန်မကျတော့ ယွမ် ၅၀၀ ပဲ ရတာလဲ..</p> <p> </p> <p>ရှင့်မိဘတွေက တကယ်ကို ဘက်လိုက်တာပဲ၊ အငယ်ဆုံးသားကိုပဲ ချစ်ကြတယ်”</p> <p> </p> <p>စုဝေ့ဟိုင်က နှစ်သိမ့်စကား တချို့ကို ပြောရန် ပြင်လိုက်သော်လည်း</p> <p>လော်ယွီရှို့က နောက်တစ်ကြိမ်ရုတ်တရက် ပေါ်လာခဲ့ပြန်သည်။</p> <p> </p> <p>“ငါ ဝေ့ဟိုင်အတွက်လည်း တစ်ထောင် သုံးခဲ့တာပဲလေ၊ အရင်တစ်ယောက်အတွက် ငါးရာ၊ နင့်အတွက် ငါးရာ”</p> <p> </p> <p>ဝူလီ : “...”</p> <p> </p> <p>ဒီလိုမျိုး တွက်လို့ရတာလား။</p> <p> </p> <p>“သူ့အဖေနဲ့ ငါက အရမ်းကို တရားမျှတတဲ့လူတွေပဲ၊ ဝေ့ယန်အတွက်လည်း နောက်ထပ် ငါးရာ အပိုပေးဖို့ ပြင်ထားတယ်၊ ဒါဆိုရင် ညီအစ်ကို သုံးယောက်စလုံးက တစ်ထောင်စီ ရကြမှာပေါ့</p> <p> </p> <p>ငါတို့က ဘယ်သူ့ကိုမှ ဘက်မလိုက်ဘူး၊ ဒါကြောင့် ငါ့ကို မမျှတဘူးလို့ လာမပြောနဲ့”</p> <p> </p> <p>လော်ယွီရှို့၏ ဆိုလိုရင်းက အလွန်ပင် ရှင်းလင်းပေ၏။</p> <p> </p> <p>သူမက ဘက်မလိုက်ပါချေ။ ဝူလီကသာ နောက်ကျမှ ရောက်လာသူဖြစ်သဖြင့် ဒုတိယဇနီးသာ ဖြစ်ကြောင်းပြောချင်ခဲ့ခြင်းသာဖြစ်သည်။</p> <p> </p> <p>ဝူလီတစ်ယောက် ဝမ်းနည်းသွားသော်လည်း မည်သို့ ပြန်လည်ချေပရမည်ကို မသိခဲ့ချေ။</p> <p> </p> <p>ယောက္ခမများက သူတို့၏ သားများအပေါ်တွင် အမှန်တကယ်ပင် မျှတကြသည်။ သို့သော်လည်း ချွေးမအပေါ်တွင်တော့ ထည့်တွက်ခြင်း မရှိကြပေ။</p> <p> </p> <p>ပြန်စဉ်းစားကြည့်လျှင် ဒုတိယနှင့် တတိယချွေးမများမှာ လူပျိုများနှင့် အိမ်ထောင်ကျခဲ့ပြီး တစ်ဦးလျှင် တစ်ထောင်စီ ရရှိကြသည်။</p> <p> </p> <p>သူမသည်က အိမ်ထောင်ကွဲတစ်ဦးနှင့်သာ ရရှိခဲ့သော်လည်း ငါးရာသာ ရရှိခဲ့သည်။ ထို့အပြင် တခြားအမျိုးသမီးတစ်ဦး၏ ကလေးကိုလည်း ပြုစုစောင့်ရှောက်နေရပေသည်။</p> <p> </p> <p>ဝူလီတစ်ယောက် တွေးတောလေလေ စိတ်ခံစားချက်မကောင်းဖြစ်လေလေ ဖြစ်လာရသောကြောင့် စုဝေ့ဟိုင် ကြည့်သော အကြည့်များမှာလည်း မကျေမနပ် ဖြစ်လာခဲ့ရ၏။</p> <p> </p> <p>“ကောင်းပြီ၊ စိတ်မဆိုးပါနဲ့တော့၊ အိမ်ပြန်ရောက်ရင် ငါ မင်းအတွက် ငါးရာ ပြန်ဖြည့်ပေးပါ့မယ်၊ ဟုတ်ပြီလား”</p> <p> </p> <p>စုဝေ့ဟိုင်က ဝူလီကိုချော့မော့လိုက်လေသည်။</p> <p> </p> <p>“ရှင့်ပိုက်ဆံက ကျွန်မရဲ့ပိုက်ဆံ မဟုတ်ဘူးလား”</p> <p> </p> <p>ဝူလီက ပို၍ပင် ဒေါသထွက်သွားရလေ၏။ စုဝေ့ဟိုင်ထံတွင် လျှို့ဝှက်စုဆောင်းထားသော ငွေများ ရှိနေလိမ့်မည်ဟု သူမ မထင်ထားခဲ့ပါချေ။</p> <p> </p> <p>သူမက စုဝေ့ဟိုင်ကို သူမ၏ လက်ခုပ်ထဲတွင် ထားနိုင်လိမ့်မည်ဟု မျှော်လင့်ခဲ့သော်လည်း တကယ်တမ်းတွင် တစ်ဖက်လူက ကိုယ်ပိုင်အစီအစဉ်များ ရှိနေခဲ့သည်။</p> <p> </p> <p>သူမ တွေးမိလေလေ ပို၍ စိတ်ပျက်လေလေ ဖြစ်လာရသည်။</p> <p> </p> <p>သူမက လွန်ခဲ့သော ကာလများအတွင်း ခင်ပွန်းဖြစ်သူနှင့် ချစ်ခင်ကြင်နာသောဆက်ဆံရေးကြောင့် မျက်စိကွယ်နေခဲ့ပြီး စုဝေ့ဟိုင်နှင့် ကလေးယူရန်ပင် စဉ်းစားခဲ့မိသေးသည်။</p> <p> </p> <p>စုဝေ့ဟိုင်က ဘာကိစ္စအတွက် ပိုက်ဆံတွေကို ဝှက်ထားမှာလဲ။</p> <p> </p> <p>သူ့ရဲ့ သားနှစ်ယောက်အတွက်ပဲ မဟုတ်ဘူးလား။</p> <p> </p> <p>ဤကလေးများက အသက်အလွန်ငယ်ရွယ်နေသေးသော်လည်း သူက ကြိုတင်ပြင်ဆင်နေခဲ့ပေပြီ။ သူတို့ အရွယ်ရောက်လာပါက မည်သို့ ဖြစ်လာမည်နည်း။</p> <p> </p> <p>သူမ၏ ကိုယ်ပိုင်ကလေးများက လုံးဝ အမေ့လျော့ခံဖြစ်သွားရပေလိမ့်မည်။</p> <p> </p> <p>ဝူလီတစ်ယောက် တွေးတောပြီး ပို၍ စိတ်မကောင်း ဖြစ်လာရ၏။ သူမအနေဖြင့် မူလကတည်းက ထိုကလေးနှစ်ယောက်ကို သိပ်ပြီးသဘောမကျခဲ့ပါချေ။ ယခုအချိန်တွင်တော့ သူမ၏ နှလုံးသားထဲမှ ဆူးတစ်ချောင်းကဲ့သို့ ဖြစ်လာခဲ့ချေပြီ။</p> <p> </p> <p>သူမက ဆိုးရွားသောမိထွေးများကဲ့သို့ ဖြစ်ချင်ခဲ့သော်လည်း သူမ၏ ကြင်နာတတ်သော အသိစိတ်က ကလေးနှစ်ယောက်ကို နှိပ်စက်ရန် ခွင့်မပြုခဲ့ပါချေ။</p> <p> </p> <p>ထို့ကြောင့် စုဝေ့ဟိုင်ကသာ လူယုတ်မာ ဖြစ်ပေသည်။</p> <p> </p> <p>ဝူလီတစ်ယောက် ဒေါသထွက်လွန်းသဖြင့် မျက်ရည်များပင် ဝဲလာခဲ့၏။</p> <p> </p> <p>သူတို့ဇနီးမောင်နှံက ကလေးကိုလည်း ခေါ်လာခဲ့သည်။</p> <p> </p> <p>ထိုကလေးများက ယခုအချိန်တွင်  စုဝေ့ချင်းနှင့်အတူ အခန်းထဲတွင် ဆောင့်ကြောင့်ထိုင်ကာ ကြမ်းပြင်ကို တူးဆွနေခဲ့လေသည်။ကြမ်းပြင်ပေါ်မှ အညစ်အကြေးများကိုလည်း ခြစ်ထုတ်ရန် လိုအပ်သည်။ ပရိဘောဂများကို အပြင်သို့ ထုတ်ထားချိန်အတွင်း ယခင်က လက်လှမ်းမမီသော နေရာများကို သန့်ရှင်းရေးလုပ်ရန်အဆင်ပြေလာခဲ့သည်။</p> <p> </p> <p>စုဝေ့ချင်းအနေဖြင့် ယခင်က သန့်ရှင်းရေးကို ဂရုမစိုက်ခဲ့သော်လည်း ယခုတွင်တော့ အခြေအနေများက ပြောင်းလဲသွားခဲ့ပြီ။</p> <p> </p> <p>  သူသည်က မကြာခင် လက်ထပ်တော့မည်ဖြစ်ပေ၏။ လီရှန်းက သန့်ရှင်းမှုကိုနှစ်သက်သူဖြစ်သောကြောင့်  သူသည်လည်း ပို၍ ကြိုးစားရမည်။ သန့်ရှင်းပြီး အလုပ်ကြိုးစားသော အမျိုးသားတစ်ဦးဖြစ်လာရပေမည် ။</p> <p> </p> <p>သို့နှင့် ဦးလေးတစ်ယောက်နှင့် တူလေးနှစ်ယောက်ပါဝင်သော ထိုအမျိုးသားသုံးဦးတို့က အလွန်ပင် ကြိုးစားပမ်းစား အလုပ်လုပ်နေခဲ့ကြသည်။</p> <p> </p> <p>ထိုအချိန်တွင် စုဝေ့ဟိုင်နှင့် သူ၏ဇနီးတို့က လော်ယွီရှို့နှင့် စကားပြောနေသည်ကို စုဝေ့ချင်း ကြားလိုက်ရသည်။ သူ ချက်ချင်းပင် ကြမ်းပြင်ကိုခြစ်နေခြင်းကို ခေတ္တရပ်လိုက်လေ၏။ ထို့နောက် တိတ်တဆိတ် ထရပ်ပြီး တံခါးကို ပိတ်လိုက်လေသည်။</p> <p> </p> <p>ထို့နောက် သူ၏ တူလေးနှစ်ဦးထံသို့ ပြန်လာပြီး မေးလိုက်သည်။</p> <p> </p> <p>“မင်းတို့ရဲ့အဒေါ်က အိမ်မှာရှိနေရင်လည်း မင်းတို့ကို ဒီလိုပုံစံနဲ့ စကားပြောတာလား”</p> <p> </p> <p>ရှောင်ချန်က နားမလည်စွာဖြင့် မော့ကြည့်လိုက်သည်။</p> <p> </p> <p>“စကားပြောတာလား”</p> <p> </p> <p>သူက ရှောင်ကျွင့်ဘက်သို့ လှည့်ကြည့်လိုက်သည်။</p> <p> </p> <p>“အဒေါ်ဝူက မင်းနဲ့ စကားပြောဖူးလား”</p> <p> </p> <p>ရှောင်ကျွင့်က ခေါင်းခါလိုက်သည်။</p> <p> </p> <p>“အဒေါ်ဝူက ကျွန်တော်နဲ့လည်း စကားမပြောဘူး၊ ကောနဲ့လည်း စကားမပြောဘူး”</p> <p> </p> <p>“မင်းတို့ရဲ့အဖေ ရှိနေတဲ့အချိန်မှာတောင် သူမက မင်းတို့နဲ့ စကားမပြောဘူးလား”</p> <p> </p> <p>“ဟုတ်တယ်၊ အဖေ အိမ်မှာရှိရင် အဒေါ်ဝူက သူ့ကိုပဲ အမြဲတမ်းစကားပြောနေတာ၊ သူမက စကားတွေ အများကြီး ပြောတယ်”</p> <p> </p> <p>ရှောင်ကျွင့်က အနည်းငယ်စိတ်ပျက်နေပုံရ၏။ သူက ခေါင်းငုံ့ကာ ဂေါ်ပြားလေးကို လက်လေးနှင့် မြဲမြဲကိုင်ပြီး ကြမ်းပြင်ကို နှစ်ချက်၊ သုံးချက် တူးလိုက်ကာ ညည်းညူလိုက်သည်။</p> <p> </p> <p>“အဖေက ကျွန်တော်တို့နဲ့တောင် စကားပြောဖို့ အချိန်မရှိတော့ဘူး”</p> <p> </p> <p>“ဟုတ်တယ်၊ ကျွန်တော်က ဒီစာသင်နှစ်ကုန်မှာ ဆုလက်မှတ် ရခဲ့တာတောင် အဖေ့ကို မပြောရသေးဘူး”</p> <p> </p> <p>စုဝေ့ချင်း : “...”</p> <p> </p> <p>ဒါက ဘာသဘောလဲ။</p> <p> </p> <p>သွယ်ဝိုက်ပြီး နှိပ်စက်နေတာလား။</p> <p> </p> <p>ဝူလီ၏ အပြုအမူများက ရည်ရွယ်ချက်ရှိရှိလား၊ မတော်တဆလား ဆိုသည်က သံသယရှိစရာဖြစ်လာခဲ့သည်။ သို့သော် စုဝေ့ချင်းအနေဖြင့် အကြီးမားဆုံး ပြဿနာမှာ စုဝေ့ဟိုင်တွင်သာ ရှိသည်ဟု ခံစားမိပေသည်။</p> <p> </p> <p>ခင်ပွန်းတစ်ဦးအနေဖြင့် သူသည်က ဇနီးဖြစ်သူကို နားလည်အောင် မပြောနိုင်ခဲ့သကဲ့သို့၊ ဖခင်တစ်ဦးအနေဖြင့်လည်း သူ၏ တာဝန်များကို ပျက်ကွက်ခဲ့သည်။</p> <p> </p> <p>ဤသို့သာ ဆက်သွားနေပါက ကြီးမားသော ပြဿနာများက အမှန်တကယ်ပင် ပေါ်လာပေလိမ့်မည်။</p> <p> </p> <p>သို့သော် သူ့အနေဖြင့် ရဲဘော် လော်ယွီရှို့ကိုလည်း မပြောရဲချေ။ သို့မဟုတ် သူမက ဒေါသပေါက်ကွဲပေလိမ့်မည်။</p> <p> </p> <p>ထိုသို့ဖြစ်လျှင် သူ၏ အစ်ကိုကြီး၏ အိမ်ထောင်ရေးသာ နောက်ထပ် ပြဿနာတက်သွားလျှင် အခြေအနေက ဆိုးရွားသွားပေလိမ့်မည်။</p> <p> </p> <p>သေသေချာချာ စဉ်းစားပြီးနောက် သူက ရဲဘော် စုဝေ့မင်ကိုသာ ပြောပြရန် ဆုံးဖြတ်လိုက်၏။ ဖခင်တစ်ဦးအနေဖြင့် ထိုသူက ပို၍အတွေ့အကြုံရှိပြီး ဇနီးနှင့် သားကြားရှိ ဆက်ဆံရေးကို မည်သို့ကိုင်တွယ်ရမည်ကို ရှင်းလင်းစွာ သိပေလိမ့်မည်။</p> <p> </p> <p>ဖြေရှင်းနည်းကို ရှာတွေ့သွားသောကြောင့် စုဝေ့ချင်း သက်ပြင်းချလိုက်မိသည်။</p> <p> </p> <p>ထို့နောက်တွင် ရုတ်တရက် အိမ်ထောင်ပြုခြင်းဆိုသည်က ခက်ခဲသော ပုစ္ဆာတစ်ပုဒ်ဖြစ်ကြောင်း သတိပြုမိလိုက်လေသည်။</p> <p> </p> <p>နောက်ပိုင်းတွင် သူက ဘက်ပေါင်းစုံမှ ဆက်ဆံရေးများကို မျှတအောင် ကြိုးစားရမည်ဖြစ်ပြီး တာဝန်ယူမှုရှိကာ အားကိုးထိုက်သော အမျိုးသားကောင်းတစ်ဦး ဖြစ်လာစေရမည်။</p> <p> </p> <p>အရေးကြီးဆုံးမှာ သူ့အနေဖြင့် ရဲဘော်လီရှန်းအတွက် ထောက်တိုင်ကောင်းတစ်ခု ဖြစ်လာစေရန်နှင့် သူမ၏ အကောင်းဆုံးသော ဘဝလက်တွဲဖော်ဖြစ်လာစေရန် ကြိုးစားအားထုတ်ပြီး လေ့လာသင်ယူရပေမည်။</p> <p> </p> <p>“မဆိုးဘူးပဲ!”</p> <p> </p> <p>ရုတ်တရက် သူ၏ စိတ်ထဲတွင် အသံတစ်ခုက ပဲ့တင်ထပ်လျှက် ထွက်ပေါ်လာခဲ့သည်။</p> <p> </p> <p>စုဝေ့ချင်း : “... ဘယ်သူလဲ”</p> <p> </p> <p>ထိုအသံက ရုတ်တရက် ပြန်လည် ပျောက်ကွယ်သွားခဲ့ပြန်သည်။ စုဝေ့ချင်း ခေတ္တမျှ ကြောင်အသွားပြီးနောက် အောက်သို့ ငုံ့ကာ သူ၏ တူနှစ်ဦးကို မေးလိုက်၏။</p> <p> </p> <p>“မင်းတို့ တစ်ခုခုထူးဆန်းတဲ့ အသံကိုကြားလိုက်လား”</p> <p> </p> <p>“မကြားပါဘူး”</p> <p> </p> <p>တူလေးနှစ်ဦးလုံးက ခေါင်းလေးများကို ပြိုင်တူမော့ကြည့်လာခဲ့ကြပြီး နှစ်ဦးလုံး၏ မျက်နှာတွင် နားမလည်နိုင်သော အမူအရာများရှိနေခဲ့သည်။</p> <p> </p> <p>စုဝေ့ချင်းတစ်ယောက် ခေါင်းကို အသာစောင်းလိုက်မိသည်။</p> <p> </p> <p>သူ နားကြားမှားသွားတာများလား။</p> <p> </p> <p>စာရေးသူမှာ ပြောစရာရှိပါတယ်:</p> <p> </p> <p>ရဲဘော် ရှောင်စုရဲ့ သင်ယူရေးစနစ်က ရောက်ရှိလာပါပြီ။</p> <p>***</p> <p> </p>


Save